Лабораторија Дијагностика Фармахем

25/08/2026

🔬 Не сте сигурни какви лабораториски испитувања треба да направите?

Ве потсетуваме повторно дека, како и до сега, имате можност за бесплатна консултација во лабораториите на Дијагностика Фармахем со нашите специјалисти по медицинска биохемија кои ви стојат на располагање за вашите прашања околу сите лабораториски испитувања.

Доколку сакате лично да поразговарате со специјалистите, повелете секој ден во нашите лаборатории во општина Ѓорче Петров од 7:30 до 15:30 часот или во општина Аеродром од 8 до 16 часот.

📞 За телефонски консултации можете да се јавите на следниве броеви:
📍 Ѓорче Петров – 02 2031 905
📍 Аеродром – 02 2403 353

17/08/2026

Едно едноставно испитување на урина – UACR (сооднос албумин/креатинин) – може да помогне во раното откривање на бубрежно оштетување, кога промените сè уште не предизвикуваат тегоби.

Особено е важно кај лица со:
✔️ дијабетес;
✔️ покачен крвен притисок;
✔️ кардиоваскуларни заболувања;
✔️ семејна историја на бубрежни заболувања.

📖 На нашата веб-страница подготвивме информативен текст во кој ќе дознаете:
• што претставува UACR;
• кога се препорачува;
• како се изведува испитувањето и
• зошто е важен дел од современата превенција на бубрежните заболувања.

🔗 Прочитајте повеќе на нашиот веб сајт: https://farmahem.com.mk/tabs/view/71e0f297fe14743f03f4c82b570615ad

10/08/2026

🏖️ Лето, базени, море... и поголем ризик од уринарни инфекции.

Долгото останување во мокар костим за капење, недоволниот внес на течности и високите температури се само дел од факторите што можат да придонесат за појава на уринарни инфекции, особено кај жените.
🧪 Не ги игнорирајте симптомите доколку почувствувате:
▪️ печење или болка при мокрење;
▪️ честа потреба за мокрење;
▪️ чувство дека мочниот меур не е целосно испразнет;
▪️ заматена или непријатно миризлива урина.

Со навремено лабораториско испитување на урината може да се открие причината за симптомите и, по препорака од лекар, да се преземат соодветни понатамошни чекори. Во Дијагностика Фармахем можете да направите испитување за уринарен статус и други испитувања на урината во зависност од индикацијата.

02/08/2026

Среќен празник! 🇲🇰

27/07/2026

ЗАЧЕКОРИ ВО КОМПАНИЈА ВО КОЈА СЕ ВРЕДНУВА ПРОФЕСИОНАЛИЗМОТ. 📈

Фармахем има отворена позиција за АДМИНИСТРАТИВНО-ФИНАНСИСКИ АСИСТЕНТ во Скопје

Што може да очекуваш:

✅Конкурентна плата;
✅Одлични услови за работа во нов и модерно уреден објект;
✅Работа во општествено одговорна компанија која секогаш се грижи за вработените;
✅Работно време од 08:00–16:00 ч. (понеделник–петок).

Подготвен/a за нов предизвик? 📲 Аплицирај преку линкот! https://tinyurl.com/2s3fwxkm

24/07/2026

⚡Додека во ПЗУ Дијагностика Фармахем секојдневно се грижиме за навремени и сигурни лабораториски испитувања, нашите колеги од Фармахем заедно со Indelec работат на решенија за заштита на објекти и отворени површини од атмосферски празнења.

🌍 Компанијата Indelec е светски лидер во технологијата за заштита од громови и нуди вистински решенија коишто комбинираат иновација, сигурност и безбедност, обезбедувајќи заштита за индустриските капацитети, јавните објекти, како и околината и критичната инфраструктура ширум светот.

🎥 Погледнете го видеото и дознајте како системите на Indelec ги подигнуваат стандардите за безбедност на највисоко ниво.

📌 Референтната листа во Македонија е значајна: Скопскиот и Охридскиот аеродром, Градскиот стадион во Скопје, Милениумскиот крст, индустриски објекти како Кемет, Витаминка, Микросам, Прилепска пиварница, КБ Аџибадем Систина, бројни хотели, манастирски комплекси и многу други.

🔗 За подетални информации, погледнете ја веб-страницата на Indelec или обратете се во Фармахем: https://farmahem.com.mk/kontakt

This is "Раностартувачки громобран" by Farmahem Skopje on Vimeo, the home for high quality videos and the people who love them.

20/07/2026

❤️ Кога станува збор за здравјето на срцето, најчесто внимание посветуваме на холестеролот, крвниот притисок и шеќерот во крвта. Но, постојат и дополнителни лабораториски параметри кои можат да дадат поширока слика за кардиоваскуларниот ризик.

🧪 hs-CRP е високосензитивен лабораториски маркер кој помага во процената на хронично нискостепено воспаление, еден од факторите што може да биде поврзан со развојот на кардиоваскуларни заболувања.

Ова испитување може да биде корисно кај лица кои имаат:
✔️ покачени маснотии во крвта;
✔️ дијабетес или предијабетес;
✔️ покачен крвен притисок;
✔️ прекумерна телесна тежина;
✔️ пушат или имаат семејна историја на срцеви заболувања.

📌 hs-CRP не поставува дијагноза сам по себе, туку претставува дополнителен параметар кој секогаш се толкува заедно со останатите лабораториски анализи и клиничката состојба.

Прочитајте повеќе на нашата веб страница: https://farmahem.com.mk/tabs/view/84bc1ce5b4fcb42794e87957ad40491e

15/07/2026

Ако и вам ви се случува да се будите почесто во текот на ноќта, потешко да заспиете или да се чувствувате ненаспано и покрај доволно часови сон – не сте единствени.

Во текот на летото, високите температури и подолгите денови можат да влијаат на квалитетот на сонот. Организмот потешко ја намалува телесната температура, што е еден од природните сигнали дека е време за одмор.

📌 Недостатокот на сон може да доведе до:
▪️ Замор и намалена концентрација;
▪️ Раздразливост;
▪️ Намалена продуктивност;
▪️ Чувство на исцрпеност во текот на денот.

За поквалитетен сон во летните месеци:
💧 Внесувајте доволно течности;
🌡️ Одржувајте пријатна температура во просторијата;
📵 Избегнувајте екрани непосредно пред спиење;
☕ Ограничете кофеин во вечерните часови.

💙 Добриот сон е важен дел од целокупното здравје и благосостојба.

10/07/2026

🩺 Дали вашето тело испраќа сигнали што не треба да ги игнорирате?

Кивање, солзење на очите, кожни реакции по одредена храна или симптоми без јасно објаснување – понекогаш причината може да се крие во начинот на кој реагира вашиот имунолошки систем.

🧪 Во текот на јули и август, во лабораториите на Дијагностика Фармахем можете да ги направите следните испитувања со 20% попуст:

✔️ Прехранбен панел – 20 алергени;
✔️ Атопичен панел – 30 алергени;
✔️ Автоимун панел AI-STD – X – 18 параметри.

Навремените лабораториски испитувања можат да помогнат во понатамошната проценка на состојбата и да му обезбедат на вашиот лекар дополнителни информации за поставување дијагноза и избор на соодветен третман.

За повеќе информации, јавете се во нашите лаборатории:
📍 Аеродром – 02 2403 353
📍 Ѓорче Петров – 02 2031 905

29/06/2026

🔥 Денес, на 29 јуни во Лабораториум – Скопје започнува патувачката изложба „Заштита од пожари на ниво на предел низ вашиот објектив“

Изложбата е дел од Програмата за Управување со пожари на ниво на предел во Западен Балкан (LFMWB) финансирана од Швајцарската агенција за развој и соработка (SDC), координирана од Фармахем.

На изложбата ќе бидат претставени 20 фотографии, избрани на јавен конкурс, кои сведочат за последиците од пожарите и за потребата од превенција. Секоја фотографија носи силна порака, од уништени полиња и планини, до напори на пожарникари и заедници кои се борат со огнената стихија.

Тие се вистинска потврда дека еден пожар може да промени сè. На конкурсот пристигнаа фотографии од цел Западен Балкан.

Изложбата во Скопје ќе биде отворена за сите посетители!

Еден пожар менува сè. Да го заштитиме Западен Балкан од пожари.

🔥 On 29 June, the traveling exhibition “Landscape Fire Protection Through Your Camera Lens” opens at Laboratorium in Skopje 🇲🇰

The exhibition is part of the Landscape Fire Management in the Western Balkans (LFMWB) Programme, funded by the Swiss Agency for Development and Cooperation (SDC) and coordinated by Farmahem.

📷 The exhibition features 20 photographs selected through a regional photography contest, capturing both the devastating impacts of landscape fires and the importance of prevention. From burned fields and mountain landscapes to the dedication of firefighters and local communities, each photograph tells a powerful story of resilience and the urgent need for action.

The competition brought together photographers from across the Western Balkans, each offering a unique perspective on landscape fire protection.

The exhibition in Skopje is open to all visitors.

One fire changes everything. Let's protect the Western Balkans from landscape fires.