07/06/2026
ခါးနာ၊ တင်ပါးနာတာကနေ ခြေကျင်းဝတ်အထိ ဘာကြောင့် "တန်းခနဲ" စိမ့်ပြီး ကျဉ်ဆင်းသွားတာလဲ?
အဖြေကတော့ ကျွန်တော်တို့ခန္ဓာကိုယ်မှာ အရှည်ဆုံးနဲ့ အကြီးဆုံးဖြစ်တဲ့ "Sciatic Nerve" (ဆိုင်ယက်တစ် အာရုံကြောမကြီး) ကြောင့်ပါ။
ဒီအာရုံကြောဟာ ခါးအောက်ပိုင်း (L4L5S1) ကနေ အမြစ်တွယ်ပြီး တင်ပါး၊ ပေါင်နောက်ခြမ်း၊ ခြေသလုံးကတစ်ဆင့် ခြေကျင်းဝတ်နဲ့ ခြေဖဝါးအထိ "တစ်ဆက်တည်း" သွယ်တန်းနေတာ ဖြစ်ပါတယ်။ ဒါကြောင့် အာရုံကြောအစပြုရာ ခါးနေရာမှာ "ပြဿနာတစ်ခုခုရှိနေရင်" အာရုံကြောတစ်လျှောက် ခြေထောက်အဆုံးထိ လျှပ်စစ်စီးသလို နာကျင်မှုကို ခံစားရတာပါ။
ဘာကြောင့် ဒီလိုဖြစ်ရတာလဲ? (အဓိက အကြောင်းရင်း ၃ ချက်)
၁။ ခါးဆစ်အရိုးနုပြား ကျွံခြင်း (Herniated Disc)
ခါးဆစ်နံပါတ် L4L5 သို့မဟုတ် L5S1 ကြားရှိ အရိုးနုပြား ကျွံထွက်ခြင်း သို့မဟုတ် ဖောင်းထွက်ခြင်းကြောင့် အာရုံကြောမြစ်ကို သွားဖိမိတဲ့အခါ နာကျင်မှုလှိုင်းတွေက ခြေထောက်အောက်ပိုင်းအထိ တန်းခနဲ ဆင်းသွားတတ်ပါတယ်။
လက္ခဏာ - တင်ပါးထဲကနေ စူးပြီးနာမယ်၊ ခြေသလုံးတွေ ထုံမယ်၊ ပူစပ်ပူလောင် ဖြစ်မယ်။
၂။ ကြွက်သားက အာရုံကြောကို ဖိမိခြင်း (ဥပမာ - တင်ပါးအတွင်းပိုင်းကြွက်သား တင်းခြင်း)
တစ်ခါတလေမှာ အရိုးကြောင့်မဟုတ်ဘဲ တင်ပါးအတွင်းပိုင်းက ကြွက်သားတွေ အရမ်းတင်းပြီး အာရုံကြောကို ညှပ်မိနေတာမျိုးပါ။ ထိုင်တာများတဲ့သူတွေမှာ အဖြစ်များပါတယ်။
၃။ အာရုံကြောမြစ် ရောင်ရမ်းခြင်း
အာရုံကြောကို အပြင်းအထန် ဖိမိခြင်းမရှိပေမဲ့ အနီးတစ်ဝိုက်မှာ ရောင်ရမ်းမှုဖြစ်နေရင် အာရုံကြောက ထိခိုက်လွယ်သွားပြီး နည်းနည်းလှုပ်ရှားလိုက်ရုံနဲ့ တစ်ကြောလုံး နာကျင်သွားတတ်ပါတယ်။
"ဘာလို့ တစ်ကြောလုံး နာနေသလို ခံစားရတာလဲ?"
အာရုံကြောဆိုတာ လျှပ်စစ်ကြိုးနဲ့ တူပါတယ်။ အာရုံကြောကြိုးရဲ့ အစပိုင်းမှာ တစ်ခုခုဖြစ်ရင် တစ်လျှောက်လုံး အချက်ပြမှုတွေ မှားယွင်းကုန်သလိုပါပဲ။ အာရုံကြောအစမှာ အဖိမိခံရတဲ့အခါ ဦးနှောက်က "ဒီအာရုံကြောရှိတဲ့ လမ်းကြောင်းတစ်လျှောက်လုံး နာနေတယ်" လို့ မှားယွင်းအဓိပ္ပာယ်ဖွင့်လိုက်တာကြောင့် ဖြစ်ပါတယ်။
ထို့ကြောင့် ဖြစ်လေ့ရှိသော လက္ခဏာများမှာ -
မျဉ်းတစ်ကြောင်းတည်းအတိုင်း ကျဉ်စိမ့်ပြီးနာခြင်း။
အာရုံကြောတစ်လျှောက် ထုံကျင်ခြင်း။
အချို့သူများတွင် ခြေထောက်အားမရှိသလို ဖြစ်ခြင်း။
အရေးကြီးတဲ့ သတိပြုရမယ့်အချက်
အကယ်၍ သင့်မှာ အောက်ပါလက္ခဏာတွေရှိရင် -
နာကျင်မှုက ဒူးအောက်ပိုင်းအထိ ဆင်းသွားရင်။
ထုံခြင်း / ပူစပ်ပူလောင်ဖြစ်ခြင်း / လျှပ်စစ်စီးသလို ကျဉ်ခြင်း။
ချောင်းဆိုး၊ နှာချေ လိုက်တဲ့အခါ ခါးကနေ ခြေထောက်အထိ ပိုနာလာရင်။
ဒါဟာ သာမန်ကြွက်သားနာတာထက် အာရုံကြောနဲ့ ပတ်သက်တဲ့ ပြဿနာ ဖြစ်ဖို့ ပိုများပါတယ်။
to original owner
#ခါးနာ
" ရင်ငြိမ်း " ကျန်းမာရေးပစ္စည်းအမျိုးမျိုးရောင်းဝယ်ရေး
☎
09403702332
09794100607
ကို ဆက်သွယ်စုံစမ်းဝယ်ယူအားပေးနိုင်ပါပြီရှင်။
#လက်လီလက်ကား
#ရင်ငြိမ်း
#ကျန်းမာရေး
