Family Dental Clinic-Dr Thushara Fonseka

08/08/2026

Changing the way you smile can make a huge difference ! Outcome in less than one year after treating with conventional braces.

04/08/2026

ඔබ ළදරුවවෙකුගේ මවක් නම් ඔවුන්ගේ කිරි දත් පිළිබදව ගැටලු තිබෙන්නට පුළුවන.
ඒවා නිසි වයසට නිසි පරදි හා නිසි ලෙස මුඛ කුහරය තුල පිහිටිය යුතු ආකාරය හා ඒවා රැකබලා යුතු ආකාරය පිළිබද ඔබ දැනුවත් ද?

09/05/2026

මොනවාද මේ Clear Aligners?

Clear Aligners යනු දන්ත සැකැස්ම නිවැරදි කිරීම සඳහා භාවිතා කරන, පැහැදිලි සහ ඉවත් කළ හැකි විකලාoග දන්ත orthodontic උපකරණයකි. සාම්ප්‍රදායික ලෝහ braces වලට විකල්පයක් ලෙස වර්ධනය වූ මෙම තාක්ෂණය, computer-aided design (CAD) සහ three-dimensional digital imaging මත පදනම්ව එක් එක් රෝගියාට විශේෂයෙන් නිර්මාණය කරනු ලබන තාක්ෂණික මෙවලමකි.

Clear aligners සාමාන්‍යයෙන් thermoplastic polyurethane ,multilayer medical-grade polymer වැනි ද්‍රව්‍ය වලින් සාදා ඇති අතර, දන්ත මතුපිට පෘශ්ථයට සෘජුවම ගැලපෙන පරිදි සකස් කරනු ලැබේ. එම aligners මගින් දත් වලට ක්‍රමානුකූල, මෘදු සහ නිරන්තර බලයක් (controlled orthodontic force) යොදමින් දත් චලනය සිදු කරයි. මේ ක්‍රියාවලිය periodontal ligament remodeling සහ alveolar bone resorption/apposition යන ජෛවීය ක්‍රියාවලීන් මත පදනම් වේ.

සාම්ප්‍රදායික Fixed Orthodontic Braces සමඟ සසඳන විට clear aligners පැළදීමේදී පෙනුම අතින් වඩාත් පිළිගැනෙන අතර පැලදීමේදී පිටතට නෙපෙනෙනෙ තරම්‍ වේ.ආහාර ගැනීමේදී සහ දත් පිරිසිදු කිරීමේදී ඉවත් කළ හැකි බැවින් පිරිසිදුකම පවත්වා ගැනීම පහසු කරයි. සාමාන්‍ය braces මෙන් Brackets සහ arch wires නොමැති නිසා මුඛය තුවාල වීම් වැනි ගැටලු අඩුවේ. එමෙන්ම aligners භාවිතයේදී දත්වල මැලියම් එකතු වී ඝණ වීම සහ විදුරුමස් ආසාදනය සාමාන්‍යයෙන් අඩු බව පර්යේෂණවලින් පෙන්වා දී ඇත.

කෙසේ වෙතත්, clear aligners සෑම විකෘතිතාවකට සමාන ලෙස සුදුසු නොවේ. ඇතැම් අවස්ථාවලදී fixed appliance therapy තවමත් වඩාත් ප්‍රයෝජනවත් ලෙස සැලකේ. ඇතැම් විකෘතිතා සදා Aligners වඩාත් සුදුසු වන අතර පහසුවෙන් ඉකමණින් නිවරදි කල හැකි වේ.Aligners වල සාර්ථකත්වය රෝගියාගේ කැමවීම මත (patient compliance) රඳා පවතින අතර, දිනකට නිශ්චිත කාලයක් පැළඳීම අත්‍යවශ්‍ය වේ.

වර්තමාන විකලාoග ක්ෂේත්‍රයේදී clear aligner therapy යනු aesthetics, digital dentistry සහ minimally invasive biomechanics එකට ඒකාබද්ධ කළ නවීන ප්‍රතිකාර ක්‍රමයක් ලෙස සැලකේ. Artificial intelligence-assisted treatment planning, intraoral scanning සහ 3D printing තාක්ෂණයන්ගේ වර්ධනයත් සමඟ clear aligners භාවිතය ගෝලීයව වේගයෙන් ව්‍යාප්ත වෙමින් පවතී.

මෙරටදී ද මෙම ප්‍රතිකාර සදහා දැන් අවස්ථාව පවතී.

-දන්ත ශල්‍ය වෛද්‍ය තුෂාර ෆොන්සේකා.

22/04/2026

රෑට නිදා සිටින විට දත් කැක්කුම් වැඩි වන්නේ ඇයි?

මෙය රෝගින්ගේ ඉතා සුලභ තත්වයකි.මෙය දත් කැක්කුම් වලට පමණක් නොව කන් කැක්කුමට(Middle ear infections) හා ඇතැම් හිසේ කැක්කුම් වලටද පොදු තත්වයකි.මෙයට හේතුව කුමක්ද මහ රෑ උහුලන්න බැරි දත් කැක්කුමක් ආවොත් එය අවම කර ගැනීමට නිවසේදී කලහැකි යමක් වේද?

මෙලෙස රෑ නිදා සිටින විට දත් කැක්කුම් වැඩි වීමට හේතු කීපයක් තිබේ.
ඉන් ප්‍රධානතම හේතුව වැතිර සිටින විට හිසට රුධිර සැපයිම වැඩි වී දත් තුල රුධිර පීඩනය වැඩි වේ.දතේ ඇතුලත ආසාදනයක් පවතින විට මෙම අමතර පීඩනට ස්නායු මත අමතර සන්වේදන ඇතිකර අධික වේදනාවක් ඇති කල හැක.දත තුල පීඩනය වැඩි වුවහොත් එය ආවරණය වූ කුහරයක් බැවින් බොහෝ සෙසු පටක මෙන් පීඩනය පිටකිරීමට කිරීමටද නොහැක.
එසේම රාත්‍රියේදී ශරීරයේ cortisol හෝමෝන මට්ටම අඩුවේ.එය ප්‍රදාහ පාලන (Anti inflammatory hormone )හෝමෝනයකි.එබැවින් ප්‍රදාහ මට්ටම වැඩි වීමට එයද හේතුවකි.එබැවින් වේදනාව වැඩි වේ.
තවද රාත්‍රියේදී අපට ලැබෙන බාහිර සන්වේදක උත්තේජන (Sensory inputs ) අඩු නිසා මොලය මෙවැනි වේදනාවකට දෙන ප්‍රමුඛත්වය හා අවධානය වැඩි වීම මතද වේදනාව වැඩිපුර දැනේ.සරලව කිවහොත් දහවලට වඩා මොලයේ සන්ව්දන බාහිකයට (sensory cortex ) රාත්‍රියට වැඩ අඩු ය.
රාත්‍රියේ ඇති සාපේක්ෂව අඩු උෂ්ණත්වයද වේදනාව පහඩුවෙන් උත්තේජනය කරයි.

රාත්‍රියේදී මෙසේ ඇති වන කැක්කුම ඉහිලීමට අපහසු තරම් විය හැකි අතර එසැනින් ව්‍යෛදවරයෙකු හමු වීමටද නොහැකි විය හැක.
මෙවැනි අවස්ථාවක අපට කල හැකි දේ මොනවාද ?

හිස මදක් ඔසවා තැබීමෙන් හිසේ රුධිර පීඩනය අඩු වී සහනයක් ලැබේ.
එලෙසම දත් වල කුහර හෝ කැක්කුම් ඇති විට නින්දට පෙර අධික උණුසුම් හෝ අධික සීතල ආහාරපාන වලින් වැලකී සිටීම යෝග්‍ය වේ.
ඔබ සතුව සරල වේදනා නාශක පෙත්තක් තිබේ නම් .උදා Paracetamol වැනි over the counter pain killer,එයට ආසාද්මිකතා නොවේ නම් එය භාවිතා කල හැක.
එසේම බොහෝ දත් කැක්කුම විශබීජනාශක මුඛ සෝදන දියරයකින් (Anriseptic mouth wash)කටසේදීමෙන් හෝ එවැන්නක් නොමැති නම් ලුණු වතුරෙන් කට සේදීමෙන් ද යම් පමණකට සමණය වේ.
ශරීර්යේ බාහිරින් ගල්වන බාම් වර්ග දත් හෝ විදුරුමස්වල ගැල්වීම නොකර යුතු අතර එවිට වේදනාව උත්සන්න වීමට හා මුඛයේ මෘදු පටක වලට හානිවීමට හැක.

දීමට හැකි වැදගත්ම උපදේශය නම් සතියකට දෙකකට වරක්වත් කණ්නාඩියකින් හොදට ආලෝකය ඇති තැනකට ගොස් ස්වයo මුඛ පර්‍ර්ක්ෂාවක් ඔබම කරගන්න .දත් වල හෝ මුඛයේ සෙසු පටකවල යම් වෙනසක් නිරීක්ෂණය වුවහොත් ඔබගේ දන්ත වෛද්‍යවරයා නොපමාව හමුවන්න.දත් කුහර වැනි දෑ ප්‍රතිකාර කිරීම මුල් අවස්ථාවේදී ම කර ගත් යුතු අතර ඒවා වෙනත් රෝග මෙන් ඉබේ සුව නොවේ.ප්‍රමාද වීමෙන් වන්නේ වේදනාව හා ප්‍රතිකාර වල සoකීර්ණතාව ඉහල යාම පමණි.
ඊට අමතරව මාස හයකට වරක් වෛද්‍යවරයකු හමුවී පූර්ණ මුඛ පර්‍රක්ශාවක් කර ගැනීම ඉතාම සුදුසු වේ.

-දන්ත ශල්‍ය වෛද්‍ය තුෂාර ෆොන්සේකා-

31/12/2025

28/09/2025

Smile tranformation just after 8 months of Othodontic treatment!

18/05/2025

Smile transformation !

09/01/2025

මියුකෝසීල්ස් (Mucocele) ගෙඩි

මුඛය හා විශේශයෙන් තොල් ආශ්‍රිතව මෙවැනි ගෙඩි හටගැනීම සාපේක්ෂව සුලභ තත්ත්වයකි.කල් පවතින ලක්ෂණය නිසාම බොහෝ අය පිළිකා කියා වරදවා වටහාගන්නා හා පිළිකා කියා බිය වන මේවා ඇතැම් විට අඩු වැඩි වීම් සිදුවේ.ලමයින්ගේද නිතර හටගන්නා මේවා ක්‍රමයෙන් විශාල විය හැක.
මේවා හට ගන්නේ කෙසේද ?
ශ්ලේෂ්මල පටක වල ඇති කුඩා ඛේට ග්‍රන්ථි (Minor salivary glands)අවහිර වීම මෙහිදී සිදුවේ.
හදිසි අනතුරු වලින් පසුව,තැලීම් වලින් පඩුව හා වෙනත් ආකාරයේ ඛේට ග්‍රන්ථි අවහිරවීම් නිසා මේවා හට ගනී.ඇතැම්විට කලක් තිස්සේ තියුණු දත් කොටස් මගින් මුඛ පටල හානි වීමෙන් (Chronic irritation)ද මේවා හට ගත හැක.
ප්‍රතිකාර ලෙස බොහෝ විට සිදුකරනු ලබන්නේ ශල්‍යකර්ම මගින් අවහිර වූ ග්‍රන්ථින් ඉවත් කිරීමයි.මෙය කෙටි කාලයකින් එම ස්ථානය පමණක් හිරිවට්ටා කල හැහි ශල්‍යකර්මකි.ඊට අමතරව ලේසර් ප්‍රතිකාරද සිදුකරනු ලබයි.දින කීපයකින් සම්පූර්ණ සුවය ලැබේ.නමුත් මෙලෙස හානි වූ ග්‍රන්ථි පූර්ණ වශයෙන්ම ඉවත් කිරීම සිදු කල යුතුය .නැත්නම් නැවට හට ගනී.
මේවාට වෛද්‍ය උපදෙස් වලින් තොරව විවිධ ආලේපන ගැල්වීම හෝ අත්බෙහෙත් කිරීම මගින් වෙනත් සන්කූලතා ඇතිවිය හැක.
සුදුසුම දෙය නම් ඉක්මනින්ම ඉවත් කරවා ගැනීමයි!

-වෛද්‍ය තුෂාර ෆොන්සේකා

05/01/2025

හදිසි අනතුරකින් මුඛයේ හ මුහුණට සිදුවූ හානි නැවත සකස් කර ප්‍රකෘති පෙනිමක් ලබා දීම.

28/07/2024

Changing destiny!