Pzu "Meridian medical"- Skopje

27/08/2026

👨‍⚕️Синдромот на тарзален тунел настанува кога доаѓа до притисок или иритација на тибијалниот нерв во пределот на внатрешната страна на глуждот.
🔹 Болка и печење во стапалото
🔹 Трнење и вкочанетост
🔹 Чувство на „струење“
🔹 Симптоми кои се засилуваат при долго стоење или одење
Физикалната терапија може да помогне преку терапевтски вежби, мануелни техники, магнетна терапија и електротерапија.
👉 Не го игнорирајте трнењето и болката, навремената проценка може да помогне да се открие причината и да се спречи влошување на симптомите.

25/08/2026

👨‍⚕️Квадрицепсот е еден од најважните мускули на предната страна на бутот и често е изложен на повреди при спорт, нагли движења или прекумерно оптоварување.
Најчести повреди се:
• Истегнување
• Делумна руптура
• Целосна руптура
• Контузија
• Повреди на тетивата на квадрицепсот
👉Најчести симптоми се болка, оток, модринка, вкочанетост и намалена мускулна сила.
Физикалната терапија има важна улога во процесот на опоравување, од намалување на болката и враќање на подвижноста, до постепено зајакнување на мускулот и безбедно враќање кон секојдневните активности и спортот.
✅ВАЖНО: Не ја игнорирајте болката. Навремената проценка и соодветно планираниот третман се клучни за правилно и успешно закрепнување.

22/08/2026

18/08/2026

👨‍⚕️Фасетните зглобови се мали зглобови кои се наоѓаат меѓу пршлените и имаат важна улога во движењето и стабилноста на 'рбетот.
Најчести симптоми:
• болка во долниот дел на грбот
• болка која се засилува при исправање или вртење на телото
• вкочанетост во лумбалниот дел
• болка по едната или двете страни на 'рбетот
Дали може да се третира со физикална терапија?
• Да. Во зависност од причината и интензитетот на симптомите, физикалната терапија може да помогне во намалување на болката и подобрување на функцијата.
✅Третманот вклучува: магнетна терапија, електротерапија, ласеротерапија, вежби за стабилизација на трупот, истегнување, мануелни техники и други физикални процедури,.
👉 Важно е прво да се утврди вистинската причина за лумбалната болка, бидејќи слични симптоми може да се јават и кај други состојби на 'рбетот.

13/08/2026

👨‍⚕️Ганглијанската циста е бенигна промена исполнета со течност, која најчесто се појавува во близина на зглобовите и тетивите, особено на зглобот на шаката.
Како се третира ганглијанската циста?
✔️ Следење на состојбата – ако цистата не предизвикува болка или ограничено движењето, доволно само редовно следење.
✔️ Имобилизација –користење на ортоза или шина може да ги ублажи симптомите.
✔️ Физикална терапија – може да помогне во намалување на болката, подобрување на подвижноста и враќање на нормалната функција на зглобот.
✔️ Аспирација или хируршко отстранување – се препорачува кога цистата е болна, брзо расте, ограничува движење или се повторува по претходен третман.
СОВЕТ: Не обидувајте се сами да ја отстраните или притискате цистата.

11/08/2026

👨‍⚕️Компресија на нерв на врат значи дека еден од нервите што излегуваат од цервикалниот дел на 'рбетот е притиснат или иритиран.
Оваа состојба често се нарекува цервикална радикулопатија.
👉Најчести причини за оваа состојба се дискус хернија, дегенеративни промени на 'рбетот или стеснување на просторот низ кој поминува нервот.
✅Со навремена проценка и соодветен третман, кој може да вклучува физикална терапија, кинезитерапија и индивидуално прилагодени вежби, симптомите најчесто се намалуваат, а квалитетот на животот се подобрува.

05/08/2026

🦵 Пателарната хондромалација не е само „обична“ болка во коленото.
Станува збор за омекнување и оштетување на 'рскавицата на задната страна од коленската чашка (пателата), што може да предизвика болка при одење, качување по скали, чучнување или по подолго седење.
✔️ Најчести знаци:
• Болка во предниот дел на коленото
• Крцкање или чувство на триење при движење
• Непријатност при физичка активност
• Болка по подолго седење со свиткани колена
👨‍⚕️Добрата вест е дека во најголем број случаи состојбата успешно се третира со соодветна физикална терапија, индивидуално прилагодени вежби и корекција на движењето, без потреба од хируршка интервенција. ☎️ 076225588

02/08/2026

🇲🇰 Честит 2-ри Август, Денот на Републиката!
Нека Илинден нè потсетува на храброста, единството и стремежот кон слобода. Да ги чуваме и почитуваме вредностите што нè обединуваат.
За многу години Илинден!

31/07/2026

👨‍⚕️Ентезопатиите се промени кои се јавуваат на местото на припојување на тетивите, лигаментите или мускулите за коската.
🔹 Најчести симптоми:
✔️ Болка при движење или оптоварување
✔️ Осетливост на местото на припојување
✔️ Вкочанетост и намалена подвижност
✔️ Непријатност при секојдневни активности
🔹 Најчести локализации се: рамо, лакт, колк, колено и пета (Ахилова тетива)
Соодветната физикална терапија може да помогне во намалување на болката, подобрување на функцијата и враќање на нормалното движење.
Во зависност од состојбата, терапијата може да вклучува:
✅ Терапевтски вежби
✅ Кинезитерапија
✅ Ултразвучна терапија
✅ Електротерапија (TENS)
✅ Ласерска терапија и други физикални процедури