12/04/2026
မေး -Hello ဆရာမ ကျမက ခါးဆစ်ရိုး L4 L5 Level မှာ ခါးဆစ်ရိုးကျွံပြီး ခါးရိုးခွဲစိတ် မှု ပြုလုပ်ထားတာ ကြာပါပြီ ကျမရဲ့ ပြသနာက ခါးလှုပ်ရှားမှု လုပ်ရာမှာ ၊ ကျမရဲ့ အလုပ်အကိုင်က အထိုင်များတာ ၊ တခါတလေ အလေး မ ရတာ ရှိတဲ့အတွက် ပြန်ဖြစ်မှာ ကြောက်တဲ့ စိတ်နဲ့ စိတ်မရဲ ဖြစ်နေတာပါရှင့် ၊
ဆရာဝန်နဲ့ ပြထားသလို ဆေးဝါးကုသမှုနဲ့ ကုသပြီး လေ့ကျင့်ခန်း ကုသမှု လုပ်ပါလို့တော့ ညွှန်ကြားထားပါတယ်။ ဘယ်လို လေ့ကျင့်ခန်းတွေနဲ့ ခါးကြွက်သား သန်မာဖို့ ရေရှည်အတွက် မိမိရဲ့ အလုပ်အကိုင်တွေမှာ စိတ်အနှောက်အယှက်မဖစ်ဖို့ ဘယ်လိုကုသမှုတွေ ပြုလုပ်သင့်ပါသလဲ ရှင့် .........
ဒါကတော့ ဆရာမဆီကို မေးလာတဲ့ မေးခွန်းတွေထဲက တစ်ခုပဲ ဖြစ်ပါတယ်။
သူ့ရဲ့အခက်အခဲကို ပြေလည်ဖို့အတွက် ကုသမှုအပိုင်း ကို စတင်ဖို့ရာ လူနာရဲ့ အသက် စဖြစ်တဲ့ အခြေအနေမှအစ ခွဲစိတ်ပြီး လက်ရှိအခြေအနေထိ အချက်များစွာကို သေချာထည့်သွင်း စဉ်းစားရပါတယ်။ ဒီအကြောင်းအရာများကို မေးမြန်းပြီး လိုအပ်တဲ့ လေ့ကျင့်ခန်းကုသမှု တွေကိုလည်း ပြောပြထားပြီး စနစ်တကျ ကုသပေးနေပါတယ်။
တစ်ချို့ဆေးခန်းတွေမှာ Physiotherapy Refer ဆိုပြီး Physiotherapist ထံ လွှဲပြီး စနစ်တကျ ကုသမှုပြုလုပ်ကြပေမယ့် တစ်ချို့ဆေးခန်းတွေမှာ ဆရာဝန်ဆီမှ လေ့ကျင့်ခန်းလုပ်ပါလို့ပဲ ပြောလိုက်တာကြောင့် လူနာအနေနဲ့ ဘာလေ့ကျင့်ခန်း လုပ်ရမယ်မှန်းမသိဘဲ အခက်အခဲ ဖြစ်တဲ့ အခြေအနေမျိုး ကြုံရလေ့ရှိပါတယ်။ ( ဒါကတော့ လူနာတွေပြောပြတဲ့ လူနာတွေဆီက ကြုံရတဲ့အခြေအနေတစ်ရပ်ကို ထည့်သွင်း ရေးသားခြင်း ဖြစ်ပါတယ် ) ။
ခါးဆစ်ရိုး ခွဲစိတ်ထားတဲ့ လူနာတစ်ယောက်အတွက် သူရဲ့ မူလအနေအထားကို ပြန်ရောက်ဖို့ ပုံမှန်လူတစ်ယောက်လို့ ကြောက်စိတ်မရှိဘဲ လုပ်ငန်းခွင် ပြန်ဝင်ဖို့ ဆိုတာ အလွန်ကို အရေးကြီးပါတယ်။
You Tube က လေ့ကျင့်ခန်း video တွေ၊ social media မှာ တွေ့တဲ့ လေ့ကျင့်ခန်းတိုင်းဟာ အများအတွက် ညွှန်ပြထားတာဖစ်ဖို့ ကိုယ်တစ်ဦးတစ်ယောက်ရဲ့ ဖြစ်တဲ့အခြေအနေနဲ့ ကိုယ်ညီတဲ့ လေ့ကျင့်ခန်း မဟုတ်ပါ။ ကုသမှုမှာ ဖြစ်တဲ့ အခြေအနေနဲ့ ကိုက်ညီဖို့ လိုသလို တိကျမှု ဖြစ်ဖို့ လိုအပ်ပါတယ်။
ခါးဆစ်ရိုး ခွဲစိတ်ပြီး လူနာတစ်ယောက်အတွက် ဘယ်လို့ကုသမှုမျိုး ဘယ်လို အနေအထိုင် ဂရုစိုက်မှုမျိုး လိုအပ်တယ်ဆိုတာ ဗဟုသုတ သိရှိစေဖို့ ဖော်ပြပေးပါမယ်။ မိမိဖြစ်တဲ့ အခြေအနေအတွက် လေ့ကျင့်ခန်းကုသမှု ပြုလုပ်ဖို့ လိုအပ်ပါက Physiotherapists အကြောအဆစ်နှင့် ပြန်လည်သန်စွမ်းရေးပညာရှင်တွေနဲ့ ပြသပြီး တိုင်ပင်ပါ။ စနစ်တကျ ကုသပါ။ ဒါမှ အနာနဲ့ ဆေးတွေ့ပြီး ထိရောက်သောလေ့ကျင့်ခန်းများနဲ့ မိမိလုပ်ငန်းခွင် ပြန်ဝင်နိုင်မှာ ဖြစ်ပါတယ်။
ခါးဆစ်ရိုး ခွဲစိတ်ထားတဲ့ လူနာတစ်ယောက်အတွက် -
- ခါးဆစ်ရိုး ခွဲစိတ်ပြီးချင်း 0 to 4 weeks 4 ပတ်မြောက်အထိ ခွဲစိတ်ပြီး အစောပိုင်းကာလ Phase 1 လို့ သတ်မှတ်ပါတယ်။ ဒီ Phase မှာ ပြန်လည်သန်စွမ်းရေးကုသမှု ပိုင်းအနေနဲ့ ဘာတွေ ဂရုစိုက်ရလဲ ဆိုရင် လူနာအတွက် အိပ်ယာနာ မဖြစ်ဖို့ မှန်ကန်သော rolling method ၊ နောက်ဆက်တွက် chest infection /အဆုပ်နဲ့ အသက်ရှူ လမ်းကြောင်းဆိုင်ရာ ၊ မှန်ကန်သော Breathing Exercise Technique တွေ ၊ အိပ်ယာထဲမှာ နေရတာဖြစ်တဲ့အတွက် မှန်ကန်သော သွေးလည်ပတ်မှု ကောင်းစေရန် ခြေကျင်းဝတ် ဆိုင်ရာ လေ့ကျင့်ခန်း ကုသမှုတွေ စတာတွေ လိုအပ်ပါတယ်။
- Phase 2 ( 4 weeks to 6 weeks ) 4 ပတ်ကနေ 6 ပတ်မြောက်မှာတော့ လူနာလည်း Recovery ရနေပြီ ဖြစ်သလို လိုအပ်တဲ့ stretching exercise များ လူနာရဲ့ Pain အခြေအနေ အလိုက် ဒူးကြွက်သား လေ့ကျင့်ခန်းကုသမှုများ ၊ ပေါင်ကြွက်သား လေ့ကျင့်ခန်းများ စသည်တို့ကို အဆင့်ဆင့် ကုသပေးမှာ ဖြစ်ပါတယ်။
- Phase 3 ( Week 6 to above )
- 6 ပတ်ကျော်ပါက ပြန်လည်သန်စွမ်းရေး ဆိုင်ရာ ကုသမှုပိုင်းအနေနဲ့ လူနာအတွက် မိမိရဲ့ပုံမှန်နေထိူင်မှု ဘဝကို ရရှိစေဖို့ Core Muscle Strengthening exercise ၊ Back Muscle Strengthening Exercise ခါးကြွက်သား သန်မာစေသော လေ့ကျင့်ခန်း အဆင့်ဆင့်ကို မိမိတနေ့တာ လုပ်ငန်းတွေမှာ အဆင်ပြေပြေ နေထိုင်နိုင် လုပ်ကိုင်နိုင်ဖို့ အထိ စနစ်တကျ သင်ပြကုသပေးမှာ ဖြစ်ပါတယ်။ အထက်ပါ အချက်များသည် လူနာ Knowledge ရစေဖို့ အကြမ်းဖျင်း ရေးသားပြထားတာ ဖြစ်ပါတယ်။ ကုသမှု အပိုင်းမှာ step by step သွားရတာ ဖြစ်လို့ ဒီထက် ပို အသေးစိတ်ပါတယ်။
အထက်ပါ အခြေအနေတိုင်း ခွဲစိတ်ထားသောဆရာဝန်ဘက်ကလဲ မှန်ကန်သော ဆုံးဖြတ်ချက် လိုအပ်သော ဆေးဝါးကုသမှု ဆောင်ရန် ရှောင်ရန် အချက်များကို ဂရုစိုက် စနစ်တကျ ကုသပေးနေမှာ ဖြစ်သလို Physiotherapist အကြောအဆစ်နှင့် ပြန်လည်သန်စွမ်းရေး ပညာရှင်များဘက်ကလဲ ပြန်လည်
သန်စွမ်းရေး ကုသမှုတွေအတွက် လေ့ကျင့်ခန်း ကုသမှုများကို step by step ကုသပေးနေမှာ ဖြစ်ပါတယ်။ Medical Teamwork အရ Professional အလိုက် ကုသမှုပိုင်း တာဝန် ကျေမှုဟာ လူနာအတွက် ပိုမိုကောင်းမွန်သော ဘဝတစ်ခု ရရှိစေမှာ ဖြစ်ပါတယ်။
Disclaimer - This information is general guide only. Always follow a specific instruction and restriction given by your own surgeon and physical therapist .
အားလုံးကို ကျေးဇူးတင်ပါတယ်ရှင် ။
Reference - Physiopedia (n.d )physiotherapy management after L4 / L5 disc surgery, Retrieved April 12 , 2026 from physiotherapy management after l4 l4 disc surgery physiopedia
Physiotherapist
Yoon Shwe Yee Linn
Light Physiotherapy Clinic
ဆွေးနွေးမေးမြန်းခြင်းများအတွက် Page Cb or 99402991190 သို့ မေးမြန်းနိုင်ပါသည်။
