19/06/2026
https://www.facebook.com/share/p/1L2qeenAeM/
💡🤝👇
وطبعا بما انها جاية غدوة، عندى خطة الكشف الي تقول 👇
1. شنو التشخيص الأقرب من كلامها + الصيف؟*
"لون قهوي زاد فالصيف" = 90% *Melasma/الكلف* أو *تصبغات ما بعد الالتهاب PIH*
*به علاش زاد في الصيف؟*
الشمس + الحرارة = تنشط خلايا الميلانين. حتى لو حاطة واقي، الحرارة بروحها تزيد الكلف.
والليزر لو ما دارتش واقي كويس بعده، أو لو طلعت في الشمس، يقلب لتصبغات قهوية.
2. وبنقولك
حبيبتي ما تنخلعيش و ما تعيطيش، وجهك كويس والله ❤️
واللي صارلك هذا اسمه "كلف" أو "تصبغات شمسية".
علاش زاد توا؟ لأن الصيف + الحرارة + الشمس = عدو البشرة رقم 1.
حتى لو كنتي حاطة واقي، حرارة المطبخ والطلعة في القايلة بروحها تنشط اللون القهوي.
باهي علاش وجهك "معش عرفتيه"؟ 😩
لأن الكلف غدار، يجي تدريجي ويوحد اللون. فانتي تتعودي عليه كل يوم، وفجأة تقولي "واو امتى صار هكي؟"
نبشرك🫰
ان ليه علاج و يرجع اللون موحد. بس يبي صبر مش جلسة وحدة وتقولى خلاص 🤭
الخطة متاعنا تبدأ ب
1. واقي شمس SPF50+ كل ساعتين حتى لو في الحوش قدام الضي
2. كريم تفتيح آمن نوصفهولك حسب نوع بشرتك
3. لو الكلف عميق نديرولك جلسات ليزر Q-Switch أو تقشير بارد، بس بعد ما نهدو البشرة شهر.
🚫واهم شي: معش تحطي ليمون❌️ ولا خلطات النت❌️. هادم يزيدو الكلف 10 أضعاف.
اني معاك، والبيشنت اللي عندى قبللك والي قبلها وبعدها كان أسوأ منك وتوا بشرتهم رجعت صافية. لما تشوفي الصور تزيدى تطمني.
وطبعا عندى 3 أسئلة مهمة 👇
- تاخدي في حبوب منع الحمل؟ لأنها تنشط الكلف.
- تطلعي في القايلة هلبا؟
- استعملتي مقشرات أو ليمون قبل؟
4. الروتين مهم بهكى حاله وكل حاله تختلف عالتانيه
*الصبح:* غسول لطيف + سيروم فيتامين C 10% + واقي شمس مناسب لبشرتك
*الليل:* غسول + كريم فيه Hydroquinone 2% أو Azelaic Acid 15% أو Tranexamic Acid - تختاري حسب حالتها
*ممنوعات:* ليمون، خلطات، سكراب، حرارة عالية، طلعة قايلة بدون واقي❌️❌️❌️
وباقي الخطه العلاجيه بعد نشوفك❤️🫡
د.أمل بوصاع
للحجز واتس اب 0919330079 أو عالخاص
💡نساء فقط تعامل نسائي فقط 💡
