30/08/2026
ඔබත් අසමත් ජාතියෙක් නොවන්න
අද මා විසින් ඉදිරිපත් කරන මෙම ලිපිය මගින් පැහැදිලි කිරීමට බලාපොරොත්තු වන්නේ බොහෝ දෙනෙක් භවිතා කරන වචනයක් වන අසමත් ජාති යන වචනෙයේ නිවැරදි ධර්ම අර්ථය වන බව ඔබ හොදින් වටහා ගත යුතුවේ .
බොහෝ වැඩිහිටියන් දරුවන්ට මේක නම් මහ අසමත් ජාතියෙක්,ඔය අසමත් ජාති වැඩේ කරන්න එපා ආදී කියන අයුරු ඔබ කොතෙකුත් දැක ඇත.එම අය ඔය වචනය එසේ කීවාට එම වචනයේ හරය, තේරුම දැනගෙන එසේ කියනවා නොවන බව ඔබ හොදින් තේරුම් ගත යුතුවේ .
අසමත් යනු සමත් නෑ යන අර්ථය දැක්වෙන අතර ජාති යනු උපත යන වචනයට මාගදී භාෂාවෙන් අර්ථ දක්වා ඇති අන්දම වනු ඇත. මොනවටද මේ සමත් නැත්තෙ යනුවෙන් මා පහත ඡේදය තුලින් පැහැදිලි කිරීමට බලාපොරොත්තු වෙමි .
මේ දුක් සහිත සසරට බැදි බැදි මැරෙමින් උපදිමින් අනන්ත දුක් කන්දකට හසුවීමට හේතුව වන්නේ මෙන්න මේ අසමත් වීම බව ඔබ හොදින් තේරුම් ගන්න. සියළු ලෝක සත්වයාම මෙන්න මේ දුක් පැවැත්මකට හසුවී දුක් විදීමට හේතුව වන්නේ තමුන් තුල උපදින රාගය, ද්වේශය හා මෝහය නවතාලීමට ඇති නොදැනුවත්කම, නොහැකියාව නිසා බව ඔබ හොදින් තේරුම් ගන්න.එසේ තමුන් රාගයෙන්, ද්වේශයෙන් හා මෝහයෙන් කටයුතු කරන පුද්ගලයා නිසැක වශයෙන්ම නැවත උපතක් ලැබීම ජාති යනුවෙන් හදුන්වා ඇත. අන්න එවන් පුද්ගලයා අසමත් ජාතියෙක් බව බුදු පියානන් වහන්සේ ඉතා පැහැදිලිව දේශනා කර ඇත .
ඔබත් මෙතෙක් කලක් අසමත් ජාතියෙකු වශයෙන් කටයුතු කර ඇති නමුත් පුබ්බේත කථ පුඤ්ඤතා ශක්තිය ඇති අයවළුන් ලෝකේ කුමණ රටක ජීවත් වුවත් එම අසමත්ජාති තත්වයෙන් මිදීමට වර්ථමාන තාක්ෂණය සමත්වී ඇත.
එනම් අරියන් වහන්සේලා විසින් නිර්මල සිරි සද්ධර්මය කියාදෙන ආකාරය ලෝකේ කොහේ සිටියත් පිං ඇති අයවළුන් වෙත ග්රහණය වන අතර ඔබ එම අවස්ථාව උපයෝගී කරගෙන ඔබ තුල උපදින රාගය,ද්වේශය හා මෝහය කපා දමන ක්රමය පිළිබඳව යම් දැනුමක් ලබාගෙන ඔබගේ දැනුම දැක්මක් කරගැනීම සදහා වහ වහා අරියන් වහන්සේ නමක් වෙත ගොස් නිර්මල සිරි සද්ධර්මය ශ්රවණය කර සදහටම මේ සසර දුකින් මිදී නිදහස් වන මෙන් ඉතා පැහැදිලිව පෙන්වා දෙමි .
ඔබ සියළු දෙනාම උතුම් පරම නිබ්බාන සුවයෙන් සුවපත් වේවා යහපතක්ම වේවා .
සුදත් රෝහණ ජයරත්න. ජ්යොතිෂයවේදී, වලවිට, ගැටහැත්ත, අවිස්සාවේල්ල, 070 39 700 30, ( වට්සප් ) 076 23 91 499, ( වට්සප් )
