14/08/2026
🚨 ဝမ်းပျက်ဝမ်းလျှော ရောဂါ ဖြစ်လာရင် ဘာလုပ်မလဲ? 🚨 (ကျန်းမာရေးအတွက် သိထားသင့်တဲ့ အရေးကြီး အချက်များ 💡)
ရာသီဥတု အပြောင်းအလဲမှာ သတိမထားမိဘဲ အစားအသောက်မှားရာကနေ ဝမ်းပျက်ဝမ်းလျှော ဖြစ်ရတာ ခဏခဏပါပဲနော်။ 🤢🤢
ဝမ်းလျှောတဲ့အခါ ခန္ဓာကိုယ်ထဲက ရေဓာတ်နဲ့ ဆားဓာတ်တွေ ကုန်ခမ်းသွားတတ်လို့ မပေါ့ဆသင့်ပါဘူး။ မိသားစုနဲ့ မိမိကိုယ်ကို ကာကွယ်ဖို့အတွက် အောက်ပါ အချက်လေးတွေကို သတိထားကြည့်ရအောင်👇✨
💧 အိမ်မှာတင် ပြုလုပ်နိုင်တဲ့ ရှေးဦးပြုစုကုသနည်းများ
1️⃣ ဓာတ်ဆားရည် ပုံမှန်သောက်ပါ 🥤 ဝမ်းသွားရုံနဲ့ ခန္ဓာကိုယ်ထဲက အရေးကြီးတဲ့ ရေဓာတ်နဲ့ ဆားဓာတ်တွေ ဆုံးရှုံးသွားလို့ ဓာတ်ဆားရည် (ORS) ကို မကြာမကြာ သောက်ပေးပါ။
2️⃣ ရေနဲ့ အရည်များများသောက်ပါ 🥛 ကျိုချက်ထားတဲ့ ရေကျက်အေး၊ ပူေနွးသောအရည်၊ ဆန်ပြုတ်ရည်၊ စွပ်ပြုတ်ရည် စတဲ့ အဆီမပါတဲ့ အရည်တွေကို ခပ်စိပ်စိပ် သောက်သုံးပေးပါ။
3️⃣ အစာပျော့ပျော့ စားပေးပါ 🍌🍞 အစာအိမ်ကို ဝန်မပိစေဖို့ ဆန်ပြုတ်၊ ငှက်ပျောသီး၊ ပေါင်မုန့်စတဲ့ ကြေလွယ်တဲ့ အစားအစာတွေကို နည်းနည်းနဲ့ မကြာမကြာ စားပေးပါ။
4️⃣ ရှောင်ရမယ့် အစားအစာများ 🚫 အဆီများတဲ့ အစားအစာ၊ အစပ်လွန်ကဲသောအစားအစာ၊ နို့ထွက်ပစ္စည်းနဲ့ အချိုလွန်ကဲတဲ့ အဖျော်ယမကာတွေကိုတော့ ခေတ္တ ရှောင်ပေးပါ။
⚠️ အရေးကြီးသတိပေးချက်: ဆရာဝန် ညွှန်ကြားချက်မပါဘဲ ဝမ်းပိတ်ဆေးနဲ့ ပဋိဇီဝဆေး (Antibiotics) များကို မိမိသဘောဖြင့် ဝယ်ယူသောက်သုံးခြင်း လုံးဝ မပြုလုပ်ပါနှင့်။ ❌
🩺 ဘယ်လိုအချိန်မှာ ဆေးခန်းသို့ ချက်ချင်း လာရောက်သင့်သလဲ?
အောက်ပါ လက္ခဏာတွေ တွေ့ရင်တော့ ဆရာဝန်နှင့်ချက်ချင်း ပြသဖို့ လိုအပ်ပါတယ်🏥👇
❌ တစ်ရက်ကို ဝမ်း (၅) ကြိမ်နှင့်အထက် ခပ်စိပ်စိပ် သွားခြင်း ❌ ဝမ်းထဲတွင် သွေး သို့မဟုတ် ဆန်ဆေးရေကဲ့သို့ ဝမ်းအရည် များ သွားခြင်း ❌ ပြင်းထန်စွာ ဗိုက်အောင့်ခြင်း သို့မဟုတ် မကြာမကြာ အော့အန်ခြင်း ❌ ကိုယ်အပူချိန်တက်ပြီး အဖျားကြီးခြင်း ❌ နှုတ်ခမ်းခြောက်၊ ခြေလက်အေး၊ ဆီးနည်း/မထွက် စသည့် ပြင်းထန် သောရေဓာတ်ခမ်းခြောက်ခြင်း ❌ ကလေးငယ်များ သို့မဟုတ် သက်ကြီးရွယ်အိုများတွင် ဝမ်းလျှောခြင်း
#ကျန်းမာရေး
