11/05/2026
النخالة الوردية (Pityriasis Rosea)
شن هي "النخالة الوردية"؟ وكيف تفرقها على غيرها؟ 🤔
الفترة هذي ناس واجد تطلعلهم بقع حمراء أو وردية في جسمه ويقعد مش عارف شن هي، وممكن يحسابها "فطريات" ويبدأ زيلطخ في كريمات عشوائية. لو شفت الصور ، حتلاحظ علامات مميزة للحالة هذه:
1️⃣ بقعة الأم (Herald Patch): عادةً تبدأ ببقعة وحدة كبيرة شوية، دائرية أو بيضاوية، ولونها وردي وعليها قشور خفيفة. هذه هي "الإشارة" الأولى.
2️⃣ رسمة شجرة الكريسماس: بعد بقعة الأم بأسبوع أو اثنين، تبدأ تطلع بقع أصغر وتنتشر في الظهر والبطن، وغالباً تاخد شكل وتوزيع يشبه "شجرة الكريسماس" (زي ما موضح في الصورة الثانية).
3️⃣ الحكة: مش ديما موجودة، لكن أحياناً تسبب حكة مزعجه
• الحالة هذه مش معدية نهائياً، يعني لا تنقلها لغيرك ولا تنتقل باللمس.
• هي حالة "تأخد وقتها وتمشي"، يعني في أغلب الحالات تختفي بروحها خلال 6 إلى 8 أسابيع من غير علاج طبي مكثف.
شن المفروض تديـر؟
• لو شاك فيها، الأفضل تمر على دكتور جلدية باش يتأكد إنها مش صدفية أو فطريات، لأن العلاج يختلف تماماً.
• الترطيب: استعمل مرطبات خالية من العطور باش تهدي الجلد.
• لو الحكة قوية، الدكتور ممكن يوصفلك "مضاد هيستامين" أو كريم "كورتيزون" خفيف للحكة بس.
