31/07/2026
الشمس ماشي غير كتسمر البشرة… الشمس كتسرق من عمرك، وكتخلي الجلد يشيخ قبل الوقت، وكتقدر حتى تسبب سرطان الجلد.
هادشي علاش اليوم غادي نهضرو على واحد الحاجة خاصها تولّي عادة يومية، ماشي غير فالصيف، وماشي غير فالبلاد السخونة… وهي الحماية من الشمس.
الأشعة فوق البنفسجية كتدير أضرار ما كيبانوش دابا، ولكن كيتراكمو نهار من نهار: تصبغات، تجاعيد، ترهّل، حساسية، وحتى سرطان الجلد.
والمشكل الكبير؟ حتى إلا كانت السما مغيمة، وحتى إلا كنتي غير سايق فالطوموبيل ولا جالس حد الشرجم… الأشعة كتوصلك.
إذن السؤال الحقيقي ما بقاش: واش خاصني نستعمل واقي الشمس؟
السؤال هو: شنو هو واقي الشمس اللي مناسب لبشرتي؟
وفي هاد الريل غادي نعاونكم تختارو الواقي الشمسي المناسب حسب نوع البشرة، المشاكل الجلدية، وطريقة العيش ديال كل واحد.
