Care and Counseling project, MIT

Home
Myanmar
Insein
Care and Counseling project, MIT

စိတ်ပိုင်းဆိုင်ရာ ကူညီထောက်ပံ့မှု Dr. Khin Kyu Kyu, the Chaplain and professor at Myanmar Institute of Theology, with the support of Rev.

Care and Counseling Project - ဂရုပြုနှစ်သိမ့်ဆွေးနွေးခြင်းဆိုင်ရာ စီမံကိန်း သည် Myanmar Institute of Theology - မြန်မာနိုင်ငံဓမ္မတက္ကသိုလ် ကျောင်းတော်ကြီး၏ လက်အောက်တွင် စိတ်ပိုင်းဆိုင်ရာ ကူညီထောက်ပံ့မှုများ၊ စိတ်ပိုင်းဆိုင်ရာ ကျန်းမာရေး အသိပညာပေးခြင်းသင်တန်းများကို အခမဲ့ ကြိုးစားလုပ်ဆောင်နေသော စီမံကိန်းတစ်ခု ဖြစ်ပါသည်။

History fo Charis Care and Counseling Center

The Charis Care and Counseling C

enter is originally brought up from the passion and empathy of the project Director Rev. Dr. Ursula Hecker, the retired hospital Chaplain from Germany. The project was born from the seed of the Chaplaincy seminars from 2010 to 2020. The Care and Counseling Project, MIT has been serving seminaries, conventions, churches, and communities by providing individuals and needy families with compassionate and comprehensive mental healthcare services, since 2018. On February 28, 2024, the project was announced to be an official center of the Myanmar Institute of Theology with the uphold valuable blessings of the Myanmar Baptist Convention (MBC) and named Charis Care and Counseling Center, MIT. Charis Care and Counseling Center aims to help and support Myanmar people with Mental Health care awareness, encouraging them to access mental health services and helping them restore their hope from helpless situations as well as providing training in psychological concerns based on current demand and situation.

18/05/2026

အပြစ်တင်ခြင်း၏ အလွန်...

အပြစ်တင်ခြင်း (Blame) ဆိုတာ လူတိုင်း ကြုံတွေ့ရတတ်တဲ့ အရာတစ်ခုဖြစ်ပါတယ်။ တစ်ခါတစ်ရံ ကိုယ့်ကိုယ်ကို အပြစ်တင်တတ်သလို၊ တစ်ခါတစ်ရံမှာတော့ အခြားသူ (သို့) အခြေအနေတွေကို အပြစ်တင်နေမိတတ်ကြပါတယ်။ စိတ်ပညာအရ အချို့သော အပြစ်တင်ခြင်းတွေဟာ “အမှား” တစ်ခုတည်းကိုသာ ဦးတည်ဖော်ပြနေခြင်းမဟုတ်ဘဲ ပိုမိုနက်ရှိုင်းတဲ့ စိတ်ပိုင်းဆိုင်ရာ ဖြစ်စဉ်များနှင့် ဆက်စပ်နေတတ်ပါတယ်။

Psychological Flexibility ရှုထောင့်ကနေ ကြည့်မယ်ဆိုရင် “Blame” ဆိုတာ ခက်ခဲတဲ့ အတွင်းခံစားချက်တွေကို ရှောင်ရှားခြင်း (Experiential Avoidance) သို့မဟုတ် ကိုယ့်အတွေးများနှင့် အလွန်အကျွံ တစ်ထပ်တည်းဖြစ်သွားခြင်း (Cognitive Fusion) ကို ဖော်ပြနေခြင်းလို့လည်း ဆိုနိုင်ပါတယ်။

တချို့သော ပတ်ဝန်းကျင်တွေမှာ ခံစားချက်တွေကို တိုက်ရိုက်ဖော်ပြဖို့ မလုံခြုံဘူးလို့ခံစားရတဲ့အခါ အပြစ်တင်ခြင်းဟာ နာကျင်မှုကို ဖော်ပြတဲ့ နည်းလမ်းတစ်ခု ဖြစ်လာတတ်ပါတယ်။ အထူးသဖြင့် လူမှုဆက်ဆံရေးကို အရေးထားတဲ့ community culture တွေမှာ “အမှား”ကို တိုက်ရိုက်ဝန်ခံလိုက်တာထက် “သူကြောင့်...” လို့ အပြစ်တင်လိုက်ဖို့က ပိုလွယ်ကူနေတတ်ပါတယ်။

အပြစ်တင်ခြင်းရဲ့ အခြေခံကတော့ မိမိကိုယ်ကို ကာကွယ်လိုစိတ် ဖြစ်ပါတယ်။ လေ့လာတွေ့ရှိချက်များအရ ခံစားချက်တွေ အလွန်ပြင်းထန်လာပြီး မခံနိုင်တဲ့အခါ ကျွန်တော်တို့ရဲ့ survival အတွက် မသိစိတ်က မိမိကိုယ်ကိုကာကွယ်တဲ့ နည်းလမ်းဖြစ်တဲ့ Defense Mechanism တွေကို ထွက်ပေါ်လာစေတာ ဖြစ်တယ်လို့ နားလည်လို့ရပါတယ်။

မိမိကိုယ်ကို ကာကွယ်တဲ့ နည်းလမ်းများကတော့ -
လွှဲချခြင်း (Projection)
လူတစ်ယောက်ဟာ ကိုယ်တိုင် လက်မခံချင်တဲ့ ခံစားချက်များ၊ စိတ်ဖိစီးမှုများ သို့မဟုတ် စိတ်တွန်းအားများကို အခြားသူတစ်ယောက်အပေါ် ပုံချတတ်ပါတယ်။ ဒီလို “Projection” လုပ်ခြင်းက အတွင်းမှာရှိနေတဲ့ ခက်ခဲတဲ့ စိတ်ခံစားချက်တွေကို မသိစိတ်က ရှောင်ရှားနိုင်ဖို့ ကူညီပေးတာ ဖြစ်ပါတယ်။
ဥပမာ - ရုံးမှာ အဆင်မပြေမှု ကြုံခဲ့ရပြီး အိမ်ပြန်ရောက်တဲ့အခါ အိမ်ကသူတစ်ယောက်ရဲ့ အသေးအဖွဲ အပြုအမူတစ်ခုအပေါ် ဒေါသတွေ ပုံချအပြစ်တင်ခြင်းဖြင့် စိတ်ထွက်ပေါက်ရှာမိတာမျိုးပေါ့။
တစ်ခါတစ်ရံ အမှားတစ်ခုကို ကိုယ်တိုင် တာဝန်ယူဖြေရှင်းခြင်းထက် အခြားသူတစ်ယောက်ကို အပြစ်ပုံချလိုက်ခြင်းက ပိုလွယ်ကူတယ်လို့ ခံစားရနိုင်ပါသည်။ ဒီလိုလုပ်ခြင်းဟာ ပြဿနာကို အမှန်တကယ် ဖြေရှင်းခြင်း မဟုတ်ဘဲ ရှောင်လွှဲလိုက်ခြင်းသာ ဖြစ်ပါတယ်။ တစ်ချိန်တည်းမှာပဲ ကိုယ့်ရဲ့ ပြဿနာဖြေရှင်းနိုင်စွမ်း၊ ပြောင်းလဲနိုင်စွမ်းနှင့် လုပ်ဆောင်နိုင်စွမ်းတွေကိုလည်း လျော့ကျသွားစေပါတယ်။

ခံစားချက်ထိန်းညှိနိုင်မှု အားနည်းခြင်း (Emotional Regulation)
ခံစားချက်တွေကို ကောင်းစွာ မထိန်းညှိနိုင်တဲ့အခါ လူတွေဟာ မိမိရဲ့ ဒေါသ၊ အရှက်ကွဲမှု၊ ဝမ်းနည်းမှု၊ နာကျင်မှု သို့မဟုတ် မလုံခြုံမှုကဲ့သို့သော ခံစားချက်တွေကို ဖုံးကွယ်လိုစိတ်နဲ့ အခြားသူတွေအပေါ် အပြစ်တင်ပုံချ တတ်ကြပါတယ်။ မြန်မာစကားမှာ “ရှက်ရမ်း ရမ်းတယ်” ဆိုတဲ့ စကားလုံးက ဒီအခြေအနေအတွက် အတော်လေး ဆင်တူတယ်လို့ ပြောလို့ရပါတယ်။

ခဏတာ စိတ်သက်သာမှု (Short-term Relief)
မိမိတာဝန်ယူရမယ့်အရာကို တစ်စုံတစ်ယောက်အပေါ် အပြစ်ပုံချလိုက်တဲ့အခါ ခဏတာ စိတ်သက်သာမှုရရှိသလို ခံစားရနိုင်ပေမဲ့ ပြဿနာရဲ့ အရင်းအမြစ်ဖြစ်တဲ့ မသေချာမရေရာဖြစ်ခြင်း၊ အပြစ်ရှိသလိုခံစားရခြင်း၊ မလုံခြုံသလိုခံစားရခြင်းတွေကို ဆက်ပြီး ခံစားရနိုင်ပါတယ်။ အပြစ်တင်ခြင်းဟာ စစ်မှန်တဲ့ ပြဿနာဖြေရှင်းနည်း မဟုတ်ဘဲ နာကျင်မှုကို ခဏတာ ရှောင်လွှဲခြင်းသာ ဖြစ်ပါတယ်။ ကိုယ့်ရဲ့ အားနည်းချက်တွေကို ကိုယ်တိုင် ရင်ဆိုင်ဖြေရှင်းလိုက်ခြင်းကသာ စစ်မှန်တဲ့ ပြောင်းလဲမှု ဖြစ်လာနိုင်မှာ ဖြစ်ပါတယ်။

အပြစ်တင်တတ်သည့်အကျင့်ကို ကိုင်တွယ်နိုင်မည့်နည်းလမ်းများ -
Mindfulness ကို လေ့ကျင့်ပါ
အပြစ်တင်ခြင်းဟာ အလိုအလျောက်တုံ့ပြန်မှု (Automatic Response) တစ်ခု ဖြစ်နိုင်ပါတယ်။ အပြစ်တင်တဲ့ အတွေးတွေ ဝင်လာတဲ့နောက်မှာတော့ အနုတ်လက္ခဏာ ခံစားချက်တွေကလည်း ဆက်တိုက် ပေါ်လာတတ်ပါတယ်။ ဒီအရာအတွက် လက်ရှိအချိန်မှာ ကိုယ်ဘာတွေပြောနေလဲ၊ ဘာခံစားနေလဲ၊ ဘယ်လိုပြုမူနေမိလဲ ဆိုတာကို သတိပြုကြည့်ပါ။ ဒီလိုဆိုရင် အပြစ်တင်တတ်တဲ့ အပြုအမူကို ဖြည်းဖြည်းလျှော့ချလာနိုင်မှာ ဖြစ်ပါတယ်။

အကူအညီမဖြစ်သော တွေးခေါ်မှုပုံစံများအပေါ် အားပြုခြင်းကိုရပ်တန့်လိုက်ပါ (Stop Reinforcing Your Unhelpful Thinking Patterns)
ကျွန်တော်တို့ တစ်စုံတစ်ခု ဖြစ်ပျက်ပြီးတဲ့ အခါတိုင်းမှာ မိမိကိုယ်ကို (သို့) တစ်ဖက်သူရဲ့ အပြစ်တွေကို အခြားသူတွေကို ထပ်ခါထပ်ခါ ပြောပြနေမိ တတ်ကြပါတယ်။ ဒီလို ထပ်ခါထပ်ခါ ပြောဆိုခြင်းက ကိုယ့်ရဲ့ အဆိုးမြင်ခံစားချက်တွေကို အားဖြည့်ပေးနေသလို ဖြစ်ပြီး အတွင်းစိတ်ထဲမှာ ပိုမိုနက်ရှိုင်း ခိုင်မာစွာ အမြစ်တွယ်စေနိုင်ပါတယ်။
ဒါကြောင့် နောက်တစ်ကြိမ် မိမိကိုယ်ကို သတိထားကြည့်ပါ။ မိမိကိုယ်ကို (သို့) လူတစ်ယောက်ကို အပြစ်တင်မိတဲ့အခါ အဲဒီအကြောင်းကို ထပ်ခါထပ်ခါ မပြောမိအောင် သတိထားကြည့်ပါ။ နောက်ပြီးတော့ ကိုယ့်ရဲ့ စိတ်အခြေအနေ ဘယ်လိုပြောင်းလဲသွားလဲဆိုတာကိုလည်း သတိပြုလေ့လာကြည့်ပါ။

အမှားများကို ရှုမြင်တဲ့ပုံစံ ပြောင်းလဲပါ (Change your perspective)
အမှားတွေကို “အရှုံး” လို့ မမြင်ဘဲ ကိုယ့်ရဲ့ တိုးတက်မှုအတွက် အခွင့်အရေးတစ်ခုအဖြစ် ရှုမြင်နိုင်ဖို့ ကြိုးစားကြည့်ပါ။ အမှားတွေကို လက်ခံအသိအမှတ်ပြုနိုင်ခြင်းကနေ သင်ယူနိုင်စွမ်း ပိုကောင်းလာပြီး ကိုယ့်ဘဝကို ပိုမိုထိန်းချုပ်နိုင်တဲ့ ( In my control) ခံစားချက်လည်း ရရှိလာနိုင်မှာဖြစ်ပါတယ်။

တစ်ဖက်သူရဲ့ အမြင်နဲ့ ကြည့်ပါ
“သူ့နေရာမှာ ငါသာဆိုရင်... ” ဆိုပြီး ကိုယ့်ကိုယ်ကို အစားထိုးကြည့်ပါ။
ကျွန်တော်တို့ဟာ အခြားသူတစ်ယောက်ကို အပြစ်တင်တဲ့အခါ သူ့ရဲ့ အပြုအမူကို သူ့ပင်ကိုယ်စရိုက်ပဲလို့ တိုက်ရိုက် ကောက်ချက်ချတတ်ကြပါတယ်။ ဥပမာ- “သူက လူပျင်းဆိုတော့ ...” သို့မဟုတ် “သူမှာ အချိန်ကိုစီမံခန့်ခွဲနိုင်စွမ်း မရှိလို့ ဒီလိုဖြစ်တာလေ” ဆိုတာမျိုး ဖြစ်ပါတယ်။ စိတ်ပညာမှာ ဒီလိုဖြစ်စဉ်ကို Fundamental Attribution Error လို့ ခေါ်ပါတယ်။ မိမိကိုယ်ကို (သို့) တစ်ဖက်သူအပေါ် ကိုယ်ချင်းစာစိတ်လေးထားပြီး နားလည်ဖို့ ကြိုးစားနိုင်မယ်ဆိုရင် အပြစ်တင်တဲ့ အကျင့်ကို လျှော့ချဖို့ အထောက်အကူ ဖြစ်နိုင်ပါတယ်။

သင်ထိန်းချုပ်နိုင်သော အရာများအပေါ် အာရုံစိုက်ပါ (Focus on What You Can Control)
မိတ်ဆွေအနေနဲ့ အခြေအနေနဲ့ လူတွေကို အပြစ်တင်ခြင်းကြောင့် ဖြစ်လာတဲ့ မသက်မသာ စိတ်အခြေအနေထဲမှာ ပိတ်မိနေခြင်းထက် ကိုယ်တိုင် လုပ်ဆောင်နိုင်တဲ့ အရာတွေကို ပိုမိုအာရုံစိုက်ဖို့ ရွေးချယ်နိုင်ပါတယ်။
ဥပမာ - ရုံးချိန် ကားတွေပိတ်တတ်တာကြောင့် နောက်ကျနိုင်ခြေ ရှိမယ်ဆိုရင် အိမ်ကနေ ပိုစောစောထွက်ဖို့ ပြင်ဆင်နိုင်ပါတယ်။
အခြားသူတွေကို အပြစ်တင်နေမယ့်အစား အခြေအနေထဲမှာ ကိုယ်ပါဝင်နေတဲ့ အပိုင်းကို ပြန်လည်သုံးသပ်ပြီး နောက်တစ်ကြိမ်မှာ ပိုကောင်းအောင် ကိုင်တွယ်နိုင်ဖို့ သင်ယူနိုင်ပါတယ်။

နိဂုံး
တစ်ခါတစ်ရံ အပြစ်တင်ခြင်းရဲ့ အောက်မှာ “နားလည်ပေးစေလိုခြင်း”၊ “ထိခိုက်နာကျင်မှာကို စိုးရိမ်ခြင်း” သို့မဟုတ် “လုံခြုံမှု” ဆိုတဲ့ လူသားဆန်တဲ့ လိုအပ်ချက်တွေ ရှိနေတတ်ပါတယ်။ ကိုယ့်ရဲ့ နာကျင်မှုကို သတိပြုမိလာတဲ့အခါ အပြစ်တင်ခြင်းထက် ပိုကျန်းမာပြီး တန်ဖိုးရှိတဲ့ တုံ့ပြန်မှုတွေကို ရွေးချယ်လာနိုင်ဖို့ မျှော်လင့်ပါတယ်။
Psychological Flexibility ဆိုတာ ခက်ခဲတဲ့ ခံစားချက်တွေ မရှိတော့တာမျိုးမဟုတ်ဘဲ၊ အဲဒီခံစားချက်တွေနဲ့အတူ ရှင်သန်နိုင်ပြီး ကိုယ့်တန်ဖိုးနဲ့ ကိုက်ညီတဲ့ လုပ်ဆောင်မှုတွေကို ဆက်လက်ရွေးချယ်နိုင်ခြင်း ဖြစ်ပါတယ်။

“ငါ့ကြောင့်” ... “သူကြောင့်...” လို့ လက်ညှိုးထိုးနေမယ့်အစား “ဒီအခြေအနေထဲမှာ ငါ...ဘယ်အပိုင်းကို ပိုကောင်းအောင် လုပ်နိုင်မလဲ” ဆိုတဲ့ တာဝန်ယူစိတ်နဲ့ ပြန်ကြည့်နိုင်မယ်ဆိုရင် နောက်တစ်ကြိမ်မှာ ပိုမိုကောင်းမွန်စွာ ကိုင်တွယ်နိုင်ဖို့ သင်ယူလာနိုင်စေမှာဖြစ်ပါတယ်။

References:
https://www.therapynowsf.com/blog/blaming-one-of-the-most-common-cognitive-distortions
https://privatetherapy.com/blog/blame-and-responsibility/
https://doi.org/10.1016/j.paid.2022.111721Get rights and content
https://www.thepositivepsychologypeople.com/nothings-changing-because-youre-still-blaming/
Why Some People Will Always Blame Others | Psychology Today

Telegram Channel: https://t.me/chariscareandcounselingcenter
Viber Channel: https://invite.viber.com/...
YouTube Channel: www.youtube.com/

13/05/2026

Vacancy Announcement!
📣📣📣📣📣📣📣📣📣
အားလုံးကို မင်္ဂလာပါလို့ Charis Care and Counseling Center, MIT မှ နွေးထွေးစွာ နှုတ်ခွန်းဆက်လိုက်ပါတယ်။ 🙏

ယနေ့ Charis Center နှင့်အတူ Care and Counseling အမှုတော်လုပ်ငန်းတွင် ပါဝင်လက်တွဲကာ တာဝန်ထမ်းဆောင်မည့် အောက်ဖော်ပြပါ ရာထူးအတွက် ခေါ်ယူလျက်ရှိပါသည်။ စိတ်ပါဝင်စားသူများအနေဖြင့် သတ်မှတ်ထားသော အချက်အလက်များနှင့်အတူ လျှောက်ထားနိုင်ပါကြောင်း သတင်းကောင်း ပါးလိုက်ရပါသည်။

ခေါ်ယူမည့်ရာထူး
————————
Program Coordinator- (1) post
Job Description:
https://drive.google.com/file/d/1ABczfJLCripkcruPKsK9NqXDQKjM7l9e/view?usp=share_link

စိတ်ပါဝင်စားသူများ ဖော်ပြပါ google form
https://docs.google.com/forms/d/e/1FAIpQLSeUGDMpU2-r3g4-l8PZxTuelqTICqBxULOf1f8eaxss4voacg/viewform?usp=publish-editor အား ပြည့်စုံစွာဖြည့်ပြီး
✉️ Curriculum Vitae (CV)
✉️ Cover Letter
✉️ Recommendation
✉️Passport Photo များကို ပူးတွဲ (attach at google form) ပေးပို့လျှောက်ထားနိုင်ပါသည်။

*** Application Deadline: 22 May 2026***

Telegram Channel: https://t.me/chariscareandcounselingcenter
Viber Channel: https://invite.viber.com/...
YouTube Channel: www.youtube.com/

08/05/2026

🌿 Psychological Flexibility ဆိုတာဘာလဲ? ဘာကြောင့်အရေးကြီးတာလဲ?

နေ့စဉ်ဘဝမှာ ကျွန်တော်တို့ဟာ စိတ်ဖိစီးမှုတွေ၊ မသေချာမရေရာမှုတွေ၊ ပူပင်စရာတွေ၊ စိတ်ခံစားချက် အတက်အကျအပြင် အပြောင်းအလဲဆိုတာတွေနဲ့လဲ ကြုံတွေ့ရမြဲဖြစ်ပါတယ်။ တခါတရံမှာ ကျွန်တော်တို့ စိတ်ပင်ပန်းစရာတွေ၊ စိတ်ပူပင်စရာတွေကြား ရုံးမထွက်နိုင်ဘဲ မွန်းကြပ်ပြီး တစ်နေရာထဲမှာဘဲ ပိတ်မိနေသလို ခံစားရတတ်ပါတယ်။

“ဒီအခြေအနေကို ရောက်နေမယ်ဆိုရင် မိတ်ဆွေဘယ်လို ကိုင်တွယ်မလဲ...."

လူအတော်များများက ဒီလို ခံစားလာရတဲ့အခါ ခံစားချက်တွေကို “ဖယ်ထုတ်ပစ်လိုက်ရင် (သို့) မေ့ပစ်လိုက်ရင် (သို့) ရှောင်လိုက်မယ်ဆိုရင်” အဆင်ပြေသွားမယ်လို့ ထင်တတ်ကြပါတယ်။ တကယ်တော့ အရေးကြီးတာက အဲဒီခံစားချက်တွေနဲ့အတူ ဘယ်လို ရှင်သန်နေထိုင် သွားရမလဲဆိုတာ ဖြစ်ပါတယ်။

ဒီအချိန်မျိုးမှာ စစ်မှန်တဲ့ မိမိရဲ့အတွင်း စိတ်ဝိညာဉ်ငြိမ်းချမ်းရေးအတွက် မှန်ကန်တဲ့ ရွေးချယ်မှုပြုနိုင်ဖို့ Psychological Flexibility (စိတ်ပိုင်းဆိုင်ရာ လိုက်လျောညီထွေမှု) ရဲ့အခန်းကဏ္ဍ က အရေးပါလာပါတယ်။

💡 Psychological Flexibility ဆိုတာကတော့ —
• လက်ရှိပစ္စုပ္ပန်ကာလကို အာရုံစိုက်နေထိုင်နိုင်ခြင်း
• ကိုယ့်ရဲ့အတွေးများနဲ့ စိတ်ခံစားချက်များရဲ့ ဝါးမြိုခြင်းကို မခံဘဲ အရှိအတိုင်း လက်ခံနိုင်ခြင်း
• အခက်အခဲရှိသော်လည်း ကိုယ်တန်ဖိုးထားတဲ့အတိုင်း ဆက်လက်လုပ်ဆောင်နိုင်ခြင်း

ဥပမာ — “ငါ စိုးရိမ်နေရတယ်၊ စိတ်ဖိစီးနေတယ်… ဒါပေမယ့်... ငါဘယ်လိုတုံ့ပြန်မလဲဆိုတာကို ငါရွေးချယ်နိုင်တယ်” ဆိုတဲ့စိတ်မျိုး ကိုဆိုလိုခြင်းဖြစ်ပါတယ်။

🌊 ဘာကြောင့်အရေးကြီးတာလဲ?
ဘဝမှာ မျှော်လင့်မထားတဲ့အရာတွေကို အချိန်မရွေးကြုံတွေ့ရနိုင်ပါတယ်။ ပြဿနာတွေကို ရှောင်လွှဲလို့မရပါဘူး။ စိတ်မသက်မသာခံစားရတဲ့ ခံစားချက်တိုင်းကို ထိန်းချုပ်ဖို့ကြိုးစားမယ်ဆိုရင်—
• စိတ်ဖိစီးမှု ပိုများလာတတ်တယ်
• တာဝန်တွေကို ရှောင်ရှားမိတတ်တယ်
• အဆိုးမြင်စိတ်တွေနဲ့ အတွေးဆိုးတွေထဲမှာ ပိတ်မိနေတတ်တယ်
ဥပမာ- ငါ စိုးရိမ်နေတယ်… ဒါကြောင့် ... ဒါကြောင့်... ငါဘာမှမလုပ်နိုင်တော့ဘူး...

ဒါပေမယ့် Psychological Flexibility ရှိလာတဲ့အခါ—
✨ စိတ်ဖိစီးမှုတွေကို ကောင်းမွန်စွာ ကိုင်တွယ်နိုင်ခြင်း
✨ ပြောင်းလဲမှုတွေကို လိုက်လျောညီထွေဖြစ်အောင် လက်ခံတတ်ခြင်း
✨ လူမှုဆက်ဆံရေးတွေ ပိုကောင်းလာအောင် စွမ်းဆောင်နိုင်ခြင်း
✨ စိတ်ကျန်းမာရေး ထိန်းသိမ်းစောင့်ရှောက် နိုင်ခြင်း တို့ကို လုပ်ဆောင်လာနိုင်မှာြဖစ်ပါတယ်။
ဥပမာ- ငါ စိုးရိမ်နေတယ်… ဒါပေမယ့် ငါလုပ်နိုင်တဲ့အရာကို အကောင်းဆုံး ကြိုးစားလုပ်မယ် 😊

ဘယ်လိုတိုးတက်အောင်လုပ်မလဲ
• မိမိ၏ အတွေးများနှင့် ခံစားချက်များကို သတိပြုပါ (Be aware of your thoughts and emotions)
• ခက်ခဲသော ခံစားချက်များကို ရှောင်မပြေးဘဲ လက်ခံပေးပါ (Accept difficult feelings without avoiding them)
• ဘက်စုံမှ ကြည့်မြင်စဉ်းစားပါ (Think from different perspectives)
• ကိုယ်ပိုင်တန်ဖိုးများကို အာရုံစိုက်ပါ (Focus on personal values)
• စိတ်ဖိစီးမှုရှိသော်လည်း အပြုသဘောဆောင်သော လုပ်ဆောင်မှုများကို ရွေးချယ်လုပ်ဆောင်ပါ (Take positive actions even during stress)
• Mindfulness နှင့် self-compassion ကို လေ့ကျင့်ပါ
• အားပေးထောက်ခံသော ဆက်ဆံရေးများကို တည်ဆောက်ပါ (Build supportive relationships)

သတိပေးချက်လေးတစ်ခု 💡
Psychological Flexibility ဆိုတာက အမြဲတမ်းသန်မာနေဖို့ ကိုဆိုလိုခြင်း မဟုတ်ပါဘူး။
Psychological Flexibility ဆိုတာ အခက်အခဲများကြားမှာပင်လျှင် ဘာတွေဖြစ်နေသလဲဆိုတာကို သိခြင်းနှင့် အရှိကို အရှိအတိုင်း လက်ခံနိုင်ပြီး အကောင်းဆုံးကို ရွေးချယ်လုပ်ဆောင်နိုင်ခြင်း ဖြစ်ပါတယ်။

💬 မေးခွန်းလေး:
ဒီနေ့ အဆင်မပြေမှုများကြား မိတ်ဆွေလုပ်နိုင်မည့် သေးငယ်တဲ့ အရာတစ်ခုက ဘာလေးဖြစ်မလဲ?

Telegram Channel: https://t.me/chariscareandcounselingcenter
Viber Channel: https://invite.viber.com/...
YouTube Channel: www.youtube.com/

#စိတ်ကျန်းမာရေး

02/05/2026

Shift Your Mindset, Change Your Story
**** **** **** **** **** **** **** ****
စိတ်ပညာလေ့လာခြင်းသမိုင်းတစ်လျှောက်တွင် လေ့လာမှုအများစုမှာ ပြဿနာများ၊ စိတ်ပိုင်းဆိုင်ရာရောဂါများနဲ့ စိတ်ရောဂါဆိုင်ရာ လက္ခဏာတွေကို အဓိကထား လေ့လာခဲ့ကြကြောင်းတွေ့ရှိရပါတယ်။ သို့သော် Martin Seligman ကတော့ ပျော်ရွှင်မှု၊ အကောင်းမြင်စိတ်၊ မျှော်လင့်ချက်ကဲ့သို့သော အပြုသဘောဆောင်တဲ့ အရာတွေကို စတင်ပြီး လေ့လာခဲ့တဲ့ “Positive Psychology ရဲ့ ဖခင်” တစ်ဦးဖြစ်ပါတယ်။

ဒီနေ့မှာတော့ Seligman ရဲ့ 3P ကို အတူလေ့လာကြမှာဖြစ်ပါတယ်။ 3P မှာပါဝင်တဲ့အချက်အလက်များအားဖြင့် အခက်အခဲတွေ ကြုံတွေ့နေရတဲ့ ကြားမှာပင်လျှင် မိမိကိုယ်တိုင် ပြန်လည်တည်ဆောက်နိုင်တဲ့ resilience (ခံနိုင်ရည်စွမ်း) အားကောင်းလာအောင် လုပ်ဆောင်နိူင်ကြောင်း သိရှိစေရန် ဖော်ပြပေးခြင်းဖြစ်ပါသည်။

လူတွေဟာ ဖန်ခွက်တစ်ခွက်ကို ကြည့်တဲ့အခါ “ရေတစ်ဝက်ရှိနေတယ်” လို့ အကောင်းမြင်စိတ်နဲ့ ကြည့်တတ်ကြပါတယ်။ ဒါပေမယ့် စိတ်ဖိစီးမှုတွေ၊ စိုးရိမ်ပူပန်မှုတွေများနေတဲ့ အချိန်မှာတော့ “တစ်ဝက်ပဲရှိနေတယ်” လို့ အနုတ်လက္ခဏာဘက်ကနေ မြင်တတ်ကြပါတယ်။ ဒီလိုအချိန်တွေမှာ မိမိကိုယ်ကို ပြန်သတိပြုမိပြီး Positive Psychology ရဲ့ အခြေခံအယူအဆတွေကို အသုံးချနိုင်ရင် ကိုယ့်ကိုယ်ကို ပြန်လည်တည်ဆောက် နိုင်လာမှာဖြစ်ပါတယ်။

3P ဆိုတာကတော့ အခက်အခဲတွေကို ရင်ဆိုင်ရတဲ့အခါမှာ အလိုအလျောက် ဖြစ်ပေါ်လာတတ်တဲ့ စိတ်ပိုင်းဆိုင်ရာတုံ့ပြန်မှု ၊ အတွေးပုံစံ (၃) မျိုးဖြစ်ပါတယ်—
🍁Personalization (အရာအားလုံးကို ကိုယ်နဲ့ဆိုင်တယ်လို့ ယူဆခြင်း)
🍁Pervasiveness (မကောင်းတဲ့အရာတစ်ခုက ဘဝတစ်ခုလုံးကို ထိခိုက်စေနိုင်တယ်လို့ မြင်ခြင်း)
🍁Permanence (ဒီအခြေအနေတစ်ခုဟာ အမြဲတမ်းတည်ရှိနေမယ်လို့ ယုံကြည်ခြင်း)
တို့ကို ဆိုလိုသည်။

Personalization (ပုဂ္ဂိုလ်ရေးသီးသန့်ယူဆချက်)
====== ====== ======
Personalization သည် cognitive distortion (အတွေးလွဲမှားမှု) တစ်မျိုးဖြစ်ပါသည်။ ဘဝမှာ ဖြစ်ပျက်လာသော အနုတ်လက္ခဏာဆောင်တဲ့ အရာအားလုံးအတွက် မိမိမှာတာဝန်ရှိတယ်၊ မိမိနဲ့သက်ဆိုင်တယ်လို့ ခံယူပြီး မိမိကိုယ်ကို အပြစ်တင်နေတာမျိုးကို ဆိုလိုခြင်းဖြစ်ပါတယ်။

အချို့အခြေအနေများအတွက် မိမိတွင်တာဝန်ရှိတာ ဖြစ်နိုင်ပေမဲ့ ဖြစ်ပျက်လာသမျှ အရာအားလုံးသည် မိမိကြောင့် မဟုတ်ဘူးဆိုတာကို နားလည်ဖို့ လိုအပ်ပါတယ်။ တာဝန်ခံ၊ တာဝန်ယူတတ်ခြင်းသည် ကောင်းတဲ့အရာတစ်ခုဖြစ်သလို အရေးကြီးသည့်အရာတစ်ခုဖြစ်ပါတယ်။

ဒါပေမဲ့ ပြဿနာတိုင်းအတွက် မိမိတစ်ဦးထဲမှ တာဝန်ရှိတယ်လို့ ယူဆမဲ့အစား ပြဿနာဖြစ်စေနိုင်တဲ့ ပြင်ပအချက်များကိုလည်း ထည့်သွင်းစဉ်းစားတတ်ဖို့ အရေးကြီးပါတယ်။ ဤကဲ့သို့ မိမိကိုယ်ကို အလွန်အကျွံ အပြစ်တင်ခြင်းက ကျွန်တော်တို့ရဲ့ ခံနိုင်ရည်စွမ်း (resilience) ကို လျော့နည်းစေနိုင်ပြီး ပြန်လည်ထူထောင်နိုင်ဖို့ ပိုမိုခက်ခဲစေတတ်ပါတယ်

Pervasiveness (မကောင်းတဲ့အရာတစ်ခုက ဘဝတစ်ခုလုံးကို ထိခိုက်စေနိုင်တယ်လို့ မြင်ခြင်း)

====== ====== ======

အချို့သောသူများက အဖြစ်အပျက်ဆိုးတစ်ခုကြုံရတဲ့အခါ “ ငါ့ဘဝတစ်လျှောက်လုံး အဆိုးတွေပဲ ဖြစ်နေတော့မယ်” ဟု ကောက်ချက်ချ ယုံကြည်တတ်ကြပါတယ်။ ဥပမာအားဖြင့် ချစ်သူ၏ သစ္စာဖောက်ခြင်းကြောင့် “သူထားခဲ့တာကြောင့်... ငါအခုမစားနိုင်၊ မသောက်နိုင် မအိပ်နိုင်ဖြစ်သွားတယ်” သို့မဟုတ် “သင်္ချာမတော်တာကြောင့် ငါမအောင်မြင်နိုင်တော့ဘူး”လို့ တစ်ထစ်ချယုံကြည် သတ်မှတ်လိုက်တာမျိုး။

Martin Seligman ရဲ့အဆိုအရ ဘဝဆိုတာ အနုတ်လက္ခဏာ တစ်ဖက်တည်းနဲ့ ဖွဲ့စည်းထားတာမဟုတ်ပါဘူး။ လူတိုင်းမှာ အပြုသဘောဆောင်တဲ့ ကောင်းတဲ့အရာတွေလည်း ရှိနေနိုင်ပါတယ်။ ဒါကြောင့်မို့ ကိုယ့်ရဲ့ အားသာချက်တွေကို သတိပြုမိဖို့နဲ့ အာရုံစိုက်တတ်ဖို့ အရေးကြီးပါတယ်။ လူတိုင်းမှာ အားနည်းချက် အားသာချက်ဆိုတာ အမြဲဒွန်တွဲနေတာဖြစ်တယ်။ ကဏ္ဍတစ်ခုမှာ ကျရှုံးတာဟာ တစ်ဘဝလုံး (သို့) ကဏ္ဍတိုင်းမှာကျရှုံးတာ မဟုတ်ပါဘူး။

သတိပြုရန် — ကဏ္ဍတစ်ခုတွင် ဖြစ်ပေါ်သော ပြဿနာတစ်ခုသည် ဘဝ၏ အခြားကဏ္ဍများအားလုံးကို မထိခိုက်နိုင်ကြောင်း နားလည်နိုင်ပါက စိတ်ဖိစီးမှုများကြားတွင်ပင် စိတ်ချမ်းသာမှုနှင့် အလုံးစုံကျန်းမာရေးကို ကောင်းစွာ ထိန်းသိမ်းနိုင်မည် ဖြစ်သည်။

Permanence (အမြဲတမ်းဖြစ်နေမည်ဟု ယုံကြည်ခြင်း)

====== ====== ======

လူတိုင်းဘဝမှာ အခက်အခဲပြဿနာတွေ မကြာခဏ ကြုံတွေရတတ်ပေမဲ့ အဲ့ဒီအရာတွေဟာ ကျွန်ပ်တို့ဘဝထဲတွင် အမြဲတည်တံ့နေမှာတော့ မဟုတ်ပါ။ လူ့သဘာဝ အောင်မြင်မှုကျရှုံးမှု (သို့) အတက်အကျဆိုတာတွေဟာ အလှည့်ကျဖြစ်ပေါ်နေတတ်တဲ့ သဘာသဘာဝ ရှိပါတယ်။

တစ်ခါတစ်လေ “ပြဿနာတွေက ဘယ်တော့မှ မပြီးဆုံးနိုင်တော့ဘူး” (သို့) “ ငါတစ်သက်လုံး ဒီခံစားချက်ကြီး ခံစားနေရတယ် ဘယ်တော့မှ ပျောက်တော့မှာမဟုတ်ဘူး” ဟု ခံစားရနိုင်ပါတယ်။ အမှန်တကယ်ကတော့ ပြဿနာဆိုသည်မှာ အချိန်တန်ရင် ပြီးသွားမှာဖြစ်ပါတယ်။ ထို့ကြောင့် အခက်အခဲများမှ ပြန်လည်နလန်ထူနိုင်ရန် အချိန်လိုအပ်ကြောင်း လက်ခံနားလည်ဖို့ လိုအပ်ပါတယ်။

Resilience အားကောင်းသူတွေကတော့ ကောင်းခြင်း၊ ဆိုခြင်းဆိုတာတွေဟာ ဘာတစ်ခုကမှ မမြဲဘူးဆိုတာကို နားလည်လက်ခံကြတယ်။ သူတို့တွေကတော့ ဘဝရဲ့ အခက်အခဲတွေကြားမှာ ကြိုးစားရပ်တည်ကြသလို မျှော်လင့်ချက်အသစ်တွေနဲ့ ရှင်သန်ကြတယ်။ ဒါ့အပြင် စိန်ခေါ်မှုတွေထဲမှာ သင်ယူတတ်ကြသလို၊ အောင်မြင်မှုများကို ပြန်လည်အောင့်မေ့ သတိရပြီး ကိုယ့်ကိုယ်ကို အားပေးတတ်ကြတယ်။

နိဂုံးချုပ်အနေနဲ့ မိတ်ဆွေက 3P ရဲ့ သဘောတရားကို နားလည်ပြီးဆိုရင်တော့ ဘဝရဲ့ စိန်ခေါ်မှုတွေကို အကောင်းမြင်စိတ်နဲ့ ရင်ဆိုင်နိုင်ဖို့ အထောက်အကူပြုလိမ့်မယ်လို့ ယုံကြည်ပါတယ်။ Martin Seligman က “သင့်မှာရှိနေတဲ့ အရည်အချင်းများနှင့် ကျရှုံးမှုများကြား ဆက်လက်ကြိုးစားနိုင်သော စွမ်းရည်တို့၏ ပေါင်းစပ်မှုသည် အောင်မြင်မှုသို့ ဦးတည်စေသည်” ပြောပါသည်။

ဒီ 3P တွေက ကိုယ့်ကို ထိန်းချုပ်ခွင့် မပေးပါနဲ့။ စိတ်ဖိစီးမှုနဲ့ စိန်ခေါ်မှုတွေရှိလာတဲ့အခါ ကိုယ့်အထဲမှာရှိနေတဲ့ ကောင်းမွန်တဲ့ ကိုယ်ရည်ကိုယ်သွေးတွေ (character strengths) ကို အားသာချက်အနေနဲ့ လက်တွေ့ ပြောင်းလဲအသုံးချနိုင်ပါစေ။

Reference:
https://diversityaustralia.com.au/martin-seligmans-framework-for-resilience-the-3-ps-a-framework-for-resilience/
https://xaviroca.com/en/the-three-ps-of-optimism/
https://psychologyforgrowth.com/2022/08/14/5695/
https://leonadevinne.com/resilience/how-resilient-are-you/

Telegram Channel: https://t.me/chariscareandcounselingcenter
Viber Channel: https://invite.viber.com/...
YouTube Channel: www.youtube.com/

11/04/2026

ရုံးပိတ်ရက်အသိပေးကြေညာခြင်း
------------------------

ဧပြီလ ( ၁၁ )ရက်နေ့ ၂၀၂၆ မှ ဧပြီလ ( ၂၆ )ရက်နေ့ ၂၀၂၆ သည် Charis Care and Counseling Center ၏ ရုံးပိတ်ရက်များ ဖြစ်ပါသည်။ ကျွန်တော်/ ကျွန်မတို့ Center ၏ ဝန်ဆောင်မှုများအားလုံးကို ဧပြီလ ( ၂၇ )ရက်နေ့ ၂၀၂၆ တွင် ပြန်လည်ဝန်ဆောင်မှုပေးသွားမည် ဖြစ်ပါကြောင်း အသိပေးကြေညာအပ်ပါသည်။

ငြိမ်းချမ်းမှုအပေါင်းနှင့် ပြည့်စုံသော နှစ်သစ်မင်္ဂလာဖြစ်ပါစေကြောင်း Charis Care and Counseling Center မှ ဆုမွန်ကောင်းတောင်းလိုက်ပါတယ်။🙏🙏🙏

Telegram Channel: https://t.me/chariscareandcounselingcenter
Viber Channel: https://invite.viber.com/...
YouTube Channel: www.youtube.com/

07/04/2026

🥳🎉BCCT Batch-5, Module-1🥳🎉

နံပါတ် (၅) ကို ကိုကိုယ်စားပြုသည့် Grace , BCCT Batch-5 ၏ Module-1 အတန်းအား အောင်မြင်စွာ ပြုလုပ်နိုင်ခဲ့ပါကြောင်း ဝမ်းမြောက်စွာဖြင့် ဖော်ပြအပ်ပါသည်။

ရက် (၂၀) တိတိ မပျက်မကွက် တက်ရောက်ခဲ့ကြသော သင်တန်းသား/သူတစ်ဦးချင်းစီ၏ စိတ်အားထက်သန်မှုနှင့် ကြိုးစားအားထုတ်မှုများကို အထူးဂုဏ်ပြုလိုပါသည်။ 🥳🥳🥳
🙏ထို့အပြင် မေတ္တာနှင့်တကွ သင်ကြားပို့ချပေးခဲ့ကြသည့် လေးစားရပါသော ဆရာ/မများ ဖြစ်ကြသည့် Rev. Dr. Khin Kyu Kyu, Rev. Dr. Van Bik, Rev. Dr. Hay Tar Mu, Sayama Christina Moe, Dr. Saw Lin Htet, Dr. Ei Nitar Htwe, Dr. Cherish Pui, Dr. May Zaw Naing, Saya Aung Min Thein, Sayama Hlaing Yadana Soe, Sayama Elizabeth Ei Hnin Phy, Sayama Aye Thiri Myint, Dr. Shwe Mee, Dr. Nang Latt, Rev. Tun Tun Aye, Sayama Naw Moo Kho Paw နှင့် နောက်ကွယ်မှ အားပေးကူညီပေးခဲ့ကြသော အယောက်စီတိုင်းကိုလည်း အထူးကျေးဇူးတင်ရှိပါကြောင်း Charis Care and Counselling Center မှ ဂုဏ်ယူစွာ မှတ်တမ်းတင်ဖော်ပြအပ်ပါသည်။
🙏🙏🙏🙏🙏🙏

Telegram Channel: https://t.me/chariscareandcounselingcenter
Viber Channel: https://invite.viber.com/...
YouTube Channel: www.youtube.com/

06/04/2026

Differentiation of Self (မိမိကိုယ်ကို ပိုင်းခြားသိမြင်ခြင်း)

————-————-————-————-�
ဒီအပတ်မှာတော့ Murray Bowen ၏ Family Systems Theory အချက် (၈)ချက်ရှိတဲ့အထဲက တစ်ချက်ဖြစ်တဲ့ Differentiation of Self (မိမိကိုယ်ကို ပိုင်းခြားသိမြင်ခြင်း) အကြောင်း အကျဉ်းလေးကို မျှဝေပေးသွားမှာ ဖြစ်ပါတယ်။

လူတိုင်းက မိသားစု (သို့မဟုတ်) လူမှုအတိုင်းအဝိုင်းအတွင်းမှာ ကြီးပြင်းလာကြတာဖြစ်ပြီး၊ မိသားစုနဲ့ ပတ်ဝန်းကျင်က ကျွန်တော်/မတို့ရဲ့ အတွေးအမြင်၊ စိတ်ခံစားချက်နှင့် အပြုအမူတွေအပေါ် များစွာ လွှမ်းမိုးမှု ရှိပါတယ်။

မိသားစုဆိုတာ လူတစ်ယောက် ပထမဦးဆုံး ထိတွေ့ဆက်ဆံရတဲ့ လူမှုအသိုင်းအဝိုင်းတစ်ခု ဖြစ်သလို၊ Bowen အဆိုအရ emotional unit (စိတ်ခံစားမှုအစုအဖွဲ့) တစ်ခုဖြစ်ပါတယ်။ ဒါကြောင့် မိသားစုဝင်တစ်ဦး ထိခိုက်နာကျင်တဲ့အခါတိုင်းမှာ အခြားမိသားစုဝင်တွေလည်း ထပ်တူခံစားကြရတာဖြစ်ပါတယ်။
ဒါပေမဲ့ ဒီလို ထပ်တူခံစားမှု များလွန်းလာတဲ့အခါ (သို့မဟုတ်) စိတ်ခံစားချက်များကို အလွန်အကျွံ မျှဝေလွန်းလာတဲ့အခါမှာတော့ တစ်ဦးချင်းရဲ့ မိမိကိုယ်ပိုင်အတွေးအမြင်နှင့် ဆုံးဖြတ်ချက်ချနိုင်စွမ်းကို အနှောင့်အယှက် ဖြစ်စေနိုင်ပါတယ်။ ဒီလိုအခြေအနေကို fusion (ခံစားချက်များ ရောနှောပေါင်းစည်းနေခြင်း) ဖြစ်တယ်လို့ ခေါ်ပါတယ်။

ဥပမာ...
“အမေ မကြိုက်လို့”, “အဖေ သဘောမကျလို့” ဆိုပြီး မိမိလုပ်သင့်တဲ့ အရာတွေကို မလုပ်နိုင်တာမျိုး၊ ကိုယ်ပိုင်ရည်မှန်းထားတဲ့အရာတွေ မအောင်မြင်နိုင်တာမျိုးတွေကို တွေ့ရတတ်ပါတယ်။
ဒီလိုပုံစံတွေနဲ့ အပြင်လောကကို ရောက်လာပြီး မတူညီတဲ့လူအဖွဲ့အစည်း (သို့) လုပ်ငန်းခွင်တွေ ဝင်တဲ့အခါ self-esteem, confidence, decision-making နှင့် leadership ပိုင်းတွေမှာ အားနည်းနေတာမျိုး ကြုံရတတ်ပါတယ်။

Differentiation of Self ဆိုတာ... လူတစ်ဦးတစ်ယောက်အနေနှင့် မိမိ၏ စိတ်ခံစားချက်များနှင့် အတွေးအမြင်များကို မိသားစု သို့မဟုတ် လူမှုဝန်းကျင်ရဲ့ လွှမ်းမိုးမှုအောက်မှာ မိမိကိုယ်ကို ခွဲခြားသိမြင်နိုင်တဲ့ စွမ်းရည်ကို ဆိုလိုတာဖြစ်ပါတယ်။ ဒီလို ခွဲခြားသိမြင်နိုင်ဖို့ဆိုရင် မိမိရဲ့ဖြစ်တည်ခြင်းနဲ့ တန်ဖိုးထားမှုတွေကို ရှင်းလင်းစွာ သိမြင်တတ်ဖို့ အရေးကြီးပါတယ်။
တနည်းအားဖြင့် နီးစပ်မှု (intimacy) နှင့် ကိုယ်ပိုင်လွတ်လပ်မှု (independence) အကြား သဟဇာတဖြစ်အောင် နေထိုင်တတ်ခြင်းကို ဆိုလိုခြင်းဖြစ်ပါတယ်။ ဒီလို မိမိရဲ့ ကိုယ်ပိုင်စိတ်ခံစားမှုနဲ့ အတွေးအမြင်တွေကို ခွဲခြားစဉ်းစားနိုင်တာ၊ ရပ်တည်နေနိုင်တာဟာ စိတ်ပိုင်းဆိုင်ရာ ရင့်ကျက်မှုကိုဖော်ပြတဲ့ လက္ခဏာတစ်ခုဖြစ်ပါတယ်။

⚠️ ဒါပေမဲ့ Differentiation of Self လို့ဆိုလိုက်ရင် မိဘနဲ့ ပတ်ဝန်းကျင်ကို ဆန့်ကျင်ပြီး ကိုယ်လုပ်ချင်တာကိုယ်လုပ်ဖို့ အားပေးနေတာမျိုး မဟုတ်ပါဘူး။ ကိုယ့်ရဲ့ အတွေး၊ အမြင်နှင့် တန်ဖိုးများကို သိပြီး တာဝန်ယူနိုင်ခြင်းကို ဆိုလိုတာဖြစ်ပါတယ်။

✨ Differentiation မြင့်တဲ့သူတွေ
* စိတ်ဖိစီးမှုတွေကြားမှာ တည်တည်ငြိမ်ငြိမ်နဲ့ တုံ့ပြန်နိုင်သူ
* ကိုယ့်ယုံကြည်ချက်တွေကို အခြားသူတွေရဲ့ လွှမ်းမိုးမှုမပါပဲ ဖော်ပြပြောဆိုနိုင်သူဖြစ်ပါတယ်
* မိသားစုအတိုင်းအဝိုင်းနဲ့ ပါဝင်ပတ်သက်နေပေမဲ့ ကိုယ်ပိုင်အမြင်နဲ့ ရပ်တည်ချက်ကို ထိန်းသိမ်းနိုင်သူ

⚠️ Differentiation နည်းတဲ့သူတွေ
* အခြားသူတွေရဲ့ စိတ်ခံစားချက်တွေကြောင့် လွယ်လင့်တကူ တုန်လှုပ်သွားတတ်သူ
* အခြားသူများရဲ့ Approval ကို အမြဲ လိုအပ်သူ/ ရှာဖွေတတ်သူ
* လူမှုဆက်ဆံရေးနယ်ပယ်တွေထဲမှာ ကိုယ့်ရပ်တည်ချက်နဲ့ identity ပျောက်ဆုံးသွားတတ်သူ

Differentiation of Self မြှင့်တင်နိုင်မည့် နည်းလမ်းများ
————-————-————-————-�• မိမိကိုယ်ကို သတိပြုတတ်ရန် (self-awareness) လေ့ကျင့်ပါ�• သင့်အတွေးများနှင့် စိတ်ခံစားချက်များကို ခွဲခြားပါ (feeling & thought)�• တစ်စုံတစ်ခုကို မတုံ့ပြန်မီ အချိန်ယူ စဉ်းစားပါ�• ကျန်းမာသော ကန့်သတ်ချက်များ (boundaries) သတ်မှတ်ပါ၊ လိုအပ်လျှင် “No” ဟု ပြောပါ�• မိမိ၏ ယုံကြည်ချက်၊ ခံယူချက်များနှင့် တန်ဖိုးထားမှုများကို ရှင်းလင်းစွာ သိထားပါ�• မိသားစုနှင့် ဆက်နွယ်နေသော်လည်း ထိန်းချုပ်မှုအောက် မကျရောက်ရလေအောင် သတိထားပါ။ (Being connected while staying independent)

Telegram Channel: https://t.me/chariscareandcounselingcenter
Viber Channel: https://invite.viber.com/...
YouTube Channel: www.youtube.com/

24/03/2026

🌿 NO MORE SILENT SUFFERING
(Student-Centered Mental Health Support)
Empowering Students. Building Resilience.
Are you feeling overwhelmed by academic pressure or social isolation?
💬 You are not alone.

Organized by MACD, Batch 12, Service-learning Project (Team 3), in partnership with the Chris Care and Counselling Center (MIT), this program creates a safe space for students to learn, share, and grow—equipping you with the tools you need to thrive.

📊 Why Join Our Sessions?
Recent assessments show that 73.3% of students experience moderate-to-high psychological distress.
Many students are facing:
▪️ High stress levels (50%)
▪️ Sleep problems due to anxiety (40%)
▪️ Difficulty coping with challenges (43.3%)
✨ We are here to support you.

💡 What You’ll Gain
✔️ Better Mental Health Literacy: Understand your emotions and how to manage them.
✔️ Enhanced Resilience: Develop practical coping skills for academic and personal life.
✔️ Improved Well-being: Boost both your daily happiness and your long-term sense of purpose.

📚 Upcoming Activity
🔹 Mental Wellbeing Online Awareness Session (via Zoom)
🔹 Shared by Saya Htoi Awng Naw
Care and Counselling Center – MIT
🔹 For Liberal Arts Program (LAP) students, Myanmar Institute of Theology
🔹The QR code for registration is on the poster below.

📅 Event Details
🗓 Date: Friday, March 27, 2026
⏰ Time: 7:00 PM – 9:00 PM
💻 Location: Zoom (Online)

🤝 Organized by
MACD | Batch 12
Service-Learning Project (Team 3)

💙 Let’s break the silence and support each other.

20/03/2026

ဒီနေ့တော့ ပေါ့ပေါ့ပါးပါး ကိုယ့်ရဲ့ ကိုယ်ရည်ကိုယ်သွေးလေးတွေကို စမ်းကြည့်ကြမယ်။ 🌳
�စည်းကမ်းကတော့ အချိန်ကြာကြာ မယူဘဲ စိတ်ထဲတွင် ပထမဆုံး ပေါ်လာသော သစ်ပင်တစ်ပင်ကို အမြန်ရွေးချယ်လိုက်ဖို့ ဖြစ်ပါတယ်။
သင်ရွေးချယ်တဲ့ သစ်ပင်က သင့်အတွေး၊ ခံစားချက်နှင့် သဘောထားများကို ကိုယ်စားပြုနေပါသလား။ သင်က ဘယ်လိုသစ်ပင်နှင့် ဆင်တူနေပါသလဲ။
အောက်မှာ သင်ရွေးချယ်ထားတဲ့ သစ်ပင်နံပါတ်အလိုက် ပုံတွေအောက်မှာ သင့်ကိုယ်ရည်ကိုယ်သွေးအကြောင်းတွေကို ဖတ်ရှုနိုင်ဖို့ ဆီလျော်အောင် ဘာသာပြန် ရေးသားထားပါတယ်။
မူရင်းလင့် –�https://themindsjournal.com/fun-personality-test-pick-a-tree-mind-game/

Telegram Channel: https://t.me/chariscareandcounselingcenter
Viber Channel: https://invite.viber.com/...
YouTube Channel: www.youtube.com/

16/03/2026

Basic Care and Counseling Skills Training (Batch–5)
🌱🌱🌱🌱🌱

📚Basic Care and Counseling Skills Training သည် အရည်အချင်းပြည့်ဝသော Lay Counselors များကို စနစ်တကျ သင်ကြားလေ့ကျင့် မွေးထုတ်ပေးရန် ရည်ရွယ်သော ရက်ရှည်သင်တန်း အစီအစဉ်တစ်ခု ဖြစ်ပါသည်။

ဘုရားသခင်၏ ကျေးဇူးတော်အားဖြင့် ကျွန်တော်/မတို့ CHARIS Care and Counseling Center, MIT မှ ဖွင့်လှစ်သော BCCT–5 (Module–1) ကို ယနေ့ 🗓️၂၀၂၆ ခုနှစ် မတ်လ (၁၆) ရက်နေ့တွင် သင်တန်းသား/သူ (၂၂) ဦးနှင့်အတူ အောင်မြင်စွာ အစပြုနိုင်ခဲ့ပြီ ဖြစ်ကြောင်း ဝမ်းမြောက်စွာ အသိပေးအပ်ပါသည်။

ဖွင့်ပွဲအစီအစဉ်တွင် …
📌ဆရာမကြီး Dr. Eh Tar Gay (President of MIT) မှ အားပေးစကား ပြောကြားပေးခြင်း၊
📌ဆရာကြီး Rev. Dr. Van Bik မှ အထူးဆုတောင်းပေးခြင်းနှင့် ကောင်းကြီးပေးခြင်း၊
📌ဆရာမ Naw Moo Kho Paw (Director of Charis Care and Counseling Center) မှ အဖွင့်နုတ်ခွန်းဆက် စကားပြောကြားပေးခြင်းတို့ဖြင့် အားဖြည့်ပါဝင်ပေးခဲ့ကြပါသည်။
💛💛💛💛💛💛
ယခုသင်တန်းသည် ကျွန်တော်/မတို့၏ လူမှုဝန်းကျင်၊ အဖွဲ့အစည်းများနှင့် အသင်းတော်များအတွက် စိတ်ပိုင်းဆိုင်ရာ ကျန်းမာရေးဆိုင်ရာ ကူညီစောင့်ရှောက်မှုများတွင် ပါဝင်အာဖြည့်နိုင်ရန်ရည်ရွယ်ပါသည်။
😊😊😊😊😊😊
ကျွန်တော်/မတို့ Charis Care and Counseling Center မှ ဆောင်ရွက်လျက်ရှိသော ဂရုပြုနှစ်သိမ့်ခြင်း အမှုတော်လုပ်ငန်းများကို ပိုမိုထိရောက်စွာ ဆက်လက် ဆောင်ရွက်နိုင်ရန်အတွက် အားလုံးမှ သတိရဆုတောင်းကူညီပေးကြပါရန် မေတ္တာရပ်ခံအပ်ပါသည်။

Telegram Channel: https://t.me/chariscareandcounselingcenter
Viber Channel: https://invite.viber.com/...
YouTube Channel: www.youtube.com/

13/03/2026

အွန်လိုင်းခေတ် “Self-Diagnosis” အန္တရာယ်
==============================
ယနေ့ခေတ် လူတိုင်းလက်ထဲတွင် smart phone ကို အလွယ်တကူ တွေ့နိုင်သလို သိချင်တဲ့ သတင်းအချက်အလက်များနှင့် ကျန်းမာရေးဆိုင်ရာ အကြောင်းအရာများကို အလွယ်တကူ ရှာဖွေဖတ်ရှု လေ့လာနိုင်သော ခေတ်ဖြစ်ပါသည်။ ၎င်းသည် လူတို့အား အသိပညာဗဟုသုတ တိုးပွားစေသော်လည်း ထိုအသိပညာ အရင်းအမြစ်များကို လိမ္မာပါးနပ်စွာ အသုံးပြုတတ်ခြင်းက ပို၍ အရေးကြီးလာပါသည်။

ကိုဗစ်ကာလအတွင်း လူတိုင်း အပြင်ထွက်၍ မရသလို၊ တစ်ဦးနှင့်တစ်ဦး ထိတွေ့ဆက်ဆံခြင်းကို တတ်နိုင်သလောက် ရှောင်ကြရတဲ့အတွက် Facebook ကဲ့သို့သော လူမှုကွန်ယက်များပေါ်မှ ဆေးမှီးတို၊ တိုင်းရင်းဆေးနှင့် ကုသနည်းမျိုးစုံတွေကို ဖတ်ကြ၊ လိုက်လုပ်ကြ၊ မျှဝေကြရာမှာ online မှီညှန်း အသုံးပြုမှု ပိုမိုသွင်ကျယ်လာပါသည်။ ဤနည်းက တချို့သောသူတွေအတွက် အထောက်အကူ ဖြစ်ခဲ့ပေမဲ့ တချို့သူတွေအတွက်ကတော့ အနာတစ်ခြား ဆေးတစ်ခြား ဖြစ်ပြီး ပိုဆိုးသွားသည့် အခြေအနေ ဖြစ်နိုင်ပါသည်။ ဤအရာကို Self-diagnosis — ကိုယ်တိုင်ရောဂါရှာဖွေခြင်းဟု ဆိုနိုင်ပါတယ်။

ထိုနည်းလည်းကောင်း ကိုဗစ်ကာလမှစ၍ လူတွေက စိတ်ကျန်းမာရေးဆိုင်ရာ အကြောင်းအရာများကိုလည်း စိတ်ဝင်စားမှု သိသိသာသာ တိုးလာပါသည်။ စိတ်ပိုင်းဆိုင်ရာ အသိပညာပေး မျှဝေမှုများကြောင့် လူတိုင်းနုတ်ဖျားတွင် “Depression, Stress, Trauma, Suicide” ကဲ့သို့သော အသုံးအနှုန်းများကိုလည်း သွင်သွင်ကျယ်ကျယ် သုံးနှုန်းလာကြပါသည်။

Self-diagnosis အဓိပ္ပာယ်ဖွင့်ဆိုချက်
-------------------------------------
World Health Organization ၏ အဓိပ္ပာယ်ဖွင့်ဆိုချက်အရ Self-diagnosis ဆိုသည်မှာ တစ်စုံတစ်ရာသော လက္ခဏာများ ခံစားလာရသည့်အခါ ကျွမ်းကျင်ပညာရှင်များ (ဥပမာ - ဆရာဝန်များ) နှင့် ဆွေးနွေးတိုင်ပင်ခြင်း မပြုဘဲ မိမိကိုယ်ပိုင် အသိပညာ သို့မဟုတ် အွန်လိုင်းမှ ရရှိသော အချက်အလက်များအပေါ် အခြေခံကာ ရောဂါအမည်တပ်ခြင်း၊ ကောက်ချက်ချခြင်း၊ ကုသရန် ကြိုးပမ်းခြင်းတို့ကို ဆိုလိုပါသည်။
အများအားဖြင့် အင်တာနက်၊ လူမှုမီဒီယာ၊ အွန်လိုင်းစစ်ဆေးမှုများ၊ ဆောင်းပါးများ၊ စာအုပ်များ သို့မဟုတ် အခြားသူများ၏ ကိုယ်တွေ့ အတွေ့အကြုံများကို ကိုယ်ခံစားနေရသည့် လက္ခဏာများနှင့် နှိုင်းယှဉ်ပြီး ကောက်ချက်ချခြင်း ဖြစ်ပါသည်။ ဤလုပ်ရပ်သည် အလွန်မှ အန္တရာယ်များလှပါသည်။

လူမှုမီဒီယာပေါ်ရှိ စိတ်ကျန်းမာရေးအကြောင်းအရာများ
---------------------------------------------------------
ယနေ့ခေတ်တွင် လူမှုကွန်ရက်မီဒီယာများပေါ်တွင် စိတ်ကျန်းမာရေးအကြောင်း ကိုယ်တွေ့ မျှဝေချက်များ (user-generated content) များကို ပိုမိုတွေ့ရှိလာရပါသည်။ ၂၀၂၁ ခုနှစ် သုတေသနတစ်ခုအရ TikTok ပေါ်တွင် နှင့် ပတ်သက်သော အကြောင်းအရာများကို ကြည့်ရှုမှု ၂.၇ ဘီလျံကျော် ရှိခဲ့သော်လည်း ADHD နှင့် ပတ်သက်သော လူကြည့်အများဆုံး ဗီဒီယို ၁၀၀ အနက် တစ်ဝက်ကျော်တွင် ဆေးဘက်ဆိုင်ရာအရ မမှန်ကန်သော သတင်းအချက်အလက်များ ပါဝင်နေကြောင်း တွေ့ရှိခဲ့ရပါသည်။ ထို့အပြင် Tourette syndrome နှင့် Dissociative Identity Disorder (DID) ကဲ့သို့သော ရောဂါများအကြောင်းကိုလည်း ကြည့်ရှုသူ ဘီလျံနှင့်ချီ ရှိခဲ့ကြောင်း သိရသည်။ ထို့ကြောင့် လူမှုမီဒီယာပေါ်ရှိ ကျန်းမာရေးဆိုင်ရာ မျှဝေချက်များနှင့် သတင်းအချက်အလက်များကို သတိဖြင့် စိစစ်ဖတ်ရှုရန် လိုအပ်ပါသည်။

Diagnosis မှားနိုင်ခြင်း
-----------------------
စိတ်ကျန်းမာရေးဆိုင်ရာ ရောဂါရှာဖွေမှုများသည် နူးညံ့သိမ်မွေ့သလို အလွန်ရှုပ်ထွေးပြီး ဒိဟဖြစ်နိုင်ခြေများသည့် အဆင့်ဆင့် စစ်ဆေးမှုပြုရသည့် လုပ်ငန်းစဉ် တစ်ခုဖြစ်ပါသည်။ ကျန်းမာရေး စောင့်ရှောက်မှုပေးသူ/ပညာရှင်များသည် ရောဂါရှာဖွေခြင်းနှင့် ထိရောက်သော ကုသမှုများပေးနိုင်ရန် နှစ်ပေါင်းများစွာ ပြင်ဆင်မှုများနှင့် လေ့ကျင့်သင်ကြားမှုများကို လုပ်ဆောင်ကြရပါသည်။ တစ်နည်းအားဖြင့်ဆိုသော် ပညာရှင်များသည် ရောဂါလက္ခဏာတွေကို စစ်ဆေးရုံမကပါဘူး အထိရောက်ဆုံး ကုသမှုကို ပေးနိုင်ဖို့ လေ့လာသုံးသပ်ခြင်း၊ စမ်းသပ်ခြင်းနှင့် စစ်ဆေးမှုတွေကို သေချာလုပ်ပြီးမှ ကောက်ချက်ချတာ၊ ရောဂါအမည်တပ်တာ (သို့) ကုသတာတွေကို ဆက်လက်လုပ်ဆောင်ကြတာ ဖြစ်ပါသည်။ မှန်ကန်သည့် diagnosis ရရှိရန်မှာ လူနာနှင့် ပညာရှင်တို့ ပူးပေါင်းဆောင်ရွက်ဖို့လည်း လိုအပ်ပါသည်။

အချို့ရောဂါလက္ခဏာများသည် တစ်ခုနှင့်တစ်ခု ဆင်တူသောကြောင့် အလွယ်တကူ မှားယွင်းနိုင်ပါသည်။ ဥပမာအားဖြင့် mood swings ဖြစ်ခြင်းကို Bipolar disorder တွင် တွေ့ရနိုင်သလို Borderline personality disorder တွင်လည်း တွေ့ရနိုင်ပါသည်။ ထို့အပြင် အချို့သော ခန္ဓာကိုယ်ပိုင်းဆိုင်ရာ ရောဂါများ (ဥပမာ - endocrine, neurologic, cardiac disorders) သည် စိတ်ကျန်းမာရေးရောဂါများနှင့် ဆင်တူသော လက္ခဏာများအဖြစ် ပြနိုင်ပါသည်။ လူတစ်ဦးသည် မိမိကိုယ်ကို depression ဟု ထင်မြင်နိုင်သော်လည်း အမှန်တကယ်တွင် Hypothyroidism သို့မဟုတ် vitamin deficiency ကြောင့် ထိုသို့ ခံစားရခြင်း ဖြစ်နိုင်ပါသည်။

မလိုလားအပ်သော စိုးရိမ်ပူပန်မှုများကို လျော့ချရန်
----------------------------------------------------
အွန်လိုင်းမှ ရောဂါအကြောင်း မျှဝေချက်များကို ဖတ်ရှုနေရင်း ကိုယ်တိုင် အဲဒီရောဂါ ဖြစ်နေသလို ထင်မြင်ခြင်းက စိုးရိမ်ပူပန်မှုကို တိုးစေနိုင်ပါသည်။ အသိပညာရရှိရန် ရည်ရွယ်၍ ဖတ်ရှုလေ့လာခြင်းသည် ကောင်းမွန်သည့် အလေ့အကျင့်တစ်ခု ဖြစ်သော်လည်း အွန်လိုင်းတွင် ဖတ်သမျှအားလုံးကို မျက်စိမိတ် ယုံကြည်ခြင်း မပြုသင့်ပါ။ မလိုအပ်သော စိတ်ဖိစီးမှုများ ပိုမိုများပြားလာနိုင်ပါသည်။ မိမိကိုယ်ကို ရောဂါလက္ခဏာတစ်ခုခု ခံစားနေရသည်ဟု သံသယရှိလာပါက ကျွမ်းကျင်ပညာရှင်များနှင့် ဆွေးနွေးတိုင်ပင်ခြင်းသည် အလွန်အရေးကြီးပါသည်။

Self-diagnosis မှားယွင်းပါက ထိရောက်မှန်ကန်သော ဆေးကုသမှုများနှင့် အကူအညီ ရရှိရန် နောက်နှေးမှုများ ဖြစ်နိုင်သလို အနာတခြား ဆေးတခြား ကုသမှုများကြောင့် မလိုလားအပ်သည့် ထိခိုက်ပျက်စီးမှုများ ဖြစ်တတ်ပါသည်။ ဥပမာ — မပြောပလောက်သည့် လက္ခဏာကို ဆေးအပြင်းတွေ သောက်မိရာမှ ကျောက်ကပ်ပျက်စီးသွားခြင်းကဲ့သို့ ကြုံရတတ်ပါသည်။ တစ်ခါတစ်ရံ စိတ်ဖိစီးမှုနှင့် စိုးရိမ်ပူပန်မှု ခံစားရခြင်းသည် သာမာန်ဖြစ်သော်လည်း ထိုဖိစီးမှုများကြောင့် မိမိ၏ နေ့စဉ်ဘဝ လုပ်ဆောင်နိုင်စွမ်းကို ထိခိုက်လာသည့် အခါတွင်တော့ ပညာရှင်အကူအညီ ရယူသင့်ပါသည်။

ကျွန်တော်တို့ Charis Care and Counseling Center မှလည်း မိတ်ဆွေ၏ စိတ်ပိုင်းဆိုင်ရာနှင့် ပတ်သက်၍ ဆွေးနွေးတိုင်ပင်မှု (Consultation) (သို့) ဂရုပြုဆွေးနွေးတိုင်ပင်ခြင်း (Counseling) ကို ပြုလုပ်ပေးလျက်ရှိပါသည်။ လိုအပ်လာပါကလည်း Psychiatrist များထံသို့ လွှဲပြောင်းပေးခြင်းများကို ပြုလုပ်ပေးလျက်ရှိပါသည်။ စိတ်ပိုင်းဆိုင်ရာ ပံ့ပိုးကူညီမှုများ လိုအပ်ပါက page messenger မှတစ်ဆင့် ဆက်သွယ် အကူအညီ ရယူနိုင်ပါကြောင်း မေတ္တာဖြင့် ဖော်ပြအပ်ပါသည်။

Telegram Channel: https://t.me/chariscareandcounselingcenter
Viber Channel: https://invite.viber.com/...
YouTube Channel: www.youtube.com/

Address

Seminary Hill, Insein Yangon
Insein

Website

https://invite.viber.com/?g2=AQB9vpD8yJv8tlMMMrlmvZgG1hwJV1X1F4Pcj0dzrcTUqLEef8Soi3eWA%2Bn1vz3S, https://t.me/chariscare

Alerts

Be the first to know and let us send you an email when Care and Counseling project, MIT posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Care and Counseling project, MIT:

Shortcuts

Want your practice to be the top-listed Clinic in Insein?