د.محمد امدلل عبدالله

د.محمد امدلل عبدالله Contact information, map and directions, contact form, opening hours, services, ratings, photos, videos and announcements from د.محمد امدلل عبدالله, Paediatrician, Tripoli.
(1)

الصفحة الرسمية لطبيب الاطفال د.محمد امدلل

🟢معلومات لصحة طفلك

🟣تعامل مع حديثي الولادة واهم نصايح

🟡كل يوم معلومة طبية تهم طفلك لصحة افضل

📌مكان العمل
السبت والاربعاء مجمع العيادات باطن الجبل تيجي
الثلاثاء صباحا عيادة اللؤلؤ المكنون زاوية دهماني

25/08/2026

من زيارتي اليوم
إلى قسم الموجات فوق الصوتية (التراساوند) داخل العيادة المجمعة الدهماني

تحت إشراف صديقي الدكتور المبدع
والخلوق
Ahmed Hashmi

والفريق اللي معاه تبارك الله عليهم
الله يبارك شفنا اليوم عدة حالات منها حالة خصية المعلقة ، والتهاب الزايدة ، وانسداد في الأمعاء ،
طبعا المميز انه القسم مجاني ويوفر في خدمات تبارك الرحمن للمرضى

بارك الله فيهم ، وسعيد جدا اني بينكم

25/08/2026

الحرارة في الأطفال

مع شوي اخطاء رد بالكم منها ✅✅

د.محمد امدلل عبدالله

24/08/2026

كونوا على ثقة
على قد ماتتلاقو مع ناس سيئة و حسودة و ومؤذية بسبب ضعف نفوسهم
راهو بتتلاقو مع ناس اكثر :طيبة و محبة للخير و معطاءة

22/08/2026

في رأيكم علاش تتغير تصرفات طفلكم خارج المنزل ؟
علاش تزيد مشاغبته وطلباته ويصر على إحراج أهله قدام الناس ؟

حالة من داخل العيادة المجمعة الدهماني (تحديدا قسم ألترا ساوند ) طفل عمره حوالي 8 سنوات ، كان يشكي من الم فجأة في بطنه ...
22/08/2026

حالة من داخل العيادة المجمعة الدهماني (
تحديدا قسم ألترا ساوند )

طفل عمره حوالي 8 سنوات ، كان يشكي من الم فجأة في بطنه
الألم قوي نوعا ما ، بعد الكشف طلبو عليه التراساوند

طبعا هني كانت الصدمة ، فيه حاجة في البطن الشكل بيضاوي ، الحالة تشخصت عندها الخصية اليمنى معلقة يعني مانزلتش نهائي ،

وغالبا هذي صارلها ضمور خلاص ولازم تستأصل بشكل عاجل ‼️ لانه تخليه عرضة للسرطان !!!

الحالة تشخصت عند الدكتور احمد الهاشمي والتيم يلي معاه بارك الله فيهم

نرجع نقول مره ثانية لازم كل طبيب يفحص المناطق تناسلية كويس للأطفال فضلا راهو انت مسؤول أمام الله على كل شي

د.محمد امدلل عبدالله

22/08/2026

حالات اليوم داخل العيادة المجمعة 😣😣
أغلبهم حرارة بعدين ترجيع وتولي كحة 😷
موسم الفيروسات الصدرية جاي بكري سنه هذي ربي يستر

بديت مشواري بعد ما تخرجت من كلية الطب قبل 3 سنوات تقريبا ما كنتش فاهم شي، وما كنتش عارف من وين نبدأ لانه البئة متعي ماف...
20/08/2026

بديت مشواري بعد ما تخرجت من كلية الطب قبل 3 سنوات تقريبا
ما كنتش فاهم شي، وما كنتش عارف من وين نبدأ لانه البئة متعي مافيهاش اطباء ، كنت لازم نعتمد على نفسي اعتماد كامل

صح كان عندي شغف كبير بطب الأطفال
لكن الشغف بروحه ما كانش كافي…
كنت نسأل نفسي:
كيف نبدا؟ شن نتعلم؟ وكيف نولي طبيب أطفال كويس ومعروف ؟

هل نقدر ندير أسم بينهم ؟ هل الموضوع يبي سنوات ؟؟؟

هلبا اسألة في راسي

بديت خطوة بخطوة…
نتعلم، نغلط، نراجع، نسأل، نحضر دورات ومحاضرات، ونحاول كل يوم نكون أفضل من اليوم اللي قبله.
رغم قلة الإمكانيات وسوء الضروف لأكن مافيش استسلام

ما كانش الطريق سهل، وكانت فيه أيام شكيت فيها في نفسي…
لكن تعلمت حاجة مهمة:

مش لازم تكون فاهم كل شيء باش تبدأ…
لكن لازم تبدأ باش تفهم وتتعلم.

اليوم، لما نرجع للبداية ونشوف وين كنت ووين وصلت من إنجازات ، نعرف إن كل خطوة صغيرة كانت مهمة.

رسالتي لكل شاب تخرج جديد:
ما تقولش “أنا ما نعرفش”.
قول: “أنا ما زلت نتعلم”.

ابدأ من الصفر…
تعلم…
اصبر…
وخلي كل يوم يضيف لك حاجة جديدة.

البداية المتواضعة أفضل ألف مرة من انتظار اللحظة المثالية. ❤️

والقصة مازالت

شكرا لكل شخص وقف في طريقي وكان محطة علم تعلمت منها ومازال نتعلم
شكرا لكل شخص كان مؤمن بقدراتي ويشوفلي الان بكل فخر

شكرا من القلب ، فخور جدا ب نفسي

ابنكم المخلص

د.محمد امدلل عبدالله

20/08/2026

❌معاش تقارنو طفلكم مع أولاد خاله وعمه هذا يخليه مهتز وشخصيته ضعيفه

❌الضرب على الوجه ممنوع ( الكف ) نهائي مهما كانت ضروف
قرص 🤏 مره مره عادي 😁

❌لو طفلك تغيره سلوكه فجاه هذي علامة خطر ‼️ ولازم نهدرزو عليه وتعرفو سبب

خلوه يلعب بالتراب ويحوس الدنيا هك هو قاعد يتعلم ويبني في مناعته

باقي نصايح في الفيديو 👇🏼👇🏼👇🏼

ماتنساش دير مشاركة ونشر

د.محمد امدلل عبدالله

19/08/2026

اليوم ماقدرتش نخدم حالاتي ب انتظام في (العيادة المجمعة تيجي )
لانه الأغلبية كانو طواري وإسعاف ومافيش حد معاي الا اني شخصيا نخدم عليهم،
حالات خضة حرارية
حالة حموضة سكري
حالة trauma

وأغلبهم وضعهم كان تاعب جدا

نعتذر لجميع الحالات ولاحول ولاقوة الا بالله

Address

Tripoli

Website

Alerts

Be the first to know and let us send you an email when د.محمد امدلل عبدالله posts news and promotions. Your email address will not be used for any other purpose, and you can unsubscribe at any time.

Shortcuts

Share

Category