08/07/2026
මේ දිනවල පවතින වැසි සහිත කාලගුණයත් සමඟ අපේ රට තුළ ඩෙංගු රෝගීන්ගේ සංඛ්යාව ඉතා සීඝ්රයෙන් ඉහළ යමින් පවතිනවා. සෞඛ්ය අංශ පවසන පරිදි දැනටමත් රට පුරා විශාල රෝගීන් ප්රමාණයක් වාර්තා වී ඇති අතර, ජීවිත හානි කිහිපයක්ද සිදු වී තිබෙනවා.
මෙම ඩෙංගු වසංගත තත්ත්වය අපි කිසිසේත්ම සුළුවෙන් තැකිය යුතු නැහැ. ඔබේ නිවස, කාර්යාලය හෝ දරුවන් යන පාසල අවට මදුරුවන් බෝවන ස්ථාන තිබේදැයි අදම සොයා බලන්න.ඒ වෙනුවෙන් පියවර ගන්න.
මේ රෝග ලක්ෂණ ගැන අවධානයෙන් සිටින්න.
• හදිසියේ ඇති වන අධික උණ.
• අධික හිසරදය (විශේෂයෙන් ඇස් යට/ඇස් පිටුපස රිදීම).
• ශරීරය කැක්කුම (මාංශ පේශි සහ හන්දිපත්වල දැඩි වේදනාව).
• වමනය සහ ඔක්කාරය.
• වසා ගැටිති ඉදිමීම.
• සමෙහි රතු ලප මතු වීම (උණ වැළඳී දින 2–5 කට පසු).
🔴 අන්තරායකර ඩෙංගු තත්ත්වය (Dengue Hemorrhagic Fever) 🦟
බොහෝ දෙනෙකු සාමාන්ය ප්රතිකාර මඟින් සුවය ලැබුවද,ඩෙංගු රෝගය ජීවිත අවදානමක් විය හැකි බරපතල තත්ත්වයකට පත්විය හැක. රෝගය වැළඳී දින 3–7 ත් අතර කාලයේදී උණ බැස යනවාත් සමඟ පහත අන්තරායකර ලක්ෂණ මතු විය හැක.
• අධික උදර වේදනාව
• නොනවත්වා වමනය යෑම
• ශ්වසන වේගය ඉහළ යාම (හති දැමීම)
• විදුරුමස් හෝ නාසයෙන් ලේ ගැලීම
• අධික තෙහෙට්ටුව හෝ නොසන්සුන් බව
• වමනය හෝ මළපහ සමඟ ලේ පිටවීම
මෙවැනි ලක්ෂණ මතු වූ වහාම ප්රමාද නොකර වෛද්ය ප්රතිකාර සඳහා රෝගියා රෝහල් ගත කළ යුතුය.
💡 අපට කළ හැක්කේ කුමක්ද?
පරිසරය පිරිසිදුව තබා ගැනීම.
නිවස අවට වතුර රැඳෙන ටින්, බෝතල්, පොල්කටු, ටයර් සහ මල් පෝච්චි නිරන්තරයෙන් පරීක්ෂා කර පිරිසිදු කරන්න.
ස්වයං ප්රතිකාරවලින් වැළකීම,උණ වැළඳී දින 2ක් ඉක්ම ගියහොත්, පැරසිටමෝල් හැර වෙනත් වේදනා නාශක (Ibuprofen, Aspirin වැනි) භාවිතයෙන් වැළකී වහාම සුදුසුකම් ලත් වෛද්යවරයකු හමුවන්න.
මදුරු දෂ්ටනයෙන් ආරක්ෂා වීම.විශේෂයෙන්ම උදෑසන සහ සවස් කාලයේ මදුරුවන්ගෙන් ආරක්ෂා වීමට පියවර ගන්න.
📢 "මතක තබා ගන්න, මදුරුවෙකුට බිත්තරයක් දැමීමට අවශ්ය වන්නේ පිරිසිදු වතුර රැස් වන ස්ථානයක් පමණි.
අදම ඔබේ වටපිටාව සුද්ධ කරන්න. ඔබේ පවුලේත්, මුළු රටේත් ආරක්ෂාව වෙනුවෙන් මේ පණිවිඩය Share කර සියලු දෙනා දැනුවත් කරන්න. 🙏
Dr.Ravishan Waduge
Saundarya Clinic-Rajagiriya
