https://maps.app.goo.gl/Q6zyCB5kiyudyvxD9?g_st=it

Htoo Myat Women Centre, No. 119, Metta Road, Myothit Quarter, Myitkyina. , (Opposite Grand Manaw Coffee/Next to Soe Win Car Aircon), Myitkyina (2026)

23/06/2026

ချစ်ရတဲ့ ဖေဖေ၊ မေမေတို့ရှင့်....

📄ကျန်ရှိနေသေးတဲ့ သားသားမီးမီးတို့ရဲ့ မွေးစာရင်းတွေကို စောင့်မျှော်နေကြတဲ့ မိဘများအတွက် ထူးမြတ်အမျိုးသမီးဆေးရုံမှ အတတ်နိုင်ဆုံး အမြန်ဆုံးဖြစ်အောင် ကြိုးပမ်းဆောင်ရွက်ပေးလျက်ရှိပါတယ်။

💁‍♀️ လက်ရှိမှာ မွေးစာရင်းတွေကို အချိန်မီရရှိနိုင်ဖို့ ကျွန်မတို့ ထူးမြတ်ဆေးရုံဝန်ထမ်းများမှ အထူးအလေးထားပြီး ဆောင်ရွက်ပေးနေပါတယ်။ ယခုလို လုပ်ငန်းစဉ်တစ်ခုမှာ အချိန်ယူစောင့်ဆိုင်းပေးရတဲ့အတွက် မိဘများအားလုံးကို အထူးပင် ကျေးဇူးတင်ရှိကြောင်းနှင့် နားလည်ပေးမှုအတွက်လည်း လေးစားမိပါတယ်ရှင့်။💙

မွေးစာရင်းများ ရရှိလာသည်နှင့်တစ်ပြိုင်နက် ထူးမြတ်ဆေးရုံမှ ဖေဖေ၊ မေမေတို့ထံ အမြန်ဆုံးအကြောင်းကြားပေးသွားမှာဖြစ်လို့ စိတ်အေးချမ်းစွာဖြင့် စောင့်ဆိုင်းပေးကြပါရန် မေတ္တာရပ်ခံအပ်ပါတယ်။🙇‍♀️💞

မိသားစုတိုင်း ကျန်းမာ၊ ရွှင်လန်းကြပါစေ။❣️

#ထူးမြတ်အမျိုးသမီးဆေးရုံ #မွေးစာရင်း #မိဘများအတွက်အသိပေးချက်

20/06/2026

ကျောင်းမှာ ရေဘူး ၁၀ဘူး ပျောက်လာပြီးတဲ့နောက် 🥲😂

18/06/2026

🦟 ဖျားတာပဲဆိုပြီး ပေါ့မနေနဲ့! သွေးလွန်တုပ်ကွေးရဲ့ အန္တရာယ်ကို သတိပြုပါ ⚠️

“ကလေးက အဖျားတက်နေတာပဲလေ… ရိုးရိုးဖျားတာဖြစ်မှာပါ”

ဒီလို တွေးမိတတ်ကြပေမယ့် မိုးရာသီရောက်လာတိုင်း ကလေးတွေမှာ အဖြစ်များတဲ့ သွေးလွန်တုပ်ကွေး (Dengue Fever) ဟာ အချိန်မီ မသိရှိ မကုသနိုင်ရင် အသက်အန္တရာယ်အထိ ဖြစ်စေနိုင်ပါတယ်။
အထူးသဖြင့် ကလေးငယ်တွေက သူတို့ခံစားနေရတဲ့ ဝေဒနာကို သေချာမပြောပြနိုင်တာကြောင့် မိဘတွေအနေနဲ့ သတိထားစောင့်ကြည့်ဖို့ အရေးကြီးပါတယ်။
━━━━━━━━━━━━━━━
🔍 သွေးလွန်တုပ်ကွေးရဲ့ အစောပိုင်း လက္ခဏာတွေက ဘာတွေလဲ?
✔️ ရုတ်တရက် အဖျားကြီးခြင်း (၂ ရက်မှ ၇ ရက်ခန့်)
✔️ ခေါင်းကိုက်ခြင်း
✔️ မျက်လုံးအိမ်နောက်ဘက် နာကျင်ခြင်း
✔️ ကြွက်သားနှင့် အဆစ်များ ကိုက်ခဲခြင်း
✔️ အစားအသောက် စားချင်စိတ် လျော့နည်းခြင်း
✔️ ပျို့အန်ခြင်း
✔️ အရေပြားပေါ် အနီစက်များ ထွက်လာခြင်း

⚠️ အရေးကြီးတာက သွေးလွန်တုပ်ကွေးဟာ အဖျားကျသွားတဲ့အချိန်မှာတောင် အန္တရာယ်အများဆုံးအဆင့်ကို ရောက်လာနိုင်ပါတယ်။

ဒါကြောင့် “အဖျားကျသွားပြီဆိုတော့ သက်သာသွားပြီ” လို့ မယူဆသင့်ပါဘူး။
━━━━━━━━━━━━━━━
🚨 ဒီလို Warning Signs တွေ တွေ့ရင် ဆေးရုံကို ချက်ချင်းသွားပါ။
အဖျားတက်နေတဲ့ ကလေးမှာ အောက်ပါ လက္ခဏာတွေ တွေ့လာရင် အရေးပေါ် အခြေအနေ ဖြစ်နိုင်ပါတယ်။

🔺 အဆက်မပြတ် အန်နေခြင်း
🔺 ဝမ်းဗိုက်ပြင်းပြင်းထန်ထန် နာကျင်ခြင်း
🔺 အလွန်နုံးချည့်နေခြင်း
🔺 ဂနာမငြိမ်ဖြစ်ပြီး အကြောင်းမဲ့ ငိုယိုနေခြင်း
🔺 သွားဖုံးသွေးယိုခြင်း
🔺 နှာခေါင်းသွေးလျှံခြင်း
🔺 ဆီးသွားနှုန်း သိသိသာသာ လျော့နည်းလာခြင်း
🔺 ခြေလက်အေးစက်လာခြင်း
🔺 အသက်ရှူမြန်လာခြင်း
ဒီလို လက္ခဏာတွေက ခန္ဓာကိုယ်ထဲမှာ ရေဓာတ်ဆုံးရှုံးလာတာ၊ သွေးယိုစီးမှု စတင်လာတာတွေကို ပြသနိုင်တာကြောင့် အချိန်မဆိုင်းဘဲ ဆေးကုသမှု ခံယူသင့်ပါတယ်။

⛈️မိုးရာသီမှာ “ဖျားတာပဲ” လို့ မပေါ့ဆလိုက်ပါနဲ့။

စောစောသိ၊ စောစောကုသနိုင်ရင် သွေးလွန်တုပ်ကွေးရဲ့ အန္တရာယ်ကို လျှော့ချနိုင်ပါတယ်။

ဒီအချက်အလက်လေးက အခြားမိဘတွေအတွက်လည်း အသုံးဝင်စေဖို့ Share လုပ်ပေးခဲ့ပါဦးနော်

#သွေးလွန်တုပ်ကွေး

#မိုးတွင်းကျန်းမာရေး

16/06/2026

📣 ဝန်ထမ်းခေါ်ယူခြင်း (အထွေထွေလုပ်သား)

ထူးမြတ်အမျိုးသမီးဆေးရုံတွင် တာဝန်ထမ်းဆောင်ရန် အောက်ပါအရည်အချင်းနှင့် ပြည့်စုံသူများကို ဖိတ်ခေါ်အပ်ပါသည်။

👨‍💼 ရာထူး - အထွေထွေလုပ်သား (General Worker)

🔻လုပ်ငန်းတာဝန်များ -

✅ဆေးရုံအတွင်း/အပြင် သန့်ရှင်းရေးလုပ်ငန်းများကို စနစ်တကျ ဆောင်ရွက်ခြင်း။
✅လူနာဆောင်များ၊ စာရွက်စာတမ်းများနှင့် ပစ္စည်းကိရိယာများကို သတ်မှတ်နေရာသို့ ပို့ဆောင်ပေးခြင်း။
✅ဆေးရုံသုံးပစ္စည်းများကို ဂရုတစိုက် ကိုင်တွယ်အသုံးပြုခြင်း။
✅ဌာနအလိုက် တာဝန်ရှိသူများမှ ပေးအပ်သော အခြားလုပ်ငန်းတာဝန်များကို ပူးပေါင်းဆောင်ရွက်ခြင်း။

🔻လိုအပ်သော အရည်အချင်းများ -

👉 အခြေခံပညာ အလယ်တန်းအဆင့် (သို့) အထက်ရှိသူ။
👉 အသက် (၂၀ မှ ၄၀)နှစ် အတွင်းဖြစ်ရမည်။
👉 ကျန်းမာရေးကောင်းမွန်ပြီး တက်ကြွစွာလုပ်ကိုင်နိုင်သူ။
👉 အသင်းအဖွဲ့နှင့် ပူးပေါင်းလုပ်ဆောင်လိုစိတ်ရှိပြီး စည်းကမ်းလိုက်နာသူ။
👉 ဆေးရုံလုပ်ငန်းစဉ်များနှင့် စပ်လျဉ်း၍ ယခင်အတွေ့အကြုံရှိပါက ဦးစားပေးစဉ်းစားပါမည်။

💙 ရရှိမည့် အကျိုးခံစားခွင့်များ (Benefits)
🔹 Monthly Salary + ထမင်းစရိတ်
🔹 Yearly Increment (နှစ်စဉ်လစာတိုးမြှင့်ပေးခြင်း)
🔹 Yearly Bonus (နှစ်စဉ်ဘောနပ်စ်)
🔹 ကျန်းမာရေးဆိုင်ရာ ဝန်ထမ်းသက်သာခွင့်
🔹 လစာညှိနှိုင်း ဆုံးဖြတ်နိုင်ခြင်း
_____________________________

📝 လျှောက်ထားလိုပါက-

CV form နှင့်အတူ အောက်ပါစာရွက်စာတမ်းများကို ပူးတွဲလျောက်ထားပေးပါ-
▪️ မှတ်ပုံတင်မိတ္တူ
▪️ အိမ်ထောင်စုစာရင်းမိတ္တူ

📍 ဆက်သွယ် လျှောက်ထားရမည့်နေရာနှင့် ဖုန်းနံပါတ် -

☎️ ဆက်သွယ်ရန်ဖုန်းနံပါတ်များ:
09408033563 / 09750620941

🏠 ဆေးရုံလိပ်စာ: ထူးမြတ်အမျိုးသမီးဆေးရုံ၊ အမှတ် -၁၁၉၊ မေတ္တာလမ်း၊ မြို့သစ်ရပ်ကွက်၊ မြစ်ကြီးနားမြို့။
(Grand Manaw Coffee ဆိုင်နဲ့ မျက်နှာချင်းဆိုင် / စိုးဝင်းကားအဲကွန်းဆိုင်နဲ့ ကပ်ရပ်)

✅ စိတ်ပါဝင်စားသူများ အမြန်ဆုံး လာရောက်လျှောက်ထားနိုင်ပါပြီ။

#ထူးမြတ်အမျိုးသမီးဆေးရုံ #အလုပ်ခေါ်ယူခြင်း #မြစ်ကြီးနားမြို့

14/06/2026

🦠မှိုတွေဟာ မျက်စိနဲ့မမြင်နိုင်တဲ့ စပိုး (Spores) အမှုန်လေးတွေကတစ်ဆင့် ကလေးငယ်တွေရဲ့ ခန္ဓာကိုယ်ထဲကို ဝင်ရောက်ပြီး အောက်ပါဝေဒနာတွေကို ခံစားရစေနိုင်ပါတယ်။

🫁အသက်ရှူလမ်းကြောင်းဆိုင်ရာ ပြဿနာများ: နှာစေး၊ နှာချေ၊ ချောင်းဆိုးတာအပြင် ရင်ကြပ်ဝေဒနာနဲ့ ပန်းနာရင်ကြပ် (Asthma) သမိုင်းကြောင်းရှိတဲ့ ကလေးတွေမှာ ရောဂါအခြေအနေ ပိုဆိုးလာတတ်ပါတယ်။
အရေပြားမှိုစွဲခြင်း: ကလေးငယ်တွေရဲ့ လည်ပင်းခေါက်၊ ချိုင်းကြား၊ ပေါင်ခြံနဲ့ အနှီး (Diaper) ဝတ်တဲ့နေရာတွေမှာ စိုစွတ်မှုကြောင့် ယားယံတာ၊ အနီကွက်ထတာနဲ့ မှိုစွဲတာ (Fungal Infections) တွေ ဖြစ်ပွားနိုင်ပါတယ်။

💡 ကလေးငယ်တွေကို ကာကွယ်ဖို့ မေမေတို့လုပ်ဆောင်ရမယ့် (၅) ချက်-

✅ ၁။ အိမ်တွင်းလေဝင်လေထွက်ကောင်းအောင် လုပ်ပါ
မိုးရွာနေချိန်ကလွဲလို့ ကျန်တဲ့အချိန်တွေမှာ အိမ်ရဲ့ပြတင်းပေါက်တွေကို ဖွင့်ပြီး လေကောင်းလေသန့် ရအောင်လုပ်ပေးပါ။ အိမ်ထဲမှာ စိုထိုင်းဆများပြီး မှိုနံ့ (မှိုစော်) နံနေတာမျိုး မဖြစ်ပါစေနဲ့။

✅ ၂။ အဝတ်အထည်နှင့် အိပ်ရာခင်းများကို သေချာအခြောက်ခံပါ
မိုးရာသီမှာ အဝတ်အစားတွေ မခြောက်တခြောက်ဖြစ်ပြီး မှိုစွဲတတ်ပါတယ်။ ကလေးဝတ်မယ့် အဝတ်အစား၊ အိပ်ရာခင်း၊ စောင်နဲ့ ဖော်လိုများကို သေချာခြောက်သွေ့နေမှသာ ပေးဝတ်/ပေးအိပ်ပါ။ လိုအပ်ပါက မီးပူသေချာတိုက်ပေးပါ။

✅၃။ ကလေးရဲ့ ခန္ဓာကိုယ်ကို ခြောက်သွေ့အောင်ထားပါ
ရေချိုးပေးပြီးတဲ့အခါ ဖြစ်စေ၊ အပြင်ကပြန်လာလို့ မိုးရေစိုလာတဲ့အခါဖြစ်စေ ကလေးရဲ့ ခန္ဓာကိုယ် (အထူးသဖြင့် အရေပြားအရေးအကြောင်းအဖတ်များ) ကို တဘက်နုနုလေးနဲ့ ခြောက်သွေ့အောင် အမြန်ဆုံး သုတ်ပေးပါ။

✅ ၄။ ကစားစရာများနှင့် အိမ်တွင်းပရိဘောဂများကို သန့်ရှင်းရေးလုပ်ပါ
ကလေးတွေ ကိုင်တွယ်ဆော့ကစားတတ်တဲ့ ကစားစရာတွေ၊ အထူးသဖြင့် အဝတ်/သားမွေးအရုပ်တွေက မှိုခိုအောင်းဖို့ အကောင်းဆုံးနေရာတွေပါ။ ဒါတွေကို ပုံမှန်လျှော်ဖွတ် သန့်စင်ပေးပါ။

✅ ၅။ Diaper (အနှီး) ကို ပုံမှန်လဲပေးပါ
စိုစွတ်မှုက မှိုကို ဖိတ်ခေါ်နေသလိုဖြစ်တာကြောင့် ကလေး Diaper အောက်က အရေပြားကို အမြဲအခြောက်ခံထားပြီး Diaper ကို ခဏခဏ လဲလှယ်ပေးဖို့ လိုအပ်ပါတယ်။

🚨 ဘယ်လိုလက္ခဏာပြရင် ဆရာဝန်နဲ့ ပြသရမလဲ။

❗ကလေးငယ်က အဆက်မပြတ် နှာချေချောင်းဆိုးနေရင်၊ အသက်ရှူတဲ့အခါ တရွှီရွှီမြည်ပြီး ရင်ကြပ်နေရင်၊ သို့မဟုတ် အရေပြားမှာ ယားယံပြီး အနီဖု/အနီကွက်တွေ သက်သာမလာဘဲ ပိုများလာရင်တော့ နီးစပ်ရာ ကလေးအထူးကုဆရာဝန်ကြီးများနှင့် သေချာပြသတိုင်ပင်ဆွေးနွေးဖို့ လိုအပ်ပါတယ်။

🩺 ထူးမြတ်အမျိုးသမီးဆေးရုံမှာ မိခင်နှင့်ရင်သွေးငယ်များအတွက် အထူးကုဆရာဝန်ကြီးများက သေချာစွာ စမ်းသပ်စစ်ဆေး ကုသပေးလျက်ရှိတာကြောင့် ကလေးငယ်ကျန်းမာရေးအတွက် စိုးရိမ်ပူပန်မှုများရှိပါက page messenger ကတစ်ဆင့် ဖြစ်စေ၊ ဖုန်းဆက်၍ဖြစ်စေ ဆက်သွယ်စုံစမ်းမေးမြန်းနိုင်ပါတယ်ရှင်။

#ထူးမြတ်အမျိုးသမီးဆေးရုံ #ကလေးငယ်ကျန်းမာရေး #မိုးရာသီကျန်းမာရေးသတိပေးချက်

12/06/2026

ကိုယ်ဝန်လွယ်ထားချိန် မေမေမှ ဆယ်ဖီခနခန ရိုက်သောအခါ. . . .📸😍

09/06/2026

🤱ကလေးမွေးပြီးခါစ မေမေတို့ဆီက ထွက်တဲ့ နို့ရည်ဟာ ဖြူဖြူဖွေးဖွေး မဟုတ်ဘဲ ဝါကျင့်ကျင့်၊ ပျစ်ချွဲချွဲကြီး ဖြစ်နေလို့ "ဒါက တိုက်လို့ရပါ့မလား၊ ကလေးဗိုက်နာမလား" ဆိုပြီး စိုးရိမ်ဖူးကြမှာပါ။

တကယ်တော့ ဒါဟာ "နို့ဦးရည် (Colostrum)" လို့ခေါ်ပြီး ကလေးအတွက် ကမ္ဘာပေါ်မှာ အကောင်းဆုံး၊ အဖိုးတန်ဆုံး သဘာဝလက်ဆောင်ဖြစ်ပါတယ်။ ဒီနေ့မှာတော့ ထူးမြတ်အမျိုးသမီးဆေးရုံကနေ မေမေတို့ သိလိုသမျှ နို့ဦးရည်အကြောင်းကို တစ်စုတစ်စည်းတည်း ရှင်းပြပေးသွားပါမယ်။ 👇

🌟 နို့ဦးရည်ရဲ့ ထူးခြားတဲ့ ဂုဏ်သတ္တိ (၅) ချက်
၁။ အစက်တိုင်းမှာ ပါဝင်တဲ့ ကိုယ်ခံအားဗုံး (Immune Bomb) 💣
နို့ဦးရည်မှာ Immunoglobulin A (IgA) ဆိုတဲ့ ခုခံအားပစ္စည်း အမြောက်အမြား ပါဝင်ပါတယ်။ သူက ကလေးရဲ့ နှာခေါင်း၊ လည်ချောင်းနဲ့ အစာခြေလမ်းကြောင်းတွေမှာ ကာကွယ်ရေးတံတိုင်းတစ်ခု တည်ဆောက်ပေးပြီး ရောဂါပိုးမွှားတွေ ဝင်မလာအောင် တားဆီးပေးပါတယ်။ တကယ်ကို "သဘာဝ ကာကွယ်ဆေး" စစ်စစ်ပါ။

၂။ သဘာဝအတိုင်း ဝမ်းနှုတ်ပေးခြင်း (Natural Laxative Effect) ✨
ကလေးရဲ့ အူထဲမှာ မွေးကင်းစကတည်းက ရှိနေတဲ့ မည်းမည်းစေးစေး ဝမ်းဦး (Meconium) တွေကို လွယ်လွယ်ကူကူ စွန့်ထုတ်နိုင်အောင် ကူညီပေးပါတယ်။ ဒါမှ ကလေးဗိုက်မကယ်ဘဲ သက်တောင့်သက်တာ ရှိမှာဖြစ်သလို၊ ခန္ဓာကိုယ်ထဲက Bilirubin ဓာတ်တွေကိုပါ စွန့်ထုတ်ပေးလို့ မွေးကင်းစ အသားဝါခြင်း (Jaundice) ကနေ ကာကွယ်ပေးပါတယ်။

၃။ အစာအိမ်ကို အကာအကွယ်ပေးခြင်း (Gut Sealer) 🛡️
မွေးကင်းစကလေးရဲ့ အူလမ်းကြောင်းက ဆကာ (ဇကာ) တစ်ခုလို အပေါက်အပြဲလေးတွေ ရှိနေတတ်ပါတယ်။ နို့ဦးရည်က အဲဒီအပေါက်လေးတွေကို လိုက်ပိတ်ပြီး အကာအကွယ်ပေးလိုက်တာကြောင့် ပြင်ပက ဓာတ်မတည့်တဲ့ ပစ္စည်းတွေ၊ ပိုးမွှားတွေ သွေးထဲကို စိမ့်ဝင်မသွားအောင် တားဆီးပေးပါတယ်။ (နောင်တစ်ချိန်မှာ ဓာတ်မတည့်ရောဂါ - Allergy ဖြစ်ပွားမှုကို လျော့ကျစေပါတယ်)

၄။ သွေးတွင်းသကြားဓာတ်ကို ထိန်းညှိပေးခြင်း 🩸
မွေးကင်းစကလေးငယ်တွေမှာ သွေးတွင်းသကြားဓာတ် ရုတ်တရက်ကျဆင်းတာ (Hypoglycemia) ခဏခဏ ဖြစ်တတ်ပါတယ်။ နို့ဦးရည်မှာ ပါဝင်တဲ့ အာဟာရဓာတ်တွေက ကလေးရဲ့ သွေးတွင်းသကြားဓာတ်ကို ပုံမှန်အတိုင်းဖြစ်အောင် ချက်ချင်း ထိန်းညှိပေးနိုင်ပါတယ်။

၅။ ကြီးထွားမှုဆိုင်ရာ ဟော်မုန်းများ (Growth Factors) ပါဝင်ခြင်း 📈
ကလေးရဲ့ ကြွက်သား၊ အရိုးနဲ့ အာရုံကြောစနစ်တွေ ကျန်းမာစွာ ကြီးထွားဖု့ိအတွက် လှုံ့ဆော်ပေးတဲ့ Growth Factors တွေ သိပ်သည်းစွာ ပါဝင်နေပါတယ်။

❓ မေမေတို့ အမေးများတဲ့ မေးခွန်းများ (Q&A)
💬 မေး - နို့ဦးရည်က ဘယ်နှရက်အထိ ထွက်တာလဲ။
💡 ဖြေ - အများအားဖြင့် ကလေးမွေးပြီး (၃) ရက်ကနေ (၅) ရက်အထိ ထွက်ပါတယ်။ အဲဒီနောက်ပိုင်းမှာတော့ ပုံမှန် နို့ရည်ဖြူဖြူ (Mature Milk) အဖြစ် တဖြည်းဖြည်း ပြောင်းလဲသွားပါတယ်။

💬 မေး - နို့ဦးရည်က နည်းနည်းလေးပဲ ထွက်လို့ ကလေးဗိုက်ဆာမှာ စိုးရိမ်ရမလား။
💡 ဖြေ - စိုးရိမ်စရာ လုံးဝမရှိပါဘူးမေမေ။ မွေးကင်းစကလေးရဲ့ အစာအိမ်ဟာ ချယ်ရီသီးတစ်လုံးစာ (၅ စီစီ ကနေ ၇ စီစီ ခန့်) သာ ရှိတာကြောင့် မေမေတို့ဆီက ထွက်တဲ့ နို့ဦးရည်ပမာဏ နည်းနည်းလေးဟာ ကလေးအတွက် လုံလောက်မှု ရှိရုံတင်မက အင်မတန် အချိုးအစားကျတဲ့ ပမာဏ ဖြစ်ပါတယ်။

💬 မေး - ကလေးမွေးပြီး ဘယ်အချိန်မှာ စတိုက်ရမလဲ။
💡 ဖြေ - အကောင်းဆုံးကတော့ ကလေးမွေးဖွားပြီး (၁) နာရီအတွင်း (The Golden Hour) မှာတင် စတင်တိုက်ကျွေးဖို့ ကမ္ဘာ့ကျန်းမာရေးအဖွဲ့ (WHO) က တိုက်တွန်းထားပါတယ်။

🤱ရင်သွေးငယ်လေးတွေအတွက် "ဘဝအစ ရွှေတံဆိပ်ဆု" ဖြစ်တဲ့ နို့ဦးရည်ကို မလွတ်တမ်း တိုက်ကျွေးဖို့ မမေ့ကြပါနဲ့နော်။ 🥰

မိခင်နှင့်ကလေး ကျန်းမာရေးစောင့်ရှောက်မှုနဲ့ ပတ်သက်ပြီး စိတ်ချရတဲ့ လမ်းညွှန်မှုတွေ၊ အကြံဉာဏ်ကောင်းတွေ ရယူနိုင်ဖို့ ထူးမြတ်အမျိုးသမီးဆေးရုံ သို့ အချိန်မရွေး ဆက်သွယ်စုံစမ်းနိုင်ပါတယ်ရှင်။ 🏥❤️

#ထူးမြတ်အမျိုးသမီးဆေးရုံ #နို့ဦးရည်အကြောင်းသိကောင်းစရာ #မိခင်နှင့်ကလေးဗဟုသုတ

07/06/2026

ဖေဖေ မေမေတို့ရေ... တို့မေမေတို့ရဲ့ ရင်သွေးငယ်လေးတွေအတွက် မွေးစာရင်းလေးတွေ ထွက်လာပြီနော်... အဝေးကြီးကနေ စောင့်မျှော်နေကြတဲ့ မိဘတွေအတွက် သတင်းကောင်းလေးပါပဲရှင်။ အောက်ကစာရင်းလေးထဲမှာ မိမိတို့ရဲ့အမည်နဲ့ လိပ်စာလေးတွေ ပါ/မပါ စစ်ဆေးပြီး လာရောက်ထုတ်ယူနိုင်ပါပြီ။ 🥰

📍 ဘယ်အချိန် လာထုတ်လို့ရမလဲ?
နေ့စဉ် (၂၄) နာရီ ပိတ်ရက်မရှိ ထူးမြတ်အမျိုးသမီးဆေးရုံမှာ လာရောက်ထုတ်ယူနိုင်ပါတယ်ရှင့်။

💡 မမေ့ရအောင် ဒါလေးတွေ ယူခဲ့ပေးပါနော် -
✅ ဖေဖေ သို့မဟုတ် မေမေရဲ့ မှတ်ပုံတင်မူရင်း

စာရင်းထဲမှာ အမည်လွဲမှားနေတာမျိုး ဒါမှမဟုတ် သိလိုတဲ့ အချက်အလက်တွေရှိရင်လည်း Page Messenger ကနေဖြစ်စေ၊ ဖုန်းကနေဖြစ်စေ အချိန်မရွေး ဆက်သွယ်မေးမြန်းနိုင်ပါတယ်နော်။✨

☎️ဆက်သွယ်ရန်ဖုန်းနံပါတ်- 09408033563/ 09750620941

🏥ထူးမြတ်အမျိုးသမီးဆေးရုံ (အမှတ် -၁၁၉၊ မေတ္တာလမ်း၊ မြို့သစ်ရပ်ကွက်မြစ်ကြီးနားမြို့။
(Grand Manaw Coffee ဆိုင်နဲ့ မျက်နှာချင်းဆိုင် /
စိုးဝင်းကားအဲကွန်းဆိုင်နဲ့ ကပ်ရပ်/
တရုတ်ယူနန် ဘုံးကျောင်းကနေ လာရင်
မေရီစတုပ် ဆေးခန်းနဲ့ မျက်နှာချင်းဆိုင်)

#ထူးမြတ်အမျိုးသမီးဆေးရုံ #ထူးမြတ်မိသားစု #မွေးစာရင်းအသိပေးချက်

05/06/2026

🏥 ထူးမြတ်အမျိုးသမီးဆေးရုံတွင် တာဝန်ထမ်းဆောင်ရန် ဝန်ထမ်းအလိုရှိသည်။ ✨

ဆေးရုံသန့်ရှင်းသပ်ရပ်ပြီး လူနာများနှင့် လာရောက်ပြသသူများ စိတ်အေးချမ်းသာစွာ ဆေးကုသမှုခံယူနိုင်ရန်အတွက် ကျွန်ုပ်တို့ ထူးမြတ်အမျိုးသမီးဆေးရုံမိသားစုနှင့်အတူ လက်တွဲလုပ်ကိုင်မည့် သန့်ရှင်းရေးဝန်ထမ်း (မ ၁ဦး) အမြန်ဆုံး အလိုရှိနေပါသည်။

🔹 ရာထူး - သန့်ရှင်းရေးဝန်ထမ်း (Full-time)

📝 လုပ်ငန်းတာဝန်များ
- ဆေးရုံအတွင်း/အပြင် သန့်ရှင်းသပ်ရပ်မှုရှိစေရန် နေ့စဉ် ပုံမှန်သန့်ရှင်းရေးလုပ်ငန်းများ လုပ်ဆောင်ရမည်။
- ဆေးရုံသုံး ပစ္စည်းများနှင့် အမှိုက်များကို သတ်မှတ်ထားသော စနစ်အတိုင်း စနစ်တကျ စွန့်ပစ်ရမည်။
- ဆေးရုံ၏ ကျန်းမာရေးနှင့် ညီညွတ်သော သန့်ရှင်းမှုစံနှုန်းများကို လိုက်နာဆောင်ရွက်ရမည်။

💼 ရရှိမည့် အကျိုးခံစားခွင့်များ (Benefits)
🔹 Monthly Salary + ထမင်းစရိတ် (လုပ်ငန်းအတွေ့အကြုံပေါ်မူတည်၍ လစာညှိနှိုင်း ဆုံးဖြတ်နိုင်ခြင်း)
🔹 Yearly Increment (နှစ်စဉ် လစာတိုးမြှင့်ပေးခြင်း)
🔹 Yearly Bonus (နှစ်စဉ် ဘောနပ်စ်ခံစားခွင့်)
🔹 ကျန်းမာရေးဆိုင်ရာ ဝန်ထမ်းသက်သာခွင့်များ

📝 လျှောက်ထားရန် လိုအပ်ချက်များ
စိတ်ပါဝင်စားသူများအနေဖြင့် CV form နှင့်အတူ အောက်ပါစာရွက်စာတမ်းများကို ပူးတွဲလျောက်ထားပေးပါရန် -
▪️ မှတ်ပုံတင်မိတ္တူ
▪️ အိမ်ထောင်စုစာရင်းမိတ္တူ
▪️ (ရှိလျှင်) သန့်ရှင်းရေးလုပ်ငန်း အတွေ့အကြုံရှိသူ သို့မဟုတ် ဆေးရုံတွင် လုပ်ကိုင်ဖူးသူများကို ဦးစားပေးစဉ်းစားမည်။

📍 ဆက်သွယ်လျှောက်ထားရမည့်နေရာနှင့် ဖုန်းနံပါတ်

🏠 ဆေးရုံလိပ်စာ:
ထူးမြတ်အမျိုးသမီးဆေးရုံ၊ အမှတ် - ၁၁၉၊ မေတ္တာလမ်း၊ မြို့သစ်ရပ်ကွက်၊ မြစ်ကြီးနားမြို့။
(Grand Manaw Coffee ဆိုင်နဲ့ မျက်နှာချင်းဆိုင် / စိုးဝင်းကားအဲကွန်းဆိုင်နဲ့ ကပ်ရပ်)

☎️ ဆက်သွယ်ရန်ဖုန်းနံပါတ်များ:
📞 09-408033563
📞 09-750620941

✅ စိတ်ပါဝင်စားသူများ မိမိတို့၏ CV form များဖြင့် လူကိုယ်တိုင်ဖြစ်စေ၊ ဖုန်းဆက်၍ဖြစ်စေ အမြန်ဆုံး လာရောက်စုံစမ်း လျှောက်ထားနိုင်ပါပြီ။

#ထူးမြတ်အမျိုးသမီးဆေးရုံ #သန့်ရှင်းရေးဝန်ထမ်း #အလုပ်ခေါ်ယူခြင်း #မြစ်ကြီးနားမြို့

03/06/2026

🎒🏫 ကျောင်းဖွင့်ရာသီမှာ ကလေးတွေ ဖျားနာပိုးကူးစက်မှုကို ဘယ်လိုကာကွယ်မလဲ? 🦠💙

ကျောင်းဖွင့်ရာသီရောက်လာတာနဲ့အမျှ ကလေးငယ်တွေဟာ သူငယ်ချင်းအသစ်တွေ တွေ့ဆုံရင်း ပျော်ရွှင်စွာ ပညာသင်ကြားကြတော့မှာ ဖြစ်ပါတယ်။ သို့သော် ကျောင်းဆိုတာ ကလေးအများအပြား စုဝေးနေတဲ့ နေရာတစ်ခုဖြစ်တာကြောင့် အအေးမိခြင်း၊ တုပ်ကွေးရောဂါ၊ လည်ချောင်းနာခြင်း၊ ဝမ်းပျက်ဝမ်းလျှောရောဂါများနဲ့ အခြားကူးစက်ရောဂါတွေ ပိုမိုပျံ့နှံ့လွယ်တဲ့ အချိန်လည်း ဖြစ်ပါတယ်။

မေမေ၊ ဖေဖေတို့အနေနဲ့ ကလေးလေးတွေ ကျန်းမာစွာ ကျောင်းတက်နိုင်ဖို့ အောက်ပါအချက်တွေကို ဂရုစိုက်ပေးသင့်ပါတယ်။ 👇

🧼 (၁) လက်ဆေးတဲ့ အလေ့အကျင့်ကို နေ့စဉ်ပျိုးထောင်ပေးပါ

ရောဂါပိုးမွှားအများစုဟာ လက်ကတစ်ဆင့် ကူးစက်တတ်ကြပါတယ်။ အစားမစားခင်၊ အိမ်သာအသုံးပြုပြီးတိုင်း၊ ကျောင်းက ပြန်ရောက်တိုင်း လက်ကို ဆပ်ပြာနဲ့ စက္ကန့် (၂၀) ခန့် စနစ်တကျ ဆေးကြောတတ်ဖို့ သင်ကြားပေးပါ။

🍎 (၂) အာဟာရပြည့်ဝတဲ့ အစားအစာတွေ ကျွေးမွေးပါ

ကလေးတွေရဲ့ ကိုယ်ခံအားစနစ်ကောင်းမွန်ဖို့ ဗီတာမင်၊ သတ္တုဓာတ်နဲ့ ပရိုတင်းဓာတ်များ ပါဝင်တဲ့ အစားအစာတွေကို မျှတစွာ ကျွေးမွေးပေးသင့်ပါတယ်။ အသီးအနှံ၊ ဟင်းသီးဟင်းရွက်၊ ငါး၊ ဥနဲ့ နို့ထွက်ပစ္စည်းတွေဟာ ကိုယ်ခံအားကို ပိုမိုကောင်းမွန်စေပါတယ်။

💧 (၃) ရေဓာတ်လုံလောက်စွာ ရရှိစေပါ

ရေသောက်နည်းတဲ့ ကလေးတွေဟာ ပင်ပန်းနွမ်းနယ်လွယ်ပြီး ကိုယ်ခံအားလည်း ကျဆင်းနိုင်ပါတယ်။ ကျောင်းသွားတဲ့အခါ သန့်ရှင်းတဲ့ ရေဘူးတစ်ဘူး အမြဲဆောင်သွားနိုင်အောင် စီစဉ်ပေးပါ။

💊 (၄) အိမ်သုံးဆေးသေတ္တာကို အသင့်ပြင်ဆင်ထားပါ

ကိုယ်ပူကျဆေး၊ ဓာတ်ဆား၊ ကိုယ်ပူတိုင်းကိရိယာနဲ့ အခြေခံကျန်းမာရေးပစ္စည်းများကို အိမ်မှာ အသင့်ထားရှိပေးခြင်းဖြင့် အရေးပေါ်အခြေအနေများကို အချိန်မီ စီမံနိုင်ပါတယ်။

🚿 (၅) တစ်ကိုယ်ရေသုံးပစ္စည်းများကို သီးသန့်အသုံးပြုစေပါ

ရေဘူး၊ ဇွန်း၊ ပန်းကန်၊ လက်သုတ်ပဝါ စတဲ့ ပစ္စည်းတွေကို အခြားသူတွေနဲ့ မျှဝေသုံးစွဲခြင်း မပြုဖို့ သင်ကြားပေးပါ။ ဒါဟာ ရောဂါပိုးကူးစက်မှုကို သိသိသာသာ လျှော့ချပေးနိုင်တဲ့ နည်းလမ်းတစ်ခု ဖြစ်ပါတယ်။

😴 (၆) အိပ်ရေးဝဝ အနားယူစေပါ

ကလေးတွေရဲ့ ကိုယ်ခံအားကောင်းမွန်ဖို့ အိပ်စက်ခြင်းက အရေးကြီးပါတယ်။ အသက်အရွယ်အလိုက် လုံလောက်တဲ့ အိပ်ချိန်ရရှိအောင် စီစဉ်ပေးသင့်ပါတယ်။

🛌 (၇) နေမကောင်းဖြစ်ရင် ကျောင်းခဏနားပေးပါ

ကိုယ်ပူခြင်း၊ နှာစေးချောင်းဆိုးခြင်း၊ လည်ချောင်းနာခြင်း စတဲ့ လက္ခဏာတွေရှိလာရင် ကျောင်းမလွှတ်ဘဲ အိမ်မှာ အနားယူစေပြီး လိုအပ်ပါက ဆရာဝန်နဲ့ ပြသစစ်ဆေးသင့်ပါတယ်။ ဒါဟာ မိမိကလေးကိုသာမက အခြားကျောင်းသားတွေကိုပါ ကာကွယ်ပေးရာ ရောက်ပါတယ်။

ကျန်းမာတဲ့ ကလေးဘဝတစ်ခုဟာ မှန်ကန်တဲ့ အာဟာရ၊ သန့်ရှင်းရေးနဲ့ ကျန်းမာရေးအသိပညာကနေ စတင်ပါတယ်။ ကျောင်းဖွင့်ရာသီမှာ မိဘတွေရဲ့ ဂရုစိုက်မှုလေးတွေက ကလေးတွေရဲ့ ကျန်းမာရေးအတွက် ကြီးမားတဲ့ ကာကွယ်မှုတစ်ခု ဖြစ်လာနိုင်ပါတယ်။

💙 ကလေးငယ်လေးများအားလုံး ကျန်းမာပျော်ရွှင်စွာ ပညာသင်ကြားနိုင်ပြီး ဖျားနာမှုများမှ ကင်းဝေးကြပါစေ။

📌 ဒီအချက်အလက်လေးတွေက အသုံးဝင်တယ်ဆိုရင် မေမေ၊ ဖေဖေများထံ Share ပေးပြီး ကျန်းမာရေးအသိပညာတွေကို အတူတူ မျှဝေပေးလိုက်ပါဦးနော်။ ❤️

💬 မေမေတို့ရဲ့ ကလေးလေးတွေ ကျောင်းဖွင့်ပြီးကတည်းက ဘယ်လိုကျန်းမာရေးပြဿနာတွေ အများဆုံးကြုံတွေ့ရလဲ? Comment မှာ မျှဝေပေးခဲ့ပါဦး။

Htoo Myat Women Centre

23/06/2026

20/06/2026

18/06/2026

16/06/2026

14/06/2026

12/06/2026

09/06/2026

07/06/2026

05/06/2026

03/06/2026

Address

Website

Alerts

Shortcuts

Share