09/06/2026
⛈️🦟 #မိုးရာသီမှာအဖြစ်များတဲ့ခြင်ကြောင့်ဖြစ်တဲ့ရောဂါတွေကိုဘယ်လိုရင်ဆိုင်ကြမလဲ?
⛈️🦟မိုးရာသီရောက်ပြီဆိုတာနဲ့ စိုစွတ်တဲ့ ရာသီဥတုနဲ့ ရေဝပ်တာတွေဟာ ခြင်တွေအတွက် မျိုးပွားဖို့ အကောင်းဆုံးပတ်ဝန်းကျင်ဖြစ်ပြီး ခြင်ကိုက်ရာကနေ ခြင်မှတစ်ဆင့်ကူးစက်တတ်တဲ့ ရောဂါဖြစ်ပွားနိုင်ချေကို ပိုတိုးစေပါတယ်။
🦟ဒါကြောင့် ခြင်ကိုက်ရာကနေ အဖြစ်များဆုံး ရောဂါတွေရဲ့လက္ခဏာတွေရယ်၊ ဘယ်လိုကာကွယ်ရမယ်၊ ဘယ်လိုထိထိရောက်ရောက် ကုသရမယ်ဆိုတာကို သိရှိထားဖို့အရေးကြီးပါတယ်။
၁- သွေးလွန်တုပ်ကွေးရောဂါ
🦟- သွေးလွန်တုပ်ကွေးရောဂါဟာမိုးတွင်းအဖြစ်များတဲ့ရောဂါဖြစ်ပါတယ်။
🦟- (Aedes)အေးဒီးခြင်(ခြင်ကျား)ကိုက်ခြင်းကတစ်ဆင့်ကူးစက်တဲ့ရောဂါဖြစ်ပါတယ်
🦟- ကိုယ်အပူချိန်တက်တာ၃ရက်ရှိပြီဆိုရင်တော့ သွေးလွန်တုပ်ကွေးရောဂါကိုသတိပြုဖို့လိုပါတယ်။
🦟- လက္ခဏာများ - ဖျားခြင်း၊ ခေါင်းကိုက်ခြင်း၊ အဆစ်/ကြွက်သားနာကျင်ခြင်း၊ (ခန္ဓာကိုယ်တွင်းသွေးထွက်သောလက္ခဏာများ- နှာခေါင်းသွေးလျှံခြင်း၊ သွားဖုံးသွေးထွက်ခြင်း၊ ခန္ဓာကိုယ်တွင်အနီစက်များထွက်ခြင်း၊ ဝမ်းအမည်းသွားခြင်း၊အမည်းရောင်အန်ခြင်း ) စတဲ့လက္ခဏာတွေခံစားရနိုင်ပါတယ်။
⚕️- ကုသမှု- ဓါတ်ဆားရည်ဝင်အောင်သောက်ပါ။ ကိုယ်ပူကျဆေး (ပါရာစီတမော) သောက်နိုင်ပါတယ်။ ၃ရက်ပြည့်တဲ့အထိအဖျားမကျလျှင်၊ သွေးပေါင်ချိန်ကျလျှင်၊ ခန္ဓာကိုယ်တွင်းသွေးထွက်သောလက္ခဏာများ ခံစားရလျှင်၊ လက်၊ခြေထောက်များ အေးစက်နေလျှင် စတဲ့လက္ခဏာတွေ ခံစားရလျှင်တော့ တတ်ကျွမ်းနားလည်တဲ့ဆရာဝန်၊ ဆေးရုံကို အမြန်ဆုံးသွားရောက်ပြသဖို့လိုပါတယ်။
၂- ငှက်ဖျားရောဂါ
🦟 - ငှက်ဖျားရောဂါအဖြစ်များတဲ့ဒေသတွေမှာနေထိုင်တဲ့သူတွေနဲ့ ငှက်ဖျားဖြစ်ပွားရာဒေသကိုခရီးသွားလာဖူးသူတွေမှာ ကိုယ်အပူချိန်တက်ပြီး အဖျားရက်ရှည်မယ်ဆိုရင်တော့ငှက်ဖျားရောဂါရှိမရှိစစ်ဆေးသင့်ပါတယ်။
🦟-ငှက်ဖျားရောဂါဟာ (Anopheles)အနောဖလီးခြင်ကိုက်ခြင်းကတစ်ဆင့်ကူးစက်တဲ့ ရောဂါဖြစ်ပါတယ်။
🦟 - လက္ခဏာများ - ချမ်းတုန် ၍ဖျားခြင်း၊ မောပန်းနွမ်းနယ်ခြင်း၊ ချွေးထွက်ခြင်း၊ပျို့အန်ခြင်း။
⚕️ - ကုသမှု - အာတီမီစီနင်အခြေခံ ပေါင်းစပ်ဆေး (ACT) နဲ့ ကလိုရိုကွင်း ကဲ့သို့သော ငှက်ဖျားဆေးများ အသုံးပြုနိုင်ပါတယ်။
⚕️ - ငှက်ဖျားအဖြစ်များတဲ့ ဒေသတွေမှာ ကြိုတင်ကာကွယ်ဆေးတွေ သောက်သုံးနိုင်ပါတယ်။
၃- ဆင်တုပ်ကွေးရောဂါ
🦟- ဆင်တုပ်ကွေးရောဂါဟာ (Aedes)အေးဒီးခြင်(ခြင်ကျား)ကိုက်ခြင်းကတစ်ဆင့် ကူးစက်တဲ့ ရောဂါ ဖြစ်ပါတယ်။
🦟- လက္ခဏာများ- ကိုယ်အပူချိန်တက်ခြင်း၊အဆစ်အမြစ်များပြင်းထန်စွာနာကျင်ခြင်း၊ ကြွက်သားများနာကျင်ခြင်း။
⚕️- ကုသမှု - ကိုယ်ပူကျဆေး၊ နှင့်လိုအပ်ပါက ဆရာဝန်နဲ့တိုင်ပင်ပြီး အကိုက်အခဲပျောက်ဆေး အသုံးပြုနိုင်ပါတယ်။ ရေဓါတ်ခမ်းခြောက်ခြင်းကိုကာကွယ်ဖို့ ဓါတ်ဆားရည်သောက်ပါ။
၄- ဇီကာဗိုင်းရပ်စ်ရောဂါ
🦟- (Aedes)အေးဒီးခြင်(ခြင်ကျား)ကိုက်ခြင်းကတစ်ဆင့်ကူးစက်တဲ့ရောဂါ ဖြစ်ပါတယ်။
🦟- လက္ခဏာများ - ကိုယ်အပူချိန်တက်ခြင်း၊ ခန္ဓာကိုယ်တွင်အဖုအပိမ့်ထွက်ခြင်း၊ မျက်စိနာခြင်း၊ ကြွက်သား/အဆစ်နာကျင်ခြင်း။
🦟- ကိုယ်ဝန်ဆောင်များတွင်ဖြစ်ပွားပါက သန္ဓေသားကိုထိခိုက်နိုင်ပြီး မွေးလာသောကလေးတွင် ကိုယ်အင်္ဂါချို့ယွင်းခြင်း၊ ဦးခေါင်းခွံသေးခြင်း စတာတွေဖြစ်စေနိုင်ပါတယ်။
⚕️- ကုသမှု - ကိုယ်အပူကျဆေးအသုံးပြုခြင်း၊ ရေဓါတ်ပြန်လည်ဖြည့်တင်းခြင်း စသဖြင့်ကုသနိုင်ပါတယ်။
၅- ဂျပန်ဦးနှောက်အမြှေးရောင်ရောဂါ
🦟- ကျူးလက်စ် (Culex) ခြင်တွေကနေ ကူးစက်တဲ့ရောဂါဖြစ်ပါတယ်။
🦟- လက္ခဏာများ- ဒီရောဂါပိုးဝင်တဲ့သူအများစုကတော့ ရောဂါလက္ခဏာ သိပ်မပြတတ်ပါဘူး၊ ဒါပေမဲ့ အချို့သောသူတွေမှာတော့ ဦးနှောက်ကို ထိခိုက်ပြီး ပြင်းထန်တဲ့ လက္ခဏာတွေ ဖြစ်တဲ့ ဖျားတာ၊ ခေါင်းကိုက်တာ၊ လည်ပင်းတောင့်တင်းတာ၊ တက်တာ၊ ကိုယ်တစ်ခြမ်းသေတာနဲ့ သတိမေ့မျောတာမျိုးတွေအထိ ဖြစ်နိုင်ပါတယ်။
⚕️- ကုသမှု - ပြင်းထန်တဲ့လူနာတွေမှာတော့ ဆေးရုံတက်ပြီး ကုသမှုလိုအပ်နိုင်ပါတယ်။
⚕️- ဂျပန်ဦးနှောက်ရောင်ရောဂါ ကာကွယ်ဆေး ကို ရောဂါဖြစ်ပွားမှုများတဲ့ ဒေသတွေမှာ နေထိုင်သူတွေ နဲ့ ခရီးသွားလာမယ့်သူတွေအတွက် ကာကွယ်ဆေးထိုးထားသင့်ပါတယ်။
#ခြင်ကြောင့်ဖြစ်တဲ့ရောဂါတွေကိုအထိရောက်ဆုံးကာကွယ်နိုင်မယ့်နည်းလမ်းကတော့ခြင်မကိုက်အောင်ကာကွယ်တာပါပဲ။
ဒါကြောင့် မိမိအိမ်နဲ့ ပတ်ဝန်းကျင်မှာ -
✅၁- ရေဝပ်နေရာများ ဖယ်ရှားပါ ။ ပိတ်ဆို့နေတဲ့ ရေမြောင်းတွေကို ရှင်းပါ၊ ပန်းအိုးထဲက ရေတွေကို မကြာခဏလဲပါ၊ ရေထည့်တဲ့ ခွက်၊ ရေကန်တွေကို ဖုံးအုပ်ထားပါ။
✅၂- ခြင်ထောင်သုံးပါ - အထူးသဖြင့် ကလေးငယ်တွေ၊ ကိုယ်ဝန်ဆောင်အမျိုးသမီးတွေနဲ့ သက်ကြီးရွယ်အိုတွေအနေနဲ့ခြင်ထောင်ထောင်အိပ်ဖို့အရေးကြီးပါတယ်။
✅၃- ပြတင်းပေါက်နဲ့ တံခါးတွေကို ခြင်လုံဇကာတပ်ဆင်ပါ။
✅၅- ခြင်လူးဆေးလိမ်းပါ။
✅၆- အင်္ကျီလက်ရှည်၊ ဘောင်းဘီအရှည် နဲ့ အရောင်ဖျော့တဲ့ အဝတ်အစားတွေက ခြင်ကိုက်ခံရခြင်းကိုလျော့နည်းစေပါတယ်။
✅၇- ခြင်ဆေးဖျန်းခြင်းပြုလုပ်နိုင်ပါတယ်။
✅၈- ရေကန်တွေမှာခြင်မပေါက်စေဖို့ ပိုးလောက်လန်းမပေါက်ဖွားနိုင်အောင်ဆေးခတ်ခြင်း၊ ပိုးလောက်လန်းစားငါး ထည့်မွေးမြူခြင်းပြုလုပ်နိုင်ပါတယ်။
📌မိုးရာသီမှာခြင်ကြောင့်ဖြစ်တဲ့ရောဂါတွေရန်က
ကာကွယ်ရင်း ကျန်းမာစွာဖြတ်သန်းနိုင်ကြပါစေ။
🔔စာများကိုပြန်လည်ကူးယူဖော်ပြခွင့်မပြုပါ။
လွတ်လပ်စွာ share နိုင်ပါသည်။
