Гинекологија Манолеви

08/07/2026

05/06/2026

🤰 Крварење во првите недели од бременоста 💖
Дознавањето дека сте бремени носи бран од возбуда, но појавата на дури и неколку капки крв на долната облека може веднаш да предизвика паника и страв. 🛑 Првото прашање што секоја жена си го поставува е: „Дали направив нешто погрешно? 🤔
Одговорот е речиси секогаш — НЕ . 🙅‍♀️✨
Во раната бременост, телото минува низ огромни васкуларни и хормонални промени. 🔄 Ткивата се екстремно прокрвени, а хормонот прогестерон се обидува да ја стабилизира бременоста. Многу често, благите крварења (spotting) се резултат на физиолошки процеси како што се:
🌱 Имплантација на ембрионот
🩺 Микро-трауми на нежното грло на матката (на пример, по рутински преглед или однос).
🔍 Каде лежи ризикот и какви се последиците?
Главната грижа при крварење во почетокот е ризикот од спонтан абортус или ектопична (вонматерична) бременост.
📉 Но, добрата вест е следнава: Доколку ултразвучниот преглед покаже дека срцевата акција на ембрионот е уредна и нема големи зони на крварење (хематом), прогнозата е одлична! 💓✨
Дури и кога постои хематом, со соодветна поддршка (најчесто прогестеронска терапија 💊) и привремена модификација на активностите (одмор 🛌), најголемиот дел од овие бремености завршуваат со раѓање на здраво бебе во терминот, без долгорочни последици по здравјето на мајката или детето. 🍼👶🍏
📢 Важна порака до сите идни мајки:
🚫 Не поставувајте дијагнози сами и не барајте помош на интернет форуми.
Секое крварење е индивидуален случај. Најбезбедниот чекор за вас и за вашата бременост е навремен преглед кај вашиот матичен гинеколог. 👩‍⚕️🩺🍏

За повеќе информации и совети закажете го вашиот преглед кај Др. Ивана Наков на 📱 078398285 или на нашиот нов линк за онлајн закажување https://linktr.ee/Dr.IvanaNakov

#женскоздравје
#гинекологија

28/05/2026

🌸 Видови на вагинален исцедок: Што е нормално, а што не?
Вагиналниот исцедок е сосема нормален и здрав дел од женското тело! Но, промените во бојата, мирисот или густината можат да бидат знак дека телото се бори со некоја инфекција.
Еве брз водич низ боите кои треба да ги знаете:
🤍 Проѕирен / Бел: Обично е нормален (особено за време на овулација). Сепак, ако е густ како урда и проследен со чешање, може да укажува на габична инфекција.
💛 Жолт / Зелен: Најчесто укажува на инфекција или с**суално пренослива болест, особено ако има непријатен мирис и иритација.
🩶 Сив: Чест знак за бактериска вагиноза, обично проследен со карактеристичен мирис на риба.
🤎 Кафеав / Крвав: Може да се јави пред/по менструација или поради хормонални промени. Ако трае подолго, потребен е преглед.
🩷 Розев: Чест при лесно крварење (spotting), околу менструација или во рана бременост.

🚨 Кога е време за посета на лекар?
Не ги игнорирајте овие предупредувачки знаци:
* Силен и непријатен мирис
* Чешање, печење или болка во карлицата
* Покачена температура
* Зелен, сив или крвав исцедок кој не е поврзан со менструација
💡 Запомнете: Раната дијагноза води до подобар третман!

✨ Совети за превенција:
1. Одржувајте добра хигиена и избегнувајте агресивни сапуни.
2. Носете памучна долна облека која „дише“.
3. Практикувајте безбеден с**с.
4. Избегнувајте непотребна употреба на антибиотици.
Грижете се за себе, бидејќи вашето здравје е важно! 💗

За повеќе информации и совети закажете го вашиот преглед кај Др. Ивана Наков на 📱 078398285 или на нашиот нов линк за онлајн закажување https://linktr.ee/Dr.IvanaNakov

#женскоздравје
#гинекологија

12/05/2026

Лажни или вистински контракции? 🤰

🔸 Лажни контракции (Braxton Hicks):
• Нередовни
• Не стануваат посилни со време
• Често се смируваат со одмор, вода или промена на положба

🔸 Вистински породилни контракции:
• Редовни и сè почести
• Постепено стануваат поинтензивни
• Не поминуваат со одмор
• Може да бидат проследени со болка во крстот или пукање на воденикот

📍Ако контракциите се редовни, болни или имате дилема — консултирајте гинеколог.

25/03/2026

Со особена чест и гордост ве известуваме дека на ден 24.03.2026 година д-р Ивана Наков успешно го одбрани нејзиниот докторски труд и се стекна со титулата доктор на науки.

Овој значаен чекор претставува резултат на долгогодишна посветеност, труд и поддршка од многу луѓе на кои им изразуваме искрена благодарност.

Продолжуваме со уште поголема мотивација да придонесуваме во областа на гинекологијата и акушерството и заедницата ✨

13/03/2026

„Напиј се нешто против болки, ќе ти помине.“
„Сите жени ги боли, мораш да издржиш.“

💛 Колку пати сте ги слушнале овие реченици? Силната менструална болка - онаа која ве врзува за кревет, ве тера да откажете обврски и ве онеспособува да функционирате - НЕ Е нормална женска физиологија. Таа болка е повик за дијагностика.

⚠️ Што е ендометриоза и зошто боли толку многу?
Ендометриозата е хронична состојба при која ткиво (слично на слузницата на матката) почнува да расте надвор од матката - најчесто на јајниците, јајоводите или обвивката на карлицата. За време на секој циклус, ова ткиво реагира на хормоните, отекува и крвави. Но, бидејќи крвта нема каде да истече, таа создава силно локално воспаление, цисти и болни лузни (прираслици) кои ги слепуваат органите.

🌍 Поразителна статистика: 7 до 10 години до дијагноза
Во светски рамки, на една жена ѝ се потребни во просек 7 до 10 години талкање низ ординации за да ја добие вистинската дијагноза. Зошто? Затоа што со векови женската болка се минимизира и се третира како „нормален дел од циклусот“ или се препишува на стрес.

💡 Симптоми кои НЕ СМЕЕТЕ да ги игнорирате:
🔹 Неиздржлива болка пред и за време на циклусот
🔹 Хронична болка во карлицата и долниот дел на грбот
🔹 Болка за време на интимен однос
🔹 Обилни и продолжени крвавења
🔹 Проблеми со зачнување (инфертилитет)

Не ја маскирајте болката со шака аналгетици. Ендометриозата може да напредува и тивко да го загрози вашето репродуктивно здравје и квалитетот на живот. Раната ехографска дијагностика и стручната евалуација прават огромна разлика.

🩺 Д-р Ивана Наков, специјалист по гинекологија и акушерство во Поликлиника Манолеви, е тука да ве ислуша и да ја пронајде вистинската причина за вашите симптоми.

📞 Закажете го вашиот преглед на: 078 398 285
📍 ПЗУ Поликлиника Манолеви

#Ендометриоза #ЖенскоЗдравје #НеТрпиБолка #Гинекологија #ГинекологСкопје #ПоликлиникаМанолеви #Здравје #Превенција

02/02/2026

Нашата д-р Ивана Наков изминатиов викенд учествуваше како поканет предавач на 2-от Конгрес на SEEFHPV, посветен на HPV инфекциите и асоцираните заболувања, кој се одржа во Скопје.

Нејзината презентација беше на тема:
„Dietary and Immunomodulatory Support in Persistent Ge***al HPV Infection: Clinical Implications for Cervical Neoplasia Prevention“,
при што беа презентирани современи клинички согледувања за улогата на исхраната и имуно-модулаторната поддршка во превенција на цервикална неоплазија кај пациентки со перзистентна HPV инфекција.

Гордост ни е да бидеме дел од вакви значајни стручни настани и активно да придонесуваме кон унапредување на медицинската наука и клиничката пракса.