Shan DeVi - ရှမ်းဒေဝီ

Shan DeVi - ရှမ်းဒေဝီ အရွယ်သုံးပါး အမျိုးသမီးများ ယုံကြည်အားထားရာ ရှမ်းဒေဝီပါ

#အဖြူဆင်းတယ် #အနံ့ထွက်တယ် #ပမာဏများတယ် စိုးရိမ်ရလားဆရာ?အဖြူဆင်းခြင်းကို မူမှန်အဖြူဆင်းခြင်းနှင့် မူမမှန်အဖြူဆင်းခြင်းဟူ...
22/07/2026

#အဖြူဆင်းတယ်
#အနံ့ထွက်တယ်
#ပမာဏများတယ် စိုးရိမ်ရလားဆရာ?

အဖြူဆင်းခြင်းကို မူမှန်အဖြူဆင်းခြင်းနှင့်
မူမမှန်အဖြူဆင်းခြင်းဟူ၍ အဓိကအားဖြင့်
နှစ်မျိုးခွဲခြားနိုင်ပါတယ်။

✅ မူမှန်အဖြူဆင်းခြင်း

အပျိုဖော်ဝင်ပြီးသော အမျိုးသမီးများတွင် ဟော်မုန်းအပြောင်းအလဲကြောင့် လစဉ်ရာသီစက်ဝန်းအတွင်း အဖြူဆင်းခြင်းသည် ပုံမှန်ဖြစ်စဉ်တစ်ခု ဖြစ်နိုင်ပါတယ်။

မူမှန်အဖြူဆင်းခြင်း၏ လက္ခဏာ (၄) ချက်

1. ဆင်းချိန်မှန်ခြင်း – ရာသီစက်ဝန်းအလယ်ပိုင်း (မျိုးဥထွက်ချိန်) နှင့် ဓမ္မတာမလာမီ ၁–၂ ရက်ခန့်တွင် ဆင်းတတ်သည်။
2. ပမာဏမများခြင်း
3. ယားယံခြင်း မရှိခြင်း
4. အနံ့အသက် မရှိခြင်း

မူမှန်အဖြူဆင်းခြင်းအတွက် အလွန်စိုးရိမ်ရန် မလိုပါ။

🧼 တစ်ကိုယ်ရည်သန့်ရှင်းရေး

* ရေသန့်နှင့် ဆပ်ပြာနုနုဖြင့် အပြင်ပိုင်းကိုသာ သန့်ရှင်းပေးပါ။
* မိန်းမကိုယ်အတွင်းပိုင်းကို ဆေးရည်၊ ပိုးသတ်ဆေးများဖြင့် ဆေးကြောခြင်း မပြုသင့်ပါ။

⚠️ မူမမှန်အဖြူဆင်းခြင်း

အောက်ပါလက္ခဏာများရှိပါက မူမမှန်အဖြူဆင်းခြင်း ဖြစ်နိုင်ပါတယ်။

* ပမာဏများလာခြင်း
* ယားယံခြင်း၊ စပ်ဖျဉ်းဖျဉ်းဖြစ်ခြင်း
* အနံ့အသက်ဆိုးရှိခြင်း

အဓိကအကြောင်းရင်းများ

မူမမှန်အဖြူဆင်းခြင်းရဲ့ အဖြစ်များတဲ့ အကြောင်းရင်းက ပိုးဝင်ခြင်း ဖြစ်ပါတယ်။

* Trichomonas vaginitis (Trichomonas ပိုးကူးစက်ခြင်း)
* Fungal vaginitis (မှိုပိုးကူးစက်ခြင်း)
* ထိုပိုးနှစ်မျိုးစလုံး တွဲဖက်ကူးစက်ခြင်း

ဒါ့အပြင်—

* သားအိမ်ခေါင်းမှ အရည်ထွက်များခြင်း
* IUCD (သားအိမ်တွင်းထည့် သန္ဓေတားပစ္စည်း) အသုံးပြုခြင်း
* သန္ဓေတားနည်းအချို့ အသုံးပြုခြင်း
* တစ်ကိုယ်ရည်သန့်ရှင်းရေး မမှန်ခြင်း
* စိတ်ဖိစီးမှု၊ စိုးရိမ်ပူပန်မှုများခြင်း

စတဲ့ အကြောင်းရင်းများကြောင့်လည်း ဖြစ်နိုင်ပါတယ်။

🚨 သတိပြုရန်

သွေးဆုံးပြီးနောက် အဖြူဆင်းလာခြင်းသည် သားအိမ်ခေါင်းကင်ဆာ သို့မဟုတ် သားအိမ်နှင့်ဆိုင်သော ရောဂါအချို့နှင့် ဆက်စပ်နိုင်သောကြောင့် မပေါ့ဆသင့်ပါ။



#အမျိုးသမီးကျန်းမာရေး


#အဖြူဆင်းခြင်း

07/07/2026

“အပျိုဖော်ဝင်ခါစမှာ ဓမ္မတာမလာလို့ စိတ်ပူနေသလား? ဒီဗီဒီယိုကို အဆုံးထိကြည့်ပါ!” #အမျိုးသမီးကျန်းမာရေး

🌸 မီးယပ်သွေး မလာတာကို ပေါ့ပေါ့ဆဆ မထားပါနဲ့!“Stress များလို့ပါ…”“အအေးမိလို့ပါ…”“နောက်ကျရင် လာမှာပါ…”ဆိုပြီး လျစ်လျူရှုထား...
28/06/2026

🌸 မီးယပ်သွေး မလာတာကို ပေါ့ပေါ့ဆဆ မထားပါနဲ့!

“Stress များလို့ပါ…”
“အအေးမိလို့ပါ…”
“နောက်ကျရင် လာမှာပါ…”

ဆိုပြီး လျစ်လျူရှုထားတတ်ကြပေမယ့် မီးယပ်သွေးချုပ်ခြင်း (Amenorrhoea) ဟာ ခန္ဓာကိုယ်က ပေးပို့နေတဲ့ သတိပေးချက်တစ်ခု ဖြစ်နိုင်ပါတယ်။

⚠️ မီးယပ်သွေး မပေါ်ခြင်းရဲ့ အကြောင်းရင်းများ
⚠️ သတိပြုရမယ့် လက္ခဏာများ
⚠️ ဘယ်လိုအခြေအနေတွေမှာ ဖြစ်တတ်သလဲ

ဆိုတာတွေကို အောက်က Content မှာ ဖတ်ရှုနိုင်ပါတယ်။

🌸 မီးယပ်သွေးချုပ်ခြင်း (Amenorrhoea)

မီးယပ်သွေးပေါ်ခါနီးနှင့် မီးယပ်သွေးလာစဉ်တွင် ကာလ၊ အတ္တ၊ ကမ္မတို့ လွန်၊ ယုတ်၊ လွဲမှားကျင့်သုံးသဖြင့် မီးယပ်သွေးမပေါ်ခြင်း သို့မဟုတ် လာနေစဉ် ရပ်စဲသွားခြင်းကို မီးယပ်သွေးချုပ်ခြင်း (Amenorrhoea) ဟုခေါ်ပါသည်။

🔍 ရောဂါဖြစ်စေသော အကြောင်းရင်းများ

🔹 အအေးမိခြင်း

🔹 ဥတုသွေးလာရန် နီးကပ်သောနေ့များ (သို့) လာနေဆဲကာလအတွင်း ကြောက်ရွံ့ထိတ်လန့်စရာ မြင်ကွင်းများ မြင်ခြင်း၊ ကြားခြင်း

🔹 စိတ်သောကများခြင်း

🔹 ဥတုသွေးကို ချုပ်စေသော အစားအစာများ အလွန်အကျွံစားသုံးခြင်း

🔹 ဥတုသွေး ဖြစ်ပေါ်နိုင်လောက်အောင် ခွန်အားမရှိခြင်း

🔹 အဆုတ်နာ၊ ငှက်ဖျား စသည့် အခြားရောဂါကြီးများ စွဲကပ်ခြင်း

🔹 ဆီးအိမ်ရောဂါရှိခြင်း

🔸 ဆီးချိုရောဂါ ရှိခြင်းတို့ကြောင့်ဖြစ်နိုင်ပါသည်။

⸻

မီးယပ်သွေးချုပ်ခြင်းကို လေ့လာကြည့်ရင်

၁။သွေးအားရှိလျက် သွေးချုပ်ခြင်း
၂။သွေးအားမရှိ၍ သွေးချုပ်ခြင်းဆိုပြီး နှစ်မျိုးခွဲခြားနိုင်ပါသည်။

⸻

💪 သွေးအားရှိလျက် သွေးချုပ်ခြင်း

📖 ဖြစ်ပုံအချင်းအရာ

အချို့အမျိုးသမီးများသည် ဝဖြိုးစိုပြေနေသော်လည်း ဥတုသွေးမပေါ်ခြင်းကို တွေ့ရတတ်သည်။

၎င်းမှာ သွေးမရှိ၍ မဟုတ်ဘဲ သွေးရှိလျက်နှင့်
သွေးပျစ်နေသောကြောင့် မပေါ်ခြင်းဖြစ်သည်။

ထိုသို့သော အမျိုးသမီးများတွင် သွေးအားတိုးစေရန် မလိုအပ်ဘဲ၊ သွေးစီးဆင်းမှု ပုံမှန်ဖြစ်လာစေရန် ကုသမှုများ ပြုလုပ်ရန် လိုအပ်ပါသည်။

✅ ဆောင်ရန်

ပူ၊ ခါး၊ စပ် အရသာရှိသော အစာအာဟာရများ
ဥပမာ- ချင်းသုပ်၊ ဂန့်ဂလာ၊ဥသျှစ်ရွက်၊ ရဲယိုသီးရွက်တို့ကိုစားစေ၍ ကိုယ်လက်လှုပ်ရှားမှုများများ ပြုလုပ်ပေးရမည်။

❌ ရှောင်ရန်

အေး၊ ချို၊ ဆိမ့်၊ ဖန် အရသာရှိသောအစာအဟာရများ၊ ဥပမာ -ဖန်ခါးသီး၊စိမ်းစားဥ၊ကန်စွန်းရွက်၊ဆီးဖြူသီးစသည်တို့ကိုရှောင်၍ ရေအေးချိုးခြင်း၊ အအေးခံခြင်းတို့ကို ရှောင်ကြဉ်စေရမည်။




#မီးယပ်သွေးချုပ်ခြင်း
#အမျိုးသမီးကျန်းမာရေး

🩸 ရာသီသွေးများတာကို ပုံမှန်ပဲလို့ မထင်လိုက်ပါနဲ့…သွေးအတုံးအခဲတွေ ဆင်းနေသလား?ပုံမှန်ထက် ရက်ရှည်စွာ လာနေသလား?ဒါမှမဟုတ် ပုံ...
27/06/2026

🩸 ရာသီသွေးများတာကို ပုံမှန်ပဲလို့ မထင်လိုက်ပါနဲ့…

သွေးအတုံးအခဲတွေ ဆင်းနေသလား?
ပုံမှန်ထက် ရက်ရှည်စွာ လာနေသလား?
ဒါမှမဟုတ် ပုံမှန်ထက် ပိုစိပ်စိပ် လာနေသလား?

⚠️ ဒီလိုအခြေအနေတွေဟာ “မီးယပ်လွန်ခြင်း” ရဲ့ လက္ခဏာတွေ ဖြစ်နိုင်ပါတယ်။

မီးယပ်လွန်ခြင်း ဘာကြောင့်ဖြစ်တာလဲ❓
ဘယ်လိုလက္ခဏာတွေ တွေ့ရနိုင်လဲ❓
အနောက်တိုင်းဆေးပညာအရ ဘယ်လိုအမျိုးအစားတွေ ခွဲထားလဲ❓

📖 ဒီ Post မှာ အသေးစိတ်ဖော်ပြပေးထားပါတယ်။
💖 အမျိုးသမီးတိုင်း သိထားသင့်တဲ့ ကျန်းမာရေးဗဟုသုတမို့ ဖတ်ရှုပြီး မျှဝေပေးထားပါနော်

မီးယပ်လွန်ခြင်းဆိုသည်မှာ -

🔹 ပုံမှန်လာစဉ်ထက် သွေးပမာဏ ပိုမိုများပြားစွာ ဆင်းခြင်း
🔹 သွေးအတုံးအခဲများ ဆင်းခြင်း
🔹 ပုံမှန်လာရက်ထက် ရက်ရှည်စွာ ဆင်းခြင်း
🔹 ပုံမှန်လာနေကျ ရက်များထက် ပိုမိုစိပ်စိပ် လာခြင်းတို့ကို ဆိုလိုပါသည်။

━━━━━━━━━━━━━━

မီးယပ်လွန်ခြင်း ဖြစ်စေနိုင်သော အကြောင်းအရင်းများမှာ -

🔸 အလွန်အကျွံ အလုပ်လုပ်ခြင်း
🔸 ပူ၊ စပ်၊ ချဉ် အရသာရှိသော အစားအစာများကို လိုသည်ထက် ပိုမိုစားသောက်ခြင်း
🔸 ကြံစည်စိတ်ကူးမှု များလွန်းခြင်း
🔸 စိုးရိမ်ပူပန်မှု၊ ကြောင့်ကြမှုများခြင်း
🔸 အဝတ်အစားများကို ကျပ်တည်းစွာ ဝတ်ဆင်ခြင်း
🔸 ဝမ်းချုပ်ခြင်းကို ကြာရှည်စွာ ခံနေရခြင်း

━━━━━━━━━━━━━━
⚠️ လက္ခဏာများ

မီးယပ်လွန်ခြင်း ဖြစ်ပွားပါက -

🩸 ဆင်းသောသွေးအရောင် နီမြန်းခြင်း
🔥 သွေးအတွေ့အထိတွင် ပူနွေးခြင်း
😟 မျက်နှာဖြူရော်လာခြင်း၊ ဝါလာခြင်း
👀 မျက်စိအမြင် မှုန်ဝါးလာခြင်း
👂 နားထိုင်းခြင်း၊ နားအူခြင်း၊ နားလေထွက်ခြင်း
စသည့် လက္ခဏာများ တွေ့ရနိုင်ပါသည်။

━━━━━━━━━━━━━━
🩺 အနောက်တိုင်းဆေးပညာအရ
မီးယပ်လွန်ခြင်းကို (၂) မျိုး ခွဲခြားထားပါသည်။

✅ Metrorrhagia

ပုံမှန်ရာသီသွေး လာပြီးနောက်၊ နောက်တစ်ကြိမ် ရာသီမလာမီ ကြားကာလအတွင်း သွေးများစွာ ဆင်းခြင်းကို ခေါ်သည်။

✅ Menorrhagia

ပုံမှန်ရာသီသွေး လာနေစဉ်အတွင်း သွေးပမာဏ အလွန်များပြားစွာ ဆက်လက်ဆင်းနေခြင်းကို ခေါ်သည်။



#မီးယပ်လွန်ခြင်း
#အမျိုးသမီးကျန်းမာရေး

🌸 အပျိုဖော်ဝင်ပြီး အသက်ရောက်လာပင်မယ့် ဓမ္မတာသွေးမပေါ်သေးဘူးလား..?🤔(အပိုင်း - ၂)🔸 သွေးအားရှိလျက် ဓမ္မတာသွေးမပေါ်ခြင်းအချိ...
25/06/2026

🌸 အပျိုဖော်ဝင်ပြီး အသက်ရောက်လာပင်မယ့်
ဓမ္မတာသွေးမပေါ်သေးဘူးလား..?🤔

(အပိုင်း - ၂)

🔸 သွေးအားရှိလျက် ဓမ္မတာသွေးမပေါ်ခြင်း

အချို့အမျိုးသမီးငယ်များသည် ဝဝဖြိုးဖြိုး၊ စိုစိုပြေပြေရှိပြီး သွေးအားကောင်းသော်လည်း ဓမ္မတာစတင်ပေါ်ရမည့် အသက်အရွယ်သို့ ရောက်နေချိန်တွင် မီးယပ်သွေးမပေါ်ခြင်း ဖြစ်တတ်သည်။

သွေးအားရှိလျက် သွေးမပေါ်သော အခြေအနေကို အဓိကအားဖြင့် နှစ်မျိုးခွဲနိုင်သည်။

✅ (က) ခန္ဓာကိုယ်ချို့ယွင်းမှုကြောင့် မီးယပ်သွေးမပေါ်ခြင်း

✅ (ခ) ဓာတ်လေးပါးမညီမျှမှုကြောင့် မီးယပ်သွေးမပေါ်ခြင်း

━━━━━━━━━━━━━━

🩺 (က) ခန္ဓာကိုယ်ချို့ယွင်းမှုကြောင့် မီးယပ်သွေးမပေါ်ခြင်း

အချို့အမျိုးသမီးများတွင် မျိုးပွားအင်္ဂါနှင့် သက်ဆိုင်သော ချို့ယွင်းချက်များကြောင့် သွေးအားရှိသော်လည်း ဓမ္မတာသွေး မပေါ်နိုင်ပါ။

ဥပမာ -

🔹 သားအိမ်၌ အပေါက်မပါခြင်း

🔹 သားအိမ်မပါခြင်း သို့မဟုတ် သားအိမ်ထုတ်ထားခြင်း

🔹 သားမွေးလမ်းကြောင်း မပါခြင်း

🔹 အပျိုမြှေး (ကညာမြှေး) ပိတ်နေခြင်း

🔹 သားဥအိမ် ပုံမှန်မဟုတ်ခြင်း

စသည့် အကြောင်းအရင်းများကြောင့် ဖြစ်နိုင်သည်။

⚠️ ခန္ဓာကိုယ်ချို့ယွင်းမှုကြောင့် ဓမ္မတာသွေးမပေါ်ခြင်းကို မြန်မာတိုင်းရင်းဆေးပညာဖြင့် ကုသ၍ မရနိုင်ပါ။

━━━━━━━━━━━━━━

🌿 (ခ) ဓာတ်လေးပါးမညီမျှမှုကြောင့် မီးယပ်သွေးမပေါ်ခြင်း

အချို့အမျိုးသမီးငယ်များတွင် မျိုးပွားအင်္ဂါနှင့် သက်ဆိုင်သော ချို့ယွင်းချက် တစ်စုံတစ်ရာ မရှိသော်လည်း အပျိုဖော်ဝင်အရွယ်တွင် ဓမ္မတာသွေး မပေါ်ခြင်းမှာ ဓာတ်လေးပါး မညီမျှမှုကြောင့် ဖြစ်တတ်သည်။

❓ ဘာကြောင့်ဖြစ်တတ်သလဲ?

🔹 အေး၊ ချို၊ ဆိမ့်၊ ဖန် အရသာရှိသော အစားအစာများကို အလွန်အကျွံ စားသောက်ခြင်း

🔹 သွေးချုပ်၊ လေချုပ်စေနိုင်သော အစားအစာများ စားသောက်မှု လွန်ကဲခြင်း

📌 ဥပမာ - အချဉ်ပေါင်း၊ မာလကာသီးနုနု စသည်

🔹 အလွန်အေးသော ရာသီဥတုနှင့် ကြုံတွေ့ရခြင်း

🔹 ပြင်းထန်စွာ ထိတ်လန့်တုန်လှုပ်မှု ဖြစ်ခြင်း

🔹 ကြေကွဲဝမ်းနည်းဖွယ်ရာများနှင့် ကြုံတွေ့ရခြင်း

🔹 ရာသီပန်းပွင့်ခြင်းကို ရှက်ကြောက်ခြင်း၊ စိုးရိမ်ခြင်းတို့ကြောင့် စိတ်ဖိစီးမှုများခြင်း

စသည့် အကြောင်းအရင်းများကြောင့် သွေးအားရှိသော်လည်း မီးယပ်သွေးမပေါ်ဘဲ ဖြစ်နေနိုင်သည်။

━━━━━━━━━━━━━━

💡 ဘယ်လိုဖြစ်တာလဲ?

ရေပိုက်ထဲမှာ ရေရှိနေတယ်။

ဒါပေမယ့် ဖိအားမရှိ၊ စီးဆင်းအားမရှိရင် ရေက ပိုက်ထဲမှာပဲ တုံ့နေပြီး အပြင်ကို မထွက်နိုင်ဘူး။

ခန္ဓာကိုယ်မှာလည်း အလားတူပဲ —

💧 အာပေါဓာတ်များနေပြီး

🌬️ ဝါယောဓာတ် အားနည်းနေပါက

သွေးစီးဆင်းမှု မကောင်းတော့ဘဲ ဓမ္မတာသွေး
မပေါ်ခြင်း ဖြစ်နိုင်သည်ဟု တိုင်းရင်းဆေးပညာဆေးကျမ်းများတွင် ဖော်ပြထားသည်။





အပျိုဖော်ဝင်ခါစအရွယ် ရာသီသွေးမပေါ်တာ ဘာကြောင့်လဲ?(အပိုင်း-၁)=====================အမျိုးသမီးတွေကို အသက်အရွယ်အားဖြင့်အရွယ်...
23/06/2026

အပျိုဖော်ဝင်ခါစအရွယ် ရာသီသွေးမပေါ်တာ
ဘာကြောင့်လဲ?(အပိုင်း-၁)

=====================

အမျိုးသမီးတွေကို အသက်အရွယ်အားဖြင့်အရွယ်(၃)ပါး ပိုင်းခြားနိုင်ပါတယ်။

၁။ပထမအရွယ် အရွယ်မရောက်သေးတဲ့သူ
၂။ဒုတိယအရွယ် အရွယ်ရောက်ပြီးတဲ့သူ
၃။တတိယအရွယ် အရွယ်လွန်သူ ဆိုပြီး

ပထမအရွယ်မှာ ဖြစ်တတ်တဲ့ မီးယပ်နဲ့ပက်သက်တဲ့ ရောဂါတွေကိုတော့ ပင်လယ်ကူးမီးယပ်ရောဂါလို့ ခေါ်ပါတယ်။

ပင်လယ်ကူးဆိုတာ အစတစ်ခုနဲ့တစ်ခု ကူးစက်ရာ၊
ဆုံရာ အပိုင်းအခြားလို့ အဓိပ္ပါယ်ရတယ်။
ဒါကြောင့် အမျိုးသမီးတို့ ကလေးဘဝမှပြောင်းလဲပြီး အပျိုဘော်ဝင်ချိန် ကူးပြောင်းနေသောကာလမှာ ဖြစ်တတ်တဲ့ မီးယပ်ရောဂါများကို ပင်လယ်ကူးမီးယပ်ရောဂါလို့ ခေါ်ဆိုခြင်းဖြစ်ပါတယ်။

ပင်လယ်ကူမီးယပ်ရောဂါကို
၁။သွေးအားနည်း၍ ဓမ္မတာသွေးမပေါ်ခြင်း
၂။သွေးအားရှိလျက် ဓမ္မတာသွေးမပေါ်ခြင်း
ဆိုပြီး နှစ်မျိုးခွဲခြားနိုင်ပါတယ်။

——————-——————-

သွေးအားနည်း၍ ဓမ္မတာသွေးမပေါ်ခြင်း

၁။ဘာကြောင့်ဖြစ်တတ်သလဲ?

တိုင်းရင်းဆေးပညာအရ ကံ၊စိတ်၊ဥတု၊အာဟာရဆိုတဲ့ အချက်(၄)ချက်နဲ့ စစ်ဆေးနိုင်ပါတယ်။

-ပူစပ်ချဉ်အရသာရှိသောအစာများအစားများခြင်း
-အာဟာရဓါတ်နည်းသောအစာများအစားများခြင်း
-ကျင်ကြီးကျင်ငယ်တို့၏ အဟုန်ကိုချုပ်တီးထားခြင်း
-မွေးရာပါရောဂါတစ်ခုခုရှိခြင်း
-သွေးအားနည်းစေတတ်သော၊ခန္ဓာကိုယ်မှသွေးဆုံးရှူံးမှုဖြစ်စေတတ်သော နာတာရှည်ရောဂါတစ်ခုခုရှိခြင်း
-ကလေးစိတ်မကုန်သေးခြင်း
-အရွယ်ရောက်စအချိန်အရှက်အကြောက်ကြီးခြင်း
-စိတ်သောကများခြင်း
-စိတ်ထိခိုက်မှုတစ်စုံတစ်ရာနှင့်ကြုံတွေ့ရခြင်းတို့ကြောင့် ဖြစ်တတ်ပါတယ်။

အထက်ပါအကြောင်းတရားများကြောင့်ခန္ဓာကိုယ်မှာ အပူလွန်ကဲလာပြီး သွေးသား ခန်းခြောက်၍ သွေးအားနည်းကာ သွေးမပေါ်ခြင်းဖြစ်ရပါသည်။

၂။ဘယ်လိုလက္ခဏာတွေပြမလဲ?

-သွေးအားနည်းခြင်း
-ခန္ဓာကိုယ်ကြုံလှီခြင်း
-အသားအရေခြောက်ကပ်ဖြူဖျော့ခြင်း
-ကိုယ်သားကိုယ်ရေခြေဖဝါးလက်ဖဝါးပူခြ ခြင်း
-ငယ်စဉ်မှစ၍ မကြာခဏနှာခေါင်းသွေးလျှံခြင်း

၃။ ဘယ်လိုကုသနိုင်သလဲ?

သွေးပေါ်စေရန် ပူ၊ခါး၊ငန်လျက် သွေးသက်ဆင်းစေသော ဆေးအစာများပေးကျွေးမိရင် မှားယွင်းတတတ်ပါတယ်။ အပူလွန်ကဲ၍ သွေးသားခန်းခြောက်နေသော လူနာ(အပူနာ)အား ပူသောဆေးအစာပေးက ပင်ကိုယ်ကပင် သွေးအားနည်းနေသဖြင့် အပူလွန်ပြီး ပို၍ဆိုးဝါးတတ်သည်။

ဒါကြောင့် ဓမ္မတာသွေးပေါ်ချိန်အရွယ်သို့
ရောက်ရှိလာသော အပျိုဖော်ဝင်စ ၁၃နှစ်၊၁၄နှစ်၊၁၅နှစ် အရွယ်အမျိုးသမီးများ ဓမ္မတာသွေးမပေါ်ပဲ နေသည်ကို သေချာစွာစစ်ဆေးပြီးမှ ဆေးကိုပေးရန် အထူးလိုအပ်ပေသည်။

ထို့ကြောင့်ရှေးဦးစွာ အားရှိစေရန်သွေးအားကောင်းစေသော အစာအာဟာရများကျွေးရမည်။ အားရှိလာသောအခါမှရာသီပေါ်အောင် ကုသပေးရမည်။ သွေးအားနည်းခြင်းသည်မွေးရာပါရောဂါ၊ နာတာရှည်ရောဂါများကြောင့်ဖြစ်ပါက မူရင်းရောဂါကို သက်သာပျောက်ကင်းစေရန်အတွက်ပါ ကုသမှုပြုပေးရပါမည်။

✅ Page Adminသည် နိုင်ငံတော်မှ တရားဝင်ဖွင့်လှစ်ပေးထားသော တိုင်းရင်းဆေးတက္ကသိုလ် (မန္တလေး) အပတ်စဉ်(၁၅)မှ မြန်မာတိုင်းရင်းဆ...
22/04/2026

✅ Page Adminသည် နိုင်ငံတော်မှ တရားဝင်
ဖွင့်လှစ်ပေးထားသော တိုင်းရင်းဆေးတက္ကသိုလ် (မန္တလေး) အပတ်စဉ်(၁၅)မှ မြန်မာတိုင်းရင်းဆေးပညာဘွဲ့ (B.M.T.M)ကို ရရှိထားသူဖြစ်ပါသည်။

✅ လက်ရှိတွင် မြန်မာတိုင်းရင်းဆေးပညာနှင့် ပတ်သက်သော ကျန်းမာရေးဗဟုသုတများကို
လူအများအကျိုးပြုရန် မျှဝေပေးလျက်ရှိပါသည်။

📍 ရှမ်းဒေဝီတိုင်းရင်းဆေးတိုက် (တောင်ကြီး)

22/04/2026

အပျိုဖော်ဝင်ခါစ ဓမ္မဝာာသွေးမပေါ်တာ ဘာကြောင့်လဲ🤔

အမျိုးသမီးများအတွက် ကျန်းမာရေးနဲ့ အလှအပဆိုင်ရာ
ဗသုသုတများကို နေ့စဉ် တင်ဆက်ပေးသွားမှာမို့ Pageကို
လိုက်ခ်👍လုပ်ထားပေးကြပါဦး ခင်ဗျာ။

Music Credit to Lukrembo - Daily

#ရှမ်းဒေဝီတိုင်းရင်းဆေးတိုက်

အမျိုးသမီးများ ရာသီလာစဉ် နာကျင်ကိုက်ခဲခြင်း ဝေဒနာကို ဘယ်လိုကုသနိုင်မလဲ?မိမိခံစားရသည့် ရောဂါလက္ခဏာများသည် အရင်းခံရောဂါတစ်...
08/01/2026

အမျိုးသမီးများ ရာသီလာစဉ် နာကျင်ကိုက်ခဲခြင်း ဝေဒနာကို ဘယ်လိုကုသနိုင်မလဲ?

မိမိခံစားရသည့် ရောဂါလက္ခဏာများသည် အရင်းခံရောဂါတစ်ခုခုကြောင့် ဖြစ်ရသော ရာသီလာစဉ် နာကျင်ကိုက်ခဲခြင်း (Secondary dysmenorrhea) နှင့် တူညီနေပါက သက်ဆိုင်ရာ သားဖွားမီးယပ်အထူးကု ဆရာဝန်နှင့် စမ်းသပ်စစ်ဆေးရန် လိုအပ်ပါသည်။ သို့မှသာ အရင်းခံရောဂါကို ရှာဖွေဖော်ထုတ်ပြီး ကုသနိုင်မှာ ဖြစ်ပါသည်။

(၁) အနောက်တိုင်း ဆေးဝါးများ၌

✅အကိုက်အခဲပျောက်ဆေးများဖြင့် ကုသခြင်း

✅ ဟော်မုန်းပါဝင်သော ကိုယ်ဝန်တားဆေးများကို အသုံးပြု၍ ကုသခြင်းများရှိသည်။

(၂) သဘာဝဖြည့်စွက်ဆေးများဖြင့် ကုသခြင်း

✅ ချင်း (ဂျင်း) တွင်ပါဝင်သော ဆေးဖက်ဝင်ဓါတ်ပေါင်းများသည် အရောင်ကျစေသော အာနိသင်ရှိပြီး နာကျင်မှုကို ဖြစ်စေသော ပရိုစတာဂလင်ဒင်များကို လျှော့နည်းစေသောကြောင့် ရာသီလာစဉ်နာကျင်မှုဝေဒနာများကို သက်သာစေနိုင်ပါသည်။

✅ တရုတ်တိုင်းရင်းဆေးပညာတွင် အမျိုးသမီးရောဂါများ ကုသရာ၌ ထင်ရှားသော ဒေါင်းကွေး/တန်ကွေးမြစ် (Angelica root/Dong quai) သည်လည်း သားအိမ်ကြွက်သားညှစ်ခြင်းကို သက်သာစေသောအာနိသင် (Antispasmodic effect) ရှိသောကြောင့် ရာသီလာစဉ် နာကျင်မှုကို သက်သာစေနိုင်ပါသည်။

✅ နိုင်ငံတကာသုတေသနများအရ Glycyrrhiza glabra မှရသော နွယ်ချို (Licorice) သည် အရင်းခံရောဂါမရှိဘဲ ဖြစ်ရသော ရာသီလာစဉ် နာကျင်ကိုက်ခဲခြင်း (Primary dysmenorrhea) ကိုသက်သာစေပါသည်။

✅ ခမ်မိုမိုင်း (ဂျာမန်စိန်ခြယ်) သည်လည်း ရာသီသွေးနှင့် ဆက်စပ်သော ပြဿနာများကို ကုသရာတွင် အသုံးပြုနိုင်သည်။ သားအိမ်ကြွက်သားညှစ်ခြင်းကို သက်သာစေသောအာနိသင် (Antispasmodic effect) ကြောင့် ရာသီလာစဉ် နာကျင်ကိုက်ခဲမှုများကို သက်သာစေပါသည်။ခမ်မိုမိုင်းကို လက်ဖက်ရည် (Chamomile tea) အနေနှင့် သောက်သုံးပေးနိုင်သလို ခမ်မိုမိုင်းပါဝင်သော သဘာဝဆေးဝါးများကိုလည်း မှီဝဲပေးနိုင်ပါသည်။

✅ Omega 3 fatty acid သည် ရောင်ရမ်းခြင်းနှင့် နာကျင်ခြင်းကို ဖြစ်စေသော ပရိုစတာဂလင်ဒင်များကို လျှော့ချပေးနိုင်သောကြောင့် ရာသီလာစဉ် နာကျင်ကိုက်ခဲခြင်းဝေဒနာကို ကုသရာတွင် များစွာအသုံးဝင်သည်။ Omega 3 ကို ငါးမှရရှိနိုင်သည့်အပြင် နှမ်းကြတ်စေ့ (Flax seed) မှလည်းထုတ်ယူရရှိနိုင်ပါသည်။ Omega 6 နှင့် Omega 9 fatty acids တို့နှင့်တွဲဖက်ထုတ်လုပ်ထားသော ဆေးဝါးများကိုလည်း အသုံးပြုနိုင်ပါသည်။

✅ ဗီတာမင်-ဒီ သည် လူသားတို့၏ကျန်းမာရေးအတွက်အလွန်အရေးပါသည်။ အမျိုးသမီးများတွင် ဗီတာမင်-ဒီ ချို့တဲ့ခြင်းသည် ရာသီလာလျှင် နာကျင်ကိုက်ခဲမှုများနှင့် ဆက်စပ်နေကြောင်း အံ့ဩဖွယ်တွေ့ရှိရပါသည်။ ဗီတာမင်-ဒီ ချို့တဲ့သော အမျိုးသမီးများကို ဗီတာမင်-ဒီ ဖြည့်စွက်ပေးလိုက်လျှင် ရာသီလာလျှင် နာကျင်ကိုက်ခဲမှုများကိုပါ သက်သာစေကြောင်း တွေ့ရပါသည်။



#ရာသီလာစဉ်နာကျင်ကိုက်ခဲခြင်း


Address

Taunggyi

Website

Alerts

Be the first to know and let us send you an email when Shan DeVi - ရှမ်းဒေဝီ posts news and promotions. Your email address will not be used for any other purpose, and you can unsubscribe at any time.

Shortcuts

Share

Category