26/05/2026
كل عام وأنتم بخير وصحة وعافية 🤍
بمناسبة عيد الأضحى المبارك 🐑
أعاده الله علينا وعليكم بالخير واليُمن والبركات ✨
حابة نقولكم حاجة من قلبي…
وقت دخلت للسوشال ميديا وبدأت نصور، كان أول داعمين ليا بابا وزوجي 🤍
وسمعت وقتها كلام هلبه ،وفي ناس كانت تقول: “ليش طلعت بوجهها؟”
لكن الحمد لله، ما اهتمّيتش… لأن سندي الحقيقي كان واقف معايا، وهذا كان يكفيني.
عمري ما كنت نحب التصوير، ولا حتى نعرف نصور أو نمنتج، لكن دخلت المجال هذا باش نوصل لرسالة وحلم كنت نبيه… والحمد لله وصلت 🤍
كل اللي تشوفوا فيه من مقاطع ومحتوى، كان بمجهودي الشخصي، من الفكرة للتصوير للمونتاج، والحمد لله قدرت نوصل لأكبر شريحة من الناس، ووصلنا لرقم عمري ما توقعت نوصل له… 34 ألف 🤍
شكراً لكل شخص دعمني، شجعني، أو حتى استفاد من كلمة قلتها 🤍
وجودكم ودعمكم يعنيلي هلبه✨
