MindConnect

18/05/2026

ඔබේ ජීවිතයේ දෘශ්‍යමාන වෙනස්කම් සිදුවීමට පෙර, ඒවා ඔබේ මනස තුළ නිර්මාණය වේ. Psycho-Cybernetics පෙන්වන්නේ, අපි අප ගැන සිතන ආකාරයම අපගේ සාර්ථකත්වයේ සීමාවන් තීරණය කරන බවයි. ඔබ ඔබව අගය කරන විට, ඔබේ හැකියාවන් පිළිබඳ විශ්වාසය ගොඩනඟන විට, ඔබට අලුත් අවස්ථා දොරවල් විවෘත වේ. මනස හරි දිශාවට යොමු කළහොත්, ජීවිතයත් හරි මාර්ගයට යයි. 🌿
ඔබේ සිතුවිලි ඔබේ අනාගතය නිර්මාණය කරයි. අද සිට ඔබේ මනසට හොඳ, ශක්තිමත්, සාර්ථක සිතුවිලි ලබා දෙන්න — එවිට ඔබට ඔබම පුදුම විය හැක. ✨
Psycho-Cybernetics කියන්නේ ඔබේ මනස තුළ සැඟවී ඇති ශක්තිය අවදි කිරීමේ කලාවකි. අපි බොහෝවිට අප ගැන වැරදි “self-image” එකක් ගොඩනඟාගෙන, අපේම සාර්ථකත්වය සීමා කරගන්නවා. නමුත් ඔබ ඔබේ මනසට නව දෘශ්‍යයක් දෙන්න — ඔබ සාර්ථක, ශක්තිමත්, සහ විශ්වාසවත් බව දකින්න. එවිට ඔබේ ක්‍රියාකාරිත්වය ස්වයංක්‍රීයව ඒ අනුව වෙනස් වේ.

ඔබ වෙනස් වීමට අවශ්‍ය බලය ඔබ තුළම තියෙනවා. එය විශ්වාස කරන්න. එය ජීවත් කරන්න.

18/05/2026

මිස්ටර් දිසානායක ඔයාගේ මේ MRI පරීක්ෂණවල කිසිම කිසිම වැරැද්දක් නෑ .. ඔක්කොම නෝමල්. ඒක නිසා ඔයාට මේ යන බෙහෙත් ඉදිරියට අවශ්‍ය නෑ ..

Doctor කිව්වට මට MRI scan පරීක්ෂණ ඒ තරම් ෂුවර් නෑ...
CT scan එකක් කරගන්න බැරි වෙයිද.. මොකද මේ ඔළුවේ කැක්කුම තාම අඩු නෑ, කැන්සර් එකක් පොඩිවට තියෙනවද දන්නෑනෙ ඔලුව ඇතුලේ...

මම දැන් එකපාරක් මිස්ටර් දිසානායකට කිව්වානේ... දැන් කොයි තරම් පරීක්ෂණ ගොඩක් ඔබතුමා වෙනුවෙන් කරලා තියෙනවාද ඒ එකකවත් බරපතල රෝග ලක්ෂණ නෑ...
තිබුණ රෝග ඔක්කොම මිනිස්සුන්ට හැදෙන සාමාන්‍ය රෝග...

මෙවැනි පුද්ගලයන් ඔබටත් මුණ ගැසී ඇත. දැන් අපි බලමු මේ Hypochondriac delusions කියන්නේ මොකක් ද කියලා.
සෞඛ්‍ය කාංසාව හෝ අසනීප කාංසාව ආබාධය ලෙසද හැඳින්වෙන හයිපොහොන්ඩ්‍රියා මායාවන්, වෛද්‍ය සහතික කිරීම් නොතකා බරපතල රෝගයක් ඇතිවීම පිළිබඳ අධික හා නොනවතින කනස්සල්ලට හේතු වේ. හයිපොහොන්ඩ්‍රියා මායාවන් ඇති පුද්ගලයින් බොහෝ විට සුළු රෝග ලක්ෂණ වැරදි ලෙස අර්ථකථනය කරයි, සැලකිය යුතු පීඩාවක් අත්විඳියි, සහ අධික ලෙස වෛද්‍ය ප්‍රතිකාර ලබා ගත හැකිය. මෙය තදුරටත් තීවුර වන්නේ ඔහු හෝ ඇය සෞඛ්‍ය සේවයට හා ජීව විද්‍යාව පිළිබඳව දැනුමක් ඇති අයෙකු වූවොත් ය.මෙම තත්ත්වය දෛනික ක්‍රියාකාරිත්වය සහ ජීවන තත්ත්වය අඩාල කළ හැකිය. සමහර අවස්ථාවල කාංසාව සහ ඒ ආශ්‍රිත රෝග ලක්ෂණ ඇතිවේ.
හයිපොකොන්ඩ්‍රියා මායාවන් විවිධ ආකාරවලින් ප්‍රකාශ විය හැකිය, එනම්:
- නිශ්චිත රෝග (උදා: පිළිකා, හෘද රෝග) පිළිබඳ අධික කනස්සල්ල
- නිතර ස්වයං පරීක්ෂාව හෝ ශාරීරික සංවේදනයන් නිරීක්ෂණය කිරීම
- නැවත නැවතත් වෛද්‍ය සහතිකයක් ලබා ගැනීම
- රෝග විනිශ්චයට ඇති බිය නිසා වෛද්‍ය හමුවීම් වළක්වා ගැනීම
- ආක්‍රමණශීලී සිතුවිලි හෝ සෞඛ්‍යය පිළිබඳ කාංසාව

සංජානන-චර්යා චිකිත්සාව (CBT) පුද්ගලයන්ට උපකාර කළ හැකිය:
- සෘණ චින්තන රටා හඳුනාගෙන අභියෝග කරන්න
- මුහුණ දීමේ උපාය මාර්ග සංවර්ධනය කරන්න
- දෛනික ක්‍රියාකාරිත්වය වැඩි දියුණු කරන්න
සමහර අවස්ථාවල කාංසාව (Depression)සහ ඒ ආශ්‍රිත රෝග ලක්ෂණ කළමනාකරණය කිරීම සඳහා ඖෂධ ඇතුළත් කල යතුය.

ඔබ හෝ ඔබ දන්නා කෙනෙකු හයිපොහොන්ඩ්‍රියා මායාවන් සමඟ ගත කරන්නේ නම්, වෘත්තීය උපකාර පැතීම ප්‍රයෝජනවත් විය හැකිය.
MindConnect

18/05/2026

මොකක්ද මේ Othello Syndrome/Morbid jealousy

ඔතෙලෝ සින්ඩ්‍රෝමය(Othello syndrome) යනුවෙන් හදුන්වනනේ එක්තරා මානසික රෝගයකි මෙම රෝගය Morbid jealousy යනුවෙන්ද හදුන්වයි. මේ අතුරින් ප්‍රබලම හැඟීම තමයි ලිංගික ඊර්ෂ්‍යාව. අප සෑම කෙනෙකුටම ඊර්ෂ්‍යාව තියෙනවා නමුත් ඩෙලුෂනල් ජෙලසි (Delusianal jealousy), කියන තත්ත්වය අසනීප තත්ත්වයක් ලෙස හඳුනා ගැනෙනවා. තමන්ගේ සහකරු හෝ සහකාරිය පිළිබඳව ඇතිවෙන දරුණු ඊර්ෂ්‍යාව, ඩෙලුෂනල් ජෙලසි (Delusianal jealousy), මායාකාරි ඊර්ෂ්‍යාව එහෙම නැත්නම් සිතට වද දෙන පීඩනයක් ලෙස හඳුන්වනු ලබනවා.මෙම රෝගයේදී රෝගියා විසින් තම පෙම්වතා/පෙම්වතිය/සැමියා බිරිද එසෙත් නැතිනම් තම ලිංගික සහකරු අහේතුකව සැකකරයි. මෙය ලිංගික ඊර්ෂියාවක් ලෙසද හදුන්වයි.
මෙම රෝගයේ රෝග ලක්ෂණ කිහිපයක් මෙසේය,

# තම සහකරු/සහකාරිය අනෙත් පුද්ගලයන් දෙස බැලීම හා අවධානය යොමු කිරීම ගැන දෝෂාරෝපණ එල්ලකරයි.
# තම සහකරු/සහකාරියගේ හැසිරීම ගැන නිතර ප්‍රශ්න කරයි.
# සහකරු/සහකාරියට ලැබෙන දුරකතන ඇමතුම් නිර්නාමික දුරකතන ඇමතුම් හදිසි ඇමතුම් ගැන සැක උපදවයි.
# ෆේස්බුක්, ට්විට්ටර් වැනි සමාජ මාධය භාවිතා කිරීමට නොදෙයි.
# නිතර නිතර තම සහකරු/සහකාරිය සිටින ස්ථානය හා කා සමග සිටීද යන්න සොයා බලයි.
# පවුලේ සමාජිකයන් හා මිතුරන් සමග ඇසුරු කිරීම පවා වරදක් සේ දකියි.
# නිවසින් පරිබාහිරව විනෝදංශ වලට යාම මිතුරු ඇසුරට තහංචි දමයි.
# සමාජමය ක්‍රියාකාරීත්වය නිතර පාලනය කරයි කාලත්‍රයා හුදෙකලා වන තරමට කැමතිය.
# පෙර පැවති පෙම් සබඳතා යළි මතකයට නඟමින් ඔහු/ඇය සමග රණ්ඩු ඇතිකර ගනී.
# දැනටත් පෙම් සබදතාවක් හෝ රහස් ලිංගික සබඳතාවක් ඇතැයි කියමින් එය නවතා දමන ලෙස බල කරයි.
# දෝෂාරෝපණය කිරිම තර්ජනය කිරීම මෙන්ම පහරදීම් සිදුකරයි ඇතැම්විට අමානුෂික ලෙස පහරදෙයි.
# තමාටද හානි කරගැනීම මෙන්ම තුන්වන පාර්ෂවයකට වුවද පහරදීම් තර්ජනය කිරීම් සිදු කරයි.මෙම රෝගය ඇතිවීම කෙරෙහි විවිධ සාධක බලපානබව මනෝ විද්‍යාඥයන් පෙන්වා දෙයි

1.ජානමය සාධක.
2.මත්ද්‍රව්‍ය, මත්පැන් භාවිතය.
3.ලිංගික බෙලහීනතාවයන්.
4.ඇතැම් ස්නායු ආබාධ.
5.පැරණි පෙම් බැදුම් නිසා ඇතිවූ විරහ වේදනාවන් හා අමිහිරි අද්දැකීම්.

ආදිය බලපානු ලබයි.

මෙම රෝග තත්වය මායා රෝගයක් ලෙස සැළකේ.කෙසේ වෙතත් අනෙකුත් මායා රෝගයන්ට වඩා තරමක් වෙනස්ය.මෙම රෝගයේ ප්‍රධාන ලක්ෂණය නම් තම කාලත්‍රයාම අසීමිතව ආදරය කරන අතරම ඉහවහ ගිය වෛරයක් පවතී.මෙම පරස්පර මනෝභාවය මෙහි ප්‍රධාන ලක්ෂණයක් ලෙස මනෝ විද්‍යාඥයන් පවසයි.
ඔහු හෝ ඇය ඔබව නිරන්තරයෙන්ම සැක කරනව නම් එය පදනම් විරහිත සැකයක් බව ඉතා පැහැදිලි කරුණක්. එහෙත් ඔහු හෝ ඇය තුළ පවතින මෙම හේතු විරහිත සැකය බිඳ දැමීම ඉතා අපහසු කාර්යයක් වෙනවා සේම, මෙම රෝග ලක්ෂණය සහිත තැනැත්තා හෝ තැනැත්තිය සිය සැකය නිවැරදි බව ඔප්පු කිරීමට අවශ්‍ය කරුණු නිරන්තරයෙන්ම සෙවීමට උත්සුක වෙනවා. උදාහරණයක් ලෙස ගතහොත්, නිතර සිය සහකරුගේ හෝ සහකාරියගේ දුරකථනය, සමාජ මාධ්‍ය ගිණුම්, විද්‍යුත් ලිපි (emails) ආදිය පරීක්ෂා කර බැලීම දක්වන්නට පුළුවන්. ඒ පිළිබඳ නිතර ගැටුම් ඇතිකර ගන්නත් පුළුවන්. මෙය අඹුසැමියන් අතරට වඩා සමලිංගික ප්‍රේමය තුළ ඔහු හෝ ඇය ඔබව ඔහුගේ හෝ ඇයගේ අවධානයේ පමණක් රඳවා ගැනීමට නිරන්තරයෙන්ම උත්සාහ කරන්න ඔවුන් ප්‍රචණ්ඩකාරීව හැසිරෙන අතර වෛරී සහගත හැඟීමෙන් කටයුතු කරන්න පුළුවන්.’’ ලංකාව වගේ ආසියාතික රටවල කාන්තාවන්ට සාපේක්ෂව පිරිමින්ට මෙය සුලභ වේ.

ඔබ හෝ ඔබ දන්නා කෙනෙකු රෝගී තත්වයෙන් පෙළෙනවා නම්, චිකිත්සකයෙකුගෙන් හෝ උපදේශකයෙකුගෙන් වෘත්තීය උපකාර පැතීම ප්‍රයෝජනවත් විය හැකිය. තවද විශේෂඥ මනොවෛද්‍යවරයකු මුන ගැසී ඖෂධ ප්‍රතිකාර ලබා දීමට කටයුතු කළ හැක.

මේ සඳහා ඵලදායී ප්‍රතිකාර ප්‍රවේශයන් කිහිපයක් පහත වේ:

1. සංජානන-චර්යාත්මක චිකිත්සාව (CBT): පුද්ගලයන්ට සෘණ චින්තන රටා හඳුනා ගැනීමට සහ අභියෝග කිරීමට උපකාරී වේ.
2. අපෝහක හැසිරීම් චිකිත්සාව (DBT): චිත්තවේගීය නියාමනය සහ ඒවාට මුහුණ දීමේ කුසලතා කෙරෙහි අවධානය යොමු කරයි.
3. මනෝ ගතික චිකිත්සාව ( Psychodynamic therapy): යටින් පවතින හේතු සහ අවිඥානික අභිප්‍රේරණ ගවේෂණය කරයි.
4. ජෝඩු චිකිත්සාව(Family therapy): විශ්වාසය, සන්නිවේදනය සහ සමීපභාවය ගොඩනැගීම සඳහා ක්‍රියා කරයි.

මෙවැනි මානසික සෞඛ්‍යය පිළිබඳ තොරතුරු දැන ගන්න අපව Follow කරන්න.

16/05/2026

🛸 මුළු ඇමරිකාවම, පෙන්ටගනයම භීතියට පත් කළ 'ටික් ටැක්' අබිරහස: ලෝකයේ කිසිවෙකුට අදටත් විසඳිය නොහැකි සත්‍ය UFO සිදුවීම! ⚠️

පිටසක්වල ජීවීන් සහ පියාඹන පීරිසි එහෙමත් නැත්නම් UFO ගැන කතා අහද්දී අපිට මුලින්ම හිතෙන්නේ ඒවා හිතළු කතා කියලා නේද? අන්තර්ජාලයේ තියෙන බොඳ වුණු පින්තූර, සහ බොරු සාක්ෂි නිසා මේ බොහෝමයක් කතා ප්‍රතික්ෂේප කරන්න අපිට සාමාන්‍යයෙන් සිද්ධ වෙනවා. හැබැයි මේ කියන්න යන්නේ ඒ කිසිම ගණයකට අයිති වෙන්නේ නැති, ලෝකයේ අමුතුම UFO සිදුවීම ගැනයි.

මේ සිදුවීම කොච්චර සුවිශේෂීද කියනවා නම්, ඇමරිකානු ආරක්ෂක මූලස්ථානය හෙවත් පෙන්ටගනය (Pentagon) පවා මෙය සත්‍යයක් බව නිල වශයෙන් පිළිගෙන තියෙනවා. ලෝක ඉතිහාසයේ වාර්තා වුණු, කිසිම විද්‍යාඥයෙකුට හෝ හමුදාවකට අදටත් බොරුවක් යැයි ඔප්පු කළ නොහැකි එකම UFO සිදුවීම වන්නේද මෙයයි. මේ අබිරහස් සිදුවීම ලෝකය පුරා ප්‍රසිද්ධ වුණේ "2004 Nimitz Tic Tac UFO Incident" යන නමින්.

මේ අබිරහස් කතාව හරියටම ආරම්භ වෙන්නේ 2004 නොවැම්බර් මාසයේදීයි. ඇමරිකානු නාවික හමුදාවට අයත් දැවැන්ත 'USS Nimitz' යුද නෞකා සමූහය, කැලිෆෝනියාවේ සැන් ඩියාගෝ (San Diego) වෙරළට සැතපුම් 100 ක් පමණ දුරින් මුහුදේ යුද පුහුණුවීම්වල නිරත වෙමින් හිටියා. මේ නෞකා සමූහයේ තිබූ 'USS Princeton' නැමති සටන් නෞකාවේ — සැතපුම් 100 ක් එහා තියෙන ගොල්ෆ් බෝලයක්වත් හඳුනාගත හැකි ලෝකයේ බලවත්ම 'AN/SPY-1' රේඩාර් පද්ධතිය තිබුණා.

නොවැම්බර් මාසයේ මුල් දින කිහිපයේ සිටම මේ ප්‍රධාන රේඩාර් තිරය මත ඉතාමත් අසාමාන්‍ය දේවල් සටහන් වෙන්න පටන් ගත්තා. කිසිම ගුවන් යානයකට, කුරුල්ලෙකුට හෝ ස්වභාවික දෙයකට කළ නොහැකි වේගවත් ගමන් රටා මේ රේඩාර් වල සටහන් වුණා. මේ අබිරහස් වස්තූන් අඩි 80,000 ක ඉහළ අහසේ ඉඳන් මුහුදු මට්ටමට එන්න ගත කළේ තත්පරයකටත් වඩා අඩු කාලයක්!

අවසානයේ නොවැම්බර් 14 වැනිදා, මේ ගැන හොයාබලන්න ඇමරිකානු නාවික හමුදාවේ දක්ෂතම 'Top Gun' ගුවන් නියමුවෙකු වුණු කමාන්ඩර් ඩේවිඩ් ෆ්‍රේවර්ට අණ ලැබුණා. ඔහු තවත් දක්ෂ නියමුවෙකු සමඟ F/A-18 සුපර් හෝනට් (Super Hornet) ප්‍රහාරක යානා දෙකකින් අදාළ ස්ථානයට පියාසර කළා. අඩි 20,000 ක් පමණ ඉහළ අහසේ ඉඳන් පහළ බලද්දී ඔවුන් දැක්කේ හිතාගන්න බැරි දර්ශනයක්.

නිල් පැහැති මුහුදේ එක තැනක පමණක්, හරියට ලොකු බෝයිං ගුවන් යානයක් ගිලෙමින් තියෙනවා වගේ ජලය වේගයෙන් කැළඹෙමින් තිබුණා. මේ කැළඹෙන මුහුදු ජලයට මඳක් ඉහළින්, අඩි 40 ක් පමණ දිග අමුතුම හැඩයක වස්තුවක් පාවෙමින් තිබෙනවා ඔවුන් දුටුවා. ඒක හරියටම සුදු පැහැති 'ටික් ටැක්' (Tic Tac) මින්ට් ඇටයක හැඩයට සමාන වුණා.

ඊටත් වඩා පුදුමේ කියන්නේ, ඒ වස්තුවට කිසිම තටුවක්, එන්ජිමක්, දුමක් හෝ පාලනය කරන කුටියක් (Cockpit) කිසිවක් තිබුණේ නැහැ. මෙය කුමක්දැයි ළඟට ගොස් පරීක්ෂා කිරීමට කමාන්ඩර් ෆ්‍රේවර් තම ප්‍රහාරක යානය ක්‍රමයෙන් පහත් කළා. හරියටම ඒ මොහොතේදී, අර අබිරහස් වස්තුවත් ඔහුගේ යානය දෙසට ඉහළට එන්න පටන් ගත්තා.

එය හරියටම ෆ්‍රේවර්ගේ ප්‍රහාරක යානයේ චලනයන් කැඩපතක් වගේ අනුකරණය කරන්න පටන් ගැනීම ඇඟ කිලිපොළා යන අත්දැකීමක් වුණා. ෆ්‍රේවර් එකවරම තම යානයේ වේගය වැඩිකර ඒ අබිරහස් වස්තුව ඉදිරියට යන්නට දැඩි උත්සාහයක් ගත්තා. ඒත් එක්කම කිසිම සද්දයක් නැතුව, ඇසිපිය ගහන වේගයෙන් ඒ 'ටික් ටැක්' හැඩැති වස්තුව අහසට වෙඩි උණ්ඩයක් වගේ අතුරුදන් වෙලා ගියා.

කමාන්ඩර් ෆ්‍රේවර් වහාම මේ ගැන නෞකාවේ රේඩාර් මැදිරියට දැනුම් දෙන්න කටයුතු කළා. ඒත් එක්කම රේඩාර් මැදිරියෙන් ලැබුණු පිළිතුරෙන් ෆ්‍රේවර් සම්පූර්ණයෙන්ම ගල් ගැහිලා ගියා. ඊටත් වඩා බියකරු කාරණය වුණේ — ඒ වස්තුව ආයෙත් රේඩාරයට අසුවුණේ — ෆ්‍රේවර්ගේ සටන් සැලැස්මේ ලියලා තිබුණ, ඊළඟට යන්න නියමිතව තිබුණ රහසිගත 'CAP point' ස්ථානයෙයි.

ඒ කියන්නේ — ඒ වස්තුවට කොහොමහරි දැනගන්න පුළුවන් වුණා ෆ්‍රේවර්ගේ රහසිගත සටන් සැලැස්ම මොකක්ද කියලා. සැතපුම් 60 ක දුරක් තත්පර කිහිපයක් ඇතුළතදී ගමන් කරලා තිබුණු මේ යානයට සමාන කිසිම තාක්ෂණයක් ලෝකයේ කිසිම මිනිසෙක් මෙතෙක් නිපදවා නැහැ.

2017 දී නිව්යෝර්ක් ටයිම්ස් (New York Times) පුවත්පත හරහා මුදාහැරිය මේ රහසිගත වීඩියෝව 2020 දී පෙන්ටගනය විසින් නිල වශයෙන් සත්‍ය එකක් බව පිළිගත්තා. ඉන්පසුව 2023 දී කමාන්ඩර් ඩේවිඩ් ෆ්‍රේවර් ඇමරිකානු කොංග්‍රස් මණ්ඩලය ඉදිරියේ දිවුරුම් දීලා කිව්වේ මේ වස්තුව කිසිසේත්ම ඇමරිකාවට හෝ වෙනත් කිසිම රටකට අයත් තාක්ෂණයක් නොවන බවයි. ඒ ඓතිහාසික සාක්ෂියේ වීඩියෝ දර්ශන අපි පළමු කමෙන්ට් (First Comment) එකේ දාලා තියෙනවා. ඒකත් අනිවාර්යයෙන්ම නරඹන්න!

2026 මැයි මාසයේදී — මේ මාසේමයි — ඇමරිකන් රජය නැවතත් සියගණනක් UFO ලිපිගොනු රහස් වර්ගීකරණයෙන් ඉවත් කරලා, ජනාධිපති ට්‍රම්ප්ගේ PURSUE වැඩසටහන යටතේ 'WAR. GOV' වෙබ් අඩවියට මුදාහැරියා. ඒ ලිපිගොනු අතරෙත් — 'Tic Tac' සිදුවීම තවමත් 'විසඳී නැති අබිරහස්' ලෙසයි සඳහන් වෙන්නේ. පෙන්ටගනය මේ වස්තුව සත්‍ය UFO එකක් බව නිල වශයෙන් පිළිගෙන තියෙනවා — ඒත් එයාලා කවදාවත් කියන්නේ නෑ, ඒ අන්‍ය ග්‍රහ ජීවියෙක්ගේ යානයක් කියලා.

එයාලගේ නිල පිළිතුර තාම මේකයි: 'අපි දන්නේ නෑ. අවුරුදු 21ක් අධ්‍යයනය කරලත් අපිට පැහැදිලි කරන්න බෑ. ඒක අපේ රටේ එකක් නෙවෙයි. රුසියාවේ එකක් නෙවෙයි. චීනයේ එකක් නෙවෙයි. ඒත් — අන්‍ය ග්‍රහ ජීවියෙක්ගේ කියලත් අපි කියන්නේ නෑ.'

අවුරුදු 21ක් තිස්සේ ලෝකයේ බලවත්ම හමුදාවටවත් මේක මොකක්ද කියලා හොයාගන්න බැරි වුණා කියලා ඔයා විශ්වාස කරනවද? මේක පිටසක්වල තාක්ෂණයක්ද, නැත්නම් මේක පිටිපස්සේ වෙනත් ලොකු රහසක් හැංගිලා තියෙනවද? ඔයාගේ අදහස කමෙන්ට් කරගෙනම යන්න!! ඒ වගේම මේ කතාව ඔබේ මිතුරන්ටත් කියවන්න දැන්ම Share කරන්න!

ලෝකයෙන් හැංගුණු මේ වගේ තවත් ඇඟ කිලිපොළා යන සත්‍ය කතා සහ අබිරහස් සිදුවීම් ගැන මුල සිට අගට කියවන්න ඔබත් ආසද? එහෙනම් අදම අපේ 'නොකී කතා' (nokikatha . com) වෙබ් අඩවියට ගොඩවෙන්න!

ඒ ඓතිහාසික සාක්ෂියේ වීඩියෝ දර්ශන අපි පළමු කමෙන්ට් (First Comment) එකේ දාලා තියෙනවා. ඒකත් අනිවාර්යයෙන්ම බලන්න 👇👇👇👇

14/05/2026

09/05/2026

👀🛡️ "පාරේ යද්දි ඔයා හැසිරෙන්නේ සාමාන්‍ය මනුස්සයෙක් වගේද, නැත්නම් සෙබළෙක් වගේද?" අනතුරු වලින් බේරෙන ඒ 'විශේෂ ඉව' ගැනයි මේ. 🫡✨

​හමුදාවට බැඳුණු මුල්ම දවසේ ඉඳන් අපිට උගන්වන වැදගත්ම පාඩමක් තමයි "නිරීක්ෂණ ශක්තිය" (Observation Skills). සාමාන්‍ය මනුස්සයෙක් පාරේ යද්දි දකින්නේ පාර විතරයි. හැබැයි පුහුණුවක් ලබපු සෙබළෙක් පාරේ යද්දි එයාගේ ඇසට සහ මොළයට අහුවෙන දේවල් පරාසය මාරම වැඩියි.

​මේ හැකියාව "Situational Awareness" කියලා හඳුන්වනවා. මේක හමුදා රාජකාරියට විතරක් නෙමෙයි, ඔයාගේ සාමාන්‍ය ජීවිතේ ආරක්ෂාවටත් පාවිච්චි කරන්න පුළුවන් මෙන්න මෙහෙමයි:

​🚀 1. 'සැකකටයුතු' දේවල් ක්ෂණිකව හඳුනාගැනීම:
අපි පරේඩ් ග්‍රවුන්ඩ් එකේදී හරි, ඔපරේෂන් එකකදී හරි පුරුදු වෙන්නේ අවට පරිසරයේ වෙනස් වෙන පොඩිම දේ පවා අඳුරගන්නයි. පාරේ යන වාහනයක අමුතු හැසිරීමක්, තැනක දමා ගිය පාර්සලයක්, එහෙමත් නැත්නම් අමුතු විදියට ගැවසෙන පුද්ගලයෙක්... මේ හැමදේම සාමාන්‍ය මිනිස්සුන්ට වඩා වේගයෙන් සෙබළෙක්ට මීටර් වෙනවා. ඒක තමයි ඔයාගේ පළමු ආරක්ෂක වළල්ල!

​🏢 2. "පිටවීමේ දොරටුව" (Exit Strategy) නිතරම දැන සිටීම:
ඔයා හොටෙල් එකකට, බැංකුවකට හරි සෙනඟ ඉන්න තැනකට හරි ගියාම මුලින්ම බලන්නේ මොකක්ද? ස්මාර්ට් සෙබළෙක් නම් මුලින්ම බලන්නේ "හදිසියක් වුණොත් එළියට යන්න තියෙන ලේසිම පාර" මොකක්ද කියන එකයි. ගින්නක්, කලබලයක් වුණොත් අනිත් අය කලබල වෙද්දි, සෙබළා දන්නවා පීඩනය පාලනය කරගෙන ආරක්ෂිතව තමන්ගේ පවුලේ අයවත් අරන් එළියට යන හැටි.

​🧐 3. මිනිසුන්ගේ 'මනෝභාවය' කියවීමේ හැකියාව:
කෙනෙක්ගේ ඇස් දිහා බලලා, එයාගේ ශරීර භාෂාව (Body Language) දිහා බලලා, එයා ප්‍රචණ්ඩකාරී වෙන්න හදනවද නැද්ද කියලා අඳුරගන්න සෙබළෙකුට පුළුවන්. මේකෙන් පාරේ තොටේදී වෙන අනවශ්‍ය රණ්ඩු දබර වලට නොපැටලී, බුද්ධිමත්ව තැනින් මාරු වෙන්න ඔබට හැකියාව ලැබෙනවා.
​

හමුදා පුහුණුව කියන්නේ තුවක්කුවක් පත්තු කරන එක විතරක් නෙමෙයි මචං. ඒක ඔයාගේ 'ඉන්ද්‍රියන්' පණ ගන්වන, ඔයාව තව කෙනෙක්ට වඩා සීරුවෙන් තියන ලොකු "මානසික විද්‍යාවක්". ඔයා නිවාඩුවට ගෙදර හිටියත්, පාරේ ගියත් ඒ "සෙබළ ඉව" නිතරම පණ ගන්වලා තියාගන්න. ඒක තමයි ඔයාවත්, ඔයාගේ ආදරණීයයන්වත් නොපෙනෙන අනතුරු වලින් බේරන ලොකුම ආයුධය!

​ඔයාගේ මේ නිරීක්ෂණ ශක්තිය නිසා පාරේදී හරි, වෙනත් තැනකදී හරි අනතුරකින් බේරුණු අත්දැකීමක් තියෙනවද? කමෙන්ට් එකක් දාගෙන යමු! 👇

​සීරුවෙන් සිටින බුද්ධිමත් සෙබළ පරපුරක් වෙනුවෙන් — Military පොඩ්ඩා

📦 කොල්ලොන්ට ඕන කරන හැම 'හමුදා ගැජට්' එකක්ම විශ්වාසවන්තව ගන්න, අපේ අලුත් පේජ් එකටත් සෙට් වෙන්න: Military පොඩ්ඩාගේ Q-Stores එක

04/05/2026

මල්ලී.. මොකද කියන්නේ චුට්ටක් එහා පැත්තට යමුද?
කවුරුවත් දකින්නේ නෑ..
ඔයාගේ ගොඩක් ලොකු ඇති නේද?
ඔයා කොල්ලෙක් නම් මෙහෙම අය හම්බවෙලා ඇති ඕන තරම්.. ඒ වගේම මේක කියවන අයත් ඇති මේ පුරුද්ද තියන.
දැන් අපි බලමු ඇත්තටම මේ ලිංගික අක්‍රමිකතාව මොකක්ද කියලා.
මෙම ප්‍රශ්නය වෛද්‍ය (biological) සහ මානසික (psychological) පැති දෙකෙන්ම සරලව පැහැදිලි කළ හැක. මෙය සම්මත මිනිස් ලිංගික හැසිරීම්වල එකක් ලෙස සැලකේ (වැඩිහිටියන් අතර).

1. වෛද්‍ය / ශාරීරික පැහැදිලි කිරීම
මුඛය (lips, tongue) තුළ nerve endings බොහෝය, ඒ නිසා එය ඉතා සංවේදී (sensitive) ප්‍රදේශයක්.
ලිංගික උද්දීපනයේදී මොළයෙන් dopamine, oxytocin, endorphins වැනි රසායනික ද්‍රව්‍ය නිකුත් වෙයි.

Dopamine → සතුට / pleasure
Oxytocin → සම්බන්ධතාව / bonding
Endorphins → සැනසිල්ල / well-being

මේවා එකට එක්වීමෙන් sexual arousal සහ or**sm / ej*******on සිදු වෙයි.
මොළය (brain) තමයි ප්‍රධානම කාර්යභාරය කරන්නේ—ශරීර උද්දීපනය + මානසික උද්දීපනය = සතුට.

2. මානසික (Psychological) පැහැදිලි කිරීම
(A) ලිංගික ආකර්ෂණය (Sexual Orientation) සමහර පිරිමි homosexual (gay) හෝ bisexual වෙයි.
ඔවුන්ට පිරිමින්ට ආකර්ෂණයක් තිබීම සාමාන්‍යය.
ලිංගික රුචි,අත්දැකීම්, සිතුවිලි, සහ හැඟීම් මත වර්ධනය වේ. තවද මෙය සදහා සමීපභාවය, විශ්වාසය, ආදරය ද සතුටට බලපායි

(B) ඉගෙනගත් හැසිරීම් / රුචි (Learned Preferences)

පුද්ගලයෙකුගේ ලිංගික රුචි අත්දැකීම්, සිතුවිලි (fantasies), conditioning මත වර්ධනය වෙයි.
මොළය කිසියම් ක්‍රියාවක් සතුටට සම්බන්ධ කරගෙන යයි.

(C) සමීපභාවය (Intimacy)

මෙවැනි ක්‍රියාවන් විශ්වාසය, ආදරය, emotional bonding වැඩි කරයි.සතුට physical විතරක් නෙවෙයි, emotional පැත්තක්ද තියෙනවා.

(D) Psychosexual Development
ළමාකාලය, පරිසරය, පුද්ගලික අත්දැකීම්—all influence adult sexuality.ළමා කාලයේ අත්දැකීම් මේ සදහා, බලපා හැකි
නමුත් ලිංගික ආකර්ෂණය සෘජුව තීරණය කරන එකක් නොවේ ළමා කාලයේ අතවර/traumaතිබේ නම් උපදේශනය වැදගත්ය.

මෙය රෝගයක් (disease) හෝ මානසික ආබාධයක් නොවේ. නමුත් ආරක්ෂිත ක්‍රම භාවිතා නොකිරීම නිසා ලිංගාශ්‍රිත
බෝවන රෝග සඳහා වැඩි අවදානමක් ඇත.

28/04/2026

ජේම්ස් වෙබ් දුරේක්ෂයට පෙනුණු තරුවක මළගම 😢

විශ්වයේ රහස් සොයා යන ජේම්ස් වෙබ් දුරේක්ෂය මෑතකදී පෘථිවියේ සිට ආලෝක වර්ෂ 10,000ක් ඈතින් පිහිටි Tc 1 නමැති ග්‍රහ නිහාරිකාව නිරීක්ෂණය කිරීම සිදු කරන ලදී. එහිදී දක්නට ලැබුණු දසුන විද්‍යාඥයන් පවා මවිතයට පත් කරවන සුළුයි කිව්වොත් නිවැරදිය. සාමාන්‍යයෙන් ග්‍රහ නිහාරිකාවක් ලෙසට හදුන්වන්නේ මිය යන තාරකාවක් මධ්‍යයයේ පවතින වායු සහ දුහුවිලි වලාවකි. මේ වායු සහ දුහුවිලි වලාව නිර්මාණය වන්නේත් මිය යන තාරකාවෙන්ම වීම විශේෂත්ත්වයයි. මේ පහත පින්තුරය තුලත් මැද, තරුවක් (මිය යන තරුව) පවතින අතර එම තරුව වටා ඇත්තේ තරුව මිය යන නිසා එමගීන් පිටතට විසිකර හරින තරුවේ පිටත ස්ථරයේ තිබුණු වායු සහ දුහුවිලි වේ.

මෙම මියයන තරුව වටා ඇති වායු වළාකුළු අතර Buckyballs නමැති සුවිශේෂී කාබන් අණු රාශියක් විසිරී පවතිනවා. කාබන් පරමාණු 60කින් සැදි මෙම අණුවක හැඩය හරියටම අප ක්‍රීඩා කරන පාපන්දුවකට සමානයි.

මේවා අභ්‍යවකාශයේ පවතින සුවිශේෂී ව්‍යුහයන් වන අතර, ජීවයේ මූලික පුරුකක් වන කාබන් විශ්වය පුරා ව්‍යාප්ත වන ආකාරය තේරුම් ගැනීමට මේවා ඉතා වැදගත් වෙනවා.

මෙම නිරීක්ෂණයේ වඩාත්ම ආකර්ෂණීය කොටස වන්නේ තරුව මධ්‍යයේ දක්නට ලැබෙන ප්‍රතිලෝම ප්‍රශ්නාර්ථ ලකුණක හැඩයයි. සොබාදහමේ අපූරු නිර්මාණයක් බඳු මෙය, මියයන තරුවකින් පිටවන වායූන් සහ දූවිලි අංශු සංකීර්ණ ලෙස එකිනෙක ගැටීමෙන් නිර්මාණය වී ඇති බව සැලකෙනවා.

මීට පෙර වෙනත් දුරේක්ෂ මගින් මෙම ප්‍රදේශය නිරීක්ෂණය කළත්, මෙතරම් පැහැදිලිව Buckyballs වල ව්‍යාප්තිය දැකගැනීමට හැකිවුණේ ප්‍රථම වතාවටයි. මියයන තරුවක් අවසාන මොහොතේදී පවා විශ්වයට කෙතරම් සුන්දරත්වයක් එක් කරනවාද යන්න මෙයින් මනාව පැහැදිලි වෙනවා.

මෙම සොයාගැනීම මගින් අපේ සූර්යයා වැනි තරු මියයන විට සිදුවන ක්‍රියාවලිය සහ එමගින් අභ්‍යවකාශයට මුදාහරින රසායනික ද්‍රව්‍ය ගැන අලුත් දැනුමක් එකතු කරනවා..

Posted by Sachin Rajindra II

22/04/2026

අඟහරු මතින් හමුවූ ජීවයේ තැනුම් ඒකක 🧐
කියුරියෝසිටි රෝවරයේ නවතම සොයාගැනීම

වසර 13කට අධික කාලයක් අඟහරු මතුපිට ගවේෂණයක නිරත වන නාසා ආයතනයේ Curiosity රෝවරය, විද්‍යා ලෝකය මවිතයට පත් කරමින් ඉතා වැදගත් සොයාගැනීමක් සිදු කර තිබේ. ඒ, අඟහරුගේ Gale ආවාට ප්‍රදේශයේ වසර බිලියන 3.5ක් පැරණි පාෂාණ ස්ථර තුළ ජීවයේ මූලික පදනම ලෙස සැලකිය හැකි සංකීර්ණ කාබනික අණු එනම් Organic Molecules වර්ග කිහිපයක් හඳුනා ගැනීමයි.

මීට පෙරද අඟහරු මත සරල කාබනික අණු හමුවී තිබුණද, මෙවර හමුවූ ද්‍රව්‍ය අතර නයිට්‍රජන් අඩංගු අණු එනම් Nitrogen-bearing molecules සහ සල්ෆර් අඩංගු සංයෝග පවතින බව විද්‍යාඥයෝ පවසති. විශේෂයෙන්ම, පෘථිවියේ ජීවීන්ගේ DNA සහ RNA සැකසීමට අවශ්‍ය වන මූලික රසායනික ව්‍යුහයන්ට සමාන අණු මෙහිදී හඳුනාගෙන තිබීම ඉතා වැදගත් වේ.

මෙම සොයාගැනීම සිදු කර ඇත්තේ රෝවරයේ ඇති Sample Analysis at Mars නැතහොත් SAM නමැති කුඩා රසායනාගාර කට්ටලය මගිනි. මෙහිදී අඟහරුගේ පස් සාම්පල රත් කර ඒවායින් පිටවන වායූන් විශ්ලේෂණය කිරීම සිදු කර ඇත.

මෙම කාබනික අණු හමුවීමෙන් පමණක් අඟහරු මත අතීතයේ ජීවය පැවති බවට සෘජුවම නිගමනය කළ නොහැක. විද්‍යාඥයන්ට අනුව මෙම අණු අඟහරු මත ඇති වීම ප්‍රධාන ආකාර තුනකට සිදුවිය හැකිය

01. අතීතයේ අඟහරු මත විසූ ක්ෂුද්‍ර ජීවීන්ගෙන් ඉතිරි වූ රසායනික සලකුණු වීම

02. බිලියන ගණනක සිට අඟහරු මත පතිත වූ උල්කාපාත හරහා මෙම කාබනික ද්‍රව්‍ය අගහරු මතට පැමිණ තිබීම

03. ජීවයක මැදිහත් වීමකින් තොරව, පාෂාණ සහ ජලය අතර සිදු වූ ස්වභාවික රසායනික ප්‍රතික්‍රියා මගින් මේවා නිර්මාණය වන්නට ඉඩ තිබීම

අඟහරු මතුපිට පවතින අධික විකිරණශීලීතාවය හමුවේ මෙවැනි සංකීර්ණ අණු වසර බිලියන 3.5ක් සුරක්ෂිතව පැවතීම විද්‍යාඥයන්ගේ පුදුමයට හේතු වී ඇත. මෙයින් පෙනී යන්නේ අඟහරුගේ මතුපිටට යටින් ඇති පාෂාණ ස්ථරවල තවමත් මෙවැනි ජීව සලකුණු ආරක්ෂිතව පවතින බවයි.

මෙම සොයාගැනීම අනාගතයේ ක්‍රියාත්මක වීමට නියමිත යුරෝපා අභ්‍යවකාශ ඒජන්සියේ Rosalind Franklin වැනි මෙහෙයුම් සඳහා විශාල දිරිගැන්වීමක් වේ. එම රෝවරය මගින් අඟහරු මතුපිට මීටර් 2ක් පමණ ගැඹුරට විදීම සිදු කරන බැවින්, මීට වඩා සංකීර්ණ සහ පැහැදිලි තොරතුරු ඉදිරියේදී ලැබෙනු ඇතැයි අපේක්ෂා කෙරේ.

Posted by Sachin Rajindra II
Post Copyright Asirimath Vishwaya - Clips