09/09/2026
සොබා දහම හා සමබර වෙමින් නිරෝගී වීමට මග පෙන්වන සෘතු චර්යා ☀️⛈️❄️
නිරෝගී පුද්ගලයකු හෙවත් ස්වස්ථයකු සිය නිරෝගී බව රැකගනු පිණිස අනුගමනය කළ යුතු වත්පිළිවෙත් හෙවත් ස්වස්ථ වෘත යටතේ එන තවත් ප්රධාන අංගයක් වන සෘතු චර්යා ගැන අද කතා කරමු.
සෘතු චර්යා යනු වසරේ විවිධ සෘතුන්ට ගැලපෙන ලෙස ආහාර සහ ඇවතුම් පැවතුම් සකස් කර ගනිමින් නිරෝගී බව පවත්වා ගැනීමයි.
එනම් වසරේ එක් එක් සෘතුවේදී ශරීරයේ දෝෂ (වා, පිත්, සෙම්) තුළ සිදුවන ස්වභාවික වෙනස්කම්වලට අනුගතව ජීවන ක්රමය සකසා ගැනීමයි.
ආයුර්වේදය වසරකට සෘතු 6ක් ලෙස සලකන අතර ඒ ඉන්දියාවේ පවතින දේශගුණික තත්ත්වය අනුවයි.
1. වසන්ත (අප්රේල්/මැයි)
2. ග්රීෂ්ම (ජුනි/ජුලි)
3. වර්ෂා (අගෝස්තු/සැප්තැම්බර්)
4. ශරත් (ඔක්තෝබර්/නොවැම්බර්)
5. හේමන්ත (දෙසැම්බර්/ජනවාරි) – ශීත ඍතුවේ මුල් කොටස
6. ශිශිර (පෙබරවාරි/මාර්තු) – දැඩි ශීත කාලය
ශ්රී ලංකාවේ දේශගුණයට අනුව අපට ප්රායෝගිකව වර්ෂා (මෝසම් වැසි ලැබෙන සමයන්), ග්රීෂ්ම (පරිසර උෂ්ණත්වය ඉහළ යන අගෝස්තු මාසය වැනි) සහ ශීත (උෂ්ණත්වය පහත වැටී මීදුම ගලන දෙසැම්බර් - පෙබරවාරි අතර කාලය) ලෙස සැලකිය හැක.
වර්ෂා සමයේදී ශරීරයේ වාත දෝෂය උග්ර වන අතර අග්නිය හෙවත් ආහාර ජීර්ණය කිරීමේ ශක්තිය අඩුවේ. මෙම කාලයේදී උෂ්ණ ගුණයෙන් යුතු සහ තෙල් සහිත ආහාර වඩාත් සුදුසු වන අතර ශීත ගුණයෙන් යුතු ආහාර සහ දිරවීමට අපහසු බර ආහාර ගැනීමෙන් වැළකීමද සුදුසුය. එමෙන්ම වැස්ස, හිරිකඩ සහ වැහි සීතලට ශරීරය නිරාවරණය වීම වළක්වනු පිණිස හොඳින් ආවරණය වූ උණුසුම් පරිසරයක සිටීම වැදගත්ය.
ග්රීෂ්ම කාලය තුළ ශරීරයේ පිත ඉහළ යන අතර මේ කාලයට වඩාත් සුදුසු වන්නේ ශීත ගුණයෙන් සහ මිහිරි රසින් යුතු ආහාර වන අතර කටුක සහ ඇඹුල් රසින් යුතු ආහාර වලින් වැළකීම සුදුසුය. එමෙන්ම දිවා කාලයේ සිසිල් ජලය ස්නානය ද, හිරු එළියෙන් වැලකී සෙවන සහිත සිසිල් පරිසරයක සිටීමද වැදගත්ය.
ශීත කාලයේදී ශරීරයේ සෙම් සහ වාත දෝෂ වෙනස් වියහැකි අතර ආහාර ජීර්ණය කිරීමේ හැකියාව වැඩිවේ. ඌෂ්න ගුණයෙන් යුතු, තෙල් සහිත, සහ පෝෂණයෙන් සපිරි ආහාර මේ කාලයේදී වඩාත් සුදුසු වන අතර ශීත ගුණයෙන් යුතු ආහාර වලින් වැළකීම සුදුසුය. එමෙන්ම උණුසුම් ඇඳුම් වලින් ශරීරය හොඳින් ආවරණය කරගෙන සිටීමද, උණුසුම් ජලය ස්නානය ද, උණුසුම සහිත පරිසරයක සිටීමද සුදුසුය.
සෘතු චර්යා මනාකොට අනුගමනය කිරීම ශරීරයේ ත්රි දෝෂ සමතුලිතව පවත්වා ගැනීමට ද, සෙම්ප්රතිශ්යාව ආදී ඍතුමය රෝග වළක්වා ගැනීමට ද, ජීර්ණ ශක්තිය (අග්නිය) මනාව පවත්වා ගැනීමට ද, සුව නින්දක් ලැබීමට ද, මානසික සුවතාවය පවත්වා ගැනීමට ද උපකාරී වේ.
ස්වස්ථි සිද්ධම්!
බානගල ආයුර්වේද ඔසු
බානගල වෙද මුහන්දිරම් පාර,
බානගල, පූගොඩ
☎️ 0112404943 📲 0773004999
📧 [email protected]
