OMSI

OMSI Organisation Médico-sociale Interprofessionnelle de Toamasina

Salama tompoko !Hiresaka tombony azo avy amin’ny fanaovana tsindrona(injection) isika anio.Betsaka amin’ny marary no mat...
11/06/2026

Salama tompoko !
Hiresaka tombony azo avy amin’ny fanaovana tsindrona(injection) isika anio.
Betsaka amin’ny marary no matahotra manao tsindrona, na ankizy izany na Olon-dehibe.
Tsarovy anefany fa tsara lavitra nohon’ny fihinanana pilina(comprimé) ny fanaovana tsindrona, indrindra fa ho an’ny olona marary vavony.
-Tena haingam-piasa sy mahomby kokoa.
-Mivantana any amin'ny rafi-drà avy hatrany, ary tonga dia miasa.
-Mampihena ny risika amin’ny fampiasana sy fihinanana fanafody ho an’ireo olona mety ho mora manadino sy mampifamadika.
Izao kosa anefa, aleo mba ireo nianatra ny fanaovana azy ihany(Dokotera, Infirmiers, sage-femme, aide-soignante) no hampanaovina ny tsindrona mba hialàna amin’ny mety ho risika hafa haterany.
Tsy voatery amin’ny ravim-body ihany akory no atao tsindrona fa mety atao amin’ny toeran-kafa ihany koa, oh : amin’ny fe, sandry, sns …
Aza ampatahorina tsindrona ny zanakareo raha sendra maditra mba tsy hampanahirana amin’ny fitsaboana azy any aoriana raha tojo tsy fahasalamana izy.
Misaotra tompoko !

Salama tompoko !Tonga nanao fitsidihana tato amin’ny OMSI Toamasina anio Talata, faha-09 Jona 2026, ireo mpianatra Param...
09/06/2026

Salama tompoko !
Tonga nanao fitsidihana tato amin’ny OMSI Toamasina anio Talata, faha-09 Jona 2026, ireo mpianatra Paramedicaux( Sage-femme, infirmier) L1, L2 ary L3 avy ao amin’ny ISMATEP Boeny any amin’ny faritanin’ny Mahajanga.
Safidy manokana mihintsiny ny nandehanana ato amin’ny OMSI Toamasina, nohon’ny fahatsapan’izy ireo fa betsaka, mba tsy hilazana hoe efa « complets » amin’ny filàn’ny mpianatra ny zava-misy ato, satria efa nisy tamin’ireo mpianatra zokiny no nitsidika taty amin’ny OMSI Toamasina tanatin’ny taona maro nifandimbindimby izay, araka ny nambaran’izy ireo.
Nahatsiaro ho tsara fandraisana sy tena afa-po tokoa ireto mpianatra ireto satria nahita maso ireo zavatra nianarana tany ampianarana no sady nitombo fahalalana tamin’ireo zavatra tsy mbola voaranto tany ampianarana, kanefa dia hita tato.
Vonona ny handray ireo mpianatra te hanita-pahalalana hatrany moa ny OMSI Toamasina, mba hitsinjovana ny ho avin’ny mpianatra Malagasy.
Misaotra tompoko !

Salama tompoko !Resahantsika anio ny antony mahatonga ny sovoka amin’ny vehivavy vao avy niteraka Maro ireo vehivavy no ...
08/06/2026

Salama tompoko !
Resahantsika anio ny antony mahatonga ny sovoka amin’ny vehivavy vao avy niteraka
Maro ireo vehivavy no mifana mandritra ny iray volana na mahery, aorinan’ny fiterahana, indrindra fa ny Vehivavy ivelan’Antananarivo, ka anisan’izany ny fomban’ny vehivavy « BETSIMISARAKA ». Ny antony iray izay tena hatahoran’ny Vehivavy ka mahatonga azy ireo mifana dia sao hono ka ho voan’ny sovoka.
Araka ny fanazavan’ny manam-pahaizana anefa dia ny loto hono no antony tena mahatonga ny sovoka.
Ny torohevitra nomen’ny mpampivelona ho an’ireo tera-bao kosa dia tokony atao mifanaraka amin’ny toetr’andro ny akanjo hanaovana, izany hoe, raha mafana ny andro dia akanjo manifinify fa tsy voatery manao mafanabe, ary raha mangatsiaka kosa dia ny mifanohitra amin’izany.
Tsy tsara ihany koa raha iray volana sy tapany vao miharina eo am-pandriana, satria ny vehivavy rehefa matory maharitra eo am-pandriana dia lasa misy fiforonan’ny vainga-dra any amin’ny ranjon-tongotra ary miakatra tsikelikely ka manentsina ny avokavoka ary mety mahafaty tampoka.
Noho izany dia ilaina ny madio lalandava, mandro sy misasa mba ialana amin’ny loto izay mahatonga ny sovoka.
Tsy mijanona ela am-pandriana fa raha azo atao dia mandehandeha eraky ny trano.
Aorian’ny adin’ny enina hiterahana ny vehivavy, dia efa afaka mandray ny fiainany mahazatra, saingy tsy mahazo manao vizaka be.
Raha misy tsy azoazo kosa amin’ny toe-pahasalamana dia manatona mpitsabo, tahaka ny aty amin’ny OMSI Toamasina, na any amin’ny OMSI ANNEXE Foulpointe, izay manana Dokotera sy Rasazy be dia be izay havanana amin’ny fanomezana toro-hevitra sy fitsaboana anao
Misaotra tompoko !

Ireto ireo "Pharmacies de garde " eto Toamasina, manomboka ny Sabotsy, faha-06 Jona 2026 @ 12 ora antoandro, ka hatramin...
05/06/2026

Ireto ireo "Pharmacies de garde " eto Toamasina, manomboka ny Sabotsy, faha-06 Jona 2026 @ 12 ora antoandro, ka hatramin'ny Sabotsy, faha-13 Jona 2026 @ 12 ora antoandro.
Misy peta-drindrina mampahafantatra izany ihany koa eo akaikin'ny varavarana faha-33, "service URGENCE" OMSI.
Maniry anao ho tomady hatrany

Salama tompoko !Vendredi joli : fikarakarana « POULET ROTI » sy ny soa azo avy aminy no resahantsika anio.Anisan’ny sa...
05/06/2026

Salama tompoko !
Vendredi joli : fikarakarana « POULET ROTI » sy ny soa azo avy aminy no resahantsika anio.
Anisan’ny sakafo matsiro sy hahazoana tombony ara-pahasalamana betsaka ny « Poulet roti », satria :
-Manankarena proteina, manampy amin’ny fanatsarana ny taolana, tsara ho an’ny fo, betsaka « phosphore », manentana ny « métabolisme », manankarena « niacine », mampiroborobo ny fahasalaman’ny maso, …
Fomba fikarakarana azy :

Afangaro anaty « bol » kely iray ny menaka oliva 2 sotrokely, ny « thym » ary ny tongolo gasy voakiky amin’ny fatra itiavana azy.
Sasana tsara ny akoho ary avela hitsika amin’ny « passoire ». Tsara kokoa raha ireny akoho fakana nofony ireny no safidiana noho izy mora malemy.
Aforitra ambanin’ny vatany ny elatr’ilay akoho ary esorina moramora ny hoditra eo amin’ny tratrany. Ahositra eo amin’ny vatan’ny akoho, ivelany sy anatiny, ilay fangaro nokarakaraina teo ambony. Somary kosehina kely mba hiditra tsara anaty nofony izany.
Rehefa vita izay dia sesefana tongolo gasy hasiny maromaro sy voasary makirana notetehana ao anatin’ny akoho. Fatorana hitambatra ny tongotr’ilay akoho. Rarahana sira sy dipoavatra ny ivelany sy ny anatiny.
Atsofoka anaty lafaoro amin’izay ny akoho. Ilay fitoerana feno iny (plateau) no ampiasaina.
Hafanaina amin’ny hafanana 220°C ao anaty lafaoro.
Avela ho masaka ao mandritra ny ora 1. Avoaka ny lafaoro ilay akoho aorian’izay ora 1 izay. Somary atao mitongilana kely mba hivoaka ilay ranony avy ao anaty vatany.
Tondratondrahana amin’ilay ranony iny ny vatan’ilay akoho. Atao mahazo tsara daholo ny faritra rehetra alohan’ny hamerenana azy anaty lafaoro. Avela hipetraka kely 15 minitra rehefa avy avoaka anaty lafaoro alohan’ny hitondrana azy ambony latabatra sy hinanana azy.
Ankafizo sy mahazoa tombony ara-pahasalamana amin’ny fihinanana « Poulet roti » e. mety tsara koa raha atao tsakitsaky miaraka amin’ny « boisson ». Vendredi joli e !
Misaotra tompoko !

Salama tompoko !Resahantsika anio ny fiantraikany ara-pahasalamana amin’ny fiovan’ny toetr’andro.Anatin’ny vanin’andro r...
02/06/2026

Salama tompoko !
Resahantsika anio ny fiantraikany ara-pahasalamana amin’ny fiovan’ny toetr’andro.
Anatin’ny vanin’andro ririnina isika izao. Misy fiatraikany amin’ny lafiny ara-pahasalamana izany fiovan’ny « climat » izany, ka mila miomana sy mitandrina tsara isika rehetra.
Tsarovy anefa fa mety hitarika amin’ny fahasimban’ny havokavoka ary miteraka fahasarotana ho an’ireo manana aretina semposempotra, na “asthmatiques” io fiovan’ny toetr’andro io, ka mila mailo isika rehetra.
Raha misy tsy azoazo moa dia manatona avy hatrany amin’ny mpitsabo. Efa vonona ny hanamaivana sy hanasitrana anao rahateo ireo Dokotera marobe ato amin’ny OMSI Toamasina sy OMSI ANNEXE Foulpointe, ka aza mangatak’adro, raha tojo tsy fahasalamana.
Misaotra tompoko!

Salama tompoko !Nahoana no marary ny loha-nono ?Ho an’ny vehivavy, ny fanaintainan’ny loha-nono, dia azo ampifandraisina...
28/05/2026

Salama tompoko !
Nahoana no marary ny loha-nono ?
Ho an’ny vehivavy, ny fanaintainan’ny loha-nono, dia azo ampifandraisina amin’ny tsingerin'ny fadim-bolana, na ny fanabeazana aizana hormonina tsy mifanaraka tsara, na ny fitondrana vohoka aloha loatra.
Rehefa mifandray amin'ny tsingerin'ny fadimbolana ny fanaintainana, dia matetika no mitranga aorian'ny « ovulation » ary manjavona rehefa manakaiky ny fadimbolana.
Raha misy tsy fahasalamana dia aza misalasala manatona mpitsabo, fa mety misy antony hafa ihany koa, ary misy fomba tokony atao hiatrehana azy ireny, ka ny Dokotera ihany no tsara toerana hanome toromarika amin’izany.
Efa vonona sy nanolo-tena hiantsoroka ny fahasalamanao moa ny Dokotera marobe ato amin’ny OMSI, ka aza misalasala manatona azy ireo.
Misaotra tompoko !

Ireto ireo "Pharmacies de garde " eto Toamasina, manomboka ny Sabotsy, faha-23 Mey 2026 @ 12 ora antoandro, ka hatramin'...
22/05/2026

Ireto ireo "Pharmacies de garde " eto Toamasina, manomboka ny Sabotsy, faha-23 Mey 2026 @ 12 ora antoandro, ka hatramin'ny Sabotsy, faha-30 Mey 2026 @ 12 ora antoandro.
Misy peta-drindrina mampahafantatra izany ihany koa eo akaikin'ny varavarana faha-33, "service URGENCE" OMSI.
Maniry anao ho tomady hatrany

Ireto ireo "Pharmacies de garde " eto Toamasina, manomboka ny Sabotsy, faha-16 Mey 2026 @ 12 ora antoandro, ka hatramin'...
22/05/2026

Ireto ireo "Pharmacies de garde " eto Toamasina, manomboka ny Sabotsy, faha-16 Mey 2026 @ 12 ora antoandro, ka hatramin'ny Sabotsy, faha-23 Mey 2026 @ 12 ora antoandro.
Misy peta-drindrina mampahafantatra izany ihany koa eo akaikin'ny varavarana faha-33, "service URGENCE" OMSI.
Maniry anao ho tomady hatrany

Salama tompoko !Vendredi Joli 15 Mai 2026: anio isika hiresaka ireo tombony ara-pahasalamana azo avy amin’ny fihinanana ...
15/05/2026

Salama tompoko !
Vendredi Joli 15 Mai 2026: anio isika hiresaka ireo tombony ara-pahasalamana azo avy amin’ny fihinanana Ankora (ESCARGOT).
Betsaka amintsika no tsy mahalala fa ny « Escargot » dia misy vitamina samihafa: B, D, E.
Ny nofony dia misy asidra matavy omega-3, lipida mahasoa ny toe-po, ny hoditra, ny volo ary ny fo, izay manampy amin'ny fampandehanana tsara ny rafi-pandrefesana.( système cardiovasculaire).
Ny « Escargot » koa dia manankarena vy, ilaina amin'ny fiforonan'ny liomena sy ny oxygenation’ny rà.
Izy io dia mifanohitra amin’izay inoan’ny sasany, satria mitondra soa maro tokoa :
-afaka manampy amin'ny ady amin'ny « arthrose ».
-manohitra ny « algues »,
-tsy mampisy mony
-misakana ny « vergetures »,
-manala ny « cicatrices »
-tsy mamela ny fisian’ny « limaces »,
-manamaivana ny ratra,
-mitondra tombontsoa maro ho an’ny hoditra.
Miezaha àry mihinana sy mankafy ny « Escargot » mba hahazoanao tombony ara-pahasalamana avy aminy, na dia tsy mahazatra anao aza izany.
Misaotra tompoko !

Address

Boulevard De La Fidélité
Toamasina
424

Opening Hours

Monday 07:30 - 11:30
14:30 - 17:30
Tuesday 07:30 - 11:30
14:30 - 17:30
Wednesday 07:30 - 11:30
14:30 - 17:30
Thursday 07:30 - 11:30
14:30 - 17:30
Friday 07:30 - 11:30
14:30 - 17:30
Saturday 07:30 - 11:30

Telephone

+261344999002

Website

Alerts

Be the first to know and let us send you an email when OMSI posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to OMSI:

Shortcuts

Share