06/05/2026
#လေဖြတ်လေငန်းဖြစ်ချင်နေတဲ့လက္ခဏာတွေဖြစ်လာရင်
#ဘယ်လိုကုသကာကွယ်သင့်လဲ_ဆရာ ❓
#လေဖြတ်ချင်သလိုလိုဖြစ်နေတယ်
လေဖြတ်ခြင်းကို English လို Stroke လို့ခေါ်ပါတယ်
ဆေးပညာရပ်ဆိုင်ရာ အခေါ်က CVA - Cerebrovascular Accident ပါ
Cerebrovascular - ဦးနှောက်တွင်းမှာရှိတဲ့ သွေးကြောတွေ
Accident - ဖြစ်တာပါ။
သူ့အဓိပ္ပာယ်အတိုင်း တိုက်ရိုက်ဘာသာပြန်ကြည့်ရင်ကို ရောဂါအကြောင်းသိနိုင်ပါတယ်။
Accident ဆိုတာပါ - accident ဆိုတာ ရှောင်တခင်ရုတ်တရက် မမျော်လင့်ပဲဖြစ်လာတဲ့ အခြေအနေကိုခေါ်တာ သိကြမှာပေါ့
ကားအက်စီးဒန့်ဖြစ်တယ် 👉 ကြိုသိလား မသိပါဘူး
ဒါပေမယ့် ကားကို စစ်ဆေးမှုတွေ ၊ ကားတာယာစစ်ဆေးမှုတွေ မလုပ်ဘူး၊ ကားရဲ့ဘရိတ်တို့၊ အင်ဂျင်တို့ ချို့ယွင်းမှုရှိနေတယ်၊ ကားမောင်းကြမ်းတယ် ဆိုရင် Accident ဖြစ်နိုင်တယ်မလား
အဲ့လိုပါပဲ CVA - Cerebrovascular Accident က ကြိုမသိပါဘူး ရုတ်တရက်လေဖြတ်သွားပြီ ဆိုတာပဲရှိပါတယ်။
ကားမောင်းကြမ်းတာ၊ ကားကို မစစ်ဆေးတာလိုမျိုးပဲ
👉 အစားသောင်းကြမ်းတာ
👉 သွေးတိုးရောဂါ၊ ဆီးချိုရောဂါ၊ နှလုံးစည်းချက်မမှန်တဲ့ရောဂါ၊ အဝလွန်ရောဂါရှိနေပြီး သေချာကုသမှုမခံယူထားရင် #လေဖြတ်နိုင်ပါတယ်
ကျွန်တော်တို့လူမျိုးက
👉 ထုံကျဉ်တာ
👉 ကြက်သီးထသလို ခေါင်းမှာဖျင်းခနဲဖြစ်သွားတာ
👉 ချာချာလည်အောင်မူးတာ စတာတွေကို လေဖြတ်တာရဲ့ ရှေ့ပြေးလက္ခဏာတွေလို့ မှတ်ယူတတ်ကြပါတယ် ၊ #မဟုတ်ပါဘူး
အပေါ်ကပြောထားသလို
👉 အဆီ (အထူးသဖြင့် တိရိစ္ဆာန်က ရတဲ့အဆီ၊ စားအုံးဆီ) ၊ အချို (သကြား) ၊ အငန် (ငါးပိ၊ ငါးခြောက်၊ ငံပြာရည်၊ အချိုမှုန့် ၊ အသားမှုန့် ဘာပြောပြောအရသာရှိတဲ့အမှုန့် အစားများတဲ့သူတွေ
👉 အထိုင်များပြီး လှုပ်ရှားမှုနည်းသူတွေ
👉 ရောဂါအခံရှိတာကိုမသိသူတွေ ၊ သိရဲ့နဲ့ သေချာကုသမှုမခံယူသူတွေ
👉 ဆေးလိပ်သောက်သူ
👉 အရက်အလွန်အကျွံသောက်သူတွေဟာ #လေဖြတ်နိုင်ချေများတဲ့သူတွေပါ
လေဖြတ်တဲ့လက္ခဏာတွေကတော့
👉 ရုတ်တရက် ကိုယ်တစ်ခြမ်းအားလျော့သွားတာ ကစလို့ လုံးဝ မလှုပ်နိုင်တော့တာ +/- မျက်နှာတစ်ခြမ်းရွဲ့သွားတာ
👉 ရုတ်တရက် အစာမျိုလို့မရတော့တာ သီးနေတာ
👉 ရုတ်တရက် လျှာလေးသွားတာ
👉 ရုတ်တရက် ဒယိမ်းဒယိုင်ဖြစ်ပြီး ချာချာလည်အောင်မူးတာ အရာဝတ္ထုတွေကို နှစ်ထပ်မြင်တာ
👉 ရုတ်တရက်သတိလစ်သွားတာ ၊ တက်တာ
စတာတွေဖြစ်ပါတယ်
ဒီလက္ခဏာတွေဖြစ်ရင်
😓 သံပရာသီးနဲ့လှိမ့်တာ
😓 လက်ထိပ်ခြေထိပ်တွေက သွေးဖောက်ထုတ်တာ
😓 မက်ကလောင်ခြစ်တာ
😓 အနှိပ်ဆရာဆီမှာ နှိပ်တာ စတာတွေနဲ့ အချိန်မဖြုန်းပါနှင့် နီးစပ်ရာဆေးရုံသို့ အမြန်သွားရောက်ကုသမှုခံယူလိုက်ပါ။
______________
#မိမိကိုယ်ကိုယ်_နဲ့_လူကြီးမိဘများ_ကို_စောင့်ရှောက်ဖို့အတွက်
*** #လေမဖြတ်ရအောင်ဆိုရင်***
1. (သွေးတိုးရောဂါ ၊ နှလုံးသွေးကြောကျဉ်းရောဂါ၊ နှလုံးခုန်နှုန်း_မမှန်တဲ့ရောဂါ၊ ဆီးချိုရောဂါရှင်များ) သောက်နေကျဆေးများကို အချိန်မှန်မှန်၊ မပျက်မကွက်သောက်ကြပါ ၊ ရက်ချိန်းမှန်မှန်ပြကြပါ (ငွေရေးကြေးရေးခက်ခဲ ကြပေမယ့် အနည်းဆုံး ၃-၆ လ တစ်ခါလောက်ပြကြပါ)
2. အစားရှောင်ဖို့က တော့ အထူးတလယ်မှာစရာမလိုဘူးထင်ပါတယ် (အဆီ၊ အငန်၊ အချို) လျှော့စားပါ {မုန့်ဟင်းခါး/အုန်းနို့ခေါက်ဆွဲ ရှောင်ကြပေမယ့် 😰 အီကြာကွေးတို့ ၊ နံပြားတို့ကလည်း ဒုက္ခပေးပါတယ်}
3. ဆေးလိပ်ကတော့လုံးဝ (လုံးဝ) မသောက်ရပါဘူး
4. အရက်အလွန်အကျွံသောက်သုံးမှုကို ရှောင်ကြဉ်ရပါမယ် (မသောက်က အကောင်းဆုံးပါ)
5. ကိုယ်အလေးချိန်များနေရင် လျှော့ဖို့ကြိုးစားပါ
6. ရေများများသောက်ပါ ရေနွေးသောက်သောက်/ရေအေးသောက်သောက်ကြိုက်ရာသောက်ပါ (သတိတရနဲ့ သောက်ပေးကြပါ)
7. ကိုယ်လက်လှုပ်ရှားမှုလုပ်ပါ (ချွေးလေးနည်းနည်းစို့ရုံ ကြိုက်တဲ့ လှုပ်ရှားမှုလုပ်ပါ)
8. စိတ်ဖိစီးမှု၊ ပူပန်သောက တတ်နိုင်သလောက်လျှော့ချကြပါ
9. အိပ်ချိန်မှန်မှန် နဲ့ အိပ်ရေး ဝ ဝ အိပ်ပါ
10. သွေးကျဆေး၊ နှလုံးဆေး သောက်နေကြတဲ့ လူများအနေနဲ့ သွေးပေါင်ကျအောင်ဆိုပြီး ***သံပရာရည် မသောက်ကြပါနဲ့
(Photo credit; HealthJade)
ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ
ဆေးကုသခြင်း ကျန်းမာရေးစစ်ဆေးခြင်း စတဲ့ ကျန်းမာရေးစောင့်ရှောက်ခြင်းတွေအတွက် သွားလာရလွယ်ကူတဲ့ မြို့လယ်ခေါင်မှာရှိတဲ့ စျေးနှုန်းသင့်တင့်တဲ့ မေခလာအထူးကုဆေးခန်းမှာ အထွေထွေရောဂါအထူးကုဆရာဝန်ကြီးများနှင့် ပြသလို့ရပါတယ်
#မေခလာအထူးကုဆေးခန်း
ကြိုတင်ရက်ချိန်းယူရန်နှင့် စုံစမ်းရန် ➡️
☎️ 018375222, 018387721, 09886600300
📮 အမှတ် ၃၂၇၊ရွှေဘုံသာလမ်း(အပေါ်ဘလောက်)၊ပန်းပဲတန်းမြို့နယ်၊ရန်ကုန်မြို့။
