KABA MedGrow

03/11/2026

يسعدنا في Ghzal Academy Libya انضمام الدكتور Mahmoud Ettaweel إلى الفريق الأكاديمي لمشروع SYSTEM X 2027. وجود خبرات مميزة في تخصصات العلوم الطبية الأساسية يضيف قيمة للمشروع، ويدعم تقديم تجربة تعليمية أقوى لطلبتنا. أهلًا بيك دكتور، وإن شاء الله بداية تعاون مثمر ونجاحات كبيرة �

Prof /Mohammad Sayed Ghzal
GHZAL Academy Libya

🚨 SYSTEM X 2027 | نرحّب بالدكتور Mahmoud Ettaweel

فهم الطب يبدأ من فهم الأساس العلمي للمعلومة 🧬

يسعدنا انضمام د. Mahmoud Ettaweel إلى الفريق الأكاديمي في SYSTEM X 2027، للمشاركة في قسم الكيمياء الحيوية والبيولوجيا الجزيئية.

معاه، حنقربوا أكثر من فهم التفاعلات والآليات اللي تقوم عليها وظائف الجسم، ونربطوا العلوم الأساسية بالصورة الطبية الأكبر.

أهلًا وسهلًا بيك في عائلة Ghzal Academy، ونتطلعوا لمساهمتك في رحلتنا التعليمية 💙

Together for a Brighter Future.



Kaba MedGrow

26/09/2026

في التسويق يقولوا: «الأشهر يسبق الأشطر».

ممكن تكون شاطر في تخصصك، لكن لو الناس ما تعرفكش، شخص أقل منك خبرة وحضوره أقوى بياخذ فرص أكثر منك.

لهذا مش كفاية تكون الأشطر؛ خليك الأشهر والأشطر، وخلي الناس تعرف قيمتك. صدقني، بتفرق معاك هلبا.

#كاباميدجرو

25/07/2026

الأشهر يسبق الأشطر'، ولهذا خليك 'الأشطر والأشهر' في مجالك!

16/07/2026

فيه مقولة تقول: 'الأشهر يسبق الأشطر'، ولهذا خليك 'الأشطر والأشهر' في مجالك!

تخيل إنك تختص في مجال واحد، وبعد سنوات تولي استشاري فيه، وتبدا تخلص مقابل الاستشارة.. هذا هو الوقت اللي تستثمر فيه وقتك وجهدك في مجال واحد.

‎لازم الناس تعرفك كخبير، وتبني 'براند شخصي' (Personal Brand)، وشوف بعدها الفرص اللي بتجيك. ضروري الناس تعرفك، لأنك مرات تكون خبير ومتمكن لكن حد ما يعرفك، وفيه هلبا خبراء في مجالاتهم لكن ما يعرفهم حد.

‎مهما يصيرلك من معوقات، ما تغيرش مجالك، استمر فيه وطور نفسك.. وبعد سنوات، بتولي استشاري وقيمتك السوقية حتزيد."

#كاباميدجرو

07/07/2026

عمرك سألت روحك علاش فيه فئات معينة مسيطرة على السوق المالي في العالم؟ السر راهو مش في الفلوس وبس، السر كله في اهتمامهم العميق بـ 'الاقتصاد والإدارة'.
الإدارة مش مجرد تخصص تقراه في الجامعة، هي جزء لا يتجزأ من أي مشروع ناجح. حتى لو كنت 'اختصاصي' شاطر وممتاز هلبا في عيادتك، مهارتك الطبية بروحها صدقني مش حتكفي.
أنت محتاج 'نظام تشغيل' ينظملك وقتك، يبنيلك اسمك، ويدير التيم اللي معاك.. والنظام هذا هو الإدارة.
الخلاصة.. الإدارة خاشة في كل تفصيلة صغيرة وكبيرة في نجاحك

#كاباميدجرو #ليبيا

30/06/2026

لو أنت دكتور لكن م تبيش تخدم بشهادتك، وتبي تقعد تخدم في مجال الطبي، شوف..

حالياً توا في السوق يبو اللي عنده مهارات أكتر.
ومش أنت تستغل شي هذا؟ اعرف روحك شن تبي، راه في مجالات تفتحلك آفاق وفرص هلبا واكثر متتصور.

زي المشتريات، حتسافر وتتعرف ع الأجانب وتتعرف ع ثقافات جديدة وتشوف الفرص اللي بيقابلوك، وأنت في
نفس الوقت قاعد في المجال الطبي.

والمبيعات ! معنداش راتب محدد وكل مابيعت وكل زاد مدخولك .
ليش تخليهم يجيبو في أجانب؟ أنت أولى.

ليش م تتمكن وتتعلم المهارات اللازمة وتتوكل ع الله؟

ديماً شوف مجال اللي تعرف تطور روحك فيه، وكل م تتعلم في المجال هذا تزيد قيمتك السوقية وتبدأ شوية شوية دير علاقات وتكسب خبره وتبدأ أنت اللي تشرط مش صاحب العمل.

العملية تبي الصبر واستمرارية في التعلم، راه موضوع الخدمة مش مقتصر ع شهادة راه بس. خليك ذكي وفكك من الخدمة التقليدية، واخدم بذكاء وشوف السوق شن يبي وتمكن فيه، هذا اللي نقدر نقولهولك.”

22/06/2026

أكثر حاجة تستفز فيا مؤخراً هي طريقة تسويق بعض الدكاترة لعياداتهم.. تحس روحك يسوق لمحل ملابس مش لعيادة .
هوكات مستفزة ،تخفيضات، باقات، وعروض خلت الطب يفقد هيبته ويتحول لـ “تجارة” .. خلاص، المهنة بدت تفقد قيمتها بجد.
قصدي.. أنا بس اللي نشوف في الموضوع هكي ومستفزني، ولا حتى أنتم عندكم نفس النظرة؟

19/06/2026

تبي تخدم ؟ ضروري تفرض نفسك ؟

#ليبيا #الطب

13/06/2026

تطور علم الاسنان في 🇯🇵

#كاباميدجرو #ليبيا #الطب