What are the opening hours?

Tuesday 09:00 - 17:00 Wednesday 09:00 - 17:00 Thursday 09:00 - 17:00 Friday 09:00 - 17:00 Saturday 09:00 - 17:00 Sunday 09:00 - 17:00

https://www.facebook.com/107164598882975/

Han Thi Zin, Mandalay (2026)

25/05/2026

🍃 your J U N E 🍃

🌵 the letter will be arrived on 1.6.2026 🌵

🔸 choose with the heart and read with the soul🔸

So Soul
♾️

25/05/2026

💚 ကျွန်မ လူတစ်ယောက်ကို အကြံပေးမယ်ဆိုရင် မပေးခင်မှာ သူလျှောက်ခဲ့ဖူးတဲ့ ဘဝလမ်းခရိး တလျှောက်ကို လက်လှမ်းမီသရွေ့ လေ့လာမေးမြန်းပြီးမှ ပြောလေ့ရှိတယ်။ အကြံလည်း ပေးခဲပါတယ်။ ဗေဒင်ဟော အကြံပေးအလုပ်နှင့် ဆက်စပ်ပြီး လိုအပ်မှသာ ပေးပါတယ်။

💚 ကျွန်မကို မမေးသော မေးခွန်းများ မဖြေဖြစ်ဘူး။ ကျွန်မကို မတောင်းသော အကြံဥာဏ်များ မပေးဘူး။ နှလုံးသားထဲမှာ အခုထိကိန်းနေတဲ့ ငယ်စဉ်က စာပေထဲမှာ မှတ်သားဖူးခဲ့တဲ့ စာသားလေးကြောင့်ပါ။
“ ပညာရှိတို့ မည်သည် သူတပါး
မမေးသော မေးခွန်းများကိုမဖြေ
မတောင်းသော အကြံများကို မပေး “ တဲ့လေ။
ကျွန်မက ပညာနှင့်ချိန်ဆ နေထိုင်သောသူများကို အားကျ အတုယူတတ်တာမို့ မှတ်သားမိသရွေ့နှင့် ဘောင်ဝင်အောင် ကိုယ့်ကိုယ်ကို လေ့ကျင့်ပျိုးထောင်တယ်။ ခင်မင်ရင်းနှီးသော မိတ်ဆွေများ ၊ အရွယ်ရောက်ပြီးသော မိသားစု ဆွေမျိုးများကိုမှအစ အဲ့ဒီ့စည်းကမ်းနှင့် ကြိုးစားနေပါတယ်။

💚 FB မှာ မြင်သမျှကိုဆို ပြောမနေနဲ့တော့။ ဘာမှကို ဝင်မတည့် ၊ အကြံဝင်မပေး ၊ ဝင်မယောင်ဖြစ်တာ ကြာခဲ့ပြီ။ လူသားတွေသည် ကိုယ်ဝင်ပြောမှ တည့်သွားကြမှာလည်း မဟုတ်တာမို့လေ။ တည့်မည့်သူဆိုတာ သူ့ဟာနဲ့သူ တည့်အောင်သွားတတ်ကြပြီးသားပါ။ ပေးနိုင်သရွေ့မျှဝေပြီး ကောင်းသောအရာများဆုံတွေ့ဖို့သာ မေတ္တာပို့ပေးပြီးရင် စေတနာလို့ ခေါင်းစဉ်တပ်ထားသော အကြံပေး သိမ်းသွင်းခြင်းတွေဟာ မလိုအပ်သောအရာတွေလို့ လက်ခံထားလို့ပါ။ ကျွန်မ့ရဲ့ အချိန် ၊ ခွန်အား ၊ စိတ်ကြည်လင်မှုတွေကို အရင်ကထက် ပိုတန်ဖိုးထားမိလာတာလည်း ပါတာပေါ့။

💚 ဟိုးအရင်ကတော့ အမြင်မတော်တာဆို ဝင်ပြောလိုက်ရမှ။ ကိုယ်သိတဲ့အကြောင်းကိစ္စပြောနေတာဆို အရိပ် (၃)ပါး မပိုင်းခြားပဲ ကိုယ့်မမေးလည်း ဆရာဝင်လုပ် အကြံဝင် ပေးလိုက်ရမှ။ ကိုယ်ကယ်မှပဲ လူတွေက သိမြင်နိုးကြားလာမလိုလို ၊ လွတ်မြောက်တော့မလိုလိုထင်မြင်ခဲ့တဲ့ ကယ်တင်ရှင် စိတ်ကြီးဝင်ခဲ့စဉ်ကပေါ့လေ။ ကိုယ့်မှာ တကယ်တမ်း မကုစားရသေးတဲ့ ဒဏ်ရာတွေ ဗရပွ ၊ ဒဏ်ရာကြောင့်ရတဲ့ ပူလောင်မှု ဣသာမစ္ဆိရိယ တရားတွေ တဟုန်းဟုန်းထနေတာကျ မမြင်တတ်ခဲ့တဲ့ အချိန်ကာလတွေပေါ့။

💚 ၂၀၂၀ ကနေစပြီး ကိုယ့်ဒဏ်ရာတွေကို ကိုယ်မြင်လာတတ်ခဲ့ဖို့ အလုပ်တွေလည်း အများကြီး လုပ်ဖြစ်ခဲ့တယ်။ မြင်ပြီးနောက် အရှိအတိုင်း လက်ခံပြီး ကုစားခဲ့တယ်။ ကုစားပြီးတဲ့နောက်မှာ ဒီကမ္ဘာမြေ နှင့် လူသားတွေကို တကယ်ချစ်ရင် ကိုယ့်ကိုယ်ကို အရင်ဆုံး ကယ်တင်ရမယ်လို့ လက်ခံမိသွားတယ်။

💚 အရင်က ဟိုဟာ ဒီဟာ ဝင်ကယ်တင်ခဲ့တဲ့ ကိုယ့်ကိုယ်လည်း “ အမယ်လေး ငါ တကယ်ပဲ ကယ်တင်ရမယ့်အရာကိုကျ မမြင်တတ်ခဲ့လို့ မယောင်ရာတွေ ဆီဝင်လူးနေခဲ့တာပဲ “ လ်ို့ မြင်မိပြီး စိတ်ပိုင်းဆိုင်ရာ ရင့်ကျက်မှု မပြည့်ဝခဲ့တဲ့ ကိုယ့်အချိန်တွေအတွက် အနည်းငယ်ပင် ရှက်သလိုလို ဖြစ်မိ။

💚 တခုခုကို ကိုယ်လုပ်ကြည့်လို့ ကောင်းတယ်ထင်ရင် အနီးဆုံးမှ အဝေးဆုံး ရှိသူတွေကို “ ဒါကောင်းတယ် ဒါလုပ်” လို့ပင် မပြောဖြစ်တော့ဘူး။ မိသားစု ၊ မိတ်ဆွေသူငယ်ချင်းတွေ ၊ ဗေဒင်မေး ပရိတ်သတ်ကိုမှအစ “ ကျွန်မ လုပ်ကြည့်တာ ဒါကောင်းတယ် “ လောက်ပဲ ပြောဖြစ်တယ်။ အဲ့ဒါကိုမှ သူတို့ စိတ်ဝင်စားလို့ ထပ်မေးလာခဲ့ရင် မေးသလောက်အပေါ်မူတည်ပြီး လိုသရွေ့သာ ပြောဖြစ်တယ်။

💚 ကိုယ်တိုင်ကတော့ အခြားသူတွေကို ကိုယ်ဖြစ်စေချင်တဲ့ ပုံစံရှိရင် အဲ့ပုံစံအတိုင်း ကိုယ်က အရင်ဖြစ်တည်ရှင်သန်ပြတယ်။ ဒါဟာ ကျွန်မရဲ့ embodiment နှင့် အကြံပေးနည်းတစ်ခုပါပဲ။ ကျွန်မကိုယ်တိုင်လည်း ကျွန်မကို လမ်းညွှန်ပြသမည့် ပုဂ္ဂိုလ် ၊ ဆရာသမား ရှာဖွေတဲ့အခါမှာလည်း အပြော နှင့် အလုပ် ညီသောသူများကိုသာ ရွေးချယ်ဆရာတင်တတ်တာ မို့လို့ပါပဲ။

🍃 တရားထိုင်တာ ကောင်းလို့ ထိုင်ပါလို့ လူတကာကို သီးသန့် လိုက်မပြောဖြစ်ဘူး။ တရားထိုင်တဲ့အခါ လူတစ်ယောက်ဟာ ဘယ်လို အေးချမ်းလွတ်မြောက်သွားတယ်ဆိုတာကို မြင်တွေ့မိသူ ခံစားမိအောင် ကျင့်ကြံနေထိုင်ဖြစ်တယ်။

🌵 သုတဓမ္မ စာမေးပွဲ ဝင်ဖြေတာ တကယ်အကျိုးထူးတယ်။ အနီးဆုံး မောင်နှမသားချင်းတွေကိုလည်း ဖြေပါလို့ မပြောဘူး။ “ ဒို့ ဖြေကြည့်တာတော့ တကယ်ကောင်းတယ် “ လို့ပဲ ကြုံကြိုက်တဲ့အခါ ပြောဖြစ်တယ်။

🌱 ကောင်းတာလေးများ ကိုယ်တိုင်လုပ်ကြည့်ပြီး တွေ့လာရင် ကောင်းတဲ့အကြောင်းလေးတွေ အများအတွက် ရည်ရွယ်ကာ စာရေးသားမျှဝေတယ်။ လိုသူယူ မလိုသူပယ်လိမ့်မယ်။ ကျွန်မလည်း ဒီလိုနည်းနဲ့ပဲ ရှာဖွေလေ့လာ ဖြတ်သန်းလာခဲ့တာမို့လေ။ ကျွန်မ ရေးသားမျှဝေသော စာထဲမှာ စိတ်နှလုံးသားအတွက်အဆိပ်အတောက်တွေ မပါဖို့ ၊ ကိုယ်လုပ်တာပဲ အကောင်း ကိုယ်ကျင့်တာမှ အမှန် ဆိုတဲ့ တဖက်ပိတ်သုံးသပ်ချက်တွေ မပါဖို့ သတိထားတယ်။

🪴 ကံအကြောင်းတိုက်ဆိုင်သူ တွေ့မြင်ပြီး အတူဆုံလာမှာပဲလေ။ ဘယ်သူ့ကိုမှ ငါ ကယ်ရမှာလို့ အတွေးမရှိတာ (၇) နှစ်ကျော်ခဲ့ပြီ။ ကိုယ် ကယ်တင်ရမယ့်သူက ကိုယ့်ကိုယ်ကိုပဲ ဖြစ်သလို ကိုယ့်ကိုယ်ကို ကယ်တင်ခြင်းဟာလည်း လောကကို ကယ်တင်နည်းတစ်မျိုးပဲဆိုတာ ယုံကြည်သွားလို့ပါ။

💚 ကျွန်မရေးသောစာလေးတွေကို ဖတ်ပေးကြပြီး comment လေးတွေ ဝင်ရေးပေးကြတာ အင်မတန် ကျေးဇူးတင်မိရပါတယ်။ အတွေ့အကြုံတူတာလေးတွေ တကူးတက အချိန်ပေး ဝင်မျှဝေရေးသားပေးရင်လည်း အင်အတန် ကြည်နူးမိရပါတယ်။

🐸 ဒါပေမယ့်လေ “ ဟိုဟာ လုပ်ပါ ၊ ဒီဟာ ဆက်လုပ်ပါ “ ဆိုတာမျိုးတွေကျ အတော် ကသိကအောက်ဖြစ်ရတယ်။ ပြီးတော့ အဲ့ဒီလို ကျွန်မ မတောင်းပဲဝင်ပေးတဲ့ အကြံတွေကို ကြည့်လိုက်ရင်လည်း ကျွန်မ လုပ်ဖူးပြီးသားတွေချည်းပဲ …. ချည်းပဲ။ “ ဒါ လုပ်ပါ “ လို့ ဆရာလုပ်ချင်ရင် “ ကျွန်မ ဒါကို လုပ်ဖူးလား” လောက်တော့ ကျွန်မ့အကြောင်း နည်းနည်းဝင်လေ့လာပြီးမှ ပြောတော့ အထာကျတာပေါ့ရှင်။ ဒါမှမဟုတ် “ လုပ်ဖူးလားမသိပေမယ့် ဒါလေးကောင်းတယ်ပေါ့ “ ။ ခုကျ မမေးတာတွေ ဝင်ဖြေ၊ မတောင်းတာတွေ ဝင်ပေး ၊ အားလုံးကလည်း ကျွန်မ စမ်းသပ် လေ့လာ လုပ်ဖူးထားတာတွေဖြစ်နေတဲ့အခါ ကျွန်မ့အကြောင်း သေချာမသိပဲ ၊ ကျွန်မ မလိုအပ်နေတာ မဆန်းစစ်ပဲ လမ်းကြုံတုန်း ဝင်ဆရာလုပ်ချင်တဲ့စိတ်တွေသာများနေတာလို့ပဲ မြင်မိသွားရော။

🌾 တချို့တွေကကျ “ ဒါလေး လုပ်ဖူးလား မသိဘူး ၊ မလုပ်ဖူးသေးရင် လုပ်ကြည့်ပါလား “ ဆိုတာမျိုး အကြံပေးလာတဲ့အခါ warmly welcome ပါ။ အဲ့ဒီလိုမျိုး အကြံပေးသူဆို ကျွန်မလည်း တကူးတက သေချာပြန်ဖြေ ဆွေးနွေး ကျေးဇူးတင်ဖြစ်ပါတယ်။

🍃 ကိုယ်က တရားတွေထိုင် ၊ တရားစာမေးပွဲတွေဖြေပြီးတိုင်း အခြားသူတွေကို “ ဒါ လုပ်ပါ “ လို့ ဇွတ်လိုက်ပြောနေရင် ကိုယ့်ကြောင့် ကိုယ့်တရားတွေဟာ အဓမ္မဝါဒီ ဆန်တယ်လို့ အထင်ခံရတတ်တယ်နော်။ တရားဓမ္မရဲ့ အေးချမ်းမှုကို အခြားသူတွေ သိမြင်ခံစားစေချင်ရင် ကိုယ်က အရင်အေးချမ်းသောစိတ်လှိုင်းတွေ ထုတ်လွှတ်ဖို့ သတိမမေ့ကြစေချင်။

♻️ Social Platforms မှာ လှုပ်ရှားနေရင် ဒီလိုတွေဟာ တွေ့ကြုံရတာ ဓမ္မတာမို့ ကျွန်မကတော့ ရိုးအီနေပါပြီ။ ဒီလိုစာမျိုးတွေလည်း အခါခါရေးဖြစ်ပေမယ့် ကိုယ့်လူတွေပဲ အချိုးတွေက မပြောင်းလာကြတာမို့ ဒီလိုစာမျိုး (၁) နှစ် (၁) ခါလောက်တော့ ရေးဖြစ်နေတော့တာ။

🌱 တရားရဲ့အေးမြမှုကို အတတ်နိုင်ဆုံး ရိုးရှင်းစွာရေးသားပါတယ်။ လေ့လာထားသော စာပေပါဠိစကားများမသုံးပဲ ကျင့်ကြံထားသော အနှစ်သာရကို လူသားဆန်စွာ မျှဝေရတာကို နှစ်သက်လို့ပါ။ ကိုယ်က ရိုးရှင်းအောင် တမင်ကြိုးစားအားထုတ်ရေးခါမှ ပါဠိလိုတွေ ဝင်ရေးပြီး ဥာဏ်စဉ်တွေ ဆုံးဖြတ်ပေးသော ပုဂ္ဂိုလ်များကလည်း တစ်မျိုးတစ်ဘာသာ ထူးဆန်းစွာ။ စာတစ်ပုဒ်ဖတ်ရင် စာရေးသူ ပေးချင်တဲ့ message ထက် သူတို့တတ်ထားပါတယ်ဆိုတာကို ချပြဖို့သာ အာရုံများနေတာကို မြင်ရတော့လည်း ပြန်ကိုမဖြေရှင်းချင်တော့။

🪐 ကြုံရဆုံရ လူ့သဘာဝ တွေကို မှတ်မိသရွေ့ စုစည်းရေးသားထားလိုက်တာ။ နောက်တခါဆို အဲ့လိုလူတွေတွေ့ရင် ဒီ post link ပဲ ချပေးလိုက်တော့မလို့လေ။

🔹 ဒီစာအရှည်ကြီး ရေးလိုက်ရတဲ့ အကြောင်းရင်းကတော့ ဒါပါပဲ 🧿

So Soul
♾️

ရည်ရွယ်ချက်ကတော့ အဲ့ဒါပါပဲ။

25/05/2026

✨ ရွှေမှုန်ဖြန့်ကျဲ ပျော်ရွှင်စရာပျံဝဲ မင်္ဂလာဖြာဆဲ နေ့သစ်လေးများ ရရှိတော့မည့် နိမိတ်ပါပဲ ✨

So Soul
♾️

24/05/2026

✨ စိတ်နှလုံးသား ဖြူစင်ကြည်လင်သူတစ်ဦးဖြစ်ကြောင်း ဖော်ပြနေသည့် လက္ခဏာများ ✨

၁။ လူအများကို သဘာဝဆန်စွာ ပြုံးပြတတ်သည်။အပြုံးကို မြင်သူအတွက်လည်း နှလုံးသားထဲမှလာကြောင်း ခံစားမိစေသည်။

၂။ သူတစ်ပါး အောင်မြင်ပျော်ရွှင်နေသည်ကို မြင်လျှင် မနာလိုခြင်း မဖြစ်တတ်တော့ပေ။

၃။ အလွယ်တကူ ခွင့်လွှတ်တတ်လာပြီး အေးချမ်းခိုင်မာစွာ စည်းထားတတ်သည်။ သူများကို မစော်ကားသလို မိမိကို စော်ကားလာပါက မေတ္တာဖြင့် တုန့်ပြန်ကာ မိမိကိုယ်ကို သေချာစောင့်ရှောက်တတ်သည်။

၄။ သူတစ်ပါးကို မှန်ကန်သောနည်းနှင့် ကူညီရန် အမြဲတမ်း စိတ်အားထက်သန်နေတတ်သည်။

၅။ တစ်ပါးသူကို နာကျင်အောင်လုပ်မည့်အစား ကြင်နာသနားမှုကိုသာ ပေးဖြစ်နေတော့သည်။

၆။ အခြားသူများကို စော်ကားခြင်း၊ လှောင်ပြောင်ခြင်း၊ အထင်အမြင်သေးခြင်းများ မရှိတော့ပေ။

၇။ သူတစ်ပါး အောင်မြင်မှုကို မြင်လျှင် စိတ်ရင်းမှန်ဖြင့် ဝမ်းမြောက်ဝမ်းသာ ဖြစ်ပေးတတ်သည်။

၈။ နေ့စဉ်ဘဝတွင် ကျေးဇူးသိတတ်မှုကို အစဉ်အမြဲ လက်တွေ့ကျင့်သုံးဖြစ်သည်။

၉။ လူတိုင်းကို တန်းတူညီ သဘောထားကာ လေးစားစွာ ဆက်ဆံတတ်သည်။

၁၀။ စိတ်ထဲတွင် နာကျည်းမှုကို သိုအောင်းမထားဘဲ ဒေါသကို စွန့်လွှတ်တတ်သည်။

၁၁။ စိတ်ကွယ်ရာအရပ် တစ်ဦးတည်းရှိချိန်မှာပင် ရိုးသားဖြောင့်မတ်ပြီး စိတ်ရင်းမှန်စွာ မကောင်းသောအရာကို ရှောင်ကြည်တတ်သည်။

၁၂။ ကိုယ်ရှိနေခြင်းကပင် ဘေးပတ်ဝန်းကျင်ကို အေးချမ်းမှု၊ နွေးထွေးမှုနှင့် အပြုသဘောဆောင်သော စွမ်းအင်များကို ဆောင်ကြဉ်းပေးသည်။

Pinterest မှာ ဖတ်မိသော စာစုလေးကို နှစ်သက်၍ ဘာသာပြန်ကာ ပြန်လည်မျှဝေခြင်းဖြစ်ပါသည်။

So Soul
♾️

24/05/2026

💫 အပူအပင်ကင်းသော ဘဝကို ရရှိတော့မယ်နော် 💫

✨ ရှေ့ရေးနောက်ရေး တွေးပူဆွေးနေတာတွေ လွှတ်ချထားလိုက်ပါ ✨

🦋 လက်ရှိအချိန်မှာ သတိလေးကပ်ကာ အကောင်းဆုံး ကျော်ဖြတ်လိုက်ပါ 🦋

So Soul
♾️

23/05/2026

✨ ပိုကံကောင်းလာဖို့ စွန့်လွှတ်ရမည့် အရာတစ်ခု ✨

💫 ဒါ ကိုယ့်အတွက်လို့ ခံစားရရင် ရွေးကြည့်လိုက်ပါ 💫

So Soul
♾️

21 May 2026
23 : 23 pm

23/05/2026

🦋 ကာလရှည်ကြာ စောင့်မျှော်နေသောအရာ ရောက်လာတော့မည့် မင်္ဂလာနိမိတ်ပါ 🦋

✨စင်ကြယ်သောစိတ်မနောဖြင့်သာ ရောက်လာစေနိုင်မှာ✨

🌈 ကိုယ် စိတ် နှလုံး စင်ကြယ်ဖို့ သီလမြဲအောင် အားထုတ်စို့ 💫

So Soul
♾️

22/05/2026

🪐 ဒီနှစ် မွေးနေ့ကျရင် ကိုယ့်ကိုယ်ကို နာရီဝယ်ပေးမယ် ဆိုပြီး ငွေပမာဏတစ်ခု မသုံးပဲ ဖယ်ထားခဲ့တယ်။

💫 ဒါပေမယ့် အိမ်မှာအလှူပိစိလေးလုပ်တော့ အစ်မကြီး ငွေနည်းနည်းလိုသွားတာနဲ့ နာရီဝယ်ဖို့ စုဖယ်ထားတဲ့ငွေကို ထုတ်ပေးလိုက်တယ်။

🩵 အလှူပြီးတော့ သိပ်ချစ်ရတဲ့သူတစ်ယောက်က မွေးနေ့လက်ဆောင် နာရီဝယ်ပေးမယ်။ ကြိုက်ရာရွေးလိုက်တဲ့။ သူ့ကို ဝယ်ပေးပါ ၊ လိုချင်တယ် စသဖြင့် တခါမှ မပြောထားဖူးပဲနဲ့ကို သူက ပြောလာတာ။

🎁 MK , GUESS , AC , CASIO , ROMANSAN , The Burma Watch တို့မှာ လှည့်ပတ်ရွေးရင်း နောက်ဆုံး ဒါလေး ကွန်ဖမ်းဖြစ်သွားတယ်။ ရွေးလိုက်တဲ့နာရီရဲ့တန်ဖိုးက အစကတည်းက နာရီဝယ်ဖို့ ကျွန်မစုထားခဲ့တဲ့ ပမာဏ ဝန်းကျင်ပဲရယ်။ တိုက်ဆိုင်လိုက်တာများကွာ …..

♾️ ပေးတိုင်း ပေးသလို ပြန်ရတတ်တဲ့ ဆွဲအားနိယာမကို ယုံကြည်တယ်ဆိုတာ ဒီလိုတွေ ကြုံရလို့ပါ။ ဒီလိုနဲ့ စကြဝဠာနဲ့ ကိုယ်ဟာ မိတ်ဖက်ဖြစ်လာခဲ့တာပဲ။

🌈 အကျိုးရလာဒ်ကို အရမ်းမမျှော်လင့်ပဲ ထောက်ပံ့ကူညီသင့် ၊ ပံ့ပိုး လှူဒါန်းသင့်တာတွေကို လုပ်ဖြစ်လာလေလေ ကိုယ်လိုတာလေးတွေဟာလည်း အခြားတဖက်ကနေ ပြည့်လာလေလေပါပဲ။

🍃 တူသောအကျိုးပေးပါစေ ဆိုတာ ဆုတောင်းစရာမလိုပဲ ရကိုရမယ့်အရာမို့ ကောင်းသောအကျိုးရဖို့ ကောင်းသောအကြောင်းတွေကိုသာ ပြုကြရအောင်လေ။

So Soul
♾️

22/05/2026

🍀 အေးချမ်းစွာ ကံကောင်းတော့မည်လူဟာ ဒီစာကို မြင်တွေ့လိုက်ရတဲ့သူပါ 🍀

💫 ယုံကြည်တယ်ဆို say “ YES “ , လက်ခံလိုက် 💫

So Soul
♾️

21/05/2026

⚜️ ဒီရက်ထဲ ဖွင့်သာ မပြောဖြစ်တာ။ ဇာတ်ပွဲတွေ တခေတ်စန်းထလာတာ ကျွန်မ အရမ်းဝမ်းသာမိတယ်။ ကျွန်မက ပွဲကြိုက်ခင်မျိုးရိုးမှာ ကြီးပြင်းခဲ့တာမို့လေ။ မန္တလေးမှာ မွေးဖွားခဲ့ပြီး ကျွန်မရဲ့ငယ်စဉ်ကလေးဘဝဟာ ဗလာပွဲ၊ ရုံပွဲ ဇာတ်ပွဲအစုံကြည့်ရင်း ဖြတ်သန်းခဲ့ရတာပေါ့။

⚜️ ရွှေမန်းချမ်းသာ ၊ မန္တလေးသိန်းဇော် ၊ တွံတေးသိန်းတန် ၊ ရွှေမန်းသဘင် တင်မောင်ဆန်းမင်းဝင်း ၊ မြို့ရွှေမန်းသား ဖိုးချစ် ၊ စံပြသဘင် ဟန်ဇာမိုးဝင်း ၊ ဖိုးချစ်နိုင် ၊ ရွှေညီကို ၊ မျိုးနန္ဒ ၊ ဝင်းနောင် ပွဲတွေဟာ ရှင်သန်ကြီးပြင်းရာဘဝမှာ တစိတ်တပိုင်းနေရာယူခဲ့တယ်။ ဇာတ်မင်းသမီးတွေထဲမှာဆို မတင်ဇာမိုးဝင်း၊ မမေတင်မောင်ဆန်းဝင်း၊ ဆူး ၊ စိုးစိုး ၊ သူသူနန်းဝင်း တို့ကို အင်မတန်သဘောကျခဲ့တာပဲ။ တချို့မင်းသားတွေ လူရွှင်တော်တွေဆို အမေ၊ အစ်မ တို့နဲ့ ရင်းနှီးပြီး အိမ်မှာ ပွဲနားချိန် ခဏတည်းခိုတာ ဝင်ထွက်စားသောက်တာတွေ ရှိခဲ့ဖူးတယ်။ တချို့ဆို အခု နိုင်ငံကျော်သည်အထိ နာမည်ကြီးနေကြပြီ။ ဓာတ်ပုံတွဲရိုက်တာ ၊ လက်ကိုင်တာ ၊ ပွေ့ဖက်နမ်းတာတွေတော့ တစ်ခါမှ မလုပ်ခဲ့ဖူးဘူး။ ရှက်တာကြောက်တာ ၊ သူများပြောမှာထက် စိတ်ထဲကနေ မလုပ်ချင်လို့ကို မလုပ်ဖြစ်ခဲ့တာပါပဲ။

⚜️ ကျွန်မ တက္ကသိုလ်တက်ရင်း ဇာတ်ပွဲတွေကို ရူးသွပ်ချိန်မှာ အတန်းတူသူငယ်ချင်းတွေက အံ့ဩကြတယ်။ ဒါပေသိ ဝေဖန်တာတွေမလုပ်ဘဲ ဇာတ်ကြည့်တာနှင့်ပတ်သက်ပြီး ကျွန်မလုပ်ချင်တာမှန်သမျှ ဘေးကနေ ပံ့ပိုးပေးတယ်။ အရေးကြီးတဲ့ စာမေးပွဲနီးနေရင်လည်း ရတနာ့ဂူနတ်ပွဲမှာ ဇာတ်ပွဲပါတယ်ဆို ရန်ကုန်ကနေ မန္တလေးကို ညတွင်းချင်းကားစီး ပြေးကြည့်တာ။ သူငယ်ချင်းတွေက စာတွေကူးပေး၊ roll call ခိုးဖြည့်ပေးနဲ့ ( ဒီ post ကို ဆေးဝါးတက္ကသိုလ်က ဆရာမတွေ မမြင်ပါစေနဲ့ ) ဇာတ်မင်းသားတွေကိုရူးသွပ်မှုမှာလည်း ပါရမီ ရှယ်ဖြည့်ပေးခဲ့သေးတာ။ ကိုယ့်ဘေးနားက ရွယ်တူတွေက ဇာတ်ကို စိတ်မဝင်စား သည်းသည်းမလှုပ်တော့ မြန်မာ့ဇာတ်သဘင်ကို အားပေးမြှင့်တင်ဖို့က လူငယ်လူရွယ် ကိုယ့်တစ်ယောက်ထဲရဲ့ တာဝန်ကြီး ဖြစ်နေသလိုလို။ အခုလို ဇာတ်သဘင်ကို ဝက်ဝက်ကွဲ သည်းသည်းလှုပ်အားပေးနေကြတာမြင်ရတော့မှ ကိုယ့်တာဝန်ပေါ့သွားသလို ခံစားရတယ်။

🤩 တခါက နာမည်ကြီးဇာတ်ပွဲမှာ မင်းသားကို ပန်းကုံးစွပ်ရင်း ကျွန်မ့ညီမလေး ဓာတ်လိုက်ဖူးတယ်။ သူက မင်းသားကို ဆုချ ပန်းကုံးစွပ်နေတာကြာနေတော့ မင်းသားလေးနဲ့ စကားကပ်ပြောနေတယ်လို့ ထင်တာ။ တကယ်က ညီမလေးက နည်းနည်းလေးကျင်ရုံမျှ ဓာတ်လိုက်နေပြီး ခွါမရဖြစ်နေတာ။ နည်းနည်းကြာမှ လူရွှင်တော်ကြီးတစ်ယောက်က “ ဓာတ်လိုက်နေတာဟ” ဆိုပြီး ပုဝါတွေပတ်ပြီး ဆွဲခွါပေးရတယ်။ ခုထိ အမျိုးတွေဆုံရင် အဲ့အကြောင်းပြန်ပြော မျက်ရည်ထွက်အောင် ရယ်ရတုန်း။

🍯 ကျွန်မတို့ ငယ်ငယ်က ဇာတ်ပွဲသွားကြည့်မယ်ဆိုရင် လက်ဖက်သုပ် ၊ ကြက်ကြော် ၊ ထမင်း စတာတွေကို ချိုင့်ကြီး ချိုင့်ငယ်နဲ့ထည်ကြ။ လက်ဖက်ရည်ကို ဓာတ်ဗူးကြီးတွေနဲ့ ထည့်ကြ။ အပျိုလေး ၊ အပျိုကြီးတွေက မင်းသားအတွက် ပန်းကုံးတွေ သီကြ ကုံးကြ။ ဖျာ ခေါင်းအုံး ၊ စောင်တွေလည်း သယ်ဖို့ ထုတ်ပိုးကြ။ အဲ့လို ပြင်ဆင်နေကြတာနဲ့တင် ပျော်စရာကြီး။ အဲ့တုန်းက ဖျာတစ်ချပ် ဆိုတာက အကျယ်ကြီး။ အမျိုးတွေ တအုပ်ကြီး အတူသွားကြည့်ကြတာမို့ ပွဲခင်းထဲ ပွဲစျေးလျှောက်ရင်း ဟိုတို့ ဒီဆိတ်ခံရတာလည်း ကြုံရခဲပါတယ်။

🧴 ပွဲကြိုက်ခင် ကျွန်မအတွက် နည်းနည်းကြီးလာတော့ အဆင်မပြေတာက ပွဲခင်းထဲက အိမ်သာတွေရဲ့ အင်မတန် ညစ်ပတ်မှုပါပဲ။ အနာဂတ်တနေ့မှာ မြန်မာ့ဇာတ်ပွဲတွေ နိုင်ငံခြားကလို ခမ်းနားသန့်ရှင်း တင့်တယ်သော မိုးလုံလေလုံ ဇာတ်ရုံကြီးတွေမှာ ကပြနေတာကို မြင်ရဖို့ မျှော်လင့်ခဲ့မိတယ်။ ပွဲကြည့်ရင်း သန့်စင်ခန်းတွေလည်း သန့်သန့်ရှင်းရှင်း အသုံးပြုရဖို့ဟာ ဇာတ်ချစ်သူကျွန်မရဲ့ ဟိုးတုန်းကအိပ်မက်လေး တစ်ခုဖြစ်ခဲ့တယ်။

♻️ နှစ်ပါးသွားအပြီး မိုးလင်းလို့ အိမ်ပြန်ကြတဲ့အခါ ပွဲခင်းထဲမှာ နေကြာစေ့ခွံလို အမှိုက်မျိုးစုံ ပွစာကျဲပြီး ကျန်ခဲ့တတ်တယ်။ ကိုယ်စီ အမှိုက်လေးတွေကို စနစ်တကျ ထုတ်ပိုးပြီး သတ်မှတ်ထားသောနေရာမှာ စွန့်ပစ်ကြရင် သိပ်ကောင်းမှာပဲလို့ ပွဲကြည့်ပြီးတိုင်း တွေးမိတယ်။ ဒါလည်း တနေ့မှာ ဖြစ်လာပါစေလို့ ဆုတောင်းမိဆဲပါပဲ။

🤎 ပွဲတခါမှ မကြည့်ဖူးတဲ့ သူငယ်ချင်းတွေကို ဖျာကြေး၊ ရုံဝင်ကြေး အကုန်စရိတ်ခံပြီး ပွဲပြရင်း ကိုယ့်လိုဇာတ်ကြိုက်လာဖို့ ဆွယ်သေးတာနော် ( ဇာတ်သွင်းတယ် ဆိုတာ ဒါပေါ့ ) ။ သူတို့တွေက ပွဲလိုက်ကြည့်ရင်း စတိတ်ရှိုးကဏ္ဍရောက်ရင် “ ဟင် ဒါ ဟို အဆိုတော်ရဲ့သီချင်း ၊ ဒီ အဆိုတော်ရဲ့သီချင်း “ လို့ ပြောတဲ့အခါ ကျွန်မမှာ ကြားထဲက မဆီမဆိုင် ဘာကြောင့်မှန်းမသိ မျက်နှာပူခဲ့ရသေးတာ။ ကျွန်မက ဇာတ်သဘင်ဟာ ကိုယ်ပိုင်ဟန်နှင့် ဘယ်လိုခမ်းနားကြောင်း ဇာတ်ပွဲမကြည့်ဖူးတဲ့ သူငယ်ချင်းတွေကို ပြချင်ခဲ့တာ။

🎺 ဒီနေ့ခေတ်မှာ ဇာတ်သဘင်ရဲ့စတိတ်ရှိုးမှာ အသုံးပြုသီဆိုမယ့်သီချင်းတွေအတွက် တေးရေး / တေးဆိုတွေကို တရားဝင်ခွင့်ပြုချက် တောင်းလာတာမြင်ရတော့ ဇာတ်သဘင်ချစ်သူတစ်ယောက်အနေနဲ့ ကျေနပ်ဂုဏ်ယူမိရပြန်တယ်။ မြန်မာ့ရိုးရာယဉ်ကျေးမှုကို မြတ်နိုးတန်ဖိုးထားပြီး အချိန်တွေအကြာကြီး နှစ်မြှုပ်ကြိုးစား တင်ဆက်ပြီးအောင်မြင်လာတဲ့ ဇာတ်သဘင်ပညာရှင်တွေကို ဝိုင်းအားပေးကြတာ မြင်ရတော့လည်း ကြည်နူးမိတယ်။

🍂 အခုတော့ ဇာတ်ပွဲတွေလည်း အချိန်ပေးလိုက်မကြည့်နိုင်တော့ဘူး။ အလုပ်တွေ များလာတာလဲပါသလို ငယ်ငယ်က စိတ်ရှိသလို ရန်ကုန် - မန္တလေး ကူးသန်းပြီး ကြိုက်တဲ့ ဇာတ်အဖွဲ့နောက်လိုက် အဝကြည့်ခဲ့ရလို့ထင်ပါရဲ့။ အခုဆို သူများတွေ ဇာတ်ပွဲကြည့်ပြီး ပျော်နေတာ မြင်ရရင် ဇာတ်သဘင်ကို အလုံးအရင်းနဲ့ချစ်လာကြတာတွေးမိပြီး ပီတိတွေဖြစ်တာနဲ့တင် ကျေနပ်နေတော့တာ။ ကိုယ်တိုင်ကတော့ အလိုလို ကြည့်ချင်စိတ်လည်း မရှိတော့လို့ သူငယ်ချင်းအရင်းကြီးတချို့က အံ့ဩကြလေရဲ့။ တစ်ခုခုကို ရူးသွပ်ခုံမင် နှစ်သက်တယ်ဆို အပြည့်အဝအရသာခံစားလိုက်ရတာ ကောင်းတယ်နော်။ စိတ်ရဲ့သဘောကိုက မထိတထိဆို ပိုစွဲလမ်းတတ်ပြီး အမုန်းဖွင့်ချစီးမျောလိုက်ရင် အချိန်တစ်ခုရောက်တဲ့အခါ ပြီးသွားတာပဲ။

🪺 ဟိုးတလောက အခုနာမည်ကြီးနေတဲ့ဇာတ်ပွဲတချို့ ကြည့်လိုက်သေးတယ်။ အရင်ကလို ကြိုက်တဲ့ ဇာတ်အဖွဲ့တွေနောက် တကောက်ကောက်လိုက်ပြီး ကြည့်ချင်စိတ်မဖြစ်နေတော့တဲ့ ပြောင်းလဲလာမှုကို တွေ့ရတယ်။ လူငယ်ဘဝ ခုံမင်ရူးသွပ်တဲ့အရာနောက်ကိုလိုက် လုပ်ချင်တာလုပ်ပြီး ကဲချင်တဲ့အချိန်မှာ အပြည့်အဝကဲခွင့်ရခဲ့တဲ့ ဒီဘဝကို ကျေနပ်တယ်၊ ကျေးဇူးတင်တယ်။ ဒီအချိန်ထိ လုပ်ခဲ့တဲ့အရာရာကြောင့် လူဖြစ်ပြီး ရှင်သန်ရတာ တန်တယ်လို့ ခံစားပြီး ပီတိဖြစ်တယ်။

👑 ဇာတ်သဘင်ကို နှစ်သက်မြတ်နိုးသူတစ်ယောက်ရဲ့ ပွဲကြိုက်ခင်အဖြစ် ဖြတ်သန်းခဲ့ဖူးသော ဟိုးတုန်းက အဖြစ်သနစ်တချို့ပါ။ ဘဝတူ ဇာတ်ချစ်သူများ ဖတ်မိရင် ချစ်စရာ ဇာတ်ပွဲအတွေ့အကြုံလေးတွေ မျှဝေပေးခဲ့ပါအုံးလား။ ကျွန်မလည်း ဖတ်ချင်တယ်လေနော်။

So Soul
♾️

#မြန်မာ့ဇာတ်သဘင်_ဇာတ်ပွဲ

#ပွဲကြိုက်ခင်_အညာဇာတ်ပွဲ

21/05/2026

Jerry is in my room 🤣🤣🤣

Han Thi Zin

25/05/2026

25/05/2026

25/05/2026

24/05/2026

24/05/2026

23/05/2026

23/05/2026

22/05/2026

22/05/2026

21/05/2026

21/05/2026

Address

Opening Hours

Telephone

Website

Alerts

Contact The Practice

Shortcuts

Share

Category

Tuesday	09:00 - 17:00
Wednesday	09:00 - 17:00
Thursday	09:00 - 17:00
Friday	09:00 - 17:00
Saturday	09:00 - 17:00
Sunday	09:00 - 17:00