DR. Twzeen"طبيبة جلدية وتجميل"

13/09/2026

🌸 بُشرى سارة لزبائن مركز الأندلس لطب الأسنان 🌸

✨ **بشرتك تستحق عناية تبدأ بالتشخيص الصحيح وتنتهي بنتيجة أجمل** ✨

👩‍⚕️ **د. توزين عبود**
**طبيبة أمراض جلدية وتجميل طبي وليزر**

🌸 **خدمات التجميل والعناية بالبشرة والشعر:**
▪️ البوتكس
▪️ Skin Booster – سكن بوستر لنضارة وترطيب البشرة
▪️ الميزوثيرابي للبشرة وتساقط الشعر
▪️ البلازما لنضارة البشرة وتقوية الشعر
▪️ علاج حب الشباب وآثاره
▪️ ليزر إزالة الشعر

🩺 **تشخيص وعلاج الأمراض الجلدية:**
▪️ تساقط الشعر
▪️ الإكزيما
▪️ الصدفية
▪️ الفطريات
▪️ الثآليل ومشاكل الجلد المختلفة

📅 **موعد التواجد:**
**كل يوم أربعاء**
🕓 من **4:00 إلى 7:00 مساءً**

📍 **مركز الأندلس لطب الأسنان – يفرن**

**د. توزين عبود**
طبيبة أمراض جلدية وتجميل وليزر

📞 للحجز والاستفسار، يرجى التواصل مع المركز.

🌿 مركز الأندلس لطب الأسنان… نهتم بكم وبصحتكم 🌿

04/09/2026

**خلونا نسأل سؤال بصراحة 🤍**

لما تقرري تمشي لدكتورة أو دكتور…
هل لأنك فعلًا محتاجة **كشف وتشخيص ومتابعة؟**
ولا مرات تكون الزيارة في نظر البعض مجرد رفاهية ولا «جبر خاطر للدكتور»؟

لأن مرات تصير مواقف زي:

«نزورك مرة وحدة بشرط بعدها نتابع معاك بالتليفون.»

أو:

«السلام عليكم دكتورة، ممكن سؤال؟ وين تخدمي؟»
وعليكم السلام
وبعدها صور: **«عطيني علاج.لحالتي»**

أو:
«بنجيك الفترة الجاية، لكن توا شخصيلي حالتي من الصور وعطيني علاج.»

وهنا مش المقصود إن التواصل مع الطبيب عن بعد غلط،
لكن **هل الصورة تكفي للتشخيص؟**

الطبيب لما يطلب منك كشف، مش لأنه يبي يشوفك وخلاص،
**الكشف جزء من العلاج نفسه.** 🩺

التشخيص يحتاج أحيانًا فحص مباشر، وتاريخ مرضي، وتقييم للحالة والاستجابة للعلاج.

فخلونا نسمع رأيكم 👇🏻

**لو عندك مشكلة جلدية، شنو تفضلي؟**

🩺 كشف ومتابعة حسب الخطة
📱 نبدأ بالصور والواتساب
🤔 حسب نوع الحالة، مرات كشف ومرات استشارة عن بعد

02/09/2026

موعدنا غدا الخميس إن شاء الله في مصحة البسمة-يفرن
من 4-7مساء
دمتم بخير
د.توزين عبود

01/09/2026

أ**من عيادتي إلى بيتك 🩷**

👩🏻‍⚕️ **الدكتورة:** كيف حالك؟ صار تحسن مع العلاج؟

👩🏻 **الحالة:** لا دكتورة، ما تغير شي 😔

👩🏻‍⚕️ **الدكتورة:** درتي التحاليل اللي طلبتهم منك؟

👩🏻 **الحالة:** لا 😅

👩🏻‍⚕️ **الدكتورة:** والعلاج؟ التزمتي بيه؟

👩🏻 **الحالة:** خديت واحد بس… والباقي ما لقيتهش، فخليته. وما شفتش نتيجة!

وهني المشكلة 👀
**تجي يوم، وتغيبي شهور، وتوقفي العلاج، وما تلتزميش بالمتابعة… وبعدين ترجعي تبي نتيجة سريعة!**

وفي الفترة هذي، ممكن الحالة تكون **تفاقمت أو ظهرت مضاعفات**، والعلاج اللي كان ممكن يفيد في البداية يحتاج توا خطة جديدة ومتابعة من الأول.

خليني نقولك حاجة مهمة ❤️
**العلاج مش سحر… والنتيجة مش مسؤولية الدكتورة بروحها.**

أنا نقدر نشخّص، نطلب التحاليل، نختار العلاج المناسب ونعدّله لو ما ناسبكش…
لكن **التزامك بالعلاج والمتابعة هو جزء أساسي من نجاح العلاج.**

وإذا دواء مش متوفر؟ **ما تختفيش 😅**
كلميني، نعطيك بديل مناسب بدل ما توقفي العلاج وتستني النتيجة بروحها.

**اهتمي بحالتك… لأن حتى أفضل خطة علاجية تحتاج تعاونك باش توصل لأفضل نتيجة. 🩷**

26/08/2026

23/08/2026

حالاتي اللي حاجزين للجلسات يوم الخميس يتواصلوا اما واتس او على بريد الصفحة لتأكيد الحجز 🌸

بالنسبة للكشف والمراجعات متاح بدون حجز🌸

دمتم بخير
د.توزين عبود

21/08/2026

قبل وبعد البوتكس 💉✨

البوتكس مش بس «حقنة» وخلاص…

**قبل البوتكس:**

* قولي لطبيبتك على أي أدوية أو مكملات تاخدي فيهم.
* ابعدي عن الرياضة القوية قبل الجلسة.
* ما تختاريش الجرعة أو المناطق على أساس صور الإنترنت؛ كل وجه له احتياجه.

**بعد البوتكس:**

* ما تفركيش ولا ماتدلكيش أماكن الحقن.
* ابعدي عن الرياضة القوية والحرارة العالية والساونا في نفس اليوم.
* ما تستعجليش على النتيجة؛ البوتكس يخدم بالتدريج.
* وما تزيديش الجرعة لمجرد إنك تبي النتيجة أسرع.

د. توزين عبود
طبيبة الأمراض الجلدية والتجميل الطبي

20/08/2026

كل حالة تختلف عن الثانية، لذلك ما ينفعش نختار العلاج من فيديو أو صورة على الإنترنت. الكشف هو اللي يحدد الخطة المناسبة لكل شخص. 🌸

موعدنا غدا في عيادة البسمة _يفرن
من 4-7 مساء
د.توزين عبود

18/08/2026

🌸 صباح الخير… ويومكم جميل 🤍

🩺 من عيادتي إلى بيتك |

"دكتورة، جربت علاجات هلبة… ومازالت الحبوب تطلع!" 😩

لو الحبوب مستمرة رغم كثرة العلاجات، مش بالضرورة معناها إنك محتاجة علاج أقوى.

أحيانًا السبب يكون واحد من هالحاجات:

▫️ التشخيص مش هو السبب الحقيقي للحبوب.
▫️ العلاج مناسب، لكن ما أخذاش وقته الكافي.
▫️ نوقف العلاج أول ما تتحسن البشرة، فترجع الحبوب من جديد.
▫️ في عوامل مستمرة تحفّز الحبوب، مثل الهرمونات أو بعض المنتجات أو العادات اليومية.
▫️ أو نستخدم علاجات هلبة مع بعض، فنهيّج البشرة ونضعف حاجزها بدل ما نساعدها.

✨ الحل مش ديما في إضافة منتج جديد… أحيانًا الحل إننا نوقف ونراجع: شنو السبب الحقيقي للحبوب؟

وهذي أول خطوة في العلاج الصح. 🌿

د. توزين عبود
طبيبة الأمراض الجلدية والتجميل الطبي