https://www.facebook.com/467056880794749/

Clinique Mère Enfant Antsakaviro

Home
Madagascar
Antananarivo
Clinique Mère Enfant Antsakaviro

CMEA est une clinique spécialisée en "Maternité et Pédiatrie".

29/07/2026

Manomboka mampiditra sakafo isika ray aman-dreny rehefa feno enim-bolan' ny zazakely.

Mba lazao anay hoe inona no nomenaro azy voalohany ?
- Legioma purée ve ?
- Vary sosoa ?
- Voankazo natao compote ?
- Céreales ?

Tonga ve dia tiany ? Sa nihifika izy ? Sa nampifandimbiasana aloha izay izy vao nanaiky.

Mba tantarao anay ary e !

22/07/2026

’Ndao isika anio hiresaka kely mahakasika ny atao hoe “𝐩𝐞́𝐫𝐢𝐝𝐮𝐫𝐚𝐥𝐞”.

Ny 𝐩𝐞́𝐫𝐢𝐝𝐮𝐫𝐚𝐥𝐞 dia méthode médical d'analgésie mampitony ny fanaintainana mandritra ny fotoana fihetsen-jaza.

𝐍𝐲 𝐭𝐬𝐚𝐫𝐚 𝐡𝐨 𝐟𝐚𝐧𝐭𝐚𝐭𝐫𝐚 𝐝𝐢𝐚 :
- Manena be ny fanaintainana izy mandritran’io fotoana io
- Tsy terena ianao hanao azy fa safidy izy io
- Ny dokotera anesthésite ihany no afaka manao azy io

Tadidio anefa fa tsy midika akory hoe malemy ianao na hoe miaingitraingitra raha manao péridurale. Samy manana ny zavatra zakany, ary ny fiterahana dia samy manana ny hiainany azy. Ataovy an-tsaina fa ny zava-dehibe indrindra dia ny hahafahanao miaina izany amim-pilaminana, ho anao indrindra sy ho an'ny zanakao.

Ary ianareo izay efa nandalo izany, nanao 𝐩𝐞́𝐫𝐢𝐝𝐮𝐫𝐚𝐥𝐞 ve ? Ary izay vao hiteraka, hanao ianareo sa tsia ? Mba lazao anay hoe !

15/07/2026

🤰Matetika isika no mandre momba ny 𝐝𝐞́𝐩𝐫𝐞𝐬𝐬𝐢𝐨𝐧 𝐩𝐨𝐬𝐭-𝐩𝐚𝐫𝐭𝐮𝐦… fa efa nandre momba ny 𝐝𝐞́𝐩𝐫𝐞𝐬𝐬𝐢𝐨𝐧 𝐩𝐫𝐞́𝐧𝐚𝐭𝐚𝐥𝐞 ve ianao?

Rehefa bevohoka, matetika ny olona mieritreritra foana fa fotoana mamy be sy feno hafaliana izy. Kanefa, ho an'ny reny sasany, tsy izany velively no zava-misy.

🤰Ny 𝐝𝐞́𝐩𝐫𝐞𝐬𝐬𝐢𝐨𝐧 𝐩𝐫𝐞́𝐧𝐚𝐭𝐚𝐥𝐞 dia karazana fahaketrahana mety hitranga mandritra ny fitondrana vohoka. Eny, misy izany, na dia tsy voaresaka matetika aza.

𝐈𝐫𝐞𝐭𝐨 𝐧𝐲 𝐦𝐞𝐭𝐲 𝐡𝐨 𝐟𝐢𝐬𝐞𝐡𝐨𝐧𝐲 :
- Malahelo foana na dia tsy misy antony mazava aza ary tsy mety afaka izany
- Rera-dava, eny fa na dia efa miezaka ny maka aina aza
- Lasa matahotra be foana na miahiahy momban’ny zazakely
- Tsy mazoto intsony, tsy manana fahafinaretana sy fifaliana amin’izay zavatra atao rehetra
- Tsy mahita tory lava fa angoissée
- Mahatsiaro tena ho irery foana ary tsy misy mpanohana
- Misy fotoana ihany koa mahatsapa hoe lasa tsy tiana ilay zaza ao am-bohoka

🤰Tsy midika ho tsy fitiavana ny zaza izany, ary tsy fahalemena ihany koa. Izy io dia zavatra mety hitranga amin’ny reny iray, ary misy antony maro samihafa mety hiteraka azy (ny fiovan'ny hormones, ny adin-tsaina, ny vesatra ara-tsaina, na ny zavatra niainana taloha…).

Fantaro ihany koa fa afaka manantona olona ianao miresaka momba izany mba hahazoana izay fanampiana mifandraika amin’izany. Vonona hanampy anao hatrany ny dokotera, ny sage femme sns ...

🤰Mirary soa !

08/07/2026

🦵 Mandritran’ny fitondrana vohoka dia mateti-pitranga ny “𝐜𝐫𝐚𝐦𝐩𝐞𝐬”, indrindra amin’ny alina. ‘Ndao ary ho fantaritsika ny antony sy ireo afaka atao mba tsy hitrangany matetika.

- Reraka ny hozatra amin’izy miasa mafy ho anao sy ny zazakely
- Ny tsy fahampian’ny calcium sy magnésium
- Lasa miadana kokoa ny circulation sanguine rehefa bevohoka
- Ny tsy fahampian-drano
- Rehefa mitombo ihany koa ny zazakely dia misy hozatra voantsindriny maro be

𝐈𝐫𝐞𝐭𝐨 𝐚𝐫𝐲 𝐦𝐢𝐬𝐲 𝐭𝐨𝐫𝐨𝐡𝐞𝐯𝐢𝐭𝐫𝐚 𝐯𝐢𝐭𝐬𝐢𝐯𝐢𝐭𝐬𝐲 𝐦𝐛𝐚 𝐡𝐚𝐦𝐩𝐢𝐭𝐨𝐧𝐲 𝐚𝐳𝐲 :
- Mila misotro rano matetika, tsy atao latsakin’ny 1 litatra sy tapany
- Mazotoa mihinana sakafo manankarena mineraly, indrindra ny voankazo sy legioma
- Manaova étirement moramora alohan’ny hatoriana
- Miezaka mandeha tongotra kely isan’andro mba hampikoriana tsara ny rà
- Aza mijanona amin’ny position iray ela loatra, fa mitsangana kely, mipetraha amin’ny fomba hafa avy eo.
- Ampio otra kely moramora rehefa sendra ilay crampes marary be iny.

🦵 Raha toa koa lasa matetika loatra na mafy loatra ny crampes, na misy soritr'aretina hafa tsy mahazatra, dia tsara kokoa ny manatona mpitsabo avy hatrany.

Mirary soa !

01/07/2026

🍬Satritsika ray aman-dreny ny hampifaly ny zanaka amin’ny alalan’ny fanomezana vatomamy azy ireo. Tena tian’izy ireo mantsy izany.
Tsara kokoa anefa ny tsy manome vatomamy ny zaza alohan’ny faha-5 taonany.

𝐍𝐚𝐡𝐨𝐚𝐧𝐚?

- Maha mora lo ny nify: miraikitra amin'ny nify ny vatomamy ary manimba hainganany hihiny izay mbola marefo.

- Ny siramamy be loatra dia manakorontana ny hery ary mampitombo be ny tanjany ka manankorontana ny fihetsiny . Mety hientanentana be izy avy eo ka ho vizana ary ho mora tezitra.

- Lasa fahazaran-dratsy : lasa zatra mitady zavatra mamy loatra izy ireo hatramin’ny mbola kely ka mety tsy dia ho tia tsiro hafa intsony

- Raha be loatra ny mamy hohaniny dia ho mora tofoka izy ka tsy manana fahazotoana ireo sakafo feno otrikaina ilainy

Tsy misy tombontsoa ho an’ny vatana ihany koa ny fihinana mamy be loatra

🍬 Mbola ao anaty fitomboana sy fivoarana tanteraka ny vatan’ny zaza amin’io taona io. Mila sakafo tsotra sy natoraly ary manome otrikaina izy, fa tsy sakafo misy siramamy be dia be.

Mizara ary manome ny zazakely voankazo, compote tsy misy siramamy ary tsy adino indrindra ny rano.

26/06/2026

Ny 𝐂𝐥𝐢𝐧𝐢𝐪𝐮𝐞 𝐌𝐞̀𝐫𝐞 𝐄𝐧𝐟𝐚𝐧𝐭 𝐀𝐧𝐭𝐬𝐚𝐤𝐚𝐯𝐢𝐫𝐨 dia mirary fety sambatra ho antsika rehetra !

21/06/2026

Ny 𝐂𝐥𝐢𝐧𝐢𝐪𝐮𝐞 𝐌𝐞̀𝐫𝐞 𝐄𝐧𝐟𝐚𝐧𝐭 𝐀𝐧𝐭𝐬𝐚𝐤𝐚𝐯𝐢𝐫𝐨 dia miarahaba an’ireo Ray rehetra anio. Mirary soa ary manaova fety sambatra. 🍾

17/06/2026

Tamin’ianareo nitondra vohoka dia iza no tianareo kokoa ho zaza voalohany ? Vavy sa lahy ? Nitovy ve ny fanirianareo mivady ?

Ary ho anareo izay mbola miandry ?

Mba lazao anay hoe !

10/06/2026

Sahiran-tsaina isika matetika rehefa hanomboka hanao 𝐝𝐢𝐯𝐞𝐫𝐬𝐢𝐟𝐢𝐜𝐚𝐭𝐢𝐨𝐧 𝐚𝐥𝐢𝐦𝐞𝐧𝐭𝐚𝐢𝐫𝐞 ho an’ny zazakely. Inona no afaka hampiasaina, inona no tsy mety ?

Indro atolotray anio ireo legioma tsara ampiasaina sy ireo izay mbola miandry fotoana kely.

Ireo legioma malefaka hanombohana :
- 𝐊𝐚𝐫𝐚𝐨𝐭𝐲 : mamy, mahavoky, ary manankarena vitamine A.
- 𝐂𝐨𝐮𝐫𝐠𝐞𝐭𝐭𝐞 (mila voasana, asorina ny voniny) : maivana sy mora levonina izy io
- 𝐕𝐨𝐦𝐚𝐧𝐠𝐚 : manome hery ary ho tiany kokoa ny maheno ilay tsiro mamy
- 𝐕𝐨𝐚𝐭𝐚𝐯𝐨 : malefaka tsara ny texture any ary manome onctuosité an’ireo sakafo
- 𝐇𝐚𝐫𝐢𝐜𝐨𝐭 𝐯𝐞𝐫𝐭 : manampy amin'ny fandevonan-kanina

Ireo legioma tokony hampidirina aoriana ny faha herintaona :
- 𝐋𝐚𝐢𝐬𝐨𝐚 𝐬𝐲 𝐧𝐲 𝐛𝐫𝐨𝐜𝐨𝐥𝐢𝐬 : mahatonga gaz na ballonnement ho an’ny zazakely
- 𝐏𝐨𝐢𝐯𝐫𝐨𝐧 : sarotra levonina
- 𝐍𝐚𝐯𝐞𝐭 : mahery fofona sy mahery tsiro ka mahatonga azy mety handà hisakafo
- 𝐋𝐞𝐠𝐢𝐨𝐦𝐚 𝐦𝐚𝐧𝐭𝐚 : tsy mety amin'ny zaza latsaky ny 1 taona.

Ireto misy torohevitra kely fanampiny ihany koa :
- Ampifandimbiaso aloha ny legioma izay vao omena mitambatra
- Mba hitazomana ny otrikaina dia ny tsara indrindra andrahoana à la vapeur ny legioma
- Aza asiana sira aloha ny sakafony fa mbola marefo ny reins an’ny zazakely

Mirary soa !

04/06/2026

❌𝐍𝐚𝐡𝐨𝐚𝐧𝐚 𝐧𝐨 𝐭𝐬𝐲 𝐭𝐬𝐚𝐫𝐚 𝐢𝐧𝐭𝐬𝐨𝐧𝐲 𝐧𝐲 𝐦𝐚𝐦𝐩𝐢𝐚𝐬𝐚 𝐓𝐚𝐥𝐜 𝐚𝐦𝐢𝐧'𝐧𝐲 𝐳𝐚𝐳𝐚𝐤𝐞𝐥𝐲?

Efa mahazatra antsika ny mampiasa azy taloha, nefa tsy azo atao intsony izany ankehitriny .

❌ Ny antony dia satria: tsy tsara ho an’ny zazakely ilay vovony izay miparitaka eny amin’ny rivotra. Na dia mitandrina aza ianao, dia misy particules kely tsy hita maso miakatra foana, ka miditra any havokavokin’ny zaza.

Ny mety ho vokany:
- Fahasemporana
- Mampikohaka
- Olana goavana eo amin’ny havokavoka

❌ Inona ary no afaka atao hanoloana azy mba tsy ho masaka ny zazakely ?
- Hamainina tsara ny faritra misy plis eo amin’ny zaza rehefa manolo azy
- Mampiasà crème de change na liniment hanampy amin’ny fitrohana ny hamandoana
- Aza mampiasa produit en poudre mihitsy aloha

❌ Mirary soa !

Address

Lot II W 23 Antsakaviro Ambodirotra
Antananarivo
101

Telephone

+261341434567

Website

facebook.com

Alerts

Be the first to know and let us send you an email when Clinique Mère Enfant Antsakaviro posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Clinique Mère Enfant Antsakaviro:

Want your practice to be the top-listed Clinic in Antananarivo?