Yin Nyein Thu

17/04/2026

📿 နှစ်သစ်မှာ စိတ်၏အေးချမ်းရာ... ရက် (၁၀၀) ဂုဏ်တော်အဓိဋ္ဌာန် 📿✨

၂၀၂၆ ခုနှစ်ရဲ့ မြန်မာ နှစ်ဆန်းတစ်ရက်နေ့ကစပြီး ကုသိုလ်နဲ့ စတင်ချင်သူများအတွက် မြတ်စွာဘုရားရှင်ရဲ့ ဂုဏ်တော် (၉) ပါးကို ရက်ပေါင်း (၁၀၀) တိတိ စနစ်တကျ ပုတီးစိပ်ပူဇော်သွားမယ့် ကုသိုလ်လေးကို မျှဝေပေးလိုက်ပါတယ်။

💙 နေ့စဉ် ပုတီး (၁၀) ပတ်ပဲမို့ အလုပ်မအားတဲ့သူတွေလည်း အချိန်ပေးရတာ အဆင်ပြေစေသလို၊ ဇယားလေးအတိုင်း တစ်ဆင့်ချင်း အဓိဋ္ဌာန်ဝင်သွားရမှာမို့ စိတ်ကြည်လင်မှု အပြည့်အဝရစေမှာပါ။

---

· စတင်မည့်ရက် ➜ ၁၇.၄.၂၀၂၆ (နှစ်ဆန်းတစ်ရက်နေ့)
· ပြီးဆုံးမည့်ရက် ➜ ၂၅.၇.၂၀၂၆
· ပူဇော်ရမည့်အကြိမ် ➜ တစ်နေ့လျှင် ပုတီး ၁၀ ပတ် (ဇယားပါရက်စွဲအတိုင်း ဂုဏ်တော်တစ်ပါးချင်းစီကို ပြောင်းလဲပူဇော်ရန်)

---

🙏 အဓိဋ္ဌာန်ဝင်ပုံနှင့် ဆုတောင်းပုံ အဆင့်ဆင့်

၁။ အဓိဋ္ဌာန်ပြုခြင်း

“အရှင်ဘုရား... တပည့်တော်/တပည့်တော်မသည် ယနေ့မှစ၍ ရက်ပေါင်း (၁၀၀) တိုင်တိုင် မြတ်စွာဘုရားရှင်၏ ဂုဏ်တော်များကို သတ်မှတ်ထားသော ရက်အတိုင်း မပျက်မကွက် ပုတီးစိပ်ပူဇော်ပါမည်ဟု အဓိဋ္ဌာန်ပြုပါ၏ အရှင်ဘုရား။”

၂။ ပုတီးစိပ်ပူဇော်ခြင်း

ဇယားပါရက်စွဲအလိုက် သတ်မှတ်ထားသော ဂုဏ်တော်ကို အာရုံပြု၍ ပုတီး (၁၀) ပတ် စိပ်ပါ။

၃။ အမျှဝေ ဆုတောင်းခြင်း (ပုတီးစိပ်ပြီးတိုင်း ရွတ်ဆိုရန်)

“ဤသို့ ဂုဏ်တော်များကို ပူဇော်ရသော ကုသိုလ်ကံကြောင့် တပည့်တော်/တပည့်တော်မ၏ ဘဝတွင် အန္တရာယ်ခပ်သိမ်း ကင်းငြိမ်းရပါလို၏။ စိတ်၏ချမ်းသာခြင်း၊ ကိုယ်၏ကျန်းမာခြင်းနှင့် ပြည့်စုံရပါလို၏။ (မိမိလိုရာဆုကို ဆက်၍တောင်းနိုင်သည်)။ ဤကုသိုလ်အစုစုကိုလည်း ၃၁ ဘုံ၌ ရှိကြကုန်သော ဝေနေယျသတ္တဝါအပေါင်းတို့အား အမျှပေးဝေပါ၏။”

---

အဓိဋ္ဌာန်ပြုသူများအတွက် အကြံပြုချက်

· နေ့စဉ် ပုံမှန်အချိန်တစ်ခု (ဥပမာ- နံနက်စောစော သို့မဟုတ် ညအိပ်ခါနီး) သတ်မှတ်ပြီး စိပ်ပါက အာရုံစူးစိုက်မှု ပိုမိုကောင်းမွန်စေပါသည်။

· ပုတီးစိပ်နေစဉ် ဂုဏ်တော်တစ်ခုချင်းစီ၏ အနက်အဓိပ္ပါယ်ကို အာရုံပြုခြင်းက စိတ်တည်ငြိမ်မှုကို ပိုမိုရရှိစေပါသည်။

· အဓိဋ္ဌာန်ပြီးဆုံးတိုင်း မိမိပြုခဲ့သော ကုသိုလ်များကို သတ္တဝါအပေါင်းအား မေတ္တာပို့ အမျှဝေပေးပါ။

---

တစ်နေ့တာရဲ့ မိနစ်အနည်းငယ်မျှသာ ဖြစ်ပေမယ့် ဒီအချိန်လေးက သင့်ရဲ့ တစ်နေ့တာလုံးကို အေးချမ်းစေမှာပါ။

ဘုရားဂုဏ်တော်တွေကို အာရုံပြုရင်း ပုတီးစိပ်ခြင်းက...

· မငြိမ်မသက်ဖြစ်နေတဲ့ စိတ်ကို အေးချမ်းစေပါတယ်။
· အခက်အခဲတွေကို ရင်ဆိုင်နိုင်မယ့် စိတ်ဓာတ်ခွန်အားကို ပေးစွမ်းပါတယ်။
· သတိတရား ကပ်လာတဲ့အတွက် ဆုံးဖြတ်ချက်တွေ မှန်ကန်လာစေပါတယ်။

---

ရက်ပေါင်း ၁၀၀ ဆိုတာ ကိုယ့်ကိုယ်ကိုယ် စည်းကမ်းရှိအောင် လေ့ကျင့်ယူရတဲ့ ခရီးစဉ်တစ်ခုပါ။

ဒီခရီးမှာ စိတ်မလျော့ဘဲ ပါဝင်ခြင်းဖြင့် ကုသိုလ်အထပ်ထပ်ကို စုဆောင်းနိုင်မှာ ဖြစ်သလို၊ အဓိဌာန်အောင်မြင်တဲ့နေ့မှာ ရရှိမယ့် ကြည်နူးမှုက ဘာနဲ့မှ မလဲနိုင်တဲ့ ပီတိကို ပေးစွမ်းပါလိမ့်မယ်။

---

နှစ်သစ်မှာ ဘုရားဂုဏ်တော်တွေရဲ့ အရိပ်အောက်မှာ အေးအေးချမ်းချမ်း ခိုလှုံရင်း ပါဝင်ကုသိုလ်ယူကြဖို့ မေတ္တာဖြင့် ဖိတ်ခေါ်လိုက်ပါတယ်ရှင့်။

ဤရက်ပေါင်း (၁၀၀) အတွင်း ဂုဏ်တော်များ၏ တန်ခိုးတော်ကြောင့် ဘေးဘယာဝေးကွာပြီး စိတ်ချမ်းသာ၊ ကိုယ်ကျန်းမာစွာဖြင့် လိုအင်ဆန္ဒများ ပြည့်ဝကြပါစေကြောင်း ဆုတောင်းမေတ္တာ ပို့သအပ်ပါသည်ရှင်။ 🙏

ဒီဓမ္မလက်ဆောင်လေးကို မြင်တွေ့ရသူတိုင်း ကုသိုလ်ပွားများနိုင်ကြပါစေ။
မိမိကိုယ်တိုင်လည်း အဓိဋ္ဌာန်ဝင်၊ တခြားသူတွေပါ သိရှိအောင် Share ပေးရင်း ဓမ္မဒါန ကုသိုလ်ယူလိုက်ကြရအောင်နော်။ 🙏

“နှစ်သစ်မှာ ကျန်းမာချမ်းသာပြီး စိတ်နှလုံးအေးချမ်းကြပါစေ။”

မေတ္တာဖြင့် 🙏✍️
© မယ်ရစ်

---

(မူရင်းစာသားနှင့် အမည်ကို မပြောင်းလဲဘဲ မျှဝေကုသိုလ်ယူနိုင်ပါသည်။ ✍️©မယ်ရစ် 🙏)

#မယ်ရစ် #ဂုဏ်တော်ကိုးပါး #အဓိဋ္ဌာန်
#ရက်ပေါင်း၁၀၀ #ဓမ္မဒါန

မူရင်းပိုစ်__ https://www.facebook.com/share/p/1KFvnMPAAN/

17/04/2026

မင်္ဂလာရှိသော မြန်မာနှစ်သစ်ဖြစ်ပါစေနော်။
နှစ်ဟောင်းက အညစ်အကြေးတွေ အားလုံး အတာရေနဲ့အတူ မျောပါသွားပြီး...
နှစ်သစ်မှာ စိတ်သစ်၊ လူသစ်၊ အင်အားသစ်တွေနဲ့ လိုအင်ဆန္ဒတွေ အားလုံး ပြည့်ဝကြပါစေ
ကံကောင်းခြင်းတွေသယ်ဆောင်လာတဲ့ နေ့ရက်တွေပိုင်ဆိုင်နိုင်ပါစေ...လို့ ဆုမွန်ကောင်း တောင်းပေးလိုက်ပါတယ်။
💜🙏✨
#နှစ်သစ်ဆုတောင်းလွှာ

01/01/2026

Wishing everyone a Happy and Prosperous New Year 2026 💖

06/12/2025

01/10/2025

Hello October 🍁
မင်းရဲ့ နံနက်ခင်းအလင်းနဲ့အတူ
ကံကောင်း ကျန်းမာခြင်းများ ရောက်ရှိပါစေ 🍀

ဒီနံနက်ခင်းမှာ
အမှောင်ခွင်း၍ အလင်းမြင်ရသကဲ့သို့
အဆိုးများလည်း ကင်းစင်ပါရစေ 🌹

ဒီနေ့သာမက
ရှင်သန်နေမယ့် မနက်ဖြန်တိုင်းပါ
ကိုယ်၊ စိတ် နှစ်ဖြာ ကျန်းမာ ချမ်းသာပါရစေ 🪻

ဘဝရဲ့ မမေ့နိုင်တဲ့
ကံကောင်းခြင်းတွေ စုဝေးရာလအဖြစ်
မင်းကို အမြဲ အမှတ်ရခွင့် ရှိပါရစေ
October လေးရေ… 🌲

31/08/2025

Good luck 🍀

စက်တင်ဘာလမှာ ကံကောင်းချင်သောသူများသာ ရှယ်ပါလေ ဩဂုတ်မှ ကံဆိုးခြင်းတွေကို မေ့ထားပြီး စက်တင်ဘာကို ကံကောင်းခြင်း ၊ ချမ်းသာခြင်း ၊ ငွေဝင်ခြင်း ၊ အခက်အခဲတွေ ကင်းပျောက်ခြင်းတွေကိုပဲ ရွေးပြီးသယ်သွားရအောင်ဗျာ ၊ အနှောင့်အယှက်အစုံဆိုတာက ကိုယ်က လူသားပေမို့ လောကဓံရဲ့ပြယုဂ်တွေပဲ ဖြစ်ပါတယ် ၊ ကဲ အားလုံး စက်တင်ဘာမှာ လာဘ်အကြီးကြီး ပွင့်ကြမယ် ငွေတွေ ဒလဟောဝင်ကြမယ် စိတ်တွေ လွန်စွာချမ်းသာကြမယ် အစစအရာရာ အဆင်ပြေကြမယ်မလားဗျို့ဆုတောင်း ရှယ်သွားကြပါဗျို့

လင်းညှို့တာရာ

09/07/2025

🙏🙏🙏 ဝါတွင်း(၃)လ " ကိုးနဝင်းပုတီး " ရက်ပေါင်း (၉၀) အဓိဌာန် ပုတီးစိပ်ကြမယ် 🙏🙏🙏

🙏🙏🙏ဗုဒ္ဓဂုဏ်တော်ကိုးပါး အဓိပ္ပါယ်အကျဉ်း🙏🙏🙏

၁။ အရဟံ = ကိလေသာ အညစ်အကြေးတို့မှ ကင်းဝေးစင်ကြယ်တော်မူသော မြတ်စွာဘုရား...

၂။ သမ္မာသမ္ဗုဒ္ဓေါ = သစ္စာလေးရပ် တရားမြတ်ကို ဆရာမကူ သယမ္ဘူဉာဏ်ဖြင့် ကြွင်းမဲ့ဥဿုံ အလုံးစုံကို ကိုယ်တော်တိုင်သာလျှင် ပိုင်းခြားထင်ထင် အကုန်အစင် သိမြင်တော်မူသော မြတ်စွာဘုရား...

၃။ ဝိဇ္ဇာစရဏသမ္ပန္နော = အသိတရား အကျင့်တရားတို့နှင့် ပြည့်စုံတော်မူသော (ဝါ) ဝိဇ္ဇာသုံးပါး၊ ဝိဇ္ဇာရှစ်ပါး၊ စရဏတရား တစ်ဆယ့်ငါးပါးတို့နှင့် ပြည့်စုံတော်မူသော မြတ်စွာဘုရား...

၄။ သုဂတော = ကျိုးရှိဟုတ်မှန် နှစ်တန်သော စကားကိုသာ မိန့်ကြားတော်မူတက်သော (ဝါ) ကျိုးရှိဟုတ်မှန် သူခံသာသောစကားနှင့် ကျိုးရှိဟုတ်မှန် သူမခံသာသောစကား ဤနှစ်ပါးကိုသာ မိန့်ကြားတော်မူတက်သော မြတ်စွာဘုရား...

၅။ လောကဝိဒူ = သတ္တလောက၊ ဩကာသလောက၊ သင်္ခါရလောက တည်းဟူသော လောကသုံးခွင်ကို အကုန်အစင် သိမြင်တော်မူသော မြတ်စွာဘုရား...

၆။ အနုတ္တရော ပုရိသဒမ္မသာရထိ = မယဉ်ကျေးကြငြား သတ္တဝါများကို ယဉ်ပါးလေအောင် ဆုံးမခြင်း၌ တုဘက်ကင်းတော်မူသော မြတ်စွာဘုရား...

၇။ သတ္တာဒေဝမနုဿာနံ = လူ၊ နတ်၊ ဗြဟ္မာ သတ္တဝါတို့၏ ဆရာတစ်ဆူအစစ် ဖြစ်တော်မူသော မြတ်စွာဘုရား...

၈။ ဗုဒ္ဓေါ = သစ္စာလေးပါးမြတ်တရားကို ပိုင်းခြားထင်ထင် သိမြင်တော်မူသော (ဝါ) သစ္စာလေးအင်ကိုယ်တိုင်မြင်၍ များဖြင့်ဝေနေ တပည့်တွေကိုလည်း သိစေတော်မူသော မြတ်စွာဘုရား...

၉။ ဘဂဝါ = ဣဿရိယ၊ ဓမ္မ၊ ယသ၊ သိရီ၊ ကာမ၊ ပယတ္တ ဟူသော ဘုန်းတော် ၆ ပါးနှင့် ပြည့်စုံတော်မူသော မြတ်စွာဘုရား...

ဤသို့လျှင် အရဟံ စသား ဂုဏ်ကိုးပါးနှင့် ထူးခြားကုံလုံ ပြည့်စုံတော်မူသော မြတ်စွာဘုရားကို ကြည်ညိုမြတ်နိုး လက်စုံမိုး၍ ရှိခိုးကန်တော့ပါ၏ အရှင်ဘုရား 🙏🙏🙏

🙏🙏🙏ဗုဒ္ဓဂုဏ်တော်ကိုးပါး အကျိုး🙏🙏🙏

၁။ အရဟံ - ဂုဏ်တော်အား ဆင်ခြင်ပွါးများလျှင် ဘေးရန်ခပ်သိမ်း ကင်းငြိမ်းစေသည်၊ သူတစ်ပါးတို့က လေးစားချစ်ခင်သည်။

၂။ သမ္မာသမ္ဗုဒ္ဓေါ - ဂုဏ်တော်အား ဆင်ခြင်ပွါးများလျှင် အသိဉာဏ်ပညာ ထိုးထွင်းတိုးပွါးစေသည်၊ အသိဉာဏ်နှင့် စပ်လျဉ်းသည့် ကိစ္စအားလုံး အောင်မြင်စေသည်။

၃။ ဝိဇ္ဇာစရဏ သမ္ပန္နော - ဂုဏ်တော်အား ဆင်ခြင်ပွါးများလျှင် ဘုန်းတန်ခိုးကြီးမားစေသည်၊ လက်ရုံးရည် နှလုံးရည် တိုးပွါးစေသည်။သတ္တိ ဗျတ္တိ နှင့် ပြည့်စုံနိုင်စေသည်။

၄။ သုဂတော - ဂုဏ်တော်အား ဆင်ခြင်ပွါးများလျှင် သူတစ်ပါးတို့က ချစ်ခင်လေးစား ကူညီသည်၊ ချီးမြင့်သည်၊ မိမိတောင့်တသမျှ ကောင်းကျိုးများ အောင်မြင်သည်၊ ရောက်လေရာရာ အခါမရွေး ဒေသမရွေး မျက်နှာပွင့်လန်းသည်။

၅။ လောကဝိဒူ - ဂုဏ်တော်အား ဆင်ခြင်ပွါးများလျှင် အချိန်ကာလ နေရာဌာနအားလျော်စွာ အကြံအစည် ပြုသမျှကိစ္စ အားလုံးကို အလွယ်တကူ အောင်မြင်သည်၊ သူတစ်ပါးတို့ အကြံအစည်ကိုလည်း သိနိုင်သည်။

၆။ အနုတ္တရော ပုရိသဒမ္မသာရထိ - သူတစ်ပါးတို့က နိုင်ထက်ကလူ မပြုနိုင်၊ အပြိုင်အဆိုင်ဟူသမျှ အနိုင်ရသည်။

၇။ သတ္တာဒဝေ မနုဿာနံ - သူတစ်ပါး၏ အကြည်ညိုခံရသည်၊ အစဉ်ထာဝရ လေးစားရိုသေမှုခံရသည်။ ဩဇာအာဏာ ထက်မြက်သည်။

၈။ ဗုဒ္ဓေါ - ဂုဏ်တော်အား ဆင်ခြင်ပွါးများလျှင် အရာရာကြံဆ၍ သိနိုင်ပေသည်၊ ပြဿနာ ဟူသမျှကို ဖြေရှင်းနိုင်သည်။

၉။ ဘဂဝါ - ဂုဏ်တော်အား ဆင်ခြင်ပွါးများလျှင် လူချစ်လူခင်ပေါများသည်၊ အားလုံးက ကြည်ညိုကြသည်၊ အခြွေအရံပေါများသည်၊ သူတစ်ပါးတို့ မတုပြိုင်ဝံ့ ကြောက်လန့်ရိုသေစေသည်။
....................................................................

🙏🙏🙏ဝါတွင်း(၃)လ ရက်ပေါင်း(၉၀)စိပ်ရတဲ့ " ကိုးနဝင်း " ပုတီးစိပ်နည်း🙏🙏🙏

🙏🙏🙏စိပ်ရမယ့်နေ့ရက်များ🙏🙏🙏
_________________________________
(၉) ပါးစလုံးကို ( ၉ . ၇ . ၂၀၂၅) မှ ( ၁၇ . ၇ . ၂၀၂၅ ) အထိနေ့တိုင်းတစ်ပတ်စီစိပ်ပါ။

အရဟံ (၁)ပတ်

သမ္မာသမ္ဗုဒ္ဓေါ (၁)ပတ်

ဝိဇ္ဇာစရဏသမ္ပန္နော (၁)ပတ်

သုဂတော (၁)ပတ်

လောကဝိဒူ (၁)ပတ်

အနုတ္တရောပုရိသဒမ္မသာရထိ (၁)ပတ်

သတ္ထာဒေဝမနုဿာနံ (၁)ပတ်

ဗုဒ္ဓေါ (၁)ပတ်

ဘဂဝါ (၁)ပတ်
________________________________

🙏အရဟံ သိဒ္ဓိ (၉)ပတ်🙏

(၁၈ . ၇ . ၂၀၂၅) မှ
(၂၆ . ၇ . ၂၀၂၅) အထိ
________________________________

🙏သမ္မာသမ္ဗုဒ္ဓေါ သိဒ္ဓိ (၉)ပတ်🙏

(၂၇ . ၇ . ၂၀၂၅) မှ
(၄ . ၈ . ၂၀၂၅) အထိ
________________________________

🙏ဝိဇ္ဇာစရဏသမ္ပန္နော သိဒ္ဓိ (၉)ပတ်🙏

(၅ . ၈ . ၂၀၂၅) မှ
(၁၃ . ၈ . ၂၀၂၅) အထိ
________________________________

🙏သုဂတော သိဒ္ဓိ (၉)ပတ်🙏

(၁၄ . ၈ . ၂၀၂၅) မှ
(၂၂ . ၈ . ၂၀၂၅) အထိ
_______________________________

🙏လောကဝိဒူ သိဒ္ဓိ (၉)ပတ်🙏

(၂၃ . ၈ . ၂၀၂၅) မှ
(၃၁ . ၈ . ၂၀၂၅) အထိ
________________________________

🙏အနုတ္တရောပုရိသဒမ္မသာရထိ သိဒ္ဓိ (၉)ပတ်🙏

(၁ . ၉ . ၂၀၂၅) မှ
(၉ . ၉ . ၂၀၂၅) အထိ
________________________________

🙏သတ္ထာဒေဝမနုဿာနံ သိဒ္ဓိ (၉)ပတ်🙏

(၁၀. ၉ . ၂၀၂၅) မှ
(၁၈ . ၉ . ၂၀၂၅) အထိ
________________________________

🙏ဗုဒ္ဓေါ သိဒ္ဓိ (၉)ပတ်🙏

(၁၉ . ၉ . ၂၀၂၅) မှ
(၂၇ . ၉ . ၂၀၂၅) အထိ

_______________________________

🙏ဘဂဝါ သိဒ္ဓိ (၉)ပတ်🙏

(၂၈ . ၉ . ၂၀၂၅) မှ
(၆ . ၁၀ . ၂၀၂၅) အထိ
________________________________

- သက်သတ်လွတ်လည်း စားစရာမလိုပါဘူး
- အချိန်လည်း တိတိကျကျစိပ်စရာမလိုပါဘူး
- နေ့တိုင်း မှန်မှန်စိပ်ဖို့ပဲလိုပါမယ်

🙏🙏🙏 လုံးစုံများစွာ သတ္တဝါ ချမ်းသာကိုယ်စိတ်မြဲပါစေ။ ဥပါဒ်ရန်ဘေး ကင်းစင်ဝေး ငြိမ်းအေးကြပါစေ။🙏🙏🙏

Crd from original writer

09/07/2025

ဒီကနေ့ ဓမ္မစကြာအခါတော်နေ့ပါ ၊ ဝါတွင်းကာလကို ဝင်ရောက်တဲ့နေ့မြတ်လည်းဖြစ်ပါသည်။ ရှယ်သွားပေးခြင်းဖြင့် ကုသိုလ်ယူနိုင်ကြပါပြီ။

ဒီနေ့မှာ မြတ်စွာဘုရားရှင်ကိုယ်တော်မြတ်ကြီးအား ပျားရည်ဆမ်းသော ထမင်းဖြူ ၊ ငှက်ပျောသီးမှည့်မှည့် သကြားဖြူး ၊ နွားနို့ပူပူလေးတစ်ခွက်အဖြစ် ပူဇော်ပေးပြီး လိုရာဆုတောင်းကြပါလေ။ အဓိဌာန်ဝင်ချင်သောသူများအနေနဲ့ ဝါတွင်းသုံးလ ၊ နှစ်လ ၊ တစ်လ ၊ ၁၅ ရက် ၊ ၇ ရက် စသဖြင့် အဓိဌာန်ဖြင့် အဓိိဌာန်ဝင်နိုင်ပါသည်။ လာဘ်ပွင့်မီးတိုင် ၊ ကံပွင့်မီးတိုင်များလည်း ဒီညမှာ ထွန်းညှိပေးဖို့ရှိတာကြောင့် ထွန်းပေးစေချင်သောသူများ ညမရောက်မီ Chat Box မှာ လာရောက် ပြောဆိုပေးစေချင်ပါသည်။

ဝါတွင်းသုံးလ သုဂတောတစ်သိန်းဝင်ခြင်း

ပထမအဆင့် - ၉.၇.၂၀၂၅ မှ ၁၈.၇.၂၀၂၅ အထိ ၊ သုဂတော ဟူ၍ ပုတီးတစ်လုံးချ၍ ပုတီးဆယ်ပတ်စိပ်ပါ။

ဒုတိယအဆင့် - ၁၉.၇.၂၀၂၅ မှ ၂၈.၇.၂၀၂၅ အထိ ၊ ၊ သုဂတော ဟူ၍ ပုတီးတစ်လုံးချ၍ ပုတီးဆယ်ပတ်စိပ်ပါ။

တတိယအဆင့် - ၂၉.၇.၂၀၂၅ မှ ၇.၈.၂၀၂၅ အထိ ၊ ၊ သုဂတော ဟူ၍ ပုတီးတစ်လုံးချ၍ ပုတီးဆယ်ပတ်စိပ်ပါ။

စတုတ္ထအဆင့် - ၈.၈.၂၀၂၅ မှ ၁၇.၈.၂၀၂၅ အထိ ၊ သုဂတော ဟူ၍ ပုတီးတစ်လုံးချ၍ ပုတီးဆယ့်တစ်ပတ်စိပ်ပါ။

ပဉ္စမအဆင့် - ၁၈.၈.၂၀၂၅ မှ ၂၇.၈.၂၀၂၅ အထိ ၊ သုဂတော ဟူ၍ ပုတီးတစ်လုံးချ၍ ပုတီးဆယ်ပတ်စိပ်ပါ။

ဆဌမအဆင့် - ၂၈.၈.၂၀၂၅ မှ ၆.၉.၂၀၂၅ အထိ ၊ သုဂတော ဟူ၍ ပုတီးတစ်လုံးချ၍ ပုတီးဆယ့်တစ်ပတ်စိပ်ပါ။

သတ္တမအဆင့် - ၇.၉.၂၀၂၅ မှ ၁၆.၉.၂၀၂၅ အထိ ၊ ၊ သုဂတော ဟူ၍ ပုတီးတစ်လုံးချ၍ ပုတီးဆယ်ပတ်စိပ်ပါ။

အဌမအဆင့် - ၁၇.၉.၂၀၂၅ မှ ၂၆.၉.၂၀၂၅ အထိ ၊ ၊ သုဂတော ဟူ၍ ပုတီးတစ်လုံးချ၍ ပုတီးဆယ်ပတ်စိပ်ပါ။

နဝမအဆင့် - ၂၇.၉.၂၀၂၅ မှ ၆.၁၀.၂၀၂၅ အထိ ၊ ၊ သုဂတော ဟူ၍ ပုတီးတစ်လုံးချ၍ ပုတီးဆယ့်တစ်ပတ်စိပ်ပါ။

သုဂတောတစ်သိန်းကို (၇)ရက်အတွင်း တစ်သိန်းပြည့်အောင် စိပ်ပါမည်တို့ (၁၅)ရက်အတွင်း တစ်သိန်းပြည့်အောင် စိပ်ပါမည်ဟု အဓိဌာန်ပြီးလည်း ရက်တိုတို နဲ့လည်း စိပ်ဝင်နိုင်ပါသည်။ သက်သတ်လွတ်စားနိုင်သူများစားကြပြီး ငါးပါးသီလလုံကြပါစေ။

လင်းညှို့တာရာ

16/05/2025

Wishing you all a peaceful night's rest and sweet dreams! Sleep well 💗💤

16/04/2025

နှစ်ဆန်းတစ်ရက်နေ့မှာ ကုသိုလ်တွေပြုပြီးရင် မြေစောင့်နတ်ကိုလဲ သာဓုခေါ်ခွင့်ရအောင် မေတ္တာပို့ အမျှကုသိုလ်ပေးဝေခြင်း ပြုကြပါမယ်
🙏🙏🙏

နှစ်ဆန်းတစ်ရက်နေ့မှာ ...
ကျနော်တို့ ကုသိုလ်တွေပြုကြတဲ့အခါ
မြေစောင့်နတ်ကိုလည်း အမျှအတန်းပေးဝေကြရအောင် ...။

ကျနော်တို့ လောကီပညာရှင်တွေကတော့
အဲ့ဒီနေ့မှာ ...
မြေစောင့်နတ်ပူဇော်ပွဲကို သီးသန့်ပြုလုပ်မှာဖြစ်ပါတယ်။

16/04/2025