https://www.facebook.com/913286755435262/

Mediland Hospital Dawei, No. 24, Kamyawkin Road, San Chi Quarter, Dawei Township, Tanintharyi Division, Dawei (2026)

19/05/2026

🎂💚 𝗛𝗮𝗽𝗽𝘆 𝗕𝗶𝗿𝘁𝗵𝗱𝗮𝘆 𝘁𝗼 𝗮𝗹𝗹 𝐌𝐚𝐲 𝐁𝐨𝐫𝐧𝐬 🎂💚

🎉🎁 မယ်ဒီလန်းဆေးရုံ မိသားစုရဲ့ မေလ မွေးနေ့ရှင် ဝန်ထမ်းများအတွက် မွေးနေ့ကိတ်ခွဲခြင်းနှင့် အမှတ်တရလက်ဆောင်ပစ္စည်းများ ကံစမ်းမဲဖောက်ပေးခြင်းများဖြင့် မွေးနေ့ပွဲကို ပျော်ရွင်စွာ ပြုလုပ်ခဲ့သော အမှတ်တရပုံရိပ်လေးများအား မျှဝေပေးလိုက်ရပါတယ်ရှင်။ 🎉🎁

🎉🎁 မွေးနေ့ရှင်များ အားလုံး မွေးနေ့မှစ၍ စိတ်ချမ်းသာ ကိုယ်ကျန်းမာစွာဖြင့် နေ့ရက်တိုင်းကို အခက်အခဲမရှိ ဖြတ်သန်းနိုင်ပြီး လိုအင်ဆန္ဒဟူသမျှ တောင့်တတိုင်း ပြည့်စုံကြပါစေလို့ မယ်ဒီလန်းဆေးရုံမိသားစုမှ ဆုမွန်ကောင်း တောင်းပေးလိုက်ရပါတယ်ရှင်။ 🎉🎁

🍀🍀 “ ရည်မွန်နွေးထွေး ကုသပေး ” 🍀🍀

See less

16/05/2026

💓 ကမ္ဘာ့သွေးတိုးရောဂါနေ့ (𝐖𝐨𝐫𝐥𝐝 𝐇𝐲𝐩𝐞𝐫𝐭𝐞𝐧𝐬𝐢𝐨𝐧 𝐃𝐚𝐲) 💓

သွေးတိုးရောဂါဟာ "တိတ်ဆိတ်သော လူသတ်သမား (𝐒𝐢𝐥𝐞𝐧𝐭 𝐊𝐢𝐥𝐥𝐞𝐫)" လို့ တင်စားခံရလောက်အောင် လက္ခဏာမပြဘဲ အသက်အန္တရာယ်ကို ခြိမ်းခြောက်နေတဲ့ ရောဂါတစ်ခုဖြစ်ပါတယ်။ 🩸 ဒီရောဂါနဲ့ပတ်သက်ပြီး ပြည်သူလူထု ပိုမိုသတိပြုမိစေရန် ရည်ရွယ်ပြီး နှစ်စဉ် မေလ ၁၇ ရက်နေ့ကို
ကမ္ဘာ့သွေးတိုးရောဂါနေ့အဖြစ် သတ်မှတ်ထားတာဖြစ်ပါတယ်။ 🗓

🌍 𝐖𝐨𝐫𝐥𝐝 𝐇𝐲𝐩𝐞𝐫𝐭𝐞𝐧𝐬𝐢𝐨𝐧 𝐃𝐚𝐲 ကို 𝐓𝐡𝐞 𝐖𝐨𝐫𝐥𝐝 𝐇𝐲𝐩𝐞𝐫𝐭𝐞𝐧𝐬𝐢𝐨𝐧 𝐋𝐞𝐚𝐠𝐮𝐞 (𝐖𝐇𝐋) ကနေ ၂၀၀၅ ခုနှစ်၊ မေလ ၁၄ ရက်နေ့မှာ ပထမဆုံးအကြိမ် စတင်ကျင်းပခဲ့တာဖြစ်ပါတယ်။ နောက်ပိုင်းမှာတော့ လူအများ ပိုမိုပါဝင်နိုင်စေဖို့ မေလ ၁၇ ရက်နေ့ကို ပုံသေပြောင်းလဲသတ်မှတ်ခဲ့ပြီး ယနေ့အချိန်ထိ ကမ္ဘာတစ်ဝှမ်းမှာ နှစ်စဉ်ကျင်းပလျက် ရှိပါတယ်။ 🤝

📜 ဒီနှစ်အတွက် 𝐖𝐨𝐫𝐥𝐝 𝐇𝐲𝐩𝐞𝐫𝐭𝐞𝐧𝐬𝐢𝐨𝐧 𝐃𝐚𝐲 ရဲ့ 𝐓𝐡𝐞𝐦𝐞 ကတော့ “𝐂𝐨𝐧𝐭𝐫𝐨𝐥𝐥𝐢𝐧𝐠 𝐇𝐲𝐩𝐞𝐫𝐭𝐞𝐧𝐬𝐢𝐨𝐧 𝐓𝐨𝐠𝐞𝐭𝐡𝐞𝐫!” ဖြစ်ပါတယ်။ 📜

🎯 ရည်ရွယ်ချက် (𝐎𝐛𝐣𝐞𝐜𝐭𝐢𝐯𝐞𝐬) 🎯
🩸 သွေးတိုးရောဂါရဲ့ အန္တရာယ်နဲ့ နောက်ဆက်တွဲဆိုးကျိုးများကို လူထုအတွင်း ကျယ်ကျယ်ပြန့်ပြန့် သိရှိစေရန်။
🩺 မိမိရဲ့ သွေးပေါင်ချိန်ကို မှန်မှန်တိုင်းတာစစ်ဆေးတဲ့ အလေ့အကျင့်ကောင်းများ ရရှိစေရန်။
🍏 သွေးတိုးရောဂါကို ကာကွယ်ခြင်း၊ ထိန်းချုပ်ခြင်းနဲ့ ကုသခြင်းဆိုင်ရာ နည်းလမ်းများကို မျှဝေပေးရန်။

"ယနေ့ ကျရောက်တဲ့ ကမ္ဘာ့သွေးတိုးရောဂါနေ့မှစ၍ မိမိနဲ့ မိမိချစ်ခင်ရသူများအားလုံး သွေးပေါင်ချိန်ကို ပုံမှန်တိုင်းတာစစ်ဆေးပြီး၊ ကျန်းမာတဲ့ နေထိုင်မှုပုံစံများဖြင့် ရောဂါဘယကင်းဝေးကာ သက်ရှည်ကျန်းမာကြပါစေကြောင်း ဆုမွန်ကောင်းတောင်းအပ်ပါတယ်ရှင်။" 🩺✨💚

🍀 ရည်မွန်နွေးထွေး ကုသပေး 🍀

15/05/2026

Vacancy Announcement
မယ်ဒီလန်းဆေးရုံ (ထားဝယ်)တွင် အောက်ပါဝန်ထမ်းအားခေါ်ယူနေပါသည်။

📌 Health Care Assistant (Male/ Female)

☑️Nurse Aid & Pharmacy Aid Certificate ရရှိထားသူဖြစ်ရမည်။
☑️ ပေါင်းသင်းဆက်ဆံရေးကောင်းမွန်သူဖြစ်ရမည်။
☑️ သွက်လက်ပြီးအလုပ်အားစိတ်ပါဝင်စားသူဖြစ်ရမည်။
☑️ အဖွဲ့အစည်းနှင့်တာဝန်ထမ်းဆောင်နိုင်သူဖြစ်ရမည်။

လျှောက်ထားလိုပါက CV Form နှင့်အတူ
✓ သင်တန်းဆင်းလက်မှတ်မိတ္တူ။ မှတ်ပုံတင်မိတ္တူ၊ ✓သန်းခေါင်စာရင်း မိတ္တူ၊အလုပ်သမားကဒ်မိတ္တူ။
✓ (၆) လ အတွင်း ရိုက်ကူးထားသော လိုင်စင်ဓာတ်ပုံ (၂) ပုံ နှင့်

Mediland Hospital (Dawei) ၏ Talent Management ဌာနသို့ လူကိုယ်တိုင်လာရောက်၍သော်လည်ကောင်း၊ [email protected] သို့ E-mail ပို့၍ သော်လည်ကောင်း ၊ Viber - 09697762619 သို့ လည်ကောင်းလျှောက်ထားနိုင်ပါသည်။

15/05/2026

Vacancy Announcement

မယ်ဒီလန်းဆေးရုံ(ထားဝယ်)တွင် တာဝန်ထမ်းဆောင်ရန် အောက်ပါဝန်ထမ်းအား ခေါ်ယူနေပါသည်။

📌 Store Worker -1Post (Male)

✓ အခြေခံပညာ အလယ်တန်း(သို့မဟုတ်) အထက်တန်းအဆင့်ရှိ သူဖြစ်ရမည်။
✓ အလုပ်အား ချစ်ခင်စိတ်ဖြင့် တက်ကြွစွာ လုပ်ကိုင်တတ်သူဖြစ်ရမည်။
✓ ပစ္စည်းအဝယ်ပိုင်းအားလည်း လုပ်ကိုင်နိုင်သူဖြစ်ရမည်။
✓ ပေါင်းသင်းဆက်ဆံရေးကောင်းမွန်ပြီး အဖွဲ့အစည်းနှင့်လုပ်ကိုင်တတ်သူဖြစ်ရမည်။

လျှောက်ထားလိုပါက CV Form နှင့်အတူ
• ဘွဲ့လက်မှတ်၊ သင်တန်းဆင်းလက်မှတ်မိတ္တူ
• မှတ်ပုံတင်မိတ္တူ၊ သန်းခေါင်စာရင်း မိတ္တူ၊အလုပ်သမားမှတ်ပုံတင်
• (၆) လ အတွင်း ရိုက်ကူးထားသော လိုင်စင် ဓာတ်ပုံ (၂) ပုံနှင့်

Mediland Hospital (Dawei) ၏ Talent Management ဌာနသို့ လူကိုယ်တိုင်လာရောက်၍ သော်လည် ကောင်း၊ [email protected] သို့ E-mail ပို့၍ လည်ကောင်း ၊Viber - 09697762619 သို့ လည်ကောင်း ဆက်သွယ်‌ေလျှာက်ထားနိုင်ပါသည်။

14/05/2026

Vacancy Announcement

✅ Reception Assistant ( Female) - (1) Post

Requirements:
✓ ဘွဲ့ရ (သို့မဟုတ်) ကျောင်းကိစ္စကင်းရှင်းသူဖြစ်ရမည်။
✓ Computer အခြေခံ အသုံးပြုတတ်သူဖြစ်ရမည်။
✓ ရုပ်ရည်ပြေပြစ်ပြီး စိတ်ရှည်သီးခံတတ်သူဖြစ်ရမည်။
✓ အဖွဲ့အစည်းနှင့် ပူးပေါင်းတာဝန်ထမ်းဆောင်နိုင်သူဖြစ်ရမည်။
✓ Customer Service ပိုင်းအားအမှန်တကယ် စိတ်ပါဝင်စားသူဖြစ်ရမည်။

လျှောက်ထားလိုပါက CV Form နှင့်အတူ
• ဘွဲ့လက်မှတ်၊ သင်တန်းဆင်းလက်မှတ်မိတ္တူ
• မှတ်ပုံတင်မိတ္တူ၊ သန်းခေါင်စာရင်း မိတ္တူ၊အလုပ်သမားမှတ်ပုံတင်မိတ္တူ
• (၆) လ အတွင်း ရိုက်ကူးထားသော လိုင်စင်ဓာတ်ပုံ (၂) ပုံ နှင့်

Mediland Hospital (Dawei) ၏ Talent Management ဌာနသို့ လူကိုယ်တိုင်လာရောက်၍ သော်လည် ကောင်း၊ [email protected] E-Mail သို့ သော်လည်ကောင်း၊ Viber- 09697762619 သို့လည်ကောင်း လျှောက်ထားနိုင်ပါသည်။

13/05/2026

📅 May 12 ရက်နေ့တွင် ကျရောက်သော နိုင်ငံတကာ သူနာပြုများနေ့ (𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐍𝐮𝐫𝐬𝐞𝐬 𝐃𝐚𝐲) ကို ဂုဏ်ပြုသောအားဖြင့် မယ်ဒီလန်းဆေးရုံကြီးတွင် နိုင်ငံတကာ သူနာပြုများနေ့ (𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐍𝐮𝐫𝐬𝐞𝐬 𝐃𝐚𝐲) အခမ်းအနား ကျင်းပခဲ့သော အမှတ်တရ ပုံရိပ်များအား ပြန်လည် မျှဝေပေးလိုက်ရပါတယ်ရှင်။ 📅

❤️ 𝐌𝐞𝐝𝐢𝐥𝐚𝐧𝐝 𝐇𝐨𝐬𝐩𝐢𝐭𝐚𝐥 ၏ ဆုတောင်းစကား ❤️
🥰 "လူနာများအပေါ် စေတနာ၊ မေတ္တာအပြည့်ဖြင့် နေ့မအား ညမနား ပြုစုစောင့်ရှောက်ပေးနေကြသော ကျွန်မတို့ 𝐌𝐞𝐝𝐢𝐥𝐚𝐧𝐝 𝐇𝐨𝐬𝐩𝐢𝐭𝐚𝐥 (𝐃𝐚𝐰𝐞𝐢) မှ သူနာပြုဆရာ၊ ဆရာမများအပါအဝင် ကမ္ဘာတစ်ဝှမ်းရှိ သူနာပြုများအားလုံး ကိုယ်စိတ်နှစ်ဖြာ ကျန်းမာရွှင်လန်းကြပါစေကြောင်းနှင့် ကျန်းမာရေးစောင့်ရှောက်မှု လုပ်ငန်းများတွင် စေတနာရှေ့ထားသည့် မွန်မြတ်သော လုပ်ငန်းဆောင်တာများကို ဆတက်ထမ်းပိုး တိုး၍ ဆောင်ရွက်နိုင်ကြပါစေကြောင်း မယ်ဒီလန်းဆေးရုံ မိသားစုမှ ဆုတောင်းမေတ္တာ ပို့သအပ်ပါတယ်ရှင်။ 🥰🙏🏻

🍀🍀 “ရည်မွန်နွေးထွေး ကုသပေး” 🍀🍀

See less

11/05/2026

🌸 နိုင်ငံတကာ သူနာပြုများနေ့ (𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐍𝐮𝐫𝐬𝐞𝐬 𝐃𝐚𝐲) အထိမ်းအမှတ် ဂုဏ်ပြုခြင်း 🌸

မေလ (၁၂) ရက်နေ့တွင် ကျရောက်သော နိုင်ငံတကာ သူနာပြုများနေ့ (𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐍𝐮𝐫𝐬𝐞𝐬 𝐃𝐚𝐲) မှာ လူနာများ၏ ကျန်းမာရေးအတွက် အနီးကပ်ပြုစုစောင့်ရှောက်ပေးနေသော သူနာပြုဆရာ၊ ဆရာမများအားလုံးကို 𝐌𝐞𝐝𝐢𝐥𝐚𝐧𝐝 𝐇𝐨𝐬𝐩𝐢𝐭𝐚𝐥 မှ ဂုဏ်ယူစွာဖြင့် လှိုက်လှိုက်လှဲလှဲ ဂုဏ်ပြုအပ်ပါတယ်ရှင်။

🌟 နိုင်ငံတကာ သူနာပြုများနေ့ ဖြစ်ပေါ်လာပုံ 🌟
၁၉ ရာစုတွင် ခေတ်သစ်သူနာပြုလုပ်ငန်း၏ အခြေခံအုတ်မြစ်ကို ချမှတ်ခဲ့သော 𝐅𝐥𝐨𝐫𝐞𝐧𝐜𝐞 𝐍𝐢𝐠𝐡𝐭𝐢𝐧𝐠𝐚𝐥𝐞 ၏ မွေးနေ့ဖြစ်သည့် မေလ (၁၂) ရက်နေ့ကို 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐂𝐨𝐮𝐧𝐜𝐢𝐥 𝐨𝐟 𝐍𝐮𝐫𝐬𝐞𝐬 (𝐈𝐂𝐍) မှ အစွဲပြု၍ နိုင်ငံတကာ သူနာပြုများနေ့အဖြစ် သတ်မှတ်ခဲ့ခြင်း ဖြစ်ပါတယ်။

🎯 ရည်ရွယ်ချက် 🎯
• သူနာပြုများ၏ လူ့အသက်ကယ်ဆယ်ရေးနှင့် စေတနာထား ပြုစုစောင့်ရှောက်ရေးဆိုင်ရာ အခန်းကဏ္ဍကို အသိအမှတ်ပြုရန်။
• ကျန်းမာရေးစောင့်ရှောက်မှု ကဏ္ဍတွင် သူနာပြုများ၏ အရေးပါပုံကို လူထုအား အသိပညာပေးရန်။
• သူနာပြုများ၏ ကြိုးစားအားထုတ်မှုများကို ဂုဏ်ပြုကျေးဇူးတင်ရန်။

ယခုနှစ်အတွက် နိုင်ငံတကာ သူနာပြုများနေ့ (𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐍𝐮𝐫𝐬𝐞𝐬 𝐃𝐚𝐲) ရဲ့ 𝐓𝐡𝐞𝐦𝐞 ကတော့ "𝐎𝐮𝐫 𝐍𝐮𝐫𝐬𝐞𝐬. 𝐎𝐮𝐫 𝐅𝐮𝐭𝐮𝐫𝐞. 𝐄𝐦𝐩𝐨𝐰𝐞𝐫𝐞𝐝 𝐍𝐮𝐫𝐬𝐞𝐬 𝐒𝐚𝐯𝐞 𝐋𝐢𝐯𝐞𝐬” ဖြစ်ပါတယ်။

❤️ 𝐌𝐞𝐝𝐢𝐥𝐚𝐧𝐝 𝐇𝐨𝐬𝐩𝐢𝐭𝐚𝐥 ၏ ဆုတောင်းစကား ❤️
🥰 "လူနာများအပေါ် စေတနာ၊ မေတ္တာအပြည့်ဖြင့် နေ့မအား ညမနား ပြုစုစောင့်ရှောက်ပေးနေကြသော ကျွန်မတို့ 𝐌𝐞𝐝𝐢𝐥𝐚𝐧𝐝 𝐇𝐨𝐬𝐩𝐢𝐭𝐚𝐥 (𝐃𝐚𝐰𝐞𝐢) မှ သူနာပြုဆရာ၊ ဆရာမများအပါအဝင် ကမ္ဘာတစ်ဝှမ်းရှိ သူနာပြုများအားလုံး ကိုယ်စိတ်နှစ်ဖြာ ကျန်းမာရွှင်လန်းကြပါစေကြောင်းနှင့် ကျန်းမာရေးစောင့်ရှောက်မှု လုပ်ငန်းများတွင် စေတနာရှေ့ထားသည့် မွန်မြတ်သော လုပ်ငန်းဆောင်တာများကို ဆတက်ထမ်းပိုး တိုး၍ ဆောင်ရွက်နိုင်ကြပါစေကြောင်း မယ်ဒီလန်းဆေးရုံ မိသားစုမှ ဆုတောင်းမေတ္တာ ပို့သအပ်ပါတယ်ရှင်။ 🥰🙏🏻

🍀🍀 “ရည်မွန်နွေးထွေး ကုသပေး” 🍀🍀

07/05/2026

💁🏻‍♀️ "ဆီးချိုစစ်ဖို့အတွက် လက်ထိပ်ကို အပ်နဲ့ဖောက်နေရတုန်းလား ❓"

🤳🏻📈 အခုဆိုရင် ဖုန်းလေး ဖွင့်ကြည့်လိုက်ရုံနဲ့ ဆီးချို အတက်အကျ ဘယ်လောက်ရှိနေလဲဆိုတာကို ကြည့်နိုင်ပြီဆိုတာ သင်သိပါသလား။ လက်ထိပ်လေးတွေ ဖောက်စရာမလိုတော့ပဲ နောက်ဆုံးပေါ်နည်းပညာဖြစ်တဲ့ 𝗖𝗚𝗠 စက်နဲ့ ဆီးချိုပမာဏကို အချိန်နှင့် တပြေးညီ တိုက်ရိုက်ကြည့်လို့ရနေပါပြီ။

🩺 𝐂𝐆𝐌 (𝐂𝐨𝐧𝐭𝐢𝐧𝐮𝐨𝐮𝐬 𝐆𝐥𝐮𝐜𝐨𝐬𝐞 𝐌𝐨𝐧𝐢𝐭𝐨𝐫𝐢𝐧𝐠)ဆိုတာ ဘာလဲ?
ပုံမှန် ဆီးချိုတိုင်းစက် (𝐆𝐥𝐮𝐜𝐨𝐦𝐞𝐭𝐞𝐫) တွေက လက်ထိပ်ကို အပ်နဲ့ဖောက်ပြီး အဲ့ဒီအချိန်မှာရှိတဲ့ သွေးတွင်း သကြားဓာတ် ပမာဏ (𝐁𝐥𝐨𝐨𝐝 𝐆𝐥𝐮𝐜𝐨𝐬𝐞 𝐋𝐞𝐯𝐞𝐥) ကိုပဲ ပြပေးတာ ဖြစ်ပါတယ်။
CGM ဆိုသည်မှာ ခန္ဓာကိုယ် (များသောအားဖြင့် လက်မောင်း သို့မဟုတ် ဗိုက်) မှာ သေးငယ်တဲ့ Sensor လေးတစ်ခုကို ကပ်ထားရတာဖြစ်ပြီး ခန္ဓာကိုယ်ထဲမှာ ရှိတဲ့ သွေးရည်ကြည်ကို တစ်မိနစ် တစ်ကြိမ် အလိုအလျောက် တိုင်းတာပေးပါတယ်။ ရရှိလာတဲ့ အချက်အလက်တွေကို သင့်ဖုန်းထဲသို့ 𝐁𝐥𝐮𝐞𝐭𝐨𝐨𝐭𝐡 မှတစ်ဆင့် အချိန်နဲ့တပြေးညီ ပို့ပေးနေတာ ဖြစ်ပါတယ်ရှင်။ 📲✨

✨ CGM ရဲ့ ကောင်းကျိုးများ (𝐁𝐞𝐧𝐞𝐟𝐢𝐭𝐬)
• 💉 နာကျင်မှုမရှိခြင်း - တစ်ခါကပ်ထားရင် ၁၅ ရက် အထိ သုံးလို့ရတာကြောင့် နေ့တိုင်း လက်ထိပ်ကို အပ်နဲ့ ခဏခဏ ထိုးစရာ မလိုတော့ပါဘူး။
• 💦 ရေစို၊ ချွေးစိုခံခြင်း၊ ကိုယ်လက်လှုပ်ရှားမှု လေ့ကျင့်ခန်းများ လုပ်ရာတွင် 𝐂𝐆𝐌 စက် က သေးငယ်တဲ့ အတွက် သက်တောင့်သက်သာဖြစ်ခြင်း။
• 📈 𝐑𝐞𝐚𝐥-𝐭𝐢𝐦𝐞 𝐓𝐫𝐚𝐜𝐤𝐢𝐧𝐠 - မိမိရဲ့ သွေးချို အတက်အကျ ဘယ်လောက်ရှိလဲ ဆိုတာကို 𝐆𝐫𝐚𝐩𝐡 လေးနဲ့ အချိန်နဲ့တပြေးညီ မြင်နေရပါတယ်။
• 🚨 ရှေ့ပြေးသတိပေးစနစ် (𝐀𝐥𝐞𝐫𝐭𝐬 & 𝐀𝐥𝐚𝐫𝐦𝐬) - သွေးချိုက သတ်မှတ်ထားတာထက် အရမ်းနည်းသွားခြင်း (𝐇𝐲𝐩𝐨𝐠𝐥𝐲𝐜𝐞𝐦𝐢𝐚) ဒါမှမဟုတ် အရမ်းများလာခြင်း (𝐇𝐲𝐩𝐞𝐫𝐠𝐥𝐲𝐜𝐞𝐦𝐢𝐚) တွေကို ဖုန်းထဲကနေ အသံနဲ့ သတိပေးပါတယ်။ ဒါကြောင့် ညဘက်အိပ်နေရင်း သွေးချိုထိုးကျပြီး အသက်အန္တရာယ်ဖြစ်တာကို ကာကွယ်နိုင်ပါတယ်။
• 📊 𝐓𝐫𝐞𝐧𝐝 𝐀𝐧𝐚𝐥𝐲𝐬𝐢𝐬 - အစားစားပြီးချိန်၊ အိပ်ယာမထခင် အချိန်၊ လေ့ကျင့်ခန်းလုပ်ချိန်၊ စိတ်ဖိစီးမှုဖြစ်ချိန်တွေမှာ သွေးချိုက ဘယ်လိုတုံ့ပြန်လဲဆိုတာ သိနိုင်လို့ ဆေးသောက်ခြင်း၊ အင်ဆူလင်ထိုးခြင်းတွေကို ဆရာဝန်က ပြန်ညှိပေးနိုင်ဖို့အတွက် အထောက်အကူ ပြုပါတယ်။
• 📉 𝐇𝐛𝐀𝟏𝐂 ကို ထိန်းချုပ်နိုင်ခြင်း - ဆီးချိုပမာဏကို ဆေးသောက်ခြင်း၊ အင်ဆူလင်ထိုးခြင်းက အကောင်းဆုံး ထိန်းသိမ်းနိုင်မည်ဖြစ်လို့ ရေရှည်မှာ (𝐇𝐛𝐀𝟏𝐂) ကို သိသိသာသာ ကျဆင်းစေပါတယ်။
• 👨‍⚕️ 𝐃𝐚𝐭𝐚 𝐒𝐡𝐚𝐫𝐢𝐧𝐠 - မိမိရဲ့ သွေးချိုမှတ်တမ်းတွေကို ဆရာဝန်တွေ (သို့မဟုတ်) မိသားစုဝင်တွေက တိုက်ရိုက် စောင့်ကြည့်နိုင်မည် ဖြစ်ပါတယ်။

👥 ဘယ်သူတွေအတွက် အသင့်တော်ဆုံးလဲ?
1. 🩸 𝐓𝐲𝐩𝐞 𝟏 𝐃𝐢𝐚𝐛𝐞𝐭𝐞𝐬 ဝေဒနာရှင်များ - အင်ဆူလင် (𝐈𝐧𝐬𝐮𝐥𝐢𝐧) အမြဲထိုးနေရသူတွေအတွက် သွေးချိုအတက်အကျကို သိဖို့ 𝐂𝐆𝐌 က မရှိမဖြစ် လိုအပ်ပါတယ်။
2. 💊 𝐓𝐲𝐩𝐞 𝟐 𝐃𝐢𝐚𝐛𝐞𝐭𝐞𝐬 (အင်ဆူလင်သုံးစွဲသူများ) - ဆေးသောက်ရုံနဲ့ မရဘဲ အင်ဆူလင်ပါ သုံးနေရသူတွေအတွက် သွေးချိုအနိမ့်အမြင့်ကို ချိန်ညှိဖို့ လိုအပ်ပါတယ်။
3. 🤰 ကိုယ်ဝန်ဆောင် ဆီးချိုရှိသူများ (𝐆𝐞𝐬𝐭𝐚𝐭𝐢𝐨𝐧𝐚𝐥 𝐃𝐢𝐚𝐛𝐞𝐭𝐞𝐬) - မိခင်ရော ကလေးပါ ဘေးကင်းဖို့ သွေးချိုကို အထူးဂရုစိုက်ရမယ့်သူတွေအတွက် အကောင်းဆုံးဖြစ်ပါတယ်။
4. ⚠️ သွေးချိုခဏခဏ ကျတတ်သူများ (𝐇𝐲𝐩𝐨𝐠𝐥𝐲𝐜𝐞𝐦𝐢𝐚 𝐔𝐧𝐚𝐰𝐚𝐫𝐞𝐧𝐞𝐬𝐬) - မိမိဘာသာ သွေးချိုကျနေမှန်း မသိလိုက်ဘဲ မူးလဲတတ်တဲ့သူတွေအတွက် CGM ရဲ့ Alarm စနစ်က အထိရောက်ဆုံး ကာကွယ်ပေးနိုင်ပါတယ်။

သွေးချိုကို စနစ်တကျ ထိန်းချုပ်ပြီး ကျန်းမာပျော်ရွှင်တဲ့ လူနေမှုဘဝကို ပိုင်ဆိုင်ဖို့ မယ်ဒီလန်းဆေးရုံ (ထားဝယ်) မှာ ဖွင့်လှစ်ထားတဲ့ သွေးချို၊ ဆီးချို အထူးကု ဆေးခန်း (𝐃𝐌 𝐂𝐥𝐢𝐧𝐢𝐜) မှာ 𝐂𝐆𝐌 ဝန်ဆောင်မှုကို မေးမြန်းစုံစမ်း နိုင်ပါတယ်ရှင်။ 🏥🌈

အသေးစိတ် သိရှိလိုပါက 𝐏𝐚𝐠𝐞 𝐌𝐞𝐬𝐬𝐞𝐧𝐠𝐞𝐫 ကနေ ဖြစ်စေ၊ အောက်ပါဖုန်းနံပါတ်များသို့ဖြစ်စေ ဆက်သွယ် စုံစမ်းနိုင်ပါတယ်ရှင်။ 💬👇
📞 𝟎𝟗 𝟕𝟖𝟑 𝟎𝟐𝟎 𝟓𝟓𝟏 📞 𝟎𝟗 𝟖𝟗𝟓 𝟎𝟑𝟑 𝟑𝟑𝟒

🍀 "ရည်မွန်နွေးထွေး ကုသပေး" 🍀

01/05/2026

🗓 အပြည်ပြည်ဆိုင်ရာ အလုပ်သမားနေ့ ဂုဏ်ပြုဆုမွန် 🌟

နေ့စဉ်ဘဝနှင့် မိမိတို့၏ လုပ်ငန်းခွင်အသီးသီးတွင် မဆုတ်မနစ်သော ဇွဲလုံ့လ၊ အစွမ်းကုန် ကြိုးစားအားထုတ်မှုများဖြင့် အလုပ်လုပ်ကိုင်နေကြသော အလုပ်သမားထုကြီး တစ်ရပ်လုံးကို မေလ (၁) ရက်နေ့တွင် ကျရောက်သည့် "အပြည်ပြည်ဆိုင်ရာ အလုပ်သမားနေ့" အထိမ်းအမှတ်ကို Mediland Hospital မှ လေးစားစွာ ဂုဏ်ပြုအပ်ပါတယ်ရှင်။ 🩺💪

မိမိတို့၏ လုပ်ငန်းခွင်အသီးသီးတွင် ကိုယ်စိတ်နှစ်ဖြာ ကျန်းမာရွှင်လန်းစွာဖြင့် ဆက်လက်ကြိုးပမ်းနိုင်ကြပါစေကြောင်း ဆုမွန်ကောင်းတောင်းပေးလိုက်ပါတယ်ရှင်။ ✨😊

29/04/2026

🌕🙏 ကဆုန်လပြည့်နေ့ (ဗုဒ္ဓနေ့) 🌕🙏

✨ ဗုဒ္ဓဘာသာဝင်တို့ရဲ့ သမိုင်းမှတ်တိုင် (၄) ခု တစ်ရက်တည်းမှာ ဆုံစည်းခဲ့တဲ့ အံ့ဖွယ် 'ဗုဒ္ဓနေ့' ကို ရောက်ရှိလို့ လာခဲ့ပြန်ပြီ ဖြစ်ပါတယ်ရှင်။ ✨

✨ ကဆုန်လပြည့်နေ့၏ ထူးခြားချက် (၄) ရပ်✨
☸️ ကဆုန်လပြည့်နေ့ကို "ဗုဒ္ဓနေ့" လို့ အသိအမှတ်ပြုထားရခြင်းကတော့ ဂေါတမဗုဒ္ဓမြတ်စွာဘုရားရဲ့ ဘဝဖြစ်စဉ်တော်ထဲက အလွန်အရေးကြီးတဲ့ အဖြစ်အပျက် (၄) ခုဟာ ဒီလပြည့်နေ့မှာပဲ တိုက်တိုက်ဆိုင်ဆိုင် ဖြစ်ပေါ်ခဲ့လို့ ဖြစ်ပါတယ်ရှင်။ ☸️

၁။ ဗျာဒိတ်ခံယူခြင်း ✨
• ဒီပင်္ကရာမြတ်စွာဘုရားထံမှ "နောင်အခါ ဂေါတမအမည်ဖြင့် ဘုရားစင်စစ် ဖြစ်လိမ့်မည်" ဟု ဗျာဒိတ်တော် ခံယူခဲ့သောနေ့။
၂။ ဖွားမြင်ခြင်း 👶
• အလောင်းတော် သိဒ္ဓတ္ထမင်းသားလေးကို လုမ္ဗိနီအင်ကြင်းတော၌ ဖွားမြင်ခဲ့သောနေ့။
၃။ ဘုရားဖြစ်ခြင်း 🧘‍♂️
• ဗုဒ္ဓဂါယာရှိ ဗောဓိညောင်ပင်ရင်း၌ သဗ္ဗညုတဉာဏ်တော်ကို ရရှိကာ ဘုရားအဖြစ်သို့ ရောက်ရှိခဲ့သောနေ့။
၄။ ပရိနိဗ္ဗာန်စံခြင်း 🙏
• သက်တော် (၈၀) အရွယ်တွင် ကုသိနာရုံပြည်၌ ပရိနိဗ္ဗာန်စံဝင်တော်မူခဲ့သောနေ့။

💧 "ညောင်ရေသွန်းလောင်းပွဲ" ဆင်နွှဲရခြင်း၏ လေးနက်သော အကြောင်းရင်း 💧
🌳 မြတ်စွာဘုရားသည် ဗောဓိညောင်ပင်ကို အမှီပြု၍ ဘုရားအဖြစ်သို့ ရောက်ရှိခဲ့ခြင်းကြောင့် ထိုဗောဓိညောင်ပင်ကို "ပရိဘောဂစေတီ" အဖြစ် သတ်မှတ်ပူဇော်ကြပါတယ်။
☀️ မြန်မာ့ရာသီစက်ဝန်းအရ ကဆုန်လသည် အပူဆုံးလဖြစ်ပြီး ရေတွင်းရေကန်များ ခမ်းခြောက်တတ်ပါတယ်။ ထိုသို့သော အချိန်တွင် သာသနာ့အထိမ်းအမှတ် ဗောဓိညောင်ပင်များ မခြောက်သွေ့စေရန် ဝိုင်းဝန်းပြုစုစောင့်ရှောက်ကြသည့် "အစဉ်အလာ ကောင်းမွန်သော ယဉ်ကျေးမှု" တစ်ရပ် ဖြစ်ပါတယ်။

🙏 Mediland Hospital (Dawei) ၏ ဆုတောင်းမေတ္တာ 🙏
"ယနေ့ ကျရောက်သော ကဆုန်လပြည့် (ဗုဒ္ဓနေ့) မင်္ဂလာအခါသမယတွင် မိဘပြည်သူအပေါင်း စိတ်၏ချမ်းသာခြင်း၊ ကိုယ်၏ကျန်းမာခြင်းများနှင့် ပြည့်စုံကြပါစေကြောင်း Mediland Hospital (Dawei) မိသားစုမှ ဆုမွန်ကောင်းတောင်းအပ်ပါသည်။" 🏥✨

"မွန်မြတ်လှသော ဤနေ့ထူးနေ့မြတ်တွင် ကုသိုလ်တရားများ ပွားများနိုင်ကြပါစေရှင်။" 🙏🌷☀️

🍀 ရည်မွန်နွေးထွေး ကုသပေး 🍀

#ကဆုန်လပြည့်နေ့

29/04/2026

🩺 ဆေးသောက်ရုံနဲ့ ဆီးချိုထိန်းနိုင်လား? 💊

ဆေးမှန်မှန်သောက်ခြင်း၊ ဆေးသောက်ပုံ စနစ်ကျနေရုံနဲ့ ဆီးချိုရောဂါကို ရေရှည်မှာ ထိန်းရခက်ခဲသွားတတ်ပါတယ်။ ဆေးက အဓိကကျပေမဲ့ အောက်ပါအချက် (၂) ချက်နဲ့ တွဲဖက်လုပ်ဆောင်မှသာ ဆီးချိုကြောင့်ဖြစ်တတ်တဲ့ နောက်ဆက်တွဲ ဆိုးကျိုးတွေဖြစ်တဲ့ (မျက်စိကွယ်ခြင်း၊ ကျောက်ကပ်ပျက်စီးခြင်း၊ ခြေထောက်ဖြတ်ရခြင်း) စတာတွေကနေ အထိရောက်ဆုံး ကာကွယ်နိုင်မှာ ဖြစ်ပါတယ်။

🥗 အစားအသောက် ထိန်းသိမ်းခြင်း
🏃‍♂️ လေ့ကျင့်ခန်းလုပ်ခြင်း

❓ ဘာကြောင့် ဆေးသောက်ရုံနဲ့ ဆီးချို မထိန်းနိုင်တာလဲ?

၁။ ဆေးပမာဏ တိုးလာတတ်ခြင်း 📈
အစားအသောက်ကို လုံးဝမဆင်ခြင်ဘဲ ဆေးကိုပဲ အားကိုးရင် ခန္ဓာကိုယ်က ဆေးကို ယဉ်ပါးလာတတ်ပါတယ်။ အစပိုင်းမှာ ဆေးတစ်မျိုးနဲ့ ထိန်းနိုင်ပေမဲ့ နောက်ပိုင်းမှာ နှစ်မျိုး၊ သုံးမျိုးကနေ အင်ဆူလင် (Insulin) ထိုးရတဲ့အဆင့်အထိ ပိုတိုးလာရတတ်ပါတယ်။

၂။ ဆေးက သွေးတွင်းသကြားဓာတ် (ဆီးချိုဓာတ်) ကို မလောင်ကျွမ်းစေခြင်း 🕯️
ခန္ဓာကိုယ်ထဲမှာရှိတဲ့ သွေးတွင်းသကြားဓာတ်ကို စွမ်းအင်အဖြစ် ပြောင်းလဲပေးတဲ့ အင်ဆူလင် ထွက်ရှိမှုကို ဆေးကူညီပေးတာ (သို့မဟုတ်) ဆဲလ်တွေက အင်ဆူလင်ကို ပိုလက်ခံလာပြီး သကြားဓာတ်လျော့စေဖို့ ဖြစ်ပါတယ်။

ဒါပေမဲ့ ဆေးက သကြားဓာတ်ကို အတိုင်းအတာတစ်ခုအထိပဲ ဖယ်ရှားပေးနိုင်ပါတယ်။ ဆေးသောက်နေပေမဲ့ အချိုဓာတ်နဲ့ ကစီဓာတ် (ဥပမာ - ထမင်း၊ ပေါင်မုန့်၊ အချိုရည်) တွေကို အကန့်အသတ်မရှိ စားသုံးနေမယ်ဆိုရင် ဆေးက လိုက်မထိန်းနိုင်တော့ဘဲ ကိုယ်တွင်းအင်္ဂါ (အသည်း၊ ကျောက်ကပ်၊ နှလုံး) တို့ကို ဝန်ပိစေပြီး အဆီပိတ်တာ၊ ပျက်စီးတာတွေအထိ ဖြစ်စေနိုင်ပါတယ်။ ⚠️

၃။ နောက်ဆက်တွဲ ရောဂါများ (Complications) 🚨
ဆေးသောက်နေပေမဲ့ သွေးတွင်းသကြားဓာတ်က အတက်အကျ ကြမ်းနေမယ်ဆိုရင် (ဥပမာ - ထမင်းစားပြီးရင် အရမ်းတက်ပြီး ဆေးသောက်လိုက်ရင် ပြန်ကျသွားခြင်း) အဲဒီလို တက်လိုက်၊ ကျလိုက်ဖြစ်နေတဲ့ဒဏ်က သွေးကြောလေးတွေကို ပျက်စီးစေပါတယ်။ ဒါကြောင့် ဆေးသောက်နေပါလျက်နဲ့ မျက်စိမှုန်လာတာ၊ ကျောက်ကပ်အားနည်းလာတာမျိုးတွေ ဖြစ်လာတာ ဖြစ်ပါတယ်။

✅ ဘာတွေ လုပ်ဆောင်ပေးသင့်သလဲ?

✨ ထမင်းအစား အသီးအရွက် ပိုစားပေးခြင်း 🥦
သွေးထဲ သကြားဓာတ်ဝင်နှုန်းကို နှေးကွေးစေပါတယ်။

✨ ကိုယ်လက်လှုပ်ရှားမှု လေ့ကျင့်ခန်းများ လုပ်ခြင်း 🏃‍♀️
သွေးထဲက သကြားဓာတ်တွေကို စွမ်းအင်အဖြစ် လောင်ကျွမ်းပြောင်းလဲစေလို့ ဆေးထက်တောင် ပိုပြီး သဘာဝကျကျ ဆီးချိုထိန်းပေးနိုင်တဲ့ နည်းလမ်းဖြစ်ပါတယ်။

✨ နေထိုင်မှုပုံစံကို စနစ်တကျ ထိန်းသိမ်းခြင်း 🌟
လူနာက အစားအသောက်နဲ့ နေထိုင်မှုကို ထိန်းမယ်ဆိုရင် ဆရာဝန်က သောက်ရမယ့် ဆေးပမာဏကို လျှော့ချပေးလာမှာ ဖြစ်ပါတယ်။ ဆေးသောက်နည်းပြီး ဆီးချိုထိန်းနိုင်တာက ခန္ဓာကိုယ်အတွက် အကောင်းဆုံးပဲ ဖြစ်ပါတယ်။

Crd : Dr. Wint Htal Nyan Soe

#ဆီးချိုရောဂါ

Mediland Hospital Dawei

19/05/2026

16/05/2026

15/05/2026

15/05/2026

14/05/2026

13/05/2026

11/05/2026

07/05/2026

01/05/2026

29/04/2026

29/04/2026

Address

Telephone

Website

Alerts

Contact The Practice

Shortcuts

Share

Category