Dr. Fathima Sijafa SF Haque

06/08/2026

விழிப்புணர்வுத் தொடர் -02 | 40+ ஆண்களின் ஆரோக்கியம்

40 வயதைக் கடந்த ஆண்களே…
குடும்பத்திற்காக ஓடும் நீங்கள், உங்கள் ஆரோக்கியத்தையும் கவனிக்கிறீர்களா?

ஒரு குடும்பத்தின் வளர்ச்சியிலும் பாதுகாப்பிலும் ஆண்களின் பங்கு மிக முக்கியமானது. தந்தையாக, கணவராக, மகனாக மட்டுமல்லாமல், தொழில் மற்றும் சமூகப் பொறுப்புகளை ஏற்றுச் செயல்படும் ஒருவராகவும் அவர் பல கடமைகளைத் தொடர்ந்து நிறைவேற்ற வேண்டியுள்ளது. குடும்பத்தின் பொருளாதாரத் தேவைகள், பிள்ளைகளின் கல்வி மற்றும் எதிர்காலம், வயதான பெற்றோரின் பராமரிப்பு, தொழில் சார்ந்த அழுத்தங்கள், சமூகக் கடமைகள் என அனைத்தையும் கவனிக்கும் பல ஆண்கள், தங்களுடைய உடல் மற்றும் மன ஆரோக்கியத்தை மட்டும் “பிறகு பார்த்துக்கொள்ளலாம்” என்று ஒத்திவைத்துக் கொண்டே செல்கின்றனர்.

ஆனால் 40 வயதுக்குப் பின்னர் அந்த அலட்சியம் தொடரக்கூடாது. ஏனெனில் இந்த வயதிலிருந்து உயர் இரத்த அழுத்தம், நீரிழிவு, Cholesterol அதிகரிப்பு, உடல் பருமன், Fatty Liver மற்றும் Heart Diseases க்கான அபாயம் படிப்படியாக அதிகரிக்கலாம். இவற்றில் சில ஆரம்பகட்டத்தில் குறிப்பிடத்தக்க அறிகுறிகளையே ஏற்படுத்தாமல் இருக்கக்கூடும்.

எனவே “எனக்கு எந்தப் பிரச்சினையும் இல்லை” என்பதற்கும் “நான் ஆரோக்கியமாக இருக்கிறேன்” என்பதற்கும் வித்தியாசம் உள்ளது.

40 வயதுக்குப் பிறகு கவனிக்க வேண்டிய முக்கிய விடயங்கள்:

BLOOD PRESSURE: அறிகுறிகள் இல்லாவிட்டாலும் Blood Pressure ஐ அவ்வப்போது பரிசோதித்துக்கொள்ளுங்கள்.

DIABETES : குடும்பப் பின்னணி, அதிக உடல் எடை / risk factors உள்ளவர்கள் குறிப்பாக FBS / HbA1c பரிசோதனைகளில் கவனம் செலுத்த வேண்டும்.

CHOLESTEROL& HEART: Lipid Profile உள்ளிட்ட பரிசோதனைகள் தேவையா என்பதை உங்கள் மருத்துவருடன் கலந்தாலோசியுங்கள். Chest pain வழக்கத்திற்கு மாறான மூச்சுத்திணறல் அல்லது ஏற்படும் அசாதாரண சோர்வை அலட்சியம் செய்யாதீர்கள்.

ABDOMINAL CIRCUMFERENCE: 40 வயதுக்குப் பின்னர் உடல் எடையைவிட இடுப்பைச் சுற்றி சேரும் அதிகப்படியான கொழுப்பும் முக்கியமான எச்சரிக்கையாகும். உணவுக் கட்டுப்பாடு மட்டுமன்றி, தொடர்ச்சியான Physical activities உம் அவசியம்.

LIVER HEALTH: Fatty Liver பலருக்கு எந்தத் தெளிவான அறிகுறியும் இல்லாமல் காணப்படலாம். உடல் பருமன், நீரிழிவு மற்றும் அதிக Triglycerides போன்ற metabolic பிரச்சினைகள் உள்ளவர்கள் இதைப் பற்றியும் கவனம் செலுத்த வேண்டும்.

PROSTATE & KIDNEY: சிறுநீர் கழிக்கத் தொடங்குவதில் சிரமம், சிறுநீர் ஓட்டம் பலவீனமாதல், அடிக்கடி அல்லது இரவில் பலமுறை சிறுநீர் கழித்தல் போன்ற மாற்றங்களை வயதின் காரணம் என்று அலட்சியம் செய்யாமல் மருத்துவ ஆலோசனையை பெறுங்கள்.

SEXUAL HEALTH: விறைப்புத்தன்மை அல்லது பாலியல் செயல்பாட்டில் தொடர்ந்து ஏற்படும் மாற்றங்களை மறைத்து வைக்க வேண்டிய பிரச்சினையாகக் கருத வேண்டாம். சில சந்தர்ப்பங்களில் அவை நீரிழிவு, இரத்த நாளப் பிரச்சினைகள், மனஅழுத்தம் அல்லது பிற உடல்நலக் காரணிகளுடன் தொடர்புடையதாக இருக்கலாம்.

MENTAL HEALTH: “ஆண்கள் எல்லாவற்றையும் தாங்கிக்கொள்ள வேண்டும்” என்ற எண்ணத்தால் மனஅழுத்தத்தைப் புறக்கணிக்க வேண்டாம். தொடர்ச்சியான மனஅழுத்தம், தூக்கமின்மை மற்றும் ஓய்வின்மை உடல் ஆரோக்கியத்தையும் வாழ்க்கைத் தரத்தையும் பாதிக்கலாம்.

மருந்தை விட முன்னதாக வாழ்க்கை முறையைச் சரிசெய்யுங்கள். 40 வயதுக்குப் பின்னர் ஆரோக்கியமான உணவு, முறையான உடற்பயிற்சி, போதுமான தூக்கம், ஆரோக்கியமான உடல் எடை, புகையிலை தவிர்த்தல் மற்றும் மனஅழுத்தத்தை முறையாக நிர்வகித்தல் ஆகியவை மிக முக்கியமானவை.

அதேபோன்று வருடாந்த மருத்துவ பரிசோதனையை ஒரு வழக்கமாக்கிக் கொள்ளுங்கள். எல்லோருக்கும் ஒரே மாதிரியான பரிசோதனைகள் அவசியமில்லை; வயது, குடும்ப மருத்துவ வரலாறு, உடல் எடை, வாழ்க்கை முறை மற்றும் ஏற்கனவே உள்ள நோய் அபாயங்களைப் பொறுத்து தேவையான பரிசோதனைகளை மருத்துவர் தீர்மானிக்கலாம்.

குடும்பத்திற்காக சம்பாதிப்பது மட்டும் உங்கள் பொறுப்பல்ல.
அவர்களுடன் நீண்ட காலம் ஆரோக்கியமாக வாழ்வதும் உங்கள் பொறுப்புதான்.

40 என்பது முதுமையின் ஆரம்பம் அல்ல; உங்கள் ஆரோக்கியத்தை அதிக பொறுப்புடன் அணுக வேண்டிய வாழ்க்கையின் முக்கியமான திருப்புமுனை.

Dr. Fazl-Ul Haque M. Fouze

03/08/2026

02/08/2026

35–45 வயது : ஒரு ஆணின் வாழ்க்கையில் தன்னை மீண்டும் புரிந்துகொள்ள வேண்டிய பருவம்

“வாழ்க்கையில் நான் எங்கே நிற்கிறேன்?
நான் நினைத்த வாழ்க்கையைத்தான் வாழ்கிறேனா?
இனிமேல் என்ன செய்ய வேண்டும்?”

இந்தக் கேள்விகள் பல ஆண்களின் மனதில் ஆழமாக எழத் தொடங்கும் ஒரு காலப்பகுதியாக 35 முதல் 45 வயது வரையான பருவம் அமையலாம்.

இது அனைவருக்கும் கட்டாயமாக ஏற்படும் ஒரு “Midlife Crisis” அல்ல. ஆனால் குடும்பம், தொழில், பொருளாதாரம், உடல்நலம், உறவுகள், எதிர்காலம் என வாழ்க்கையின் பல பொறுப்புகள் ஒரே நேரத்தில் ஒன்றுகூடும் காரணத்தால், தன்னைத் தானே மறுபரிசீலனை செய்யும் முக்கியமான வாழ்க்கைப் பருவமாக இது அமையக்கூடும்.

இளமையின் கனவுகளுக்கும் இன்றைய யதார்த்தத்திற்கும் இடையில்… 20–30 வயதுகளில் வாழ்க்கை பெரும்பாலும் எதிர்காலத்தை நோக்கியதாக இருக்கும்.

“இதைச் சாதிக்க வேண்டும்…”
“இந்த நிலையை அடைய வேண்டும்…”
“எனக்கென்று ஒரு வீடு, தொழில், குடும்பம் உருவாக வேண்டும்…”
“ஒருநாள் வாழ்க்கை நிச்சயம் மாறும்…”

என்று பல கனவுகளோடு மனிதன் முன்னேறுகிறான்.

ஆனால் 35–45 வயதை அடையும்போது, அந்தக் கனவுகளுக்கும் தற்போதைய வாழ்க்கைக்கும் இடையிலான தூரத்தை அவன் தெளிவாகப் பார்க்கத் தொடங்குகிறான்.

சில கனவுகள் நிறைவேறியிருக்கும். சில இலக்குகள் இன்னும் தொலைவில் இருக்கும். சிலவற்றை வாழ்க்கையின் சூழ்நிலைகளுக்காக கைவிட்டிருப்பான்.

அப்போதுதான், “நான் நினைத்த இடத்தை அடைந்துவிட்டேனா?” என்ற கேள்வி மனதில் எழுகிறது. பொறுப்புகள் அதிகம்; ஆனால் மனதைப் பகிர்ந்துகொள்ளும் இடம் குறைவு. இந்த வயதில் ஒரு ஆண் தனக்காக மட்டும் வாழ்பவனாக இருப்பதில்லை.

அவன் ஒரு கணவனாக இருக்கலாம். ஒரு தந்தையாக இருக்கலாம். வயதான பெற்றோரைக் கவனிக்க வேண்டிய மகனாக இருக்கலாம். ஒரு குடும்பத்தின் பொருளாதாரத் தூணாக இருக்கலாம். ஒரு நிறுவனத்தையோ தொழிலையோ நடத்துபவனாக இருக்கலாம்.

பிள்ளைகளின் கல்வி, வீட்டுச் செலவுகள், கடன்கள், தொழிலின் எதிர்காலம், பெற்றோரின் உடல்நலம், குடும்ப உறவுகள், சமூக எதிர்பார்ப்புகள் எனப் பல விடயங்கள் ஒரே நேரத்தில் அவனது மனதில் ஓடிக்கொண்டிருக்கலாம்.

ஆனால் அவனிடமும் ஒரு கேள்வி கேட்கப்பட வேண்டும்:

“நீங்கள் உண்மையில் எப்படி இருக்கிறீர்கள்?”

பல ஆண்களுக்கு இதற்குப் பதில் சொல்லக்கூடிய பாதுகாப்பான இடமே கிடைப்பதில்லை.

“நான் சோர்ந்துவிட்டேன்” என்று சொல்ல முடியாத மனநிலை

நமது சமூகத்தில் ஆண்கள் குறித்து சில ஆழமான எதிர்பார்ப்புகள் இருக்கின்றன.

ஆண் பலமாக இருக்க வேண்டும். குடும்பத்தைப் பாதுகாக்க வேண்டும். பிரச்சினைகளைத் தனியாகத் தீர்க்க வேண்டும்.
அதிகமாக உணர்ச்சிகளை வெளிப்படுத்தக் கூடாது.

இந்த எண்ணங்கள் காரணமாக சில ஆண்கள் தங்களது கவலை, பயம், தோல்வி, தனிமை மற்றும் மனச்சோர்வைப் பகிர்ந்துகொள்ளாமல் உள்ளுக்குள்ளேயே வைத்துக்கொள்கிறார்கள்.

வெளியில் அவர் வழக்கம்போல் வேலைக்குச் செல்லலாம்.
குடும்பத்துடன் பேசலாம். சிரிக்கலாம். தனது பொறுப்புகளையும் நிறைவேற்றலாம்.

ஆனால் உள்ளுக்குள் வாழ்க்கையின் மீதான ஆர்வம் மெதுவாகக் குறைந்துகொண்டிருக்கலாம். அது எப்போதும் வெளிப்படையான அழுகையாகவோ மனச்சோர்வாகவோ தெரிய வேண்டியதில்லை.

சிலரிடம் அது மௌனமாக விலகிச் செல்வதாகவும், எதிலும் ஆர்வமின்மையாகவும், எரிச்சலாகவும், உறவுகளில் இடைவெளியாகவும், “எதுவும் வேண்டாம்” என்ற மனநிலையாகவும் வெளிப்படலாம்.

கடந்த காலத்தை மாற்ற முடியாது; ஆனால் எதிர்காலத்தை மாற்ற முடியும்

35 அல்லது 40 வயதில் ஒருவர் தனது கடந்த காலத்தைத் திரும்பிப் பார்க்கும்போது,

“இதைச் செய்திருக்கக் கூடாது…”
“அந்த வாய்ப்பை பயன்படுத்தியிருக்க வேண்டும்…”
“குடும்பத்திற்காக இன்னும் நேரம் ஒதுக்கியிருக்க வேண்டும்…”
“என் உடல்நலத்தை முன்பே கவனித்திருக்க வேண்டும்…”

என்ற வருத்தங்கள் தோன்றுவது இயல்பானது. ஆனால் வாழ்க்கையின் மிக முக்கியமான உண்மை ஒன்று இருக்கிறது: கடந்த காலத்தை மாற்ற முடியாவிட்டாலும், அடுத்த பத்து அல்லது இருபது வருடங்கள் எப்படி இருக்க வேண்டும் என்பதை இன்று முதல் மாற்ற முடியும்.

35–45 என்பது மிகவும் தாமதமான வயதல்ல. மாறாக, இளமையின் வேகத்தோடு வாழ்க்கை அனுபவமும் சேர்ந்திருக்கும் ஒரு முக்கியமான காலப்பகுதி. வாழ்க்கையை மீண்டும் பூஜ்ஜியத்திலிருந்து தொடங்க வேண்டியதில்லை. இந்த வயதில் ஏற்படும் ஒரு பொதுவான தவறான எண்ணம்,

“எல்லாவற்றையும் மாற்ற வேண்டும்; மீண்டும் ஆரம்பிக்க வேண்டும்” என்பதாகும். அது அவசியமில்லை. சில நேரங்களில் வாழ்க்கையை மாற்றுவது என்பது அனைத்தையும் உடைத்துவிட்டு புதிதாக ஆரம்பிப்பது அல்ல.

தவறான பழக்கத்தை மாற்றுவது, உடல்நலத்தை மீண்டும் கவனிப்பது, குடும்பத்துடன் அதிக நேரம் செலவிடுவது, பொருளாதாரத்தை ஒழுங்குபடுத்துவது, தொழிலில் புதிய திறனைக் கற்றுக்கொள்வது, பழுதடைந்த உறவைச் சரிசெய்வது,
மனதைப் பகிர்ந்துகொள்ள நம்பிக்கையான ஒருவரைத் தேடுவது, இவ்வாறான சிறிய மாற்றங்களே சில ஆண்டுகளில் வாழ்க்கையின் திசையைப் பெரிதாக மாற்றக்கூடும்.

வெற்றி என்பது பணமும் பதவியும் மட்டும் அல்ல. இந்த வயதில் இன்னொரு முக்கியமான மாற்றம் தேவைப்படுகிறது: “வெற்றி” என்பதற்கான நமது வரையறையை மறுபரிசீலனை செய்வது. பெரிய வியாபாரம், உயர்ந்த பதவி, வீடு, வாகனம், சேமிப்பு ஆகியவை வாழ்க்கையின் முக்கியமான பகுதிகளாக இருக்கலாம்.

ஆனால் அவை மட்டுமே வெற்றியின் அளவுகோல்கள் அல்ல.

நிம்மதியாக உறங்க முடிவது, ஆரோக்கியமாக இருப்பது, குடும்பத்துடன் நல்ல உறவைப் பேணுவது, பிள்ளைகளுக்கு நேரம் ஒதுக்குவது, கடன்களைக் கட்டுப்படுத்துவது, மனதில் அமைதியுடன் இருப்பது, தனது வாழ்க்கைக்கு ஒரு அர்த்தம் இருப்பதாக உணர்வது, இவையும் மிகப்பெரிய வெற்றிகள்தான்.

20–30 வயதில் இருப்பவர்களுக்கும் இதில் ஒரு செய்தி இருக்கிறது

உங்கள் எதிர்காலத்தை உருவாக்குவது சம்பாதிப்பது மட்டுமல்ல.

இன்றிலிருந்தே நல்ல உடல்நலப் பழக்கங்களை உருவாக்குங்கள்.
உங்கள் திறன்களை வளர்த்துக்கொள்ளுங்கள். வருமானத்துடன் சேமிப்பையும் கற்றுக்கொள்ளுங்கள். நல்ல உறவுகளைப் பாதுகாத்துக்கொள்ளுங்கள். குடும்பத்திற்கு நேரம் ஒதுக்குங்கள்.
தோல்விகளை எதிர்கொள்ளும் மனவலிமையை வளர்த்துக்கொள்ளுங்கள்.

ஏனெனில் 40 வயதில் நமக்கு தேவைப்படுவது பணம் மட்டும் அல்ல; உடல்நலம், மனநிம்மதி, நல்ல உறவுகள், அனுபவம் மற்றும் வாழ்க்கையின் அர்த்தமும் கூட.

35–45: நெருக்கடி அல்ல; மறுசீரமைப்பிற்கான வாய்ப்பு

இந்த வயதில் நீங்கள் சோர்வாக உணர்ந்தால், உங்கள் வாழ்க்கை தோல்வியடைந்துவிட்டதாக அர்த்தமில்லை.

சில நேரங்களில் சோர்வு என்பது,

“நான் இவ்வளவு காலம் வாழ்ந்த விதத்தை மீண்டும் பார்க்க வேண்டும்”

என்று மனம் தரும் ஒரு சமிக்ஞையாக இருக்கலாம்.

தேவைப்பட்டால் ஓய்வெடுக்கலாம். நம்பிக்கையான ஒருவரிடம் பேசலாம். குடும்பத்துடன் மனம் திறந்து உரையாடலாம். வாழ்க்கையின் முன்னுரிமைகளை மாற்றலாம். தேவையானபோது தொழில்முறை ஆலோசனையையும் நாடலாம்.

உதவி கேட்பது பலவீனம் அல்ல. தன்னுடைய நிலையை உணர்ந்து சரியான நேரத்தில் உதவியை நாடுவது முதிர்ச்சியின் அடையாளமாகும்.

35–45 என்பது வாழ்க்கையின் முடிவை எண்ண வேண்டிய பருவமல்ல.

“இதுவரை நான் எப்படி வாழ்ந்தேன்?” என்பதைப் புரிந்துகொண்டு, “இனிமேல் நான் எப்படி வாழ விரும்புகிறேன்?” என்பதைத் தீர்மானிக்க வேண்டிய பருவம்.

வாழ்க்கையை மீண்டும் ஆரம்பிக்க வேண்டியதில்லை. சில நேரங்களில் அதன் திசையைச் சரிசெய்தாலே போதும்.

Dr. Fazl-Ul Haque M. Fouze

26/07/2026

📢 AVAILABILITY NOTICE

Dear Valued Patients,

Please note that Dr. Fazl-Ul Haque M. Fouze will not be available on Wednesday, 29th July 2026.

🗓️ Consultations will resume as usual on Friday, 31st July 2026 from 6:00 PM onwards.

We sincerely apologize for any inconvenience this may cause and greatly appreciate your patience, understanding, and continued trust in Sinaam Unani Nursing Home.

📍 Sinaam Unani Nursing Home
205, Kandy Road, Paragahadeniya, Kurunegala.
📞 0712 225 336 | 0741 225 336 | 0761 664 338

Thank you for choosing us for your healthcare journey. 💙

21/07/2026

19/07/2026

🌸 இன்னுமொரு இனிய Unani Fertility Success Story! 🤲💖

“ஒவ்வொரு Positive Pregnancy Test ம் எமக்கு ஒரு புதிய பொறுப்பையும், புதிய நம்பிக்கையையும் அளிக்கிறது.”

பல வருடங்களாக குழந்தை பாக்கியத்திற்காக பல்வேறு சிகிச்சை முறைகளை முயற்சித்தும் பலன் கிடைக்காமல் மனவேதனையில் இருந்த தம்பதியினர்… இறுதியில் Sinaam Unani Nursing Homeஐ நம்பி வந்தனர்.

Individualized Unani Treatment, சரியான Lifestyle Modifications, உணவுக் கட்டுப்பாடு மற்றும் தொடர்ச்சியான ஆலோசனையின் மூலம், அல்லாஹ்வின் அருளால் (Alhamdulillah) அவர்கள் இன்று தங்களது முதல் மகிழ்ச்சியான வெற்றிச் செய்தியை எம்முடன் பகிர்ந்து கொண்டுள்ளனர். 🤲✨

இந்த நம்பிக்கையான வார்த்தைகளும், நோயாளிகளின் மகிழ்ச்சியான கருத்துக்களும் தான் எமது சேவையை இன்னும் அர்ப்பணிப்புடனும், பொறுப்புடனும் தொடரும் மிகப்பெரிய ஊக்கமாக இருக்கின்றன.

அல்லாஹ் (SWT) அனைத்து குழந்தை வரம் நாடும் தம்பதிகளுக்கும் விரைவில் ஆரோக்கியமான சந்ததியை அருள்வானாக. ஆமீன். 🤲🌹

Dr. Fazl-Ul Haque M. Fouze

Sinaam Unani Nursing Home
15+ Years of Trusted Care | Since 2011