Clinique Maternité De Manakambahiny

Clinique Maternité De Manakambahiny Clinique de Pédiatrie, Maternité, opération césarienne et prise en charge de l’infertilité (Fécondation in vitro, insémination intra-utérine...)

Salama e 🥰Ahoana no hanomanana ny zoky lahy na zoky vavy handray ny zandry vao teraka?Izay ndray no resahan-tsika Kely a...
08/08/2026

Salama e 🥰

Ahoana no hanomanana ny zoky lahy na zoky vavy handray ny zandry vao teraka?

Izay ndray no resahan-tsika Kely androany
Ny fahatongavan'ny zaza vao teraka dia dingana lehibe ho an'ny fianakaviana manontolo, anisan'izany ny zoky lahy na zoky vavy.
Hevitra tsotra hanampiana azy hiatrika tsara izany fiovana izany
🗣️ Resaho aminy ny momba ilay zaza Hazavao aminy amin'ny teny tsotra izay hitranga, ary valio amim-pahatsorana ny fanontaniany.
🤝 Ampandraiso anjara izy Avelao izy handray anjara amin'ny fanomanana, toy ny fisafidianana akanjon'ny zaza, fanamboarana ny efitrano, na fanomanana ny entana ilaina.
📖 Vakio tantara momba ny maha-zoky Ny boky sy tantara dia manampy ny ankizy hahatakatra sy handray tsara ny fahatongavan'ny zaza vaovao.
❤️ Omeo lanja ny andraikiny Ampaherezo izy amin'ny filazana fa mbola manana ny toerany ao amin'ny fianakaviana, ary tena zava-dehibe ny maha-zoky azy.
⏰ Manokàna fotoana ho azy Na alohan'ny hahaterahan'ny zaza na aorian'izany, tohizo ny fanomezana fotoana manokana hiarahana aminy.
Fihetseham-po mety ho tsapany
Mety hahatsapa:
Hafaliana
Mety liana ihany koa
Fientanentanana
Fa mety koa hahatsapa saro-piaro, tahotra na alahelo.
Ara-dalàna avokoa ireo fihetseham-po ireo.
♥️Lakilen'ny fanomanana tsara:
Miresaha aminy amim-pitiavana sy amim-pahatsorana.
Henoy ny fihetseham-pony fa aza atao tsinontsinona.
Ampaherezo sy omeo toky matetika izy.
Asehoy aminy fa mbola tianao tahaka ny taloha izy.
Mahareta, satria mila fotoana izy vao zatra ny fiovana.
👉Tsarovy
Ny zaza mahatsapa fa tiana sy mbola tafiditra ao anatin'ny fianakaviana dia handray amim-pifaliana kokoa ny fahatongavan'ny zandriny, ka hifankatia sy hifankahery ny mpiray tampo.

Miarahaba e 🥰 💧 Ny maha-zava-dehibe ny fisotroana rano mandritra ny fitondrana vohokaNy fisotroana rano ampy dia fikarak...
05/08/2026

Miarahaba e 🥰
💧 Ny maha-zava-dehibe ny fisotroana rano mandritra ny fitondrana vohoka

Ny fisotroana rano ampy dia fikarakarana ny tenanao sy ny zanakao.
Ilaina ny rano mba hahasalama ny reny sy hanampy ny zaza hitombo sy hivoatra ara-dalàna.
Tombontsoa azo avy amin'ny fisotroana rano ampy
👶 Manampy ny fitomboana sy ny fivoaran'ny zaza.
❤️ Manatsara ny fikorianan'ny ra sy ny famatsiana oksizenina
🚽 Manampy hisoroka ny fitohanana sy ny (infection urinaire).
⚡ Mampihena ny havizanana ary mitazona ny herin'ny vatana.
💦 Manampy amin'ny fitazonana ny habetsahan'ny ranon-jaza (liquide amniotique) ho ampy.
Farafahakeliny 1,5 hatramin'ny 2 litatra isan'andro, izany hoe vera 6 hatramin'ny 8 eo ho eo.
Aleo sotroina tsikelikely mandritra ny tontolo andro, fa tsy indray mandeha be.
🫴Torohevitra
🥤 Mitondrà tavoahangy misy rano foana.
🍋 Raha tianao, asio voankazo voajanahary ao anaty rano, toy ny voasarimakirana,voasary.
🥒 Mihinàna sakafo be rano, toy ny kokombra, pastèque, voasary ary salady.
💙 Henoy ny vatanao: raha mangetaheta ianao dia misotroa rano avy hatrany.
🤰 Reny misotro rano ampy = Zaza salama sy mitombo tsara.

Miarahaba e 🥰 FANDÀVAN'NY ZAZA NY TÉTINE Nahoana no mandà ny tétine ny zaza? Ary ahoana no hanampiana azy? Ireo ndray no...
01/08/2026

Miarahaba e 🥰
FANDÀVAN'NY ZAZA NY TÉTINE

Nahoana no mandà ny tétine ny zaza? Ary ahoana no hanampiana azy?

Ireo ndray no resahan-tsika Kely androany
Antony mety mahatonga izany
👶 Tiany kokoa ny nonon-dreniny.
🍼 Tsy mifanaraka aminy ny endrika na ny haben'ilay tétine.
👄 Mbola tsy matotra tsara ny fahaizany mitsetsitra.
😊 Tsy mandray tétine izy amin'io fotoana io.
⏰ Nomena tétine tamin'ny fotoana tsy mety.
❤️ Fampiononana hafa no ilainy (ohatra: fitrotroana, fifampikasohana amin'ny ray aman-dreny).
👉Famantarana fa tsy tia tétine izy:
❌ Laviny ilay tétine.
😢 Mitomany rehefa terena horaisina ilay izy.
😐 Tsy tazoniny ao am-bavany ilay tétine.
👉Vahaolana
✅ Omeo rehefa milamina sy tony ny zaza.
✅ Andramo karazana tétine samihafa.
✅ Asio ronono kely eo amin'ilay tétine mba hahazatra azy.
✅ Omeo fotoana hizatra tsikelikely.
✅ Mahareta sy manàna faharetana.
👉Tokony hialana
❌ Aza terena handray tétine ny zaza.
❌ Aza omena tétine rehefa mitomany mafy izy.
*️⃣Tsarovy
💜 Samy manana ny toetrany ny zaza tsirairay. Misy ny zaza tsy hanaiky tétine mihitsy, ary tsy olana izany.
Fehiny
❤️ Tsy ny zaza rehetra no manaiky tétine.
❤️ Tsy voatery hampiasa tétine ny zaza.
⭐ Ny tena zava-dehibe dia ny fahasalamana sy ny fahasambaran'ny zaza.

Miarahaba 🥰 Ity misy tsara ho fantatran_tsika KelyMiresaka amin'ny zaza mbola ao an-kibo dia:👂 Manampy amin'ny fivoaran'...
29/07/2026

Miarahaba 🥰

Ity misy tsara ho fantatran_tsika Kely

Miresaka amin'ny zaza mbola ao an-kibo dia:
👂 Manampy amin'ny fivoaran'ny fandrenesany sy ny fitomboany.
❤️ Manamafy ny fifamatorana eo amin'ny reny sy ny zaza.
💬 Manampy ny zaza hahafantatra ny feon'ny ray aman-dreniny rehefa teraka izy.
🥰 Mampitony sy manome fahatsapana fiarovana ny zaza.
Tsara ho fantatra: Na mbola ao an-kibo aza ny zaza, dia afaka mandre feo manomboka eo amin'ny volana faha-5 eo ho eo amin'ny fitondrana vohoka. Ny firesahana aminy amin'ny feo malefaka, ny fihirana, na ny famakiana tantara dia afaka manampy amin'ny fifandraisana sy ny fivoarany.

Miarahaba 🥰FITAZONAN'NY ZAZA NY FOFONAINA REHEFA MITOMANY (Spasme du sanglot) 😢 izay ndray no resahan-tsika Kely Ny fita...
25/07/2026

Miarahaba 🥰
FITAZONAN'NY ZAZA NY FOFONAINA REHEFA MITOMANY (Spasme du sanglot) 😢 izay ndray no resahan-tsika Kely
Ny fitazonan'ny zaza ny fofonaina rehefa mitomany dia toe-javatra mety hampatahotra ny ray aman-dreny, saingy matetika tsy mampidi-doza. Mety hiseho izy io manomboka amin'ny faha-6 volana.
Matetika izy io no miseho rehefa:
😡 Tezitra mafy ny zaza
😞 Diso fanantenana na sosotra
😨 Matahotra
🤕 Marary na voadona
Inona no mitranga?
Mitomany mafy ny zaza, avy eo mitazona tsy nahy ny fofonainy izy mandritra ny segondra vitsy.
Mety:
ho mangana na hatsatra be ny lokony;
indraindray ho torana vetivety.
Na dia mampatahotra aza izany, dia latsaky ny iray minitra matetika no faharetany, ary miverina miaina ara-dalàna ny zaza rehefa afaka izany.
Zava-dehibe tokony ho fantatra
❌ Tsy fanahy iniana ataon'ny zaza izany.
❌ Matetika tsy aretin'ny androbe (épilepsie) izany.
✅ Amin'ny ankamaroan'ny tranga dia ara-dalàna ny fivoaran'ny atidoha sy ny fitomboan'ny zaza.
Inona no atao mandritra ilay tranga?
✔️ Tony foana.
✔️ Ampandrio mihorirana amin'ny tany amin'ny toerana azo antoka ny zaza.
✔️ Jereo raha mbola miaina izy.
✔️ Andraso handalo ilay tranga, aza ahozongozona ny zaza.
❌ Aza mampiditra zavatra ao am-bavany mandritra ny fisehoan'izay tranga izay
Rahoviana no tokony hitondra azy any amin'ny mpitsabo?
Raha: -miverimberina matetika ilay tranga;
-maharitra ela ny fahatoranana;
-misy fihetsika tsy mahazatra;
-mitranga nefa tsy nisy fitomaniana;
-na raha misy zavatra mampanahy anao.
❤️ Tsara foana ny manatona mpitsabo mba hanamarina ny toe-pahasalaman'ny zaza sy hanome toky ny ray aman-dreny.

Miarahaba e 🥰Nahoana no miseho crampes mandritra ny fitondrana vohoka?Izay ndray no resahan-tsika Kely androany Ny cramp...
22/07/2026

Miarahaba e 🥰
Nahoana no miseho crampes mandritra ny fitondrana vohoka?
Izay ndray no resahan-tsika Kely androany

Ny crampes indrindra amin'ny ranjo (mollets) sy ny faladia, dia vokatry ny antony maro mitambatra:
👉Tsy fahampian'ny otrikaina: Raha tsy ampy magnésium, calcium na potassium ny vatana dia mora miseho ny crampes
👉Fiovan'ny fivezivezen'ny ra: Mitombo ny habetsahan'ny ra mandritra ny fitondrana vohoka, ary manindry ny lalan-dra ny tranonjaza, ka miadana ny fiverenan'ny ra ary tsy ampy oksizenina ny hozatra.
👉Tsy fahampian-drano: Mila rano betsaka kokoa ny vatana mandritra ny fitondrana vohoka. Raha tsy ampy ny rano dia mora mivangongo ny fako vokarin'ny hozatra ka miteraka crampes.
👉Fitomboan'ny lanja: Mitombo ny lanjan'ny tranonjaza ka manindry ny hozatra amin'ny tongotra
🫴Ireto misy torohevitra amin'ny ankapobeny , fa raha misy ny mampihaihay na Soritr'aretina dia tsara manantona mpitsabo
👇👇👇

Miarahaba e🥰Nahoana no mamoaka rora be ny zazakely?(Bé rarakivy)Izay ndray no resahan-tsika Kely androanyRehefa mamoaka ...
18/07/2026

Miarahaba e🥰
Nahoana no mamoaka rora be ny zazakely?(Bé rarakivy)
Izay ndray no resahan-tsika Kely androany

Rehefa mamoaka rora ny zazakely dia aza manahy, satria ara-dalàna tanteraka izany.
Ny rora dia dingana voalohany amin'ny fandevonan-kanina, satria manampy hanalefaka sy hanomana ny sakafo ho levonina.
Rehefa vao teraka ny zaza dia rononon-dreny na ronono ,Nursie, ...sns ka tsy mbola miasa be ny fihary mpamokatra rora. Rehefa manakaiky ny fotoana hanombohan'ny sakafo hafa kosa dia manomboka mamokatra rora bebe kokoa ny vatana mba hiomanana amin'izany.
🤔 Inona no mahatonga ny zaza hamoaka rora be?
🔸 Mianatra mitelina ny rora
Manomboka eo amin'ny 2 ka hatramin'ny 3 volana vao tena miasa ny fihary mpamokatra rora. Mila mianatra mitelina izany rora izany ny zazakely.
Ny fahaizana mitelina ho azy dia matetika vao tena mivoatra tsara eo amin'ny 2 ka hatramin'ny 3 taona. Mandritra izany dia ara-dalàna raha mamoaka rora izy.
👉Antony hafa mety hampitombo ny rora
🔸Mipoitra nify: Mivonto sy marary ny hihy, ka manampy mampitony sy miaro amin'ny mikraoba ny rora
🔸Mampiditra zavatra ao am-bava: Rehefa mikaroka sy manandrana zavatra amin'ny vavany izy dia mampihetsika kokoa ny fihary mpamokatra rora.
🔸Mitsentsitra ankihibe na mampiasa tétine: Mety hanasarotra ny fitelina ny rora izany ka vao mainka hampitombo ny fivoahan'ny rora.
🤔 Inona no atao rehefa mamoaka rora be ny zaza?
Tsy aretina ny fivoahan'ny rora be fa dingana ara-dalàna amin'ny fivoaran'ny zaza.
👉Mba hampahazo aina azy dia azo atao ireto:
🔸Ampanaovy bavoir mba tsy ho lena ny akanjony
🔸Fafao matetika ny saokany mba tsy ho mandoa lava
🤔Rahoviana no mila manantona mpitsabo?
Matetika dia mihena na mijanona eo anelanelan'ny 1ka hatramin'ny 3 taona ny fivoahan'ny rora bé
Raha mitohy aorian'ny faha 3 taonany izany dia tsara ny manantona mpitsabo
👉Ny fampitsaharana ny fitsentsafana ankihibe na ny tétine dia afaka manampy ihany koa hampihena ny fivoahan'ny rora bé.

Miarahaba e 🥰Ny tasy amin'ny tarehy ateraky ny fitondrana vohoka (Mélasma na Chloasma) Anisany manahirana sy manelingeli...
15/07/2026

Miarahaba e 🥰
Ny tasy amin'ny tarehy ateraky ny fitondrana vohoka (Mélasma na Chloasma)
Anisany manahirana sy manelingelina antsika vehivavy, dia ho resahan-tsika Kely :
Izy io dia fiovan'ny hoditra ,tsy mampidi-doza, miseho amin'ny endrika tasy volontany na volondavenona eo amin'ny tarehy.
Matetika izy io no hita amin'ireo faritra tratran'ny masoandro, toy ny:
Handrina
Takolaka
Orona
Ambonin'ny molotra
Matetika dia miseho manomboka amin'ny volana faha-4 amin'ny fitondrana vohoka, ary mety hitranga ihany koa amin'ny vehivavy mampiasa fanafody fanabeazana aizana misy hormonina.
🤔 Inona no mahatonga azy?
Ireo tasy ireo dia vokatry ny fitomboan'ny famokarana mélanine, izay manome loko ny hoditra. Antony roa lehibe no mahatonga izany:
Hormonina mandritra ny fitondrana vohoka (œstrogène sy progestérone), izay mampitombo ny famokarana mélanine.
Fiposahan'ny masoandro, satria ny taratra UV dia mampitombo ny fisehon'ireo tasy.
🤔 Ahoana ny fitsaboana azy?
Tsy aretina ny tasy ateraky ny fitondrana vohoka fa fihetsika voajanahary ataon'ny hoditra.
Amin'ny ankamaroan'ny tranga dia mihamalefaka na manjavona ho azy ireo tasy, volana vitsivitsy aorian'ny fiterahana.
Raha mbola mitoetra ireo tasy rehefa vita ny fampinonoana na efa ela taorian'ny fiterahana, dia tsara ny manatona mpitsabo manokana momba ny hoditra (dermatologue).

🤔 Ahoana no hisorohana azy?
Mampiasà crème solaire isan'andro.
Manaova satroka, casquette na lamba fiarovana rehefa mivoaka.
Aza mampiasa vokatra manafotsy hoditra mahery vaika mandritra ny fitondrana vohoka.
Ataovy mando tsara ny hoditra maraina sy hariva amin'ny crème hydratante.
Mihinàna sakafo voalanjalanja, ahitana voankazo sy legioma manankarena vitamina C sy E.
👉 Tsarovy: Ny tasy aterakin' ny fitondrana vohoka dia fiovana mahazatra, vonjimaika ary tsy mampidi-doza. Raha miaro tena amin'ny masoandro sy mikarakara tsara ny hoditra ianao, dia hiverina tsikelikely amin'ny endriny mahazatra ny hoditrao

Miarahaba e 🥰🦷 Mety misy vé Zaza vao teraka dia efa misy nify? Izay ndray no resahan-tsika Kely androany ENY, mety hitra...
11/07/2026

Miarahaba e 🥰
🦷 Mety misy vé Zaza vao teraka dia efa misy nify?
Izay ndray no resahan-tsika Kely androany
ENY, mety hitranga izany. Misy zaza teraka efa misy nify iray na maromaro (nify hatrany am-bohoka), na koa mipoitra ao anatin'ny volana voalohany aorian'ny nahaterahana (nify mipoitra aloha loatra).
Tsy fahita firy izy io, amin'ny ankapobeny dia eo amin'ny faha-6 volana vao manomboka mipoitra ny nify ronono.
Ny nify hita matetika indrindra dia ny nify anoloana ambany, arahin'ny nify anoloana ambony. Tsy dia fahita firy kosa ny zaza teraka efa manana nify (molaires).
🤔 Inona no mahatonga izany?
Mbola tsy fantatra mazava ny tena antony. Mitovy endrika sy firafitra amin'ny nify ronono ihany ireo nify ireo, saingy indraindray dia tsy matanjaka tsara.
Misy antony sasany mety hampitombo ny mety hitrangan'izany, toy ny:
Zaza manana lanilanim-bava misokatra (fente palatine) na molotra misokatra (bec-de-lièvre).
Zaza manana tsy fahatomombanana amin'ny dentine, ilay sosona manampy amin'ny fananganana ny nify.
🤔Inona mety hitranga ?
Satria nipoitra aloha loatra ilay nify dia matetika tsy mafy o***a ary mety mihozongozona.
Mety hintsana ilay nify ka hiditra any amin'ny tenda na lalan-pisefoana ka mety hanempotra.
Fery amin'ny lela.
Fery amin'ny hihy.
Fahasarotana na fanaintainana rehefa minono.
🤔 Inona no fitsaboana?
Ny mpitsabo nify na ny pédiatre no hanapa-kevitra arakaraka ny toetry ny nify.
Misy safidy roa:
Eso***a (avulsion) ilay nify.
Avela hijanona ary arahina maso mandra-pahalatsany ho azy.

➡️Tsy fahita firy ny zaza teraka efa misy nify , fa mila entina manantona pédiatre na dentiste izy mba hijerena raha Ilaina ny manala Ilay nify na tsia

Miarahaba e 🥰Inona ny antony tsy maintsy handrefesana ny kibo na (hauteur utérine) rehefa misafo ny vehivavy bevohoka Iz...
08/07/2026

Miarahaba e 🥰
Inona ny antony tsy maintsy handrefesana ny kibo na (hauteur utérine) rehefa misafo ny vehivavy bevohoka
Izay ndray no resahan-tsika Kely

Mandritra ny fitondrana vohoka dia ampiasaina izy io mba hanaraha-maso ny fitomboan'ny zaza, ny fivoaran'ny tranon-jaza, ny placenta ary ny habetsahan'ny ranon-jaza.
🔵 Refy ara-dalàna
3 volana : eo amin'ny 13 cm
4 volana : eo amin'ny 16 cm
5 volana : eo amin'ny 20 cm
6 volana : eo amin'ny 24 cm
7 volana : eo amin'ny 28 cm
8 volana : eo amin'ny 30 cm
9 volana hatramin'ny fiterahana : eo amin'ny 32–34 cm
🔴 Raha lehibe loatra ny haavon'ny tranon-jaza Mety ho vokatry ny:
Diso ny fanisana ny taonan'ny vohoka (efa mandroso kokoa ny vohoka).
Be loatra ny ranon-jaza (hydramnios).
Vohoka kambana na maro.
Lehibe be ny zaza ao an-kibo.
Misy fibrome na kista ao amin'ny tranon-jaza.
🔴 Raha kely loatra ny haavon'ny tranon-jaza Mety ho vokatry ny:
Diso ny fanisana ny taonan'ny vohoka (mbola tanora kokoa ny vohoka).
Tsy mitombo araka ny tokony ho izy ny zaza ao an-kibo (RCIU).
Kely loatra ny ranon-jaza (oligoamnios).
Tsy misy ranon-jaza (anamnios).
Ambany loatra na efa tafiditra ao anaty valahana ny toeran'ny zaza.
Fahafatesan'ny zaza ao an-kibo.
⚠️ Marihina fa fitaovana fanaraha-maso tsotra sy manampy ny fandrefesana ny haavon'ny tranon-jaza fotsiny, saingy tsy mahasolo ny fizahana ataon'ny mpitsabo na ny échographie rehefa ilaina izany.

Address

LOT VO 26 C MANAKAMABAHINY EN FACE UNIVERSITE ACEEM
Antananarivo
101

Telephone

+261345485527

Website

Alerts

Be the first to know and let us send you an email when Clinique Maternité De Manakambahiny posts news and promotions. Your email address will not be used for any other purpose, and you can unsubscribe at any time.

Shortcuts

Share

Category