15/08/2022
Булеварот „Гоце Делчев“ се рехабилитира со средства обезбедни преку Јавното претпријатие за одржување на регионалните и магистрални патишта, во соработка со Министерството за транспорт и врски. Оваа инвестиција е во висина од 20 милиони денари.
Додека локалната власт предводена од ВМРО-ДПМНЕ во овие десет месеци ниту денар нема вложено во изградба на нова и безбедна патна инфраструктура, Штип продолжува да се развива и модернизира преку инвестиции во патната инфраструктура, со целосна поддршка од Владата предводена од СДСМ.
Со државни средства досега се реконструираа:
• Улица „Панче Караѓозов“ во вредност од близу 10 милиони денари.
• Крстоснциа во населба Сењак со вкупна вредност од 11 милиони денари.
• Пешачките конзоли во вредност од 9 милиони денари.
• Изградба на брана на река Отиња, со инвестициона вредност од 306 милиони денари.
• Со поддршка на централната власт, штипјани денес пијат вода од ХС „Злетовица“ со инвестиција над 300 милиони денари,
• 100 милиони евра инвестици во изградба на модерни експресни патишта, од кои експресен пат Штип-Радовиш со 64 милиони евра, како и експресниот пат Штип-Крупиште-Кочани со вкупнa инвестиција од 38,5 мил денари.
И во време на глобална економска криза продолжуваме да реализираме проекти во интерес на граѓаните и севкупниот напредок на Општина Штип кој претставува центар на Истокот.
