Myittarmon Clinic

Call Directions

Myittarmon Clinic Affordable and quality health care services at primary care level

21/12/2023

ရင်ကျပ်ထစေတဲ့အရာများ

ပန်းနာရင်ကျပ်အခံရှိတဲ့ ကလေးတွေမှာ ရင်ကျပ်ရောဂါထလာစေတဲ့ အကြောင်းတွေ အများကြီး ရှိပါတယ်။ အမြဲတမ်း လိုလို မိဘတွေပြောလေ့ရှိတာကတော့ "အချိုတွေစားပြီး ရင်ကျပ်ထတယ်" "ကျောင်းမှာ မွေးနေ့ကိတ်စားပြီး ရင်ကျပ်ထတယ်" စတဲ့အချက်တွေပါပဲ။ ဒါတွေက တကယ်မှန်ရဲ့လား။ ဘယ်အချက်အလက်တွေက သိပ္ပံနည်းကျ ရင်ကျပ် တကယ် ထစေသလဲဆိုတာ ရင်ကျပ်ဝေဒနာရှင် မိဘတွေရော၊ ကလေးတွေရော၊ ကုသပေးတဲ့ ကျန်းမာရေးဝန်ထမ်းတွေပါ သိနားလည်ထားဖို့ လိုပါတယ်။ ဒါမှသာ ရင်ကျပ်ထတာကို ကာကွယ်နိုင်မှာပါ။

၁။ ဆေးလိပ်မီးခိုးနှင့် အခြားအခိုးအငွေ့များ

သေချာတဲ့ ရင်ကျပ်ထစေတဲ့ အကြောင်းပါ။ ရင်ကျပ်ဝေဒနာရှင်ရှိတဲ့ အိမ်မှာ၊ ကားထဲမှာ ဘယ်သူမှ ဆေးလိပ် မသောက်သင့်ပါဘူး။
အဲဒီလိုပဲ ထင်းမီးဖို၊ ရေနံဆီမီးဖို၊ မီးသွေးမီးဖိုစတဲ့ မီးဖိုတွေကထွက်တဲ့ အခိုးအငွေ့ တွေကလည်း ရင်ကျပ်ထစေပါတယ်။
ခြင်ဆေးခွေထွန်းရာက ထွက်တဲ့ အငွေ့ဟာလည်း ရင်ကျပ်ထစေနိုင်ပါတယ်။

၂။ အနံ့ပြင်းသော အရာများနှင့် လေထုညစ်ညမ်းမှု

အနံထွက်တဲ့ အမွှေးတိုင်တွေ၊ ပိုးမွှားသန့်စင်ရေးဖျန်းဆေးတွေ၊ လေသန့်ဖို့သုံးတဲ့ ဖျန်းဆေးတွေကလည်း ရင်ကျပ်ကိုထစေနိုင်ပါတယ်။ ဒါကြောင့်ဒါတွေကို သုံးတဲ့အခါ အနံ့မထွက်တဲ့ အမျိုးအစားကို သုံးသင့်ပါတယ်။
"ညှော်နံ့တာကို ရင်ကျပ်မှာပေါ့" ဆိုတာ မှန်ပါတယ်။ ဉပမာ - ငြုပ်သီးကြော်တာ၊ ကြက်သွန်ဆီသတ်တာ စတဲ့ အနံ့ပြင်းတဲ့ ညှော်နံ့တွေက ရင်ကျပ်ထစေနိုင်ပါတယ်။ ဒါကြောင့် အိမ်တွင်းမှာ အနံ့သက်သာအေါင် မီးဖိုခန်း ပြူတင်းပေါက်ဖွင့်ထါး တာ၊ လေစုတ်ပန်ကာသုံးတာတွေက အကျိုးရှိပါတယ်။
အိမ်သုတ်ဆေးနံ့ကလည်း ရင်ကျပ်ထစေပါတယ်။ ဒါကြောင့် ဆေးသုတ်ပြီးခါစ အနံ့မပျောက်သေးတဲ့ နေအိမ် တိုက်ခန်း စတာတွေမှာ နေဖို့ မသင့်တော်ပါဘူး။
လေထုညစ်ညမ်းမှု (ဉပမာ - ကားမီးခိုးငွေ့) စတာတွေကလည်း ရင်ကျပ်ထစေပါတယ်။ ဒါကြောင့် တချို့လမ်းမကြီးနံဘေးမှာ နေရတဲ့လူတွေမှာ ရင်ကျပ်ပိုထကြပါတယ်။ အဲဒီလိုပဲ အညာမှာ လှည်းလမ်းကြီးတလျှောက် ဖုန်လုံးကြီးတွေ တလိမ့်လိမ့်တက်ရင်လည်း ရင်ကျပ်ကို ထစေပါလိမ့်မယ်။

၃။ တုပ်ကွေးနှင့် နှာစေးချောင်းဆိုး

မိုးရာသီ၊ ဆောင်းရာသီမှာ အဖြစ်များတဲ့ နှာစေးချောင်းဆိုး၊ တုပ်ကွေးရောဂါတွေက ရင်ကျပ်ထစေပါတယ်။ ဒါကတော့ ကျောင်းနေအရွယ်ကလေးငယ်တွေမှာ ရင်ကျပ်ထစေတဲ့ အဓိကအကြောင်း ဖြစ်ပါတယ်။ ကျောင်းမှာ တစ်ယောက်ယောက် နှာစေးချောင်းဆိုး၊ ရာသီတုပ်ကွေးစတာတွေ ကူးပြီးရင် ရင်ကျပ်အခံရှိတဲ့ကလေးက ရင်ကျပ်ထလာပါတော့တယ်။ ကျောင်းတက်တဲ့ကလေးကတဆင့် အိမ်က ကလေးအငယ်ကို ကူးရင် လည်း အငယ်မှာရင်ကျပ်ထလါနိုင်ပါတယ်
ဒါကြောင့် ရင်ကျပ်အခံရှိတဲ့လူနာ ( ကလေး လူကြီး ) တွေက နှာစေးချောင်းဆိုးဖြစ်နေတဲ့ သူတွေနဲ့ ခပ်ဝေးဝေး နေသင့်ပါတယ်။ လက် မကြာခဏ ဆေးတာ၊ လက်သန့်ဆေးရည် သုံးတာတွေ ပြုလုပ်ရပါတယ်။
တစ်အိမ်သားလုံး ရာသီတုပ်ကွေး ကာကွယ်ဆေး နှစ်စဉ် မှန်မှန် ထိုးသင့်ပါတယ်။

၄။ ကိုယ်လက်လှုပ်ရှားမှ

ရင်ကျပ်အခံရှိတဲ့ကလေးတွေက ပြေးလွှား ကစားလိုက်ရင် ရင်ကျပ်ထလာတတ်ပါ တယ်။ ချောင်းဆိုးလါတါ |ရွှီရွှီမြည်လာတာ၊ မောလာတာ ဖြစ်တတ်ပါတယ်။ ဒါပေမဲ့ ရင်ကျပ်အခံရှိတဲ့ ကလေးတွေကိုလည်း အခြားကလေးများနည်းတူ ကိုယ်လက်လှုပ်ရှား အားကစား လုပ်နိုင်စေသင့်ပါတယ်။ ပြိုင်ပွဲဝင်နိုင်တဲ့အဆင့်အထိ လုပ်ပေးလို့ ရပါတယ်။
ဒါကတော့ လိုအပ်တဲ့ ကလေးတွေမှာ ရင်ကျပ်ထိန်းဆေး (ရှူဆေး၊ သောက်ဆေး) တွေ ပုံမှန် ပေးထားတာပါပဲ။ နောက်တစ်ခုကတော့ ကိုယ်လက်လှုပ်ရှားမှု မလုပ်ခင် ၁၅ မိနစ် အလိုမှာ ရင်ကျပ်ကုဆေး ရှူဆေး (ဉပမာ - Salbutamol) ရှူဆေး ပေးထားပြီးမှ သွားကစား ခိုင်းလို့ ရပါတယ်။ ဒါဆိုရင် တခြားကလေးတွေနဲ့ အပြိုင် ကစားလို့ ရပါပြီ။
နောက်ပြီး အသုံးဝင်တာကတော့ ဘယ်အားကစားမဆို လုံလောက်တဲ့ သွေးပူ လေ့ကျင့်ခန်း လုပ်ခြင်းနဲ့ တဖြည်းဖြည်း အရှိန်လျှော့ချခြင်း (Cool down) တို့ လုပ်ဖို့ပါပဲ။

၅။ ရာသီဉတု

အေးမြတဲ့ရာသီက ရင်ကျပ်ထစေပါတယ်။ ဒါကြောင့် အအေးဒဏ်ကို ကာကွယ်ဖို့ နွေးနွေးထွေးထွေး ဝတ်ဖို့ လိုပါတယ်။ အအေးထဲ ထွက်ရမယ်ဆိုရင် ပါးစပ်၊ နှာခေါင်း စတဲ့နေရာတွေကို ကာကွယ်ပေးနိုင်တဲ့ မာဖလာ၊ လည်စည်းလိုမျိုး ဝတ်ထားရပါမယ်။
ရာသီဉတု ရုတ်တရက်ပြောင်းဖို့ရှိတာ၊ မုန်တိုင်းကျရောက်နိုင်တာ စတာတွေကို ကြိုတင်သတင်းရရှိထားဖို့ လိုပါတယ်။ ရင်ကျပ်ထစေနိုင်ပါတယ်။

၆။ စိတ်လှုပ်ရှားမှု

အားရပါးရ ရယ်တာ၊ အော်တာ၊ ငိုတာတွေကလည်း ချောင်းဆိုးရင်ကျပ်ကို ထစေနိုင် ပါတယ်။ စိတ်ပူပန်တတ်တာ (ဉပမာ - စာမေးပွဲဖြေရမှာ၊ အင်တာဗျူးသွားရမှာ) စတာတွေ ကလည်း ရင်ကျပ်ထစေတဲ့ အကြောင်းများပါ။ တတ်နိုင်သလောက် စိတ်အေးအေး ထားနိုင်ဖို့ ကြိုးစားပေးရမှာပါ။

၇။ ပိုးဟပ်

မီးဖိုချောင်မှာ ပိုးဟပ်တွေ ရှိတာကလည်း ရင်ကျပ်ထစေပါတယ်။ ဒါကြောင့် မီးဖိုချောင် သန့်ရှင်းရေးကို ဂရုစိုက်ပါ။ စားပြီးပန်းကန်များကို မြန်မြန်ဆေးခြင်း၊ လုံခြုံစွာ ဖုံးအုပ်ထားခြင်း၊ အမှိုက် မကြာခဏ သွန်ပစ်ခြင်းတွေ လုပ်ရမှာပါ။ ပိုးဟပ်တွေ ရှိရင်လည်း ပိုးဟတ်ထေါင်ချောက်သုံးတာ ဖမ်းပြီးရှင်းပြစ်တာ စတာတွေလုပ်ရမှာပါ

၈။ ဖုန်၊ အမှုံ

အမွှေးပွစောင်၊ အမွှေးပွအရုပ်၊ ကော်ဇောစတာတွေထဲမှာ ရှိနေတဲ့ မှက် (Home dust mites) တွေက ရင်ကျပ်ထစေနိုင်ပါတယ်။ ဒါတွေကို မကြာခဏသန့်ရှင်းရေးလုပ်တာ သို့မဟုတ်မသုံးပဲထားတာ လုပ် ရမှာပါ ။
ခန်းဆီးလိုက်ကာတွေကိုလည်း လျှော်လို့ ဖွတ်လို့ လွယ်တာတွေကိုပဲ သုံးသင့်ပါတယ်။ ခေါင်းအုံး၊ စောင်၊ ခွခေါင်းအုံး၊ အိမ်ယာခင်း စတာတွေရဲ့ အဖုံးတွေကိုလည်း အမွှေးပွမဟုတ်တဲ့ ပြောင်တွေပဲ သုံးဖို့ကောင်းပါတယ်။ မကြာခဏ လျှော်ပေးသင့်ပါတယ်။
ရေငွေ့လွှတ်စက် (Humidifier) တွေလည်း မသုံးသင့်ပါဘူး။
ရာသီဉတုနဲ့ ကိုက်ညီတဲ့ လေအေးစက်၊ ပန်ကာ စတာတွေ သုံးလို့ရပါတယ်။ သိပ်မအေးလွန်းအောင်တော့ ဂရုစိုက် ရမှာပါ။

၉။ တိရစ္ဆာန်များ

အိမ်မွေးတိရစ္ဆာန်တွေရဲ့ အနံ့အသက်၊ အမွှေးအမျှင်၊ မစင်၊ သူတို့ကိုယ်မှာကပ်ငြိနေတဲ့ အင်းဆက်ပိုးမွှားတွေကလည်း ရင်ကျပ်ထစေပါတယ်။ ဒါကြောင့် ဖြစ်နိုင်ရင် အိမ်ထဲမှာ မထားသင့်ပါဘူး။ မဖြစ်နိုင်လို့ အိမ်ထဲမှာ ထားတယ်ဆိုရင်လည်း အိပ်ခန်း၊ အိပ်ယာ၊ ဆက်တီထိုင်ခုံ စတာတွေပေါ်မတက်စေ သင့်ပါဘူး။
အိမ်မွေးတိရစ္ဆာန်ရှိတဲ့ အိမ်တွေကို သွားလည်ရင်လည်း ရင်ကျပ်ထတတ်ပါတယ်။ တိရစ္ဆာန်တွေရှိတဲ့နေရာ (တခြားအိမ်၊ တိရစ္ဆာန်ရုံ ) စတာတွေကို သွားတယ်ဆိုရင် ရင်ကျပ်ကုဆေး (ရှူဆေး) တွေ အဆင်သင့် ဆောင်သွားဖို့ လိုပါတယ်။
တိရစ္ဆာန် အမွှေးအမျှင်နဲ့ လုပ်ထားတဲ့ ခေါင်းအုံး၊ ခွခေါင်းအုံး၊ အသုံးအဆောင်တွေ (ဉပမာ - ငှက်မွှေးနဲ့လုပ်တာ) စတာတွေကို ရှောင်ရပါမယ်။

၁၀။ အစားအသောက်

တကယ်တော့ အစားအသောက်တွေက ပန်းနာရင်ကျပ်ကို ထစေတဲ့ အဓိက အကြောင်းအရာတွေ မဟုတ်ပါဘူး။ အစားအစာကြောင့် ပန်းနာရင်ကျပ်ခဲပါတယ်။ ဒါပေမဲ့ ပန်းနာရင်ကျပ်ဟာ Allergy (သွေးမတည့်ခြင်း) တစ်မျိုးဖြစ်တဲ့အတွက် တချို့အစားအသောက် တွေကြောင့်လည်း ရင်ကျပ်ထစေနိုင်ပါတယ်။
မိမိ ဘယ်အစားအစာကို စားရင် ရင်ကျပ်ထတတ်တယ်ဆိုတာ မှတ်ထားဖို့ လိုပါတယ်။ အဲ့ဒါကို ရှောင်ရှားဖို့ လိုပါတယ်။ တတ်နိုင်ရင်လည်း အစားအသောက်၊ အနံ့အသက် ဘာမတည့်သလဲဆိုတာ သွေးစစ်ဆေး စမ်းသပ်လို့ ရပါတယ် ကုန်ကျစရိတ်တော့ များပါတယ်။
မတည့်တတ်တာကတော့ ၂ မျိုးရှိပါတယ်။
(၁) ပရိုတင်း (အသားဓာတ်) များတဲ့ အစားအစာများ၊
(၂) အစားအစာတွင် အသုံးပြုသော ဓာတုပစ္စည်းများတို့ ဖြစ်ပါတယ်။
ပရိုတင်း (အသားဓာတ်) များတဲ့ အစားအစာတွေကတော့ အသါး ဉ၊ နို့၊ ငါး နှင့် ရေထွက်ပစ္စည်း စတာတွေပါ။ အသီးအနှံတွေထဲက မြေပဲ၊ ပဲပိစပ်၊ အစေ့အဆံတချို့ကိုလည်း မတည့်တာ ဖြစ်နိုင်ပါတယ်။ အစားအသောက်ကို တာရှည်ခံအောင်၊ အရောင်ကောင်းအောင် ပြင်ဆင်ထား ခဲ့ရင်လည်း ပါဝင်တဲ့ ဓာတုပစ္စည်းတွေကို မတည့်တာကြောင့် ရင်ကျပ်ထတတ်ပါတယ်။ အဲဒီပြင်ဆင်ထားတဲ့ အထဲမှာ - အချိုရည်တွေ၊ သနပ်တွေ၊ အသားခြောက်၊ အသီးအနှံခြောက်၊ သကြားလုံး၊ ဝိုင်နဲ့ ဘီယာစတာတွေ ပါပါတယ်။ ဒါကြောင့် အစားအသောက် တွေကို တာရှည်ခံအောင်လုပ်တဲ့ ဓာတုပစ္စည်း၊ အရောင်လှအောင်လုပ်တဲ့ ဆိုးဆေးတွေကြောင့်လည်း ရင်ကျပ်ထတာ ဖြစ်နိုင်ပါတယ်။

ဒီလောက်ဆိုရင်တော့ ရင်ကျပ်အခံရှိတဲ့ လူနာ (ကလေး၊ လူကြီး) တွေမှာ ဘယ်အချက် အလက်တွေကို ရင်ကျပ်ထစေသလဲဆိုတာ သိလောက်ပါပြီ။ ရင်ကျပ်ထိန်းဆေး (အဓိကက ရှူဆေး) နဲ့ သောက်ဆေးတွေကို မှန်မှန်သုံးစွဲထားခြင်းဖြင့် ရင်ကျပ်အခံရှိပေမဲ့ သာမာန်လူလို နေနိုင်အောင်၊ ရင်ကျပ်မထအောင် ထိန်းသိမ်းထားနိုင်ပါတယ်။ ရင်ကျပ်ထစေတဲ့ အကြောင်း အရာတွေကိုပါ ရှောင်ရှားနိုင်ရင်တော့ ပိုကောင်းပါတယ်။ ရင်ကျပ်ထခြင်းဘေးမှ ကင်းဝေးကြ ပါစေ။
Credit Prof.Saw Win

09/06/2023

Dengue haemorrhagic fever(သွေးလွန်တုတ်ကွေး)
ရောဂါပိုးသည် လူ၏ခန္တာကိုယ်အတွင်း ၀င်ရောက်သည့်အချိန် မှစ၍ (၃)ရက် မှ (၅)ရက် အတွင်း
သွေးထဲတွင် လှည့်ပတ်နေပါသည်(Viraemia)။ ယင်းအချိန်တွင်ခြင်ကိုက်ပါက ခြင်၏ ခန္တာကိုယ် အတွင်းသို့ ဗိုင်းရပ်(စ်) ပိုး များ ပါသွားပါသည်။ ယင်း ပိုး များ သည် (၈)ရက်မှ(၁၀)ရက်အတွင်း၊ အကောင်များပွားများ (Multiplication of Dengue Virus) လာကာ၊ ယင်းခြင်က နောက်တစ်ဦးကို ကိုက်သည့်အခါ၊ ယင်းလူမှာ ရောဂါကူးစက်ခြင်းခံ ရပါသည်။ ယင်းကဲ့သို့ ကူးစက်ခြင်းကို (Bilogical Transmission) ဟုခေါ်သည်။ တခါတရံ သွေးစုပ်ထားသော ခြင်သည် သွေးကိုမြိုမချမီ၊ ခြင်၏နှာမောင်းအတွင်း၌ ဗိုင်ရပ်(စ်)ပိုး ရှိနေစဉ်ပင် နောက်တစ်ဦးကို ကိုက်လိုက်ပါက ချက်ချင်းကူးစက်မှုခံရတတ်ပါသည်။ ယင်း ကို (Mechanical Transmission) ဟုခေါ်သည်။ ထို့အပြင် ဗိုင်ရပ်(စ်) ပိုးသည် အလွန်များပြားစွာ ပွါးများလာသောကြာင့် ခြင်မ၏ဥအိမ်အတွင်းရှိ “ဥ” များတွင်ပါပြန့်ပွါးလာပြီး “ဥ” မှတဆင့် လည်း ကူးစက်နှိင်ပါသည်။ ထိုကဲ့သို့ကူးစက်ခြင်းကို(trans-ovarian transmission)ဟုခေါ်သည်။
(၁) ရောဂါပိုး သွေးလွန်တုပ်ကွေးရောဂါသည် Arbovirus (ခေါ်) ဗိုင်းရပ်စ်အုပ်စုမှ Dengue Virus ကြောင့်ဖြစ်ပွားပါသည်။ Dengue Virus မှာ Serotype (၄)မျိုးရှိပါသည်။ DEN-1, DEN-2, DEN-3 နှင့် DEN-4 ဟုခေါ်ပါသည်။ Sero type တစ်မျိုးအတွက် ရောဂါ ဖြစ်ပွါး ပါက ၄င်း sero-type တစ်ခု အတွက်သာ ကာကွယ်မှု (immunity) ရပြီး အခြားအမျိုးအစား(sero- type) အတွက် မကာကွယ်နှုိင်ပါ။
(၂) ရောဂါပိုးသယ်ဆောင်သောခြင် Dengue Virus ပိုး ကို ခြင်ကျား(Addes) မျိုးစိတ်က သယ်ဆောင်ပေးပါသည်။ Aedes aegypti သည် အဓိကသယ်ဆောင်ပေးသော ခြင်ဖြစ်ပြီး Aedes albopictus မှာ အချို့ နေရာများတွင် သယ်ဆောင်ပေး ကြောင်း တွေ့ရှိရပါသည်။ Aedes aegypti ကို မြို့များတွင် တွေ့ရှိရပြီး၊ Aedes albopictus မှာမူ တောအရပ် ဒေသ များတွင် တွေ့ရလေ့ရှိပါသည်။
(က) Aedes ခြင်ပေါက်ပွားရာနေရာများ
ခြင်ကျားသည်ရေကြည်၊ရေသန့်၊ရေသေ၊တွင် ပေါက်လေ့ရှိပါသည်။ Aedes aegypti သည်လူတို့ အသုံးပြုရန်ရေသိုလှောင်လေ့ရှိသောနေရာများတွင်လည်းကောင်း၊ လူတို့စွန့်ပစ်သည့် ရေတင်ကျန်နိင်သော အရာဝထ္ထုတို့တွင်လည်းကောင်း ပေါက်ပွားလေ့ ရှိပါသည်။ Aedes albopictus မှာ မူ သဘာ၀အလျောက် မိုးရေတင်ကျန်လေ့ရှိသော နေရာများတွင် ပေါက်လေ့ရှိသည်။ ခြင်ဥမှ ခြင်ကောင်ဖြစ်သည်ထိ (၇)ရက်မှ(၁၀) ရက်ခန့် လိုအပ်ပါသည်။

အိမ်တွင်း/အိမ်ပြင်ခြင်ကျားပေါက်လေ့ရှိသောနေရာများ
(1) သုံးရေ/သောက်ရေထည့်သော မြေအိုး၊ စဉ်အိုး၊တိုင်ကီ၊ သစ်သားစည်၊ ပလပ်စတစ်ပုံး
(2) ကြောင်အိမ်အောက်ခံခွက် ရေခဲသေတ္တာနှင့်Air-condition အောက်တွင် ခံထားသော လင်ပန်းများ
(3) အုတ်ကန်များ (အိမ်သာ၊ ရေချိုခန်း၊ အိမ်ခြံ၀င်းအတွင်းစသည့်) အိမ်ပေါ်တွင် တင်ထား လေ့ရှိ သော အဖုံးဖွင့်နေသည့် ရေစည် ရေကန်များ (over-head tanks)
(4) ဘုရားပန်းအိုး၊ အလှပန်းအိုး၊ နတ်ပန်းအိုးများ အလှစိုက်ထားသော ပန်းအိုး ကြီးများ အောက်တွင် ရေခံရန်ထားသော မြေလင်ပန်းကြီးများ
(5) အချိုရည်ဗူးများ၊ဘီယာဗူးခွံများပလပ်စတစ်ဗူးခွံ၊ ခွက်ခွံများ
(6) (၇)ရက်ထက်ပို၍ ရေထည့်သိုလှောင်ထားသောအရာများ
အိမ်ပြင်ပတွင်ခြင်ကျားပေါက်လေ့ရှိသောနေရာများ
(1) သစ်ပင်အခေါင်းပေါက်၊ ဝါးဆစ်၊ ဝါးပင်အငုတ်၊ အုန်းပင်၊ ငှက်ပျောပင် အလက်များကြား
(2) ရေထည့်သောမြေအိုး၊ စဉ်အိုးကြီးများ သံရေတိုင်ကီများ၊ ကွန်ကရစ်စည်များ၊
(3) စွန့်ပစ်ထားသော ပုလင်းခွံ၊ ဗူးခွံများ၊ ဘတ္တရီအိုးဟောင်းများ၊ တာယာ အဟောင်းများ အုန်းမှုတ်ခွက်၊ အုန်းခွံများ
(4) ရာဘာခြံတွင် ရာဘာအစေးခံသောခွက်များ
(5) အမှိုက်များဖြင့်ပိတ်နေသောရေတံလျောက်များ၊အသုံးမပြုတော့သောနွားစားခွက်များ၊ အသုံးမပြုတော့သောလှေများ
(6) ရေထည့်နိုင်/ရေတင်ကျန်နိုင်၍ခြင်ပေါက်နိုင်သည့်လူတို့ ပြုလုပ်ထားသော အရာအားလုံး
(ခ) ခြင်ကျားကိုက်လေ့ရှိသော အချိန်
ခြင်းကျားသည် အများအားဖြင့် နေ့အချိန် တွင် ကိုက်လေ့ရှိသည်။ အများဆုံး ကိုက်လေ့ရှိသော အချိန်(၂)ချိန် မှာ နံနက်အာရုဏ်တက်စမှ နေထွက်ချိန်ထိ တစ်ချိန်နှင့် ညနေ နေမ၀င်မီအချိန် တို့ဖြစ်ပါသည်။
(ဂ) ခြင်ကျားပျံသန်းနိုင်သည့်အကွာအဝေး
ခြင်းကျားများသည် အနောဖလိစ်ခြင်းများကဲ့သို့ ဝေးဝေးပျံလေ့မရှိပါ။ ၄င်းတို့ပေါက်ပွားရာနေရာမှ (မီတာ၅၀မှ မီတာ၃၀၀) အတွင်းသာ ပျံလေ့ရှိပါသည်။ ခြင်ကျား Aedes aegypti များသည် အိမ်တွင်း၌ပင် နားလေ့ရှိပြီး Aedes albopictus များမှာမူအိမ်ပြင် ချုံပုတ်များနှင့် အပင်များပေါ်တွင် နားလေ့ရှိပါသည်။ ခြင်းကျား များသည် အနက်ရောင်နှင့်အနီရောင်ကို အခြားအရောင်ဖျော့များထက် ပို၍ ကြိုက်နှစ်သက်လေ့ရှိ် ပါသည်။
(၃) သွေးလွန်တုတ်ကွေးရောဂါဖြစ်နိုင်ခြေရှိသောသူ (susceptible Host)
သွေးလွန်တုပ်ကွေးရောဂါသည် အသက်အရွယ်မရွေးကျား/မ မရွေးဖြစ်နိုင်သည့်ရောဂါ တစ်ခု ဖြစ်ပါသည်။ မြန်မာနိုင်ငံတွင် ယခင်က အသက် (၁၅)နှစ်အောက် ကလေးများ တွင်သာ ဖြစ်ပွားလေ့ရှိသော်လည်း ယခုအခါ လူကြီးများတွင်ပါ ဖြစ်ပွါးလာကြောင်းတွေ့ရပါသည်။ အသက် (၃)နှစ်မှ (ဂ)နှစ် အရွယ်ကလေးများ တွင်အများဆုံးဖြစ်ပွားသည် ကိုတွေ့ရှိရပါသည်။ သို့ဖြစ်၍ မူကြို မူလတန်းမှ အထက်တန်းကျောင်းသားများ အထိ အထူးဂရုပြုရမည့် အုပ်စုအဖြစ် သတ်မှတ် ရပါသည်။
(၄) သွေးလွန်တုပ်ကွေးရောဂါဖြစ်နိုင်ခြေရှိသော ပတ်၀န်းကျင်(environment)
အဓိကအားဖြင့် သွေးလွန်တုပ်ကွေး ရောဂါသယ်ဆောင်သော ခြင်ပေါက်ပွားနိုင်သည့် အခြေအနေကိုဖေါ်ဆောင်သည့် အပူချိန်၊ မိုးရွာသွန်းမှု၊ စိုထိုင်းဆနှင့် ခြင်ပေါက်ပွားရန် နေရာများ တည်ရှိမှုကို ဆိုလိုသည်။ ပူအိုက်စွတ်စို၍ စိုထိုင်းဆများသော မိုးရာသီတွင်Aedes ခြင်ပေါက်ပွား မှုများပြား သည်ကိုတွေ့ရှိရပါသည်။ မိုးရာသီတွင် မိုးရေတင်ကျန်သော နေရာများ များပြားလာ ခြင်းကြောင့်လည်း ခြင်ပေါက်ပွားမှုများပြားသည်ကို တွေ့ရှိရပါသည်။
၃။ ရောဂါဖော်ထုတ်သတ်မှတ်ခြင်း
လူ၏ ခန္တာကိုယ်ခုခံအား၊ ၀င်ရောက်သည့် Dengue virus ၏ Serotype အမျိုးအစားနှင့် အခြား အချက်များပေါ်မူတည်၍ အောက်ပါအခြေအနေများ ကိုတွေ့ရှိရပါသည်။
(၁) မည်သည့်ရောဂါလက္ခဏာမျှ မပြခြင်း။
(၂) ရောဂါလက္ခဏာပြသော်လည်း အခြားဗိုင်းရပ်စ်ပိုးများကြောင့်ဖြစ်သော အဖျားရောဂါများနှင့်
ခွဲမရဘဲ သွေးယိုစီးမှုမရှိ၊ သာမန်တုပ်ကွေးဖျားကဲ့သို့ ဖျားပြီးပြန်ကောင်းသွားခြင်း။
(၃) သွေး ယိုစီးမှု ရှိ ပြီး ရိုးရိုး ဖျား ခြင်း။
(၄) ဒင်းဂီးသွေးလွန်တုပ်ကွေးရောဂါအဆင့်ဖြစ်ပြီး၊ သွေးလန့်ခြင်းမရှိဘဲ ကောင်းသွားခြင်း သို့မဟုတ် သွေးလန့် ခြင်း မှ သေဆုံးသည်ထိ ဖြစ်ခြင်း။ “Dengue Virus" ကြောင့်ဖြစ်သော အဖျားရောဂါများကို ရောဂါလက္ခဏာ (ClinicalCriteria) အရ အောက်ပါအတိုင်း အဆင့်ဆင့် ခွဲခြား သတ်မှတ်ထားပါသည်။
(က) ဒင်းဂီးအဖျားရောဂါ (Dengue Fever) ။ ။Respiratory infection တို့နှင့်လည်း ဆင်တူပါသည်။ ဖျားခြင်း၊ ကိုယ်လက်ကိုက်ခဲခြင်း၊ နှာရည်ယိုခြင်း စသည်တို့ဖြစ်ပြီး ပြန်လည်ကောင်းမွန်သွား တတ်ပါသည်။ တခါတရံ နှာခေါင်း သွေးယိုခြင်း၊ အရေပြား အောက်တွင် အစက်များထွက်ခြင်းတို့ တွေ့ရတတ်သော်လည်း ပြင်းထန်ခြင်း မရှိပါ။
(ခ) သွေးလွန်တုတ်ကွေးအဖျားရောဂါ၊(Dengue Haemorrihagic Fever) ပြင်းထန်မှု အလိုက် အောက်ပါ အတိုင်းအဆင့်ခွဲခြား သတ်မှတ်ပါသည်။
အဆင့်(၁)- လတ်တလောဆက်တိုက်အပြင်းဖျားခြင်း
၂ရက်မှ ၇ရက်ခန့်ဆက်တိုက်အပြင်းဖျားခြင်း (Acute attack of continuous Fever
2-7 days) + Hess test -positive
အဆင့်(၂)- အဆင့်(၁)လက္ခဏာ+ အလိုအလျောက် သွေးယိုစီးခြင်း (spontaneous bleeding)အများအား ဖြင့်အရေပြားတွင် အနီစက်များထွက်ခြင်းနှင့် သွားဖုံး၊နှာခေါင်းတို့မှ သွေးယိုစီးခြင်း တို့ တွေ့ရတတ်သည်။)
အဆင့်(၃)- အဆင့်(၂)+Circulatory Failure (သွေးလှည့်ပတ်မှုကျဆင်းခြင်း)
- လူနာ၏သွေးခုန်နှုန်းမြန်လာခြင်း- Increased pluse rate
- လက်ကောက်၀တ်သွေးကြောမှ သွေးစမ်းသပ်ရာတွင် သွေးခုန်နှုန်းအားနည်းမှုကြောင့် ခက်ခဲစွာစမ်း သပ်ရခြင်း (Decreased Pluse Volume)
- သွေးပေါင်ချိန်ကျလာခြင်း၊
- အပေါ်သွေးနှင့်အောက်သွေးခြားနားချက် ကျဉ်းမြောင်းလာခြင်း၊ (Narrow Pluse Pressure- Difference between systolic & Diastolic Pressure)
ဥပမာ- အပေါ်သွေး ၁၀၀၊အောက်သွေး ၈၀ ဖြစ်ပါက ခြားနားမှုမှာ (၂၀) သာ ရှိပါသည်။ ဤကဲ့သို့ ခြားနားချက်သည် ၂၀မီလီမီတာမာကျူရီသာ ရှိလျင်ဖြစ်စေ၊ ယင်းထက်နည်း လျင်ဖြစ်စေ၊ယင်းလူနာမှာ- Shock ရတော့မည့် အခြေအနေဖြစ်၍ အရေးကြီးသည့်အချိန် ဖြစ်ပါသည်။ (ဥပမာ- သွေးပေါင်ချိန်- ၉၀/၇၀ mmHg)
- လူနာ၏သွေးခုန်နှုန်းမြန်လာခြင်း၊ လက်ကောက်၀တ်သွေးကြောမှ သွေးခုန်နှုန်း စမ်းသပ်
ရာတွင် သွေးခုန်နှုန်းအားနည်းမှုကြောင့် ခက်ခဲစွာစမ်းသပ်ရခြင်း
- ခြေဖျားလက်ဖျားအေးစက်၍ ချွေးစေးများ ပြန်လာပြီ၊ ဂဏာမငြိမ်ဖြစ်လာခြင်း။
အဆင့်-(၄) သွေးခုန်နှုန်းလုံး၀စမ်းသပ်မရတော့ဘဲ သွေးပေါင်ချိန်(Zero-O) ထိကျဆင်းသွားခြင်း၊
(Dengue Shock Syndrome) တို့ဖြစ်ပါသည်။
ဆေးရုံသို့ပို့ရမည်လက္ခဏာများ (Impending Shock)
Dengue Haemorrihagic Fever သွေးလွန်တုတ်ကွေးရောဂါဖြစ်သည့်လူနာများကို အောက်ပါအခြေ အနေမျိုးတွေ့ရှိပါက ဆေးရုံသို့ အမြန်လွှဲပြောင်းပေးပို့ရပါမည်။
၁။ လူနာသည် အစာ၊ ရေမ၀င်နိုင်လောက်အောင် အန်ခြင်း၊
၂။ အန်သည့်အခါ အဖြူရောင်အရည်များအတွင်း၊ ကော်ဖီနှပ်ထားသည့်အရောင်
(အညိုရောင်)အဖတ်များ၊ အမျှင်များပါလာခြင်း၊
၃။ အပြင်းဖျားနေရာမှ အဖျားကျသွားသော်လည်း၊ ကလေးမှာကစားခြင်း၊ စားသောက်ခြင်း
မရှိဘဲ၊ မှိန်းလွန်းခြင်း၊ ဂျီကျ၍ ဂဏာမငြိမ်ဖြစ်ခြင်း၊
၄။ ခြေဖျား၊လက်ဖျားများ အေးစက်၍ ချွေးထွက်စေးထန်းလာခြင်း၊
၅။ ဆီးနည်းလာခြင်း (ပုံမှန်အားဖြင့်တနေကုန်သွားသည့်ဆီးမှာပျှမ်းမျှ-၈၀၀စီစီခန့်ရှိရမည်။
ယင်းထက်နည်းပါက ဆီးနည်းသည်ဟု ဆိုနိုင်ပါသည်။
၆။ သွေးခုန်နှုန်းမြန်ခြင်း၊သွေးခုန်နှုန်းစမ်းသပ်ရခက်ခဲလာခြင်း
၇။ သွေးပေါင်ချိန်ကြည့်ပါက အပေါ်သွေးနှင့်အောက် သွေးခြားနားမှုမှာ ၂၀မီလီမီတာ
မာကျူရီ (သို့မဟုတ်) ယင်းထက်လျော့နည်းနေခြင်း၊ သတိလစ်ခြင်း၊တက်ခြင်း
တို့ဖြစ်ပါသည်။

ယခုအခါတွင်၊ ရောဂါလက္ခဏာများကို-
(1) ဒင်ဂီးအဖျား+အန္ထရယ်လက္ခဏာများDengue+warning signs
(2) ပြင်းထန်ဒင်ဂီးအဖျား-Severe Dengue ဟု ရောဂါပြင်းထန်မှု အလိုက် အဆင့် ခွဲခြား ပါသည်။
ဒင်ဂီးဖြစ်နှိုင်ခြေရှိသောအခြေအနေ(Probable Dengue)
(1) ဒင်ဂီးဖြစ်ပွားလေ့ရှိသောဒေသတွင်နေထိုင်ခြင်း/ထိုဒေသမှပြန်လာခြင်း
(2) ကိုယ်ပူဖျားခြင်း
(3) နှင့် အောက်ပါလက္ခဏာများအနက် (၂)မျိုး ရှိခြင်း
a. ပျို့ခြင်း၊အန်ခြင်း(Nausea and vomiting)
b. အနီစက်များထွက်ခြင်း(Rashes)
c. ကိုက်ခဲနာကျင်ခြင်း(Aches and Pain)
d. HessTest (+ve)
e. သွေးဖေါက်စစ်ဆေးသောအခါသွေးဖြူဥနည်းလွန်းခြင်း(Leucopaenia)
f. အန္ထရယ်လက္ခဏာတစ်ခုခုရှိခြင်း(Any Warning Signs)
g. Dengue test kit ဖြင့်စစ်ဆေးသောအခါ positive (+ve) ဖြစ်သော်လည်း
သွေးယိုစီးသည့်လက္ခဏာမရှိခြင်း တို့ဖြစ်ပါသည်။
အန္တရယ်လက္ခဏာများ။ Warning signs
(1) ဝမ်းဗိုက်နာခြင်းအောင့်ခြင်း/ဝမ်းဗိုက်ကိုဖိလျှင်နာကျင်ခြင်း
(Abdominal pain or tenderness)
(2) ဆက်တိုက်အန်နေခြင်း(Persistant vomitting)
(3) ကိုယ်တွင်းအရည်ကြည် များကြောင့် ရေဝင်ခြင်းလက္ခဏာများ တွေ့ရခြင်း (Clinical fluid accumulation )
(4) ပါးစပ်/နှာခေါင်း စသောအမြှေးပါးများမှသွေးယိုခြင်း(Mucosal bleeding)
(5) မှိန်းခြင်း ဂဏာမငြိမ် ခြင်း (Lethergy/restlessness)
(6) အသဲကြီးခြင်း Liver enlargement(>2cm)
(7) ဓါတ်ခွဲခန်းတွင် သွေးစစ်ဆေးသောအခါ- HCT ပုံမှန်ထက်များပြီး သွေးဥမွှားကလေးများ ပုံမှန်ထက် ရုတ်တရက် လျော့နည်း ခြင်း (Laboratory: Increase in HCT concurrent with rapid decrease in platelets count)
ဤကဲ့သို့အခြေအနေများတွင် အနီးကပ်စောင့်ကြပ်၍ပြုစုကုသရန်လိုအပ်ပါသည်။(strict observation and medical intervention)
ပြင်းထန်ရောဂါအဆင့် (Severe Dengue) တွင် အောက်ပါ အခြေအနေ များတွေ့ရှိနိုင် ပါ သည်။
(1) သွေးရည်ကြည်များပြင်းထန်စွာယိုစီးခြင်း Severe Plasma leakage
(2) သွေး ပြင်းထန်စွာယိုစီးခြင်း Severe haemorrhage
(3) ကိုယ်တွင်းအင်္ဂါများပြင်းထန်စွာပျက်စီးခြင်း Severe organ impairment
သွေးရည်ကြည်များပြင်းထန်စွာယိုစီးခြင်း Severe Plasma leakage ကြောင့် တွေ့နိုင်သော လက္ခဏာများမှာ-
• သွေးလန့်သောလက္ခဏာ(DSS)
• အဆုပ်တွင် ကိုယ်တွင်းအရည်ကြည် များကြောင့် အသက်ရှုကြပ်ခြင်း။
ပြင်းထန်စွာသွေးယိုစီးခြင်း Severe haemorrhage ကြောင့် တွေ့နိုင်သော လက္ခဏာများကို
• ကျွမ်းကျင်သူမှ စမ်းသပ်စစ်ဆေးတွေ့ရှိခြင်း
ကိုယ်တွင်းအင်္ဂါများပြင်းထန်စွာပျက်စီးခြင်း Severe organ impairment တွင်
• အသည်း ပျက်စီးပါက-AST or ALT =

သတိပြုရမည့်အပူဒဏ် ကြောင့်ဖြစ်သော ပြဿနာများ၁။ Heat Stroke ( အပူဒဏ်ကြောင့် သတိလစ်ခြင်း)Body အပူချိန်သည် အလွန်အကျွံ မြင့်မာ...
22/04/2023

သတိပြုရမည့်အပူဒဏ် ကြောင့်ဖြစ်သော ပြဿနာများ

၁။ Heat Stroke ( အပူဒဏ်ကြောင့် သတိလစ်ခြင်း)
Body အပူချိန်သည် အလွန်အကျွံ မြင့်မား သည်။ 103F နှင့် အထက်တွင် ရှိနေမည်။ အရေပြားသည် ပူ ပြီး ခြောက်သွေ့ နေမည်။ ပျို့ခြင်း ၊ ခေါင်းမူး ၊ ခေါင်းကိုက် ခြင်းများလည်း ရှိသည် ။
သတိလစ်ခြင်း၊ စိတ်ရှုပ်ထွေးခြင်း များရှိနေမည်။
အသက်သေဆုံးသည် အထိ ဖြစ်နိုင်ပါသည်။

၂။ Heat Exhausion ( အပူဒဏ်ကြောင့် ပင်ပန်းနွမ်းနယ်ခြင်း)
ချွေးထွက်များပြီး Body အပူချိန် မြင့်မားခြင်း ၊ ဂနာ မငြိမ် ဖြစ်ခြင်း၊ ကြွက်တက်ခြင်း နှင့် နုံး ခြင်း၊ ရေ အလွန်အမင်း ဆာခြင်း။

၃။ Heat Cramps ( အပူဒဏ်ကြောင့် ကြွက်တက်ခြင်း)
အထူးသဖြင့် နေပူထဲတွင် ပြင်းပြင်းထန်ထန် ကိုယ်လက်လှုပ်ရှားမှု ပြုလုပ်သူများတွင် တွေ့နိုင်ပါသည်။

၄။ Sun burn (နေလောင်ခြင်း)
နီပြီးရဲသော အရေပြား ရှိခြင်း၊ အရေပြားပေါ်တွင် အရေကြည်ဖု များ ရှိခြင်း။

၅။ Heat Rash ( အပူနာ)
အနီရောင် အရေကြည် အဖုလေးများ ( အထူးသဖြင့် လည်ပင်း၊ ရင်ဘတ်၊ ပေါင်ခြံ နှင့် တံတောင်ဆစ် ) တွေ့နိုင်ပါသည်။

အရေးပေါ် ရှေးဦး ပြုစုခြင်း

- လူနာကို အရိပ် အေးမြသော နေရာသို့ ရွေ့ထားပါ။
- လူနာ၏ ခြေရင်းဘက်ကို မြင့်ထားပေးရ်ျ ပက်လက်
အနေအထားဖြင့်ထားပါ။
- လူနာ၏ အဝတ်အစားများကို ချွတ်ပါ။
- လူနာ၏ လည်ပင်း၊ ချိုင်း နှစ်ဘက်၊ ပေါင်ခြံ နှစ်ဘက် တို့ကိုရေပတ်တိုက်ပါ။
- သတိကောင်းစွာရပါက ရေအေးအေး (သို့) ဓါတ်ဆားရည် တိုက်ပါ။

ဆောင်ရန်

၁။ အရိပ်ရပြီး အေးမြသော နေရာတွင် သာ နေပါ။

၂။ အရောင်ဖျော့ဖျော့ ပွပွ ချောင်ချောင် ချည်ထည် များကိုသာ ဝတ်ဆင်ပါ။

၃။ ထီး၊ ဦးထုပ်၊ နေကာမျက်မှန် တို့ကို နေပူထဲသွားတိုင်း ဆောင်ပါ။

၄။ ရေများများသောက်ပါ။

ရှောင်ရန်

၁။ နံနက် ၁၀နာရီမှ ညနေ ၄နာရီ အတွင်း နေရောင်ခြည်နှင့် တိုက်ရိုက်ထိတွေ့ခြင်းမှရှောင်ပါ။

၂။ ပူပြင်းသောနေရောင်အောက်တွင် အလုပ်လုပ်ခြင်း၊ ကိုယ်လက်လှုပ်ရှားမှုပြုလုပ်ခြင်းတို့ကို တတ်နိုင်သမျှ ရှောင်ပါ။

၃။ နေပူထဲမှ ပြန်လာပြီး ချက်ချင်းရေချိုးခြင်း၊ ရေခဲရည်သောက်ခြင်းတို့မှ ရှောင်ပါ။

၄။ ပူပြင်းသော နေရာမှ အေးသောနေရာ၊ အေးသောနေရာမှ ပူပြင်းသောနေရာ သို့ ချက်ချင်း ဝင်ထွက်ခြင်းမှ ရှောင်ပါ။

Ref :CDC ; warning signs and symptoms of heat related illnesses
MOHS : Prevention of heat stroke ,April 2020

to original post

အညော်မိရင်_အနာရင်းတတ်တယ်_ဆိုတာဟုတ်လားခွဲစိတ်ပြီးစလူနာ_အညော်မခံရဘူးဆို Danger_of_Cooking_Fumesမီးဖိုချောင်က ထွက...
10/03/2023

အညော်မိရင်_အနာရင်းတတ်တယ်_ဆိုတာဟုတ်လား
ခွဲစိတ်ပြီးစလူနာ_အညော်မခံရဘူးဆို

Danger_of_Cooking_Fumes

မီးဖိုချောင်က ထွက်တဲ့အငွေ့တွေက အန္တရာယ်ရှိ မရှိ မသိရင်တောင် အနံ့က တော်တော်ဆိုးပါတယ်။
အစားဆိုတာက စားလို့သာကောင်းတာ စားလို့ကောင်းတယ်လို့_ဖြစ်လာရအောင် ပြင်ဆင်ချက်ပြုတ်ရတဲ့ အိမ်ထောင်ရှင်မတွေ (အိမ်ထောင်ရှင်ထီးတွေ/စားဖိုမှူးတွေ) အတွက်က အပင်ပန်းခံရသလို ရေရှည်မှာ ကျန်းမာရေးဆိုင်ရာဆိုးကျိုး တွေ ရှိလာနိုင်ပါတယ်။

Cooking Fumes (ဟင်းချက်ရာကထွက်တဲ့ အငွေ့) ပဲခေါ်ခေါ်
Kitchen Fumes (မီးဖိုချောင်ကထွက်တဲ့ အငွေ့) ပဲခေါ်ခေါ်
ညော်နံ့ပါပဲ (မွှေးတာလည်း ရှိတာပေါ့လေ 😁)

အဲ့ဒီအငွေ့တွေထဲဘာတွေပါတုန်း ❓

- nitrogen dioxide,
- carbon monoxide,
- carbon dioxide,
- volatile organic compounds,
- carcinogens and others

ပြောရရင် အပူရှိန်ပြင်းပြင်း နဲ့ အသားကင်ရာက ထွက်လာတဲ့ အငွေ့ထဲမှာ polycyclic aromatic hydrocarbons (PAHs) ဆိုတဲ့ ကင်ဆာဖြစ်စေ နိုင်တဲ့ အငွေ့ပါဝင်ပါတယ်။

ဆိုးလား ဆိုတော့ ဆိုးတာပေါ့

ဒါပေမယ့် အဲ့အငွေ့တွေရှူမိတိုင်း ကင်ဆာဖြစ်ရောလား ဆိုတော့ 🚨 မဟုတ်ပါဘူး 🚨

ကျွန်တော်တို့ စားသောက်တဲ့အစာ၊ သောက်သုံးတဲ့ရေ၊ ရှူသွင်းတဲ့လေ တွေထဲမှာ ခန္ဓာကိုယ်ကြီးကို အန္တရာယ်ဖြစ်စေနိုင်တဲ့
- ဓာတုပစ္စည်းတွေ
- ပိုးမွှားတွေ
- ကင်ဆာဖြစ်စေတဲ့ ဓာတ်ပစ္စည်းတွေ ပါဝင်ပါတယ်

ကျွန်တော်တို့ ခန္ဓာကိုယ်ကြီး ရဲ့ချစ်ဖို့ကောင်းတဲ့အချက်က အဲ့ဒီဓာတ်ပစ္စည်းတွေကို အန္တရာယ်မပေးနိုင်တဲ့ ပစ္စည်းတွေ အဖြစ်ပြောင်းလဲပေးပြီး စွန့်ထုတ်ပစ်ပါတယ်။

အရာရာမှာ အတိုင်းအဆ ရှိတယ် ဆိုတဲ့အတိုင်းပေါ့
- အကင်တွေစားရင်
- ဆိုးဆေးတွေ တာရှည်ခံအောင်ထည့်တဲ့ ဓာတုပစ္စည်းတွေ
- ဓာတ်မြေဩဇာတွေ
- ပိုးသတ်ဆေး ပေါင်းသတ်ဆေးတွေ တရားလွန်များတဲ့ ကင်ဆာဖြစ်စေ အစားအသောက်တွေ တရားလွန်စားပြီး ခန္ဓာကိုယ်က ရှင်းပေးနိုင်တဲ့ ပမာဏထက် ပိုများလာတဲ့အခါ မှာတော့

👉 ကင်ဆာ_ဖြစ်ကြပြီပေါ့

အဲ့လိုပါပဲ

နေ့စဉ်နေ့တိုင်း ဟင်းချက်နေရပြီး ညော်နံ့တွေ ရှူနေရတဲ့အခါ (ဆယ်စုနှစ်နဲ့ချီကြာလာတဲ့အခါ)

- အသက်ရှူလမ်းကြောင်းဆိုင်ရာ ပြဿနာတွေကတော့ ကျိန်းသေဖြစ်ပါတယ်

* အဆုတ်ပွ အဆုတ်ရောင်
* ပန်းနာရင်ကြပ်
* ထိပ်ခပ်နာ
* အဆုတ်ကင်ဆာ ထိတောင်ဖြစ်နိုင်ပါတယ်။

မဖြစ်ရအောင် ဘယ်လိုလုပ်ကြမလဲ ❓

အဲ့လို မကောင်းတဲ့ အငွေ့တွေနဲ့ Exposure (ထိတွေ့မှု) နည်းနိုင်သမျှနည်းရအောင်လုပ်ကြရမှာပါ

👉 ငွေကြေးတတ်နိုင်ရင်တော့ မီးဖိုအပေါ်မှာ အငွေ့စုပ်တဲ့ ပန်ကာ နဲ့ ခေါင်းတိုင်တွေ တပ်ကြပေါ့
လူတိုင်းလုပ်နိုင်တာကတော့
👉 မီးဖိုခန်းကို လေဝင်လေထွက် ကောင်းအောင် တံခါးတွေ အကုန်ဖွင့်ထားရပါမယ်

(အိမ်က အမေကလေ ဆေးလိပ်လည်း မသောက်ပဲ အဆုတ်ကင်ဆာဖြစ်သွားတယ် ဆိုတာ အကြောင်းရင်းတွေ အများကြီးထဲက လေဝင်လေထွက်မကောင်း တဲ့ မီးဖိုခန်းထဲမှာ အနှစ် ၃-၄ ဆယ်လောက် ထမင်းဟင်း ချက်နေရတာလည်း အချက်တစ်ချက်ပါပဲ)

_________
လူပြောများတဲ့ *အနာရှိရင်_ညှော်မခံ နဲ့ အနာရင်းတတ်တယ် ဆိုတာကို ရှင်းရရင်။

အနာရှိရက် နဲ့ မီးဖိုခန်းဝင်ပြီး ချက်ပြုတ်နေရရင်တော့

1. အငွေ့တွေရှူသွင်းနေရတဲ့ အတွက် သွေးတွင်း Oxygen ပမာဏ နည်းလာနိုင်တဲ့ အတွက် အနာကျက်နှေးပါတယ်
2. ကောင်းကောင်းအနားမယူပဲ လှုပ်ရှားနေတဲ့အတွက် အနာကျက်နှေးပါတယ်
3. အပူတွေ နဲ့ အလုပ်လုပ်ရတဲ့ အတွက် ခန္ဓာကိုယ်က ထွက်တဲ့ ချွေးတွေ နဲ့ မီးခိုးတွေ ဖုန်တွေ အမှုန်တွေ ရောပြီး ချေး(ဂျေး) တွေ ဖြစ်လာရာက အနာကို ပိုး ဝင်ပြီး အနာရင်း လာနိုင်ပါတယ်။
4. အလုပ်တွေလုပ် ပင်ပန်းပြီး အစာကျတော့ ကောင်းကောင်းမဝင်တဲ့အခါ အာဟာရချို့တဲ့ပြီး အနာကျက်နှေးပါတယ်

အဲ့ဒီအချက်တွေကြောင့် အနာရင်းလာနိုင်သလို အနာကျက်_နှေးရတာပါ။
_________
- အိမ်ဦးခန်းမှာ ငုတ်တုတ်ထိုင်ရင်း ညော်နံ့လေးခဏ ရှူမိရုံနဲ့ အနာကြီးရင်း မသွားပါဘူး။
- ဘေးအိမ်က ညှော် လုပ်တာကို ရှူမိရုံ နဲ့ အနာကြီးရင်း မသွားပါဘူး။
- လမ်းလျှောက်ထွက်ရင်း ညှော်နံ့ ရှူမိရုံ နဲ့ အနာကြီးရင်း မသွားပါဘူး။
________
" ရှေးထုံးလည်း မပယ်နဲ့" ဆိုတဲ့ စကားရှိတဲ့အတွက် အနာရှိတယ် ဆိုရင် ညှော်ကတော့ ရှောင်ရပါမယ်။

ရှောင်တယ် ဆိုတဲ့ နေရာမှာ ညှော်နံ့လေး ခဏလောက်ရလိုက်တာကို
- တအိမ်လုံးပတ်ရန်ရှာ နေဖို့ မလိုကြောင်း
- ဘေးအိမ်ကို ရန်သွားတွေ့ ရန်မလိုကြောင်း ရှင်းပြတာပါ

ယောက္ခမကြီး အနာရှိလို့ ညှော်နဲ့တိုက်သတ်မယ် ဆိုပြီး ငရုတ်သီးတွေ လှော်နေရင် ယောက္ခမကြီးကတော့ အနံ့ရှူရုံနဲ့က နှာချေရုံက လွဲပြီးတခြားမဖြစ်ပဲ အနီးကပ်ရှူရတဲ့ကိုယ်ပဲ အသက်ရှူလမ်းကြောင်း ပြဿနာတွေ ကြုံရနိုင်လို့ အချီးနှီးပါနော် 😬😬😬
__________
နိဂုံးချုပ်ရရင်

- မီးဖိုချောင်ကထွက်တဲ့ အငွေ့တွေက ရေရှည်မှာ အသက်ရှူလမ်းကြောင်းဆိုင်ရာ ပြဿနာတွေ ဖြစ်လာနိုင်ပါတယ်
- အဲ့လို မဖြစ်ရအောင် မီးဖိုခန်းကို လေဝင်လေထွက်ကောင်းအောင် စီမံရပါမယ်
- ညှော်နံ့ရှူရုံ နဲ့ အနာမရင်းကြောင်း အကျိုးသင့်အကြောင်းသင့် သိကြမယ်ထင်ပါတယ်

ရှေးလူကြီးများက အနာရောဂါရှိလျှင် မြန်မြန်သက်သာရအောင် မီးဖိုခန်းမဝင်စေလိုလို့ "အနာရှိရင် ညှော်ရှောင်ရမယ်" လို့ ပြောကြားခဲ့ပုံရပါတယ်။
ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ

Credit Dr. ဘုန်းစည်သူလွင်

မြန်မာနိုင်ငံမှာ လူတော်တော်များများ ဆီးချိုရောဂါဖြစ်ပွားနေပြီး အသိပညာနည်းပါးခြင်းကြောင့် ဆီးချိုကြောင့် မျက်စိကွယ်ရသူ အရ...
07/08/2022

မြန်မာနိုင်ငံမှာ လူတော်တော်များများ ဆီးချိုရောဂါဖြစ်ပွားနေပြီး အသိပညာနည်းပါးခြင်းကြောင့် ဆီးချိုကြောင့် မျက်စိကွယ်ရသူ အရေအတွက် များလာလို့ နေပါတယ်။ ဒါကြောင့် သင်ကိုယ်တိုင် သို့မဟုတ် သင့်မိသားစု၊ သူငယ်ချင်းမိတ်ဆွေတွေထဲမှာ ဆီးချိုရောဂါခံစားနေရတယ်ဆိုရင် ဒီဆောင်းပါးကို အဆုံးထိ ဖတ်ရှုဖို့ တိုက်တွန်းပါတယ်။
ဆီးချိုသွေးချိုရောဂါကြောင့်ဖြစ်သော မျက်စိရောဂါများ
===============================
မေး ❓
Diabetic Retinopathy ဆိုတာ ဘာလဲ?
ဖြေ ✅
ဆီးချိုကြောင့်ဖြစ်ရတဲ့ မျက်စိရောဂါပါ။ သွေးတွင်းအချိုဓာတ်များလို့ (ဆီးချို)ကြောင့် မျက်စိအမြင်လွှာမှာရှိတဲ့ သွေးကြောမျှင် သေးသေးလေးတွေကို ထိခိုက်လာတဲ့အခါ Diabetic Retinopathy (DR) လို့ ခေါ်တဲ့ ရောဂါ ဖြစ်ပါတယ်။ Diabetic Retinopathy ဟာ မျက်စိအာရုံခံအမြင်လွှာမှာရှိတဲ့ သွေးကြောမျှင်လေးတွေ ယောင်ခြင်း၊ သွေးစိမ့်ထွက်ခြင်း၊ သွေးကြောပိတ်စေခြင်းတွေ ဖြစ်စေတာကြောင့် မြင်အားသိသိသာသာကျပြီး တဖြည်းဖြည်း မျက်စိကွယ်သည်အထိ ဖြစ်စေပါတယ်။
Diabetic Retinopathy ဟာ တဖြည်းဖြည်း တငြိမ်ငြိမ့်နဲ့ ဖြစ်တာမို့ ဆီးချိုရှိလာတဲ့ သက်တမ်းကြာလာသည်နှင့်အမျှ အမြင်အား တဖြည်းဖြည်းချင်း ယိုယွင်းနေစေတဲ့ ရောဂါဖြစ်ပါတယ်။
မေး ❓
အမြင်လွှာက ဘယ်နေရာမှာလဲ?
ဖြေ ✅
အမြင်လွာဆိုတာ မျက်လုံးရဲ့ အနောက်ပိုင်း ပုံရိပ်တွေကို မြင်ရစေတဲ့ အာရုံခံအလွှာဖြစ်တယ်။ မြင်လွှာကောင်းမွန်နေဖို့ အလွန်အရေးကြီးပါတယ်။
မေး ❓
Diabetic Retinopathy က မြင်အားအပေါ် ဘယ်လိုသက်ရောက်စေတာလဲ?
ဖြေ ✅
Diabetic Retinopathy က အစောပိုင်းအဆင့်တွေမှာ ဘာလက္ခဏာမှ ခံစားသိရနိုင်တာမျိုးတော့ ရှိမှာ မဟုတ်ပါဘူး။
တဖြည်းဖြည်း အဆင့်တက်လာတာနဲ့အမျှ အောက်မှာဖော်ပြထားတဲ့ လက္ခဏာတွေထဲက တစ်ခု သို့မဟုတ် တစ်ခုထက်ပိုပြီး ရှိလာမှာ ဖြစ်ပါတယ်။
◾️ အမြင်ဝါးခြင်း၊ နှစ်ရိပ်နှစ်ထပ်မြင်ခြင်း
◾️ မြင်ကွင်းထဲမှာ အမဲစက်များ မြင်ခြင်း
◾️ မြင်ကွင်းထဲမှာ အမှုန်များစွာ မြင်ခြင်း
◾️ ညဖက် အမြင်အားကျခြင်း

Diabetic Retinopathy ရှိနေတာကို စောစောမသိရှိခဲ့လျှင်၊ အဆင့်မြင့်သွားမှ သိရှိလျှင် အမြင်အားကို ထိခိုက်စေမှာ ဖြစ်ပါတယ်။ ထိုကဲ့သို့ အဆင့်ရောက်မှ ကုသမှုခံယူလျှင် မြင်အားပြန်လည်ကောင်းမွန်လာအောင် လုပ်ယူလို့ မရနိုင်တော့ပါ။ ပိုပြီး ယိုယွင်းပျက်စီးမသွားအောင်သာ ဆက်လက်ကုသရမှာဖြစ်ပါတယ်။
မေး ❓
ဘယ်သူတွေက Diabetic Retinopathy ဖြစ်နိုင်ချေရှိလဲ?
ဖြေ ✅
သင့်မှာ ဆီးချိုရှိတယ်ဆိုရင် သင့်မျက်လုံးဟာ Diabetic Retinopathy ဖြစ်နိုင်ချေရှိပါတယ်။ ဆီးချိုဖြစ်တာ ၁၀နှစ်ကျော်လာတဲ့သူတွေရဲ့ ၅၀ရာခိုင်နှုန်းကျော်ဟာ Diabetic Retinopathy ဖြစ်ကြတယ်။ ၁၅နှစ်နှင့်အထက် ကြာလာတဲ့ ဆီးချိုဝေဒနာရှင်တွေမှာ ၇၈ရာခိုင်နှုန်းအထိ ဖြစ်နှုန်းမြင့်မားလာပါတယ်။ Diabetic Retinopathy ဟာ အသက် ၂၀-၇၉နှစ်ကြားအရွယ် အတွင်းလူတွေမှာ ဖြစ်လေ့ရှိတဲ့ အမြင်ကွယ်ရတဲ့ အကြောင်းအရင်းတွေထဲက ကာကွယ်လို့ရတဲ့ အမြင်ဆုံးရှုံးရမှုရဲ့ အဓိကအကြောင်းအရင်းတစ်ခုဖြစ်ပါတယ်။
မေး ❓
သင်ရော Diabetic Retinopathy ဖြစ်နိုင်ချေရှိပြီလား?
ဖြေ ✅
အောက်ဖော်ပြပါအချက်တွေ သင့်မှာ ရှိနေတယ်ဆိုရင် သင်ရော Diabetic Retinopathy ဖြစ်နေနိုင်ပါတယ်။
◾️ ဆီးချိုသွေးချိုဖြစ်တာ ၅နှစ်နီးပါးရှိခြင်း
◾️ ဆီးချိုကို ကောင်းစွာမထိန်းနိုင်ခြင်း
◾️ သွေးတိုးရှိခြင်းနှင့် သွေးတွင်းအဆီဓာတ်များခြင်း
◾️ ဆီးချိုရှိပြီး ကိုယ်ဝန်ဆောင်နေရသူဖြစ်ခြင်း
မေး ❓
Diabetic Retinopathy မဖြစ်အောင် ဘာတွေလုပ်ရမှာလဲ?
ဖြေ ✅
Diabetic Retinopathy ဖြစ်နိုင်ချေ လျော့နည်းသွားအောင် အောက်ပါအချက်တို့ကို လိုက်နာပါ။
🔹 သွေးတွင်းအချိုဓာတ်ကို ကျကျနနထိန်းပါ။
🔹 သွေးတိုးထိန်းပါ။ သွေးတွင်းအဆီဓာတ် လျော့နည်းအောင် ပြုလုပ်ပါ။
🔹 သမားတော်ညွှန်ကြားထားသော နေထိုင်မှုပုံစံနှင့် ဆေးဝါးကုသမှုကို စနစ်တကျလိုက်နာပါ။
မေး ❓
ဆီးချိုကြောင့် မြင်လွှာပျက်စီးတာကို ကာကွယ်ဖို့ ဘာတွေများ လုပ်နိုင်မလဲ?
ဖြေ ✅
သင့်ရဲ့ ဆီးချိုဆရာဝန်နဲ့ သေချာပြသပါ။ ညွှန်ကြားထားသော စားသောက်ပုံစနစ်နှင့် ဆေးကုသမှုကို သေချာလိုက်နာပါ။ သွေးတွင်းအချိုဓာတ်များမလာအောင် ကျကျနနထိန်းနိုင်ခြင်းသည်သာလျှင် Diabetic Retinopathy မဖြစ်အောင် ကာကွယ်နိုင်တဲ့ တစ်ခုတည်းသော နည်းလမ်းဖြစ်ပါတယ်။ ဆီးချိုဖြစ်တာ ငါးနှစ်ကျော်ပြီးနောက်ပိုင်း နှစ်စဉ်ပုံမှန် သူငယ်အိမ်ချဲ့(မျက်စဉ်းထည့်)၍ မြင်လွှာကို စစ်ဆေးပေးခြင်းဖြင့် ရောဂါရှိနေလျှင် စောစောသိရှိပြီး ကုသမှု စောစောလုပ်နိုင်မှာ ဖြစ်ပါတယ်။ ဆီးချိုအတွက် မျက်စိပုံမှန်စစ်ဆေးခြင်းကို အမြင်အားပြောင်းလဲမှုမရှိ‌နေသည့်တိုင်အောင် ပုံမှန် လုပ်ဆောင်ရမှာဖြစ်ပါတယ်။
မေး ❓
ဆီးချိုက မျက်စိရဲ့ အခြားနေရာတွေကိုကော ထိခိုက်လား?
ဖြေ ✅
မြင်လွှာကို ထိခိုက်တာက အဓိက ပြဿနာဖြစ်တယ်။ တစ်ချိန်တည်းမှာပဲ ဆီးချိုက မျက်စိမှာ အခြားရောဂါတွေကိုလည်း ဖြစ်စေပါတယ်။ ရေတိမ်၊ အတွင်းတိမ်စောစောဖြစ်ခြင်းနှင့် အာရုံကြောဆိုင်ရာ ရောဂါတွေကို ဖြစ်စေပါတယ်။
ဆီးချိုကြောင့် ရုတ်တရက်အမြင်ကွယ်စေတဲ့ ပြဿနာတွေက
◾️ မြင်လွှာရဲ့ သွေးလွှတ်ကြောများ ပိတ်ခြင်း
◾️ မျက်လုံးအိမ်အတွင်း သွေးထွက်ခြင်း
◾️ မြင်လွှာကွာခြင်း
◾️ မြင်လွှာနှင့် မျက်လုံးအိမ်အတွင်း ရောဂါပိုးဝင်ရောက်ခြင်း
◾️ အမြင်အာရုံကြောရှိ သွေးကြောများ ထိခိုက်ပျက်စီးခြင်း တို့ဖြစ်တယ်။
မေး ❓
Diabetic Retinopathy က မျက်စိ ကို ဘယ်လို ထိခိုက်စေတာလဲ?
ဖြေ ✅
ဆီးချိုက မြင်လွှာရဲ့ အလယ်ဗဟိုကို ယောင်ရမ်းစေတာကြောင့် မြင်အားကျစေပါတယ်။ နောက်ပိုင်း ပျက်စီးလွယ်တဲ့ သွေးကြောအသစ်တွေ ပွားလာပြီး မြင်လွှာအတွင်း သွေးယိုတာ၊ မြင်လွှာကွာတာတွေ ဖြစ်စေပါတယ်။ သွေးကြောပေါက်ပြီး မျက်လုံးအတွင်း သွေးထွက်ခြင်းကြောင့် ရုတ်တရက် မြင်အားကျသွားနိုင်ပါတယ်။ ရောဂါအစပိုင်းမှာ မြင်အားပြောင်းလဲမှုမရှိတာကြောင့် အသိနောက်ကျနိုင်ပါတယ်။ ဒါကြောင့် ပုံမှန်မျက်စိစစ်ဆေးဖို့က အရေးကြီးပါတယ်။
မေး ❓
Diabetic Retinopathy ဖြစ်နေလျှင် ဘယ်လို ကုသရမလဲ?
ဖြေ ✅
မြင်လွှာရဲ့ အလယ်ဗဟိုယောင်နေလျှင် လေဆာပစ်ပြီး ကုသရပါတယ်။ လေဆာပစ်ရတဲ့ ပမာဏ အနည်းအများပေါ် မူတည်ပြီး မြင်အားပြောင်းလဲမှုတွေ ဖြစ်နိုင်ပါတယ်။ သွေးကြောအမွှားတွေ ပွားလာတာ များရင် လေဆာလိုအပ်မှု ပိုများလာပါတယ်။ မျက်လုံးအတွင်း ဆေးထိုးကုသမှုများလည်း ရှိပါတယ်။ မျက်လုံးအတွင်း သွေးထွက်တာ မြင်လွှာကွာတာတွေအတွက်က ခွဲစိတ်ကုသမှုတွေ ပြုလုပ်ရပါတယ်။
မေး ❓
ကုသပြီးနောက် ရလဒ်က ဘယ်လိုရှိမလဲ?
ဖြေ ✅
လေဆာပမာဏ နည်းနည်းပဲ ပစ်ရရင် မြင်ကွင်းမှာ ထိခိုက်မှု နည်းနိုင်ပါတယ်။ မြင်ကွင်းကို ထိခိုက်မှုများရင်လည်း ပြန်ကောင်းအောင် ပြုပြင်လို့ မရပါဘူး။ ဒါကြောင့် လေဆာပစ်ရတဲ့အဆင့်ထိ မရောက်အောင် ဆီးချိုကိုသာ ကျကျနနထိန်းဖို့ လိုအပ်ပါတယ်။ လေဆာပစ်ရတဲ့ ပမာဏများရင် မြင်အားကို ပိုမိုထိခိုက်စေပါတယ်။ ခွဲစိတ်မှုလိုလာတဲ့ အဆင့်မှာလဲ ခွဲစိတ်ပြီးနောက် စိတ်ကျေနပ်စရာ မြင်အားရရဖို့ ခဲယဉ်းလှပါတယ်။ ဆီးချိုဆိုတာ ရာနှုန်းပြည့် ပျောက်ကင်းအောင် ကုသ‌ဖို့၊ ထိန်းသိမ်းဖို့ ခက်ခဲတော့ ကုသပြီးသည့် နောက်ပိုင်းမှာလည်း မြင်လွှာပျက်စီးတာတွေက ဆက်ပြီး ဖြစ်နေမှာ ဖြစ်ပါတယ်။ Diabetic Retinopathy ရှိနေတဲ့ လူနာဟာ မျက်စိစစ်ဆေးကုသမှုတွေက စဉ်ဆက်မပြတ်လုပ်နေဖို့ လိုအပ်ပါတယ်။ ဒါကြောင့် ပြင်းထန်အဆင့် မရောက်ရလေအောင် ကြိုတင်ကာကွယ်ကုသမှုခံယူဖို့သာ အဓိကကျပါတယ်။
Credit:
The Gift of SIGHT
For happy, healthy eyes!

03/06/2022

ကိုယ်ဝန်လနုစဉ် NSAIDsအကိုက်အခဲပျောက်ဆေး သောက်မိရင် ဘာဖြစ်တတ်ပါသလဲ
---၊ ဒေါက်တာအေးသီတာအုန်း (သားဖွားမီးယပ်အထူးကုဆရာဝန်ကြီး) ၊---
မေး-ကိုယ်ဝန်လနုစဉ် NSAIDs အကိုက်အခဲပျောက်ဆေး သောက်မိရင် ဘာဖြစ်တတ်ပါသလဲ ဆရာမ။
ဖြေ- ကိုယ်ဝန်လနုချိန်မှာ NSAIDsလို့ခေါ်တဲ့ အကိုက်အခဲပျောက်ဆေးတွေသောက်ရင် ကိုယ်ဝန်ပျက်ကျနိုင်ခြေ ရှိပါတယ်။ NSAIDsအကိုက်အခဲပျောက်ဆေးတွေက သားဥကြွေတာကို အနှောင့်အယှက်ဖြစ်စေသလို သန္ဓေသားက သားအိမ်မှာ ကပ်ငြိဖို့အားပေးတဲ့ ဟော်မုန်းကိုလည်း ဟန့်တားပေးတဲ့အတွက် ကလေးပျက်ကျနိုင်ခြေ အတော်များပါတယ်။
ကိုယ်ဝန်ဒုတိယ၃လပတ်(Second Trimester)လို့ ခေါ်တဲ့ ကိုယ်ဝန် ၁၂ ပတ်နဲ့ ၂၈ ပတ်ကြားကာလမှာ NSAIDsအကိုက်အခဲပျောက်ဆေး သောက်မိရင် ရေမြွှာရည်နည်းတာ၊ ကလေးလမစေ့ဘဲ မွေးတာတွေကို ဖြစ်စေတတ်ပါတယ်။ ကလေးရဲ့ အဆုတ်နဲ့ ကျောက်ကပ်ကို အားနည်းစေတတ်ပါတယ်။
ကိုယ်ဝန်တတိယ၃လပတ်(Third Trimester)လို့ခေါ် တဲ့ ၂၈ ပတ်ကနေ မွေးခါနီးအထိ သောက်ရင် နှလုံးမှာရှိတဲ့ အကြောပြင် (Ductus Arteriosus)ကို စောစီးစွာ ပိတ်စေတဲ့အတွက် ကလေးမှာ နှလုံးနဲ့ ပတ်သက်တဲ့ ရောဂါတွေ ရရှိစေနိုင်ပါတယ်။
ဒါကြောင့် ကိုယ်ဝန်ကာလတလျှောက်လုံးမှာ NSAIDs လို့ခေါ်တဲ့ အကိုက်အခဲပျောက်ဆေးတွေကို လုံးဝမသောက်သင့်ပါဘူး။
ကိုယ်ဝန်ဆောင်ကာလမှာ ကိုက်ခဲနာကျင်တာတွေ ခံစားရရင် ပါရာစီတမောကို သောက်လို့ရပါတယ်။

Address

Mahlaing

Telephone

09402730324

Website

Alerts

Be the first to know and let us send you an email when Myittarmon Clinic posts news and promotions. Your email address will not be used for any other purpose, and you can unsubscribe at any time.

Shortcuts

Share

Category