GCC Centre

GCC Centre Geriatric & Continuing Care Centre
(1)

“အိုနာကျချိန်”သက်ရွယ်ကြီးလာ ငါ့ခန္ဓာကားဇရာဝါးမျို ယိုယွင်းအိုပြီကိုယ်တိုင်ကိုယ်ကျ စားသောက်မရထူလိုမရ ထမရနှင့် ထိုင်ကယိမ်း...
19/05/2026

“အိုနာကျချိန်”

သက်ရွယ်ကြီးလာ ငါ့ခန္ဓာကား
ဇရာဝါးမျို ယိုယွင်းအိုပြီ
ကိုယ်တိုင်ကိုယ်ကျ စားသောက်မရ
ထူလိုမရ ထမရနှင့် ထိုင်ကယိမ်းယိုင်
မခိုင်အားပျော့ နွမ်းလျဖျော့တော့
အပေါ့အလေး အရှက်ဝေးလျက်
အိပ်ရာထက်ဝယ် ယိုလတ်ကုန်ပြီ
သူများမှီမှ ကိစ္စပြီးရ
လိုဆန္ဒကို မပြောဆိုနိုင်
မြင်နိုင်ကြားစွမ်း နည်းပါးဆုတ်လာ
ဘာဆိုဘာမှ သုံးမရပါ
သည်ခန္ဓာကို ကောင်းသလိုသာ
လုပ်ချင်ရာသာ လုပ်ကြပါလေ
မျက်နှာငယ်နှင့် မျှော်လင့်အားကိုး
စိုးကြောက်ပုံကို မပြလိုငြား
ဖုံးထားမရ ပေါ်နေကြလိမ့်
ဒုက္ခစုံထုပ် ဤကိုယ်ရုပ်ကို မလိုချင်တော့
မလျော့ချစ်ခြင်း ငြိုငြင်ကင်းကာ
ကြင်ကြင်နာနာ ပြုစုကာနေ
သူတို့တွေလည်း ပန်းနေရောပေါ့ …
သေပါတော့ဟု ဆုတောင်းမကောင်း
ထိုဆုတောင်းသာ တောင်းကောင်းပါကား
ငါတောင်းချင်၏ နေ့ရှိခံစား
သေခြင်းနားနီး အချည်းနှီးကိုယ်
စက္ကန့်ဆိုမျှ ရှင်ရသက်ရှည်
မနေလိုပြီ ကိုယ်လိုမကျ
နေရနာရ ခံရဒုက္ခ
မမြဲလှရာ မှတ်နေပါငြား
ထွေပြားအာရုံ များစုံတွေကြား
ဝိုးတိုးဝါးတား အထင်မှားချင်
သင်…ယမမင်း သင့်စာရင်းမှာ
ငါများကျန်နေခဲ့သလား။

(သန်းထွန်းအောင်)

ကျွန်တော်တို့ GCC Centre တွင် လာရောက်နေထိုင်ရှိကြသော အဘိုးအဘွားများ မနက်ခင်းစောစော ဘုရားဝတ်ပြုနေကြသော စိတ်ကြည်နူးဖွယ်ရာပ...
14/05/2026

ကျွန်တော်တို့ GCC Centre တွင် လာရောက်နေထိုင်ရှိကြသော အဘိုးအဘွားများ မနက်ခင်းစောစော ဘုရားဝတ်ပြုနေကြသော စိတ်ကြည်နူးဖွယ်ရာပုံရိပ်များကို မေတ္တာပွါး သာဓုခေါ်နိုင်ကြစေရန်အတွက် မျှဝေပေးလိုက်ပါတယ် ခင်ဗျာ့။

ဗုဒ္ဓဘာသာဝင် မဟုတ်သော အဘိုးအဘွားများအတွက်လည်း သီးခြားဝတ်ပြုနိုင်စေရန်အတွက် ကျွန်တော်တို့ GCC Centre မှ စီစဉ်ထားရှိပေးလျက်ရှိပါသည်။

GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

GCC Centre (Geriatric & Continuing Care Centre),
သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

ယနေ့ မေလ (၁၂) ရက်နေ့သည် နှစ်စဥ်ကျင်းပမြဲဖြစ်သော အပြည်ပြည်ဆိုင်ရာ သူနာပြုများနေ့ - 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐍𝐮𝐫𝐬𝐞𝐬 𝐃𝐚𝐲 ဖြစ်ပါသည်။ကျွ...
12/05/2026

ယနေ့ မေလ (၁၂) ရက်နေ့သည် နှစ်စဥ်ကျင်းပမြဲဖြစ်သော အပြည်ပြည်ဆိုင်ရာ သူနာပြုများနေ့ - 𝐈𝐧𝐭𝐞𝐫𝐧𝐚𝐭𝐢𝐨𝐧𝐚𝐥 𝐍𝐮𝐫𝐬𝐞𝐬 𝐃𝐚𝐲 ဖြစ်ပါသည်။

ကျွန်တော်တို့ မြတ်နိုးလေးစားရပါသော သက်ကြီးဘိုးဘွားများအား ကျန်းမာရေးစောင့်ရှောက်မှုပေးရာတွင် သူနာပြုဆရာ၊ ဆရာမများရဲ့ အခန်းကဏ္ဍသည် အဓိကသော့ချက်ဖြစ်ပြီး မေတ္တာ၊ စေတနာများကို အရင်းခံကာ စောင့်ရှောက်မှု ပေးနေကြသူများ ဖြစ်ပါသည်။

ထိုသို့ ဘိုးဘွားများအား မိသားစုသဖွယ် ပြုစုစောင့်ရှောက်ပေးကြသည့် သူနာပြုများအား ကျွန်တော်တို့ GCC Centre မိသားစုမှလည်း လေးစားဂုဏ်ပြုအပ်ပါသည်။

GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

GCC Centre (Geriatric & Continuing Care Centre),
သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ See less

GCC Centre သို့ စိတ်ဝင်တစားဖြင့် လာရောက်လေ့လာခဲ့ကြသော ဧည့်သည်တော်များအား အဖိုးအဖွားများကို စောင့်ရှောက်ပေးပုံ နှင့် ရရှိ...
09/05/2026

GCC Centre သို့ စိတ်ဝင်တစားဖြင့် လာရောက်လေ့လာခဲ့ကြသော ဧည့်သည်တော်များအား အဖိုးအဖွားများကို စောင့်ရှောက်ပေးပုံ နှင့် ရရှိနိုင်သော ဝန်ဆောင်မှုအမျိုးအစားများကို ရှင်းပြပေးခဲ့ပါတယ် ခင်ဗျာ့။

စိတ်ဝင်တစားဖြင့် လာရောက်လေ့လာလိုသော ဧည့်သည်တော်များကို
GCC Centre မှ နွေးထွေးစွာကြိုဆိုပါတယ် ခင်ဗျာ့။

GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

GCC Centre (Geriatric & Continuing Care Centre),
သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

ကျွန်တော်တို့ GCC Centre မှ ဧပြီလ မွေးနေ့ရှင်များအတွက် မွေးနေ့ပွဲကို မွေးနေ့ရှင်များနှင့်အတူ ပျော်ရွှင်စွာ ပြုလုပ်ကျင်းပ...
01/05/2026

ကျွန်တော်တို့ GCC Centre မှ ဧပြီလ မွေးနေ့ရှင်များအတွက် မွေးနေ့ပွဲကို မွေးနေ့ရှင်များနှင့်အတူ ပျော်ရွှင်စွာ ပြုလုပ်ကျင်းပပေးခဲ့ပါသည်။

အခုလို ပျော်ရွှင်စရာမွေးနေ့မှ စပြီး စိတ်၏ချမ်းသာခြင်း၊ ကိုယ်၏ကျန်းမာခြင်းများနှင့် ပြည့်စုံပါစေကြောင်း "GCC Centre မိသားစု" မှ ဆုမွန်ကောင်းတောင်းပေးလိုက်ပါတယ် ခင်ဗျာ့။

GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

GCC Centre (Geriatric & Continuing Care Centre),
သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

အပြည်ပြည်ဆိုင်ရာ အလုပ်သမားနေ့International Workers' Dayယနေ့ (၂၀၂၆) ခုနှစ်၊ မေလ (၁) ရက်တွင် ကျရောက်သော အပြည်ပြည်ဆိုင်ရာ အ...
01/05/2026

အပြည်ပြည်ဆိုင်ရာ အလုပ်သမားနေ့
International Workers' Day

ယနေ့ (၂၀၂၆) ခုနှစ်၊ မေလ (၁) ရက်တွင် ကျရောက်သော အပြည်ပြည်ဆိုင်ရာ အလုပ်သမားနေ့အား ကျွန်တော်တို့ GCC Centre (Geriatric & Continuing Care Centre) မိသားစုမှ ဂုဏ်ပြုကြိုဆိုလိုက်ပါသည်။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

ဒီမင်းရှားဝေဒနာရှင်များ၏ လျှောက်သွားခြင်း (Wandering) အပြုအမူ ဒီမင်းရှားဝေဒနာရှင်များ၏ လျှောက်သွားခြင်း (Wanderin...
29/04/2026

ဒီမင်းရှားဝေဒနာရှင်များ၏ လျှောက်သွားခြင်း (Wandering) အပြုအမူ


ဒီမင်းရှားဝေဒနာရှင်များ၏ လျှောက်သွားခြင်း (Wandering) အပြုအမူဆိုသည်မှာ ဒီမင်းရှားရှိသူသည် ငြိမ်ငြိမ်အေးဆေးစွာ မနေနိုင်ဘဲ လျှောက်သွားနေခြင်း ဖြစ်သည်။ မိမိအိမ်ထဲတွင် ခေါက်တုံ့ခေါက်ပြန်သွားလာနေခြင်းမျိုး ဖြစ်နိုင်သကဲ့သို့ အိမ်ပြင်ထွက်သွားကာ လျှောက်သွားနေခြင်းမျိုးလည်း ဖြစ်နိုင်သည်။ အိမ်မှ ထွက်သွားကာ ခြေဦးတည့်ရာလျှောက်သွားနေပြီးနောက် အိမ်မပြန်တတ်တော့ဘဲ လမ်းပျောက်နေခြင်းလည်း ဖြစ်တတ်သည်။ ဒီမင်းရှားဝေဒနာရှင်များ ထိုသို့ လျှောက်သွားနေခြင်း (Wandering) အပြုအမူဖြစ်လာသည့်အခါ ပြုစုစောင့်ရှောက်မှုပေးနေကြသူများ မိသားစုဝင်များအနေဖြင့် စိတ်ဖိစီးမှု ခံစားလာရတတ်သည်။ ကိုင်တွယ်ဖြေရှင်းရန် အခက်အခဲတွေ့ကြရသည်။

ဒီမင်းရှားဝေဒနာရှင်များ၏ ဆယ်ယောက်တွင် ခြောက်ယောက်၌ ထိုသို့လျှောက်သွားခြင်း (Wandering) အပြုအမူကို တွေ့ရသည်။ မိမိတို့ နေအိမ်ရပ်ကွက်ထဲတွင်နေသူများထက် အများနှင့် စုပေါင်းနေထိုင်ကြရသည့် ဘိုးဘွားရိပ်သာများ၌ နေသူများတွင် ပိုတွေ့ရသည်။ Wandering ဖြစ်ရခြင်းအကြောင်းရင်းကို အတိအကျ မပြောနိုင်သော်လည်း ဒီမင်းရှားရောဂါသည် ဦးနှောက်ဆဲလ်များ တဖြည်းဖြည်း ပျက်စီးလာခြင်း ဖြစ်သဖြင့် နောက်ပိုင်းတွင် ဝေဒနာရှင်၏ အပြုအမူများပါ ပြောင်းလဲလာကြရသည်ဟု ယူဆကြသည်။ ဦးနှောက်ထဲရှိ GPS ကဲ့သို့သော လမ်းကြောင်းမှတ်သားသည့် အပိုင်း Cognitive Mapping ပျက်စီးသွားသည့်အခါ မိမိလက်ရှိရောက်နေသည့် နေရာကိုပင် သိရှိမှတ်မိနိုင်စွမ်း မရှိတော့ပါ။ ထိုအခါ မိမိအိမ်မှာနေရင်းနှင့် "အိမ်ပြန်မယ်" ဟု ပြောလာခြင်းမျိုး ဖြစ်လာတော့သည်။ နေရာပတ်ဝန်းကျင်၊ အချိန်ကာလတို့နှင့် ပတ်သက်ပြီး စိတ်ထဲတွင်ရှုပ်ထွေးကာ မိမိယခင်က နေခဲ့သည့် နေရာများသို့ စိတ်ရောက်နေခြင်း (reliving in the past) ဖြစ်တတ်သည်။ တခါတရံ သူတို့၏ လိုအပ်ချက်များကို ပြည့်ဝစွာ မဖြည့်ဆည်းပေးနိုင်ခြင်း (Unmet Needs) ကြောင့် သူတို့၏ ဆန္ဒလိုအင်ကို အပြုအမူအားဖြင့် ပြသခြင်းမျိုးလည်း ရှိသည်။ ဥပမာ ဆာလောင်ခြင်း၊ ရေငတ်ခြင်း၊ ဆီးသွားချင်ခြင်း၊ ခြေလက် ညောင်းညာခြင်း စသည်တို့ဖြစ်လာသည့်အခါ မိမိအခြေအနေကို စကားနှင့်မဖော်ပြနိုင်တတ်သဖြင့် လမ်းလျှောက်သွားခြင်းဖြင့် ထွက်ပေါက်ရှာခြင်းမျိုး ပြုလာတတ်သည်။ မိမိရောက်ရှိနေထိုင်ရသည့် ပတ်ဝန်းကျင်တွင် ငြီးငွေ့ပျင်းရိလာခြင်း၊ အထီးကျန်နေသည်ဟု ခံစားနေရခြင်း၊ အဖော်မရှိသည့် ပတ်ဝန်းကျင်အသစ်ကို ရောက်နေသကဲ့သို့ ခံစားနေရခြင်း၊ မိမိပုံမှန်လုပ်နေကျပုံစံများ ပျက်သွားခြင်း (loss of a regular routine)၊ ကြောက်ရွံ့စိုးရိမ်စိတ် (Anxiety and Fear) ဖြစ်နေခြင်း စသည်တို့ ဖြစ်လာသည့်အခါ ပတ်ဝန်းကျင်အသစ် သို့မဟုတ် သူ့အတွက်လုံခြုံသည့်နေရာကို ရှာရန် အပြင်ထွက်သွားလိုခြင်း ဖြစ်လာကြသည်။

Wandering အပြုအမူသည် ဒီမင်းရှားရောဂါဆိုးဝါးမှု အလယ်အလတ်အဆင့် (moderate stage) တွင် ပို၍ တွေ့ရသည်။ ဒီမင်းရှားအမျိုးအစားနှင့်ပတ်သက်ပြီး ပြောရလျှင် အယ်လဇိုင်းမား ဒီမင်းရှား (Alzhermer’s Dementia)တွင် ပိုအဖြစ်များသည်။ ညဖက်အိပ်မပျော်ခြင်း၊ စိတ်ဓာတ်ကျခြင်း နှင့် စိတ်ရောဂါ (psychosis) တို့ တွဲဖက်ပါလာသည့်အခါတွင် ပိုပြီးဖြစ်တတ်သည်။ ထိုအခါ ရည်ရွယ်ချက်မဲ့ လျှောက်သွားနေခြင်း (aimless walking)၊ တစ်ဦးတစ်ယောက်၏ နောက်သို့ တကောက်ကောက် လိုက်နေ ခြင်း (Shadowing) ၊ အပြင်သို့ ထွက်နိုင်မည့် ထွက်ပေါက်ကို အစဉ်တစိုက် လိုက်ရှာနေခြင်း စသည့်အပြုအမူမျိုး လုပ်လာတတ်ကြသည်။ ဒီမင်းရှားဝေဒနာရှင်တချို့မှာ ညနေဖက်ရောက်လာလျှင် တွေ့ရတတ်သော ဂနာမငြိမ် ဖြစ်လာသည့် အပြုအမူ (sundowning behavior) ကိုမူ သီးခြားဆောင်းပါးဖြင့် ရေးသားတင်ပြခဲ့ပြီး ဖြစ်ပါသည်။ အထူးသဖြင့် ဝေဒနာရှင်သည် အိမ်အပြင်ထွက်ရန် အမြဲကြိုးစားနေကာ ထွက်ပေါက် တွေ့ရှိသွားသဖြင့် Wandering လုပ်နေပြီး လမ်းပျောက်ကာ အိမ်ပြန်မလာတတ်တော့သည့်အဖြစ်သည် အန္တရာယ်များပါသည်။ မိသားစုအနေဖြင့် လူပျောက် လိုက်ရှာကြရသည့် အနေအထားမျိုးဖြစ်ကာ များစွာ စိတ်ပူပင်သောက ဖြစ်ကြရပါသည်။ ဆေးပညာတွေ့ရှိချက်များအရ အိမ်ပြန်မရောက်လာသဖြင့် လူပျောက်တိုင်ရသည်အထိ လျောက်သွားနေခြင်း (Critical wandering or Missing incidents) ဖြစ်သူများ၏ သေနှုန်း (mortality) သည် ၂၀% ထိရှိပါသည်။

ထို့ကြောင့် ဒီမင်းရှားဝေဒနာရှင်ကို အိမ်မှာ တစ်ယောက်တည်း မထားသင့်ပါ။ စောင့်ကြည့်ပေးရန် အဖော်တစ်ယောက် အမြဲရှိသင့်သည်။ လူလွတ်မရှိသည့် လူတိုင်းအလုပ်လုပ်နေကြရသည့် မိသားစုများဖြစ်ပါက လူနာရှင်ကို ကြည့်ရှုစောင့်ရှောက်ရန် တစ်ဦးဦးရရှိရန်စီစဉ်ရမည်။ ညှိနှိုင်း၍ရပါက အိမ်နီး နားချင်းများကိုသော်လည်းကောင်း၊ ဆွေမျိုးသားချင်းထဲမှ တစ်ယောက်ယောက်ကိုသော်လည်းကောင်း ခဏလာစောင့်ပေးရန် အကူအညီတောင်းကြည့်ပါ။ ဒီမင်းရှားဝေဒနာရှင်များအတွက် နေ့ပိုင်းစောင့်ရှောက်ရေး စင်တာ Day Care Center ရှိလျှင် မိသားစုများအနေဖြင့် အလုပ်မသွားမီ မနက်တွင် စင်တာသို့ပို့ခဲ့ပြီး၊ အလုပ်မှအပြန် ညနေတွင်ဝင်ကြိုသည့်ပုံစံဖြင့် ကြိုးစားကြည့်နိုင်ပါသည်။ အိမ်မှနေ၍ အပြင်ထွက်သွားပြီး လမ်းပျောက်နေခြင်းမဖြစ်စေရန် ကြိုတင်ကာကွယ်နိုင်မည့်နည်းများကိုလည်း စဉ်းစားလုပ်ဆောင်ထား ရပါမည်။

အိမ်ထွက်ဝတံခါးကို အလွယ်တကူမတွေ့မြင်နိုင်စေရန် လိုက်ကာဖြင့် ကွယ်ထားနိုင်သည်။ သူထိုင်ရန်အတွက် တံခါးကို ကျောပေးထားသည့်နေရာကိုရွေးချယ်ပါ။ တံခါးနှင့်မျက်နှာချင်းဆိုင် မဖြစ်ပါစေနှင့်။ တံခါးကို နံရံအရောင်နှင့်ဆင်တူအောင် ဆေးသုတ်ထားနိုင်သည်။ တံခါးလက်ကိုင်ကို ထင်ရှားစွာမမြင်နိုင်သည့်အမြင့်မှာ တပ်ခြင်း၊ သော့ခလောက်ကို အောက်ဘက်အနိမ့်ပိုင်းမှာ ထားခြင်း၊ တံခါးသော့ကို ပြောင်းလဲထားခြင်း၊ ဖွင့်ရမလွယ်သည့် သော့နှစ်ထပ် (double lock) ကို သုံးခြင်း စသည်ဖြင့် မိမိတို့အိမ်အနေအထားနှင့် အဆင်ပြေမည့်အရာကို လုပ်ထားပါ။ တံခါးမှန်း မသိနိုင်စေရန် တံခါးမျက်နှာပြင်ကို ရှုခင်းကားအကြီးကြီး သို့မဟုတ် ဗီနိုင်း ကြော်ငြာပိုစတာအကြီး ကပ်ထားပါ။ တံခါးလက်ကိုင်ကို အဝတ်နှင့် စည်းထားခြင်းဖြင့် တံခါးကို ဖွင့်ရမည့်လက်ကိုင်မှန်း မသိစေရန်လည်း လုပ်ထားနိုင်ပါသည်။ အိမ်တွင်ရှိသည့် ဘီးတပ်အဝတ်လှန်းထားသည့်စင်နှင့်လည်း တံခါးပေါက်ကို အလွယ်တကူ ကွယ်ထား နိုင်ပါသည်။ အများအားဖြင့် "ထွက်ပေါက်" ကို မမြင်လျှင် ထွက်ရန်စိတ်ကူးမရတော့ပါ။ တံခါးဖွင့်သည်နှင့် အသံမြည်စေရန် Door alarm sensor ကို တပ်ထားနိုင်သည်။ လွယ်သည့် နည်းတစ်ခုမှာ တွဲလောင်း ကျနေသည့် ကြေးချောင်းငယ်လေးများ၊ ခေါင်းလောင်းငယ်များကို တံခါးနှင့် ချိတ်ဆက်ထား ခြင်းဖြင့် လည်း တံခါးဖွင့်လျှင်အသံကြားရမည် ဖြစ်သည်။ တံခါးကို အပြင်ဖက်မှ သော့ခတ်ထားသည့်နည်းကိုလည်း သုံးနိုင်ပါသည်။ လွယ်လွယ်နှင့် ထွက်ရန်မဖြစ်နိုင်တော့ခြင်းသည် အပြင်ထွက်ချင်စိတ်ကို တဖြည်းဖြည်း လျော့ကျသွားစေပါသည်။

သော့ကိုဝှက်ထားခြင်း၊ နေရာပြောင်းထားခြင်း၊ သော့လဲထားခြင်း တို့ကြောင့် သော့ကို ရှာမတွေ့ ခြင်း သော့ဖွင့်မရခြင်းတို့ကြောင့် စိတ်တိုဒေါသထွက်လာပါက အတူတူကူပြီး ရှာပေးသည့်ပုံစံ လုပ်ပေးပါ။ "ဟုတ်သားပဲ၊ ခါတိုင်းဒီနေရာမှာထားတဲ့သော့တွေ ဘယ်ရောက်သွားပါလိမ့်။ စိတ်မပူနဲ့နော်၊ ကူရှာပေးမယ်" ဆိုပြီးဝိုင်းရှာပေးပါ။ ရှာနေရင်း အာရုံလွှဲပါ။ “သော့ကိုအထားမှား သွားတာ နေမှာပါ။ သား ဆက်ရှာလိုက် မယ်၊ အဖေ ဒီမှာ ထိုင်ပြီးခဏနားလိုက်ဦး၊ ပင်ပန်းသွားပြီ၊ ရေနွေး ကြမ်းလေး သောက်လိုက် အုံး” စသည်ဖြင့် ပြောဆိုနှစ်သိမ့်ပါ။ ဖြစ်နိုင်လျှင် တံခါးကိုမမြင်နိုင်သည့် နေရာသို့ ခေါ်သွားလိုက်ပါ။ သို့မှသာ အာရုံလွဲရသည်မှာ ပိုလွယ်မည် ဖြစ်သည်။ သူ့ကို သော့ပေးထားရပြီး သူ့သော့ကိုအထားမှားကာ သူကိုယ်တိုင် ရှာမတွေ့တော့သည့်အဖြစ်မျိုး ဆိုပါက သော့အပိုပွားလုပ်ထားသည်ကို သော့ရှာတွေ့ပြီ ပုံစံဖြင့်ဖြေရှင်းပေး၍ ရနိုင်ပါသည်။

ဒီမင်းရှားဝေဒနာရှင်တချို့တွင် စိတ်ထဲစွဲနေသည့် အပြင်ထွက်ချင်သောအကြောင်း တစ်ခုခု ("အလုပ်သွားရမယ်"၊ “ချိန်းထားတာရှိတယ်”၊ “အိမ်ပြန်မယ်”၊ “ကလေးတွေကိုသွားကြိုရမယ်”) ရှိနေ တတ်သည်။ သတိထားလေ့လာကြည့်ပါက သူတို့အပြင်သွားလိုသည့်အကြောင်းများမှာ ယခင်က သူတို့ တစ်နေ့တာ ပုံမှန် ကျင်လည်လုပ်ခဲ့ကြသည့်အရာများ ဖြစ်နေတတ်သည်။ လက်ရှိရောက်နေသည့် နေရာတွင် လူသာရှိနေသော်လည်း စိတ်က ယခင်ရင်းနှီးကျွမ်းဝင်ခဲ့သည့် အတိတ်ကို ရောက်နေတတ်သည်။ ထို့ကြောင့် ကိုယ့်အိမ်တွင်နေထိုင်လျက်နှင့် အိမ်ပြန်မည်ဟု ပြောဆိုသည့်အခါ မိသားစုဝင်များအနေဖြင့် နားမလည်နိုင် ဖြစ်ကြရသည်။ အလုပ်မှနားထားသည်မှာ နှစ်များစွာကြာနေပြီ ဖြစ်သည့်အပြင် အခုအသက်အရွယ်၊ အခု အချိန်ရောက်ခါမှ အလုပ်သွားရမည်။ အစည်းအဝေးရှိသည် စသည်ဖြင့် ပြောကာ အပြင်ထွက်ရန် ကြိုးစားလာသည့်အခါတွင် စိတ်ညစ်ကြရသည်။ အကျိုးသင့် အကြောင်းသင့် ရှင်းပြလျှင်လည်း မရသည့်အခါ ပို၍ စိတ်ပင်ပန်းကြရသည်။ အမှန်အားဖြင့်ဒီမင်းရှား ဝေဒနာရှင်များမှာ ယခင်အတိတ်မှ အမှတ်သညာများသည် လက်ရှိပစ္စုပ္ပန်ထက်ပိုပြီး ထင်ရှားနေတတ်ကြ၍ဖြစ်သည်။ တချို့မှာ မိမိ၏မိသားစုမှ ကွယ်လွန်သွားပြီး သူများကို သက်ရှိထင်ရှားရှိနေသေးသည်ဟု ထင်မှတ်ကာ လျှောက်သွားပြီး လိုက်ရှာနေတတ်ကြသည်။ ပြုစုသူများအနေဖြင့် ဒီမင်းရှားရောဂါနှင့် ထိုရောဂါဝေဒနာရှင်များ၏ ထိုထိုသော သဘောသဘာဝတို့ကို နားလည်ကာ လိမ်မာပါးနပ်စွာ ကိုင်တွယ်ဖြေခြင်းတတ်မှ အဆင်ပြေကြမည်ဖြစ်သည်။

ပထမဦးဆုံးအနေဖြင့် အရေးကြီးသည်မှာ သူတို့၏လိုအင်ဆန္ဒကို နားလည်အသိအမှတ်ပြုပေးခြင်း (Validation) လုပ်ပေးရပါမည်။ "အငြိမ်းစားယူထားတာ ဘယ်လောက်ကြာနေပြီလဲ၊ ကိုယ့်အသက်ကိုလည်းကြည့်ပါအုံး၊ ဘာအလုပ်သွားလုပ်အုံးမှာလဲ"စသည်ဖြင့် အမှန်ကို ပြောဆို ငြင်းခုံ ဝေဖန်ခြင်းက သူတို့စိတ်ထဲမှာ "ငါ အခုသွားမှဖြစ်မယ်" ဆိုသည့်စိုးရိမ်စိတ် (Anxiety) ကို ပိုများစေပါသည်။ သူတို့၏ ဆန္ဒကို ဆန့်ကျင်လျက် အတင်းအကျပ်တားဆီးလိုက်လျှင် မရသည့်အပြင် ပိုဆိုးသွားတတ်သည်။ စိတ်တိုလာတတ်သည်။ ဒေါသထွက်ကာ ကြမ်းလာတတ်သည်။ ပြုစုသူများအနေဖြင့် စိတ်လျော့ကာ စိတ်ရှည်ကြရန် လိုသည်။ အာရုံလွဲပေးခြင်း (distraction) နှင့် အလုပ်တစ်ခုခုကို ပေးလုပ်ထားစေခြင်း (activity engagement) တို့မှာ လျှောက်သွားနေခြင်း အပြုအမူကို အများအားဖြင့် ထိန်း၍ရနိုင်သည့် နည်းများဖြစ်ကြပါသည်။

ရုံးသွားမည်ဟု ပြောဆိုလာသူကို "ဟုတ်လား၊ ဒါဆို “ရုံးသွားဖို့အဝတ်အစားတွေ လဲလိုက်ရအောင်”၊ “ယူသွားမဲ့ဟာလေးတွေ ပြင်ဆင်ကြတာပေါ့” “ ထမင်းဘူးပြင်လိုက်အုံးမယ်“ စသည်ဖြင့် လက်ခံနားလည်မှု (validation) ကို ပထမဦးစွာ ဖော်ပြလိုက်ပါ။ အဝတ်အစားလဲနေစဉ် အခြား အကြောင်းအရာတစ်ခုကို ပြောဆိုကာ စိတ်ကိုလှည့်ပြောင်းပေးခြင်း (Distraction) လုပ်ကြည့်ပါ။ သို့မဟုတ် နေ့ရက်အချိန်နာရီများကို ပြောင်းလဲပြောဆိုခြင်း၊ ဥပမာ “ဒီနေ့က ရုံးပိတ်ရက်လေ” “အခုအချိန်က အရမ်းစောနေသေးတယ်”၊ “လဘက်ရည်နဲ့ မုန့်နဲ့ အရင်စားလိုက်ကြရအောင်” စသည်ဖြင့် သူတို့၏ စိတ်ဆန္ဒကို အသိအမှတ်ပြုပေးရင်း အချိန်ဆွဲလိုက်ပါ။ အာရုံပြောင်းလိုက်ပါ။ မုန့်စားနေရင်း မုန့်အကြောင်းကိုပြောဆိုပါ။ ထိုမှတဆင့် ဆက်စပ် ပြောယူ၍ ရနိုင်မည့်အကြောင်းအရာ (ဥပမာ- မုန့်ထုတ်သည့်မုန်တိုက်အကြောင်း) များဖြင့် ပြောလက်စ စကားမပြတ်သွားအောင် ဆက်ပြောထားခြင်းဖြင့် အပြင်ထွက်သွားလိုစိတ်ကို မေ့ပျောက်သွားစေနိုင်ပါသည်။ တချိန်တည်းမှာ မိမိအာရုံလွဲပြောင်းသည့်နောက်သို့ ပါလာခြင်းရှိ မရှိကိုလည်း အမြဲအကဲခတ်နေရန် လိုသည်။ မိမိ လမ်းကြောင်းပြောင်းလိုက်သည့် အကြောင်းအရာသည် သူစိတ်ဝင်စားသည့်အရာ မဟုတ်ပါက အာရုံလွဲ၍ရရန်ခက်ခဲတတ်သည်။ ထို့ကြောင့် ပြုစုသူများအနေဖြင့် ဒီမင်းရှားဝေဒနာရှင်တို့၏ အကြိုက်၊ ဝါသနာများကို သိထားရန် လိုအပ်သည်။ မည်သို့မှအာရုံလွဲ၍ မရနိုင်တော့ဘဲ အပြင်သို့ထွက်မှ ဖြစ်မည့် အနေအထားတွင် ဝေဒနာရှင်နှင့်အတူ အပြင်သို့ ထွက်သွားလိုက် ပါ။ သူတို့အလိုကျ အိမ်တွင်းမှအိမ်ပြင်သို့ ထွက်လိုက်ရသည်နှင့် စိတ်တင်းကျပ်နေမှုနည်းသွားကာ ခက်ထန်မှုများလည်း တဖြည်းဖြည်း လျော့ကျလာသည်ကို တွေ့ရမည်။ ထိုအခါ ထွေရာလေးပါး စကားပြောရင်း လမ်းတပတ်လျှောက်ကာ အိမ်သို့ ပြန်ခေါ်လာ၍လည်း ရတတ်သည်။ ဝိုင်းပတ်၍ သွားနေသောဘတ်စ်ကားငယ် (Shuttle bus) များရှိလျင် ကား တစ်ပါတ်စီးလိုက်လျှင်လည်း ကျေနပ်သွားတတ်ကြသည်။ တခါတရံ အိမ်ပြင်ရောက်မှ အကြောင်းတစ်ခုခုပြကာ (ဥပမာ-ထမင်းစားချိန်တောင် ရောက်နေပြီ၊ စားပြီးမှ သွားကြတာပေါ့။ ဖုံးမေ့ကျန်ခဲ့လို့ ပြန်ပြီး ယူလိုက်ကြရအောင်) ပြန်ခေါ်လာ၍လည်း ရနိုင်တတ်သည်။ ဝေဒနာရှင်၏အကြောင်းကို ကောင်းစွာ သိထားမှုနှင့် ပြုစုသူ၏ လိမ်မာပါးနပ်မှု၊ ပြောဆိုတတ်မှု တို့ပေါ်မူတည်ပြီးအောင်မြင်မှု အတိုင်းအတာ ကွာသွားနိုင်ပါသည်။

Shadowing ဟုခေါ်သည့် တစ်ဦးတစ်ယောက်၏ နောက်ကို အရိပ်လို တကောက်ကောက် လိုက်ပါနေခြင်းမှာလည်း ဒီမင်းရှားဝေဒနာခံစားနေရသူများတွင် အလွန်အဖြစ်များသည့် အပြုအမူတစ်ခု ဖြစ်သည်။ သူများနောက်ကို တကောက်ကောက်လိုက်နေခြင်းမှာ ထိုသူကို ဒုက္ခပေးချင်၍ မဟုတ်ဘဲ သူ့စိတ်ထဲမှာ "လုံခြုံမှု" ကိုရှာဖွေနေခြင်းသာ ဖြစ်ပါသည်။ သူတို့၏ သိမှတ်ဉာဏ်အားနည်း ချို့ယွင်းနေသဖြင့် ပတ်ဝန်းကျင်သည် သူ့အတွက် သူစိမ်းပြင်ပြင်ဖြစ်နေကာ ကြောက်ရွံ့စိုးရိမ်နေတတ်ကြသည်။ ထိုအခါ သူတို့နှင့်ရင်းနှီးကျွမ်းဝင်သူဟု ယူဆသူကို အားကိုးလိုစိတ်ဖြင့် မျက်စိအောက်က အပျောက်မခံဘဲ နောက်မှ ထပ်ချပ်မကွာလိုက်နေကြခြင်း ဖြစ်သည်။ သူတို့ဦးနှောက်က လူကောင်းကဲ့သို့ အလုပ်မလုပ်တော့သဖြင့် မိမိလုပ်ရမည့်အရာ၊ သွားရမည့်နေရာ၊ နေ့ ည အချိန်တို့ကို ကွဲကွဲပြားပြား မသိတော့ဘဲ ကိုယ်တိုင်ဆုံးဖြတ်ချက်လည်း မချနိုင်တော့သောကြောင့် သူများနောက်လိုက်ကာ လိုက်လုပ်နေခြင်း ဖြစ်တတ်သည်။ လမ်းပျောက်မသွားအောင် ကြိုးစားနေခြင်းလည်း ဖြစ်နိုင်သည်။ ထိုသို့ နောက်မှ လိုက်နေခြင်းဖြင့်သာ ဘေးကင်းလုံခြုံသည်ဟုလည်း ထင်နေ တတ်ကြသည်။ ဒီမင်းရှား အဖိုးတစ်ယောက်သည် ဒီမင်းရှားအဖွားတစ်ယောက်ကိုတွေ့တိုင်း ထိုအဖွားနောက်သို့ အမြဲနောက်မှ ကပ်လိုက်နေသည်ကိုတွေ့ဖူးသည်။ အကြောင်းကို လေ့လာစူးစမ်းလိုက်သည့်အခါ အဖိုးသည် ထိုအဖွားကို သူ့အမျိုးသမီးဟု ထင်နေခြင်းဖြစ်သည်။ သူ့အမျိုးသမီးမှာ လွန်ခဲ့သည့်ငါးနှစ်ခန့်က ကွယ်လွန်သွားခဲ့ပြီး ဖြစ်သည် ။ အဖိုး၏ Photo Album မှ ပုံများအရ အဖွားသည် တကယ်လည်း အဖိုး၏အမျိုးသမီးနှင့် အတော်တူနေသည်ကို တွေ့ရသည်။ အထူးသဖြင့် ငွေရောင်ဆံပင်ဖြူနေပုံနှင့် ဆံပင်ပုံစံ (hair style) မှာ အလွန်တူသည်။ သိစေချင်သည်မှာ ဒီမင်းရှားဝေဒနာရှင်များ၏ အပြုအမူအများစုတွင် ဆိုင်ရာအကြောင်းအရာများ ရှိနေတတ်သည်ဆိုသည့် အချက်ဖြစ်သည်။ အကြောင်းကို သိသွားသည့်အခါ အကျိုးဖြစ်သည့် အပြုအမူကို ကိုင်တွယ်ဖြေရှင်းရန် လွယ်သွားသည်။ အိမ်သာသွားချင်သဖြင့် အိမ်သာကိုလျှောက်ပြီး လိုက်ရှာနေခြင်းဖြစ်သည်ကို သိလျှင် ထိုသူကို အိမ်သာဆီသို့ ပို့ပေးလိုက်လျှင် သူ၏ လျှောက်သွားနေသည့် ပြဿနာမှာ ပြေလည်သွားမည်ဖြစ်ပါသည်။

လက်တွေ့မှာကား သူတို့၏အပြုအမူများကို နားလည်သဘောပေါက်နိုင်ရန် မလွယ်ကူပါ။ တချို့မှာ မည်သည့်အကြောင်း၊ မည်သည့်ရည်ရွယ်ချက်မှ မရှိဘဲ အငြိမ်မနေဘဲ လျှောက်သွားနေခြင်း (aimless walking) ကို လည်းတွေ့ရသည်။ ထိုသူမျိုးမှာ လျှောက်သွားနေရလျှင် ကျေနပ်သည်။ သူတို့၏ ဦးနှောက်ထဲမှာ "လှုပ်ရှားမှုတစ်ခုခု လုပ်နေရမှ" နေရထိုင်ရ သက်သောင့်သက်သာရှိပြီး စိတ်အေးရသည့် အခြေအနေမျိုး ရှိနေခြင်းဖြစ်သည်။ ထိုသူများအတွက် သင့်တော်သောကုထုံးမှာ ဘေးအန္တရာယ်ကင်းသောလမ်းလျှောက်ခြင်း (safe walking) ကို စီစဉ်ပေးလိုက်ရန်သာ ဖြစ်သည်။ လမ်းလျှောက်သည့် လမ်းကြောင်းမှာ ခလုတ်တိုက်မိနိုင်သောအရာများ၊ ချော်လဲနိုင်သည့် အခင်း ကော်ဇောများကို ဖယ်ထားပေးပါ။ ရေစိုနေသည့် ကြမ်းပြင်နေရာများ၊ မြေပြင်တညီတည်းမဟုတ်ဘဲ အဖုအထစ်များနှင့်မြေမညီသည့်နေရာ၊ အဆင်းအတက်များသည့် နေရာများကို ရှောင်ပါ။ မိမိအိမ်ထဲမှာဖြစ်လျှင် ခေါက်တုံ့ခေါက်ပြန် သို့မဟုတ် စက်ဝိုင်းပုံစံ ပတ်ချာလည် လျှောက်သွားနိုင်ရန် လုပ်ပေးထားပါ။ ရည်ရွယ်ချက်မဲ့ လျောက်သွားကြသူများမှာ ပင်ပန်းအားကုန်သွားသည့်အခါ သူ့အလိုလိုပင် ရပ်နားသွားတတ်ကြသည်။ နေ့ပိုင်းပင်ပန်းထားသည့်အခါ ညပိုင်းတွင် အများအားဖြင့် ကောင်းစွာ အိပ်ပျော်တတ်ကြသည်။ လုပ်စရာ အလုပ်မရှိသဖြင့် ပျင်းရိငြီးငွေ့ကာ စိတ်လေလွင့်ပြီး လျှောက်သွားနေတတ်ကြသည့် ဒီမင်းရှားဝေဒနာရှင်များကိုမူ ထိုသူတို့အား မပျင်းကြစေရန် သူတို့လုပ်ချင်မည့် အလုပ်တစ်ခုခုပေးထားခြင်းဖြင့် လျှောက်သွားနေခြင်းကို နည်းသွားစေနိုင်ပါသည်။

တချို့ဒီမင်းရှားဝေဒနာရှင်များမှာ အပြင်သို့ထွက်သွားရန်သာ တောင်းဆိုတတ်ကြပြီး တကယ်အပြင်ရောက်သည့်အခါတွင်မူ သွားမည့်နေရာကိုအတိအကျ မပြောနိုင်ကြပေ။ ထိုသို့ သူတို့မသိနိုင် မပြောနိုင်သည့်အခါ အတင်းထပ်မေးမနေပါနှင့်တော့။ ထပ်မေးနေလျှင်လည်း စိတ်ပင်ပန်းရုံသာရှိပြီး အဖြေထွက်လာမည် မဟုတ်ပါ။ သူနှင့်အဆင်ပြေနိုင်မည်ထင်သည့်နေရာကိုသာ သွားလိုက်ပါ။ လူများပြီး ဆူညံနေသည့်နေရာများက သူတို့ကို ပိုပြီး စိတ်ရှုပ်ထွေးစေတတ်သဖြင့် ထိုနေရာမျိုးကို မသွားပါနှင့်။ နီးနီးနားနားနှင့် အချိန်တိုတိုပဲ သွားပါ။ လမ်းထွက်လျှင် သူအမြဲ ကိုင်နေကျပစ္စည်းမျိုး (ဦးထုပ်၊ ထီး၊ ဒုတ်ကောက်၊လွယ်အိတ်၊ရေဘူး) ရှိလျှင် ယူသွားပေးပါ။ သုံးနေကျပစ္စည်းများ တပါတည်းပါလာခြင်းက သူ့စိတ်လုံခြုံမှုကို ဖြစ်စေပါသည်။

အခွင့်သာလျှင် အပြင်ထွက်ရန် အမြဲကြိုးစားနေသည့် ဒီမင်းရှားဝေဒနာရှင်များအတွက် ကြီးကြပ်စောင့်ကြည့်နေသည့်ကြားမှ "မတော်တဆ" ထွက်သွားကြကာ ပြန်မလာတတ်တော့ဘဲ လမ်းပျောက်နေကြခြင်းများ ရှိတတ်ကြပါသည်။ ထိုအတွက် ကြိုတင်ပြင်ဆင်ထားသင့်ပါသည်။ ပျောက်ဆုံးသွားပါက ရှာဖွေရလွယ်ကူစေရန် သူတို့၏အင်္ကျီအိတ်ကပ်၊ ခါးပတ် သို့မဟုတ် လက် ပတ်မှာ နာမည်၊ လိပ်စာနှင့် ဖုန်းနံပါတ်တို့ကို သေချာစွာထည့်ပေးထားပါ။ မှတ်ဉာဏ်အားနည်းသူတစ်ဦးဖြစ်ကြောင်းနှင့် တွေ့ရှိပါက ဆက်သွယ်နိုင်မည့် ဖုန်းနံပါတ်ပါကတ်ပြားလေးကို အင်္ကျီတွင် ချိတ်ပေးထားပါ။ အိတ်ကပ်ထဲမှာ GPS ပါသည့် စက်ငယ်ကလေး ထည့်ပေးထားခြင်း သို့မဟုတ် GPS နာရီ ပတ်ပေးထားပေးခြင်းလည်း လုပ်ထားနိုင်ပါသည်။ မနက်တိုင်း အဝတ်အစားလဲပြီးလျှင် ဓာတ်ပုံတစ်ပုံစီ ရိုက်ယူထားပါ။ အိမ်မှထွက်သွာပြီးပြန်မရောက်လာသည့်အခါ သူ့ပုံနှင့် ဝတ်ဆင်ထားသည့်အင်္ကျီကို ချက်ချင်းပြောပြကာ ရှာနိုင်ရန်အတွက်ဖြစ်သည်။ အိမ်နီးနားချင်းများနှင့် နေထိုင်ရာရပ်ကွက်ရုံးသို့လည်း အသိပေးထားကာ တစ်ယောက်တည်းလျောက်သွားနေခြင်း တွေ့လျှင် မေးမြန်းတားဆီးပေးရန်နှင့် အိမ်သို့အကြောင်းကြားပေးရန်ကို ကြိုတင်ပြောဆို အကူအညီတောင်းထားရန် လိုအပ်ပါသည်။ ပတ်ဝန်းကျင်နေရာသစ်တွင် နေထိုင်ခြင်းဖြစ်လျှင် လမ်းပျောက်နေပါက ပိုပြီး အန္တရာယ်ရှိနိုင်ပါ သည်။ မိမိနေထိုင်ရာအိမ်ခြံဝင်းတွင် CCTV ကင်မရာတပ်ဆင်ထားခြင်းဖြင့်လည်း ဝေဒနာရှင်၏ သွားလာလှုပ်ရှားနေမှုကို စောင့်ကြည့်ထားနိုင်ပါသည်။

ဒီမင်းရှားဝေဒနာရှင်တစ်ဦးသည် စိုးရိမ်စိတ် (Anxiety) လွန်ကာ အငြိမ်မနေဘဲ အမြဲအိမ်ပြင်ထွက်ရန် ကြိုးစားနေခြင်း၊ ဂနာမငြိမ်ဖြစ်ပြီး စိတ်ရှုပ်ထွေးနေခြင်း (Confusion) ၊ Sundowning ပုံစံဖြစ်နေကာ ထိန်းရခက်ခြင်း၊ ညတွင်ကောင်းစွာမအိပ်ဘဲ လျောက်သွားနေခြင်း၊ စောင့်ကြပ်နေသည့်ကြားမှ မကြာခဏ အပြင်သို့ထွက်သွားခြင်း၊ လူပျောက်၍ အကြိမ်ကြိမ်လိုက်ရှာရခြင်း စသည်တို့ ဖြစ်နေပါက သက်ကြီးရောဂါအထူးကု (Geriatrician)၊ အာရုံကြောအထူးကု (Neurologist) သို့မဟုတ် စိတ်ကျန်းမာရေးအထူးကု (Psychiatrist) တစ်ဦးဦးနှင့် ပြသရန် လိုအပ်ပါသည်။ Wandering ကို "ပျောက်ကင်းအောင်" ကုသနိုင်သည့် သီးသန့်ဆေးဟူ၍ မရှိသော်လည်း ဒီမင်းရှားဝေဒနာရှင်များတွင် တွဲဖက်ပါနေတတ်သည့် စိုးရိမ်လွန်ခြင်း၊ ဂနာမငြိမ်ခြင်း၊ စိတ်ဓာတ်ကျခြင်း၊ ညဖက် မအိပ်ခြင်း စသည့်လက္ခဏာများကို ထိန်းပေးနိုင်သည့် ဆေးများရှိပါသည်။ သိမှတ်ဉာဏ်တိုးမြှင့်ဆေး (Cognitive enhancer) များမှာလည်း ဒီမင်းရှား ဝေဒနာရှင်များ၏ အပြုအမူ တိုးတက်လာစေရန် အထောက်အကူဖြစ်ပါသည်။ ဆေးအပြင် ဝေဒနာရှင်ကို မည်သို့ ကိုင်တွယ်ပြုစုရမည်ဆိုသည့် နည်းလမ်းများ၊ အကြံဉာဏ်များလည်း ရယူနိုင်ကြမည် ဖြစ်ပါသည်။ ဆေးခန်း သွား ပြသည့်အခါ အခုလက်ရှိသောက်နေသည့်ဆေးနှင့် ဆေးမှတ်တမ်းများကိုပါယူသွားကာ ပြောင်းလဲလာသည့် အပြုအမူကိုလည်း အသေအချာပြောပြပါ။ လူနာကိုယ်တိုင်မှာ ဒီမင်းရှားဖြစ်နေသဖြင့် ဆေးခန်းသွားပြသူလူနာရှင်အနေဖြင့် လူနာအကြောင်းကိုကောင်းစွာသိကာ လိပ်ပတ်လည်အောင် ဆရာဝန်ကိုပြောပြတတ်ဖို့ အရေးကြီးပါသည်။ ဆေးဖြင့်လည်း တဖက်မှ ကူထိန်းပေးလိုက်ခြင်းဖြင့် ပြုစုရသူများနှင့် လူနာရှင်မိသားစုများမှာ များစွာစိတ်သက်သာရာ ရစေပါသည်။

ဒီမင်းရှားရောဂါကြောင့် ဝေဒနာရှင်သည် တစ်ခါတရံ ပြုစုနေသူ မိသားစုများကို စိတ်တိုခြင်း၊ ဒေါသထွက်ကာ စိတ်လိုက်မာန်ပါ ပြုလိုက်ခြင်းမျိုး ရှိတတ်ကြပါသည်။ ထိုသို့ ဖြစ်သွားခဲ့သည်ကိုလည်း သူတို့မှာ မမှတ်မိတော့ပါ။ သို့သော်လည်း ပြုစုသူမိသားစုများ၏ ကြင်နာယုယစွာ စောင့်ရှောက်မှု၊ ဂရုစိုက်မှုများကို သူ့တို့၏ အသိစိတ်ထဲမှာ နှလုံးသားထဲမှာ လုံခြုံနွေးထွေးမှုအဖြစ် ခံစားသိနိုင်ကြဆဲ ဖြစ်ပါသည်။ သူတို့၏အနားမှာ သူတို့ချစ်ရသူများ ရှိနေခြင်းကပင်လျှင် သူတို့အတွက် အကြီးမားဆုံးသော နှစ်သိမ့်မှုဖြစ်စေကြောင်းကိုမူ သိစေချင်ပါသည်။ မိမိချစ်ရသူဒီမင်းရှားဝေဒနာရှင်များကိုဆက်လက်ပြုစုစောင့်ရှောက်နိုင်ကြပါစေ။


မေတ္တာမွန်ဖြင့်…ဒေါက်တာသန်းထွန်းအောင်

GCC Centre မှ အဘိုးအဘွားများ တစ်နေ့တာလှုပ်ရှားမှုကျွန်တော်တို့ GCC Centre မှာ လာရောက်နေထိုင်လျက်ရှိသော ဘိုးဘွားများအတွက်...
23/04/2026

GCC Centre မှ အဘိုးအဘွားများ တစ်နေ့တာလှုပ်ရှားမှု

ကျွန်တော်တို့ GCC Centre မှာ လာရောက်နေထိုင်လျက်ရှိသော ဘိုးဘွားများအတွက် အကြောအဆစ်နှင့် ပြန်လည်သန်စွမ်းရေးပညာရှင်မှ ဦးစီးကြီးကြပ်၍ နေ့စဉ်ပြုလုပ်ပေးမြဲဖြစ်သော လှုပ်ရှားမှုများအဖြစ် လေ့ကျင့်ခန်းပြုလုပ်ခြင်း ပုံရိပ်များကို မျှဝေပေးလိုက်ပါတယ် ခင်ဗျာ့။

👉အဖိုးအဖွားများကို ချစ်ခြင်းမေတ္တာအပြည့်နဲ့ ပြုစုစောင့်ရှောက်ပေးချင်တယ်ဆိုရင် GCC Centre ကို ယုံကြည်စွာ ရွေးချယ်နိုင်ပါတယ် ခင်ဗျာ့ 💛

GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

GCC Centre (Geriatric & Continuing Care Centre),
သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

“ဇရာအလှ”ဇာတိရကာ ဖြစ်လာဘဝ ရှည်တည်ကြဖို့ ဖြစ်သမျှပျက် ပျက်သမျှအား အသစ်များဖြင့် အခြားမရှိ မြန်သည့်အလျင် အစဉ်အစားထိုး မပျက်...
17/04/2026

“ဇရာအလှ”

ဇာတိရကာ ဖြစ်လာဘဝ ရှည်တည်ကြဖို့

ဖြစ်သမျှပျက် ပျက်သမျှအား

အသစ်များဖြင့် အခြားမရှိ

မြန်သည့်အလျင် အစဉ်အစားထိုး မပျက်ရိုးသို့

တိုးတိုးရင့်ကျက် ဇရာမှတ်စဉ် မြင့်တက်လာက

အတွင်းအပြင် ပြကြဝင်ကြ

များထထွေပြား ရောဂါများနှင့် ခံစားရလာ ဝေဒနာစုံ

ခန္ဓာအပြစ် လျစ်လျူထားမှု မပြုနိုင်ပြီ

ဆုပ်ကိုင်ထားသမျှ အတ္တမာန လွှတ်ချလက်ခံ

အမှန်ဆိုရာ သစ္စာလေးပါး

ကြောင်းကျိုးများစုံ ပေါင်းဆုံဖန်တီး ပြုပြီးဖြစ်လာ

ခန္ဓာအစဉ် ဖြစ်ပျက်မြင်တတ်

ကင်းစင်ဒုက္ခ လွတ်ရလမ်းပြ

မြတ်ဗုဒ္ဓ၏ ကြီးလှဂုဏ်အင် ဆင်ခြင်ရည်မှန်း လျှောက်ရလမ်းမြင်

မဂ္ဂင်အရှိ ဉာဏ်သိဝင်လာ ဆည်းဆာအိုမှု အလှစုပြီ

ကောင်းမှုကုသိုလ် ထပ်ထပ်ပို

တောင်းဆုပြုဆို မြတ်မဂ်ဖိုလ်။

(သန်းထွန်းအောင် ၂.၁၀.၂၀၂၅)

၁၃၈၈ ခုနှစ်၊ မြန်မာနှစ်ဆန်းတစ်ရက်နေ့မှစ၍ မြန်မာနိုင်ငံတစ်ဝန်းရှိ ပြည်သူများအားလုံး ပျော်ရွှင်ခြင်း၊ ကျန်းမာခြင်း၊ ကံကောင...
17/04/2026

၁၃၈၈ ခုနှစ်၊ မြန်မာနှစ်ဆန်းတစ်ရက်နေ့မှစ၍ မြန်မာနိုင်ငံတစ်ဝန်းရှိ ပြည်သူများအားလုံး ပျော်ရွှင်ခြင်း၊ ကျန်းမာခြင်း၊ ကံကောင်းခြင်းများနှင့် ပြည့်စုံပြီး မင်္ဂလာရှိသောနှစ်တစ်နှစ် ဖြစ်ပါစေကြောင်း ကျွန်တော်တို့ GCC Centre မိသားစုမှ ဆုမွန်ကောင်းတောင်းအပ်ပါသည် ခင်ဗျာ့ ...။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

15/04/2026

GCC Centre ရဲ့ HCA လေးတွေက အဖိုးအဖွားများအတွက် ယိမ်းအကဖြင့် ဖျော်ဖြေပေးကာ ပျော်ရွှင်မှုနှင့် နွေးထွေးသော အမှတ်တရဖြစ်စေမယ့် သင်္ကြန် အချိန်အခါလေးကို မျှဝေပေးခဲ့ပါတယ် ခင်ဗျာ့💛

အဖိုးအဖွားများကို ချစ်ခြင်းမေတ္တာအပြည့်နဲ့ ပြုစုစောင့်ရှောက်ပေးချင်တယ်ဆိုရင် GCC Centre ကို ယုံကြည်စွာ ရွေးချယ်နိုင်ပါတယ် ခင်ဗျာ့ 💛

GCC Centre နှင့် ပတ်သက်၍ အသေးစိတ်သိရှိလိုပါက Page Messenger မှတဆင့် (သို့) Hotline number - +95 9789 298 111, +95 9789 298 222, +95 9789 298 333 သို့ ရုံးချိန်အတွင်း ဆက်သွယ်မေးမြန်းနိုင်ပါသည်။

GCC Centre (Geriatric & Continuing Care Centre),
သက်ကြီးကျန်းမာရေးနှင့် စဉ်ဆက်မပြတ်‌ ပြုစုစောင့်ရှောက်မှုစင်တာ၊ Green Garden Villa၊ ဇောတိက (၁)လမ်း၊ သန်လျင်-ကျောက်တန်းလမ်းမ၊ သန်လျင်မြို့။

#သက်ကြီးကျန်းမာရေးနှင့်စဉ်ဆက်မပြတ်‌ပြုစုစောင့်ရှောက်မှုစင်တာ

Address

No. 155/D, ZawTiKa 1st Street, Let Yet San Village, Near Phayar Ngar Su Bus Stop, Thanlyin-Kyauktan Road, Thanlyin
Thanlyin
11291

Telephone

+959796063777

Website

Alerts

Be the first to know and let us send you an email when GCC Centre posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to GCC Centre:

Shortcuts

Share

Category