12/06/2024
အမျိုးသားများတွင် မိမိအဂ်ါ၏ကျန်းမာရေးပြသနာနှင့်ကြုံတွေ့လာပါက ဘယ်ဆေးခန်းတွင်ဘယ်သူနဲ့ပြရမှန်းမသိကြပေ။ အမျိုးသမီးများအတွက်တွင်မူ OG (ခေါ် )သားဖွားမီးယပ်ဆရာဝန်များနှင့် တိုင်ပင်ဆွေးနွေးကုသနိုင်ပါသော်လည်း အမျိုးသားများအတွက် တိကျသောပြသရန်ဆေးခန်း၊ ဆရာဝန်မရှိကြပေ။ ပိုဆိုးသည်မှာ ဘယ်ဟာကိုရောဂါ၊ ဘယ်ဟာက ကုသရန်လိုအပ်သည်ကိုပင် များသောအားဖြင့်မသိကြပေ။
အမျိုးသားကျန်းမာရေး ဆိုတာဘာလဲ?
အမျိုးသားများမိမိအဂ်ါနှင့်ပတ်သတ်၍ဖြစ်တတ်သော ပုံမှန်အနေအထားနှင့်မတူသောအခြေအနေများကို ဆရာဝန်များနှင့်တိုင်ပင်ဆွေးနွေးခြင်းကိုခေါ်ပါတယ်။ ဘယ်လိုရောဂါတွေအဖြစ်များကြသလဲဆိုရင်
၁/ အမျိုးသားအများစု လူပျိုဖော်ကတည်းကနေ အိမ်ထောင်ကျတဲ့အချိန်အထိစိတ်သောကပေးသော သုတ်လွှတ်မြန်ခြင်း (ခေါက်ဆွဲပြုတ်ထပ်မြန်ခြင်း)၊
၂/ အရွယ်ကြောင့်ဖြစ်စေ၊ စိတ်ဖိစီးမှုကြောင့်ဖြစ်စေ သုတ်မလွှတ်မှီ ပျော့သွားပြီး အလုပ်မဖြစ်တော့ခြင်း၊
၃/ အရွယ်ကြောင့်ဖြစ်စေ၊ စိတ်ဖိစီးမှုကြောင့်ဖြစ်စေ ပုံမှန်အတိုင်းထောင်မတ်မှုအားပျော့လာခြင်း၊ ထောင်မတ်မှုမရှိတော့ခြင်း၊
၄/ အိမ်ထောင်ရှင်များ အတူနေရန်စိတ်လျော့လာခြင်း၊ စိတ်မပါတော့ခြင်း၊
၅/ အရေပြားရှည်ပြီး နောက်ဆွဲမရခြင်း (မွေးရာပါ)၊
၆/ ယခင်က အရေပြားကို နောက်သို့ဆွဲလို့ရသော်လည်း မကြာခဏအနာဖြစ်ခြင်း၊ ပွန်းခြင်းများကြောင့် သားရေကွင်းကဲ့သို့မာလာပြီး နောက်ဆွဲလို့မရတော့ခြင်း၊
၇/ အရေပြား သို့မဟုတ် ခေါင်းတစ်ခုလုံးယားပြီး ရဲနေယောင်နေခြင်း၊
၈/ အကာအကွယ်မဲ့လိင်ဆက်ဆံပြီးနောက် ရက်ပိုင်းအတွင်း လိင်အပေါက်ဝမှ အရေထွက်ခြင်း၊ ပြည်ထွက်ခြင်း၊ အရေပြားနှင့်ခေါင်းတို့တွင်အနာဖြစ်ခြင်း
၉/ ကြွက်နို့သို့မဟုတ် အဖုများပေါက်ခြင်း
၁၀/ ဆီးသွားလျှင် ပူခြင်း၊ ကျင်ခြင်း၊ အောင့်ခြင်း၊ ဆီးထဲသွေးပါခြင်း၊ ဆီအရောင် အဝါ၊ အဖြူမှ အညိုရောင်၊ အမဲရောင်ပြောင်းခြင်း
စသည်ဖြင့် ခံစားရပါက နီးစပ်ရာ အမျိုးသားကျန်းမာရေးဆေးခန်းများတွင် ပြသနိုင်ပါသည်။
သို့သော် နံပါတ် ၁ မှ ၄ အထိ ရောဂါများကိုမူ Sexologist (ခေါ်) အမျိုးသားကျန်းမာရေးဆရာဝန်များဖြင့်ပြသသင့်ပြီး
နံပါတ် ၅ မှ ၁၀ အထိကိုမူ အထွေထွေရောဂါကုဆေးခန်း သို့မဟုတ် ဆီးလမ်းကြောင်းအထူးကုဆရာဝန်များဖြင့်လည်း ပြသနိုင်ပါသည်။
Sexology ဆိုတာ မြန်မာနိုင်ငံနဲ့ အနည်းငယ်စိမ်းနေနိုင်သော်လည်း အိမ်ထောင်ရေးနှင့်သတ်ဆိုင်သော လူသားတို့လိုအပ်သောဝန်ဆောင်မှုများပေးနိုင်သော အထူးပြုပညာရပ်တစ်ခုအဖြစ်ကမ္ဘာမှာတည်ရှိနေပါတယ်။
Sexologist စီက ဘာဝန်ဆောင်မှုတွေရနိုင်သလဲဆိုရင်?
၁/ အိမ်ထောင်ဖက်များ ဆရာဝန်ဖြင့် မိမိတို့၏အိမ်ထောင်ရေးအခက်အခဲများကို ပွင့်လင်းစွာဆွေးနွေးတိုင်ပင်နိုင်ခြင်း၊
၂/ အမျိုးသားစွမ်းဆောင်ရည်ကျဆင်းမှုများ၊ အရွယ်အစားနှင့်ပတ်သတ်၍စိတ်တိုင်းမကျမှုများကို လိုအပ်သောကုထုံးများဖြင့် အန္တရာယ်ကင်းစွာ မြှင့်တင်နိုင်ခြင်း၊
၃/ တချို့ရောဂါမဟုတ်သော်လည်း မိမိတို့စိတ်အထင်ဖြင့် ရောဂါမှတ်ထင်ပြီး စိတ်ဆင်းရဲနေရခြင်းများ စသည်တို့ကိုပေးစွမ်းနိုင်တာပဲဖြစ်ပါတယ်။
အိမ်ထောင်ရှင်တွေအနေနဲ့တိုင်ပင်ဆွေးနွေးပြီး အိမ်ထောင်ရေးသုခပြန်ရနိုင်ကြပြီး ကွာရှင်းခြင်း၊ လမ်းခွဲခြင်း၊ စိတ်တိုင်းမကျခြင်း၊ အထီးကျန်ဆန်ခြင်း စသဖြင့် ခံစားရတာတွေကို တားဆီးကုသပေးနိုင်ပါတယ်။
တချို့တွေဆို ဘယ်ဆေးခန်းပြရမှန်းမသိလို့၊ မိဘတွေကိုမပြောရဲလို့၊ ရှက်လို့၊ မလိုလားအပ်ပဲ ရောဂါအနေအထားပိုဆိုးသွားတတ်ကြသလို online ကနေ ဘာမှန်းမသိသော၊ ဘေးထွက်ဆိုးကျိုးရှိသောဆေးများမှီဝဲမိခြင်း၊ အရွယ်အစားပိုလိုချင်လို့ ဘာဆေးမှန်းမသိတာတွေထိုးထည့်မိခြင်း စသည်ဖြင့် ဒုက္ခရောက်ကြရသူများ ရှိနေပါတယ်။
ဒါ့ကြောင့် ပြသနာတစုံတရာရှိလာရင် Dr. Lwin Moe Aung ဖြင့် ဆွေးနွေးတိုင်ပင်ကုသနိုင်ကြပါကြောင်း သတင်းစကားပါးလိုက်ပါရစေ....။
