Болница Д-р Органџиски / Hospital Dr. Organdziski

17/09/2026

🌸 Овулацијата е моментот кога јајникот ослободува зрела јајце-клетка. Тогаш се наоѓа периодот со најголема веројатност за зачнување.

🔹 Кои знаци може да укажуваат на овулација?
• Промена во цервикалната слуз – станува проѕирна и растеглива
• Блага болка или непријатност во долниот дел на стомакот
• Зголемена чувствителност на градите
• Зголемена сексуална желба
• Мала промена на базалната телесна температура

📅 Важно: плодните денови не се исти кај секоја жена. Кај нередовни циклуси, пресметувањето само според календар може да биде неточно.

💗 Доколку подолго време се обидувате да забремените или имате нередовни циклуси, консултацијата со гинеколог може да помогне да се утврди дали и кога се случува овулација.

🌷 Следете го вашиот циклус. Слушајте го вашето тело. Грижете се за вашето репродуктивно здравје.

📍 Штип | ☎️ 032 / 393-757 | 📱 078 / 393-757
✉️ [email protected]
🌐 organdziski.com

16/09/2026

🩸 Крварењето или појавата на крвавење надвор од редовната менструација може да има различни причини. Понекогаш е безопасно, но во одредени ситуации потребно е да се утврди причината.

🔹 Можни причини се:
• хормонални промени и нарушувања на овулацијата
• употреба на хормонална контрацепција
• овулациско крварење
• инфекции на вагината или грлото на матката
• полипи или миоми
• промени на ендометриумот
• бременост и состојби поврзани со неа

👩‍⚕️ Кога е потребен гинеколошки преглед?
Доколку крварењето се повторува, е пообилно или трае подолго од вообичаено, се јавува по сексуален однос или е придружено со болка, непријатен исцедок, вртоглавица или слабост, важно е да се консултирате со гинеколог.

Навремената проверка помага да се открие причината и, доколку е потребно, да се започне соодветен третман. ❤️

👉 Не го игнорирајте необичното крварење – вашето тело ви испраќа сигнал.

📍 Штип | ☎️ 032 / 393-757 | 📱 078 / 393-757
✉️ [email protected]
🌐 organdziski.com

15/09/2026

🩸 ОДБЕЛЕЖУВАМЕ 34 ГОДИНИ ПОСТОЕЊЕ СО КРВОДАРИТЕЛСКА АКЦИЈА!

По повод 34 години од основањето на Болница „Д-р Органџиски“ – Штип, ве покануваме да ни се придружите во една хумана мисија.

❤️ Дарувајте крв – спасете живот!

📅 Кога?
21 септември 2026 година (понеделник), од 09:00 до 14:00 часот

📍 Каде?
Во просториите на Болница „Д-р Органџиски“ – Штип

Секој крводарител е добредојден. Вашата дарувана крв некому може да му го спаси животот.

📞 За пријавување и дополнителни информации:
078 393 757

Бидете дел од нашиот 34. роденден и од една акција што значи живот!

Специјализирана болница по гинекологија и акушерство со Центар за Ин Витро и асистирана репродукција

15/09/2026

⚖️ Прекумерната телесна тежина може да влијае на хормоналниот баланс и на нормалното функционирање на репродуктивниот систем.

🔹 Нередовна овулација – вишокот масно ткиво може да влијае на хормоните кои ја регулираат овулацијата, што може да доведе до нередовни циклуси.

🔹 Потешкотии со зачнувањето – кога овулацијата не се одвива редовно, шансите за природно зачнување може да бидат намалени.

🔹 PCOS – прекумерната тежина може да ги влоши хормоналните нарушувања поврзани со синдромот на полицистични јајници.

🔹 Влијание врз бременоста – повисокиот BMI е поврзан со зголемен ризик од одредени компликации во бременоста, вклучително и гестациски дијабетес и висок крвен притисок.

🌿 Важно: Не станува збор само за бројката на вагата. Репродуктивното здравје зависи од повеќе фактори, па затоа индивидуалната проценка од страна на гинеколог е најдобар пристап.

💗 Здравите навики и соодветната медицинска грижа се важен дел од подготовката за бременост.

📍 Штип | ☎️ 032 / 393-757 | 📱 078 / 393-757
✉️ [email protected]
🌐 organdziski.com

14/09/2026

🩸 Придружете ни се во одбележувањето на 34 години постоење - ПЗУ „Д-р Органџиски“ - Штип! Секој е добредојден!

🩸 Ви ја претставуваме нашата „Крводарителска акција“!

✨ Во чест на нашите успешни 34 години постоење и почетокот на нашето благородно патување, ве покануваме да учествувате во овој животоспасувачки потфат!

Кога❓️21 септември 2026, понеделник од 09:00ч - 14:00ч

Каде❓️Во просториите на Болница Д-р Органџиски / Hospital Dr. Organdziski.

✅️ Вашиот дарежлив придонес може да направи разлика во светот на оние на кои им е потребна.

📞 Сите заинтересирани за учество во
крводарителската акција можат да се пријават или да се jaват на телефонскиот број: 078 393 757

14/09/2026

🧬 ICSI (Intracytoplasmic S***m Injection) е современа техника на асистирана репродукција која најчесто се применува како дел од ин витро оплодувањето (IVF).

👉 При ICSI, ембриологот со помош на специјализирана микроскопска техника внесува една сперматозоидна клетка директно во јајце-клетката, со цел да се овозможи оплодување.

🔬 Кога се применува ICSI?
Најчесто се препорачува при:
• намален број или подвижност на сперматозоиди
• нарушена морфологија на сперматозоидите
• претходен неуспешен обид за оплодување со конвенционален IVF
• употреба на сперматозоиди добиени со хируршка процедура
• одредени случаи на машки фактор на неплодност

👶 Што следува по оплодувањето?
Доколку се постигне успешно оплодување, ембрионот продолжува да се развива во лабораториски услови. Потоа, во зависност од индивидуалниот план, може да следува ембриотрансфер или замрзнување на ембрионот за подоцнежен трансфер.

❤️ ICSI не гарантира бременост, но кај соодветно избрани случаи може да биде важна техника во процесот на лекување на неплодност.

Информираноста е првиот чекор. Правилниот пристап е индивидуален за секој пар.

12/09/2026

🧬🤍 3 вистински показатели за успех на еден ИВФ центар

Кога истражувате каде да го започнете патот кон родителството, бројките и процентите можат да звучат комплицирано. Но, важно е да знаете – не секоја стапка на успех го мери истото.

Затоа, погледнете ги показателите што навистина имаат значење:

1️⃣ Напредна и стабилна бременост 🤰🏻
Позитивниот β-hCG е само почеток. Важно е бременоста правилно да се развива и да достигне фаза во која е потврдена стабилна срцева акција и нормален развој.

2️⃣ Живородени бебиња 👶🏻
Најважниот краен исход од ИВФ постапката е живородено бебе. Позитивниот тест за бременост е важен чекор, но вистинската цел на сите е успешна бременост која ќе заврши со раѓање.

3️⃣ Кумулативен успех од еден циклус на собирање јајце-клетки 🧬
Не се гледа само еден трансфер. Кумулативниот успех го зема предвид потенцијалот на сите добиени ембриони од еден ИВФ циклус – и свежите и замрзнатите трансфери.

🤍 Кога го избирате ИВФ центарот, не гледајте само еден процент. Прашајте што навистина стои зад бројките.

Затоа што зад секоја статистика стои една вистинска приказна, едно семејство и една најголема желба – да го дочекаат своето бебе. 👶🏻✨

Изверете докажано!

📍 ИВФ центар во Специјализираната болница по гинекологија и акушерство „Д-р Органџиски“, Штип
📞 032 / 393-757 | 078 / 393-757

11/09/2026

🌸 Кога долго се борите со неплодноста, секој чекор кон решавање на вистинскиот причинител е важен.

Понекогаш зад неплодноста стојат состојби како ендометриоза, цисти, адхезии или други промени кои можат да влијаат врз репродуктивното здравје.

🔬 Лапароскопијата овозможува прецизна проценка и, кога е потребно, третман на одредени гинеколошки состојби преку мали резови и минимална хируршка траума.

✨ Помала траума за организмот.
✨ Помали резови.
✨ Побезболно и полесно постоперативно закрепнување во споредба со класичната хирургија во соодветни случаи.
✨ Прецизен пристап кон проблемот.

За жените кои се борат со неплодност, лапароскопијата понекогаш не е само оперативна метода – туку важен чекор кон откривање на причината и создавање подобри услови за идно остварување на бременост.

💗 Не се лекува само симптомот. Се бара причината.

📍 Специјализирана болница по гинекологија и акушерство „Д-р Органџиски“ – Штип
📞 032 / 393-757 | 078 / 393-757

10/09/2026

👧🏻 Во нашата болница ни дојде една посебна гостинка – малата Марта.

Во прегратките на д-р Верица Органџиска, Марта денес не е само едно прекрасно дете. Таа е доказ дека зад секоја борба може да се роди надеж, а зад секоја солза може да дојде најубавата насмевка.

Нејзината мајка, на 50 години, по долгогодишна борба и многу неизвесност, не се откажала од својата најголема желба и на крајот ѝ се оствари – да стане мајка. ❤️

И денес, години подоцна, Марта ни дојде во посета со своите родители.

Да нè потсети зошто веруваме.
Зошто не се откажуваме.
Зошто секоја борба вреди кога на крајот ќе ја слушнете најубавата детска смеа. 🥹

Марта е една мала, прекрасна приказна со голема порака:

✨ За најубавите соништа – никогаш не е доцна. ✨

Добредојде, Марта.
Твојата посета ни го разубави денот, а твојата приказна ќе продолжи да биде инспирација за многу срца што сè уште се надеваат. 💗