13/02/2021
Mung Masa Ya jet jet(Politician) rai yang galoi Tinang amyusha machyi hkrumsha wa ai lam hpe n galaw chye ga ai. Mung Masa dang na matu gaw Mung Masa Ya(Politician) nga ra ai re. Daini anhte Kachin Amyusha ni hta dai Mung Masa Ya n nga mat ai (n-gun n rawng mat ai) gaw Nawku Hpung Woi ni kaw grai mahta mat ai re hpe anhte chyena hkawnhkrang hkra atsawm myit yu sawn shachyaw la ga. Masha amyu ni gaw Nawku Makam hte Mung Masa hpe n kayau da ma ai re, dai amyu ni she gaja wa lawt kawt lu ai de du wa na re nga ai. Lama Hpung woi ni she amyusha mung masa woiawn taw yang(sa para lawm ai re yang) dai amyusha kata hta kara hku mung Mung Masa Ya paw pru wa na(n-gun ja wa) n re ngu hpe dum chye da ga. Amyu hte Mungdan hpe woi shalawt na gaw dai Mung Masa Ya ni sha re nga ai, Nawku Hpung woi ni hku nna n mai shalawt ai, tim shyinggyim woinyi hpe hkye la ai magam bungli sha mai galaw nga ai re. Woinyi lam hte hkumhkrang lam n mai kayau kau ga ai. Chyeju kaba sa.
