https://www.facebook.com/109738868619303/

Lin Yaung Oo Hospital, 19th Street, Mandalay (2026)

28/09/2026

"လည်ပင်းမှာ အကျိတ်တစ်ခု ပေါ်လာတာနဲ့ အစိုးရိမ်လွန် မသွားကြပါနဲ့နော်…"

💁‍♀️ များသောအားဖြင့်တော့ လူတော်တော်များများဟာ လည်ပင်းမှာ သိုင်းရွိုက်အကျိတ်ရှိတယ်လို့ သိလိုက်ရတဲ့အခါ မိမိကိုယ်ကို "ငါ သိုင်းရွိုက်ကင်ဆာ ဖြစ်နေပြီလား" ဆိုတဲ့ ထိတ်လန့်စိုးရိမ်မှုနဲ့အတူ အကြောက်တရားကို စတင်ရင်ဆိုင်ကြရပါတယ်။

👉 ဒါပေမဲ့ သိထားရမှာတစ်ခုက သိုင်းရွိုက်ရောဂါဟာ စောစီးစွာ သိရှိပြီး စနစ်တကျ ကုသမှုခံယူရင် အမြစ်ပြတ် သက်သာပျောက်ကင်းနိုင်ခြေ အမြင့်မားဆုံး ရောဂါတွေထဲက တစ်ခု ဖြစ်နေတာပါပဲ။

သိုင်းရွိုက်ရောဂါကို အဓိကအားဖြင့် အမျိုးအစား (၄) မျိုး ခွဲခြားနိုင်ပါတယ်။

၁။ Papillary Thyroid Cancer (ပက်ပီလာရီ သိုင်းရွိုက်ကင်ဆာ)

• အဖြစ်အများဆုံးအမျိုးအစား: သိုင်းရွိုက်ကင်ဆာဝေဒနာရှင် စုစုပေါင်း၏ ၈၀ ရာခိုင်နှုန်းခန့် တွင် ဤအမျိုးအစား ဖြစ်ပွါးတတ်ပါတယ်။ ကင်ဆာဆဲလ် ကြီးထွားမှု အလွန်နှေးကွေးပြီး စောစီးစွာ သိရှိပါက လုံးဝပျောက်ကင်းအောင် ကုသနိုင်ခြေ အလွန်မြင့်မားပါတယ်။

၂။ Follicular Thyroid Cancer (ဖော်လီကူလာ သိုင်းရွိုက်ကင်ဆာ)

• ဒုတိယအဖြစ်အများဆုံး: သိုင်းရွိုက်ကင်ဆာများထဲတွင် ဒုတိယ အဖြစ်အများဆုံး အမျိုးအစား ဖြစ်ပါတယ်။ အထက်ပါ Papillary နှင့် Follicular အမျိုးအစား နှစ်ခုပေါင်းသည် သိုင်းရွိုက်ကင်ဆာအားလုံး၏ ၉၅ ရာခိုင်နှုန်းခန့် ရှိပြီး ကုသရ ပိုမိုလွယ်ကူသော အမျိုးအစားများ ဖြစ်ကြပါတယ်။

၃။ Medullary Thyroid Cancer (မက်ဒူလာရီ သိုင်းရွိုက်ကင်ဆာ)

• မျိုးရိုးလိုက်တတ်သောအမျိုးအစား: သိုင်းရွိုက်ကင်ဆာအားလုံး၏ ၅ ရာခိုင်နှုန်းမှ ၈ ရာခိုင်နှုန်းဝန်းကျင်တွင်သာ တွေ့ရတတ်သည့် ရှားပါးအမျိုးအစား ဖြစ်ပါတယ်။ ခန္ဓာကိုယ်၏ အခြားနေရာများရှိ အကျိတ်များနှင့် တွဲလျက်တွေ့ရတတ်ပြီး စောစီးစွာ ရှာဖွေကုသရန် မိသားစုဝင်များကိုပါ စစ်ဆေးမှုများ ပြုလုပ်ရန် လိုအပ်တတ်ပါတယ်။

၄။ Anaplastic Thyroid Cancer (အနာပလတ်စတစ် သိုင်းရွိုက်ကင်ဆာ)

• အပြင်းထန်ဆုံးအမျိုးအစား: အလွန်ရှားပါးသော်လည်း အန္တရာယ်အရှိဆုံးနှင့် အပြင်းထန်ဆုံး အမျိုးအစား ဖြစ်ပါတယ်။ ကင်ဆာဆဲလ်များ ကြီးထွားမှု အလွန်မြန်ဆန်ပြီး အခြားခန္ဓာကိုယ် အစိတ်အပိုင်းများဆီသို့ လျင်မြန်စွာ ပြန့်နှံ့သွားတတ်သောကြောင့် ကုသရန် အလွန်ခက်ခဲတတ်ပါတယ်။

ဒါကြောင့် သင် သို့မဟုတ် သင့်နီးစပ်သူတစ်ဦးဦးမှာ လည်ပင်း၌ အလုံးအကျိတ်စမ်းမိခြင်း၊ အသံဝင်ခြင်း သို့မဟုတ် အစာမျိုရခက်ခဲခြင်း ကဲ့သို့သော လက္ခဏာများ ခံစားနေရပါက တိကျသေချာသော ရောဂါရှာဖွေမှု ခံယူနိုင်ရန်
အတွက် ”လင်းရောင်ဦးဆေးရုံ” တွင် နေ့စဉ်လာရောက်ပြသနိုင်ပါပြီ။ 🏥

ကမ်းလက်များနှင့် ဖေးမကူ ကျန်းမာကြည်နူး “လင်းရောင်ဦး”

“လင်းရောင်ဦးဆေးရုံ”

🏥- ၁၉လမ်း၊ ၆၃x၆၄လမ်းကြား၊ နန်းရှေ့၊ အောင်မြေသာစံမြို့နယ်၊ မန္တလေးမြို့။

☎️- 09 949 241 001 ~ 3, 09 740 900 961

23/09/2026

🤰ကိုယ်ဝန်ရင့်ချိန် (ကိုယ်ဝန်နောက်ဆုံး ၃ လပတ်) မှာ ကလေးမွေးဖွားပြီးရင် နို့ထွက်ကောင်းစေဖို့နဲ့ နို့ဦးရည် (Colostrum) အပြည့်အဝ ထွက်ရှိနိုင်ဖို့အတွက် စားသုံးပေးသင့်တဲ့ အစာအာဟာရတွေကို ဗဟုသုတရစေရန် “လင်းရောင်ဦးဆေးရုံ” မှ ဖော်ပြပေးလိုက်ပါတယ်။

1. ပရိုတိန်း (အသားဓာတ်) ရရှိသော အစားအစာများ နို့ရည် ထုတ်လုပ်မှုအတွက် ပရိုတိန်းဓာတ်က အဓိက လိုအပ်ပါတယ်။ ကြက်ဥ၊ ငါး၊ အဆီမပါသော အသား၊ ပဲအမျိုးမျိုး (ပဲဝါ၊ ပဲနီလေး)၊ တို့ဟူးနှင့် နို့ထွက်ပစ္စည်းများကို နေ့စဉ် ပုံမှန် စားသုံးပေးသင့်ပါတယ်။

2. အုတ်ဂျုံ (Oats) နှင့် ကောက်နှံစေ့များ အုတ်ဂျုံမှာ အမျှင်ဓာတ်၊ သံဓာတ်နှင့် ဗီတာမင် B တို့ ကြွယ်ဝစွာ ပါဝင်ပြီး မိခင်၏ စိတ်ဖိစီးမှုကို လျှော့ချပေးကာ မိခင်နို့ထွက်အောင် လှုံ့ဆော်ပေးသည့် ပရိုလက်တင် (Prolactin) ဟော်မုန်းကို မြှင့်တင်ပေးပါတယ်။

3. အစိမ်းရောင်ရှိသော ဟင်းသီးဟင်းရွက်များ ဟင်းနုနယ်၊ ကိုက်လန်၊ ကန်စွန်းရွက် စသည့် ရွက်စိမ်း ဟင်းသီးဟင်းရွက်များတွင် ကယ်လ်ဆီယမ်၊ ဖောလစ်အက်ဆစ်နှင့် သံဓာတ်များ ပါဝင်သဖြင့် သွေးအားကောင်းစေပြီး နို့ရည်
အရည်အသွေးကို မြှင့်တင်ပေးပါတယ်။

4. အစေ့အဆန်များနှင့် အခွံမာသီးများ ဗာဒံစေ့ (Almonds)၊ သစ်ကြားသီး၊ ဖရုံစေ့နှင့် နှမ်းနက် တို့တွင် အဆီကောင်း (Healthy fats) နှင့် ကယ်လ်ဆီယမ် ပါဝင်သောကြောင့် မွေးဖွားပြီးနောက် နို့ရည်ကျန်နှုန်းနှင့် အာဟာရတန်ဖိုးကို တိုးတက်စေပါတယ်။

5. ကြက်သွန်ဖြူနှင့် ဂျင်း ကြက်သွန်ဖြူနှင့် ဂျင်းတို့သည် နို့ထွက်အားကောင်းစေသည့် သဘာဝဆေးဖက်ဝင် အစားအစာများဖြစ်ပြီး ကိုယ်ခံအားကိုလည်း မြှင့်တင်ပေးပါတယ်။ ဟင်းလျာများတွင် သင့်တော်ရုံ ထည့်ချက်စားပေးနိုင်ပါတယ်။

6. ရေနှင့် အရည်များများ သောက်ပေးခြင်း မိခင်နို့ရည်၏ ၈၇% ခန့်သည် ရေဖြစ်သောကြောင့် ကိုယ်ဝန်ရင့်ချိန်မှစ၍ ရေကို တစ်နေ့လျှင် ၈ ခွက်မှ ၁၀ ခွက်အထိ လုံလောက်စွာ သောက်ပေးရန် လိုအပ်ပါတယ်။ ရေအပြင် စွပ်ပြုတ်နှင့် ဟင်းခါးရည်များလည်း သောက်ပေးနိုင်ပါတယ်။

ရှောင်ကြဉ်ရမယ့် အချက်တွေကတော့
* ကဖိန်းဓာတ် လွန်ကဲစွာ စားသုံးခြင်း (ကော်ဖီ၊ လက်ဖက်ရည် မကြာခဏ သောက်ခြင်း) ကို လျှော့ချပါ။
* သကြားနှင့် အဆီများလွန်ကဲသော အစားအစာများကို ရှောင်ကြဉ်ပါ။

ကမ်းလက်များနှင့် ဖေးမကူ ကျန်းမာကြည်နူး “လင်းရောင်ဦး”

“လင်းရောင်ဦးဆေးရုံ”

🏥- ၁၉လမ်း၊ ၆၃x၆၄လမ်းကြား၊ နန်းရှေ့၊ အောင်မြေသာစံမြို့နယ်၊ မန္တလေးမြို့။

☎️- 09 949 241 001 ~ 3, 09 740 900 961

15/09/2026

☀️ နံနက်စာမစားတာ ဘယ်လောက်ကြောက်ဖို့ ကောင်းလဲဆိုတာ သင်သိပါသလား ?

👉 ကျွန်တော်တို့လို လူငယ်တွေက နံနက်စားစားဖို့ အင်မတန်ပျင်းကြပါတယ်။ နံနက်ဆို ဘာမှမစားချင်လို့၊ နံနက်စာစားဖို့ အချိန်မမီလို့၊ အိပ်ရာထနောက်ကျလို့ စတဲ့ အကြောင်းပြချက်အမျိုးမျိုးနဲ့ နံနက်စာကို လွတ်လွတ်နေတတ်ကြပါတယ်။ တကယ်တော့ နံနက်စာက နေ့တစ်နေ့အတွက် အရေးအကြီးဆုံးဖြစ်ပြီး နေ့လည်စာနဲ့ ညစာထက်တောင် ပိုအရေးကြီးပါတယ်။ နံနက်စာမစားတာ လနဲ့ချီ၊ နှစ်နဲ့ချီ ဖြစ်လာတဲ့အခါ အန္တရာယ်တွေ စတင်ဖြစ်ပေါ်လာပါတော့တယ်။

စိတ်ပိုင်းဆိုင်ရာ ထိခိုက်လာမယ်။

နံနက်စာမစားတဲ့အခါ သွေ.တွင်းသကြားဓာတ်နည်းလာပြီး စိတ်ဖိစီးမှုနဲ့ စိုးရိမ်ပူပန်စိတ်တွေ မြင့်တက်လာစေနိုင်ပါတယ်။ တစ်ယောက်တည်းနေတဲ့အခါ စိတ်ခြောက်ခြားလာတာမျိုး၊ အလိုလို ဝမ်းနည်းလာတတ်တာမျိုးတွေ ဖြစ်လာနိုင်ပါတယ်။ ပျော်ရွှင်မှုတွေ ပျောက်ဆုံးလာနိုင်ပါတယ်။

လူမှုဆက်ဆံရေး အားနည်းလာမယ်။
ဒါကလည်း စိတ်ပိုင်းဆိုင်ရာထိခိုက်မှုကနေ ထပ်ဆင့်ဖြစ်လာတဲ့ ဆိုးကျိုးဖြစ်ပါတယ်။ ပျော်ရွှင်မှုနဲ့ တက်ကြွမှုတွေ ပျောက်ဆုံးပြီး စိတ်ဖိစီးမှုများနေတဲ့သူဟာ လူမှုဆက်ဆံရေးပိုင်းမှာ ဘယ်လိုမှ အဆင်ပြေမှာမဟုတ်ပါဘူး။ လက်ရှိ ခင်မင်ရင်းနှီးရသူတွေနဲ့လည်း ပြဿနာတွေ များလာနိုင်ပါတယ်။ ပတ်ဝန်းကျင်မှာလည်း ဝင်ဆံ့တော့မှာ မဟုတ်ပါဘူး။

ဦးနှောက်ကျန်းမာရေး ထိခိုက်လာမယ်။
နံနက်စာမစားတဲ့သူဟာ အမေ့လွယ်တာတွေ၊ ကြာကြာမစဉ်းစားနိုင်တာတွေဖြစ်တဲ့အပြင် အသက်ကြီးလာတဲ့အခါ အယ်လ်ဇိုင်းမားရောဂါ အလွယ်တကူဝင်နိုင်ပါတယ်။ မှတ်ဉာဏ်စွမ်းရည် ကျဆင်းလာပြီး အာရုံစူးစိုက်နိုင်စွမ်း လျော့နည်းလာပါလိမ့်မယ်။ တီထွင်ဖန်တီးနိုင်စွမ်းလည်း လျော့နည်းလာပါလိမ့်မယ်။

ဆံပင်ကျွတ်နိုင်တယ်။
နံနက်စာမစားတဲ့အခါ protein ကို ပြည့်ဝစွာမရရှိနိုင်ပါဘူး။ အဲ့ဒီအခါ ဆံသားအတွက်လိုအပ်တဲ့ keratin လည်း မရရှိတော့ပါဘူး။ ဒါကြောင့် ဆံပင်ကျွတ်တာတွေ၊ ထိပ်ပြောင်တာတွေ ဖြစ်လာနိုင်ပါတယ်။ ဆံပင်ပြန်ပေါက်ဖို့လည်း ခက်ခဲလာနိုင်ပါတယ်။

ဝမ်းဗိုက်အဆီတွေ ဖြစ်လာမယ်။
နံနက်စာရှောင်တဲ့သူတွေဟာ နေ့လည်စာနဲ့ ညစာကို ပိုစားတတ်ကြပါတယ်။ တကယ်တော့ နံနက်စာဟာ ဘယ်လောက်အများကြီးစားစား ဝမ်းဗိုက်အဆီကို ဖြစ်မလာစေပါဘူး။ နေ့လည်စာနဲ့ ညစာကတော့ စားရင်စားသလို အဆီတက်စေပါတယ်။ တကယ်လို့ ဝိတ်ချမယ်လို့ စိတ်ကူးထားတယ်ဆိုရင် နေ့လည်စာနဲ့ ညစာကို လျော့စားပြီး နံနက်စာကို အဝ စားပေးသင့်ပါတယ်။

နှလုံးရောဂါ ဖြစ်လာမယ်။
နံနက်စာမစားတဲ့သူဟာ တဖြည်းဖြည်းနဲ့ နှလုံးအားနည်းလာပြီး နှလုံးရောဂါ ဖြစ်လာစေနိုင်ပါတယ်။ နှလုံးရောဂါဟာ ရုတ်တရက်အသက်ရှူရပ်ပြီး အသက်ဆုံးစေနိုင်တဲ့အထိ ပြင်းထန်ပါတယ်။ ဖြစ်ပြီးသွားရင်လည်း အရှင်းမပျောက်တော့တဲ့ ရောဂါမျိုးဖြစ်ပါတယ်။

ဆီးချိုရောဂါ ဖြစ်ပွားနိုင်ချေ များပါတယ်။
နံနက်စာမစားတဲ့သူတွေဟာ အမျိုးအစား (၂) ဆီးချိုရောဂါ ဖြစ်နိုင်ချေများတယ်လို့ ဆရာဝန်တွေက ထောက်ပြထားပါတယ်။ အင်ဆူလင် လုံလုံလောက်လောက်မထွက်တာကြောင့် အမျိုးအစား (၂) ဆီးချိုရောဂါ ဖြစ်ပွားလာရခြင်း ဖြစ်ပါတယ်။

သင်ရော နံနက်စာ ခဏခဏလွတ်တဲ့ထဲ ပါနေပြီလား ??

ကမ်းလက်များနှင့် ဖေးမကူ ကျန်းမာကြည်နူး “လင်းရောင်ဦး”

“လင်းရောင်ဦးဆေးရုံ”

🏥- ၁၉လမ်း၊ ၆၃x၆၄လမ်းကြား၊ နန်းရှေ့၊ အောင်မြေသာစံမြို့နယ်၊ မန္တလေးမြို့။

☎️- 09 949 241 001 ~ 3, 09 740 900 961

10/09/2026

🤔 အဆစ်အမြစ်တွေ နာကျင်ရောင်ရမ်းလာတာ ဂေါက်(Gout) ရောဂါကြောင့်လား ?

👉 ဂေါက်(Gout) ရောဂါ ဆိုတာ သွေးတွင်းထဲမှာရှိတဲ့ Uric Acid ပမာဏ လွန်ကဲစွာ များပြားလာတဲ့အခါ အဆစ်အမြစ်တွေ ကြားထဲမှာ Uric Acid Crystal (ပုံဆောင်ခဲ) လေးတွေ သွားစုပုံလာပြီး ပြင်းထန်စွာ နာကျင်ရောင်ရမ်းစေတဲ့ ‌ဂေါက်(Gout) အဆစ်အမြစ်ရောင် ရောဂါ တစ်မျိုးပဲ ဖြစ်ပါတယ်။

ဂေါက်(Gout) ရောဂါဟာ မျိုးရိုးလိုက်တတ်ပြီး များသောအားဖြင့် အသက်ကြီးသော အမျိုးသားများတွင် အဖြစ်များလေ့ရှိတတ်ပါတယ်။ ဒါ့အပြင် ဂေါက်(Gout) ဖြစ်နိုင်ခြေ မြင့်မားတဲ့သူများကတော့

-အဝလွန်နေသူများ
-ဆီးဆေး၊ သွေးတိုးကျဆေး ပုံမှန်သောက်သုံးနေရသူများ
-အရက်၊ဘီယာ အလွန်အကျွံ သောက်သုံးသူများ
-သွေးဆုံးပြီးခါစ အမျိုးသမီးများ
-ကိုလက်စထရော (သွေးတွင်းအဆီဓာတ်) များသူများ
-သွေးတိုး၊ဆီးချို၊ကျောက်ကပ်မကောင်းသူများနှင့် အရိုးအဆစ်ရောင် ရောဂါရှိသူများ ဖြစ်ပါတယ်။

👩‍⚕️ဂေါက်(Gout) ရောဂါကို များသောအားဖြင့် သာမန် အဆစ်ရောင်တာနဲ့ မှားလေ့ရှိကြတာမို့ ဂေါက်(Gout) ဟုတ်မဟုတ် သိနိုင်ဖို့ ဒီလက္ခဏာတွေကို အထူးသတိထားကြည့်ဖို့ လိုအပ်ပါတယ်နော်…

-ရုတ်တရက် ခန္ဓာကိုယ် ပြင်းထန်စွာ နာကျင်ခြင်း
-နာကျင်နေတဲ့ အဆစ်နေရာဟာ ပူပြီး ရောင်ရမ်း၊ နီရဲလာခြင်း
-ရောင်ရမ်းနေသော အဆစ်မြစ်များ လှုပ်ရှားရ ခက်ခဲခြင်း
-ဂေါက်(Gout) အဖုအကျိတ်များ ထွက်ပေါ်လာခြင်း တို့ပဲ ဖြစ်ပါတယ်။

🔰 ဂေါက်(Gout) ရောဂါမဖြစ်စေရန် အကောင်းဆုံး ကြိုတင်ကာကွယ်နည်းတွေကတော့

- ကိုယ်အလေးချိန် ထိန်းသိမ်းပါ။ အဝမလွန်ပါစေနှင့်။
- တစ်နေ့ကို ရေ ၂ လီတာမှ ၃ လီတာအထိ သောက်သုံးပေးပါ။
- ကိုယ်လက်လှုပ်ရှား လေ့ကျင့်ခန်း ပုံမှန် ပြုလုပ်ပါ။
- ကျန်းမာရေးနှင့် ညီညွတ်သော အသား၊ငါး၊အသီးအရွက်များကို ပုံမှန် စားသုံးပေးပါ။

👩‍⚕️ဂေါက်(Gout)ရောဂါနဲ့ ပတ်သက်ပြီး လိုအပ်တဲ့ စစ်ဆေးကုသမှုတွေကို ပြုလုပ်ချင်တဲ့ဆိုရင်တော့ “လင်းရောင်ဦးဆေးရုံ” မှာ ဝါရင့်ကျွမ်းကျင် အထူးကု ဆရာဝန်ကြီးများက နေ့စဉ်ကြည့်ရှုစစ်ဆေးပေးနေပါပြီ။

ကမ်းလက်များနှင့် ဖေးမကူ ကျန်းမာကြည်နူး “လင်းရောင်ဦး”

“လင်းရောင်ဦးဆေးရုံ”

🏥- ၁၉လမ်း၊ ၆၃x၆၄လမ်းကြား၊ နန်းရှေ့၊ အောင်မြေသာစံမြို့နယ်၊ မန္တလေးမြို့။

☎️- 09 949 241 001 ~ 3, 09 740 900 961

08/09/2026

"အဆုတ်တင်မကဘူး… အရိုးကိုပါ အစားခံရနိုင်တဲ့ 'အရိုးတီဘီ' ရောဂါအကြောင်း သင် ဘယ်လောက်အထိ သိထားပါသလဲ ?”

👉 ချောင်းမဆိုးပေမဲ့ ခါးနဲ့ အဆစ်တွေ မသက်သာဘဲ နာနေတာ၊ ညဘက်ဆို ပိုကိုက်လာတာမျိုး ကြုံနေရရင် အရိုးထဲအထိ တီဘီပိုး ရောက်ရှိနေတာ ဖြစ်နိုင်ပါတယ်။

တကယ်တော့ တီဘီရောဂါပိုးဟာ သွေးကြောကတစ်ဆင့် ခန္ဓာကိုယ်ရဲ့ အရိုးနဲ့ အဆစ်တွေဆီ ပျံ့နှံ့သွားတတ်ပါတယ်။

👩‍⚕️ ဘယ်လိုနေရာတွေမှာ ဖြစ်ပွါးလေ့ရှိလဲဆိုရင်

ကျောရိုး (Spine) - အရိုးတီဘီ ဖြစ်ပွါးမှုရဲ့ (၅၀%) ခန့်က ကျောရိုးတွင် ဖြစ်ပွါးတတ်ပါတယ်။ Pott’s Disease (Pott’s Spine) လို့ အသိများပါတယ်။
အဆစ်များ - ပေါင်ဆစ်၊ ဒူးဆစ်နှင့် ပုခုံးဆစ်များ
အခြားအရိုးများ - ခြေသလုံးရိုးနှင့် လက်မောင်းရိုးများ

⚠️ ရောဂါ လက္ခဏာတွေအနေနဲ့

- ကျောရိုး သို့မဟုတ် အဆစ်များတွင် စူး၍ နာကျင်ခြင်း
- တောင့်တင်းခြင်း သို့မဟုတ် လှုပ်ရှားရခက်ခဲခြင်း
- ကူးစက်ခံရတဲ့ နေရာတဝိုက် ရောင်ရမ်းခြင်း
- အဖျားငွေ့ငွေ့ရှိခြင်း၊ ညဘက် ချွေးထွက်ခြင်း သို့မဟုတ် ဝိတ်ကျသွားခြင်း
- အရိုးပုံသဏ္ဌာန် သိသာစွာ ပြောင်းလဲသွားခြင်း သို့မဟုတ် ကုန်းသွားခြင်း တို့ဖြစ်နိုင်ပါတယ်။

👩‍⚕️ အရိုးတီဘီဆိုတာ စောစီးစွာ သိရှိပါက တီဘီသောက်ဆေးများဖြင့် လုံးဝပျောက်ကင်းအောင် ကုသနိုင်တဲ့ ရောဂါဖြစ်ပါတယ်။ ဒါကြောင့် အထက်ပါ လက္ခဏာများ ခံစားနေရပါက မပေါ့ဆဘဲ သက်ဆိုင်ရာ အထူးကုဆရာဝန်များနှင့် အမြန်ဆုံး ပြသစစ်ဆေးသင့်ပါတယ်။

ကမ်းလက်များနှင့် ဖေးမကူ ကျန်းမာကြည်နူး “လင်းရောင်ဦး”

“လင်းရောင်ဦးဆေးရုံ”

🏥- ၁၉လမ်း၊ ၆၃x၆၄လမ်းကြား၊ နန်းရှေ့၊ အောင်မြေသာစံမြို့နယ်၊ မန္တလေးမြို့။

☎️- 09 949 241 001 ~ 3, 09 740 900 961

04/09/2026

👉 အဝလွန်ခြင်းက အသည်းကျန်းမာရေးနဲ့ ဆက်နွယ်နေပါသလား ?

လူတော်တော်များများက အသည်းရောဂါဆိုရင် အရက်ကြောင့်ပဲဖြစ်တာလို့ ထင်တတ်ကြပေမဲ့ တကယ်တော့ သင့်ခန္ဓာကိုယ်မှာ ပိုလျှံနေတဲ့ အဆီတွေကလည်း အရက်လိုပဲ အသည်းကို တဖြည်းဖြည်း ချေမှုန်းဖျက်ဆီးနေပါတယ်။
ဒါကို အသည်းအဆီဖုံးရောဂါ (Fatty Liver) လို့ ခေါ်ပြီး ခန္ဓာကိုယ် အဝလွန်လာတဲ့အခါ ဖြစ်လာတတ်တဲ့ အန္တရာယ်တစ်ခု ဖြစ်ပါတယ်။ အစောပိုင်းအဆင့်မှာ ဘာလက္ခဏာမှ မပြဘဲ ငြိမ်နေတတ်ပေမဲ့ အချိန်မီ မထိန်းချုပ်နိုင်ရင် အသည်းရောင်ခြင်း၊ အသည်းကျုံ့/အသည်းခြောက်ခြင်းကနေ အသည်းကင်ဆာအထိ ကူးပြောင်းသွားနိုင်ပါတယ်။

🤔 ဘာလို့ အဓိက ဖြစ်ရတာလဲ — ခန္ဓာကိုယ်က အဆီနဲ့ သကြားဓာတ်တွေကို စနစ်တကျ မချေဖျက်နိုင်ဘဲ အသည်းဆဲလ်တွေထဲမှာ အဆီအဖြစ် စုပုံလာရာကနေ စတင်တာပါ။

✅ ဒါဆို ဘယ်လို ကာကွယ်မလဲ — ခန္ဓာကိုယ်အလေးချိန်ကို ၅% မှ ၁၀% အထိ လျှော့ချပေးတာ၊ ကာဗိုဟိုက်ဒရိတ်နဲ့ သကြားဓာတ် လျှော့စားတာ၊ တစ်နေ့ကို မိနစ် ၃၀ ခန့် ပုံမှန် လေ့ကျင့်ခန်းလုပ်ပေးတာတွေနဲ့တင် အသည်းထဲက အဆီတွေကို သိသိသာသာ လျှော့ချပေးနိုင်ပါတယ်။

မိမိကိုယ်ကို အဝလွန်နေပြီလို့ ခံစားရရင် အသည်းကျန်းမာရေးအတွက် စစ်ဆေးမှုတွေ စောစီးစွာ ပြုလုပ်ထားဖို့ မမေ့ပါနဲ့နော်…

ကမ်းလက်များနှင့် ဖေးမကူ ကျန်းမာကြည်နူး “လင်းရောင်ဦး”

“လင်းရောင်ဦးဆေးရုံ”

🏥- ၁၉လမ်း၊ ၆၃x၆၄လမ်းကြား၊ နန်းရှေ့၊ အောင်မြေသာစံမြို့နယ်၊ မန္တလေးမြို့။

☎️- 09 949 241 001 ~ 3, 09 740 900 961

02/09/2026

“မန္တလေးမြို့” ဟာ မြန်မာနိုင်ငံရဲ့ တခြားမြို့တွေနဲ့ မတူဘဲ မြို့ကွက်ပုံစံစနစ်တကျ ဖော်ဆောင်ထားတဲ့ တစ်ခုတည်းသော မြို့ ဖြစ်ပါတယ်။

💁‍♀️ မန္တလေးမြို့ရဲ့ လမ်းတွေကို အမေရိကန်နိုင်ငံက New York မြို့လိုပဲ နံပါတ်စဉ်တွေနဲ့ သတ်မှတ်ထားပါတယ်။

အရှေ့- အနောက်လမ်းများ > လမ်းနံပါတ် (၁)မှ စတင်ပြီး တောင်ဘက်သို့ နံပါတ်စဉ်အတိုင်း တိုးသွားပါတယ်။

တောင်- မြောက်လမ်းများ > အနောက်ဘက် (ဧရာဝတီမြစ်ကမ်း) မှ အရှေ့ဘက်သို့ နံပါတ်စဉ်အတိုင်း တိုးသွားပါတယ်။ (ဥပမာ - ၆၆ လမ်း၊ ၇၈ လမ်း၊ ၈၄ လမ်း)

ဒါပေမယ့် မြို့လယ်ခေါင်ရဲ့ အဓိက အမှတ်အသားကတော့ မြန်မာနိုင်ငံရဲ့ နောက်ဆုံးဘုရင်အခြေစိုက်ရာ နန်းမြို့ရိုးဖြစ်ပါတယ်။ နန်းမြို့ရိုးရဲ့ ပတ်လည်မှာတော့ ၁၂ လမ်း၊ ၂၆ လမ်း၊ ၆၆ လမ်းနဲ့ လမ်း ၈၀ တို့ တည်ရှိပါတယ်။

မိဘပြည်သူတို့ကို နေ့စဉ် ကျန်းမာရေးစောင့်ရှောက်မှုတွေပေးနေတဲ့ “လင်းရောင်ဦးဆေးရုံ”ကတော့ နန်းရှေ့ ၁၉ လမ်း၊ ၆၃ လမ်းနဲ့ ၆၄ လမ်းကြားမှာ တည်ရှိတဲ့အကြောင်း အသိပေးအကြောင်းကြားလိုက်ရပါတယ်ခင်ဗျာ 🙏

ကမ်းလက်များနှင့် ဖေးမကူ ကျန်းမာကြည်နူး “လင်းရောင်ဦး”

“လင်းရောင်ဦးဆေးရုံ”

🏥- ၁၉လမ်း၊ ၆၃x၆၄လမ်းကြား၊ နန်းရှေ့၊ အောင်မြေသာစံမြို့နယ်၊ မန္တလေးမြို့။

☎️- 09 949 241 001 ~ 3, 09 740 900 961

31/08/2026

😖 အစာစားပြီးမှ ဗိုက်ထဲက ထိုးအောင့်လာပြီး ညာဘက်ပခုံးအထိ တက်နာတာမျိုး ကြုံနေပြီလား ?

👉 လူတော်တော်များများက ရိုးရိုးလေထိုးတာလို့ ထင်တတ်ကြပေမဲ့ တကယ်တော့ ဒါဟာ သည်းခြေအိတ်ထဲမှာ ကျောက် (Gallstones) တည်နေတာ ဖြစ်နိုင်ပါတယ်။

💁‍♀️ သည်းခြေအိတ်ကျောက် ဆိုတာဘာလဲ ?

သည်းခြေအိတ်ဆိုတာ အသည်းအောက်မှာရှိတဲ့ သစ်တော်သီးပုံစံ အင်္ဂါငယ်လေး ဖြစ်ပြီး အဆီဓာတ်တွေကို ချေဖျက်ပေးမယ့်သည်းခြေရည်တွေကို သိုလှောင်ပေးပါတယ်။

အကြောင်းအမျိုးမျိုးကြောင့် သည်းခြေရည်ထဲမှာရှိတဲ့ ကိုလက်စထရော (Cholesterol) သို့မဟုတ် ဘီလီရူးဘင်း (Bilirubin) ဓာတ်တွေ အလွန်အမင်း များပြားလာပြီး မာခဲသွားကာ ကျောက်အဖြစ် ပြောင်းလဲသွားခြင်းဖြစ်ပါတယ်။

💠 ဘယ်လိုလူတွေမှာ အဖြစ်များလဲဆိုရင်

📌 အမျိုးသမီးများ
(အမျိုးသားများထက်ပို၍ အဖြစ်များတတ်ပြီး ထိုအထဲမှ ကလေးမွေးထားသော အသက် ၄၀ကျော် အမျိုးသမီးများတွင် ပိုပြီးအဖြစ်များပါတယ်)
📌 အဝလွန်သူများ

💠 လက္ခဏာတွေအနေနဲ့
📌 သည်းခြေကျောက်က သည်းခြေလမ်းကြောင်းကို ပိတ်သွားနိုင်တဲ့အတွက် ရုတ်တရက် ဗိုက်ထိုး၍အောင့်ခြင်း
📌 ကျောနှင့်ရင် ညှပ်၍အောင့်ခြင်း
📌 ညာဘက်လက်ပြင်၊ လက်မောင်းများ နာခြင်း
📌 နာကျင်ခြင်းသည်အစားစားပြီးချိန် အထူးသဖြင့် အဆီပါသော အစာမျိုးစားပြီးလျှင်ပိုဆိုးခြင်း တို့ဖြစ်နိုင်ပါတယ်။

💠 အချို့သူများတွင် အောင့်နေချိန်၌
✔️ ချွေးစေးများထွက်ခြင်း
✔️ ပျို့အန်ခြင်းတို့အထိ ဖြစ်ပွါးနိုင်ပါတယ်။

💠 သည်းခြေကျောက်မဖြစ်စေရန် အကောင်းဆုံးကာကွယ်နည်းတွေကတော့
✅ အဆီလျော့စားပါ။
✅ အစားအစာကိုသင့်တင့်မျှတအောင်စားပါ။
✅ တစ်ရက်ကို အနည်းဆုံးရေ (၂)လီတာသောက်ပါ။
✅ အမျှင်ဓာတ်များများ စားပေးပါ။ သား၊ငါးတွေ အစား လတ်ဆတ်တဲ့ အသီးအရွက်၊ သစ်သီးဝလံကို အဓိကစားသုံးပေးသင့်ပါတယ်။

ကမ်းလက်များနှင့် ဖေးမကူ ကျန်းမာကြည်နူး “လင်းရောင်ဦး”

“လင်းရောင်ဦးဆေးရုံ”

🏥- ၁၉လမ်း၊ ၆၃x၆၄လမ်းကြား၊ နန်းရှေ့၊ အောင်မြေသာစံမြို့နယ်၊ မန္တလေးမြို့။

☎️- 09 949 241 001 ~ 3, 09 740 900 961

23/08/2026

🫁 "သင့်အဆုတ်ထဲ လေမဟုတ်ဘဲ ရေတွေ၊ ပြည်တွေနဲ့ ပြည့်နေရင် ဘာဖြစ်မလဲ..."

ကြောက်စရာကောင်းပေမဲ့ ဒါဟာ အဆုတ်ပိုး (Pneumonia) ဝင်ရောက်လာတဲ့အခါ သင့်ခန္ဓာကိုယ်ထဲမှာ တကယ်ဖြစ်ပျက်နေတဲ့ အခြေအနေတစ်ခုပါ။

💁‍♀️ အဆုတ်ပိုးဝင်ခြင်းဆိုတာ ဘက်တီးရီးယားများ၊ ဗိုင်းရပ်စ်များ၊ သို့မဟုတ် မှိုများကဲ့သို့သော အန္တရာယ်ရှိသောပိုးမွှားများ ဝင်ရောက်ပြီး အဆုတ်ရဲ့တစ်ရှူးများကို ရောင်ရမ်းစေတဲ့ အခြေအနေတစ်ခုဖြစ်ပါတယ်။

အဆုတ်ပိုးဝင်ခြင်း အမျိုးအစားများစွာ ရှိပြီး

အဆုတ်ရောင်နာ: ကူးစက်တတ်သော ဘက်တီးရီးယားများ၊ ဗိုင်းရပ်စ်များ၊ သို့မဟုတ် မှိုကြောင့်ဖြစ်ခြင်း
ချောင်းဆိုးရင်ကျပ်: အများအားဖြင့် ဗိုင်းရပ်စ်ကြောင့်ဖြစ်ရတဲ့ အဆုတ်လေပြွန်တွေ ပိုးဝင်ခြင်း
Bronchiolitis ရောဂါ: မွေးကင်းစကလေးများတွင် အများအားဖြင့် အသက်ရှူလမ်းကြောင်းငယ်များ (bronchioles) ကို ထိခိုက်စေပြီး အများအားဖြင့် ဗိုင်းရပ်စ်ကြောင့် ဖြစ်ပါတယ်။

🔰 ဒါဆို အဆုတ်ပိုးဝင်တာ မဖြစ်အောင် ဘယ်လိုကာကွယ်ရမလဲ ?

ကာကွယ်ဆေးထိုးပါ: အဆုတ်ရောင်ကာကွယ်ဆေး (Pneumococcal Vaccine) နှင့် နှစ်စဉ် တုပ်ကွေးကာကွယ်ဆေးများ ထိုးပါ။
လက်ကို စနစ်တကျဆေးပါ: ဗိုင်းရပ်စ်နှင့် ဗက်တီးရီးယားများ ကူးစက်မှုနည်းစေရန် အရက်ပြန် သို့မဟုတ် ဆပ်ပြာဖြင့် မကြာခဏ ဆေးပေးပါ။
ဆေးလိပ်သောက်ခြင်း ရှောင်ကြဉ်ပါ: ဆေးလိပ်ဟာ အဆုတ်ရဲ့ သဘာဝခုခံအားစနစ်ကို ပျက်စီးစေပြီး ပိုးဝင်လွယ်စေပါတယ်။
ကိုယ်ခံအား ကောင်းနေပါစေ : အိပ်ရေးဝဝအိပ်ပါ၊ အာဟာရပြည့်ဝအောင်စားပါ၊ ပုံမှန် လေ့ကျင့်ခန်းလုပ်ပါ။

⚠️ ပုံမှန် တုပ်ကွေးထက် ပိုပြီး အသက်ရှုရခက်တာ၊ ရင်ဘတ်အောင့်တာမျိုး ခံစားရရင်တော့ နီးစပ်ရာ ဆေးရုံ၊ ဆေးခန်းများသို့ ချက်ချင်းသွားရောက်၍ ပြသသင့်ပါတယ်။

ကမ်းလက်များနှင့် ဖေးမကူ ကျန်းမာကြည်နူး “လင်းရောင်ဦး”

“လင်းရောင်ဦးဆေးရုံ”

🏥- ၁၉လမ်း၊ ၆၃x၆၄လမ်းကြား၊ နန်းရှေ့၊ အောင်မြေသာစံမြို့နယ်၊ မန္တလေးမြို့။

☎️- 09 949 241 001 ~ 3, 09 740 900 961

17/08/2026

🍚 ထမင်းကျန်ကို ပြန်နွှေးစားတာက "အစာဆိပ်သင့်" နိုင်တယ်ဆိုတာ သင်သိပါသလား ?

နှမြောစရာကြီး... မနက်ကျမှ ထမင်းကြော်စားလိုက်မယ် ဆိုပြီး အပြင်မှာပဲ ဒီအတိုင်း ထားခဲ့တဲ့ ထမင်းအိုးလေးရှိတယ်ဆိုရင် အဲဒီထမင်းအိုးထဲမှာ ဘက်တီးရီးယား" တွေ ပေါက်ဖွားနေပါပြီနော်…

အဲဒီ ဘက်တီးရီးယားတွေကိုတောပ Bacillus cereus လို့ခေါ်ပါတယ်။ ထမင်းကို အပြင်မှာ အချိန်အကြာကြီး (၂ နာရီထက်ပိုပြီး) ထားလိုက်တဲ့အခါ ဒီဘက်တီးရီးယားတွေက အဆိပ်အတောက် (Toxins) တွေကို ထုတ်လွှတ်ပါတယ်။ အဲဒီအဆိပ်အတောက်တွေက ထူးခြားတာက "အပူဒဏ်ကို ခံနိုင်ရည်ရှိတာ" ပါပဲ။

⚠️ ပြန်နွှေးလိုက်ရင် ပျောက်သွားတာ မဟုတ်ဘူးလား?
ဒါက လူအများစု မှားနေတဲ့ အချက်ပါ။ ထမင်းကို ပြန်နွှေးလိုက်တဲ့အခါ ဘက်တီးရီးယားတွေ သေသွားနိုင်ပေမဲ့ သူတို့ထုတ်ထားတဲ့ "အဆိပ်အတောက်" တွေကတော့ မသေပါဘူး။ ဒါကြောင့် ပြန်နွှေးစားလည်း အန်တာ၊ ဝမ်းလျှောတာနဲ့ ဗိုက်အောင့်တာတွေ ဖြစ်နိုင်ပါတယ်။

💡 ဘယ်လိုကာကွယ်ကြမလဲ?
🪭 မြန်မြန်အေးအောင်လုပ်ပါ။ ထမင်းကျန်ရင် အပြင်မှာ ဒီတိုင်းမထားဘဲ (၁) နာရီအတွင်း ရေခဲသေတ္တာထဲ ထည့်သိမ်းပါ။

☝️ တစ်ကြိမ်ပဲ ပြန်နွှေးပါ။ ထမင်းကျန်ကို တစ်ခါထက်ပိုပြီး ထပ်ခါထပ်ခါ ပြန်မနွှေးပါနဲ့။

👨‍⚕️ အနံ့မရလည်း သတိထားပါ။ ဒီဘက်တီးရီးယားက ထမင်းရဲ့ အနံ့နဲ့ အရသာကို မပြောင်းလဲစေဘဲ အဆိပ်ထုတ်နိုင်လို့ "အနံ့မနံသေးပါဘူး" ဆိုပြီး စိတ်မချပါနဲ့။

💁‍♀️ တကယ်တော့ အစာအိမ်နဲ့ အူလမ်းကြောင်းဆိုင်ရာ ဝေဒနာတွေဟာ သာမန်လိုလိုနဲ့ လူကို အကြီးအကျယ် ဒုက္ခပေးနိုင်ပါတယ်။

👉 တကယ်လို့ ထမင်းကျန်စားပြီးနောက် ပြင်းထန်စွာ အော့အန်တာ၊ ဝမ်းလျှောတာတွေ ဖြစ်လာရင် အချိန်မဆွဲဘဲ အစာအိမ်အူလမ်းကြောင်းဆိုင်ရာဆရာဝန်ကြီးများနဲ့ အမြန်ဆုံး တိုင်ပင်ဆွေးနွေးသင့်ပါတယ်။

ကမ်းလက်များနှင့် ဖေးမကူ ကျန်းမာကြည်နူး “လင်းရောင်ဦး”

“လင်းရောင်ဦးဆေးရုံ”

🏥- ၁၉လမ်း၊ ၆၃x၆၄လမ်းကြား၊ နန်းရှေ့၊ အောင်မြေသာစံမြို့နယ်၊ မန္တလေးမြို့။

☎️- 09 949 241 001 ~ 3, 09 740 900 961

Lin Yaung Oo Hospital

28/09/2026

23/09/2026

15/09/2026

10/09/2026

08/09/2026

04/09/2026

02/09/2026

31/08/2026

23/08/2026

17/08/2026

Address

Telephone

Website

Alerts

Contact The Practice

Shortcuts

Share

Category

Listing takedown request