What are the opening hours?

Monday 10:00 - 19:00 Tuesday 10:00 - 19:00 Wednesday 10:00 - 19:00 Thursday 10:00 - 19:00 Friday 10:00 - 19:00 Saturday 10:00 - 19:00 Sunday 10:00 - 19:00

https://www.facebook.com/100201764938211/

Hepta Mental Health Clinic

Home
Myanmar
Yangon
Hepta Mental Health Clinic

Call Directions Contact the practice

We are a team of experienced psychiatrists and psychotherapists who provides treatment for a wide ra

30/09/2026

‼️ လူနေမကောင်းဖြစ်တဲ့အခါ ဆရာဝန်ဆီသွားပြဖို့ မရှက်သလိုမျိုးပဲ စိတ်ကျန်းမာရေးနဲ့ ပတ်သက်ပြီး အကူအညီ ရှာဖွေတောင်းခံဖို့ကို မရှက်သင့်ပါဘူး။

🌿 ကျွန်မတို့တွေက ဘဝမှာ နေ့စဉ်နဲ့အမျှ ဘဝရဲ့ စိန်ခေါ်မှုတွေ၊ အခက်အခဲတွေနဲ့ ကြုံတွေ့ ဖြေရှင်းနေကြရတာပါ။ တစ်ခါတလေမှာ စိတ်ပိုင်းဆိုင်ရာ ဝန်ထုတ်ဝန်ပိုးတွေက လက်တွေ့ကျတဲ့ ဝန်ထုတ်ဝန်ပိုးတွေထက်တောင် ပိုလေးလှပါတယ်။ ဒီလိုအချိန်မျိုးမှာ အကူညီတောင်းခံဖို့ကို ရှက်ရွံ့နေတတ်ကြပါတယ်။

🌿 တကယ်တော့ စိတ်ကျန်းမာရေးအတွက် အကူညီတောင်းခံခြင်းဟာ အားနည်းတယ်၊ ပျော့ညံ့တယ်ဆိုတဲ့ လက္ခဏာ မဟုတ်ပါဘူး။ ဒါဟာ ကိုယ့်ကိုယ်ကိုယ် ဂရုစိုက်တတ်ခြင်း၊ ကိုယ့်ကိုယ်ကိုယ် ချစ်ခင်တန်ဖိုးထားခြင်းနဲ့ အားလုံးထက် သတ္တိရှိခြင်းရဲ့ လက္ခဏာပါ။

🌿 လူနေမကောင်းရင် ဆရာဝန်သွားပြဖို့ ဝန်မလေးကြသလိုပဲ စိတ်ကျန်းမာရေးပညာရှင်တွေဆီ သွားရောက်ပြခြင်းကိုလည်း Normalize ဖြစ်ဖို့ လိုပါတယ်။ ဒါဟာ မိမိကိုယ်တိုင်ရဲ့ စိတ်ခံစားချက်တွေကို အလေးထားခြင်း၊ ကိုယ့်ရဲ့ ဘဝအရည်အသွေးကို မြှင့်တင်လိုခြင်းရဲ့ ပြယုဒ်တစ်ခုပါ။

💕 အကူအညီတောင်းခြင်း၊ အကူအညီ လက်ခံယူခြင်းဟာ ကိုယ့်ကိုယ်ကိုယ် ဂရုစိုက်တတ်သူတစ်ဦးဖြစ်ကြောင်း ပြသလိုက်တာပါ။ ပိုကောင်းတဲ့ဘဝအတွက် ပထမဆုံး ခြေလှမ်းကို စတင်လိုက်တာပါ။

‼️ ဒါကြောင့် စိတ်ထဲမှာ အဆမတန် လေးလံ ဖိစီးလာတဲ့အခါ၊ ဘယ်လို ဆက်လုပ်ရမှန်းမသိတော့တဲ့အခါမျိုးမှာ အကူအညီတောင်းဖို့ မတွန့်ဆုတ်ပါနဲ့။ ကိုယ့်ရဲ့ စိတ်ကျန်းမာရေးဟာ အရာအားလုံးထက် အရေးကြီးပါတယ်။ အကူညီတောင်းခံဖို့၊ အကူအညီရယူဖို့ ရှက်စရာမလိုပါဘူး။ ဒါဟာ သတ္တိရှိသူတွေရဲ့ လုပ်ရပ်ပါ။

🫂 သင်ဟာ တစ်ယောက်တည်း မဟုတ်ပါဘူး။ အကူညီတောင်းခံဖို့ အခွင့်အရေး ရှိပါတယ်။

▪️ ကျွန်မတို့ရဲ့ Hepta Mental Health Clinicမှာလည်း မိတ်ဆွေတို့ရဲ့ စိတ်ပိုင်းဆိုင်ရာ ပြဿနာတွေကို လုံခြုံစိတ်ချစွာနဲ့ ဆွေးနွေးနိုင်ဖို့အတွက် စိတ်ရှည်ကျွမ်းကျင်တဲ့ ဝါရင့်ဆရာဝန်များနဲ့ Online/ In-person နှစ်မျိုးလုံးဖြင့် ယုံကြည်စိတ်ချစွာ ဆွေးနွေးတိုင်ပင်လို့ ရနိုင်ပါတယ်။ Hepta Mental Health Clinic ကလည်း အားလုံးရဲ့ စိတ်ပိုင်းဆိုင်ရာ ပြဿနာတွေကို ကူညီပေးနိုင်ဖို့ အမြဲအဆင်သင့် စောင့်ကြိုလျက်ရှိပါတယ်ရှင်။

▪️ ဆွေးနွေးမှုများအတွက် Page Messenger (သို့မဟုတ်) ဖုန်းနံပါတ် 09-885-044-884 ကို ဆက်သွယ်ပြီး ကြိုတင်ရက်ချိန်း ယူပြီး ဆွေးနွေးလို့ ရပါတယ်ရှင်။

29/09/2026

အတွေးတွေ သံသရာလည်နေတာလား Vs ဆင်ခြင်သုံးသပ်နေတာလား?

ကျွန်မတို့တွေ နေ့စဉ်ဘဝမှာ အတိတ်က အဖြစ်အပျက်တွေ၊ လုပ်ခဲ့မိတဲ့ အမှားတွေနဲ့ ကြုံတွေ့ခဲ့ရတဲ့ အခက်အခဲတွေကို ပြန်ပြီး တွေးတောလေ့ရှိကြပါတယ်။ ဒါပေမဲ့ အဲဒီလို ပြန်ပြီး စဉ်းစားတဲ့နေရာမှာ ကိုယ့်ရဲ့ စိတ်ကို ပိုပြီး လေးလံပင်ပန်းစေတဲ့ Rumination (တွေးတောပူပန်မှု သံသရာ) ဖြစ်နေသလား ဒါမှမဟုတ် ကိုယ့်ကို ပိုပြီး ရင့်ကျက်စေတဲ့ Reflection (ဆင်ခြင်သုံးသပ်မှု) ဖြစ်နေသလားဆိုတာ ခွဲခြားသိမြင်ဖို့က အလွန် အရေးကြီးပါတယ်။

🔄 Rumination ဆိုတာ ဘာလဲ?

Rumination ဆိုတာ အတိတ်က မကောင်းတဲ့ အဖြစ်အပျက်တွေ၊ အမှားတွေနဲ့ စိတ်ပျက်စရာတွေကို စိတ်ထဲမှာ ခါးခါးသီးသီးနဲ့ ထပ်ခါတလဲလဲ ပြန်ပြီးတွေးတောနေတဲ့ ဖြစ်စဉ် ဖြစ်ပါတယ်။

Ruminating လုပ်နေသူတစ်ယောက်ဟာ ပြဿနာရဲ့ အဖြေကို မရှာဘဲ ပြဿနာနဲ့ ဝမ်းနည်းစရာ ခံစားချက်တွေထဲမှာပဲ တဝဲလည်လည် ဖြစ်နေတတ်ပါတယ်။

"ငါ့မှ ဘာလို့ အမြဲ အဲဒီလို ဖြစ်ရတာလဲ"၊ "ငါ ဘာလို့ အဲဒီလို လုပ်မိတာလဲ"၊ "သူ ငါ့ကို ဘာလို့ အဲဒီလို ပြောရတာလဲ" ဆိုတဲ့ မေးခွန်းတွေကြားမှာပဲ ပိတ်မိနေတတ်ပြီး အားအင်ကုန်ခမ်းခြင်း၊ စိုးရိမ်ပူပန်မှု (Anxiety) နှင့် စိတ်ကျဆင်းမှု (Depression) ကို ပိုမိုဆိုးရွားစေကာ မိမိကိုယ်ကို အပြစ်တင်ခြင်းတွေနဲ့ပဲ ပြည့်နေတတ်ပါတယ်။

🌿 Reflection ဆိုတာ ဘာလဲ?

Reflection ဆိုတာ ဖြစ်ပျက်ခဲ့သမျှကို အေးဆေးတည်ငြိမ်စွာနဲ့ ဆင်ခြင်သုံးသပ်တာ ဖြစ်ပါတယ်။ အတိတ်က အတွေ့အကြုံတွေကနေ သင်ခန်းစာယူဖို့နဲ့ အနာဂတ်မှာ ပိုကောင်းတဲ့ ဆုံးဖြတ်ချက်တွေ ချနိုင်ဖို့ မိမိကိုယ်မိမိ ပွင့်လင်းစွာ ပြန်လည်ဆန်းစစ်တဲ့ အပြုသဘောဆောင်တဲ့ ဖြစ်စဉ် ဖြစ်ပါတယ်။

Reflectလုပ်တဲ့သူဟာ "ဒီအဖြစ်အပျက်ကနေ ငါ ဘာသင်ခန်းစာ ရလိုက်သလဲ"၊ "နောက်တစ်ကြိမ် အလားတူကြုံလာခဲ့ရင် ငါ ဘယ်လို တုံ့ပြန်မလဲ"၊ "ဒီအခြေအနေမှာ ငါ့ဘက်က ဘာတွေ ပြောင်းလဲလို့ ရသလဲ" ဆိုပြီး ပြဿနာကို အပြုသဘောဆောင်တဲ့ဘက်ကနေ ဆင်ခြင်သုံးသပ်ပါတယ်။

ဒါကြောင့် Reflectလုပ်ခြင်းဟာ မိမိကိုယ်မိမိ ပိုပြီးနားလည်လာခြင်း (Self-awareness)၊ ပြဿနာဖြေရှင်းနိုင်စွမ်း တိုးတက်လာခြင်းနဲ့ စိတ်ဓာတ်ကြံ့ခိုင်မှု ရရှိလာခြင်း စတဲ့ အကျိုးရလဒ်တွေကို ခံစားရစေပါတယ်။

🌿 Rumination သံသရာကနေ Reflection ဘက်ကို ဘယ်လို ကူးပြောင်းမလဲ?

✅ အတွေးတွေကို အသိအမှတ်ပြုပါ

ပထမဆုံး အရေးကြီးတာက "ငါ အတိတ်ကအကြောင်းတွေကို ထပ်ခါတလဲလဲ တွေးနေမိပြီး ငါအတွေးလွန်နေပြီ" ဆိုတာကို အချိန်မီ သတိပြုမိဖို့ ဖြစ်ပါတယ်။

✅ မေးခွန်းပုံစံတွေကို ပြောင်းလိုက်ပါ

"ဘာလို့ ငါ့မှ ဖြစ်ရတာလဲ" လို့ မေးမဲ့အစား "ဒီအခြေအနေကနေ ငါ ဘာလုပ်နိုင်မလဲ" ဒါမှမဟုတ် "ငါ ဘာသင်ခန်းစာ ရလိုက်သလဲ" ဆိုတဲ့ အပြုသဘောဆောင်တဲ့ မေးခွန်းမျိုး ကိုယ့်ကိုယ်ကိုယ် ပြန်မေးကြည့်ပါ။

✅ မိမိကိုယ်မိမိ ကြင်နာပါ

ကိုယ့်ကိုယ်ကိုယ် အပြစ်တင်နေမဲ့အစား ခင်မင်ရတဲ့ သူငယ်ချင်းတစ်ယောက်ကို အကြံပေးသလိုမျိုး ကိုယ့်ကိုယ်ကိုယ် ကြင်နာပါ။ "ငါ အမှားလုပ်ခဲ့ပေမဲ့ ဒါဟာ သင်ယူမှုတစ်ခုပါပဲ" လို့ လက်ခံပေးပါ။

✅ တွေးဖို့ အချိန်ကန့်သတ်ပါ

အဖြစ်အပျက်တစ်ခုကို စဉ်းစားတွေးတောတော့မယ် ဆိုရင် ၁၀ မိနစ်မှ ၁၅ မိနစ်အထိ အချိန်သတ်မှတ်ပါ။ အချိန်စေ့သွားရင် စာရေးတာ၊ လမ်းလျှောက်တာ ဒါမှမဟုတ် တခြား အာရုံလွှဲနိုင်တဲ့ စာအုပ်ဖတ်တာလိုမျိုးအလုပ်တစ်ခုခုကို ပြောင်းလုပ်ကြည့်ပါ။

✅ Journalling လုပ်ပါ

စိတ်ထဲမှာပဲ ကိစ္စတစ်ခုကို လှည့်ပတ်တွေးနေရင် အတွေးတွေက မဆုံးနိုင်ဘဲ Rumination ဖြစ်သွားတတ်ပါတယ်။ စာရွက်ပေါ်မှာ စာရေးချလိုက်တဲ့အခါ စိတ်အေးချမ်းသွားပြီး ပြဿနာကို တတ်နိုင်သမျှ ရှင်းရှင်းလင်းလင်း Reflect လုပ်နိုင်ပါလိမ့်မယ်။

✅ လိုအပ်ပါက Professional အကူအညီ ရယူပါ

တစ်ခါတလေ အတွေးတွေထဲမှာ ပိတ်မိတာမျိုးက ဖြစ်တတ်တဲ့ သဘာဝဆိုပေမဲ့ အတွေးတွေကြောင့် မိမိရဲ့ စိတ်ရောလူပါ ထိခိုက်လာပြီ၊ နေ့စဉ် လူမှုဘဝကိုပါ ထိခိုက်လာပြီဆိုရင်တော့ တတ်ကျွမ်းနားလည်တဲ့ စိတ်ကျန်းမာရေး ပညာရှင်များနဲ့ ဆွေးနွေးမှု ခံယူဖို့ လိုအပ်ပါတယ်။

▪️ ကျွန်မတို့ရဲ့ Hepta Mental Health Clinicမှာမိတ်ဆွေတို့ရဲ့ စိတ်ပိုင်းဆိုင်ရာ ပြဿနာတွေကို လုံခြုံစိတ်ချစွာနဲ့ ဆွေးနွေးနိုင်ဖို့အတွက် စိတ်ရှည်ကျွမ်းကျင်တဲ့ ဝါရင့် စိတ်ကျန်းမာရေး ဆရာဝန်များနဲ့ Online/ In-person နှစ်မျိုးလုံးဖြင့် ယုံကြည်စိတ်ချစွာ ဆွေးနွေးတိုင်ပင်လို့ ရနိုင်ပါတယ်။ Hepta Mental Health Clinic ကလည်း အားလုံးရဲ့ စိတ်ပိုင်းဆိုင်ရာ ပြဿနာတွေကို ကူညီပေးနိုင်ဖို့ အမြဲအဆင်သင့် စောင့်ကြိုလျက်ရှိပါတယ်ရှင်။

▪️ ဆွေးနွေးမှုများအတွက် Page Messenger (သို့မဟုတ်) ဖုန်းနံပါတ် 09-885-044-884 ကို ဆက်သွယ်ပြီး ကြိုတင်ရက်ချိန်း ယူပြီး ဆွေးနွေးလို့ ရပါတယ်ရှင်။

▪️ လူကိုယ်တိုင် လာရောက်ဆွေးနွေးဖို့အတွက် ခက်ခဲနေသူများအတွက်လည်း Online Consultation လုပ်ပေးတဲ့အပြင် Online မှစိတ်ပိုင်းဆိုင်ရာ စစ်ဆေးလွှာဖြေဆိုခြင်း နှင့် ကိုလည်း Page Messenger မှတဆင့် ဆက်သွယ်ပြီး ဝန်ဆောင်မှုများရယူနိုင်ပါတယ်။

🏥 ဆေးခန်းလိပ်စာ- အမှတ် (၂၁၅)၊ သီရိမင်္ဂလာလမ်း (ဂျပန်လမ်း)၊ ရွာမ အရှေ့ရပ်ကွက်၊ အင်းစိန်မြို့နယ်၊ ရန်ကုန်မြို့။

#စိတ်ကျန်းမာရေး

28/09/2026

💭 တစ်ခါတလေမှာ လူတွေနဲ့ ပြောဆိုဆက်ဆံပြီးတဲ့အခါ အားအင်တွေ ကုန်ခမ်းသွားသလို ခံစားရဖူးပါသလား။ မိတ်ဆွေ၊ သူငယ်ချင်းတွေနဲ့ ပျော်ပျော်ပါးပါး အချိန်ဖြုန်းခဲ့ပေမဲ့ အိမ်ပြန်ရောက်တဲ့အခါ ဘာမှမလုပ်ချင်တော့ဘဲ တစ်ယောက်တည်း မှောင်မှောင်မည်းမည်းထဲမှာပဲ ငြိမ်ငြိမ်လေး နေချင်စိတ် ပေါ်လာတတ်တာမျိုးရော ဖြစ်ဖူးပါသလား။

😥 ဒါကို Social exhaustion or Social Burnout လို့ခေါ်ပါတယ်။ လူမှုဆက်ဆံရေးကြောင့် စိတ်ပင်ပန်းနွမ်းနယ်ခြင်း ဖြစ်ပါတယ်။

‼️ Social Burnout ဟာ ရောဂါတစ်ခု မဟုတ်သလို ကိုယ်က လူဝင်မဆံ့တဲ့သူလို့လည်း မဆိုလိုပါဘူး။ ဒါဟာ ကိုယ့်ရဲ့ စိတ်နဲ့ ခန္ဓာကိုယ်က ခဏလောက် အနားယူဖို့ လိုအပ်နေတယ်ဆိုတာကို အချက်ပြနေတာသာ ဖြစ်ပါတယ်။

😥 Social Burnout ဖြစ်နေကြောင်း ပြသနေတဲ့ လက္ခဏာများ

✅ ရုပ်ပိုင်းဆိုင်ရာ လက္ခဏာများ

ရုပ်ပိုင်းဆိုင်ရာ လက္ခဏာတွေအနေနဲ့ ခေါင်းကိုက်တာ၊ ခန္ဓာကိုယ်တစ်ခုလုံး အားအင်မရှိသလို လေးလံနေတာ၊ အိပ်မပျော်တာ ဒါမှမဟုတ် အလွန်အမင်း အိပ်ချင်နေတတ်ပါတယ်။

✅ စိတ်ပိုင်းဆိုင်ရာ လက္ခဏာများ

စိတ်တိုလွယ်လာတာ၊ စိတ်ရှည်သည်းခံနိုင်မှုတွေ ကုန်ခမ်းလာတာ၊ အာရုံစူးစိုက်ရခက်လာတာ၊ အရင်က ပျော်ခဲ့ရတဲ့ ပွဲတွေမှာ ပျင်းရိ ငြီးငွေ့လာတာ။

✅ အပြုအမူဆိုင်ရာ လက္ခဏာများ

စာပြန်ဖို့ ဒါမှမဟုတ် ဖုန်းဆက်ဖို့ ပျင်းလာတာ၊ ပွဲလမ်းသဘင်နှင့် ချိန်းထားတာတွေကို ဖျက်ပစ်ချင်စိတ် ပေါ်လာတာ၊ လူတွေနှင့် ပတ်သက်ရမှာကို ကြောက်ရွံ့ စိတ်ပျက်လာတာတွေကို အများဆုံး တွေ့ရတတ်ပါတယ်။

😥 Social Burnout ဘာကြောင့် ဖြစ်ရတာလဲ?

✅ Introversion

အထူးသဖြင့် Introvert သမားတွေဟာ လူတွေအများကြီးနဲ့အတူရှိနေရရင် Energy အရမ်းသုံးရတတ်ပါတယ်။ သူတို့ဟာ တစ်ယောက်တည်း သီးသန့်နေတဲ့အချိန်မှာသာ အားအင်တွေကို ပြန်ပြီး recharge လုပ်နိုက်ကြပါတယ်။ ဒါကြောင့် Introvertသမားအများစုဟာ လူတွေအများကြီးနဲ့ ပြောဆိုဆက်ဆံပြီးတဲ့နောက်မှာ Social Burnout ရဖို့ လွယ်ကူပါတယ်။

✅ စိတ်ခံစားချက်များကို Masking လုပ်ထားရခြင်း

လုပ်ငန်းခွင်မှာပဲ ဖြစ်ဖြစ် ပတ်ဝန်းကျင်မှာပဲဖြစ်ဖြစ် ကိုယ့်ကိုယ်ကိုယ် အဆင်ပြေနေသူတစ်ယောက်အဖြစ် အမြဲနေပြနေရတဲ့အခါမှာလည်း Energyတွေ ကုန်လာတတ်ပါတယ်။

✅ အလုပ်နဲ့ လူမှုဘဝ ဖိအားများခြင်း

ပွဲလမ်းသဘင်များတွေ၊ အစည်းဝေးတွေ၊ မိတ်ဆုံစားပွဲတွေနဲ့ပဲ အဆက်မပြတ် သွားလာနေရတဲ့အခါ Social Energyက ကုန်လာစေပါတယ်။

✅ Social Media လွန်ကဲစွာ သုံးစွဲခြင်း

အပြင်မှာ လူချင်းမတွေ့ရပေမဲ့လည်း ဆိုရှယ်မီဒီယာကနေတစ်ဆင့် အခြားသူတွေရဲ့ သတင်းတွေ၊ life's update တွေကို အမြဲ ကြည့်ရှုနေရတာကလည်း အွန်လိုင်းမှတစ်ဆင့် စိတ်မောပန်းမှုကို ဖြစ်စေတတ်ပါတယ်။

🌿 Social Burnoutကို ဘယ်လိုသက်သာအောင် လုပ်မလဲ?

✅ Personal Boundaries သတ်မှတ်ပါ

လူတိုင်းရဲ့ Invitationနဲ့ အကူအညီတောင်းခံမှုတွေကို အမြဲတမ်း "Yes" လုပ်စရာ မလိုပါဘူး။ ကိုယ် စိတ်မပါတဲ့ နေ့တွေနဲ့ ပင်ပန်းနေတဲ့ အချိန်တွေမှာ ယဉ်ယဉ်ကျေးကျေး "No" လို့ ငြင်းလို့ ရပါတယ်။

✅ Me Time သေချာယူပါ

တစ်နေ့ကို အနည်းဆုံး မိနစ် ၃၀ ကနေ ၁ နာရီလောက်အထိ ဖုန်း၊ social media တွေ ဘာမှမသုံးဘဲ ကိုယ်ဝါသနာပါရာ စာဖတ်တာ၊ သီချင်းနားထောင်တာနဲ့ တရားထိုင်တာ စသဖြင့် ပြုလုပ်ပါ။

✅ Social Recharge ပြုလုပ်ပါ

သိပ်ကို ပင်ပန်းနေတဲ့အခါ လူတွေဆီကနေ ခဏလောက် Breakယူပြီး တစ်ယောက်တည်း ပြည့်ပြည့်ဝဝ အနားယူပါ။

✅ Digital Detox လုပ်ပါ

အပြင်လောကက လူဆက်ဆံရေးတွေတင် မဟုတ်ဘဲ ဖုန်းကနေတစ်ဆင့် ဝင်လာတဲ့ notification တွေ၊ သတင်းတွေကိုလည်း ခဏလောက် ရပ်ထားပြီး စိတ်ရော လူပါ အနားပေးပါ။

🤍 လူမှုဆက်ဆံရေးတွေဟာ လူတိုင်းအတွက် အရေးကြီးတဲ့အရာဆိုပေမဲ့ ကိုယ့်ရဲ့ စိတ်ကျန်းမာရေးကို ပင်ပန်းစေတဲ့အထိတော့ တောင့်ခံထားစရာ မလိုပါဘူး။ စိတ်နဲ့ ခန္ဓာကိုယ်က အနားယူဖို့ တောင်းဆိုလာတဲ့အခါ သေချာအနားယူပါ။

🤍 သိပ်ကို ပင်ပန်းနေတဲ့အချိန်မှာ တစ်ယောက်တည်း အနားယူတာဟာ အတ္တဆန်တာ မဟုတ်ဘဲ မိမိကိုယ်ကိုယ် ချစ်ခြင်းသာ ဖြစ်ပါတယ်။

▪️ ကျွန်မတို့ရဲ့ Hepta Mental Health Clinicမှာမိတ်ဆွေတို့ရဲ့ စိတ်ပိုင်းဆိုင်ရာ ပြဿနာတွေကို လုံခြုံစိတ်ချစွာနဲ့ ဆွေးနွေးနိုင်ဖို့အတွက် စိတ်ရှည်ကျွမ်းကျင်တဲ့ ဝါရင့် စိတ်ကျန်းမာရေး ဆရာဝန်များနဲ့ Online/ In-person နှစ်မျိုးလုံးဖြင့် ယုံကြည်စိတ်ချစွာ ဆွေးနွေးတိုင်ပင်လို့ ရနိုင်ပါတယ်။ Hepta Mental Health Clinic ကလည်း အားလုံးရဲ့ စိတ်ပိုင်းဆိုင်ရာ ပြဿနာတွေကို ကူညီပေးနိုင်ဖို့ အမြဲအဆင်သင့် စောင့်ကြိုလျက်ရှိပါတယ်ရှင်။

▪️ ဆွေးနွေးမှုများအတွက် Page Messenger (သို့မဟုတ်) ဖုန်းနံပါတ် 09-885-044-884 ကို ဆက်သွယ်ပြီး ကြိုတင်ရက်ချိန်း ယူပြီး ဆွေးနွေးလို့ ရပါတယ်ရှင်။

▪️ လူကိုယ်တိုင် လာရောက်ဆွေးနွေးဖို့အတွက် ခက်ခဲနေသူများအတွက်လည်း Online Consultation လုပ်ပေးတဲ့အပြင် Online မှစိတ်ပိုင်းဆိုင်ရာ စစ်ဆေးလွှာဖြေဆိုခြင်း နှင့် ကိုလည်း Page Messenger မှတဆင့် ဆက်သွယ်ပြီး ဝန်ဆောင်မှုများရယူနိုင်ပါတယ်။

🏥 ဆေးခန်းလိပ်စာ- အမှတ် (၂၁၅)၊ သီရိမင်္ဂလာလမ်း (ဂျပန်လမ်း)၊ ရွာမ အရှေ့ရပ်ကွက်၊ အင်းစိန်မြို့နယ်၊ ရန်ကုန်မြို့။

#စိတ်ကျန်းမာရေး

26/09/2026

💭 အကယ်၍ မကောင်းတာ တစ်ခုခု ဖြစ်လာခဲ့ရင် ဘယ်လိုလုပ်မလဲ?

💭 မနက်ဖြန် အလုပ်မှာ အဆင်မပြေရင် ဘယ်လိုလုပ်မလဲ?

😰 ဒီလိုမျိုး ဖြစ်မလာသေးတဲ့ အဆိုးဆုံးအခြေအနေ (Worst-case scenarios) တွေကို ကြိုတင်ပူပန်နေတာကို Anticipatory Anxiety လို့ ခေါ်ပါတယ်။

✅ ကြိုတင်ပူပန်စိတ် ဘာကြောင့် ဖြစ်ရတာလဲ

စိတ်ကျန်းမာရေး ရှုထောင့်ကကြည့်ရင် ကျွန်မတို့ရဲ့ ဦးနှောက်ဟာ အန္တရာယ်ကို ရှောင်ရှားဖို့နဲ့ ရုပ်ပိုင်းဆိုင်ရာ စိတ်ပိုင်းဆိုင်ရာ လုံခြုံဖို့အတွက် အလုပ်လုပ်ပေးပါတယ်။ မရေရာတဲ့ အနာဂတ်အခြေအနေတစ်ခု၊ အန္တရာယ်တစ်ခုကို ကြုံရတဲ့အခါ ဦးနှောက်ရဲ့ မသိစိတ်ကနေ ထိန်းချုပ်ဖို့ ကြိုးစားရင်း ခန္ဓာကိုယ်ကို Fight or Flight modeထဲ ရောက်သွားစေပါတယ်။

အန္တရာယ်ကို ပြန်ချမှာလား၊ ဒါမှမဟုတ် ထွက်ပြေးမှာလားဆိုတဲ့ သဘောပေါ့။ အန္တရာယ်နဲ့တွေ့လို့ Survival Modeထဲရောက်သွားတာက ပုံမှန်ပါပဲ။ ဒါပေမဲ့ အလုပ်နဲ့ပတ်သက်ပြီး ၊ အနာဂတ်နဲ့ပတ်သက်ပြိး မသေချာ မရေရာမှုတွေနဲ့ အဆင်မပြေမှုတွေကြားမှာ ရုန်းကန်ဖြတ်သန်းရင်းနဲ့လည်း ဒါတွေကို ဦးနှောက်က အန္တရယ်လို့ မှတ်ယူလိုက်တတ်တယ်။ အဲဒီအခါမှာ ကြိုတင်ပူပန်တဲ့စိတ် Anxietyတွေက ဖြစ်ပေါ်လာတတ်ပါတယ်။

✅ Anticipatory Anxiety ရဲ့ လက္ခဏာများ

📌 ခန္ဓာကိုယ်ပိုင်းဆိုင်ရာ လက္ခဏာများ

ရင်တုန်ခြင်း၊ အသက်ရှူမြန်ခြင်း၊ ကြွက်သားများ တင်းတောင်းနေခြင်း၊ အိပ်မပျော်ခြင်း၊ ဗိုက်အောင့်ခြင်းနဲ့ ခေါင်းကိုက်ခြင်း။

📌 စိတ်ပိုင်းဆိုင်ရာ လက္ခဏာများ

အရာရာကို အဆိုးဆုံးအထိ ကြိုတွေးမိခြင်း၊ အာရုံစိုက်ရခက်ခြင်း၊ တွေးစရာတွေ အဆက်မပြတ် ခေါင်းထဲရောက်လာပြီး ပူပန်ကြောက်လန့်ခြင်း

📌 အပြုအမူဆိုင်ရာ လက္ခဏာများ

အခြေအနေများကို ရှောင်လွှဲခြင်း (Avoidance)၊ ဖြစ်မလာသေးတဲ့ အန္တရယ်အတွက် ကြိုတင်ပြင်ဆင်မှုတွေ အလွန်အကျူး လုပ်ဆောင်ခြင်း စတဲ့ လက္ခဏာတွေကို တွေ့ရတတ်ပါတယ်။

✅ Anticipatory Anxiety ကို ကိုင်တွယ်ဖြေရှင်းနည်းများ

✔️ အတွေးတွေကို ဆန်းစစ်ကြည့်ပါ

စိတ်ထဲမှာ အဆိုးဆုံးတွေ ပုံဖော်နေမိတဲ့အခါ မိမိကိုယ်ကိုယ် ဒီလိုမျိုး ပြန်မေးကြည့်ပါ။

"ငါတွေးနေတဲ့ အဆိုးဆုံး အခြေအနေတွေ ဖြစ်လာဖို့ ရာခိုင်နှုန်း ဘယ်လောက်ရှိလဲ"

အကယ်၍ ဖြစ်လာခဲ့ရင်တောင် ငါကျော်ဖြတ်နိုင်မဲ့ နည်းလမ်းတွေ မရှိဘူးလား"

ဒီလိုပြန်မေးလိုက်တဲ့အခါ တွေးပူနေတဲ့ အတွေးတိုင်းက အမှန်မဟုတ်ဘဲ Anxietyကြောင့် စိုးရိမ်နေတာကို သတိထားမိသွားပါလိမ့်မယ်။

✔️ Grounding Techniques လေးတွေ လုပ်ကြည့်ပါ

ဖြစ်မလာသေးတဲ့ အနာဂတ်ကို စိုးရိမ်ပူပန်နေတဲ့အခါ စိတ်အာရုံကို လက်ရှိပတ်ဝန်းကျင်ဆီ ပြန်ခေါ်ပါ။

မြင်ရတဲ့ ပစ္စည်း ၅ ခု ကို ကြည့်ပါ။
ကိုင်တွယ်လို့ရတဲ့ အရာ ၄ ခု ကို ထိတွေ့ပါ။
ကြားရတဲ့ အသံ ၃ မျိုး ကို နားထောင်ပါ။
အနံ့ရတဲ့ အနံ့ ၂ မျိုး ကို ခံစားပါ။
ခံစားမိတဲ့ အရသာ ၁ မျိုး ကို သတိပြုပါ။

✔️ Worry Time သတ်မှတ်ထားပါ

စိုးရိမ်စိတ်ကို လုံးဝ မတွေးနဲ့လို့ တားရခက်ပါတယ်။ ဒါကြောင့် တစ်နေ့ကို မိနစ် ၂၀ Worry Time အဖြစ် သတ်မှတ်ပါ။ အခြားအချိန်တွေမှာ စိုးရိမ်စိတ်ဝင်လာရင် "ဒါကို Worry Time ရောက်မှ တွေးတော့မယ်" လို့ အချိန်ကန့်သတ်လိုက်ပါ။

✔️ ထိန်းချုပ်နိုင်တဲ့အရာနဲ့ မထိန်းချုပ်နိုင်တဲ့အရာကို ခွဲခြားပါ

အနာဂတ်မှာ ဘာဖြစ်မလဲ ကျွန်မတို့ ကြိုမသိနိုင်ပါဘူး။ အနာဂတ်ကိုလည်း အပြည့်အဝ ထိန်းချုပ်လို့ မရပါဘူး။ ကျွန်မတို့ ထိန်းချုပ်လို့ ရတာက အခုလက်ရှိ အချိန်ပါပဲ။ ဒါကြောင့် ကိုယ်ထိန်းချုပ်လို့ ရတဲ့ အရာတွေကိုပဲ အာရုံစိုက်ပြီး မထိန်းချုပ်နိုင်တဲ့အရာတွေကို လွှတ်ချတတ်ဖို့ လိုပါတယ်။

✔️ လိုအပ်ပါက စိတ်ကျန်းမာရေး အကူအညီ ရယူပါ

အကယ်၍ မိမိကြုံတွေ့နေရတဲ့ စိုးရိမ်ပူပန်မှုဟာ နေ့စဉ်ဘဝကိုပါ ထိခိုက်လာတယ်၊ အလုပ်ပျက် အအိပ်ပျက်တဲ့အထိ ဖြစ်လာတယ်ဆိုရင်တော့ တတ်ကျွမ်းနားလည်တဲ့ စိတ်ကျန်းမာရေး ပညာရှင်များနဲ့ ဆွေးနွေးမှု ခံယူဖို့အတွက် အကြံပြုလိုပါတယ်။

▪️ ကျွန်မတို့ရဲ့ Hepta Mental Health Clinicမှာမိတ်ဆွေတို့ရဲ့ စိတ်ပိုင်းဆိုင်ရာ ပြဿနာတွေကို လုံခြုံစိတ်ချစွာနဲ့ ဆွေးနွေးနိုင်ဖို့အတွက် စိတ်ရှည်ကျွမ်းကျင်တဲ့ ဝါရင့် စိတ်ကျန်းမာရေး ဆရာဝန်များနဲ့ Online/ In-person နှစ်မျိုးလုံးဖြင့် ယုံကြည်စိတ်ချစွာ ဆွေးနွေးတိုင်ပင်လို့ ရနိုင်ပါတယ်။ Hepta Mental Health Clinic ကလည်း အားလုံးရဲ့ စိတ်ပိုင်းဆိုင်ရာ ပြဿနာတွေကို ကူညီပေးနိုင်ဖို့ အမြဲအဆင်သင့် စောင့်ကြိုလျက်ရှိပါတယ်ရှင်။

▪️ ဆွေးနွေးမှုများအတွက် Page Messenger (သို့မဟုတ်) ဖုန်းနံပါတ် 09-885-044-884 ကို ဆက်သွယ်ပြီး ကြိုတင်ရက်ချိန်း ယူပြီး ဆွေးနွေးလို့ ရပါတယ်ရှင်။

▪️ လူကိုယ်တိုင် လာရောက်ဆွေးနွေးဖို့အတွက် ခက်ခဲနေသူများအတွက်လည်း Online Consultation လုပ်ပေးတဲ့အပြင် Online မှစိတ်ပိုင်းဆိုင်ရာ စစ်ဆေးလွှာဖြေဆိုခြင်း နှင့် ကိုလည်း Page Messenger မှတဆင့် ဆက်သွယ်ပြီး ဝန်ဆောင်မှုများရယူနိုင်ပါတယ်။

🏥 ဆေးခန်းလိပ်စာ- အမှတ် (၂၁၅)၊ သီရိမင်္ဂလာလမ်း (ဂျပန်လမ်း)၊ ရွာမ အရှေ့ရပ်ကွက်၊ အင်းစိန်မြို့နယ်၊ ရန်ကုန်မြို့။

16/09/2026

‼️စိတ်ကျန်းမာရေးဆိုတာ ကိုယ့်ရဲ့ ဘဝကို တစ်ချိန်မဟုတ် တစ်ချိန်မှာ တံခါးလာခေါက်မဲ့ အရာပါ။ ဒါပေမဲ့လည်း လူတော်တော်များများက စိတ်ကျန်းမာရေးလို့ ပြောလိုက်ရင် မသိကျေးကျွံပြုတုန်း၊ စိတ်မကျန်းမာတဲ့သူတွေကို ကဲ့ရဲ့အပြစ်တင် လှောင်ပြောင်နေကြတုန်းပါ။ စိတ်ကျန်းမာရေး အခြေအနေတွေကို ကမ္ဘာနဲ့အဝန်းမှာ ခံစားရင်ဆိုင်နေကြရပေမဲ့လည်း စိတ်မကျန်းမာသူတွေကို Stigmatized လုပ်နေကြတုန်း ဖြစ်ပါတယ်။

📌 Stigma ဆိုတာ ဘာလဲ ?

Stigma ဆိုတာကတော့ စိတ်ကျန်းမာရေးနဲ့ ပတ်သက်ပြီး အထင်သေးရှုံ့ချတာ၊ ခွဲခြားဆက်ဆံတာ၊ မကောင်းတဲ့ အတွေးအမြင်၊ အပြုအမူတွေကို ခေါ်ပါတယ်။ ကျွန်မတို့ ပတ်ဝန်းကျင်မှာ ကြားနေရတဲ့ Stigma တွေ အများကြီး ရှ်ိကြပါတယ်။ စိတ်ကျန်းမာရေး အခြေအနေတစ်ခုခုနဲ့ ရင်ဆိုင်နေရတဲ့သူတွေကို

"အပိုတွေ လုပ်မနေပါနဲ့။ ဒရမ်မာတွေ မချိုးပါနဲ့"
"ငါလည်းဖြစ်ဖူးတာပဲ၊ အဲ့လောက် အဖြစ်မသည်းပါနဲ့"
"အကောင်းမြင်စိတ်ထားစမ်းပါ"
"စိတ်ဓာတ်ကျစရာ ဘာရှိလို့လဲ"
"နင့်ထက်ပိုဆ်ိုးတဲ့သူတွေတောင်ရှိသေးတာပဲ"
"ဆေးတွေသောက်နေရတာဆိုတော့ အခြေနေတော်တော်ဆိုးနေတာပဲ"
"နင့်အနေအထားကြီးနဲ့ ဖြစ်သင့်လို့လား" စသဖြင့် စိတ်မကျန်းမာသူတွေကို မျိုးစုံ stigmatized လုပ်ကြပါတယ်။

📌 ခုလို stigmaတွေ ရှိနေခြင်းဟာ နိုင်ငံရဲ့ ပညာရေး နိမ့်ပါးမှု၊ စိတ်ကျန်းမာရေးနဲ့ ပတ်သက်လို့ အသိပညာနည်းပါးမှုတွေနဲ့ ဆိုင်သလို တစ်ကိုယ်ရည် တကာယ ပြုစုပျိုးထောင်ခံခဲ့ရမှုတွေ၊ ငယ်ဘဝရဲ့ စိတ်ဒဏ်ရာတွေ၊ ချစ်ခြင်းမေတ္တာ ကောင်းစွာ မရခဲ့မှုတွေ၊ ပစ်ပယ်ထားခံရခြင်းတွေနဲ့လည်း သက်ဆိုင်ပါတယ်။

‼️ တကယ်တော့ စိတ်ကျန်းမာရေးဆိုတာ ခန္ဓာကိုယ် ကျန်းမာရေးနဲ့ အတူတူပါပဲ။ ခန္ဓာရှိလို့ ဝေဒနာရှိသလိုပဲ စိတ်မှာလည်း ဝေဒနာဆိုတာ ရှိတတ်ပါတယ်။ ဒါပေမဲ့ လူတွေက ခန္ဓာကိုယ်မှာ ရောဂါရရင်တော့ အပြစ်မတင်တတ်ကြပေမဲ့ စိတ်မှာ ရောဂါဖြစ်ရင်တော့ နှာခေါင်းရှုံ့ကြပါတယ်။

✔️ Flu season မှာ တုပ်ကွေးဖြစ်ကြသလိုပေါ့။ ကိုယ်ခံအားပေါ်မူတည်ပြီး တုပ်ကွေးဖြစ်ချင် ဖြစ်မယ်။ မဖြစ်ချင် မဖြစ်ဘူးပေါ့။ မဖြစ်အောင် ကာကွယ်ဆေးထိုးထားပေမဲ့လည်း တုပ်ကွေး ဖြစ်သွားတဲ့ လူတွေ ရှိတာပဲ။ လူတစ်ကိုယ် ခံနိုင်ရည်တစ်မျိုးမို့ ဘယ်သူကမှ နင်ကာကွယ်ဆေးထိုးထားရက်နဲ့ တုပ်ကွေး ဖြစ်ရကောင်းလားလို့ အပြစ်မတင်ကြဘူး။ ဒါပေမဲ့ လူတစ်ယောက် စိတ်ဓာတ်ကျကြည့်၊ စိတ်မကျန်းမာကြည့်ပါလား အပြစ်တင်ဖ်ို့၊ stigmatized လုပ်ဖို့ အသင့်ပါပဲ။

✔️ စိတ်မကျန်မာဘူးဆိုတာ ရူးသွားမှ မဟုတ်ဘူး။ နေ့စဉ်လူမှုဘဝရဲ့ အခက်အခဲတွေအကြား စိတ်ပင်ပန်းနိုင်တယ်၊ ခြေကုန်လက်ပန်းကျနိုင်တယ်။ အကြောင်းအမျိုးမျိုးကြောင့်နဲ့ စိတ်ဓာတ်ဆိုတာလည်း ကျနိုင်တယ်။ လူတိုင်းမှာ သူ့ဘဝနဲ့သူ ကိုယ်မသိတဲ့ battle ပေါင်းစုံရှိပါတယ်။ စိတ်နေမကောင်းဘူးဆိုတာ လူတိုင်းမှာ ခံစားရနိုင်တယ်။ ခံစားခွင့်လည်း အပြည့်အဝရှိတယ်။

‼️ ဒါပေမဲ့ လူ့ပတ်ဝန်းကျင်က stigmaတွေကြောင့် တကယ့်တကယ် စိတ်မကျန်းမာသူတွေဟာ အကူအညီတွေ ရယူဖို့အတွက် တွန့်ဆုတ်လာကြတယ်။ သူတို့အဆင်မပြေတာကို အဆင်မပြေလို့ reach out လုပ်ချင်ပေမဲ့ လှောင်ရယ်ခံရမှာပဲ၊ ခွဲခြားဆက်ဆံခံရမှာပဲဆိုတဲ့ အတွေးဝင်လာပြီး အကူညီတောင်းဖို့ကို လက်တွန့်သွားကြပါတယ်။ နောက်ပြီး အထင်သေးခံရမှုတွေ၊ ခွဲခြားဆက်ဆံခံရမှုတွေကြောင့် ခံစားနေရတဲ့ စိတ်အခြေအနေဟာ ပိုဆိုးစေလာနိုင်ပြီး အဆုံးထိ တွန်းပို့သလို ဖြစ်နေတတ်ပါတယ်။

‼️ ဒါကြောင့် မိမိကိုယ်တိုင်ကနေ စတင်ပြီး စိတ်ကျန်းမာရေးနဲ့ ပတ်သက်တဲ့ လွဲမှားနေတဲ့ Stigmaတွေကို ဖယ်ဖျောက်ပစ်ဖို့ အရေးကြီးပါတယ်။ နောက်ပြီး မိမိကစလို့ မိမိရဲ့ ပတ်ဝန်းကျင်ကိုပါ စိတ်ကျန်းမာရေးနဲ့ ပတ်သက်လို့ အသိပညာပေးဖို့ လိုပါတယ်။ လူမကျန်းမာသလိုပဲ စိတ်မကျန်းမာဘူးဆိုတာကလည်း ဖြစ်တတ်တယ်၊ သဘာဝပဲလို့ လက်ခံပေးဖို့ လိုပါတယ်။

✔️ ကျွန်မတို့ ဆရာပြောဖူးသလိုပေါ့။
"အရိုးဆရာဝန်လည်း အရိုးကျိုးနိုင်သလို
နှလုံးဆရာဝန်လည်း နှလုံးဖောက်နိုင်ပါတယ်။
စိတ်ဆရာဝန်လည်း စိတ်မကျန်းမာတာမျိုးဖြစ်နိုင်ပါတယ်" တဲ့။

‼️ ဒါကြောင့် ဘယ်လိုအနေအထားမှာ စိတ်ကျန်းမာသင့်တယ်၊ ငါ့အနေအထားနဲ့ စိတ်မကျန်းမာတာ မဖြစ်သင့်ဘူးဆိုတဲ့ self-stigmaတွေလည်း မလုပ်ဘဲ၊ သူများကိုလည်း မလုပ်ဘဲ မှန်ကန်တဲ့ စိတ်ကျန်းမာရေး အသိပညာတွေကို ရရှိနိုင်ဖို့က အရေးကြီးပါတယ်။ ခန္ဓာကိုယ်မှာ ရောဂါဖြစ်ရင် ကုသလို့ ရသလို စိတ်နေမကောင်းတဲ့အခါလည်း ကုသလို့ ရနိုင်တဲ့အတွက် စိတ်ကျန်းမာရေးကို normalize လုပ်ပြီး လိုအပ်တဲ့ ကုသမှုတွေ၊ အကူညီတွေ ရရှိနိုင်ဖို့ လိုအပ်ပါတယ်။

▪️ ကျွန်မတို့ရဲ့ Hepta Mental Health Clinicမှာမိတ်ဆွေတို့ရဲ့ စိတ်ပိုင်းဆိုင်ရာ ပြဿနာတွေကို လုံခြုံစိတ်ချစွာနဲ့ ဆွေးနွေးနိုင်ဖို့အတွက် စိတ်ရှည်ကျွမ်းကျင်တဲ့ ဝါရင့် စိတ်ကျန်းမာရေး ဆရာဝန်များနဲ့ Online/ In-person နှစ်မျိုးလုံးဖြင့် ယုံကြည်စိတ်ချစွာ ဆွေးနွေးတိုင်ပင်လို့ ရနိုင်ပါတယ်။ Hepta Mental Health Clinic ကလည်း အားလုံးရဲ့ စိတ်ပိုင်းဆိုင်ရာ ပြဿနာတွေကို ကူညီပေးနိုင်ဖို့ အမြဲအဆင်သင့် စောင့်ကြိုလျက်ရှိပါတယ်ရှင်။

▪️ ဆွေးနွေးမှုများအတွက် Page Messenger (သို့မဟုတ်) ဖုန်းနံပါတ် 09-885-044-884 ကို ဆက်သွယ်ပြီး ကြိုတင်ရက်ချိန်း ယူပြီး ဆွေးနွေးလို့ ရပါတယ်ရှင်။

▪️ လူကိုယ်တိုင် လာရောက်ဆွေးနွေးဖို့အတွက် ခက်ခဲနေသူများအတွက်လည်း Online Consultation လုပ်ပေးတဲ့အပြင် Online မှစိတ်ပိုင်းဆိုင်ရာ စစ်ဆေးလွှာဖြေဆိုခြင်း နှင့် ကိုလည်း Page Messenger မှတဆင့် ဆက်သွယ်ပြီး ဝန်ဆောင်မှုများရယူနိုင်ပါတယ်။

🏥 ဆေးခန်းလိပ်စာ- အမှတ် (၂၁၅)၊ သီရိမင်္ဂလာလမ်း (ဂျပန်လမ်း)၊ ရွာမ အရှေ့ရပ်ကွက်၊ အင်းစိန်မြို့နယ်၊ ရန်ကုန်မြို့။

15/09/2026

နေ့စဉ်ဘဝမှာ လှုပ်ရှားရုန်းကန်ကြရင်းနဲ့ စိတ်တိုစရာ ကိစ္စတွေ၊ ဒေါသထွက်စရာ ကိစ္စတွေ၊ အခက်အခဲတွေကို ရင်ဆိုင်ကြုံတွေ့ကြရပါတယ်။ အဲဒီလို ဒေါသဖြစ်စရာ ကိစ္စတွေနဲ့ ကြုံတဲ့အခါမှာလည်း ပက်ခနဲ ပြန်ပြောမိတာ၊ ဒေါသနဲ့ တုံ့ပြန်မိတာ၊ လက်ပါမိတာတွေ...စသဖြင့် စိတ်ခံစားချက်ကို မထိန်းနိုင်ကြတဲ့သူတွေလည်း ရှိကြပါတယ်။

📌 တကယ်တော့ စိတ်ခံစားချက်တွေဟာ မှန်ကန်စွာ ထိန်းကျောင်းပေးလို့ရတယ်။ ထိန်းညှိပေးလို့ ရပါတယ်။ ဒါကို Emotional Regulation လုပ်တယ်လို့ ခေါ်ပါတယ်။

🌿 စိတ်ခံစားချက်တွေကို သတိပြုကြည့်ပါ

စိတ်ခံစားချက်တွေကို ထိန်းကျောင်းဖို့အတွက်က ပထမဆုံး အရင် သတိပြုမိဖို့ပါ။ ငါစိတ်တိုနေလား၊ ဒေါသဖြစ်နေလား၊ ဝမ်းနည်းနေလားဆိုတာကို သတိထားကြည့်ဖို့ လိုပါတယ်။ နောက်ပြီး စိတ်တို ဒေါသထွက်နေချိန်မှာ ကိုယ့်ရဲ့ ခန္ဓာကိုယ်မှာ ဘာတွေဖြစ်လာသလဲ သတိထားကြည့်ပါ။ ရင်တုန်လာသလား၊ ခြေတွေလက်တွေ တုန်ပြီး အသက်ရှူတွေ မြန်လာသလား သတိပြုကြည့်ပါ။

🌿 မတုံ့ပြန်ခင် ခဏလေး ရပ်ပါ

ဒေါသထွက်နေချိန်မှာ ချက်ချင်း တုံ့ပြန်လိုက်ရင် ဒေါသကြောင့် အမှားပါတတ်ပါတယ်။ အဲဒီအစား မတုံ့ပြန်ခင် ခဏလေး ရပ်ပြီး စောင့်လိုက်ပါ။

🌿 အသက်ရှူလေ့ကျင့်ခန်း လုပ်ပါ

စိတ်တိုနေတဲ့အချိန်၊ ဒေါသထွက်နေတဲ့အချိန်မှာ ချက်ချင်း မတုံ့ပြန်ဘဲ ဖြည်းဖြည်းမှန်မှန် ရှူသွင်း ရှူထုတ်လုပ်ပေးခြင်းကလည်း Nervous System ကို calm down ဖြစ်စေပါတယ်။

🌿 အတွေးတွေကို ပြန်ပြီး ဆန်းစစ်ကြည့်ပါ

ကိစ္စတစ်ခုခုနဲ့ ကြုံတဲ့အခါ Perspective ပြောင်းကြည့်ပြီး "ဒီပြဿနာကနေ ဘာကို ငါလေ့လာ သင်ယူလို့ ရမလဲ"၊ ဒါမှမဟုတ် "အခု ငါစိတ်တိုနေတဲ့ကိစ္စက တကယ်ပဲ စိတ်တိုဖို့အတွက် ထိုက်တန်ရဲ့လား" ပြန်စဉ်းစားကြည့်ပါ။ တစ်ခါတလေမှာ perspectiveပြောင်းကြည့်တဲ့အခါ တုံ့ပြန်ဖို့ မလိုတဲ့ ကိစ္စမျိုး ဖြစိနေတတ်ပါတယ်။

🌿 Healthy Coping တွေကို သုံးပါ

စိတ်ခံစားချက်တွေကို မထိန်းနိုင်တဲ့အခါမှာ ပစ္စည်းတွေကို ပစ်ပေါက်ခွဲပြီး စိတ်ဖြေတာထက် စိတ်ကို တည်ငြိမ်စေတဲ့ copingတွေကို အသုံးပြုပါ။ စိတ်ကို ငြိမ်သက်အေးချမ်းစေတဲ့ သီချင်းလေးတွေ နားထောင်တာ၊ အသက်ရှူလေ့ကျင့်ခန်းလုပ်တာ၊ တရားထိုင်တာ၊ Grounding လုပ်တာ စသဖြင့် ပြုလုပ်ပေးဖို့ လိုအပ်ပါတယ်။

🌿 လိုအပ်ရင် Professional Counseling ယူပါ

ကိုယ်က စိတ်ခံစားချက်တွေကို ဘယ်လိုမှ မထိန်းနိုင်ဘူး၊ ဒါကြောင့်ပဲ နေ့စဉ်ဘဝကိုပါ ထိခိုက်လာတယ်ဆိုရင်တော့ တတ်ကျွမ်းနားလည်တဲ့ စိတ်ကျန်းမာရေး ဆရာဝန်တွေ၊ ပညာရှင်တွေနဲ့ ဆွေးနွေးတိုင်ပင်ဖို့ လိုအပ်ပါတယ်။

▪️ ကျွန်မတို့ရဲ့ Hepta Mental Health Clinicမှာမိတ်ဆွေတို့ရဲ့ စိတ်ပိုင်းဆိုင်ရာ ပြဿနာတွေကို လုံခြုံစိတ်ချစွာနဲ့ ဆွေးနွေးနိုင်ဖို့အတွက် စိတ်ရှည်ကျွမ်းကျင်တဲ့ ဝါရင့် စိတ်ကျန်းမာရေး ဆရာဝန်များနဲ့ Online/ In-person နှစ်မျိုးလုံးဖြင့် ယုံကြည်စိတ်ချစွာ ဆွေးနွေးတိုင်ပင်လို့ ရနိုင်ပါတယ်။ Hepta Mental Health Clinic ကလည်း အားလုံးရဲ့ စိတ်ပိုင်းဆိုင်ရာ ပြဿနာတွေကို ကူညီပေးနိုင်ဖို့ အမြဲအဆင်သင့် စောင့်ကြိုလျက်ရှိပါတယ်ရှင်။

▪️ ဆွေးနွေးမှုများအတွက် Page Messenger (သို့မဟုတ်) ဖုန်းနံပါတ် 09-885-044-884 ကို ဆက်သွယ်ပြီး ကြိုတင်ရက်ချိန်း ယူပြီး ဆွေးနွေးလို့ ရပါတယ်ရှင်။

🏥 ဆေးခန်းလိပ်စာ- အမှတ် (၂၁၅)၊ သီရိမင်္ဂလာလမ်း (ဂျပန်လမ်း)၊ ရွာမ အရှေ့ရပ်ကွက်၊ အင်းစိန်မြို့နယ်၊ ရန်ကုန်မြို့။

31/08/2026

“အလုပ်တွေများလို့ ပင်ပန်းတာနေမှာပါ” ဆိုပြီး ကိုယ်တကယ် ခံစားနေရတာတွေကို လျစ်လျူရှုထားနေမိပြီလား?

😞 တစ်နေ့ပြီးတစ်နေ့ အလုပ်တွေ၊ Deadline တွေ၊ Meeting တွေ၊ Customer Complaint တွေနဲ့ အမြဲတမ်း Pressure အောက်မှာ အလုပ်လုပ်နေရတဲ့အခါ Workplace Burnout ဖြစ်လာနိုင်ပါတယ်။

✅ Burnout ဆိုတာ တစ်ရက်တလေ အလုပ်များလို့ ပင်ပန်းတာမျိုး မဟုတ်ပါဘူး။ အလုပ်နဲ့ ပတ်သက်တဲ့ ရေရှည်စိတ်ဖိစီးမှုတွေကို မထိန်းချုပ်နိုင်တော့တဲ့အခါ စိတ်ပိုင်းဆိုင်ရာနဲ့ ရုပ်ပိုင်းဆိုင်ရာ အားအင်တွေ တဖြည်းဖြည်းကုန်ခမ်းလာတဲ့ အခြေအနေ ဖြစ်ပါတယ်။

🚨 Burnout ဖြစ်လာရင် ဘယ်လိုလက္ခဏာတွေ တွေ့ရနိုင်လဲ?

🔸 အလုပ်လုပ်ဖို့ Motivation မရှိတော့ခြင်း
🔸 အမြဲတမ်း ပင်ပန်းနွမ်းနယ်နေခြင်း
🔸 အာရုံစူးစိုက်ရခက်ပြီး အမှားတွေများလာခြင်း
🔸 အလုပ်အပေါ် စိတ်ဝင်စားမှုနဲ့ ကျေနပ်မှု လျော့လာခြင်း
🔸 လုပ်ဖော်ကိုင်ဖက်၊ Customer တွေအပေါ် စိတ်တိုလွယ်လာခြင်း
🔸 “ငါ ဒီအလုပ်ကို မလုပ်ချင်တော့ဘူး” ဆိုတဲ့ ခံစားချက် မကြာခဏဖြစ်လာခြင်း
🔸 အိပ်စက်ခြင်း၊ ခေါင်းကိုက်ခြင်းနဲ့ အစာအိမ်အောင့်ခြင်းစတဲ့ Stress-related physical symptoms တွေ ဖြစ်လာတတ်ပါတယ်။

🏢 Workplace အနေနဲ့ ဘာလုပ်ပေးသင့်လဲ?

ဝန်ထမ်းတစ်ယောက် Burnout ဖြစ်လာတဲ့အခါ
“ပိုကြိုးစားပါ” လို့ ဖိအားပေးတာထက်စာရင်...

✅ Workload နဲ့ Working Hours ကို ပြန်သုံးသပ်ပေးပါ။
✅ အခက်အခဲတွေကို လုံခြုံစွာ ပြောနိုင်တဲ့ Environment ဖန်တီးပေးပါ။
✅ ဝန်ထမ်းတွေရဲ့ ကြိုးစားမှုကို အသိအမှတ်ပြုပေးပါ။
✅ Work-life boundaries နဲ့ Rest time ကို လေးစားပေးပါ။
✅ လိုအပ်ရင် Counselling သို့မဟုတ် Mental Health Support ရရှိနိုင်အောင် ကူညီပေးပါ။

✅ လုပ်ငန်းခွင်မှာ Burnout ကို ကိုယ်တိုင် ခံစားနေရတဲ့သူတွေ အနေနဲ့လည်း ကိုယ့်ကိုယ်ကိုယ် "ငါက ပျော့ညံ့လို့၊ အသုံးမကျလို့" ဆိုပြီး အပြစ်မတင်ပါနဲ့။

✅ နားယူဖို့လိုတဲ့အချိန်မှာ နားယူတာဟာ ပျင်းတာမဟုတ်ပါဘူး။ ကိုယ့်စိတ်နဲ့ ကိုယ့်ကိုယ်ခန္ဓာကို recharge လုပ်ခြင်း ဖြစ်ပါတယ်။

✅ Healthy workplace ဆိုတာ အလုပ်မများတဲ့ နေရာမဟုတ်ပါဘူး။ အလုပ်များနေတဲ့ အချိန်မှာတောင် ဝန်ထမ်းတွေရဲ့ ကျန်းမာရေးနဲ့ Well-being ကို တန်ဖိုးထားပေးတဲ့နေရာ ဖြစ်ပါတယ်။ 🌿

▪️ ကျွန်မတို့ရဲ့ Hepta Mental Health Clinicမှာမိတ်ဆွေတို့ရဲ့ စိတ်ပိုင်းဆိုင်ရာ ပြဿနာတွေကို လုံခြုံစိတ်ချစွာနဲ့ ဆွေးနွေးနိုင်ဖို့အတွက် စိတ်ရှည်ကျွမ်းကျင်တဲ့ ဝါရင့် စိတ်ကျန်းမာရေး ဆရာဝန်များနဲ့ Online/ In-person နှစ်မျိုးလုံးဖြင့် ယုံကြည်စိတ်ချစွာ ဆွေးနွေးတိုင်ပင်လို့ ရနိုင်ပါတယ်။ Hepta Mental Health Clinic ကလည်း အားလုံးရဲ့ စိတ်ပိုင်းဆိုင်ရာ ပြဿနာတွေကို ကူညီပေးနိုင်ဖို့ အမြဲအဆင်သင့် စောင့်ကြိုလျက်ရှိပါတယ်ရှင်။

▪️ ဆွေးနွေးမှုများအတွက် Page Messenger (သို့မဟုတ်) ဖုန်းနံပါတ် 09-885-044-884 ကို ဆက်သွယ်ပြီး ကြိုတင်ရက်ချိန်း ယူပြီး ဆွေးနွေးလို့ ရပါတယ်ရှင်။

🏥 ဆေးခန်းလိပ်စာ- အမှတ် (၂၁၅)၊ သီရိမင်္ဂလာလမ်း (ဂျပန်လမ်း)၊ ရွာမ အရှေ့ရပ်ကွက်၊ အင်းစိန်မြို့နယ်၊ ရန်ကုန်မြို့။

28/08/2026

စိတ်နဲ့ ခန္ဓာဆိုတာ ဆက်စပ်နေတဲ့အတွက် စိတ်ကျန်းမာရေးဆိုတာလည်း ခန္ဓာကိုယ် ကျန်းမာရေးလိုပဲ အရေးကြီးတဲ့ အရာတစ်ခုပါ။ ဒါပေမဲ့ စိတ်ကျန်းမာရေးလို့ ပြောလိုက်ရင် လူတစ်ချို့က စိတ်မကျန်းမာဘူးဆိုတာကို ရူးနေတာ တစ်ခုတည်းလို့ အထင်မှားတတ်ကြပါတယ်။ နောက်ပြီး စိတ်ကျန်းမာရေးနဲ့ ပတ်သက်ပြီး လွဲမှားတဲ့ အယူအဆတွေ stigmaတွေကလည်း ပတ်ဝန်းကျင်မှာ အများကြီး ရှိနေကြပါသေးတယ်။

ဒါကြောင့် ဒီနေ့မှာတော့ စိတ်ကျန်းမာရေးနဲ့ ပတ်သက်ပြီး အယူအဆအမှားတွေနဲ့ ဘယ်ဟာမှားလဲ ဘယ်ဟာမှန်ဆိုတဲ့ Myths & Factsလေးတွေကို မျှဝေသွားပါမယ်။

❌ Myth (အယူအဆ အမှား)

"စိတ်ဓာတ်ကျတယ်ဆိုတာ စိတ်ဓာတ်ပျော့ညံ့လို့ ဖြစ်တာ။ စိတ်ကို ခိုင်ခိုင်ထားလိုက်ရင် သက်သာသွားမှာ"

✅ Fact (အမှန်တရား)

စိတ်ကျရောဂါ (Depression) ဆိုတာ စိတ်ဓာတ်ပျော့ညံ့လို့ ဖြစ်တာ မဟုတ်ဘဲ ဦးနှောက်ထဲက ဓာတုဓာတ်ပစ္စည်းတွေ မညီမျှရာကနေ ဖြစ်လာတဲ့ medical condition တစ်မျိုး ဖြစ်ပါတယ်။ သွေးတိုး၊ ဆီးချိုရောဂါလိုပါပဲ။ သွေးတိုး၊ ဆီးချိုဖြစ်နေတဲ့သူကိို "စိတ်ခိုင်ခိုင်ထားပါ"လို့ သွားပြောရုံနဲ့ မသက်သာသလိုပဲ စိတ်ကျရောဂါဟာလည်း စိတ်ခိုင်ခိုင်ထားခိုင်းရုံနဲ့ မသက်သာပါဘူး။ ဆေးကုသမှု လိုအပ်ပါတယ်။

❌ Myth (အယူအဆ အမှား)

"စိတ်ကျန်းမာရေး ဆေးခန်းကို သွားပြတာ၊ စိတ်ကျန်းမာရေး ဆရာဝန်နဲ့ ပြတာက ရူးနေလို့ ပြရတာ။ စိတ်ကျန်းမာရေးဆိုတာ ရူးနေတဲ့လူတွေနဲ့ပဲ ဆိုင်တာ"

✅ Fact (အမှန်တရား)

စိတ်ကျန်းမာရေးဆိုတာ သိပ်ကို သိမ်မွေ့နက်နဲပါတယ်။ စိတ်ဖိစီးမှုများတာ၊ စိုးရိမ်ပူပန်မှုလွန်ကဲတာ၊ အတွေးလွန်တာ၊ ညအိပ်မပျော်တာတွေကအစ စိတ်ကျန်းမာရေး နယ်ပယ်ထဲမှာ ပါဝင်ပါတယ်။ နောက်ပြီး စိတ်ကျန်းမာရေး ဆရာဝန်တွေနဲ့ ဆွေးနွေးတိုင်ပင်ခြင်းဟာ မိမိရဲ့ well-being ကို ဂရုစိုက်ရာရောက်တဲ့အပြင် မိမိကိုယ်မိမိ ချစ်ခင်ခြင်းရဲ့ လက္ခဏာတစ်ခုလည်း ဖြစ်ပါတယ်။ ဒါကြောင့် mental healthကို normalize လုပ်ပါ။

❌ Myth (အယူအဆ အမှား)

"စိတ်ကျန်းမာရေး ပြဿနာတွေရှိတာက ဘာသာတရားမလုပ်လို့။ အဲ့ဒါ ဝဋ်နာ၊ ကံနာ"

✅ Fact ( အမှန်တရား)

သက်ဆိုင်ရာ ဘာသာတရားတွေရဲ့ အဆုံးအမကို ခံယူလိုက်နာတာဟာ စိတ်ငြိမ်းချမ်းမှုအတွက် အထောက်အကူဖြစ်စေနိုင်တယ်ဆိုပေမဲ့ ရောဂါသက်သာပျောက်ကင်းဖို့အထိ မဟုတ်ပါဘူး။ ဘာသာတရား အလွန်လိုက်နာလိုက်စားသူတွေမှာလည်း မျိုးရိုးလိုက်လို့သော်လည်းကောင်း၊ brain chemical တွေ imbalance ဖြစ်လို့သော်လည်းကောင်း စိတ်ကျန်းမာရေး ပြဿနာတွေကို ခံစားရနိုင်ပါတယ်။ စိတ်ကျန်းမာရေး ပြဿနာတွေဟာ ဝဋ်နာ၊ ကံနာ မဟုတ်ပါဘူး။ ကာကွယ် ကုသနိုင်တဲ့ ရောဂါတွေ ဖြစ်ပါတယ်။

❌ Myth (အယူအဆ အမှား)

"စိတ်ကျန်းမာရေး ဆေးတွေသောက်နေရရင် စွဲသွားလိမ့်မယ်။ တစ်သက်လုံးသောက်နေရပြီး ဦးနှောက်ပျက်စီးတတ်တယ်"

✅ Fact (အမှန်တရား)

စိတ်ကျန်းမာရေး ဆေးဝါးအများစုဟာ မစွဲလမ်းစေပါဘူး။ အဓိကက ဆေးတွေဟာ ဦးနှောက်ထဲက ဓာတုဓာတ်ပစ္စည်းတွေကို ပြန်ပြီး ညီညွတ်မျှတအောင် ကူညီပေးတာ ဖြစ်ပါတယ်။ စိတ်ကျန်းမာရေး ဆရာဝန်ရဲ့ ညွှန်ကြားချက်အတိုင်း ဆေးကို သောက်ဖို့လိုပြီး ရောဂါသက်သာလာချိန်မှာ ဆရာဝန်က ဆေးကို လျှော့လျှော့ပြီး ဆေးရပ်ပေးမှာ ဖြစ်ပါတယ်။ အဲ့ဒီလိုမဟုတ်ဘဲ မိမိသဘောနဲ့မိမိ ဆေးသောက်တာကို ရပ်လိုက်တာ ဒါမှမဟုတ် ဆေးကို ပိုသောက်တာ၊ လျှော့သောက်တာတွေကသာ အန္တရယ်ရှိတာ ဖြစ်ပါတယ်။

🤍 Takeaway Message အနေနဲ့ ခန္ဓာကိုယ်မှာ ဖျားနာ၊ နေမကောင်းရင် ဆေးခန်းပြသလိုပဲ စိတ်ကလေး ဖျားနာတဲ့အခါမှာလည်း စိတ်ကျန်းမာရေး ဆရာဝန်တွေနဲ့ ဆွေးနွေးပြသဖို့ကို မနှောင့်နှေးစေချင်ဘူး။ မရှက်စေချင်ပါဘူး။ ဝန်မလေးစေချင်ပါဘူး။

🤍 စိတ်ကျန်းမာရေးကို ဂရုစိုက်တယ်ဆိုတာ ပျော့ညံ့ခြင်း မဟုတ်ဘဲ မိမိကိုယ်မိမိ ချစ်ခင်တန်ဖိုးထားခြင်းသာ ဖြစ်ပါတယ်။

▪️ ကျွန်မတို့ရဲ့ Hepta Mental Health Clinicမှာမိတ်ဆွေတို့ရဲ့ စိတ်ပိုင်းဆိုင်ရာ ပြဿနာတွေကို လုံခြုံစိတ်ချစွာနဲ့ ဆွေးနွေးနိုင်ဖို့အတွက် စိတ်ရှည်ကျွမ်းကျင်တဲ့ ဝါရင့် စိတ်ကျန်းမာရေး ဆရာဝန်များနဲ့ Online/ In-person နှစ်မျိုးလုံးဖြင့် ယုံကြည်စိတ်ချစွာ ဆွေးနွေးတိုင်ပင်လို့ ရနိုင်ပါတယ်။ Hepta Mental Health Clinic ကလည်း အားလုံးရဲ့ စိတ်ပိုင်းဆိုင်ရာ ပြဿနာတွေကို ကူညီပေးနိုင်ဖို့ အမြဲအဆင်သင့် စောင့်ကြိုလျက်ရှိပါတယ်ရှင်။

▪️ ဆွေးနွေးမှုများအတွက် Page Messenger (သို့မဟုတ်) ဖုန်းနံပါတ် 09-885-044-884 ကို ဆက်သွယ်ပြီး ကြိုတင်ရက်ချိန်း ယူပြီး ဆွေးနွေးလို့ ရပါတယ်ရှင်။

🏥 ဆေးခန်းလိပ်စာ- အမှတ် (၂၁၅)၊ သီရိမင်္ဂလာလမ်း (ဂျပန်လမ်း)၊ ရွာမ အရှေ့ရပ်ကွက်၊ အင်းစိန်မြို့နယ်၊ ရန်ကုန်မြို့။

26/08/2026

ဆက်ဆံရေးတစ်ခုမှာ တစ်စုံတစ်ယောက်နဲ့ နီးကပ်လာပြီဆို သက်သောင့်သက်သာ မရှိဘဲ နောက်ပြန်ဆုတ်ပြီး ထွက်ပြေးနေတတ်ပါသလား။ ဒါမှမဟုတ် ကိုယ့်ရဲ့ ချစ်သူ၊ မိတ်ဆွေသူငယ်ချင်းတွေနဲ့ မိသားစုတွေက ကိုယ့်အပေါ် တွယ်တာမှီခိုလာတဲ့အခါ ထွက်ပြေးရှောင်ဖယ်နေတတ်ပါသလား?

✅ ဒါဟာ ရှောင်ဖယ်တတ်သော တွယ်တာမှုပုံစံ (Avoidant Attachment Style) ရဲ့ လက္ခဏာတွေ ဖြစ်ပါတယ်။

✅ Avoidant Attachment Style ဆိုတာ ဘာလဲ?

Attachment Theory အရ ကျွန်မတို့ဟာ ငယ်စဉ်ကလေးဘဝမှာ ကိုယ့်ကို ပြုစုစောင့်ရှောက်ပေးတဲ့ လူကြီးမိဘတွေဆီက ပြုမူဆက်ဆံခံရပုံတွေအပေါ် မူတည်ပြီး Attachment Styleတွေ အပြောင်းအလဲ ရှိတတ်ကြပါတယ်။

Avoidant Attachment Style ရှိသူတွေက တခြားသူတွေထက် မိမိကိုယ်မိမိ အလွန်အမင်း အားကိုးတတ်ကြပြီးတော့ "ငါ့မှာ ငါပဲ ရှိတာ၊ ဘယ်သူ့ကိုမှ အားကိုးလို့ မရဘူး၊ မှီခိုလို့ မရဘူး" ဆိုတဲ့ စိတ်က ရှိနေတတ်တဲ့အပြင် ချစ်မိသွားမှာကြောက်လို့ ထွက်ပြေးရှောင်ဖယ်တတ်ကြပါတယ်။

✅ ဘာကြောင့် ဖြစ်လာရတာလဲ?

Avoidant Attachment Style ဟာ ကလေးဘဝက အတွေ့အကြုံတွေနဲ့ တိုက်ရိုက်ဆက်စပ်နေတတ်ပါတယ်။

✔️ လျစ်လျူရှုခံရခြင်း

ကလေးဘဝမှာ တစ်ခုခု လိုချင်လို့ဖြစ်စေ၊ တစ်ခုခု ခံစားရလို့ဖြစ်စေ၊ တစ်ခုခု အကူညီလိုအပ်လို့ ဖြစ်စေ ငိုယိုတဲ့အခါ လူကြီးမိဘတွေဆီကနေ နွေးထွေးတဲ့ တုံ့ပြန်မှုကို မရခဲ့ဘဲ လိုအပ်ချက်တွေကို လျစ်လျူရှုခံရတာ။

✔️ စိတ်ခံစားချက်များကို ငြင်းပယ်ခံရခြင်း

"မငိုနေနဲ့၊ ဒါလေးနဲ့ အဖြစ်သည်းမနေနဲ့" ဆိုပြီး စိတ်ခံစားချက်တွေကို အသိအမှတ်ပြုမခံရဘဲ ဖိနှိပ်မြိုသိပ်ထားဖို့ တွန်းအားပေးခံခဲ့ရတာ။

✔️ စောစီးစွာ ရင့်ကျက်ကြီးပြင်းခဲ့ရခြင်း

ငယ်စဉ်ကလေးဘဝမှာကတည်းက စိတ်ပိုင်းဆိုင်ရာအရရော၊ ရုပ်ပိုင်းဆိုင်ရာအရပါ မိမိကိုယ်မိမိပဲ အားကိုးဖို့ကို တွန်းအားပေးခံခဲ့ရခြင်းတွေကြောင့် ဖြစ်ပါတယ်။

ကလေးဘဝမှာကတည်းက "ငါငိုလည်း ဘယ်သူမှ လာချော့မှာ မဟုတ်ဘူး" လို့ သင်ယူခဲ့ရတော့ အရွယ်ရောက်ကြီးပြင်းလာတဲ့အခါမှာလည်း စိတ်ဒဏ်ရာမရအောင် မိမိကိုယ်မိမိ ကာကွယ်တုံ့ပြန်တဲ့ Defense Mechanism တစ်ခုအဖြစ် ပေါ်ပေါက်လာတာ ဖြစ်ပါတယ်။

✅ Avoidant Attachment ရှိသူတွေရဲ့ လက္ခဏာများ

✔️ စိတ်ခံစားချက်များကို ရှောင်လွှဲခြင်း

ဝမ်းနည်းမှု၊ ကြောက်ရွံမှုတွေကို မသိကျိုးကျွံပြုပြီး "ငါအဆင်ပြေပါတယ်" လို့ပဲ အမြဲ ဖုံးကွယ် ဟန်ဆောင်ထားတတ်ပါတယ်။

✔️ နီးကပ်မှုကို ကြောက်ရွံ့ခြင်း

ဆက်ဆံရေးတစ်ခုမှာ လေးနက်လာရင်၊ နီးကပ်လွန်းလာရင် အကြောင်းပြချက်ရှာပြီး ခွါသွားတတ်တယ်၊ နောက်ဆုတ်သွားတတ်ပါတယ်။

✔️ ဘယ်သူ့ကိုမှ အားမကိုးခြင်း

တစ်ယောက်တည်း လွတ်လပ်မှုကို အလွန်အမင်း သဘောကျတတ်ပြီး သူတစ်ပါးကို မှီခိုရမှာ၊ အကူအညီတောင်းရမှာကို ရှက်ရွံ/ကြောက်ရွံ့တတ်ပါတယ်။

✔️ ပြဿနာများကို ရှောင်ပြေးခြင်း

ပြဿနာတစ်ခုခု ဖြစ်လာရင် ဖြေရှင်းရမဲ့အစား ထွက်ပြေးရှောင်လွှဲထားတတ်ပါတယ်။

✔️ "Push-Pull Dynamics"

Avoidant Attachment Style ရှိသူတွေဟာ ဆက်ဆံရေးတွေမှာလည်း ချစ်မိမှာ၊ နီးကပ်လာမှာ ကြောက်တတ်ကြပါတယ်။ ဒါကြောင့် တွန်းလိုက်၊ ဆွဲလိုက်လုပ်တတ်တယ်။ နီးလာရင် တွန်းထုတ်ပြီး ဝေးသွားရင်လည်း ပြန်ဆွဲထားတတ်ပါတယ်။

✅ Secure Attachment Style ကို ဘယ်လို ပြောင်းလဲကြမလဲ?

✔️ မိမိမှာ Avoidant Attachment Style ရှိတယ်ဆိုတိုင်းလည်း ဒါဟာ တစ်သက်လုံး ပြောင်းလဲလို့ မရတာမဟုတ်ပါဘူး။ မိမိကိုယ်မိမိ သိနားလည်မှုနဲ့ ကြိုးစားအားထုတ်မှုတို့ကတစ်ဆင့် Secure Attachment (စိတ်လုံခြုံသော တွယ်တာမှုပုံစံ) ကို ပြောင်းလဲ တည်ဆောက်နိုင်ပါတယ်။

✔️ မိမိကိုယ်မိမိရဲ့ စိတ်ခံစားချက်၊ အပြုအမူတွေ patternတွေကို သတိထားကြည့်ပါ။ စိတ်ခံစားချက်တွေကို ပွင့်ပွင့်လင်းလင်းပြောဆိုကြည့်ပါ။ အခြားသူတွေပေးလာတဲ့ အကူအညီလေးတွေကို လက်ခံကြည့်ပါ။ အကူအညီတောင်းခံခြင်းဟာ ပျော့ညံ့ခြင်း မဟုတ်ပါဘူး။ လိုအပ်ပါက စိတ်ကျန်းမာရေး ဆရာဝန်များ၊ ပညာရှင်များနဲ့ ဆွေးနွေးတိုင်ပင် အဖြေရှာကြည့်ဖို့ အကြံပြုလိုပါတယ်။

▪️ ကျွန်မတို့ရဲ့ Hepta Mental Health Clinicမှာမိတ်ဆွေတို့ရဲ့ စိတ်ပိုင်းဆိုင်ရာ ပြဿနာတွေကို လုံခြုံစိတ်ချစွာနဲ့ ဆွေးနွေးနိုင်ဖို့အတွက် စိတ်ရှည်ကျွမ်းကျင်တဲ့ ဝါရင့် စိတ်ကျန်းမာရေး ဆရာဝန်များနဲ့ Online/ In-person နှစ်မျိုးလုံးဖြင့် ယုံကြည်စိတ်ချစွာ ဆွေးနွေးတိုင်ပင်လို့ ရနိုင်ပါတယ်။ Hepta Mental Health Clinic ကလည်း အားလုံးရဲ့ စိတ်ပိုင်းဆိုင်ရာ ပြဿနာတွေကို ကူညီပေးနိုင်ဖို့ အမြဲအဆင်သင့် စောင့်ကြိုလျက်ရှိပါတယ်ရှင်။

▪️ August တစ်လလုံး Telegram Channel ကို Join ထားတဲ့သူများအတွက် Consultation Session အားလုံးကို 10% OFF ဖြင့် ရယူနိုင်မဲ့ အထူးအခွင့်အရေးလည်း ရှိတဲ့အတွက် Telegram လေး Join ထားပေးပါဦးနော်။

https://t.me/HeptaMentalHealth

▪️ ဆွေးနွေးမှုများအတွက် Page Messenger (သို့မဟုတ်) ဖုန်းနံပါတ် 09-885-044-884 ကို ဆက်သွယ်ပြီး ကြိုတင်ရက်ချိန်း ယူပြီး ဆွေးနွေးလို့ ရပါတယ်ရှင်။

🏥 ဆေးခန်းလိပ်စာ- အမှတ် (၂၁၅)၊ သီရိမင်္ဂလာလမ်း (ဂျပန်လမ်း)၊ ရွာမ အရှေ့ရပ်ကွက်၊ အင်းစိန်မြို့နယ်၊ ရန်ကုန်မြို့။

Address

215, Thiri Mingalar Road, Ywarma East Ward, Insein Township
Yangon
11011

Opening Hours

Monday	10:00 - 19:00
Tuesday	10:00 - 19:00
Wednesday	10:00 - 19:00
Thursday	10:00 - 19:00
Friday	10:00 - 19:00
Saturday	10:00 - 19:00
Sunday	10:00 - 19:00

Telephone

+959885044884

Website

facebook.com

Alerts

Be the first to know and let us send you an email when Hepta Mental Health Clinic posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Hepta Mental Health Clinic: