Dr. Sefsafi Zakia -Pédiatre

Dr. Sefsafi Zakia -Pédiatre عيادة طب الأطفال Cabinet de pédiatrie

12/03/2026

Mon passage aujourd'hui sur Medi1 TV portait sur le problème actuel de lait infantile.

إعلان:*العيادة مغلقة من يوم 12 غشت إلى يوم 21 غشت.*من يوم 22 غشت إلى 31 غشت ستعوضني طبيبة أطفال متمرسة.*أستأنف معكم إن ش...
12/08/2024

إعلان:

*العيادة مغلقة من يوم 12 غشت إلى يوم 21 غشت.
*من يوم 22 غشت إلى 31 غشت ستعوضني طبيبة أطفال متمرسة.
*أستأنف معكم إن شاء الله يوم الإثنين 2 شتنبر.

عطلة سعيدة للجميع ❤️

توقيت العمل في العيادة خلال شهر رمضان المبارك :من الإثنين إلى الجمعة: 09h00 -15h00السبت:09h00- 13h00رمضان مبارك كريم.
11/03/2024

توقيت العمل في العيادة خلال شهر رمضان المبارك :
من الإثنين إلى الجمعة: 09h00 -15h00
السبت:09h00- 13h00
رمضان مبارك كريم.

Soulager un bébé qui souffre, est un vrai bonheur 🥰❤️Résultats obtenus après une semaine de traitement adapté :
23/01/2024

Soulager un bébé qui souffre, est un vrai bonheur 🥰❤️
Résultats obtenus après une semaine de traitement adapté :

حلوة لاكريم!🍰عامة الناس فاش كتشوف هاد الصورة كيجي لبالها الزحام اللي كيكون في المحلات و الشوارع فين كتباع حلوة لاكريم بم...
29/12/2023

حلوة لاكريم!🍰

عامة الناس فاش كتشوف هاد الصورة كيجي لبالها الزحام اللي كيكون في المحلات و الشوارع فين كتباع حلوة لاكريم بمناسبة السنة الجديدة!!

في حين أني فاش كنشوفها كنتفكر فترة العمل في مستعجلات مستشفى الأطفال.. كان الطبيب اللي كتجي فيه الحراسة اليوم الأول للسنة (من بعد ما الناس حتفلات!!🙄) كيغرق وسط الأطفال اللي جايين بنفس الأعراض: إسهال، تقيؤ، ألم في البطن)

كنظن الرسالة واضحة 😉😉

دمتم سالمين
د. زكية صفصافي

مشكل الدويدات🪱 مشكل جد منتشر بين الأطفال خصوصاً اللي كيمشيو للمدرسة.الطفل كيتعادا أول مرة فاش كيهز البيض 🥚في الأظافر ديا...
30/11/2023

مشكل الدويدات🪱 مشكل جد منتشر بين الأطفال خصوصاً اللي كيمشيو للمدرسة.

الطفل كيتعادا أول مرة فاش كيهز البيض 🥚في الأظافر ديالو و كيمص الأصبع ديالو أو كياكل بدون غسل اليدين.

البيض كيفقس في الجهاز الهضمي ديال الطفل و كيعطي الدويدات.
فاش كتخرج الدودة بالليل 🛌 للمخرج كتفرز واحد المادة كتسبب الحكة ،و كتبيض، و داك البيض كيبقى في الملابس الداخلية في الأفرشة...

مهم نفهمو هاد الشي باش نفهمو العلاج الصحيح:
⭐الدواء المضاد للدويدات كيتعطى في جرعة واحدة ضروري يتعاود بعد 2 أسابيع.
⭐جميع أفراد الأسرة كياخدو الدوا ماشي الطفل بوحدو حيث البيض كيتسارا فالدار (واخا ما يكون فيهم حتى عرض).
⭐نقطعو الأظافر مزيان للجميع.
⭐الملابس الداخليه🩲 و الأفرشة تغسل بالصابون و الماء الساخن!

أهم حاجة نعلمو الطفل وسائل الوقاية باش مايعاودش العدوى..

دمتم سالمين
د. زكية صفصافي

في حالات السخانة عند الأطفال بزاف ديال الآباء سامعين أنه ممكن إعطاء مضادات الحرارة بالتناوب كل 3 ساعات مثلاً..و لكن كثير...
17/11/2023

في حالات السخانة عند الأطفال بزاف ديال الآباء سامعين أنه ممكن إعطاء مضادات الحرارة بالتناوب كل 3 ساعات مثلاً..

و لكن كثير منهم فاهم الموضوع بشكل خاطئ بحيث كيظنو أن التناوب هو مرة نعطي سيرو مرة قويلبات و كتلقاهم كيعطيو نفس المادة (الباراسيتامول) كل 3 إلى 4 ساعات غير كيبدلو من شكل الدوا..

القاعدة كتقول أنه في حالة السخانة كنعطيو باراسيتامول (سيرو، قويلبات خنيشات.. بحال بحال) و ميمكنش نعاوده إلا بعد مرور 6 ساعات على الأقل، إذا السخانة ما نزلاتش أو رجعات طلعات من بعد ساعتين أو 3 مثلاً على الجرعة الأولى هنا كندوزو للمادة الثانية اللي هي اببروفين..

نقطة أخيرة: مادة اببروفين غالباً كتكون أكثر فعالية و كتعجب الآباء أكثر، و لكن مع ذلك يستحسن أنها ماتخادش إلا بعد استشارة الطبيب حيث كاين حالات الي ممنوع فيها استعمال هاد المادة..

دمتم سالمين
د. زكية صفصافي

#عيادة #تمارة #صحة #طبيب

المقاطعة ثم المقاطعة ثم المقاطعة..علاش ؟المقاطعة الأولى باينة علاش، حيت أضعف أضعف الإيمان هو أنك ماتساهمش حتى بريال واحد...
13/11/2023

المقاطعة ثم المقاطعة ثم المقاطعة..
علاش ؟

المقاطعة الأولى باينة علاش، حيت أضعف أضعف الإيمان هو أنك ماتساهمش حتى بريال واحد في مجا.ز.ر الصها.ي.نة في حق الأبرياء في فل.سط.ين.

المقاطعة الثانية باش دير خير فراسك أنت حيث النقطة المشتركة في ماركات الأكل ديالهم أنها غير صالحة للأكل، ولكن صالحة فقط للتسميم ببطء.

المقاطعة الثالثة على ود وليداتك، حيث مايمكنش تكون مولفهم هاد النوعية ديال الأكل، و تشكى أنهم ماكيكلوش مزيان، أو ما كيبغيوش ياكلو الأكل الصحي..

المقاطعة واجب ماشي خيار✌️

د. زكية صفصافي

الفحص الطبي للرضيع👶 في سن 4 أشهر هو موعد مهم باش نشوفو واش الرضيع جاهز لبداية مرحلة تناول الطعام🍽️، و شرح كل ما يتعلق با...
27/10/2023

الفحص الطبي للرضيع👶 في سن 4 أشهر هو موعد مهم باش نشوفو واش الرضيع جاهز لبداية مرحلة تناول الطعام🍽️، و شرح كل ما يتعلق بالتنويع الغدائي للأبوين.

من بين أهم النقاط التي أركز عليها هي تعويد الطفل على تناول كل الوجبات و هو جالس في الكرسي🪑 المخصص لذلك.

قبل سن 6 أشهر حيث الرضيع مازال ما يمكنش يجلس في الكرسي يمكن الاستعانة بكرسي السيارة maxi cosi مثلاً أو أي وسيلة أخرى المهم يكون فيها أحزمة لتثبيت الرضيع، و أكيد يجب رفعه قليلاً بزيادة وسادة مثلاً باش مايبقاش ناعس.

منستعملوش الكرسي إلا للأكل فقط، و نلتزمو بهاد الشرط في كل وجبة دائما و أبدا (واخا نكون عنعطيه غير حبة فاكهة🍌)

هذه النقطة مهمة بزاف، باش نتجنبو داك المنظر المنتشر ديال الولد كيجري فرحان برجيلاتو 🏃و الأم كتجري وراه بالملعقة😅

دمتم سالمين
د. زكية صفصافي

#طبيب #عيادة #تمارة #صحة

الآباء اللي متبعين قديم معايا حافظين الدرس : " غسل الأنف هو أساس العلاج في تعفنات الأنف و الحنجرة"👏👏👏بالنسبة للآباء الجد...
09/10/2023

الآباء اللي متبعين قديم معايا حافظين الدرس :
" غسل الأنف هو أساس العلاج في تعفنات الأنف و الحنجرة"👏👏👏

بالنسبة للآباء الجدد : "اللي كتشوفوه في الصورة هو دوا البرد"🤧
هذه هي الطريقة المفضلة عندي كأم و كطبيبة أطفال 👩‍⚕️لغسل الأنف👃

إذا كان عندك طفل👶 كيمرض بزاف بنزلات البرد، و عندك خزانة عامرة بالأدوية، و ما عندكش محلول غسل الأنف، راه ما عندك والو!!😉

دمتم سالمين
د. زكية صفصافي

#عيادة #تمارة #صحة #طبيب

خمس معلومات عن مرض السيلياك:1- مرض مزمن يضر الأمعاء الدقيقة لدى أشخاص عندهم قابلية وراثية. 2- ينتج عن استجابة غير طبيعية...
02/10/2023

خمس معلومات عن مرض السيلياك:

1- مرض مزمن يضر الأمعاء الدقيقة لدى أشخاص عندهم قابلية وراثية.

2- ينتج عن استجابة غير طبيعية للجهاز المناعي لبروتين الغلوتين (المتواجد طبيعيا في القمح، الشعير..) و يمكن أن يظهر في أي سن.

3- الأعراض كثيرة و لا تظهر بالضرورة عند جميع المرضى (هناك نوع يسمى بالصامت):
إسهال مزمن أو العكس إمساك مزمن
آلام مزمنة في البطن
تأخر نمو الوزن و الطول (خصوصاً الوزن في البداية)
تأخر البلوغ
فقر الدم الذي لا يستجيب للعلاج بدواء الحديد
تقرحات الفم المتكررة

4- التشخيص يعتمد على تحاليل مخبرية للبحث عن ارتفاع في نوع خاص من مضادات الأجسام و حسب الحالات اللجوء للمنظار الطبي لأخد عينات من الأمعاء للتأكد من المرض.

5- العلاج الوحيد هو حمية بدون غلوتين مدى الحياة.

دمتم سالمين
د. زكية صفصافي

#عيادة #صحة #طبيب #تمارة

نخبر مرضانا الأعزاء أن العيادة ستكون مقفلة من يوم السبت 12 غشت إلى غاية الأحد 3 شتنبر.عطلة سعيدة للجميع ❤️
11/08/2023

نخبر مرضانا الأعزاء أن العيادة ستكون مقفلة من يوم السبت 12 غشت إلى غاية الأحد 3 شتنبر.
عطلة سعيدة للجميع ❤️

Address

Hay Abbadi, Avenue Hassan I, Résidence Abi Houraira Imm 17. 1er étage/Témara
Temara
12000

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 13:00

Telephone

+212537612750

Website

Alerts

Be the first to know and let us send you an email when Dr. Sefsafi Zakia -Pédiatre posts news and promotions. Your email address will not be used for any other purpose, and you can unsubscribe at any time.

Shortcuts

Share

Category