Д-р Ложанковски

Д-р Ложанковски Поликлиника по гинекологија, акушерство и дијагностика, 17 години посветени на вашето здравје.

Нашата приказна започнува во 2005 година со формирање на еден тим од гинеколог со медицинска сестра. Вашата доверба дополнета со нашата посветеност во грижата за здравјето, допринесе за постепен раст со зголемување на бројот на гинеколошки тимови.
Споделувајќи ја радоста со Вас при формирањето на нов живот, основањето на нови семејства или пак проширувањето на постоечките и потребата за брзо дија

гностицирање на состојбата нѐ поттикна да основаме биохемиска лабораторија која ќе ја продолжи грижата за новите мајки и секако развојот на најмладата популација. Така нашата приказна во моментов брои неколку тимови на гинеколози и биохемичари, вкупно околу 14 вработени. Зголемувањето не само на бројот на нашите пациенти, туку и на бројот на здравствени работници во поликлиниката е само уште една потврда за нас дека сме тим чија основна мисија е да се грижи за здравјето на своите пациенти.

И да, убаво е чувството кога мајката го запознава своето дете со гинекологот кој неодамна го следел неговиот развој на црно-бел екран. Тоа е уште една од низата причини за кои постоиме. И затоа сме Ви неизмерно благодарни.

🤰Во текот на бременоста, хормоналните промени можат да ја направат интимната регија почувствителна и поподложна на инфек...
26/08/2026

🤰Во текот на бременоста, хормоналните промени можат да ја направат интимната регија почувствителна и поподложна на инфекции. Затоа, правилната интимна нега е особено важна.
✔️ Користете нежни производи со pH прилагодено за интимна нега.
✔️ Избирајте памучна долна облека и избегнувајте тесна облека.
✔️ Внимавајте на хигиената при сексуални односи.
✔️ Одржувајте ја интимната регија чиста и сува.
✔️ Избегнувајте агресивни сапуни, парфимирани производи и вагинални туширања.
✔️ При чешање, непријатен мирис, печење или невообичаен исцедок, задолжително консултирајте се со гинеколог.
СОВЕТ: Со правилна интимна хигиена и редовни гинеколошки контроли, придонесувате за безбедна и здрава бременост.

🌙 Едно од најчесто поставуваните прашања кај идните мајки е: „Која положба е најдобра за спиење, за мене и за моето бебе...
19/08/2026

🌙 Едно од најчесто поставуваните прашања кај идните мајки е: „Која положба е најдобра за спиење, за мене и за моето бебе?“
Квалитетниот сон е важен дел од здравата бременост, а со неколку едноставни совети може да си обезбедите поудобен и помирен одмор.
🤰 Најдобра положба за спиење:
✔️ Спиењето на страна, особено на левата страна, може да придонесе за подобра циркулација и намалување на притисокот врз крвните садови.
✔️ Поставување перница помеѓу колената ќе помогне во намалување на оптоварувањето на грбот и карлицата.
🌿 Како полесно да заспиете:
✔️ Одржувајте редовна рутина за спиење.
✔️ Избегнувајте тешки оброци и кофеин пред спиење.
✔️ Практикувајте лесни вежби и техники за релаксација (доколку се одобрени од лекар).
✔️ Создадете пријатна, проветрена и тивка средина за спиење.

🤰Бременоста носи бројни промени во телото, од болки во грбот и карлицата, до отекување на нозете, замор и промени во држ...
12/08/2026

🤰Бременоста носи бројни промени во телото, од болки во грбот и карлицата, до отекување на нозете, замор и промени во држењето на телото. Навремената грижа и правилната поддршка можат значително да придонесат за полесна и поудобна бременост.
✔️ Редовна физичка активност според препорака на лекар
✔️ Редовни контроли кај доктор специјалист
✔️ Компресивни чорапи при оток и чувство на тешки нозе
✔️ Квалитетен одмор и доволна хидратација
ВАЖНО: Доколку сте трудница и чувствувате нелагодна болка во телото закажете преглед веднаш 078 338 682

🤱Доењето е најдобриот почеток што едно бебе може да го добие. Мајчиното млеко ги обезбедува сите потребни хранливи матер...
04/08/2026

🤱Доењето е најдобриот почеток што едно бебе може да го добие. Мајчиното млеко ги обезбедува сите потребни хранливи материи, го зајакнува имунитетот и создава силна емоционална поврзаност помеѓу мајката и бебето.
🌎Во Светската недела на доењето да потсетиме дека секоја мајка заслужува поддршка, разбирање и точни информации за успешно доење.
💙 Поддршката за доењето е инвестиција во здравјето на децата, мајките и идните генерации.

👩‍⚕️Ановулација значи состојба кога не доаѓа до овулација, односно јајниците не ослободуваат јајце-клетка во текот на ме...
22/07/2026

👩‍⚕️Ановулација значи состојба кога не доаѓа до овулација, односно јајниците не ослободуваат јајце-клетка во текот на менструалниот циклус.
Оваа појава често резултира со:
🔸 Нередовни или целосно изостанати менструации
🔸 Потешкотии со забременување
🔸 Хормонален дисбаланс во организмот
Најчести причини за ановулација се:
🔹 Стрес и психофизичка исцрпеност
🔹 Polycystic o***y syndrome
🔹 Промени во телесната тежина (нагло слабеење или зголемување)
🔹 Проблеми со тироидната жлезда
☎Со правилна дијагноза и третман, во многу случаи овулацијата може да се регулира и да се подобрат шансите за забременување, затоа навремено закажете преглед 078 338 682

👩‍⚕️Раната менопауза е состојба кога менопаузата започнува пред 45-тата година од животот. Тоа значи дека јајниците почн...
16/07/2026

👩‍⚕️Раната менопауза е состојба кога менопаузата започнува пред 45-тата година од животот. Тоа значи дека јајниците почнуваат да произведуваат помалку естроген, а менструалните циклуси стануваат нередовни и на крајот престануваат.
⬇️Најчести симптоми
• Нередовни или пропуштени менструални циклуси
• Ноќно потење
• Сувост на вагината
• Намалено либидо
• Промени во расположението
❓Зошто е важно навремено да се препознае?
Бидејќи намаленото ниво на естроген подолг временски период може да го зголеми ризикот од:
• Osteoporosis
• Cardiovascular disease
• Намалена плодност
☎Ако жена под 45 години забележи дека менструалните циклуси стануваат нередовни или изостануваат, особено ако се придружени со топли бранови или други симптоми на менопауза, важно е да се направи преглед кај гинеколог.

👩‍⚕️Предвремената менопауза е состојба кога функцијата на јајниците престанува пред 40-тата година од животот. Иако е ре...
12/07/2026

👩‍⚕️Предвремената менопауза е состојба кога функцијата на јајниците престанува пред 40-тата година од животот. Иако е ретка, може значително да влијае врз репродуктивното и целокупното здравје на жената.
Најчести симптоми се:
🔸 Нередовни или изостанати менструации
🔸 Намалено либидо
🔸 Сувост на вагината
Причините може да бидат генетски, автоимуни заболувања, хируршки интервенции, хемотерапија или радиотерапија, но кај голем број жени точната причина останува непозната.
Доколку ги забележите овие симптоми, особено ако сте помлади од 40 години, закажете преглед кај гинеколог. Навремената дијагноза е клучна за соодветен третман и зачувување на здравјето.

👩‍⚕️Самиот летен период не е причина за појава на сексуално преносливи инфекции, но во пракса често се забележува зголем...
08/07/2026

👩‍⚕️Самиот летен период не е причина за појава на сексуално преносливи инфекции, но во пракса често се забележува зголемен број на нови случаи.
👉Причината најчесто не е сезоната, туку промените во однесувањето, почести патувања, нови партнерства и понекогаш помала внимателност при заштита.
За жал дел од нив можат да поминуваат без изразени симптоми, поради што редовната проверка е многу важна.
Најчести симптоми може да бидат:
🔹 Невообичаен вагинален или пенилен исцедок
🔹 Чешање, печење или иритација
🔹 Болка при мокрење
🔹 Болка за време на сексуален однос
🔹 Крварење помеѓу циклуси или по однос
Како да се заштитите?
✔️ Користење заштита (презерватив)
✔️ Редовни прегледи
✔️ Тестирање при промена на партнер
✔️ Отворен разговор со партнерот
Доколку имате и најмал сомнеж за присуство на сексуално пренослива болест закажете преглед уште денес.

🚨 „Во последниот период сè почесто се среќаваме со пациентки кои започнуваат терапија на своја рака, најчесто со употреб...
05/07/2026

🚨 „Во последниот период сè почесто се среќаваме со пациентки кои започнуваат терапија на своја рака, најчесто со употреба на контрацептивни средства или вагиналети.
⚠️Сакаме да нагласиме дека самолекувањето може да носи сериозни ризици по женското здравје.
🔬 Употребата на контрацептивни средства без претходен гинеколошки преглед и стручна препорака може да придонесе кон нарушување на хормоналниот баланс и потенцијални репродуктивни потешкотии.
Додека неконтролираната употреба на вагиналети може да ја наруши вагиналната флора и да доведе до дополнителни компликации. 🌿
СОВЕТ: За правилна дијагноза и соодветна терапија, секогаш консултирајте се со гинеколог.

5 прегледи кои треба да ги направите пред да започне летото:-Гинеколошки преглед (за проверка на вагинална флора, инфекц...
02/07/2026

5 прегледи кои треба да ги направите пред да започне летото:
-Гинеколошки преглед (за проверка на вагинална флора, инфекции и општо интимно здравје)
-Ултразвук на абдомен или карлица (за проверка на матка, јајници и евентуални цисти и миоми)
-ПАП тест (ако не е направен во последната година)
-Уринокултура (особено ако имате склоност кон чести уринарни инфекции, летото ги зголемува ризиците).
-Микробиолошки брисеви за откривање на бактерии, габички или инфекции што можат да се влошат на патување.
Ако се подготвувате за летување закажете го контролниот преглед уште денес 078 338682

Address

Veljko Vlahovic 16A/1
Skopje
1000

Opening Hours

Monday 08:00 - 20:00
Tuesday 08:00 - 20:00
Wednesday 08:00 - 20:00
Thursday 08:00 - 20:00
Friday 08:00 - 16:00

Telephone

+38978338682

Website

Alerts

Be the first to know and let us send you an email when Д-р Ложанковски posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Д-р Ложанковски:

Shortcuts

Share

Category