Maykhalar Specialist Clinic

Call Directions Contact the practice

Maykhalar Specialist Clinic Specialist Clinic

#နေပူထဲသွားရင်_မျက်နာမှာအနီကွက်ကြီးထွက်လာတယ် #အဆစ်လေးတွေ_ရောင်တယ်_ကိုက်တယ် ေမကောင်းဖြစ်တယ် ( ) #အရေပြားလေးဖ...
23/09/2026

#နေပူထဲသွားရင်_မျက်နာမှာအနီကွက်ကြီးထွက်လာတယ်
#အဆစ်လေးတွေ_ရောင်တယ်_ကိုက်တယ်
ေမကောင်းဖြစ်တယ်

( )
#အရေပြားလေးဖက်နာရောဂါ

ဖြစ်တာသိပ်မရှားပေမယ့် ၊ Covid ဖြစ်ပြီးနောက်ပိုင်းမှ လူတော်တော်များများ ကြားမိ၊ သတိထားမိလာကြတဲ့ရောဂါပါ။
ရောဂါ လက္ခဏာတွေကများသလို၊ Presentations တွေက စုံတဲ့အတွက် #ဗဟုသုတရစေရန်နှင့်၊ ရောဂါရှိတဲ့ သူများ #ဘာလို့ဖြစ်ရတာလဲ ဆိုတာ သိရှိစေရန် ရည်ရွယ်ပါတယ်။

Auto-Immune disease အမျိုးအစားထဲပါတဲ့ခန္ဓာကိုယ်ရဲ့ ကာကွယ်ရေးစနစ်ကမောက်ကမ ဖြစ်တဲ့ရောဂါပါ။

ထပ်ရှင်းရရင် ကျွန်တော်တို့ခန္ဓာကိုယ်က
Self - မိမိကိုယ်တိုင်လား ?
non-self ပြင်ပက ပစ္စည်းလား ? ဆိုတာကို ခွဲခြားသိ ပါတယ် ၊
ပြင်ပ ပစ္စည်း (ဥပမာ - ရောဂါပိုးတွေခန္ဓာကိုယ်ထဲရောက်လာရင် သတ်ပစ်တာပေါ့)
Auto Immune ရောဂါဆိုတာ အဗပါ်ကပြောတဲ့ self လား non self လား မခွဲနိုင်တော့တာပါ။ အဲ့လိုနဲ့ ကိုယ်ခံအားက ပိုး တွေဝင်လာမှ တိုက်ဖို့လုပ်တာမဟုတ်တော့ပဲ၊ မိမိ ခန္ဓာကိုယ်ရဲ့ Cells တွေကို
ပြန်တိုက်ခိုက်ဖျက်ဆီးတော့တာပါ။
__________
အဲ့ဒီရောဂါမှာရှိတဲ့ ဓာတ်ပစ္စည်းတွေထဲက ရောဂါလက္ခဏာ တော်တော်များများကို ရှင်းပြလို့ရတဲ့ Antibody တစ်မျိုးကို ရှင်းပြချင်ပါတယ်။

SLE (antiphospholipid syndrome)

သူက phospholipid ဆိုတဲ့ အဆီလွှာကို တိုက်ပါတယ်။
ပြဿနာက ကျွန်တော်တို့ရဲ့ ခန္ဓာကိုယ်က Cells တိုင်းကို ဖုံးအုပ်ထားတဲ့ အလွှာက phospholipid bilayer ပါ။
အဲ့တော့ phospholipid ကို တိုက်တဲ့ Antibody (ဓာတ်ပစ္စည်း) ထွက်တဲ့အတွက်
SLE အရမ်းဆိုးရင် မထိခိုက်တဲ့နေရာမရှိပါဘူး။

👉👉👉
cells တိုင်းကိုတိုက်တော့ နေရာတိုင်း ထိပေမယ့် cell တစ်လုံးစီရှိတဲ့နေရာလေးတွေက လက္ခဏာပိုသိသိသာသာပြပါတယ်
- Photosensitive ဖြစ်တယ်လို့ ခေါ်ပါတယ် နေရောင်နဲ့ထိရင် ရောဂါကြွပါတယ်
- အရေပြား ကသွေးကြော လေးတွေရောင်တော့ #အနီကွက်တွေ ထွက်ပါတယ် (မျက်နှာမှာ , ကိုယ်လုံးမှာ )
- အရေပြား Cells တွေမှာ အမွေးလည်းပါတော့ အမွေးကျွတ်ပါတယ် ဆံပင်ကျွတ်ပါတယ် (Hair loss)
- Mucosa လို့ခေါ်တဲ့ အလွှာတွေကို တိုက်တော့ ပါးစပ်နဲ့ နှာခေါင်းမှာ အနာလေးတွေပေါက်ပါတယ် (Oral and nasal ulceration)
- သွေးကြောလေးတွေရောင်စေတော့ သွေးကြောသေးသေးလေးတွေ အများကြီးစုထားတဲ့ အင်္ဂါ ကျောက်ကပ်ရောင်ပါတယ် (SLE nephritis)
- သွေး cells တွေကိုတိုက်တဲ့ အတွက် သွေးနီဥတွေပေါက်ကုန်ပါတယ်=> သွေးအားနည်းရောဂါရပါတယ် (Haemolytic anaemia) ၊သွေးဖြူဥတွေသေကုန်တဲ့အတွက် (ကူးစက်ရောဂါခဏ ခဏ ဖြစ်ပါတယ်)
- အဆစ်တွေကိုလည်းတိုက်တဲ့ အတွက် အဆစ်ရောင်ပါတယ်
- Serosa ဆိုတဲ့ အရေပြားလို ကိုယ်ခန္ဓာအတွင်းပိုင်းကို အုပ်ထားတဲ့ အလွှာကိုလည်း တိုက်တဲ့အတွက် (Serositis => Pleuritis အဆုတ်အမြှေးပါးရောင်ရင် #ရင်ပတ်အောင့်ပါတယ်၊ Pericarditis နှလုံးအမြှေးပါးရောင်ရင် #ရင်ပတ်အောင့်ပါတယ်၊ peritonitis => ဝမ်းခေါင်းအမြှေးပါးရောင်ရင် #ဗိုက်အောင့်ပါတယ်၊

👉👉👉
SLE လူနာတွေမှာက Antibody က ရှိပြီးသားပေမယ့် အရမ်းအင်အားမကောင်းသေးတဲ့ အချိန် လက္ခဏာမပြသေးပါဘူး။ ဒါပေမယ့် ကိုယ်ခံအားကို လှုံ့ဆော်တဲ့ ကိစ္စတွေရှိလာရင်ရောဂါကြွပါတယ်
- ရောဂါပိုးတစ်ခုခု ဝင်တာ
- ဆေး သောက်လိုက်တာ
- ပြင်ပကနေ Foreign body ဝင်ရင် ကိုယ်ခံအားကြွတဲ့ အတွက် တချို့ SLE လူနာတွေမှာ ကိုယ်ဝန်ရှိသွားတာက ရောဂါ ကြွစေတဲ့ အကြောင်းရင်းဖြစ်သွားပါတယ်

ကလေးဆိုတာ ကိုယ့်သွေးသားဆိုပေမယ့် "အဖေ"ဖြစ်သူရဲ့ DNA တစ်ဝက်ပါပါတယ် အဲ့တော့ Foreign body ပါပဲ။ ကလေးရှိနေတဲ့ အတွက် ကိုယ်ခံအားက ကြွလာပြီး ရောဂါလက္ခဏာတွေ ဆိုးလာရသလို (ကိုယ်ခံအားအရမ်း ကြွလာလျှင် ကလေးကို တိုက်ခိုက်ပစ်လိုက်ပါတယ်)
***SLE လူနာတွေမှာ ကလေး အဖတ်မတင်တတ်ပါဘူး

👉👉👉
#ရောဂါရှိကြောင်း_ဘယ်လိုသိမလဲ ⁉️

- အပေါ်ကရောဂါလက္ခဏာတွေအပြင်
- သွေးစစ်ပါတယ် (ANA, ENA profile)

👉👉👉
#ရောဂါရှိနေပြီ_ဘာလုပ်မလဲ ⁉️

ကိုယ်ခံအားက ပြဿနာဖြစ်နေတဲ့ အတွက်အပြီးပျောက်သွားအောင် မလုပ်နိုင်ပါဘူး။

ကိုယ်ခံအားတရားလွန်ထကြွမနေအောင်နဲ့
ကိုယ်ခံအား ကျသွားမရအောင် ထိန်းညှိပြီးဆေးပေးရပါတယ်။

အဓိက ကတော့ အရောင်ကျဆေးပေးလိုက်တာနဲ့ သက်သာပါတယ် ( )
ရေရှည်မှာ Steroid တွေက အန္တရာယ်ရှိတဲ့ အတွက်
ကိုယ်ခံအားထိန်းညှိဆေး Drugs တွေပေးပါတယ်။
နေရောင်နဲ့ထိရင် ရောဂါပိုကြွစေတဲ့ အတွက်နေပူမခံပါနဲ့။
ဆေးတွေကလည်း ရောဂါပိုကြွစေတဲ့ အတွက် ဆေးတစ်ခုခုသောက်မယ် ဆိုတိုင်း ဆရာဝန်နဲ့တိုင်ပင်ပြီးမှသောက်ပါ

👉👉👉
သတိထားရမှာတွေက မိမိရဲ့ကိုယ်ခံအားကို ထိန်းညှိထားတဲ့အတွက် ပုံမှန်လူတွေလောက် ***ကိုယ်ခံအားမကောင်းပါဘူး
ရောဂါပိုးတွေဝင်လွယ်ပါတယ်
ဆေးတွေကြောင့် ပိုးဝင်ရင်တောင်ချက်ချင်းမဖျားပါဘူး ဖျားပြီဆိုတာ တော်တော်ကိုဆိုးတဲ့ အခြေအနေဖြစ်နေပါပြီ။ ဖျားတာနဲ့ ချက်ချင်း ဆရာဝန်ပြပါ။
TB ရောဂါကူးလွယ်ပါတယ်၊ ဖြစ်လွယ်ပါတယ်
နာနေတတ်တဲ့အတွက် အကိုက်ပျောက်ဆေးတွေအလွယ်သုံးတတ်ပါတယ်၊ ရောဂါကိုယ်တိုင်က ကျောက်ကပ်ကိုထိခိုက်စေတဲ့ အတွက်ကိုယ်ဟာကို အကိုက်ပျောက်ဆေးတွေအလွယ်သုံးရင် ကျောက်ကပ်အမြန်ပျက်တတ်ပါတယ်
ဆေးမီးတိုတွေ လုံးဝ (လုံးဝ) မသောက်ပါနဲ့
👉👉👉
ဒီလောက်ဆိုရင် ရောဂါအကြောင်းနည်းနည်းတီးမိခေါက်မိပြီထင်ပါတယ်။
SLE ရောဂါ ကိုပြသရမယ့်ဆရာဝန်က ပါ။ အရိုးအဆစ်နှင့်လေးဖက်နာအထူးကုဆရာဝန် ဖြစ်ပါတယ်။
ကျောက်ကပ်ကိုပါ ထိခိုက်ရင်တော့ ကျောက်ကပ်အထူးကုဆရာဝန်ကြီးနဲ့ပါ တွဲပြီး ကြည့်ရှု့ကုသပေးပါလိမ့်မယ်

ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ

ဆေးကုသခြင်း ကျန်းမာရေးစစ်ဆေးခြင်း စတဲ့ ကျန်းမာရေးစောင့်ရှောက်ခြင်းတွေအတွက် သွားလာရလွယ်ကူတဲ့ မြို့လယ်ခေါင်မှာရှိတဲ့ စျေးနှုန်းသင့်တင့်တဲ့ မေခလာအထူးကုဆေးခန်းမှာ အထွေထွေရောဂါအထူးကုဆရာဝန်ကြီးများနှင့် ပြသလို့ရပါတယ်

#မေခလာအထူးကုဆေးခန်း
ကြိုတင်ရက်ချိန်းယူရန်နှင့် စုံစမ်းရန် ➡️
☎️ 018375222, 018387721, 09886600300
📮 အမှတ် ၃၂၇၊ရွှေဘုံသာလမ်း(အပေါ်ဘလောက်)၊ပန်းပဲတန်းမြို့နယ်၊ရန်ကုန်မြို့။

#ဝက်ခြံအမာရွတ်အမည်းစက်တွေမဖြစ်အောင်နဲ့ #အသားအရေတင်းရင်းနုပျိုအောင်_ဘာတွေလုပ်သင့်လဲ ❓ ကျွန်တော်တို့ ဆေးပညာမှာ ရ...
12/09/2026

#ဝက်ခြံအမာရွတ်အမည်းစက်တွေမဖြစ်အောင်နဲ့ #အသားအရေတင်းရင်းနုပျိုအောင်_ဘာတွေလုပ်သင့်လဲ ❓

ကျွန်တော်တို့ ဆေးပညာမှာ ရောဂါဖြစ်မှ အစွမ်းထက်ဆေးဝါးတွေနဲ့ ကုသရတာထက် ရောဂါဖြစ်မလာရအောင် တားဆီးတာက ပို အရေးကြီးပြီး အကျိုးများသလိုပါပဲ

အသားအရေကောင်းဖို့ ဈေးကြီးတဲ့ Cosmetic တွေထက် နေ့စဉ်နေထိုင်မှုပုံစံက အများကြီး ပိုအရေးကြီးပါတယ်။

☀️ ပြင်းထန်တဲ့ နေရောင်ခြည်ကို တိုက်ရိုက်မခံပါနဲ့။
နေရောင်ခြည်က အမည်းစက်တွေကို ပိုမိုထင်ရှားစေပြီး အသားအရေအိုမင်းရင့်ရော်ခြင်းကို မြန်စေနိုင်ပါတယ်။

😮‍💨 စိတ်ဖိစီးမှုကို လျှော့ချပါ။
Stress များခြင်းက ဝက်ခြံပိုထွက်စေနိုင်တာကြောင့် အနားယူချိန်၊ လေ့ကျင့်ခန်းနဲ့ စိတ်အပန်းဖြေမှုတွေကို ပုံမှန်လုပ်ပေးပါ။

🛌 အိပ်ချိန်မှန်မှန်နဲ့ အိပ်ရေးဝဝ အိပ်ပါ။
အသားအရေပြန်လည်ပြုပြင်ဖို့အတွက် အိပ်စက်ခြင်းက အရေးကြီးပါတယ်။

💧 ရေ လုံလောက်စွာသောက်ပါ။
ခန္ဓာကိုယ်ရေဓာတ်မလျော့အောင် ရေကို ပုံမှန်သောက်ပေးပါ။

🤚 မျက်နှာကို မကြာခဏမကိုင်ပါနဲ့၊ ဝက်ခြံကို မညှစ်ပါနဲ့။
ဝက်ခြံညှစ်ခြင်းက ရောင်ရမ်းမှုနဲ့ အမာရွတ်၊ အမည်းစက်ကျန်နိုင်ခြေကို ပိုတိုးစေပါတယ်။

🛏️ ခေါင်းအုံးစွပ်၊ မျက်နှာသုတ်ပဝါတွေကို သန့်ရှင်းစွာထားပါ။
အဆီ၊ ချွေးနဲ့ အညစ်အကြေးတွေ စုပုံမနေအောင် ပုံမှန်လဲလှယ်၊ လျှော်ဖွပ်ပေးပါ။

🥘 အစားအသောက်ကိုလည်း ဂရုစိုက်ပါ။
ဟင်းသီးဟင်းရွက်၊ အသီးအနှံ၊ အသားဓာတ် စတာတွေကို မျှတစွာစားပြီး အလွန်အကျွံ အချိုနဲ့ အဆီများတဲ့အစားအစာတွေကို လျှော့ပါ။

အသားအရေနုပျိုလှပဖို့ အဓိကက Cosmetic မဟုတ်ပါဘူး။
👉 အိပ်ရေးဝခြင်း
👉 စိတ်ဖိစီးမှုလျှော့ခြင်း
👉 နေရောင်ကာကွယ်ခြင်း
👉 သန့်ရှင်းရေး နဲ့ ကျန်းမာတဲ့နေထိုင်မှုပုံစံက အခြေခံအကျဆုံးပါ။

💄 နောက်ဆုံးအနေနဲ့ Skincare ပိုင်းမှာ—

မျက်နှာကို Gentle Cleanser နဲ့ သန့်ရှင်းပေးပြီး
ကိုယ့်အသားအရေနဲ့ သင့်တော်တဲ့ Moisturizer နဲ့ SPF 30+ Sunscreen ကို ပုံမှန်အသုံးပြုနိုင်ပါတယ်။ ဝက်ခြံနဲ့ အမည်းစက်ရှိသူတွေမှာ Salicylic acid, Azelaic acid, Niacinamide, Retinoid/Retinol စတဲ့ ပါဝင်ပစ္စည်းတွေကလည်း အထောက်အကူပြုနိုင်ပါတယ်။ ဒါလေးတွေ အသုံးပြုမယ်ဆိုရင်တော့ ကျွမ်းကျင်တဲ့ ပညာရှင်တွေနဲ့ တိုင်ပင်သင့်ပါတယ်။

ကျန်းမာရေးသာမကပဲ အလှအပရေးရာ ဆွေးနွေးတိုင်ပင်လိုပါက သွားလာရလွယ်ကူတဲ့ မြို့လယ်ခေါင်မှာရှိတဲ့ စျေးနှုန်းသင့်တင့်တဲ့ မေခလာအထူးကုဆေးခန်းမှာ အထွေထွေရောဂါအထူးကုဆရာဝန်ကြီးများ၊ အရေပြားနှင့်အလှပရေးရာဆရာဝန်ကြီးများ နှင့် ပြသလို့ရပါတယ်

#မေခလာအထူးကုဆေးခန်း
ကြိုတင်ရက်ချိန်းယူရန်နှင့် စုံစမ်းရန် ➡️
☎️ 018375222, 018387721, 09886600300
📮 အမှတ် ၃၂၇၊ရွှေဘုံသာလမ်း(အပေါ်ဘလောက်)၊ပန်းပဲတန်းမြို့နယ်၊ရန်ကုန်မြို့။

#ခေါင်းတခြမ်းတော်တော်ကိုက်တာ_အန်လည်းအန်တယ် #အခုနောက်ပိုင်းကိုက်တာ_စိပ်စိပ်လာတယ် ရှားရှားပါးပါး ခေါင်...
07/09/2026

#ခေါင်းတခြမ်းတော်တော်ကိုက်တာ_အန်လည်းအန်တယ်
#အခုနောက်ပိုင်းကိုက်တာ_စိပ်စိပ်လာတယ်


ရှားရှားပါးပါး ခေါင်းကိုက်ရောဂါတွေထဲက အမျိုးသမီးတွေ အဖြစ်များတဲ့ Migraine - ခေါင်းတစ်ခြမ်းကိုက်ရောဂါဟာ တော်တော်ကို ခံစားရခက်တဲ့ ဆိုးတဲ့ ရောဂါပဲ ဖြစ်ပါတယ်။
တချို့မှာ တစ်လ တစ်ကြိမ်လောက် ပုံမှန်ကိုက်လေ့ရှိပြီး တစ်ကြိမ်ထက်ပိုပြီး ကိုက်တတ်ရင်တော့ Frequent Migraine လို့ သတ်မှတ်ပါတယ်
- ခေါင်းကြီးတစ်ခြမ်း အခဲလိုက်ကြီးဖြစ်နေတယ်
- မျက်နှာတစ်ခြမ်းအမ်းနေတတ်တယ်
- ရင်ပြည့်နေတတ်ပြီး အန်တတ်တယ်
- အိပ်မရ စားမရ အလုပ်လုပ်မရနဲ့ တော်တော် ဆိုးတဲ့ ဝေဒနာပါ
- အများအားဖြင့် ၃ ရက်ဝန်းကျင် ခံစားရတတ်ပါတယ်
***လေဖြတ်တာ၊ ကင်ဆာဖြစ်တာ စတဲ့ နောက်ဆက်တွဲ ဆိုးကျိုးတွေ မဖြစ်တတ်ပေမယ့် အလွန်ဆိုးတဲ့ ဝေဒနာဖြစ်တာမို့***
👉 အကိုက်ခဲပျောက်ဆေးတွေ အလွန်အကျွံသောက်ရာက အစာအိမ်ရောင်ရောဂါ နဲ့ တွဲပြီး ဖြစ်တတ်ကြပါတယ်
အဲ့လောက်ဆိုးတာ တစ်လ တစ်ကြိမ်ထပ်ပို ဖြစ်ရင် သွားပြီပေါ့ ။
မဖြစ်ရအောင် ဆရာဝန်ပြတဲ့အခါ Prophylaxis အနေနဲ့ ဆေးတွေ ပေးပါလိမ့်မယ်။
ကျွန်တော်ကတော့ ထုံးစံအတိုင်း ဆောင်ရန် ရှောင်ရန်တွေ ရေးသားသွားပါမယ်။

ခေါင်းမကိုက်အောင် ကိုက်လည်းသိပ်မဆိုးရအောင် သူ့ကိုဖြစ်စေတဲ့ Triggering factors တွေကို ရှောင်ရပါမယ်။
1. အသံကျယ်ကျယ်၊ အလင်းစူးစူးတွေ ရှောင်ပါ
2. အစာရှောင်ပါ (chocolate, red wine, processed meats, sweeteners, cheese)
3. ခေါင်းကိုက်တဲ့ Diary ရေးထားပြီး ကိုယ်ဘာ နဲ့ မတည့်လဲ ရှာပါ
4. (Combined OC pills) ကိုယ်ဝန်တားဆေးတွေကလည်း ခေါင်းကိုက်စေတဲ့ အတွက် Migraine ရှိရင် OG ကို တိုင်ပင်ပြီး နည်းလမ်းရှာပါ
5. ရာသီဥတု ဆိုးရင်(ပူလွန်း/အေးလွန်း) လည်း ခေါင်းကိုက်တတ်တဲ့ အတွက် သက်တော့သက်သာရှိအောင်စီစဉ်နေထိုင်ပါ
6. အစာမှန်မှန်စားပါ၊ အိပ်ချိန်မှန်ပါစေ
7. စိတ်ဖိစီးမှု လျှော့ချပါ
8. Relaxing exercise ယောဂ လိုမျိုး လေ့ကျင့်ခန်း မှန်မှန်လုပ်ပေးပါ
* အစားအသောက် အာဟာရနဲ့ ပတ်သက်ရင်တော့
Magnesium ဓာတ်ကြွယ်ဝ တဲ့အစားအသောက်တွေ များများစားပါ
- အစိမ်းရင့်ရောင်ရှိတဲ့အရွက်တွေ
- ထောပတ်သီး
- တူနာငါး
Omega-3 ဓာတ်ကြွယ်ဝအောင်
- ငါး အမျိုးမျိုး ၊ အစေ့အဆံ များများစားရပါမယ်
* ရေဓာတ်ပြည့်ဝနေဖို့က အလွန်အရေးကြီးပါတယ် (သာမန်လူတွေမှာတောင် ရေဓာတ်ခမ်းခြောက်လျှင် ခေါင်းကိုက်တတ်တဲ့အတွက်ပါ)

ရှောင်ရမှာ/လျှော့စားရမယ့် အစားအသောက်တွေက
Tyramine ဆိုတဲ့ဓာတ်များတဲ့ အစားအစာတွေဖြစ်ပါတယ်။
- Cheese - Pizza အစရှိတဲ့ Cheese နဲ့ လုပ်ထားတဲ့ အစားအစာတွေ
- ကြာရှည်ခံအောင်ပြုပြင်ထားတဲ့ အစားတွေ ဆားသိပ်ထားတဲ့ အစားတွေ ငါးပိ ငါးခြောက်၊ ဝက်ပေါင်ခြောက်၊ ဝက်အူချောင်း၊ ကြက်အူချောင်း၊ ငံပြာရည်
- အချဉ်ဖောက်ထားတဲ့ အစားအစာတွေ - Kimchi ၊ ပဲပိစပ်
- အရက်အမျိုးမျိုး စတာတွေပေါ့
ခြုံပြောရရင် အဆီများတဲ့၊ အချဉ်ဖောက်ထားတဲ့၊ ဆားသိပ်ထားတဲ့ ၊ ကြာရှည်ခံအောင်လုပ်ထားတဲ့ အစားအသောက်မှန်သမျှ လျှော့စားရမှာပါ (ရှောင်နိုင်ရင် အကောင်းဆုံးပေါ့)

((( Migraine အကြောင်းပိုသိလိုလျှင် ဒီဆောင်းပါးလေးဖတ်ကြည့်ပါ 👉 https://m.facebook.com/story.php?story_fbid=396613355554407&id=104993831383029&mibextid=qC1gEa)))
(Photo Credit; Migraine)
(Ref: Healthline)
ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ

ဆေးကုသခြင်း ကျန်းမာရေးစစ်ဆေးခြင်း စတဲ့ ကျန်းမာရေးစောင့်ရှောက်ခြင်းတွေအတွက် သွားလာရလွယ်ကူတဲ့ မြို့လယ်ခေါင်မှာရှိတဲ့ စျေးနှုန်းသင့်တင့်တဲ့ မေခလာအထူးကုဆေးခန်းမှာ အထွေထွေရောဂါအထူးကုဆရာဝန်ကြီးများနှင့် ပြသလို့ရပါတယ်

#မေခလာအထူးကုဆေးခန်း
ကြိုတင်ရက်ချိန်းယူရန်နှင့် စုံစမ်းရန် ➡️
☎️ 018375222, 018387721, 09886600300
📮 အမှတ် ၃၂၇၊ရွှေဘုံသာလမ်း(အပေါ်ဘလောက်)၊ပန်းပဲတန်းမြို့နယ်၊ရန်ကုန်မြို့။

#စကားပြောရင်လျှာလိပ်သလိုခံစားရတယ်ဆရာ_အာရုံကြောအားဆေးတွေသောက်နေတယ် #လေဖြတ်မှာကိုကြောက်တယ် #ဘယ်လိုကုသမှုမျိုး_ခံယူသင့်ပါလ...
03/09/2026

#စကားပြောရင်လျှာလိပ်သလိုခံစားရတယ်ဆရာ_အာရုံကြောအားဆေးတွေသောက်နေတယ်
#လေဖြတ်မှာကိုကြောက်တယ်
#ဘယ်လိုကုသမှုမျိုး_ခံယူသင့်ပါလဲဆရာ ❓



#လေမဖြတ်ရအောင်_ဘယ်လိုလုပ်ကြမလဲ ❓

ကျွန်တော်ကြားဖူးတာ ကြုံဖူးတာတွေပေါ့

- သံပရာသီးနဲ့လှိမ့်တာ
- နင်း နှိပ် လိုက်တာ
- ခြေချောင်း ၁၀ ချောင်း၊ လက်ချောင်း ၁၀ ချောင်း ထိပ်တွေ အပ်နဲ့ဖောက်တာ
- နားရွက်ကို အပ်နဲ့ဖောက်တာ

စတာတွေ လုပ်တတ်ကြပါတယ်

အဲ့ဒါတွေက အကျိုးရှိ/မရှိ သိရအောင်
#လေဖြတ်တယ်_ဆိုတာဘာလဲ အရင်ဆုံးပြောပြပါမယ်

​Stroke (Cerebrovascular Accident)

လေဖြတ်တဲ့အခါ

👉 မျက်နှာတစ်ခြမ်းရွဲ့သွားတယ်
👉 ကိုယ်တစ်ခြမ်း ခြေ +/- လက် မလှုပ်နိုင်ဘူး ဒါမှမဟုတ် အားပျော့သွားတယ်

အဲ့လိုတွေ ဖြစ်သွားပေမယ့် ခြေထောက် နဲ့ လက် မှာရှိတဲ့ ကြွက်သားတွေ ၊ သွေးကြောတွေ အကုန်အကောင်းပါ
ဘာလို့ မလှုပ်ရတော့တာလဲ ဆိုတော့ သူတို့ကို ထိန်းချုပ်တဲ့ #ဦးနှောက်အစိတ်အပိုင်း_အလုပ်မလုပ်နိုင်တော့လို့ပါ။

👉 စကားမပီတော့ဘူး ၊ စကားမှန်မှန်မပြောနိုင်တော့ဘူး
👉 အစာမျိုမချ နိုင်ဘူး၊ ရေတောင် သီး နေတယ်

အဲ့လိုတွေ ဖြစ်သွားပေမယ့် ပါးစပ်ကကြွက်သားတွေ ၊ လျှာ ၊ လည်ပင်း အကုန် အကောင်းပါ။
ဘာလို့ ဖြစ်ရတာလဲ ဆိုတော့ သူတို့ကို ထိန်းချုပ်တဲ့ #ဦးနှောက်အစိတ်အပိုင်း_အလုပ်မလုပ်နိုင်တော့လို့ပါ။

#ဦးနှောက်အစိတ်အပိုင်း_ဘာလို့_အလုပ်မလုပ်နိုင် ရတာလဲ ❓

အဲ့ဒီအစိတ်အပိုင်းကို အစာအာဟာရ နဲ့ Oxygen ပို့ပေးတဲ့ သွေးကြော
🚨 ပိတ်သွားလို့ ဖြစ်စေ (ဦးနှောက်သွေးကြောပိတ်တယ်)
🚨 ပေါက်သွားလို့ ဖြစ်စေ (ဦးနှောက်သွေးကြောပေါက်တယ်/ဦးနှောက်သွေးကြောပြတ်တယ်)

အဲ့ဒါကြောင့်ဖြစ်ရတာပါ

ဦးနှောက်ထဲက သွေးကြောပြဿနာဖြစ်ပြီး
👉 ဦးနှောက်အစိတ်အပိုင်း ပျက်စီးသွားလို့
👉 သူထိန်းချုပ်ထားတဲ့ ကိုယ်အင်္ဂါအစိတ်အပိုင်း မလှုပ်ရှားနိုင်တာကို

ဘယ်လောက်နှိပ်/နှိပ် ဘယ်လောက်နင်းနင်း ဘာအကျိုးမှ မရှိပါဘူး။

#ဆင်ခြေပေးစရာရှိတာက အဲ့လို နှိပ်နေရင်းနဲ့ တချို့က ပြန်ကောင်းလာတတ်ပါတယ် #ဘာလို့လဲ ❓

သွေးခဲပိတ်သွားတဲ့ အခါ ခန္ဓာကိုယ်ရဲ့ သွေးခဲဖျော်စနစ်က အလုပ်လုပ်တဲ့အတွက် ပိတ်နေတဲ့ #သွေးခဲက_မကြီးခဲ့ရင် ဦးနှောက်အစိတ်အပိုင်း မပျက်စီးခင် သွေးကြောပြန်ပွင့်သွားတဲ့ အတွက် တချို့တလေ ပြန်ကောင်းရ ခြင်းဖြစ်ပါတယ်။ ✳️✳️✳️
___________

👉 လေဖြတ်တာကို သွေးပေါင်တက်တာ နဲ့ တွဲမှတ်ထားတတ်တဲ့အတွက်
ခြေထိပ်လက်ထိပ်လေးတွေက သွေးတွေဖောက်ထုတ်တတ်ကြပါတယ်။

သွေးဖောက်ထုတ်လိုက်တာနဲ့ သွေးပေါင်မကျပါဘူး

လေဖြတ်တဲ့လူနာဟာ သွေးပေါင်တက်လွန်းလို့ လေဖြတ်ရတာဖြစ်သလို
လေဖြတ်ပြီးတဲ့အခါမှာ ဦးနှောက်က သွေးကြောပိတ်နေတဲ့အတွက် ဦးနှောက်ဆီ အစာအာဟာရ နဲ့ Oxygen မရလို့ ဦးနှောက်က နှလုံးကို ငါ့ဆီသွေးမရောက်ဘူး ရောက်အောင်ပို့စမ်းဆိုပြီး လှမ်းခိုင်းတဲ့အတွက် သွေးပေါင်တက်နေတတ်ပါတယ် (Auto-regulation လို့ခေါ်ပါတယ်)
လေဖြတ်နေတဲ့ လူနာကို သွေးပေါင်အရမ်းအမြန်ကြီး မချတတ်ကြပါဘူး (***ဖြည်းဖြည်းနဲ့မှန်မှန်ပဲချရပါတယ်)
___________
နောက်အရေးကြီးတာက

🚨🚨🚨
***လေဖြတ်ကာကွယ်ဆေးဆိုတာ မရှိပါဘူး ***
___________
လေဖြတ်တာ ဘာလို့ဖြစ်ရတာလဲ သိပြီဆိုရင်

#လေမဖြတ်ရအောင်ဘာတွေ_လုပ်လို့ရသလဲ ❓

လေဖြတ်တယ်ဆိုတာ
- သွေးကြောပေါက်တာ
- သွေးကြောပိတ်တာပဲမို့

1. သွေးကြောတွေ ကျန်းမာနေရင် သွေးကြောမပေါက်ဘူး
2. သွေးကြောတွေ ကျန်းမာနေတာအပြင် သွေးပေါင်မှန်နေခြင်းကလည်း သွေးကြောမပေါက်စေဘူး
3. ခန္ဓာကိုယ်ထဲ မလိုအပ်ပဲ သွေးခဲလေးတွေ မဖြစ်ရင်သွေးကြောမပိတ်တော့ဘူး
4. သွေးကြောတွေက အဆီတွေနဲ့ ကျဉ်းမနေရင် သွေးကြောမပိတ်တော့ဘူး
5. တခါတလေ သွေးပေါင်တက်တဲ့အခါ သွေးကြောတွေက မာမနေရင် ကွဲမထွက်တော့ဘူးပေါ့
အဲ့ဒါတွေ ကာကွယ်နိုင်ရင် လေဖြတ်တာကာကွယ်နိုင်ပြီပေါ့။

#မိမိကိုယ်ကိုယ်_နဲ့_လူကြီးမိဘများ_ကို_စောင့်ရှောက်ဖို့အတွက်
1. (သွေးတိုးရောဂါ ၊ နှလုံးသွေးကြောကျဉ်းရောဂါ၊ နှလုံးခုန်နှုန်း_မမှန်တဲ့ရောဂါ၊ ဆီးချိုရောဂါရှင်များ) သောက်နေကျဆေးများကို အချိန်မှန်မှန်၊ မပျက်မကွက်သောက်ကြပါ ၊ ရက်ချိန်းမှန်မှန်ပြကြပါ (ငွေရေးကြေးရေးခက်ခဲ ကြပေမယ့် အနည်းဆုံး ၃-၆ လ တစ်ခါလောက်ပြကြပါ)
2. အစားရှောင်ဖို့က တော့ အထူးတလယ်မှာစရာမလိုဘူးထင်ပါတယ် (အဆီ၊ အငန်၊ အချို) လျှော့စားပါ {မုန့်ဟင်းခါး/အုန်းနို့ခေါက်ဆွဲ ရှောင်ကြပေမယ့် 😰 အီကြာကွေးတို့ ၊ နံပြားတို့ကလည်း ဒုက္ခပေးပါတယ်}
3. ဆေးလိပ်ကတော့လုံးဝ (လုံးဝ) မသောက်ရပါဘူး
4. အရက်အလွန်အကျွံသောက်သုံးမှုကို ရှောင်ကြဉ်ရပါမယ် (မသောက်က အကောင်းဆုံးပါ)
5. ကိုယ်အလေးချိန်များနေရင် လျှော့ဖို့ကြိုးစားပါ
6. ရေများများသောက်ပါ ရေနွေးသောက်သောက်/ရေအေးသောက်သောက်ကြိုက်ရာသောက်ပါ (သတိတရနဲ့ သောက်ပေးကြပါ)
7. ကိုယ်လက်လှုပ်ရှားမှုလုပ်ပါ (ချွေးလေးနည်းနည်းစို့ရုံ ကြိုက်တဲ့ လှုပ်ရှားမှုလုပ်ပါ)
8. စိတ်ဖိစီးမှု၊ ပူပန်သောက တတ်နိုင်သလောက်လျှော့ချကြပါ
9. အိပ်ချိန်မှန်မှန် နဲ့ အိပ်ရေး ဝ ဝ အိပ်ပါ
10. သွေးကျဆေး၊ နှလုံးဆေး သောက်နေကြတဲ့ လူများအနေနဲ့ သွေးပေါင်ကျအောင်ဆိုပြီး ***သံပရာရည် မသောက်ကြပါနဲ့

သံပရာရည်သောက်တာဟာ သွေးပေါင်ကျတယ် မဟုတ်ဘူးလား ဆိုတော့ "ဟုတ်ပါတယ် - သံပရာရည်သောက်တဲ့ အခါ #သာမန်လူတွေမှာ သွေးပေါင်မှန်တတ်တယ်လို့ ဆိုပါတယ်"
ဒါပေမယ့် သံပရာရည်ဟာ အသည်းမှာရှိတဲ့ Enzymes (ဆေးတွေကို ဖျက်ဆီးပစ်တဲ့ Enzymes) တွေပေါ်မှာ သက်ရောက်မှုရှိတဲ့ အတွက် သောက်နေကျဆေးတွေရဲ့ ရလဒ်တွေ အပြောင်းအလဲရှိသွားနိုင်ပါတယ်။

ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ

ဆေးကုသခြင်း ကျန်းမာရေးစစ်ဆေးခြင်း စတဲ့ ကျန်းမာရေးစောင့်ရှောက်ခြင်းတွေအတွက် သွားလာရလွယ်ကူတဲ့ မြို့လယ်ခေါင်မှာရှိတဲ့ စျေးနှုန်းသင့်တင့်တဲ့ မေခလာအထူးကုဆေးခန်းမှာ အထွေထွေရောဂါအထူးကုဆရာဝန်ကြီးများနှင့် ပြသလို့ရပါတယ်

#မေခလာအထူးကုဆေးခန်း
ကြိုတင်ရက်ချိန်းယူရန်နှင့် စုံစမ်းရန် ➡️
☎️ 018375222, 018387721, 09886600300
📮 အမှတ် ၃၂၇၊ရွှေဘုံသာလမ်း(အပေါ်ဘလောက်)၊ပန်းပဲတန်းမြို့နယ်၊ရန်ကုန်မြို့။

ကိုယ်အလေးချိန်ချချင်သူတွေကြားမှာ 🤔 “ဘယ် Diet က အမြန်ဆုံး ဝိတ်ကျစေမလဲ?” 🤔 “ဘယ်လောက်ကြာ Fast လုပ်ရမလဲ?” 🤔 “Keto လ...
30/08/2026

ကိုယ်အလေးချိန်ချချင်သူတွေကြားမှာ
🤔 “ဘယ် Diet က အမြန်ဆုံး ဝိတ်ကျစေမလဲ?”
🤔 “ဘယ်လောက်ကြာ Fast လုပ်ရမလဲ?”
🤔 “Keto လုပ်ရင် အမြန်ဝိတ်ကျမလား?” ဆိုတဲ့ မေးခွန်းတွေ အများကြီးရှိပါတယ်။

ကိုယ်အလေးချိန်ချဖို့ဆိုတာ လေ့ကျင့်ခန်းလုပ်ရုံ အစားမစားပဲနေရုံနဲ့ မပြီးပါဘူး

တကယ်တော့ ကျန်းမာစွာနဲ့ ရေရှည်ထိန်းသိမ်းနိုင်အောင် ကိုယ်အလေးချိန်ချဖို့ဆိုတာ နည်းလမ်းတစ်ခုတည်းနဲ့ မပြီးပါဘူး။

1. အစားအသောက်
2. လေ့ကျင့်ခန်း
3. နေ့စဉ်လှုပ်ရှားမှု
4. အိပ်စက်ခြင်းနဲ့
5. စိတ်ဖိစီးမှုကင်းဝေးခြင်း — စတဲ့ အရာအားလုံးကို ပေါင်းစပ်စဉ်းစားရပါတယ်။

၁။ အစားအသောက်က အရေးကြီးဆုံးအချက်တစ်ခုပါ

ကိုယ်အလေးချိန်လျှော့ချရာမှာ လေ့ကျင့်ခန်းထက် အစားအသောက်ကို ထိန်းချုပ်နိုင်ခြင်းက အလွန်အရေးကြီးပါတယ်။

“Gym သွားနေပြီဆိုတော့ ကြိုက်တာစားလို့ရတယ်” ဆိုတာ မမှန်ပါဘူး။

စားသုံးတဲ့ Calories က ကိုယ်ခန္ဓာအသုံးပြုတဲ့ Calories ထက် များနေမယ်ဆိုရင် လေ့ကျင့်ခန်းလုပ်နေသော်လည်း ကိုယ်အလေးချိန်ကျဖို့ ခက်နိုင်ပါတယ်။

ဒါကြောင့်—

* အစားအစာပမာဏကို ထိန်းပါ
* Protein - အသား လုံလောက်စွာစားပါ
* ဟင်းသီးဟင်းရွက်၊ အသီးအနှံတွေ ထည့်စားပါ
* အချိုရည်၊ သကြား၊ အဆီများတဲ့ အစားအစာတွေကို လျှော့ပါ
* ကိုယ်ကြိုက်တဲ့အစားအစာတွေကို လုံးဝဖြတ်ပစ်မယ့်အစား #ပမာဏနဲ့အကြိမ်ရေကို ထိန်းပါ

*** Diet ဆိုတာ မစားဘဲနေရတာမဟုတ်ပါဘူး။ မှန်ကန်တဲ့အစားအစာကို မှန်ကန်တဲ့ပမာဏနဲ့ စားတတ်ခြင်းပါ။

၂။ လေ့ကျင့်ခန်းကို နေ့စဉ်ပုံမှန်လုပ်ပါ

Weight loss အတွက် Exercise က အရေးကြီးပါတယ်။

သို့သော် တစ်ပတ်မှာ ၃–၄ ရက် Gym သွားပြီး ကျန်တဲ့အချိန်တွေမှာ ထိုင်နေခြင်းထက် နေ့စဉ်ဘဝမှာ လှုပ်ရှားမှုများပြားဖို့ ပိုအရေးကြီးပါတယ်။

Weight training၊ Cardio၊ Walking စတာတွေကို ကိုယ့်အခြေအနေနဲ့ ကိုက်ညီအောင် ပုံမှန်လုပ်ပါ။

အဓိကက—

တစ်ခါတည်းအများကြီးလုပ်ပြီး ရပ်သွားတာထက် နည်းနည်းစီနဲ့ ရေရှည်ဆက်လုပ်နိုင်တာက ပိုကောင်းပါတယ်။

၃။ Exercise တစ်မျိုးတည်းကို မမှီခိုပါနဲ့

“တစ်နေ့ Gym တစ်နာရီလုပ်ပြီးပြီ၊ ဒီနေ့တော့ လှုပ်ရှားစရာမလိုတော့ဘူး” ဆိုတာမျိုး မဖြစ်သင့်ပါဘူး။

ကျွန်တော်တို့ရဲ့ တစ်နေ့တာ Calories အသုံးပြုမှုမှာ Gym မှာလုပ်တဲ့ Exercise တစ်ခုတည်းမဟုတ်ဘဲ နေ့စဉ်လှုပ်ရှားမှုတွေလည်း ပါဝင်ပါတယ်။

ဒါကြောင့် Active Lifestyle တစ်ခု တည်ဆောက်ဖို့လိုပါတယ်။

ဥပမာ—

* လမ်းလျှောက်ခြင်း
* လှေကားအသုံးပြုခြင်း
* အလုပ်လုပ်ရင်း မကြာခဏထခြင်း
* အိမ်မှုကိစ္စလုပ်ခြင်း
* အချိန်ကြာကြာထိုင်နေခြင်းကို ရှောင်ခြင်း

Gym မှာ Exercise လုပ်တာနဲ့အတူ နေ့စဉ်ဘဝမှာလည်း တက်ကြွနေပါ။

၄။ အိပ်ရေးဝဖို့လည်း အရေးကြီးပါတယ်

Weight loss လုပ်တဲ့အခါ အစားအသောက်နဲ့ Exercise ကိုပဲ အာရုံစိုက်ပြီး အိပ်စက်ခြင်းကို မေ့သွားတတ်ကြပါတယ်။

အိပ်ရေးမဝတာ၊ အိပ်ချိန်မမှန်တာတွေက ဆာလောင်မှုနဲ့ အစားစားချင်စိတ်ကို ထိန်းချုပ်ရာမှာ အခက်အခဲဖြစ်စေနိုင်ပြီး Diet ကို ရေရှည်လိုက်နာဖို့လည်း ခက်ခဲစေနိုင်ပါတယ်။

ဒါကြောင့်—

စားတာကိုထိန်း၊ Exercise လုပ်၊ အိပ်ရေးလည်းဝအောင်အိပ်ပါ။

၅။ Stress ကိုလည်း လျှော့ချပါ

စိတ်ဖိစီးမှုများတဲ့အခါ အချို၊ အဆီများတဲ့အစားအစာတွေကို ပိုစားချင်လာတာ၊ Emotional Eating ဖြစ်လာတာတွေ ရှိနိုင်ပါတယ်။

ဒါကြောင့် Weight loss ဆိုတာ ကိုယ်ခန္ဓာကိုပဲ ထိန်းချုပ်ရတာမဟုတ်ဘဲ စိတ်ပိုင်းဆိုင်ရာကိုပါ ဂရုစိုက်ရတဲ့လုပ်ငန်းစဉ် ဖြစ်ပါတယ်။

လမ်းလျှောက်ခြင်း၊ Exercise လုပ်ခြင်း၊ အနားယူခြင်း၊ မိသားစု/သူငယ်ချင်းတွေနဲ့ အချိန်ပေးခြင်း၊ ကိုယ့်အတွက် အနားယူချိန်ထားခြင်းတွေက ကူညီနိုင်ပါတယ်။

၆။ အမြန်ဝိတ်ကျစေမယ့် Extreme Diet တွေကို မလိုက်ပါနဲ့

တစ်ပတ်အတွင်း ဝိတ်အများကြီးကျမယ်ဆိုတဲ့ Diet တွေ၊ Extreme Fasting တွေ၊ အစားအစာအုပ်စုတစ်ခုကို လုံးဝဖြတ်တဲ့ Diet တွေ၊ Keto စတဲ့ Diet ပုံစံတွေကို လူတိုင်းအတွက် “အကောင်းဆုံးနည်းလမ်း” လို့ မယူဆသင့်ပါဘူး။

အချို့လူတွေအတွက် အချို့သော Diet ပုံစံတွေက အသုံးဝင်နိုင်ပေမယ့် အရေးကြီးဆုံးက ရေရှည်လိုက်နာနိုင်ခြင်းနဲ့ အာဟာရပြည့်ဝခြင်း ဖြစ်ပါတယ်။

အလွန်အမင်း အစားလျှော့ခြင်း၊ အချိန်ကြာကြာ အစာမစားခြင်းတွေကြောင့် နေ့စဉ်လုပ်ငန်းဆောင်တာတွေ ထိခိုက်လာနိုင်ပြီး ရေရှည်မှာ Diet ကို ဆက်မလုပ်နိုင်တော့တာမျိုးလည်း ဖြစ်နိုင်ပါတယ်။

Weight loss က ပြိုင်ပွဲမဟုတ်ပါဘူး။

၇။ တစ်ပတ်ကို ၁ ပေါင်ခန့်ဆို လုံလောက်ပါတယ်

ကျန်းမာစွာ ကိုယ်အလေးချိန်လျှော့ချဖို့ဆိုရင် အများအားဖြင့် တစ်ပတ်ကို ၁ ပေါင်ခန့် လျှော့ချနိုင်တာဟာ သင့်တော်တဲ့ ရည်မှန်းချက်တစ်ခု ဖြစ်နိုင်ပါတယ်။

ဒါဆိုရင်—

တစ်လကို ၄ ပေါင်ခန့်ကနေ ၆ ပေါင်ခန့်အထိ

လျှော့ချနိုင်ရင် ကောင်းပါတယ်။

လူတစ်ဦးနဲ့တစ်ဦး ကိုယ်အလေးချိန်၊ ခန္ဓာကိုယ်ဖွဲ့စည်းပုံ၊ စားသောက်မှုပုံစံ၊ လှုပ်ရှားမှုပမာဏနဲ့ ကျန်းမာရေးအခြေအနေတွေ မတူတဲ့အတွက် Weight loss rate လည်း မတူနိုင်ပါတယ်။

ဒါကြောင့် Scale ပေါ်က နံပါတ်တစ်ခုတည်းကို မကြည့်ဘဲ ခန္ဓာကိုယ်အဆီ၊ ခါးအရွယ်အစား၊ ကြွက်သားပမာဏ၊ Fitness နဲ့ ကျန်းမာရေးအခြေအနေတွေကိုပါ စောင့်ကြည့်သင့်ပါတယ်။
__________
ကိုယ်အလေးချိန်ချဖို့အတွက် လျှို့ဝှက်ချက်ဆိုတာမရှိပါဘူး။

- စားတာကို ထိန်းပါ။
- Exercise ပုံမှန်လုပ်ပါ။
- နေ့စဉ်ဘဝမှာ Active ဖြစ်ပါစေ။
- အိပ်ရေးဝအောင်အိပ်ပါ။
- Stress လျှော့ပါ။
- Extreme Diet တွေကို မလိုက်ပါနဲ့။
- အရေးကြီးဆုံးက ရေရှည်ဆက်လုပ်နိုင်အောင် နေထိုင်မှုပုံစံကို ပြောင်းလဲပါ။

ဝိတ်ကျတာထက် ကျသွားတဲ့ဝိတ်ကို ရေရှည်မတက်အောင် ထိန်းထားနိုင်ခြင်း က ပိုအရေးကြီးပါတယ်။

ကျန်းမာတဲ့ခန္ဓာကိုယ်ရဖို့အတွက် Short-cut မလိုပါဘူး။
မှန်ကန်တဲ့အလေ့အကျင့်တွေကို နေ့တိုင်း နည်းနည်းစီလုပ်သွားရင် လုံလောက်ပါတယ်။

မိမိမှာ ရောဂါအခံတွေရှိနေတယ် ဒါမှမဟုတ် ကျန်းမာစွာကိုယ်အလေးချိန်ချဖို့ ကျွမ်းကျင်တဲ့ အထူးကုဆရာဝန်ကြီးတွေရဲ့ လမ်းညွှန်ချက်တွေ အတိုင်းလိုက်လုပ်မယ်ဆိုရင် မေခလာအထူးကုဆေးခန်းမှာ “Weight Loss, Slimming body transformation program” ရှိပါတယ်

#မေခလာအထူးကုဆေးခန်း
ကြိုတင်ရက်ချိန်းယူရန်နှင့် စုံစမ်းရန် ➡️
☎️ 018375222, 018387721, 09886600300
📮 အမှတ် ၃၂၇၊ရွှေဘုံသာလမ်း(အပေါ်ဘလောက်)၊ပန်းပဲတန်းမြို့နယ်၊ရန်ကုန်မြို့။

#အဖျားကြီးတယ်_အဖျားရက်ရှည်တယ် #နှာစေး_ချောင်းဆိုး_လည်ချောင်းနာ_ဆီးကျဉ်_ဘာမှမဖြစ်ဘူး #အရေပြားမှာ_အနီစက်လေးတွေထွက်လာတယ် #...
25/08/2026

#အဖျားကြီးတယ်_အဖျားရက်ရှည်တယ်
#နှာစေး_ချောင်းဆိုး_လည်ချောင်းနာ_ဆီးကျဉ်_ဘာမှမဖြစ်ဘူး
#အရေပြားမှာ_အနီစက်လေးတွေထွက်လာတယ်

#သွေးလွန်တုပ်ကွေး (Dengue Hemorrhagic Fever)
🚨 🚨 🚨

#ဖျားတယ် 🤒 High Grade Fever နဲ့ (၁၀၂-၁၀၃) လောက်ထိပဲ
😢 ဆေးသောက်၊ ရေပတ်တိုက်ခဏပဲ ကျတယ် ဆေးရှိန်ကုန်တာနဲ့ ပြန်ဖျားတော့တာပဲ
😢 နေ့စဉ်ရက်ဆက် ဆက်တိုက်ကို ဖျားတာ
😳 နှာမစေးဘူး၊ ချောင်းမဆိုးဘူး၊ လည်ချောင်းမနာဘူး၊ ရင်မကြပ်ဘူး

ကိုယ့်ကိုယ်ကိုယ်ကြတော့ 🤷‍♂️ ရိုးရိုးဖျားတာ (အပူရှပ်/အအေးပတ်တာ) လို့ထင်ကြတာကိုး

ဆိုတော့ကာ

🏘️ အိမ်မှာပဲနေတယ် (နီိးစပ်ရာတွေ မေးမြန်းပြီး) 💊 ဆေးတွေ သောက်တယ်ပေါ့

👉 ခန္ဓာကိုယ်မှာ အနီိစက်လေးတွေ ထွက်လာတယ်
👉 ဗိုက်နာလာတယ် (ညာဘက်နံရိုးအောက်)
👉 အန်လာတယ် (ကော်ဖီရောင်တွေ)
👉 နှာခေါင်းသွေး လျှံလာမယ်
👉 ခေါင်းအရမ်းကိုက်မယ်
👉 ခြေဖျား လက်ဖျားအေးလာတယ်
👉 အထိုင်အထတွေ မိုက်ခနဲ မိုက်ခနဲ ဖြစ်နေတယ်
အဲ့လိုနဲ့ ဆေးရုံဆေးခန်း မသွားပဲ ဆက်နေရင်း
👉 ရုတ်တရက် အဖျားကျသွားတယ်
👉 အဖျားကျသွားသလို လူလည်းမလှုပ်နိုင်တော့ဘူး၊ ခြေဖျား လက်ဖျားအေးစက်ပြီး၊ ခေါင်းတောင်မထောင်နိုင်တော့ဘူး

😰 အဲ့လို အခြေအနေဆိုရင်တော့ မကောင်းတော့ပါဘူး

Shock ရပါပြီ။
Dengue လို့ခေါ်တဲ့ #သွေးလွန်တုပ်ကွေး ပါ
Dengue Shock ပါ

#သေတတ်ပါတယ်
အရင်က 🧒 #ကလေးတွေမှာပဲ ဖြစ်တယ်လို့ ယူဆထားကြတာ 👉 ***လူကြီးတွေမှာဖြစ်ပါတယ် သေတတ်ပါတယ်

အဲ့ဒါကြောင့် အဲ့လို Shock အခြေအနေမျိုးထိမရောက်အောင် ကြိုတင်ကာကွယ်ကုသမှု ခံယူကြပါ

>>>>>>>>

#ကျောက်ကပ်ပျက်မှာစိုးလို့_Metformin_မသောက်ရဲဘူး #ဆီးချိုရောဂါ ၁။ မနက်စောစော အစာမစားခင် Fasting Blood Sugar > 126 mg% ...
22/08/2026

#ကျောက်ကပ်ပျက်မှာစိုးလို့_Metformin_မသောက်ရဲဘူး
#ဆီးချိုရောဂါ

၁။ မနက်စောစော အစာမစားခင် Fasting Blood Sugar > 126 mg% (7 mmol/L) ကျော်မယ်
( + )
၂။ အစာစားပြီး (၂) နာရီ မှာ 2 Hour post prandial > 200 mg% (11.1 mmol/L) ကျော်မယ် ဆိုရင်
၃။(၃) လ အတွင်း သွေးချိုထိန်း သိမ်းမှု အခြေအနေ HbA1C > 6.5 % ကျော်မယ် ဆိုရင်
ဆီးချိုရှိတယ်လို့ သတ်မှတ်ပါတယ်။
___________
#ဆီးချိုရောဂါ_ဘာလို့ဖြစ်တာလဲ ⁉️
ကျွန်တော်တို့ အစာစားလို့ အူလမ်းကြောင်းက အစာခြေပြီးရင် အာဟာရဓာတ် Glucose တွေကိုသွေးထဲစုပ်ယူလိုက်ပါတယ်
အစာစားပြီးချိန် သွေးထဲမှာ Glucose တွေများလာရင် (မုန့်ချိုအိတ်) လို့ခေါ်တဲ့ အင်္ဂါက Insulin ဆိုတာကိုထုတ်ပါတယ်
ခန္ဓာကိုယ်က Cells တွေထဲကို Glucose က ဒီတိုင်းဝင်လို့မရပါဘူး၊ Insulin နဲ့တူတူလာမှ Cells တွေက ပေးဝင်ပါတယ်။
အဲ့ဒါကြောင့် သွေးထဲမှာ Glucose တွေ များနေလည်း Insulin မရှိရင် Cells တွေက ငတ်နေလည်း Glucose ကိုသုံးလို့မရပါဘူး

#ဆီးချိုရောဂါ ဆိုတာလွယ်လွယ်ပြောရရင်

1. Insulin အထွက်နည်းလာလို့ (Insulin Deficiency)
2. နည်းနည်းပဲ ထွက်တဲ့ Insulin ကို ခန္ဓာကိုယ်က မသုံးနိုင်လို့ ပါ (Insulin Resistance)

***အစာ စားပြီး သွေးထဲမှာ Glucoses တွေများနေပေမယ့် ခန္ဓာကိုယ် က သုံးနိုင်ဖို့ကူပေးမယ့် Insulin က မရှိတော့
သွေးထဲမှာ များနေတဲ့ Glucose ကို ခန္ဓာကိုယ် က မသုံးနိုင်ပဲ လူက ဆာပြီးရင်း ဆာ ဖြစ်နေပါတယ်
စားလေ Glucoses များလေပါပဲ ဒါပေမယ့် ခန္ဓာကိုယ် က တော့ မသုံးနိုင်ပါဘူး***
___________
#ဘယ်လိုဖြေရှင်းကြမလဲ ⁉️

နံပါတ် (၁) ခန္ဓာကိုယ် ပျက်စီးမှုမဖြစ်ရအောင် Glucose ဖြစ်စေတဲ့ အစာတွေလျှော့စားမယ်။
နံပါတ် (၂) နည်းနည်းပဲ ထွက်တဲ့ Insulin ရဲ့ စကားကို နားမထောင်တာကို နားထောင်အောင်လုပ်တာ (Insulin resistance ဖြစ်နေတာကို လျော့ကျအောင်လုပ်တာ)
နံပါတ် (၃) အထွက်နည်းလာတဲ့ Insulin ကို ပိုထုတ်အောင် Pancreas ကို အတင်းခိုင်းတာ
___________
နံပါတ် (၁) နဲ့ (၂) က ရှင်းပြထားတဲ့ Post ရှိပါတယ်
(ဖတ်လိုက ဖတ်ကြည့်ကြပါ https://www.facebook.com/104993831383029/posts/386539676561775/?d=n)

နံပါတ် (၃) အတွက်ကတော့ #အထွက်နည်းလာတဲ့ Insulin ကို ပိုထုတ်အောင် ဆေးတွေနဲ့ ခိုင်းစေတာပါ။

ဆေးအမျိုးအစားတွေ အများကြီးရှိပါတယ်။
နာမည်ကိုက ဆီးချိုကျဆေး/ဆီးချိုထိန်းဆေး ဖြစ်လို့
1. ဆီးချိုကလိုအပ်တာထက်ပိုကျသွားလည်း အန္တရာယ်ရှိပါတယ်။
Insulin က Anabolic hormone ခန္ဓာကိုယ်တည်ဆောက်တဲ့ Hormone ဖြစ်လို့
2. Insulin ထွက်လာပြီး လူကစားသောက်နေရင်လည်း ပို "ဝ" လာနိုင်ပါတယ်
ဆေးစသောက်ရင် ကြုံရနိုင်တဲ့ကြောက်စရာ (၂) ခုပေါ့။
___________
" " ဟာ
- စားလိုက်တဲ့အစာကြောင့်တက်တဲ့ ဆီးချို ကိုကျစေလို့ Hypoglycaemia (ဆီးချိုကလိုအပ်တာထက်ပိုကျသွားတာမျိုး မဖြစ်ပါဘူး)
- အစာစားချင်စိတ်ကို ကျစေတဲ့အတွက် ဆီးချိုလူနာရဲ့ ကိုယ်အလေးချိန်ကို လျော့ကျစေပါတယ်။
အဲ့ဒါကြောင့်
👉 Metforminဟာတော်တော် ကောင်းတဲ့ ဆေး ပါ

🚨 အဲ့လိုကောင်းလွန်းတဲ့ ဆေး "Metformin" ကို လူနာရဲ့ ကျောက်ကပ်မကောင်းတဲ့အခါမှာတော့ ပေးလို့မရပါဘူး။
ကျောက်ကပ်မကောင်းတဲ့သူမှာ တော့ ပေးရင် lactic acidosis ဆိုတဲ့ သွေးတွင်း Acid ဓာတ်များပြီး အသက်အန္တရာယ်ဖြစ်စေနိုင်လို့ပါ။

👉 Metformin ဟာ #ကျောက်ကပ်_မပျက်စေပါဘူး***

***သေသေချာချာ မှတ်ထားကြပါ
❇️ Metformin က ကျောက်ကပ်မပျက်ပါဘူး
❇️ ကျောက်ကပ်မကောင်းတဲ့ လူတွေမှ Metformin မသောက်ရတာပါ။
___________
#နိဂုံးချုပ်ရရင်

🧐 ဆီးချိုစဖြစ်တဲ့သူတွေက (ဘယ်ကကြားမှန်းမသိတဲ့) ကျောက်ကပ်ပျက်မှာစိုးလို့ ဆိုတဲ့ အကြောင်းပြချင်နဲ့ Metformin မသောက်ချင်ကြပါဘူး 😢
👉 သောက်ရပါမယ်***

🧐 ဆီးချိုဖြစ်တာဆယ်စုနှစ်နဲ့ချီကြာခဲ့ပြီး #ကျောက်ကပ်အားနည်းလာတဲ့အခါမှာ ဆရာဝန်တွေက Metformin ကို တခြားဆေးနဲ့ လဲပေးလိုက်ကြပါတယ်။
ဒါပေမယ့်
- လူနာက Metformin နဲ့မှ ဆီးချိုထိန်းလို့ ရတာဆိုပြီး ကိုယ့်သဘောနဲ့ကိုယ် ပြန်သောက်ကြပါတယ်
❌ မသောက်ကြပါနဲ့

အပေါ်မှာပြောထားတဲ့ lactic acidosis ဆိုတဲ့ သွေးတွင်း Acid ဓာတ်များပြီး အသက်အန္တရာယ်ဖြစ်စေနိုင်ပါတယ်။

(photo credit; wearephlo)
ကျန်းမာရေးဗဟုသုတတိုးပြီး
သက်ရှည်ကျန်းမာ စိတ်ချမ်းသာကြပါစေ

ဆေးကုသခြင်း ကျန်းမာရေးစစ်ဆေးခြင်း စတဲ့ ကျန်းမာရေးစောင့်ရှောက်ခြင်းတွေအတွက် သွားလာရလွယ်ကူတဲ့ မြို့လယ်ခေါင်မှာရှိတဲ့ စျေးနှုန်းသင့်တင့်တဲ့ မေခလာအထူးကုဆေးခန်းမှာ အထွေထွေရောဂါအထူးကုဆရာဝန်ကြီးများနှင့် ပြသလို့ရပါတယ်

#မေခလာအထူးကုဆေးခန်း
ကြိုတင်ရက်ချိန်းယူရန်နှင့် စုံစမ်းရန် ➡️
☎️ 018375222, 018387721, 09886600300
📮 အမှတ် ၃၂၇၊ရွှေဘုံသာလမ်း(အပေါ်ဘလောက်)၊ပန်းပဲတန်းမြို့နယ်၊ရန်ကုန်မြို့။

#ဆီးအရောင်ရင့်ပြီး_မျက်လုံးလေးဝါကျင်ကျင်ဖြစ်လာတယ် #အစားအသောက်ပျက်ပြီး_ဗိုက်ညာဘက်ကအောင့်အောင့်နေတယ် #အသည်းရောင်...
20/08/2026

#ဆီးအရောင်ရင့်ပြီး_မျက်လုံးလေးဝါကျင်ကျင်ဖြစ်လာတယ်
#အစားအသောက်ပျက်ပြီး_ဗိုက်ညာဘက်ကအောင့်အောင့်နေတယ်
#အသည်းရောင်အသားဝါအေ (Hepatitis A)
အသည်းရောင်အသားဝါရောဂါ ဆို B ပိုး C ပိုးပဲ အသိများကြသလိုပါပဲ
ကျွန်တော်တို့ငယ်ငယ်က တော့ အသည်းရောင်အသားဝါ A က အဖြစ်များပါတယ် - ရေသန့်တွေသောက်ကြတယ်၊ အစားအသောက်ကို သေချာချက်ပြုတ်စားသောက်နေကြတော့ မဖြစ်တာတော်တော်ကြာခဲ့ပါပြီ
ဒါပေမယ့် ဒီရက်ပိုင်း အသည်းရောင်အသားဝါ A ပိုး ပြန်ဖြစ်တာ တွေ့လာရပါတယ်
🤒 အဖျားလေးတက်ပြီး တုပ်ကွေးလိုကိုယ်လက်ကိုက်ပါတယ်
(နှာစေး ချောင်းဆိုး လည်ချောင်းနာတာတော့ မရှိပါဘူး)
🤢 အစားအသောက်ပျက်ပြီး ပျို့နေပါတယ်
😓 ဆီးအရောင်ရင့်တယ် မျက်လုံးလေးဝါရာကနေ အသားပါဝါလာတတ်ပါတယ်
🤢 ဗိုက်နာပါတယ် အထူးသဖြင့် ဗိုက်ညာဘက်နံရိုးအောက်ပေါ့
* သတိမထားမိရင် တုပ်ကွေးနဲ့ အစာအိမ်ရောင်တာလို့ လျှော့တွက်မိတတ်ပါတယ်

အကိုက်ခဲပျောက်ဆေး အဖျားကျဆေးတွေ ထပ်သောက်ရာကနေ အသည်းရောင်တာ ဆိုးသွားတတ်ပါတယ်
ကျွန်တော်တို့လည်း ဗိုက်အောင့်လူနာလာရင် သတိထားပြီး #မျက်လုံးဖြဲကြည့်နေရပါတယ် ဝါနေသလားပေါ့

B ပိုး C ပိုး နဲ့ မတူတာက
👉 နာတာရှည်အသည်းရောဂါ မဖြစ်သွားတတ်ပါဘူး
👉 မသန့်ရှင်းတဲ့ ပိုးရှိနေတဲ့ အစားအသောက် ၊ ရေ ကနေကူးစက်ပါတယ်
👉 ရောဂါရှိနေတဲ့သူနဲ့ ထိတွေ့ကိုင်တွယ်မိပြီး အစားအသောက်ကို လက်သေချာမဆေးပဲစားရင် ကူးတတ်ပါတယ်
* ကူးစက်လွယ်ပါတယ်
ရောဂါဖြစ်နေတဲ့သူက သူတပါးကိုမကူးစက်ရအောင်အထူးသတိထားဖို့လိုသလို အတူနေမိသားစုကလည်း အထူးဂရုစိုက်ရပါမယ် (လက်သေသေချာချာ ဆေးကြပါ)

Virus ဖြစ်တဲ့အတွက်ကြောင့်တော့ ကုသတဲ့ဆေး တိတိကျကျမရှိပါဘူး (အများစုမှာ သူ့ဟာသူပျောက်ပါတယ်)
Supportive Care အနေနှင့်
- အစာကောင်းကောင်းဝင်အောင်စားရပါမယ်
- ရေများများသောက်ရပါမယ်
- ပျို့နေအန်နေတာ အတွက်တော့ ဆေးကုသဖို့လိုအပ်ပါတယ်
- အစာမဝင်ရင်တော့ Drip ချိတ်ဖို့လိုအပ်ပါတယ်
- အသည်းရောင်နေတာမို့ အသည်းရောင်တာပိုဆိုးစေတဲ့ အရက် ၊ အကိုက်ခဲပျောက်ဆေးတွေ ရှောင်ဖို့လိုအပ်သလို Herbal medicine တိုင်းရင်းဆေးတွေ ရှောင်ဖို့လိုအပ်ပါတယ် (အစာမကြေဘူး လျက်ဆားလေးလျက်လိုက်ဦးမယ် မလုပ်ပါနဲ့)
Self limiting- အများစုမှာ သူ့ဟာသူပျောက်သွားတတ်ပေမယ့်
အသည်း​ရောင်တာအရမ်းဆိုးတဲ့အခါ (အစာမဝင် ပျို့အန် ဗိုက်အောင့် နုံးချိနေရင်တော့ ဆေးရုံတက်ရောက်ဖို့လိုအပ်ပါတယ်)
သတိထားဖို့ကတော့ *အသားဝါပြီးနေမကောင်းတာဖြစ်​တဲ့အခါ အသည်းရောင်အသားဝါ A ဟုတ်မဟုတ်က သွေးစစ်ဆေးမှ သိနိုင်တာမို့ တခြားကြောက်စရာ အသည်းရောင်အသားဝါရောဂါတွေကို အရင်ဆုံး Exclude လုပ်ဖို့လိုအပ်ပါသေးတယ်

ထုံးစံအတိုင်း မဖြစ်ခင်က ကာကွယ်တာအကောင်းဆုံးမို့
- အစားကိုသေချာစွာချက်ပြုတ်စားသောက်ပါ
- ရေသန့်သောက်ပါ (ရိုးရိုးရေသောက်ပါက ကျိုချက်၍သောက်ပါ)
- လက်သေသေချာချာဆေးပါ (ခဏခဏဆေးပါ)
အသည်းရောင်အသားဝါ A ကာကွယ်ဆေး တော့ရှိပါတယ် (အနောက်နိုင်ငံက လူတွေ ကျွန်တော်တို့ဆီလာရင် ထိုးလာတတ်ကြပါတယ်)
Single Dose တစ်ကြိမ်ပဲထိုးရပါတယ် - ဆေးထိုးပြီး ၂ ပတ်ကြာလျှင် ဆေးအစွမ်းစရှိပါပြီ တစ်နှစ်ကြာလျှင် Booster တစ်ကြိမ်ထိုးပါက ၂၅ နှစ်အထိ ကာကွယ်နိုင်ပါတယ်
(Photo credit- CDC)
ကျန်းမာရေးဗဟုသုတ တိုးပြီး
သက်ရှည်ကျန်းမာ စိတ်ချမ်းသာကြပါစေ

ဆေးကုသခြင်း ကျန်းမာရေးစစ်ဆေးခြင်း စတဲ့ ကျန်းမာရေးစောင့်ရှောက်ခြင်းတွေအတွက် သွားလာရလွယ်ကူတဲ့ မြို့လယ်ခေါင်မှာရှိတဲ့ စျေးနှုန်းသင့်တင့်တဲ့ မေခလာအထူးကုဆေးခန်းမှာ အထွေထွေရောဂါအထူးကုဆရာဝန်ကြီးများနှင့် ပြသလို့ရပါတယ်

#မေခလာအထူးကုဆေးခန်း
ကြိုတင်ရက်ချိန်းယူရန်နှင့် စုံစမ်းရန် ➡️
☎️ 018375222, 018387721, 09886600300
📮 အမှတ် ၃၂၇၊ရွှေဘုံသာလမ်း(အပေါ်ဘလောက်)၊ပန်းပဲတန်းမြို့နယ်၊ရန်ကုန်မြို့။

Address

327, Shwe Bon Thar Street (Upper Block), Pabedan Township
Yangon

Opening Hours

Monday 08:00 - 18:00
Tuesday 08:00 - 18:00
Wednesday 08:00 - 18:00
Thursday 08:00 - 18:00
Friday 08:00 - 18:00
Saturday 08:00 - 18:00
Sunday 08:00 - 18:00

Telephone

+959886600300

Website

Alerts

Be the first to know and let us send you an email when Maykhalar Specialist Clinic posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Maykhalar Specialist Clinic:

Shortcuts

Share

Category