26/08/2026
ခုလတ်တလောကာလမှာ ဝမ်းပျက်ဝမ်းလျှောတွေအဖြစ်များနေကြလို့ လူကြီးတွေတင်မကဘဲ ကိုယ့်အိမ်မှာ ကလေးသူငယ်ရှိနေပြီဆိုရင် ပိုပြီးတောင်ဂရုစိုက်သင့်ပါတယ် ။
ဝမ်းသွားနေတဲ့ရက်ပိုင်းတွေမှာ အဓိက အန္တရယ်အရှိဆုံးကတော့ ရေဓာတ်ခမ်းခြောက်ခြင်းဖြစ်တာကြောင့် ဝမ်းသွားလို့ ကုန်ခမ်းသွားတဲ့ ရေဓာတ်နဲ့ ခွန်အားတွေကို ရိုးရိုးရေထက် ဓာတ်ဆားရည်က မြန်မြန်ဆန်ဆန်နဲ့ အထိရောက်ဆုံး ပြန်လည်ဖြည့်တင်းပေးနိုင်ပါတယ် ။
လူကြီးတွေဖြစ်ရင် ကိုယ်တိုင်ဂရုစိုက်တာ ၊ ဆေးခန်းသွားပြတာတွေလုပ်လို့ရပေမယ့် ကလေးငယ်တွေအနေနဲ့ မပြောတတ်မဆိုတတ်နဲ့ လူကြီးတွေ ၊ မိဘတွေက ဂရုစိုက်စောင့်ကြည့်ပေးရမယ့် အနေအထားတွေဖြစ်တာကြောင့် ကလေးငယ်တွေအနေနဲ့ ဆရာဝန်ထံ ချက်ချင်းသွားပြဖို့ခက်ခဲတဲ့ ညရေးညတာ အချိန်မျိုးတွေမှာ ဝမ်းသွားတဲ့ကိစ္စရပ်တွေနဲ့ကြုံလာခဲ့ရင် ဓာတ်ဆားရည်ကို အချိုးကျကျမှန်ကန်အောင် ဘယ်လိုတိုက်ရမလဲဆိုတာ ဒီ Post လေးကနေတဆင့် Sharing လုပ်ပေးချင်ပါတယ် ။
ဒီအချက်တွေကတော့လုံးဝမလုပ်သင့်ပါဘူး ။
(၁) ဓာတ်ဆားရည်ကို ကလေးတွေသောက်ချင်အောင် အချိုရည် ၊ နွားနို့တွေနဲ့ရောဖျောခြင်း ။
(၂ ) ဓာတ်ဆားတစ်ထုတ်လုံးကို မဖျော်ဘဲ အမှုန့်ကို တစ်ဝက်ခွဲဖျော်ခြင်း ။
(၃ ) ရေနည်းနည်းဖြင့် အပြစ်ကြီးဖျော်ခြင်း ။
(၄ ) ဖျော်ပြီးသားဓာတ်ဆားရည်များကို (၂၄) နာရီကျော်တဲ့အထိထားခြင်း စတဲ့လုပ်ရပ်မျိုးတွေက ကလေးငယ်တွေရဲ့ ဦးနှောက်နဲ့အာရုံကြောစနစ်ကိုထိခိုက်စေနိုင်ပါတယ် ။
ဒါဆိုရင် မှန်ကန်စွာဘယ်လိုတိုက်ရမလဲ ?
🔹 ဓာတ်ဆားထုတ်ပေါ်တွင် ရေးသားထားသော ရေပမာဏအတိုင်း တိတိကျကျဖျော်စပ်ပေးပါ ။
🔹 ရေနွေးပူပူ လုံးဝ မသုံးဘဲ ရိုးရိုးရေ ( ရေကျက်အေး ) ဖြင့်သာဖျော်ပေးပါ ။
🔹 ကလေးကို တစ်ခါတည်း အများကြီး အတင်းမတိုက်ခြင်းမျိုးရှောင်ကြဉ်ပါ ။
🔹 (၅) မိနစ် ဒါမှမဟုတ် (၁၀ )မိနစ် ခြားတစ်ခါ ဟင်းခပ်ဇွန်း တစ်ဇွန်း (သို့) နှစ်ဇွန်းခန့် နည်းနည်းချင်း စိတ်ရှည်လက်ရှည် တိုက်ကျွေးပေးပါ ။
🔹 မိခင်နို့တိုက်နေသော ကလေးဖြစ်ပါက နို့ဖြတ်ထားတာမျိုးမလုပ်ဘဲ မိခင်နို့ကို ပုံမှန်ထက်ပိုတိုက်ပေးပါ။
🔹 ဝမ်းသွားရုံတင်မကဘဲ အန်နေတာမျိုးပါဖြစ်နေပြီဆိုရင်တော့ ဓာတ်ဆားရည်ဆက်တိုက်တာကို (၁၀) မိနစ်လောက်နားထားပြီးမှ ဇွန်းနဲ့ အနည်းငယ်စီပြန်တိုက်ပေးပါ ။
🔹ဝမ်းသွားရင်း ကိုယ်ပူနေလျှင် ရေပတ်တိုက်ပေးခြင်း၊ ကလေးကိုယ်ပူကျဆေး (Paracetamol အရည်) ကို အသက်အရွယ်/ကိုယ်အလေးချိန်အလိုက် တိုက်ကျွေးထားခြင်းများ ပြုလုပ်နိုင်ပါတယ် ။
တကယ်လို့ ကလေးငယ်က အရမ်းမှိန်းနေခြင်း ၊ ဝမ်းထဲမှာသွေးများပါလာခြင်း ၊ ဓာတ်ဆားရည်လုံးဝ မသောက်နိုင်တော့ဘဲ ဝင်သမျှပြန်အန်ထွက်နေခြင်း စတဲ့ လက္ခဏာတွေပြနေပြီဆိုရင်တော့ ညတွင်းချင်း နီးစပ်ရာ ဆေးရုံ/ဆေးခန်းသို့ အမြန်ဆုံး သွားရောက်ပြသရန်လိုအပ်နေပါပြီရှင် ။
Sandra-စန္ဒြာ Clinic
နေ့လည် ၁၁ နာရီ မှ ည ၇ နာရီ အထိ 🔔‼️
တနင်္လာနေ့ ဆေးခန်းပိတ်ပါသည် ‼️
🏥 ဆေးခန်းလိပ်စာ 🏥
အမှတ် (၁၀၉) ၊ ၄လွှာ ၊ ခိုင်ရွှေဝါ ဗဟိုလမ်းမကြီး ၊ ကမာရွတ်မြို့နယ် ၊ ရန်ကုန်မြို့ ။(ဓာတ်လှေကား ပါရှိပါသည်)*ခိုင်ရွှေဝါ မှတ်တိုင် နှင့် ဘီအာဘီ မှတ်တိုင် ကြား*
☎️ 09 44 35 444 26 ☎️ 09 965 169 100
Google Map 🗺️📍https://maps.app.goo.gl/FkTRcK4UV7UmVAQ36
📍ဆေးခန်းသို့ လာရောက်ပြသရန် အခက်အခဲရှိသူများ အတွက်…
ဒေါက်တာဇွန် နှင့် Online Consultation (အွန်လိုင်းဆွေးနွေးမှု) Appointment ရက်ချိန်းရယူလိုသူများအနေဖြင့် Page Chatbox(cb) မှ ဆက်သွယ် စာရင်းပေးသွင်း၍ ရက်ချိန်းညှိယူနိုင်ပါတယ် ☎️☎️
