Uni Clinic for Plastic and Reconstructive surgery

28/05/2026

Денес во емисијата „Телма Амбуланта“, на тема „Реконструктивна хирургија на дојка – повеќе од естетика“, д-р Благоја Србов, специјалист по пластична и реконструктивна хирургија од ЈЗУ УК за Пластична и Реконструктивна хирургија – Скопје, детално ги објасни сите техники, методи и можности за реконструкција на дојки после мастектомија.

Enjoy the videos and music you love, upload original content, and share it all with friends, family, and the world on YouTube.

20/05/2026

📚 Дванаесеттиот Journal Club беше посветен на темата:
„Реконструкција на дефекти на труп со propeller flap“, презентирана од нашата колешка Викторија Ончева.

Преку одличен и стручен осврт на случаи работени на нашата клиника, беа прикажани можностите и широката примена на propeller flap техниката во реконструкцијата на дефекти на грбот и трупот.

Презентацијата опфати:
▫️ историски развој на техниката
▫️ дефиниција и класификација
▫️ предоперативна подготовка
▫️ оперативна техника
▫️ можни компликации
▫️ постоперативни резултати и искуства од пракса

Едукативните активности како Journal Club претставуваат значаен дел од нашето континуирано професионално усовршување, збогатувајќи го нашето знаење и мотивирајќи нè за нови искуства, идеи и сознанија.

👏 Благодарност до сите присутни за активното учество и дискусија.

29/04/2026

Единаесеттиот Journal Club беше на тема ,,Примарна реконструкција на дојка со инфериорно базиран педикуларен резен”. Д-р Тамара Пејоска презентираше случаи од нашата клиника оперирани со оваа техника, како една од бројните техники на реконструкција на дојки. Техниката постои неколку години во светот, а се имплементираше кај нас пред една година. Ние секогаш настојуваме да бидеме во чекор со светските трендови и најновите хируршки протоколи. Едукацијата на младите колеги е од апсолутен приоритет, затоа несебично го споделуваме знаењето со нив.

27/04/2026

БЕЗБЕДНОСТ ПРЕД СÈ 💉

Пред употреба на филери, ботокс, колаген стимулатори или мезотерапија – проверете:

✔️ Дали апликацијата ја изведува доктор со соодветна медицинска едукација.
✔️ Производот треба да е регистриран во Malmed.
✔️ Оригиналното пакување се отвора пред вас.
✔️ Бар код и рок на употреба.
✔️ Декларација / сертификат.
✔️ Доказ што точно е аплицирано (земете го производот во раце).

🚫 Red flags:

* Прениска цена!
* Без пакување или без бар код!
* Третмани во немедицински услови!

👉 Вашето лице не е место за експерименти.
👉 Бирајте соодветен доктор и проверени производи.

16/04/2026

На денешниот Journal club д-р Ѓорѓи Ставриќ направи краток приказ на Интернационалниот конгрес во Барселона, кој се одржа 17-20 Март и каде присуствуваа голем дел од нашите колеги. Како дел од него беше и Роботскиот симпозиум, каде беа споделени најновите иновации од светот на роботиката и нивната примена во реконструкцијата на дојките и телото. Зедовме активно учество во две работилници: Работилницата за Ултразвук, каде се идентификуваа перфоратори за слободни флепови и Работилницата за ICG: Индоцијангрин боја, каде ја видовме широката примена на бојата во медицината.
Ваквите едукативни активности го збогатуваат значително нашето знаење и не мотивираат за нивна понатамошна примена.

11/03/2026

На денешниот Journal Club на Универзитетската Клиника за Пластична и Реконструктивна Хирургија, специјализантката Д-р Малигона Реџепи, под менторство на Проф. Д-р Елизабета Мирчевска Жоговска, одржа презентација на тема реконструкција на кранијални дефекти.

Преку приказ на комплексен клинички случај на остеомиелит на темпорална коска, беше презентиран успешен реконструктивен пристап со употреба на синтетски материјал и експанзија на кожа, со што беше демонстрирано како современите реконструктивни техники можат успешно да се применат кај вакви сложени состојби.

Во своето излагање, Д-р Реџепи ги претстави различните можности за реконструкција на кранијалните дефекти, при што посебно беше нагласено значењето на внимателното планирање и индивидуализираниот пристап кон секој пациент.

По презентацијата следеше плодна дискусија, во која колегите споделија свои искуства и размислувања поврзани со реконструктивните процедури. Специјализантите кои присуствуваа имаа можност да го продлабочат своето знаење, да поставуваат прашања и активно да учествуваат во академската размена на искуства.

23/02/2026

Универзитетската клиника за пластична хирургија во соработка со МАРМ (Македонската асоцијација за реконструктивна микрохирургија) организира Journal Club на кој ќе гостува Prof. Peter C. Neligan — водечко име во пластичната и реконструктивната хирургија, чии учебници, истражувања и менторство продолжуваат да ги водат хирурзите ширум светот.

📅 25 февруари во 16:00 часот (CET)
Модератор: Доц. Д-р Софија Пејкова
🔗 Zoom линк: https://us06web.zoom.us/j/6684641382?pwd=Z3BmMUM0SWNVOFFWRUhDdzhrc0pVZz09&omn=73589241444

Meeting ID: 668 464 1382
Passcode: fMGP9E

Усовршете ја вашата хируршка визија.
Вклучете се. Прашајте. Дискутирајте.

11/02/2026

Секоја повреда на раката раскажува различна приказна.
Тоа беше главната порака на денешниот Journal Club.
Голема благодарност до Кристина Мицковска за одличната презентација, во која нè водеше низ целиот процес — од првиот преглед и проценка во ургентен центар, до оперативното планирање и хируршката изведба.
Повредите на раката нè потсетуваат дека не постои универзален пристап. Секој случај е различен и бара внимателна проценка, индивидуализиран план и прецизна изведба во операциона сала, со цел да се постигнат најдобрите можни резултати за пациентите.
Посебна вредност имаше и дискусијата со нашите постари специјализанти. Вашите прашања, размислувања и споделени искуства се доказ за вашиот континуиран професионален раст.
Со секој чекор низ специјализацијата, вие не ги усовршувате само техничките вештини, туку ја градите и клиничката зрелост, одговорноста и самодовербата. Од реконструкција на тетиви до комплексни микроваскуларни реплантации, подготвени сте да се справите со најголемите предизвици во нашата професија.
Продолжете со истата посветеност и љубопитност. Чекор по чекор, градите не само хируршки вештини, туку и начин на размислување што ве обликува во врвни пластични хирурзи.
Горди сме на вас — иднината е во сигурни раце.

28/01/2026

На денешниот Journal Club во рамките на нашата клиника Д-р Софија Тушева презентираше за најзначајните научни достигнувања, препораки, трендови, искуства во современата хируршка пракса стекнати на “ AAHS, ASPN, ASRM ANNUAL MEETINGS 2026 “ со фокус на нивна практична примена во нашата секојдневна работа. Ни посочи за придобивките од постојаната едукација, етаблирање, публицирање и секојдневното наддоградување на хирурзите за најдобриот можен третман на пациентите. 🇲🇰🙌🇺🇸