Asiri Karunanayaka

09/02/2025

~ සමාගම් වල රූකඩ වෙනවද? ~

විනාඩි තුනකින් කියවන්න පුළුවන් විස්තරයක් තියෙන්නේ. රෑප දෙක ගැන කියලම පටන් ගන්නම්කෝ.

පළවෙනි රෑපේ තියෙන්නේ තමන්ගේ 100 වෙනි ජාත්‍යන්තර ටෙස්ට් තරඟයේදී අවසන් ඉනිම දියත් කරපු දිමුත් කරුණාරත්න out වෙලා ක්‍රීඩාගාරයට යන එක. එයාගේ T shirt එක දිහා බැලුවොත් පෙනෙයි ශ්‍රී ලංකාවේ කොඩියටත් වඩා විශාලව සමාගමක නමක් ප්‍රදර්ශනය කරලා තියෙනවා. ඒ වගේම T shirt එකේ පිටිපස්සෙත් මේ විදිහට තියෙනවා ඔබ දැකලා ඇති. National team sponsor, Clothing Partner, Drinking Water Partner, Health Care partner ආදී විවිධ කාණ්ඩ වලින් ලබාගන්න sponsorship (අනුග්‍රාහකත්ව) වල මුදල් ප්‍රමාණය මත මේ විදිහට ක්‍රීඩායයන්ගේ ඇඳුම් වල, ආයිත්තම් වල වෙලඳ නාම ප්‍රදර්ශනය කරන එක රඳා පවතිනවා. Sri Lanka Cricket Annual Report එකෙත් මේවා ගැන ප්‍රසිද්ධියේ සඳහන් වෙනවා.

දෙවෙනි පින්තූරේ තියෙන්නේ කඩයක් නෙමේ 😌. මේ Star වැඩසටහනක judge board එකේ ඉන්න සමිතා මුදුන්කොටුව මහත්මිය, ඒ වටේ තියෙන products ටික බලන්නකෝ. Mic එකේ ගහලා තියෙන එක දකින්නත් මිස් කරන්න එපා. Programme එක අතරතුරේ යන advertisements වලට අමතරව මේ හරහා උපරිම ලාභයක් උපයගන්න එක TV Channel එකේ පරමාර්ථය වෙද්දි, ඒ සමාගම් වල පරමාර්ථය වෙන්නේ programme එක බලන audience එකට තමන්ගේ product එක market කරන්න. මේ වගේ programme වල products ඇහැට පේන්න සලස්වන අතරතුරේ නිවේදකයා හරහා products සහ brand names වල නම් කියන්නත්, සමහර වෙලාවට judge board එකේ අය ඒවා පාවිච්චි කරනවා (බීම එකක් බොනවා වගේ) පෙන්නනත් අමතක කරන්නේ නෑ 😌.

මේ උදාහරණ දෙකක් ගැන කීවේ සමාගම් තමන්ගේ භාණ්ඩ, සේවා අලෙවි කරගන්න කරන marketing strategy එකක් වෙන products placement ගැන කියන්න. මේ වගේ ගොඩක් අවස්ථා ඔබ දැකලා ඇති. රෑපමය විදිහට වගේම සමහර වෙලවට සංවාදයක වචන භාවිතයෙන්, පාවිච්චි කරන විදිය නිරූපණයෙන්, සමාගම් වල නම් හෝ ලාංජන දර්ශන පසු තලයේ යොදා ගැනීමෙන් ආදී විවිධ ක්‍රම වලට මේ products placement සිදු කරනවා. මේවා අපිට පහසුවෙන් අඳුනගන්න පුළුවන් වෙලඳ දැන්වීම් වල වගේම ටෙලි නාට්‍ය, චිත්‍රපට, වේදිකා නාට්‍ය, ගුවන් විදුලි වැඩසටහන්, මුද්‍රිත මාධ්‍ය, ක්‍රීඩාවන් සහ උත්සව ආදීය අතරතුරදීත් නිරන්තරයෙන් සිදුවෙනවා. ඒ නිසා ඒ අවස්ථාවන් ගැන අවබෝධයෙන් ඉන්න එක හරිම වැදගත්.

මේකෙදි සමාගම් ක්‍රියාත්මක වෙන්නේ මනෝ විද්‍යාවේ මූලධර්ම අධ්‍යනය කරලා ඒවා උපයෝගී කරගෙන. යම් සමාගමක භාණ්ඩයක් හරි සේවාවක් හරි අපිට නැවත නැවත දර්ශනය වීම හෝ ඇසීම නිසා ඒ products සමීප බවක් දැනීම සහ ඒ ගැන ධනාත්මක අදහසක් ඇති වීම අප නොදැනුවත්වම සිදුවෙනවා. ඒ වගේම සමහර වෙලාවට අපේ මොළේ කැමතියි අනුන් කරන දෙයක් බලලා ඉගෙන ගන්න. ඒක අපි කැමති, ජනප්‍රිය කෙනෙක් කරද්දි ඒ කැමැත්ත තවත් වැඩි වෙනවා. වෙලඳ දැන්වීම් වලට නිරූප නිරූපිකාවන් වගේම පසුබිමේ කට හඬ පවා තෝරගන්නේ ඔය මූල ධර්මය මත කියන එක ටිකක් උනන්දුවෙන් බැලුවොත් ඔබටත් පැහැදිලි වෙන්න ඕනේ.

සමහර විට මේ දර්ශන වලදි භාණ්ඩය ඇතුළත් වෙන්නේ දර්ශනයේ අයිනක, කුඩා වෙලාවකට. අපිට ඒක හරියට දැක්කා කියලා මතක් වෙන්නෙවත් නෑ. ඒත් මේ දර්ශන හරහා අළුත් සිතුවිලි, හැඟීම් ඇති වෙනවා සහ ඒ හරහා නොදැනීම අපිට ආයේ ආයේ ඒක මතක් වෙන්න, එදිනෙදා ජීවිතේ සිද්ධි එක්ක සම්බන්ධ කරන්න පෙලඹෙනවා. මේකෙන් වෙන්නේ භාණ්ඩයක් තෝරා ගන්න ගියහම නොදැනුවත්වම අපේ හිතේ වැඩිපුර ධාරණය වෙලා තියෙන සන්නාමයන් තෝරගන්න පෙලඹෙන එක.

ඒ වගේම සමාගම වල තවත් උපක්‍රමයක් තමයි භාණ්ඩ සහ සේවා තෝරා ගැනීම් ජීවිතේ අවස්ථා එක්ක බද්ධ කරලා නිරූපණය කරන එක. සතුටුදායක සමාජීය අවස්තාවන් එක්ක යොදා ගැනීම, ප්‍රශ්න වලට විසඳුමක් විදිහට ඉදිරිපත් කිරීම, සතුට, බය වගේ හැඟීම් ඇවිස්සීම, පැරණී මතක එක්ක මුසු කිරීම, ආකර්ශනීය සංගීත කණ්ඩ, දර්ශන තල යොදා ගැනීම, සන්නාමයන්ට ආවේණීක පාට සංකලන සහ වචන රටා යොදා ගැනීම ඔවුන් සිදු කරනවා. සමහර වෙලාවට අපට ඔවුන් හිතන්න සලස්වනවා මේ භාණ්ඩය හෝ සේවාව භාවිතා කිරීම හරිම සාමාන්‍ය දෙයක්, හැමෝම පාවිච්චි කරනවා, ඒවා පාවිච්චි කලහම ජීවන තත්ත්වය උසස් වෙනවා කියලා. ඒ වගේම ලංකාවේ YouTube Channel භාවිතා කරලා විහිළු හෝ කතන්දර විදිහට හැඟීම් වලට බද්ධ කරලා ප්‍රචාරණය කිරීමත් මේ වෙද්දි ඔබ නිරීක්ෂණය කරලා ඇති. Google, Facebook history එක මත ඔබට අවශ්‍ය භාණ්ඩ, සේවා වල advertisement එවන එකෙත් අත්දැකීම් ඔබට මේ වෙද්දි අනිවාර්‍යෙයන් ඇති. මේක කියවගෙන යද්දි එක එක උදාහරණ ඔළුවට එන්නත් ඇති 🤭.

ඉතින් මේ සරළව කීවේ අපේ ජීවන රටා වෙනස් කරලා, සමාගම් වලට වැඩි පාරිභෝගිකයෝ ප්‍රමාණයක් අද්දගෙන ලාභය වැඩි කරගන්න භාවිතා කරන උපක්‍රම. තාක්ෂණයෙන් දියුණු වෙද්දි අපි නොහිතන ක්‍රම ඔවුන් දියත් කරනවා වගේම, ඒවා සදාචාරාත්මක නොවෙන අවස්තාත් බොහොමයක් තියෙනවා. ඉතින් අපේ උත්සහය වෙන්න ඕනේ මේ සමාගම් වල උපක්‍රම වලට අපි ඇන්දෙන් නැතුව ඉදීම සහ අනිත් අයත් ඇන්දීමෙන් වළක්වා ගන්න එක. විශේෂයෙන්ම පොඩිත්තන්ගේ අවබෝධය මේ ගැන වැඩි කරන එක.

අපිට මේ වෙනුවෙන් කරන්න පුළුවන් දේවල් හිතෙනවා නම් ලියන්න. ඊලඟ ලිපියෙන් දුම්කොළ සමාගම් products placement කරන්නේ කොහොමද කියලා බලමු. ✌️

07/10/2024

ලෝක මද්‍යසාර නිවාරණ දිනය 2024
සිළුමිණ පුවත්පත් වාර්තාකරණය
06/10/2024

27/08/2024

සමබල ආහාර වේලක් ගැන..🤗

https://youtu.be/mxSXIT6_jAw?si=ajY9CaUAJjEgeDZy

සමබල ආහාර වේලක් ඔබේ යහපැවැත්මට කොපමණ වැදගත්ද? | Adaraneeya Jeewithaya |Asiri Karunanayake | 27 - 08 - 2024The First and the Only 4K ULTRA HD Television chan...

30/07/2024

තරබාරුකම සහ ඉන් වැලැක්වෙන විදි ගැන කෙටි සාකච්ඡාවක් 🙂

සියත රූපවාහිනිය : ආදරණීය ජීවිතය වැඩසටහන

https://youtu.be/a7qaK5Vm-gI?si=gS_-PwWrO8ZeuiQ1

තරබාරුකම කියන්නේ මොකක්ද? | Adaraneeya Jeewithaya | Asiri Karunanayaka | 30 -07 - 2024The First and the Only 4K ULTRA HD Television channel in Sri Lanka - Siy...

07/03/2023

' වඩාත් යහපත් හෙට දවසකට සවිමත් ගැහැණියක් '

ජාත්‍යන්තර කාන්තා දිනය වෙනුවෙන් සංවිධානය කර ඇති විශේෂ මාර්ගගත වැඩසටහන. මානසික සෞඛ්‍ය , පෝෂණය සහ නීතිය යන තේමාවන් ඔස්සේ ඔබව දැනුවත් කරන්නේ ක්ෂේත්‍රයේ විශේෂඥ දැනුම සහිත අය විසිනි. ඔබට මෙම මාතෘකා පිළිබඳ ඇති ඕනෑම ප්‍රශ්නයක් අසා දැනුවත් වීමට සහ කාන්තාවක් වශයෙන් සුරක්ෂිත හෙට දවසකට පියමන් කිරීමට මෙම වැඩසටහනට සම්බන්ධ වන මෙන් ආරාධනා කරමු.

'A strong woman for a better tomorrow

The special online program was organized on the occasion of International Women's Day. Experts in the field will educate you on mental health, nutrition and law. We invite you to join this program to ask any questions about these topics, get informed and step towards a safer tomorrow as a woman.


*F

14/06/2022

නින්ද අපට අවශ්‍ය ඇයි?

මව්බිම පුවත්පත
13-06-2022

08/04/2022

රට වෙනුවෙන් අපිට කරන්න පුලුවන් දේවල් මොනවද ?
ෙනුවෙන්_හිතමු
========================

මේ වෙලාවේ ලාංකික අපිට විරෝධතා වලින් එහාට ගිහින් කරන්න පුලුවන් මොනවද කියන ප්‍රශ්නේ මේ දවස් වල ඇහෙන එකක්..

මේ මට හිතෙන විදිහට සහ කතා කරපු අයගෙන් ආපු අදහස් එක්ක සාමාන්‍ය පුද්ගලයෙක් වීදිහට රට ආර්ථික අර්බුදයෙන් ගලවගන්න කරන්න පුලුවන් දේවල්.

1. කරන්න පුලුවන් දේවල් හිතන එක
2. දැන් ලෝකේ වෙන දේවල් ගැන කියවලා තමන්ගේ අවබෝධය වැඩි කරගන්න එක
3. රටේ නිෂ්පාදන ආර්ථිකයට හැකි අයුරින් දායක වෙන එක
4. රටට ඩොලර් එන ක්‍රම ප්‍රවර්ධනය කරන එක
5. ආහාර වලින් ස්වයංපෝෂත වන එක
6. සම්පත් කළමණාකරණය කරන එක
7. රටට ඇත්තටම ආදරේ කරන මිනිස්සු වෙන එක සහ එහෙම මිනිස්සු අදුනගන්න පුරුදු වෙන එක.
8. මේ හැමදේම අතරේ රටට ජාතික ප්‍රතිපත්ති නිර්මාණය කරන එක

එකින් එක ගැන වෙනම පොඩ්ඩක් කතා කලොත්..

1. කරන්න පුලුවන් දේවල් හිතන එක..
- එකම රාමුවකට කොටු වෙලා,කවුරු හරි කියන දේ විතරක් පිළි අරගෙන ඉන්නේ නැතුව අලුතින් දේවල් හිතන්න ගන්න එක හැම වෙලාවෙම වැදගත්.
ශිෂ්‍යයෙක්,දෙමව්පියෙක්,රජයේ සේවකයෙක්,මාධ්‍යවේදීයෙක්,ජනතා නියෝජිතයෙක් විදිහට විවිධ භුමිකා වල ඉදගෙන අපිට හිතන්න පුලුවන්.

2. දැන් ලෝකේ වෙන දේවල් ගැන කියවලා තමන්ගේ අවබෝධය වැඩි කරගන්න එක
- මේ වගේ තත්වයන් මීට කලිනුත් ලෝකේ ඇති වෙලා / ඇති කරලා තියෙනවා. ඒවා ගැන අධ්‍යනය කලොත් අපිට අදුනගන්න පුලුවන් රටවල් ආර්ථිකව වට්ටන්න කරලා තියෙන දේවල් ගැන.අපිත් ඒ සැලසුම් වලට අහු වෙලාද ඉන්නේ කියලා අවබෝධයක් ලබා ගන්න පුලුවන්.
[ මේකෙදි වැදගත් එක තමයි අපි කියවන දේවල් කොච්චර ඇත්ත ද කියලා.google එකේ search කරහම මුලින්ම අපිට පෙන්නන්නේ එයාලට කැමති එක මිසක් ඇත්ත එක නෙමේ.]

3. රටේ නිෂ්පාදන ආර්ථිකයට හැකි අයුරින් දායක වෙන එක
- මේකෙදි අපිට භාණ්ඩ නිෂ්පාදනයට අමතරව ලංකාවේ නිපදවෙන භාණ්ඩ මිලට දීලා ගන්න එක කරන්න පුලුවන් ලේසිම දෙයක්.'ගන්න අපේ දේ' කියලා campaign එකක් කලින් ගියා මතක ඇති.ආණ්ඩු වලින් මුල් ඒවා ඒවා කරනවට වඩා මේ වෙලාවේ ජනතා එකමුතුව වැඩි නිසා සංවිධානය වුණොත් වඩා සාර්ථකව ඒ වැඩේ කරන්න පුලුවන්.

4. රටට ඩොලර් එන ක්‍රම ප්‍රවර්ධනය කරන එක
- සංචාරක කර්මාන්තය වැටෙන්නේ නැතුව තියාගෙන යන්න ලාංකිකයෝ විදිහට උත්සහ කරන එක මේ වෙලාවේ සෑහෙන වැදගත්.ඒකෙදි ලංකාවට සංචාරකයෝ ආකර්ෂණය කරගන්න campaign කරන එකේ ඉදන්ම අපිට පටන් ගන්න පුලුවන්.
ඒ වගේම දැනට විදේශගත වෙලා අයගෙන් රටට මුදල් එන එක සීමා වෙලා තියෙන්නේ.( ආරංචි විදිහට සංවිධානාත්මක campaign එකක් යනවා ලංකාවට මුදල් යවන්න එපා කියලා ).ඒක ගැන හොයලා බලලා සංවිධානාත්මකව යමක් කරන පුලුවන් අපිට.
ඊට අමතරව ඩොලර් ගේන්න පුලුවන් විදිමත් ක්‍රම ප්‍රචලිත කරන්න පුලුවන්.

5. ආහාර වලින් ස්වයංපෝෂත වන එක
තමන්ගේ ගෙවත්තේ වැවෙන එලවලු,පළතුරු පැත්තකට කරලා ගොඩක් අය පුරුදු වෙලා ඉන්නේ විදේශ වලින් ආනයනය කරන එලවලු,පළතුරු පරිභෝජනයට ගන්න..ඒ වගේම පලා මිටිය පවා super market එකෙන් ගන්න හුරු වෙලා තියෙනවා.
තමන්ගේ ගෙවත්තේ වගා කරලා,නෑදෑ හිත මිතුරන් එක්ක බෙදා හදාගන්න අපිට පුලුවන් නම් අඩුම තරමේ කෑම වේලට වියදම් වෙන මුදලෙන් යම් ප්‍රමාණයක් ඉතුරු කරගන්නත් පුලුවන් ,වස විස නැති ආහාර ලබා ගන්නත් පුලුවන්.
ඒ වගේම කිරිපිටි, බිස්කට්,මත්ද්‍රව්‍ය ,දුම්වැටි වගේ අත්‍යාවශ්‍ය නොවෙන අපිව ලෙඩ කරන දේවල් වලට වැයකරන වියදම් අඩු කරගෙන මුදල් තව ඉතුරු කරගන්නත් පුලුවන්.දැනටත් එහෙම පුරුදු වුණු අය ඉන්නවා.

6. සම්පත් කළමණාකරණය කරන එක
ඉන්ධන,ගෑස් ආනයනය කරන්න වෙන නිසා වගේම විදුලිය නිපදවන එකේ අර්බුදයක් නිර්මාණය වෙලා තියෙන නිසා බලශක්ති අර්බුදයක් ලංකාවේ නිර්මාණය වෙලා/කරලා තියෙනවා.මේ ගැන අවබෝධයෙන්,මේ හැදිලා තියෙන ජනතා එකමුතුවත් එක්ක අපිට පුලුවන් උපරිමෙන් සම්පත් කළමණාකරණය කරගන්න පුලුවන් නම් දැනෙන ලොකු වෙනසක් රටට කරන්න පුලුවන්.
ඒ වගේම refuse,reduce,reuse,repurpose and recycle කියන සංකල්ප වලින් අපිට අපද්‍රව්‍ය මීට වඩා හොදින් කළමණාකරණය කරගන්න පුලුවන්.

7. රටට ඇත්තටම ආදරේ කරන මිනිස්සු වෙන එක සහ එහෙම මිනිස්සු අදුනගන්න පුරුදු වෙන එක.
තමන්ගේ ලාභ ප්‍රයෝජන වෙනුවෙන් දේශපාලඥයෝ,රාජ්‍ය නිලධාරීන් වගේම ජන්ද දායකයොත් වැඩ කරපු නිසා තමයි රටේ පාලනය මේ තරම් දූෂිත වෙලා තියෙන්නේ.ටොෆි කොලේ බිම දාන එකෙන් වැළකෙන එකේ ඉදන් මේ රටට ආදරේ වෙන එකේ වැදගත්කම ගැන අපි කතා කරන්න ඕනේ.අගය කරන්න ඕනේ.
නියෝජිත ප්‍රජාතන්ත්‍රවාදී ක්‍රමයෙන් තමන් ජීවත් වෙන ප්‍රදේශයෙන් නගර සභා,ප්‍ර්‍රාදේශීය සභා ජන්ද වල ඉදන්ම තමන්ගේ ජන්දේ 'ඇත්තටම රටට ආදරේ' කෙනෙක්ට දෙන්න හුරු වෙන්න ඕනේ.ඒම මිනිස්සු අදුන ගන්න විදිහ කතා වෙන එකත් මේකේ පියවරක්.

8. මේ හැමදේම අතරේ රටට ජාතික ප්‍රතිපත්ති නිර්මාණය කරන එක
ජන්ද ලං වෙද්දි දේශපාලන පක්ෂ වලින් හදන ප්‍රතිපත්ති වලින් එලියට ගිහින් ආණ්ඩු මාරු වුණත් රට දියුණු වෙන ප්‍රතිපත්ති වල වෙනසක් නොවෙන්න අවශ්‍ය පියවර ගන්න ඕනේ. ඒකට කලින් කීවා වගේ රටට ආදරේ පිරිසක් එකතු වෙන්න ඕනේ.

මේ අදහස් ක්‍රියාත්මක කරන්න පුලුවන් action plans තමන්ට තනි තනියම හදාගන්නත් පුලුවන්.තමන් දැනටමත් කරන දේවල් අනිත් අයට යෝජනා කරන්නත් පුලුවන්.

මීට අමතරවත් කරන්න පුලුවන් දේවල් ගැන අපි කතා කරමු ! කතා කරලා කතාවට එහා ගිය වැඩකුත් හදමු !!

23/08/2021

සීමාවාසික වෛද්‍යවරුන්ට උපහාරයක් වේවා !
~~~~~~~~~~~~~~~~~~~~~~~~~~~~~~~

කොරෝනා කාල සීමාවේ සීමාවාසික වෛද්‍යවරුන් ( House Officers ) ගැන වෙනම කතා කරන්නේ මං ඒ කුලකයේ නිසා නෙමේ.මේ මොහොතේ HO ලා ගැන විශේෂයෙන් කතා කරන එක අත්‍යාවශ්‍ය කියලා දැනුණු නිසා.

කොරෝනා රැලි පිට රැලි රට වටේ යද්දි ඒ බර දරාගන්න සෞඛ්‍ය පද්ධතියේ හැම දෙනාටම වැඩි වැඩියෙන් වැඩ කරන්න වුණා,කැප වෙන්න වුණා.ඒ අතරේ HO ගේ කාර්‍ය භාරය සුවිශේෂීයි.

වාට්ටුවට එන හැම රෝගියෙක්ගෙම සායනික ඉතිහාසය, පරීක්ෂා කිරීම් වලින් පස්සේ වාට්ටුවෙන් ප්‍රතිකාර කරලා හොද වෙලා යනකන්ම සැලකිය යුතු වැඩ කොටසක් HO අතින් කෙරෙනවා.සමහර වෙලාවට මේ ඔක්කොම වැඩ ඉවර වුණාම තමයි දැනගන්නේ බලපු රෝගියා කෝවිඩ් ආසාදිතයි කියලා.

මේ වෙද්දි ලංකාව පුරා රෝහල් 62ක HO ලා 1350කට ආසන්න සංඛ්‍යාවක් සේවය කරනවා.ඒකෙන් සැලකිය යුතු ගාණක් විටින් විට කොවිඩ් ආසාදනය වෙලා තියෙනවා.සමහර රෝහල් වල HO ලා භාගෙට භාගයක්. තමන්ගේ සගයා ආසාදිත වෙලා සුවය ලබන්න දින කීපයකට සටන් බිමෙන් ඈත් වෙද්දි ඒ වගකීම් ටිකත් කරට අරගෙන වැඩ කරන HO සගයෝ ගැන ආඩම්බරයක් තියෙන්නේ. 💚

වෛද්‍යවරු විදිහට ලබන පුහුණුවේ කොටසක් විදිහට සැලකෙන මේ කාලසීමාවේ අපි කොයි වෙලාවකවත් අඩියක් පස්සට තියලා නෑ.වැඩ වැඩි වෙලා,ආතතිය වැඩි වෙලා ඉන්න රෝහල් කාර්‍ය මණ්ඩල අතරේ හැමදේම දරාගෙන HO ලා වැඩ.ඒ අතරේ සමාජේ අනිත් අය වගේම අම්මා තාත්තා විදිහට,ස්වාමි පුර්ෂයා බිරිද විදිහට වගේම තමන්ගේ දෙමව්පියන්ගේ සහෝදර සහෝදරියන්ගේ භාරකාරීත්වය දැරීම වගේ භූමිකාත් HO ලා දරනවා.මේ කාලේ හැමෝටම අමාරු බව ඇත්ත.ඒත් HO කියන්නේ ඒ අමාරුකම වැඩිපුරම දරාගන්න වෙන කොටසක් කියන එකට ඔබත් එකග වෙයි.

සෞඛ්‍ය ක්ෂේත්‍රයේ ඉන්න හැමෝටම වගේ දිරි දීමනා ලැබෙද්දි මේ කොටසට දිරිත් නෑ දීමනාත් නෑ.ඒවා ගැන ලොකු කතාවකුත් නෑ,අපිට කතා කරන්න අවස්ථාවකුත් නෑ.සමහරුන්ට තමන් කොරෝනා ආසාධිතයි කියලා දැනුනත් ජේෂ්ඨ වෛද්‍යවරුන්ගේ නිර්දේශ නැතුව ඒ වෙනුවෙන් පරීක්ෂණයක් කරගන්නත් නෑ.කොටින්ම ගොඩක් අයට හිතේ තියෙන දේ මේම ගලපලා ලියාගන්න කාලයක්වත් නෑ.

කොරෝනා කාලේ කරන කැප කිරීම් ගැන කා අතරවත් තරගයක් තිබිය යුතු නෑ.මේ සටහන ලියන්න හිතුවේ අපේම උන් කරන කැපකීරීම් හැමදාම දකින නිසා සහ අහන නිසා.අපේ සීමාවාසික කාලේ තව ටික කාලෙකින් ඉවර වුණත් සමහර ප්‍රශ්න වලට උත්තර හෙව්වේ නැත්නම් ඊලගට - ඊලගට එන කණ්ඩායම් වලටත් අසාධාරණ අමාරුකම් දරාගන්න වේවි.
ඒ නිසා වගකියයුත්තන්ගේ ඇස් ඒ සඳහාත් යොමු කරගන්නත් උත්සහ‍යක් දරමු.

කවද හරි අපි මේ කොරෝනා සටනේ කොටස්කාරයෝ විදිහට අපේ වගකීම කලා කියන ආත්ම තෘප්තිය අපිට ඉතුරු වෙයි !

ඔබ කරන කැප කිරීමට ජය !

සීමාවාසික වෛද්‍යවරුන්ට මේ සටහන උපහාරයක් වේවා !

31/05/2021

මැජික් ඉදල සහ ඩෙංගු මදුරුවා........................

ගේ පිටිපස්සේ තිබ්බ මැජික් ඉදලත් අරගෙන වහලෙට නැග්ගේ ගුවන්ගත වෙන්න බලාගෙන නෙමේ,වහලේ සුද්ද කරන්න.

"ඩෙංගු මදුරුවා සිටින්නේ වැඩි ඈතක නොවේ!
අදම ඔබේ නිවසේ ඇති මදුරුවන් බෝවෙන ස්ථාන ඉවත් කරමු!"

කියලා ලහිරු අයියා ( දුක අයියා අහන නෙමේ,Lahiru kodithuwakku අයියා) message එකක් එව්වට පස්සේ තමයි හිතුණේ මේ පාර ගෙදර ගියහම වත්ත ටිකක් සුද්ද කරලා,වහලේ අතු ගාලා,වැහි පීලී අස් කරන්න ඕනේ කියලා.මොකද පහුගිය ටිකේ වැස්සත් එක්ක අනිවාර්යයෙන් වතුර එකතු වෙලා තියෙන නිසා.

මේ කාලේ ඩෙංගු හදාගන්න එක ටිකක් භයානකයි.මොකද මේ කාලේ සෞඛ්‍ය ක්ෂේත්‍රයේ සෑම අංශයක්ම වගේ තමන්ගේ මූලික අවධානය යොමු කරලා තියෙන්නේ කොරෝනා වසංගතයට.කවුරුත් ඇහිල්ලෙන් ඇනලා පෙන්නන්නේ නැති වුණත් ආරක්ෂාකාරී පියවරක් විදිහට තම තමන් වතුර එකතු වෙන තැන් සුද්ද කරලා,පරිසරය පිරිසිදුව තියාගන්න එක කල යුතුයි.මේ සංචරණ සීමා දාලා තියෙන කාල සීමාව ඇතුලේ ගෙදර ඉන්න වෙලාවක පවුලේ හැමෝටම එකතු වෙලා මේ දේ කරන්න පුලුවන්.

ඔබට හරි ගෙදර කෙනෙක්ට හරි උණ, හිසරදය , හන්දිපත් වේදනාව , වමනය තියෙනවා නම් ඒ
එය ඩෙංගු උණ ( ද) වෙන්න පුලුවන් .ඒ නිසා පරක්කු වෙන්නේ නැතුව වෛද්‍ය උපදෙස් ලබාගන්න එක වටිනවා.

රූපවාහිනිය,මුහුණු පොත ඉස්සරහට වෙලා සැප හොයන කාලයෙන් පොඩ්ඩක් මේ වගේ වැඩකටත් යොමු කරන්න පුලුවන් නම්,ඇගපත වෙහසලා වැඩක් කරන එක කොච්චර සැපද කියලා ඔබ්ටම දැනෙයි.ඒ වගේම මැජික් කියලා ජාතියක් නෑ මැජික් එක තියෙන්නේ තමන්ගේ හිතේම කියලත් තේරෙයි 😛

(ප.ලි. මේක මේ අහම්බෙන් ගත්ත ෆොටෝ එකක්.වහලේ උඩ ඉද්දි කෝල් එකක් ඇවිත් අක්කා ෆෝන් එක ගෙනත් දුන්නා.)

29/05/2021

ලෝක දුම්කොල නිවාරණ දිනය වෙනුවෙන් සංවිධානය වන "දුම්කොල සමාගම් ,කොරෝනා වසංගතය සහ නිදහස් වීම" විද්වත් කතිකාවත
මැයි 30 (ඉරිදා) ප.ව 5.30 සිට

https://us02web.zoom.us/j/81923556778?pwd=OHd0ZWR3TUdURDZ4VTJLTi9kb1Fhdz09

ඔස්සේ සම්බන්ධ වන්න.