Suwani Medical Laboratory

28/04/2026

🚨 මට ෆැටි ලිවර් ද? මාස 3න් අක්මාවේ තෙල් සම්පූර්ණයෙන්ම දියකර හරින නිවැරදිම සහ විද්‍යාත්මක ක්‍රමය මෙන්න! 🚨

අද සමාජයේ බොහෝ දෙනෙක් නිහඬවම පීඩා විඳින, නමුත් නිසි අවධානයක් යොමු නොකරන භයානක රෝගී තත්ත්වයක් තමයි 'ෆැටි ලිවර්' (Fatty Liver) හෙවත් අක්මාවේ තෙල් තැන්පත් වීම. මෙය නිසි කලට හඳුනාගෙන පාලනය නොකළහොත් සිරෝසිස් (Cirrhosis) දක්වා වර්ධනය වී ජීවිතය පවා අහිමි විය හැක. ඔබගේ අක්මාව මේ වන විටත් අනතුරේද? එය නැවත යථා තත්ත්වයට පත් කරගන්නේ කෙසේද? මේ සියල්ල සවිස්තරාත්මකව පහතින් ගෙන හැර දක්වා ඇත.

🔴 ඔබට ෆැටි ලිවර් ඇති බව පෙන්වන ප්‍රධාන රෝග ලක්ෂණ 7ක්:

1. දකුණු පස ඉළඇට කුහරය ආශ්‍රිත වේදනාව: අපගේ අක්මාව පිහිටා ඇත්තේ සිරුරේ දකුණු පස ඉහළ කොටසේය. ෆැටි ලිවර් තත්ත්වය නිසා අක්මාව ඉදිමුණු විට ඒ අවට ඇති මාංශපේශී තදවීමකට ලක් වී මෙම වේදනාව හටගනී.
2. වම් පසට හැරී නිදාගන්නා විට ඇතිවන පපුවේ වේදනාව: ඔබ ECG පරීක්ෂණයක් කළද හදවතේ කිසිදු දෝෂයක් නොපෙන්වයි. නමුත් අක්මාව ඉදිමී ඇති විට, වම් පසට හැරී නිදාගැනීමේදී එමගින් පපුවේ කුහරය දෙසට තෙරපුමක් ඇතිවේ. එවිට හදවතට නිවැරදිව සංකෝචනය වීමට හා ඉහිල් වීමට ඇති ඉඩකඩ අඩාල වන බැවින් පපුවේ වේදනාවක් දැනිය හැක.
3. පිරිමින්ගේ පියයුරු වර්ධනය වීම (Gynecomastia): අක්මාව යනු අපගේ සිරුරේ හෝමෝන බිඳහෙළන සහ විෂ හරණය (Detoxification) කරන ප්‍රධාන ඉන්ද්‍රියයි. පිරිමින්ගේ සිරුරේද යම් ප්‍රමාණයකට ඊස්ට්‍රජන් හෝමෝනය නිපදවෙන අතර, අක්මාව අක්‍රිය වූ විට එම හෝමෝන නිසිලෙස බිඳ නොහෙළේ. මේ නිසා සිරුරේ ඊස්ට්‍රජන් මට්ටම ඉහළ ගොස් පිරිමින්ගේ පියයුරු නෙරා ඒමේ තත්ත්වයක් ඇතිවේ.
4. සම මතුපිට නහර ඉලිප්පී පෙනීම සහ කැසීම: ඉහත කී පරිදි ඊස්ට්‍රජන් හෝමෝනය අසාමාන්‍ය ලෙස ඉහළ යාම සහ අක්මා සෛල තුළ මේදය තැන්පත් වී විෂ හරණ ක්‍රියාවලිය ඇනහිටීම නිසා සමේ කැසීම් සහ නහර පිටතට පෙනෙන ස්වභාවයක් මතු වේ.
5. උදරය ඉදිරියට නෙරා ඒම (Belly Fat): බෙලි ෆැට් සහ ෆැටි ලිවර් අතර ඇත්තේ දැඩි සම්බන්ධයකි. අප ගන්නා මේද ආහාර දිරවීමට අවශ්‍ය 'පිත' (Bile) නිපදවන්නේ අක්මාවෙනි. මෙමගින් මේදය කුඩා කොටස් වලට කඩා (Emulsification) ජීර්ණය පහසු කරයි. නමුත් අක්මාවේ තෙල් බැඳී ඇතිවිට පිත නිපදවීම අඩාල වී, ආහාරයේ ඇති මේදය නිසිලෙස ජීර්ණය නොවී සිරුරේ, විශේෂයෙන් උදරය අවට තැන්පත් වීමට පටන් ගනී. ඔබට බෙලි ෆැට් එකක් තිබේ නම්, ඔබට ෆැටි ලිවර් තිබීමට 90%කම සම්භාවිතාවක් ඇත.
6. රාත්‍රී අන්ධභාවය (Night Blindness) සහ විටමින් A ඌනතාවය: අක්මාවෙන් සිරුරට අවශ්‍ය කොලෙස්ටරෝල් වලින් 70%ක්ම නිපදවයි. ලිංගික හෝමෝන නිපදවීමට සහ සෛල පටල නිර්මාණයට මෙය අත්‍යවශ්‍ය වේ. අක්මාව අක්‍රිය වූ විට මේද යාමනය නිසිලෙස සිදු නොවන අතර, මේද ද්‍රාව්‍ය විටමිනයක් වන විටමින් A සිරුරට අවශෝෂණය වීම වැළකේ. මේ නිසා රාත්‍රී කාලයේ පෙනීමේ දුර්වලතා ඇතිවිය හැක.
7. ලිංගික අප්‍රාණිකත්වය (Erectile Dysfunction): ටෙස්ටෙස්ටරෝන් ඇතුළු ලිංගික හෝමෝන නිපදවීමට අවශ්‍ය කොලෙස්ටරෝල් අක්මාවෙන් නිසිලෙස නොලැබීම සහ ඉන්සියුලින් ප්‍රතිරෝධය ඇතිවීම හේතුවෙන් පුරුෂයන්ට ලිංගික අප්‍රාණිකත්වය වැනි ගැටලු මතුවිය හැක.

⚠️ රෝගයේ බරපතලකම සහ එහි අවධි:
මේ ලක්ෂණ ඇත්නම් වහාම වෛද්‍යවරයෙකු හමුවී Liver Function Test (LFT) එකක් හෝ Ultrasound ස්කෑන් පරීක්ෂණයක් කරගන්න.

Grade 1 (G1) & Grade 2 (G2): මෙහිදී රෝග ලක්ෂණ කිසිවක් පිටතට නොපෙන්වයි. නමුත් අක්මා සෛල (Hepatocytes) තුළ මේදය තැන්පත් වීම ආරම්භ වී, AST / ALT එන්සයිම මට්ටම් ඉහළ යාමට පටන් ගනී.

Grade 3 (G3): ඉහත කී රෝග ලක්ෂණ මතුවීම ආරම්භ වන්නේ මේ අවධියේදීය. මෙතෙක් අක්මාව නැවත යථා තත්ත්වයට (Normal) පත් කරගැනීම ඉතා පහසුය.

NASH & Cirrhosis: මින් පසු අක්මාවේ කැලැල් (Scar tissues) ඇතිවී සිරෝසිස් දක්වා වර්ධනය වේ. මේ තත්ත්වයට ආ පසු අක්මාව නැවත යථා තත්ත්වයට පත් කළ නොහැකි අතර, අක්මාව සම්පූර්ණයෙන්ම අක්‍රිය වී මාරාන්තික තත්ත්වයකට පත්වේ.

⚡ අපිට ෆැටි ලිවර් හැදෙන්නේ ඇයි? (ප්‍රධාන හේතු)
අප බොහෝ දෙනා සිතන්නේ තෙල් කෑවම ෆැටි ලිවර් හැදෙනවා කියායි. නමුත් ප්‍රධාන හේතුව එය නොවේ!

ඉන්සියුලින් ප්‍රතිරෝධය (Insulin Resistance): අප දිනපතාම කන බත්, ඉඳිආප්ප, පිට්ටු, පාන්, ෂෝර්ට් ඊට්ස් සහ පැණිරස කෑම (සරල කාබෝහයිඩ්‍රේට්) ඉක්මනින් ජීර්ණය වී රුධිරයේ සීනි මට්ටම ඉහළ දමයි. එවිට අග්න්‍යාශයෙන් ඉන්සියුලින් විශාල ලෙස නිකුත් කරයි. නිතරම මෙසේ සිදුවන විට සෛල ඉන්සියුලින් වලට ප්‍රතිචාර නොදක්වා සිටී (Insulin Resistance). මෙවිට රුධිරයේ එකතු වන අතිරික්ත සීනි සියල්ල අක්මාව විසින් මේදය (Triglycerides) බවට පත්කර ගබඩා කරගනී (De Novo Lipogenesis).

ස්ටෙරොයිඩ් සහ ඖෂධ (Steroids): කායවර්ධනය කරන තරුණයින් නිසි දැනුවත්කමකින් තොරව භාවිතා කරන Dianabol වැනි ස්ටෙරොයිඩ් ඖෂධ නිසා අනිවාර්යයෙන්ම ෆැටි ලිවර් ඇතිවේ. මීට අමතරව මී උණ (Leptospirosis) සහ හෙපටයිටිස් වැනි වෛරස් තත්ත්වයන් නිසාද මෙය ඇතිවිය හැක.

💪 මාස 3කින් ෆැටි ලිවර් සම්පූර්ණයෙන්ම සුව කරගන්නා ප්‍රායෝගික පියවර:

ඔබට ෆැටි ලිවර් ඇතැයි තහවුරු වී ඇත්නම්, මෙම පියවර 4 මාස තුනක් නොකඩවා සිදු කරන්න. ඉන්පසු ස්කෑන් එකක් කළ විට ඔබේ අක්මාව 100%ක් නිරෝගී තත්ත්වයේ පවතිනු ඇත.

පියවර 01: එකතු කළ සීනි සහ පිටි ආහාර සම්පූර්ණයෙන්ම නැවැත්වීම (No Added Sugar)

මාස 3කට තේ වලට සීනි දැමීම, කිරිපිටි, ටොෆි, චොකලට්, බේකරි කෑම, පාන් පිටි සහ හාල් පිටි කෑම සම්පූර්ණයෙන්ම නවත්වන්න.

කෑමට සුදුසු දෑ: පළතුරු වර්ග (ගස්ලබු, කීවි, බ්ලූබෙරි, දෙළුම්, මිදි, ඇපල්, ලෙමන්, අලිගැටපේර) දිනකට එකක් බැගින් ආහාරයට ගත හැක. මෙහි ඇති ප්‍රතිඔක්සිකාරක සහ තන්තු මගින් අක්මාවට සහනයක් ලබාදේ.

බීමට සුදුසු පාන වර්ග: සීනි නොදැමූ බ්ලැක් කොෆී (Black Coffee), ග්‍රීන් ටී, බීට්රූට් ජූස්, ලෙමන් වෝටර්, ඇපල් සයිඩර් විනාකිරි, පිපිඤ්ඤා ජූස්, සහ නිවිති ජූස්. විශේෂයෙන් 'හීන් බෝවිටියා' පානය කිරීම ඉතා ගුණදායක වන අතර එය දිනපතා නොව අතරින් පතර පානය කරන්න.

පියවර 02: දිනකට පියවර 7000 - 10000 අතර ඇවිදීම
මෙහිදී ඔබ දිවීම (Running) අවශ්‍ය නැත, ඇවිදීම (Walking) පමණක් ප්‍රමාණවත්ය. ඔබ දුවන විට සිරුර ක්ෂණික ශක්තිය සඳහා අක්මාවේ ඇති ග්ලයිකෝජන් දහනය කරයි. නමුත් ඔබ සාමාන්‍ය වේගයකින් ඇවිදින විට හෘද ස්පන්දන වේගය නිශ්චිත මට්ටමක පවතින බැවින් සිරුර විසින් අක්මාවේ තැන්පත් වී ඇති 'මේදය' (Fat) දහනය කිරීම ආරම්භ කරයි.

පියවර 03: කාලාන්තර උපවාසය (Intermittent Fasting)
අතරින් පතර කෑම කෑමේ පුරුද්ද සම්පූර්ණයෙන්ම නවතා ප්‍රධාන වේල් තුනට පමණක් හුරුවෙන්න.

සති 1 - 2 (12:12 ක්‍රමය): උදේ 8 සිට රාත්‍රී 8 දක්වා පමණක් ආහාර ගන්න. ඉතිරි පැය 12 ජලය පමණක් පානය කරමින් නිරාහාරව සිටින්න.

සති 3 - 4 (14:10 ක්‍රමය): උදේ 10 සිට රාත්‍රී 8 දක්වා පමණක් ආහාර වේල් ලබාගන්න. පැය 14ක් නිරාහාරව සිටින්න.

මාස 2ක අවසන් කාලය (16:8 ක්‍රමය): දහවල් 12ට පළමු වේලත්, රාත්‍රී 8ට දෙවන වේලත් ගෙන පැය 16ක් නිරාහාරව සිටින්න. මෙම නිරාහාර කාලය තුළ ඔබේ අක්මාව එහි ඇති තෙල් සියල්ලම දහනය කරමින් යථා තත්ත්වයට පත්වීම වේගවත් කරයි.

පියවර 04: නිවැරදි ආහාර පාලනය (Dietary Ratios)
ඔබේ ආහාර වේලෙහි කාබෝහයිඩ්‍රේට් 40% ක්, ප්‍රෝටීන් 30% ක් සහ මේදය 30% ක් ලෙස සමතුලිත කරගන්න.

උදාහරණයක් ලෙස දිනකට කැලරි 2000ක් අවශ්‍ය කෙනෙකුට කාබෝහයිඩ්‍රේට් ග්‍රෑම් 200ක් පමණ ප්‍රමාණවත්ය.

නමුත් එම කාබෝහයිඩ්‍රේට්, සරල පිටි කෑම වලින් නොව එළවළු වැනි 'සංකීර්ණ කාබෝහයිඩ්‍රේට්' වලින් ලබාගන්න.

අක්මාව මේ වන විටත් රෝගී වී ඇති නිසා සංතෘප්ත මේදය (Saturated Fats) බහුල මස් වර්ග ගැනීම අවම කරන්න. ඒ වෙනුවට මාළු, ඔලිව් තෙල් වැනි අහිතකර නොවන මේද (Polyunsaturated fats) සහ ප්‍රෝටීන් (ග්‍රෑම් 150ක් පමණ) ආහාරයට එක්කර ගන්න.

මෙම නිවැරදි ජීවන රටාව අනුගමනය කිරීමෙන් ඔබේ රෝගී වූ අක්මාව 100%ක්ම නැවත නිරෝගී කරගැනීමට ඔබට හැකියාව ඇත.

05/04/2026

22/03/2026

💥 "අනේ මහත්තයෝ, මගේ වකුගඩු හොඳින් නේද?" - RFT වාර්තාවක් කියවන්නේ කොහොමද?

ඊයේ රසායනාගාරයට ආපු මැදිවියේ මහත්මයෙක් මගේ අතට එයාගේ RFT (Renal Function Test) වාර්තාව දුන්නේ ලොකු කලබලයකින්. එයාගේ ලේ පරීක්ෂණ වාර්තාවේ සමහර අගයන් "Bold" කරලා තිබුණ නිසා එයා හිතාගෙන හිටියේ එයාගේ වකුගඩු දෙකම සවුත්තු වෙලා කියලා.

ඇත්තටම අපි බලන මේ RFT වාර්තාවකින් කියවෙන්නේ මොනවාද? සාමාන්‍ය කෙනෙකුට මේක තේරුම් ගන්න පුළුවන් සරලම ක්‍රමය මෙන්න.

1. Serum Creatinine (සීරම් ක්‍රියැටිනින්) - ප්‍රධානම සාධකය
අපේ ශරීරයේ පේශි ක්‍රියාකාරීත්වයේදී හැදෙන අපද්‍රව්‍යයක් තමයි ක්‍රියැටිනින් කියන්නේ. වකුගඩු නීරෝගී නම් මේවා මුත්‍රා මගින් පිට කරනවා.
🔹 අගය වැඩි වුණොත්: ඒ කියන්නේ වකුගඩුවලින් මේවා පෙරීමේ වේගය අඩු වෙලා කියන එකයි.
🔹 මතක තබා ගන්න: ව්‍යායාම කරන, මස් පිඬු වැඩියෙන් තියෙන කෙනෙකුගේ මේ අගය චුට්ටක් වැඩි වෙන්න පුළුවන්. ඒත් සාමාන්‍යයෙන් 1.2 mg/dL ට වඩා වැඩි නම් වෛද්‍ය උපදෙස් අත්‍යවශ්‍යයි.

2. eGFR (පෙරීමේ වේගය) - වකුගඩුවේ කාර්යක්ෂමතාවය
මේක තමයි වැදගත්ම දේ. ඔබේ වකුගඩුව විනාඩියකට ලේ කොපමණ ප්‍රමාණයක් පිරිසිදු කරනවාද කියලා මෙතනින් පේනවා.
🔹 අගය 90 ට වඩා වැඩිනම්: ඉතා හොඳයි.
🔹 60 ට වඩා අඩුනම්: වකුගඩුවල යම් දුර්වලතාවයක් තියෙන්න පුළුවන්.

3. Blood Urea (බ්ලඩ් යූරියා)
ප්‍රෝටීන් දහනය වීමේදී හැදෙන අපද්‍රව්‍යයක්. වකුගඩු ප්‍රශ්න වලදී වගේම, ඇඟ විජලනය වුණාමත් (වතුර බොනවා අඩු වුණාම) මේ අගය වැඩි වෙන්න පුළුවන්. ඒ නිසා යූරියා වැඩි වූ පමණින්ම බය වෙන්න එපා.

4. Electrolytes (සෝඩියම් සහ පොටෑසියම්)
වකුගඩුවලින් ශරීරයේ ලුණු මට්ටම පාලනය කරනවා. විශේෂයෙන් Potassium (පොටෑසියම්) අගය වැඩි වීම හෘද ස්පන්දනයට පවා බලපාන්න පුළුවන්.

📌 රසායනාගාරයෙන් ඔබට දෙන පණිවිඩය
අර රසායනාගාරයට ආපු මහත්මයාගේ වාර්තාවේ ක්‍රියැටිනින් අගය පොඩ්ඩක් වැඩි වෙලා තිබුණේ එයා එදා උදේ වතුර බොන්නේ නැතුව, ගොඩක් දුර පයින් ඇවිත් ලේ දුන්න නිසයි (Dehydration). වෛද්‍යවරයා නියම කළ විදිහට නැවත පරීක්ෂණය කළාම අගයන් සාමාන්‍ය වුණා.

🚨නමුත් මතක තබා ගන්න
🔹 දියවැඩියාව සහ අධික රුධිර පීඩනය තියෙනවා නම් වසරකට වරක්වත් RFT පරීක්ෂණයක් කරගන්න.
🔹 වෛද්‍යවරයෙක් ලවාම වාර්තාව කියවා ගන්න.
🔹 පරීක්ෂණයට කලින් හොඳින් වතුර බොන්න.

වකුගඩු කියන්නේ ඔබේ ශරීරයේ "Filter" එකයි. ඒක පරිස්සම් කරගන්න එක ඔබේ වගකීමක්!

M.I.M. Rasmin (BMLS Hons, HDMLT)
Base Hospital,
Gampola.

💎 ප්‍රායෝගික සෞඛ්‍ය දැනුම සහ සාක්ෂි මත පදනම් වූ වෛද්‍ය උපදෙස් සඳහා අපේ පිටුව Follow කරන්න!

©️ ~ Goodwill Medi Lab ~ All Rights Reserved.

❤️ ඔබේ පවුලේ අයගේ සහ මිතුරන්ගේ සෞඛ්‍යය වෙනුවෙන් මේ පණිවිඩය ඔවුන් වෙතත් යොමු කරන්න. එක් Share කිරීමක් තවත් ජීවිතයක් බේරගන්න උදව් වෙයි!

⚠️ අවසරයකින් තොරව උපුටා පළ කිරීම තහනම්.
(Share button එක භාවිතා කරන්න)

Disclaimer: This is for informational purposes only. For medical advice or a diagnosis, consult a professional.

25/02/2026

🌞 Vitamin D Supplement (විටමින් D පූර්ක) පානය කිරීම සම්බන්ධව සම්පූර්ණ විස්තරයක් 🌞

Vitamin D යනු අපගේ ශරීරයට අත්‍යවශ්‍ය වන, “Sunshine Vitamin” ලෙස හඳුන්වන වැදගත් විටමින් එකකි. සෘජු හිරු රශ්මියෙන් ශරීරයට නිපදවෙන මෙය, වර්තමානයේ indoor lifestyle එකක් නිසා බොහෝ දෙනාට අඩුවක් ඇතිවෙමින් පවතී. ඒ නිසාම Vitamin D Supplement භාවිතා කිරීම ප්‍රයෝජනවත් වේ.

⸻

💎 Vitamin D හි ප්‍රධාන ප්‍රතිලාභ (Benefits)

✔️ අස්ථි සහ දත් ශක්තිමත් කරයි – Calcium අවශෝෂණය වැඩි කරයි
✔️ ප්‍රතිශක්ති පද්ධතිය (Immunity) ශක්තිමත් කරයි
✔️ ශරීරයේ විඩාව සහ නළවීම අඩු කරයි
✔️ මානසික සෞඛ්‍යයට සහය වේ – Low mood, depression වැනි තත්ත්ව වලදී උපකාරී විය හැක
✔️ මාංශ පේශි ශක්තිය වැඩි කරයි
✔️ හෝර්මෝන සම්තූලිතාවට සහය වේ
✔️ හිසකෙස් වැටීම අඩු කිරීමට උපකාරී විය හැක (Deficiency එකක් තිබේ නම්)

⸻

🌞✨ විටමින් D පානයෙන් සමට ලැබෙන ප්‍රතිලාභ ✨🌞

⸻

💎 1️⃣ Acne සහ Pimples අඩු කිරීමට උපකාරී වේ

Vitamin D හි ඇති anti-inflammatory ගුණ නිසා, සමේ ඇතිවන inflammation අඩු කිරීමට සහය වේ.
👉 Acne-prone skin ඇති අයට deficiency එකක් තිබේ නම්, Vitamin D ලබාගැනීමෙන් pimples අඩුවීමට උපකාරී විය හැක.

⸻

🌿 2️⃣ සමේ ඉන්ෆෙක්ෂන් වලට ප්‍රතිරෝධය වැඩි කරයි

Vitamin D අපගේ immune system එක ශක්තිමත් කරන නිසා, සමේ bacteria ආසාදන වලට ප්‍රතිරෝධය වැඩි කරයි.
👉 Frequent skin infections ඇති අයට හොඳ ප්‍රයෝජනයක්.

⸻

✨ 3️⃣ Dry & Dull Skin තත්වය හොඳ කරයි

Vitamin D සමේ barrier function එක ශක්තිමත් කරයි.
👉 Dry skin, flaky skin වැනි ගැටළු අඩු කිරීමට සහ සමට healthy glow එකක් ලබාදීමට උපකාරී වේ.

⸻

🌸 4️⃣ Psoriasis & Eczema වැනි සම රෝග වලට සහය

Vitamin D creams පවා සම රෝග සඳහා භාවිතා කරයි.
Supplement ලෙස deficiency එකක් සම්පූර්ණ කිරීමෙන්
👉 Psoriasis / Eczema symptoms අඩු කිරීමට සහය විය හැක.
(නමුත් වෛද්‍ය උපදෙස් අනිවාර්යයි)

⸻

💛 5️⃣ Premature Aging අඩු කිරීමට සහය

Vitamin D antioxidant ලෙස ක්‍රියා කරයි.
👉 Free radicals වලින් සම ආරක්ෂා කර fine lines & wrinkles ප්‍රමාද කිරීමට උපකාරී වේ.

⸻

🌞 6️⃣ Natural Glow එකක් ලබාදෙයි

Vitamin D level සමාන්‍ය මට්ටමේ තිබේ නම්
✔️ සමේ tone එක even වීම
✔️ Radiant & healthy look එකක්
✔️ Tired look එක අඩුවීම
ලැබිය හැක.

⏰ Vitamin D පානය කළ යුතු හොඳම වේලාව

🔸 උදේ හෝ දහවල් ආහාර සමඟ පානය කිරීම වඩා හොඳයි.
🔸 Vitamin D යනු fat-soluble vitamin එකක් නිසා, ආහාරයේ තෙල්/ආහාර මේද සමඟ ගන්නා විට වඩා හොඳින් අවශෝෂණය වේ.
🔸 හිස් බඩට (empty stomach) ගන්නා එක අඩු ප්‍රතිඵලදායක විය හැක.
🔸 රෑ ඉතා පසුව (late night) ගන්නා එක සමහරුන්ට නින්දට බාධා විය හැක.

👉 සාමාන්‍යයෙන් දිනපතා ගන්නේ නම්, එකම වේලාවක ගන්නා එක වඩා හොඳ පුරුද්දකි.

⸻

👶👩‍🦰🧓 පානය කළ යුතු වයස් සීමාව

Vitamin D සියලු වයස් කාණ්ඩ සඳහා අවශ්‍ය වේ. නමුත් මාත්‍රාව (dosage) වයස අනුව වෙනස් වේ.

🔹 0–12 මාස දරුවන් – වෛද්‍ය උපදෙස් මත (සාමාන්‍යයෙන් drops)
🔹 1–18 වයස – වර්ධනය සඳහා වැදගත්
🔹 19–50 වයස – දිනපතා අවශ්‍යතාව සපුරා ගැනීම
🔹 50+ වයස – අස්ථි දුර්වල වීම (osteoporosis risk) නිසා විශේෂයෙන් වැදගත්
🔹 ගර්භණී සහ මව්කිරි දෙන මව්වරුන් – වෛද්‍ය උපදෙස් මත

⚠️ සාමාන්‍යයෙන් 600–800 IU දිනපතා අවශ්‍ය වේ (නමුත් deficiency තිබේ නම් වෛද්‍යවරයා විශේෂ මාත්‍රාවක් ලබා දිය හැක).
⚠️ Blood test (Vitamin D level test) එකක් කර deficiency එක තහවුරු කරගෙන supplement ගැනීම වඩා හොඳයි.

⸻

⚠️ අධික මාත්‍රාවෙන් ගැනීමෙන් side effects ඇති විය හැකි නිසා, blood test එකක් මත deficiency එක තහවුරු කර ගැනීම වඩා හොඳයි.

⸻

✨ සාරාංශයෙන්:
Vitamin D කියන්නේ අස්ථි සෞඛ්‍යයට පමණක් නොව, acne අඩු කිරීමට, dry skin හොඳ කිරීමට, aging ප්‍රමාද කිරීමට සහ natural glow එකක් ලබාදීමට උපකාරී වන වැදගත් විටමින් එකක්.

Healthy skin එකක් කියන්නේ cream එකකින් පමණක් නොව…
ශරීරයට අවශ්‍ය පෝෂණය නිසි ලෙස ලබාදීමෙන් 🌿💛

❗ අධික ලෙස ගන්නා විට සිදුවිය හැකි අවදානම්

Vitamin D අධික ලෙස ගත්තොත්:
▪️ Calcium level ඉහළ යාම
▪️ වමනය, වාමනය
▪️ වකුගඩු ගැටළු

ඒ නිසා වෛද්‍ය උපදෙස් මත නිසි මාත්‍රාවෙන් ගන්නා එක වැදගත් වේ.

⸻

🌤 Vitamin D ස්වභාවිකව ලබාගත හැකි ආකාර

✔️ උදෑසන 7.30–9.00 අතර මිනිත්තු 15–20ක් හිරු රශ්මියට නිරාවරණය වීම
✔️ Salmon, tuna වැනි මාළු
✔️ Egg yolk
✔️ Fortified milk products

⸻

✨ සාරාංශයෙන්:
Vitamin D supplement එකක් කියන්නේ විඩාව අඩු කර, අස්ථි ශක්තිමත් කර, immunity වැඩි කර, ශරීරයට ජීවන් ශක්තිය ලබාදෙන වැදගත් පූර්කයකි. නමුත් නිසි මාත්‍රාව, නිසි වේලාව සහ වෛද්‍ය උපදෙස් මත භාවිතා කිරීම අත්‍යවශ්‍යයි.

ආදරෙයි හැමෝටම..♥️

Copy & Pase කිරීමෙන් වළකින්න🚫 Like කරලා Share කරලා තව කෙනෙක් දැනුවත් කරමු. ඒක මට වටිනවා


පුලුවන් හැමෝම Share කරන්න.. කාටහරි වැදගත් වෙයි

උපුටා ගැනීම හෝ මෙහි අන්තර්ගතය වෙනස් කර නැවත පළ කිරීම තහනම් ( 𝐧𝐨𝐭 𝐚𝐥𝐥𝐨𝐰𝐞𝐝 𝐭𝐨 𝐜𝐨𝐩𝐲 𝐨𝐫 𝐜𝐡𝐚𝐧𝐠𝐞 𝐭𝐡𝐢𝐬 𝐜𝐨𝐧𝐭𝐞𝐧𝐭 𝐚𝐠𝐚𝐢𝐧.)

゚viral
゚viralシfypシ゚ ゚viralシ

24/02/2026

⭕තයිරොයිඩ් හෝමොන අඩු විම

⚫තයිරොයිඩ් හෝමොන අඩු වීමේ රෝග ලක්ෂණ.

🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰

🔴රෝග ලක්ෂණ සාමාන්‍යයෙන් සෙමින් වර්ධනයවේ

🔵සමහර අයගේ බෙල්ල ලොකු වන අතර සමහර අයගේ එය සාමන්‍යය ප්‍රමාණයෙන් පවතී

🔴පොදු රෝග ලක්ෂණ

▪️තෙහෙට්ටුව
▪️කම්මැලි බව
▪️අදික නිදිමත
▪️සීතලට සංවේදී වීම/සීතල දරා ගැනීමට නොහැකී විම
▪️බර වැඩිවීම
▪️මලබද්ධය
▪️හිස කෙස් යාම
▪️අමතක වීම
▪️මානසික අවපීඩනය
▪️මන්දගාමී චලනයන් සහ සිතුවිලි
▪️මාංශ පේශි වේදනාව සහ දුර්වලතාවය
▪️මාංශ පේශි කැක්කුම
▪️වියළි හා කොරපොතු සම
▪️කැඩෙනසුලු හිසකෙස් සහ නියපොතු, ▪️හිරිවැටීම සහ අතේ සහ ඇඟිලිවල හිරි වැටීම (කාපල් ටනල් සින්ඩ්‍රෝමය)
▪️කොලෙස්ටරොල් වැඩි වීම
▪️ඇග ඉදීමිම/කකුල් ඉදීමිම
▪️කට හඩ වෙනස් විම./ කට හඩ ගොරෝසු විම
▪️දරැ පල අඩු විම
▪️ මාසික ඔසප් චක්‍රයේ වෙනස් කම්

🟰🟰🟰🟰🟰🟰🟰🟰🟰🟰🟰🟰🟰🟰🟰🟰

🔴හදුනා ගැනීම

(TSH, T4 පරීක්ෂණය)

තයිරොයිඩ් පරීක්ෂණයක් ලෙස හඳුන්වන මෙම පරීක්ෂණය රුධිරයේ තයිරොයිඩ් උත්තේජක හෝමෝන (TSH) සහ තයිරොක්සීන් (T4) මට්ටම් සොයා බලයි.

TSH මට්ටම ඉහළ මට්ටමක පැවතීම සහ රුධිරයේ T4 මට්ටම අඩු වීම යන්නෙන් අදහස් වන්නේ ඔබට තයිරෝක්සින් හෝමොනය අඩු වී ඇති බවයි.

🔻🔻 TSH අගය වැඩි නම් ඔබගේ ශරීරයේ තයිරොක්සින් අඩුය.

🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰
🔴ප්‍රතිකාර

🔸මෙය භායනක රෝගයක් නොවේ, නමුත් ප්‍රතිකාර (තයිරොක්සින්) නොගත හොත් භයානක අතුරැ පල ඇති විය හැක.

🔸 තයිරොක්සීන් පෙති දීනපතා ගත යුතුයි
🔸ඔබට තයිරොක්සීන් අඩු ප්‍රමාණයකින් ආරම්භ කළ ක්‍රමයෙන් වැඩි කරයි

🔸. සමහර පුද්ගලයින්ට ප්‍රතිකාර ආරම්භ කිරීමෙන් පසු ඉක්මනින් සුවයක් දැනෙන්නට පටන් ගන්නා අතර තවත් සමහරුන්ට මාස කිහිපයක් යන තෙක් රෝග ලක්ෂණ වල අඩුවක් නොදැනේ

🔸ටැබ්ලට් වල ක්‍රියාකාරිත්වය වෙනත් ඖෂධ, ආහාර මගින් වෙනස් කළ හැකී බවින් ඒවා හිස් බඩට ජලය සමග ගිල දැමිය යුතු අතර, ඔබ විනාඩි 30 ක් යනතුරැ ආහාර ගැනීමෙන් වැළකී සිටිය යුතුය.

🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰

🔴 ප්‍රතිකාර නොකළහොත් කුමක් සිදුවේද?

🔸 බරපතල සහ ජීවිතයට තර්ජනයක් වන වෛද්‍ය තත්වයක් බවට පත්විය හැකිය. ඔබ ප්‍රතිකාර නොකළහොත්, ඔබේ රෝග ලක්ෂණ වඩාත් දරුණු විය හැකිය

▪️මානසික සෞඛ්ය ගැටළු වර්ධනය කිරීම.
▪️හුස්ම ගැනීමේ අපහසුතාවයක් ඇති වේ.
▪️සාමාන්‍ය ශරීර උෂ්ණත්වය පවත්වා ගැනීමට නොහැකි වීම.
▪️හෘදයාබාධ ඇතිවීම.
▪️ගොයිටරයක් වර්ධනය කිරීම (තයිරොයිඩ් ග්‍රන්ථිය විශාල වීම).
▪️ඔබට myxedema coma(සිහිය නැති වන භායානක තත්වයකි) ලෙස හැඳින්වෙන බරපතල රෝගී තත්වයක් ද වර්ධනය විය හැක.

🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰

🔴 මුළු ජීවිත කාලය පුරාම තයිරොයිඩ් ග්‍රන්ථිය සඳහා එකම ඖෂධ මාත්‍රාවක් ගත යුතුද?

▪️ඔබේ ඖෂධයේ මාත්‍රාරව කාලයත් සමඟ වෙනස් විය හැක.

▪️ඔබේ ජීවිතයේ විවිධ අවස්ථා වලදී, ඔබේ රෝග ලක්ෂණ කළමනාකරණය කිරීම සඳහා ඖෂධ ප්‍රමාණය වෙනස් කිරීමට අවශ්‍ය විය හැකිය.

🟠🟠🟠🟠🟠🟠🟠🟠🟠🟠🟠🟠🟠🟠🟠🟠🟠🟢🟢🟢🟢🟢🟢🟢🟢🟢🟢🟢🟢🟢🟢🟢🟢🟢

⭕ තයිරොක්සින් වැඩි විම

🔰තයිරොක්සින් වැඩිවිමේ රෝගය

=============
🔹තයිරොයිඩ් ග්‍රන්ථිය අධික ලෙස තයිරොයිඩ් හෝමෝන නිපදවන විට හයිපර් තයිරොයිඩ්සම් යන තත්වය ඇතිවේ.

🔹මෙම තත්වයේදී ශරීරයේ පරිවෘත්තීය වේගවත් කරයි. එය බර අඩු වීම, අත් වෙව්ලීම සහ වේගවත් හෝ අක්‍රමවත් හෘද ස්පන්දනය වැනි බොහෝ රෝග ලක්ෂණ ඇති කළ හැකිය.

🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰

🔴රෝග ලක්ෂණ

▪️ බර අඩු විම.
▪️වේගවත් හෘද ස්පන්දනය, (පපුව ගැහීම)
▪️අක්‍රමවත් හෘද ස්පන්දනය, ▪️කුසගින්න වැඩි වීම.
▪️ තරහා යාම ,නුරුස්නා බව.
▪️වෙව්ලීම, සාමාන්‍යයෙන් අත් සහ ඇඟිලිවල කුඩා වෙව්ලීම.
▪️දාඩිය දැමීම වැඩි කම
▪️ඔසප් චක්‍රයේ වෙනස්කම්.
▪️රස්නය දරා ගැනීමට නොහැකී විම
▪️නිතර නිතර මලපහ කිරීම,
▪️විශාල වූ තයිරොයිඩ් ග්‍රන්ථිය, .
▪️තෙහෙට්ටුව.
▪️මාංශ පේශි දුර්වලතාවය.
▪️නින්ද නොයාම.
▪️උණුසුම්, තෙතමනය සහිත සම.
▪️සම සිහින් වීම.
▪️සිහින්, කැඩෙනසුලු හිසකෙස්.

🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰
⭕රෝග විනිශ්චය

🔹රෝග විනිශ්චය කරන්නේ රුධිර පරීක්ෂණයක ප්‍රතිඵල මතයි.

1️⃣ TSH (තයිරොයිඩ්-උත්තේජන හෝර්මෝනය)

2️⃣ (T3) - ප්‍රධාන තයිරොයිඩ් හෝමෝන වලින් එකකි
3️⃣තයිරොක්සින් (T4) - තවත් ප්‍රධාන තයිරොයිඩ් හෝමෝනයකි
🔴. අඩු TSH මට්ටමක් සහ T3 සහ/හෝ T4 ඉහළ මට්ටමක් මෙම රෝගය ඇති අයට ඇතී වේ

🔻වැඩිදුර පරීක්ෂණ

▪️ඔබේ තයිරොයිඩ් හෝමෝන මට්ටම ඉහළ මට්ටමක පවතී නම්, එයට හේතුව කුමක්දැයි සොයා ගැනීමට වැඩිදුර පරික්ෂණ කල යුතුයි

▪️ප්‍රති-තයිරොයිඩ් ප්‍රතිදේහ.

🔵තයිරොයිඩ් ස්කෑන්

ඔබේ තයිරොයිඩ් ග්‍රන්ථියේ ගැටිති (ගැටිති) වැනි ගැටළු සෙවීමට තයිරොයිඩ් ස්කෑන් පරීක්ෂණයක් භාවිතා කළ හැක.

🟰🟰🟰🟰🟰🟰🟰🟰🟰🟰🟰🟰🟰🟰🟰🟰🟰
⚛️ප්‍රතිකාර

🔸ප්‍රධාන ප්‍රතිකාර ක්‍රම 3කි

1️⃣ඖෂධය
2️⃣විකිරණශීලී අයඩින් ප්රතිකාර
3️⃣සැත්කම්

=============
⭕ඖෂධ

🔹භාවිතා කරන ප්‍රධාන වර්ග වන්නේ carbimazole සහ propylthiouracil වේ.

🔹ඔබට සාමාන්‍යයෙන් මාස 12 සිට 18 දක්වා ඖෂධ ගැනීමට අවශ්‍ය වනු ඇති අතර, ඔබ යම් ගුණයක් දැකීමට එය ගැනීම ආරම්භ කර මාස කිහිපයක් ගත විය හැක.

🔹මේ අතරතුර ඔබේ සමහර රෝග ලක්ෂණ සමනය කිරීමට උපකාර කිරීම සඳහා බීටා බ්ලොකර් ( ප්‍රොපනලොල්) ලෙස හැඳින්වෙන තවත් ඖෂධයක් ඔබට ලබා දිය හැකිය.

🔹ඔබේ තයිරොයිඩ් හෝමෝන මට්ටම පාලනය කළ පසු, ඔබේ මාත්‍රාව ක්‍රමයෙන් අඩු වී පසුව නතර කල හැක.

🔹 නමුත් සමහර අයට වසර කිහිපයක් හෝ සමහරවිට ජීවිත කාලය පුරාවටම ඖෂධ ගැනීම අවශ්‍ය වේ.

==============

⭕විකිරණශීලී අයඩින් ප්‍රතිකාර

🔹විකිරණශීලී අයඩින් ප්‍රතිකාරය යනු තයිරොයිඩ් ග්‍රන්ථියේ සෛල විනාශ කිරීම සඳහා භාවිතා කරන විකිරණ ප්‍රතිකාර වර්ගයකි, එමඟින් නිපදවිය හැකි හෝමෝන ප්‍රමාණය අඩු කරයි. එය අධි ක්‍රියාකාරී තයිරොයිඩ් ග්‍රන්ථිය සුව කළ හැකි ඉතා ඵලදායී ප්‍රතිකාරයකි.

🔹ඔබේ තයිරොයිඩ් ග්‍රන්ථිය මගින් අවශෝෂණය කරන අයඩින් සහ අඩු විකිරණ මාත්‍රාවක් අඩංගු පානයක් හෝ කැප්සියුලයක් ඔබට ලබා දී ඇත.

🔹බොහෝ දෙනෙකුට අවශ්‍ය වන්නේ එක් ප්‍රතිකාරයක් පමණි.

🔹සම්පූර්ණ ප්‍රතිලාභ දැනීමට සති කිහිපයක් හෝ මාස කිහිපයක් ගත විය හැක, එබැවින් ඔබට කෙටි කාලයක් සඳහා Carbimazole හෝ propylthiouracil වැනි ඖෂධ ලබා ගැනීමට සිදුවනු ඇත.

🔹විකිරණශීලී අයඩින් ප්‍රතිකාරයේදී භාවිතා කරන විකිරණ මාත්‍රාව ඉතා අඩුය, නමුත් ප්‍රතිකාර කිරීමෙන් පසු ඔබ ගත යුතු පූර්වාරක්ෂාවන් කිහිපයක් තිබේ:

🔻සති 3 ක් පමණ ළමුන් සහ ගර්භනී කාන්තාවන් සමඟ දිගු කිට්ටු සම්බන්ධතා පැවැත්වීමෙන් වළකින්න

🔻කාන්තාවන් අවම වශයෙන් මාස 6 ක් ගැබ් ගැනීමෙන් වැළකී සිටිය යුතුය

🔻පිරිමින් අවම වශයෙන් මාස 4 ක්වත් යන තුරැ දරුවෙකු සැදිම නොකළ යුතුය

🔻විකිරණශීලී අයඩින් ප්‍රතිකාරය ගර්භනී හෝ මව්කිරි දෙන කාන්තාවන් සඳහා සුදුසු නොවේ.

================

⭕ශල්යකර්ම

🔹සමහර විට, ඔබේ තයිරොයිඩ් ග්‍රන්ථියේ සම්පූර්ණ හෝ කොටසක් ඉවත් කිරීමට ශල්‍යකර්මයක් න කළ හැක.

⚛️මෙය හොඳම විකල්පය විය හැක්කේ:

🔸ඔබේ තයිරොයිඩ් ග්‍රන්ථිය විශාල ගොයිටරයක් නිසා දැඩි ලෙස ඉදිමී තීබේ නම්

🔸තයිරොයිඩ් ග්‍රන්ථියේ අධික ක්‍රියාකාරීත්වයක් නිසා ඔබට දරුණු අක්ෂි ආබාධ තිබේ නම්

🔸ඔබට වෙනත් ප්‍රතිකාර වලින් සුව නෝවෙ නම්

🔸තයිරොයිඩ් ග්‍රන්ථිය සම්පූර්ණයෙන්ම ඉවත් කිරීම සාමාන්‍යයෙන් නිර්දේශ කරනුයේ එය නැවත පැමිණෙන රෝග ලක්ෂණ නතර කරන බැවිනි.

🔹නමුත් ඔබේ තයිරොයිඩ් ග්‍රන්ථිය සම්පුර්නයෙන්ම ඉවත් කිරීමෙන් පසු ඔබේ ශරීරයට තයිරොයිඩ් හෝමෝන නිපදවීමට නොහැකි වන නිසා ඔබට ජීවිත කාලය පුරාම තයිරොක්සීන් පෙතී ගැනීමට සිදුවේ.

🟰🟰🟰🟰🟰🟰🟰🟰🟰🟰🟰🟰🟰🟰🟰🟰

⭕ තත්ත්වයට ප්‍රතිකාර නොකළහොත් සංකූලතා කිහිපයක් වර්ධනය විය හැක.

1️⃣තයිරොයිඩ් ක්‍රයිසිස්

, හඳුනා නොගත් හෝ දුර්වල ලෙස පාලනය කරන ලද තයිරොක්සින් වැඩි විමේ රෝගය ක්‍රයිසිස් ලෙස හැඳින්වෙන බරපතල, ජීවිතයට තර්ජනාත්මක තත්වයක් ඇති කළ හැකිය.

මෙහි දි
▪️වේගවත් හද ගැස්මක
▪️ අදිකඉහළ උෂ්ණත්වය
▪️අධි රුධිර පීඩනය (අධි රුධිර පීඩනය)
▪️සම සහ ඇස් කහ වීම (සෙංගමාලය)
▪️දැඩි මානසික ව්යාකූලත්වය
▪️සිහිය නැතිවීම ඇති වේ

2️⃣ගැබ්ගැනීමේ ගැටළු

3️⃣අක්ෂි ගැටළු

🔻තයිරොයිඩ් අක්ෂි රෝගය හෝ ග්‍රේව්ස් අක්ෂි රෝග ලෙස හැඳින්වෙන අක්ෂි ආබාධ, ග්‍රේව්ස් රෝගය නිසා ඇති වන තයිරොයිඩ් ග්‍රන්ථිය අධික ලෙස ක්‍රියා කරන පුද්ගලයින් 4 දෙනෙකුගෙන් 1 දෙනෙකුට පමණ බලපායි.

🔹ඇස් වියලි සහ අශෝභන බවක් දැනේ
🔹ආලෝකයට සංවේදීතාව
🔹නොපැහැදිලි හෝ දෙක දෙක පෙනීම
🔹රතු ඇස්
🔹 ඉදිරියට නෙරා ඇති ඇස්

🟰🟰🟰🟰🟰🟰🟰🟰🟰🟰🟰

🔰කායික රෝග පිලිබද විශේෂඥ වෛද්ය
බන්දුල සත්කුමාර

🟰🟰🟰🟰🟰🟰

23/02/2026

රුධිරයේ හැදෙන පිළිකා වර්ග සහ ලේ පිළිකාවක් කල්තියා හඳුනාගන්න හැටි
ලෝකය පුරා බොහෝ දෙනෙක් බිළිගත් මාරකයක් තමයි පිළිකා රෝගය. අපේ සිරුරේ විවිධ තැන් වල විවිධ පිළිකා වර්ග හටගන්නවා. ඒ අතර එක් පිළිකාවක් තමයි රුධිරයේ ඇති වන පිළිකා සමහරු එය ලේ පිළිකා ලෙසයි හඳුන්වන්නේ. මේ රුධිරයේ හැදෙන පිළිකා ප්‍රධාන වශයෙන් වර්ග 3ක් තියෙනවා.

ලියුකේමියා

මෙය ප්‍රධානතම ලේ පිළිකා වර්ගයක්. මේකෙත් වර්ග කිහිපයක්ම තියෙනවා. ප්‍රධාන වශයෙන් ඇකියුට්‌ ලියුකේමියා හා ක්‍රොනික්‌ ලියුකේමියා ලෙස වර්ග දෙකකට බෙදෙනවා.ඒ වගේම රතු රුධිරාණු, සුදු රුධිරාණු හා රුධිර පට්‌ටිකා වැඩිවන හා අඩුවන විවිධ ලියුකේමියා වර්ගත් පවතිනවා.

සාමාන්‍ය රුධිර පරීක්ෂාවකින් මෙම ලියුකේමියා තත්වය හඳුනාගන්න පුළුවන්. ඒ වගේම උණ රෝගී තත්වයන් පරික්ෂා කිරීමේදී සහ බෝන් මැරෝ පරීක්‌ෂාවෙන් ද ලියුකේමියාව හඳුනාගැනීමේ හැකියාව පවතිනවා. සමහර ලියුකේමියා වර්ග කිසිම රෝග ලක්ෂණයක් නොපෙන්වා‌ දීර්ඝ කාලයක්‌ පවතින්නත් පුළුවන්.

රෝග ලක්ෂණ

අධික මහන්සිය
අසාමාන්‍ය ලෙස ලේ ගැලීම
උණ
විදුරුමස්වලින් ලේ යෑම
මාසික ඔසප්වීමේදී අධික ලෙස රුධිරය පිටවීම
සම යටින් ලේ ගැලීම (රතු පැල්ලම් ලෙස පෙනේ)

ලිම්ෆෝමා

මෙම පිළිකා තත්වය ඇති වන්නේ වසා පද්ධතියේයි. සමහර වෛරස නිසා ලිම්ෆෝමා වර්ගයේ රැධිර පිළිකා හැදෙන්න පුළුවන්. ලේ පරීක්‌ෂාව, වසා ගැටිති පරීක්‌ෂාව හෝ බෝන් මැරෝ පරීක්‌ෂාවෙන් එය හඳුනාගත හැකියි.

රෝග ලක්ෂණ

වසා ගැටිති (කුද්දැටි) ඉදිමී
ශරීරයේ බර අඩුවීම
අධික ලෙස දහඩිය දැමීම
කැස්ස
හුස්ම හිරවීම
කැසීම

මයලෝමා

මයලෝමා කියන්නේ ප්ලාස්‌මා සෛලවල (බෝන් මැරෝ ආශ්‍රිත) සෑදෙන පිළිකා වර්ගයක්. Multiple Myeloma ලෙස හැඳින්වෙන තත්ත්වයේ දී ප්ලාස්මා සෛල ලෙස හැඳින්වෙන සුදු රුධිරාණු බහුල වී ඒවායින් ශරීර අවයවවලට හානිකර ද්‍රව්‍ය නිකුත් කරනවා. එක්‌ස්‌රේ පරීක්‌ෂාව, රුධිර පරීක්‌ෂාව හෝ බෝන් මැරෝ පරීක්‌ෂාව මගින් මෙම රෝගී තත්වය හඳුනාගන්න පුළුවන්.

රෝග ලක්ෂණ

කොන්දේ කැක්‌කුම
වකුගඩු නරක්‌වීම
අධික මහන්සිය
බර අඩුවීම
නිතර ආසාදන තත්වයන්
කකුල් වල දුර්වලතා
අධික පිපාසය
ආහාර අරුචිය
ඔක්කාරය
පපුවේ සහ අස්ථි වේදනාව

සාමාන්‍යයෙන් විකිරණවලට නිරාවරණය වීම, රසකාරක දැමූ ආහාර ගැනීම වැනි විවිධ හේතු පිළිකා ඇති වෙන්න බලපානවා. සමහර වෙලාවට පරම්පරාවෙන් රෝගයක් ලෙස වැළඳෙන පිළිකා වර්ගත් තියෙනවා. හැබැයි රුධිර පිළිකා හැදෙන ආකාරය නම් තවමත් සොයාගෙන නැහැ. හැබැයි නිවැරදිව ප්‍රතිකාර කිරීමෙන් රුධිර පිළිකා සුව කරගත හැකියි.