PsyDose جرعة الصحة النفسية

12/06/2026

11/06/2026

بزاف ديال الناس تايسحابليهم أن العمل ديال الأخصائي تايسالي بمجرد أنك تخرج من العيادة وأنه تاينسا قصتك حتى الحصة لي جاية.بالعكس عاد تايبدا يقلب ويبحث ويحلل باش يفهم ويعطيك العصارة لي تفيدك على حسب شخصيتك والصعوبات لي عندك.🫡

😉😉قولو لي فالتعاليق آشنو الحوايج لي تبغي تعرف على العلاج النفسي

09/06/2026

في بداية مسيرتي، كانو الناس كيجيو للجلسات، كنديرو التقييم معا، كيمشيو يتأكدو من التشخيص عند الطبيب النفسي...
وبعدها — كيختفيو.
كنت كنتساءل : واش أنا غلطت في حاجة؟ واش ما عجبهمش أسلوبي؟
حتى فهمت المشكل:
الوالدين كيسمعو TDAH — تايخافو
كيسمعو توحد — كيتجمدو.
والطفل من جهتو كيفهم التشخيص بطريقة أخرى تماما :
"إنا عندي TDAH — إذن ما خصنيش نخدم."
وهنا كيخاف الوالدين أكثر — مش من التشخيص في حد ذاتو، ولكن من اللي غادي يتعلم منو ولدهم.
التشخيص مش نهاية الطريق. هو البداية ديال الخدمة الحقيقية.
مش لأن عندك صعوبات غادي نوقفو الجهد — بالعكس.
دابا غادي نخدمو بطريقة مستهدفة، اللي تناسب كيفاش كيفكر دماغك.
واش نتا أو شخص قريب منك مر بهاد التجربة؟
جاوبني في السونداج 👇

23/05/2026

وقعت معايا حاجة هاد الأسبوع خلاتني نفكر بزاف...
ندافع على ولدي وبنتي — هادا طبيعي.
ولكن بعض المرات هاد الدفاع ا.. يقدر يخليه يحس دايماً راه ضحية. 💔
الجيل الجديد كيعاني من ضعف التحمل ديال الإحباط —
وأحياناً، بحسن النية، حنا كنزيدو فيه بلا ما نعرفو
الدفاع على ولدك واجب ✅
ولكن خليه يتحمل المسؤولية — هاد هو الدفاع الحقيقي. 🧠
👇 عطيني رأيك فالتعاليق

20/05/2026

⚠️ موضوع خاص ومهم — قرايوه مزيان
بديت نشوف هاد الوضع أكثر فأكثر فالعيادة...
الأطفال ديالنا كيشوفو محتوى للكبار — فالتيليفون، فالتابلت، فاليوتيوب — بكري بزاف قبل ما يكونو ناضجين باش يفهمو.
والمشكل أن بعض الأطفال كيبدا يجرب على راسو أو مع أطفال آخرين ما شافو.
🎥 فهاد الفيديو جوج أجزاء:
الجزء الأول — كنشرح الإشكالية : كيفاش كيوصل ليهم هاد المحتوى، وعلاش خطير على نموهم النفسي والجنسي
الجزء الثاني — كنقول للوالدين بالضبط كيفاش يتصرفو إلا وقعت هاد الحالة — بلا دراما، بلا عقاب، ولكن بطريقة صحيحة
⬇️ كمل تشوف — هاد الفيديو خاص يوصل لكل والد وكل والدة

20/05/2026

الأطفال ديالنا ولاو كيشوفو محتوى للكبار — فالتيليفون، فالتابلت، فاليوتيوب — بكري بزاف قبل ما يكونو ناضجين باش يفهمو.
والمشكل أن بعض الأطفال كيبدا يستكشف راسو أو مع أطفال آخرين ما
🎥 فهاد الفيديو جوج أجزاء:
الجزء الأول — كنشرح الإشكالية : كيفاش كيوصل ليهم هاد المحتوى، وعلاش خطير على نموهم النفسي والجنسي
الجزء الثاني — كنقول للوالدين بالضبط كيفاش يتصرفو إلا وقعت هاد الحالة — بلا دراما، بلا عقاب، ولكن بطريقة صحيحة
⬇️ كمل تشوف — هاد الفيديو خاص يوصل لكل والد وكل والدة

04/05/2026

🧠 فالجزء التاني دالحديث، تكلمنا على نقطة مهمة بزاف :
ماشي كل واحد عندو TDA/H لأنو كيتحرك بزاف أو مكيركزش !
⚠️ بزاف دالأعراض اللي كنشوفوها عند الطفل ممكن تكون راجعة لأشياء أخرى بحال :
— القلق اللي كيأثر على التركيز والهدوء
— نقص النوم اللي كيخلي الطفل متعب ومشتت
هاد الخلط شايع بزاف، وكيوصل لتشخيص غالط إلا ما تدخلناش بالطريقة الصحيحة 🎯
✅ symptôme واحد ما يكفيش باش نحكموا على وجود اضطراب
✅ التشخيص الصحيح كيحتاج أدوات متخصصة، ملاحظة دقيقة، وتقييم شامل
وهاد بالضبط هو دور الأخصائي النفسي 🙏🏽
💬 واش سبق وتساءلتي على هاد الموضوع ؟ سولني فالكومنتار