Shop With Me

Call Directions Contact the practice

Shop With Me Health and Beauty

06/10/2025

ဆရာမကြီးဒေါက်တာဒေါ်ခင်နွယ်ဝင်းရေးသားထားသော စာစုကိုကူးယူဖော်ပြပါသည်။

Baking Soda အပိုင်း ၁. ၂. ၃

Baking Soda အပိုင်း၁.

မိတ်ဆွေများ တောင်းဆိုနေကြတဲ့ Baking Soda အသုံးပြုပုံ နည်း အမျိုးမျိုးကို ဖော်ပြလိုက်ပါတယ်။

Baking soda ဟာ လွန်စွာမှ အသုံးဝင်ပြီး ဈေးလဲချိုတာမို့ အိမ်တိုင်းမှာ ဆောင်ထားသင့်ပါတယ်။
အသုံးဝင်ပုံတွေကတော့ အမျိုးစုံနေတာပါပဲ။

လူအများစုက မုန့်ဖုတ်ရာမှာ သုံးကြပါတယ်။
အိမ်သန့်ရှင်းရေးမှာလဲ အလွန်အသုံးဝင်ပါတယ်။
အခြားအသုံးဝင်ပုံတွေကလဲ အများကြီး ရှိပါတယ်။

မီးဖိုချောင်အတွက် အရင်ပြောပြပါမယ်။
အလွန်အသုံးဝင်ပါတယ်။

၁.မီးဖိုချောင်အတွက် အရေးကြီးတဲ့ အသုံးဝင်ပုံကတော့ မတော်တဆ ချက်ရင်းပြုတ်ရင်း ကြော်ရင်းလှော်ရင်းနဲ့ မီးတောက်ကြီးလာပြီး မီးစတင်လောင်ခြင်း ဖြစ်ပါတယ်။
အထူးသဖြင့် ဆီနဲ့ အပူပြင်းပြင်း ကြော်ကြတဲ့ အခါမျိုးမှာပေါ့။

အခုလို အရေးပေါ်အခြေအနေမျိုးမှာ ထိတ်လန့်တကြားနဲ့ ရေကို လှမ်းယူကြတာများပါတယ်။
အထူးသဖြင့် ဆီနဲ့ ကြော်ကြသည့်အခါ အပူချိန် သိပ်များသွားသည် ဖြစ်စေ/ ဆီလျှံတက်သည့်အခါဖြစ်စေ မီးတောက် ကြီးမားထက်သန်လာတတ်ပါတယ်။

အခုလိုဖြစ်လာရင် ရေ သို့မဟုတ် ဂျုံမှုံ့ကို လုံးဝ မသုံးသင့်ပါ တဲ့။
မီးကို ကူးစက်ပျံ့ပွါးတတ်ပါတယ်တဲ့။
လောင်နေတဲ့အိုးကိုလဲ မီးဖိုချောင်အပြင်ကို ကြိုးစားပြီး မထုတ်သင့်ပါတဲ့။ မီးဖိုချောင်အပြင်ဖက်သို့ မီးကူးသွားနိုင်လို့ပါ။ ထုတ်သွားသူကိုလဲ မီးကူးစက်တတ်ပါတယ်။

မီးတောက်ကို ထိန်းသိမ်းဖို့ဟာ Baking soda အမှုံ့များများကို လောင်းချရပါမယ်တဲ့။
Baking soda ဟာ အပူနဲ့ထိရင် carbon dioxide ထွက်လာလို့ပါပဲ။
ထွက်လာတဲ့ carbon dioxide ဟာ မီးကို ငြိမ်းသွားစေနိုင်ပါတယ်တဲ့။

Baking soda မရှိရင် ဆားကို သုံးပါ။
ဆားက မီးနဲ့ လေကို ကြားခြားပေးလိုက်လို့ပါတဲ့။ (barrier between fire and air)
မီးဆက်လောင်ဖို့ လိုအပ်သည့် oxygen မရနိုင်တော့ပါ။

အရေးပေါ် အနေနဲ့ ရေအစား baking soda ကို ချက်ချင်းသုံးလို့ရတယ်ဆိုတာကို ပြောနေတာပါ။

အိမ်သုံး fire extinguisher အချို့မှာ Sodium bicarbonate ပါပါတယ်။

မီးဖိုချောင်ထဲမှ စပြီးမီးလောင်ရင်
ရေမသုံးသင့်ပါ။
Use baking soda or salt.
များများသာ လောင်းချလိုက်ပါ။

၂.Kitchen sink အတွက်
အနံ့အသက်တွေ မကောင်းရင် သန့်ရှင်းရေး ပြုလုပ်နည်း
မီးဖိုချောင်က kitchen sink ကို သန့်ရှင်းရေး ပြုလုပ်ရာမှာ သုံးလို့ ရပြန်ပါတယ်။
Sink ရေပိုက်တွေ သန့်စင်နေဖို့ဆိုရင် မကြာခဏ ဆိုသလို baking soda အမှုံ့ကို drain ထဲ ဖြူးထည့်ပြီး ရေပူပူ လောင်းချပါ။

သန့်ရှင်းရေး သေသေချာချာ လုပ်ချင်တယ်ဆိုရင်တော့ baking soda နဲ့အတူ ရှာလကာရည်ပါ လိုလာပါပြီ။

(က).ရေနွေးဆူဆူတည်ပြီး sink drain ထဲသို့ အရင်လောင်းထည့်ပါ။
(ခ).baking soda ကို ခွက်တစ်ဝက် 1/2 cup လောင်းထည့်လိုက်ပါ. ၅ မိနစ်လောက်စောင့်ပါ။
(ဂ).ရှာလကာရည်၁ခွက် + ရေပူပူတစ်ခွက် အရောကို baking soda လောင်းထားသည့် အပေါ်ကနေ
လောင်းထည့်လိုက်ပါ။
(ဃ) drain ပိုက် ပိတ်နေရင် ( ဆို့နေရင် ) ၁၀ မိနစ်လောက် စောင့်ပါ။
ပိတ်မနေရင် ၁၀မိနစ်စောင့်စရာမလိုပါ။
(င). အပေါ်ကနေ ရေနွေးဆူဆူ တစ်အိုးလောင်းချပါ။

အိမ်ရှင်မတွေအတွက် ဆက်ပါဦးမည်။

အိမ်ရှင်မတွေ ဗဟုသုတရှိဖို့ အရေးကြီးပါတယ်။

Baking Soda အပိုင်း၂

၃.မီးဖိုချောင် အမှိုက်ပုံး
အမှိုက်ပုံးဟာ နံနေတတ်ပါတယ်။ ရှိသမျှ မီးဖိုချောင်အမှိုက်တွေ ပစ်ထည့်သည့်နေရာ မဟုတ်ပါလား?
အနံ့အသက်တွေ သက်သာဖို့ဆိုရင် Baking Soda ကို သတိရလိုက်ပါ။
အမှိုက်ပုံးက တဖြေးဖြေးပြည့်လာတာနဲ့အမျှ baking soda ကို အထပ်လိုက် ထည့်ထားလိုက်ပါ။
ဆိုလိုချင်တာက အမှိုက်တွေပေါ်ကနေ baking soda အမှုံ့တွေကို ဖြူးပြီး သူ့အပေါ်က အမှိုက်တွေကို ဆက်ထည့်ပါ။
Baking Soda က အနံ့အသက်တွေကို စုတ်ယူပါလိမ့်မယ်။
ပုရောဆိတ်/ ပိုးဟပ်/ ကြွက်ရန်ကပါ သက်သာသွားနိုင်ပါတယ်။
အမှိုက်ပုံးကို ဆေးဖို့ဆိုရင် Baking soda ၁ ခွက် ကို ရေ ၁ ဂါလံနဲ့ ရောပြီး ဆေးပါ။
အမှိုက်ပုံးကိုလဲ မကြာခဏ ဆေးပေးရပါတယ်။

၃.မီးဖိုချောင်ရှိ ရေခဲသေတ္တာ
ရေခပ်နွေးနွေးလေး + baking soda + ရှာလကာရည် ကို အသုံးပြုပြီး ရေခဲသေတ္တာကို ဆေးကြောသုတ်သင်လို့ ရပါတယ်။
မတော်တဆ ဟင်းတွေ ဖိတ်ကုန်လို့ ပေရေညစ်ပတ်နေတာတွေကိုလဲ သန့်ရှင်းသွားစေပါတယ်။
ဆေးကြောပြီးရင် Baking soda Fridge-n-Freezer package ကို ထောင့် တစ်နေရာရာမှာ ထားလိုက်ပါ။

၄.မီးဖိုချောင်ကြမ်းရော ?
မီးဖိုချောင်က ကြွေပြားအခင်း / ဖရောင်းပုဆိုးကြမ်းခင်း ဆိုရင်
1/2cup of baking soda ကို ရေပုံးတစ်ပုံးထဲမှာ ဖျော်ပြီး သုံးလို့ ရပါတယ်။ ရေက နွေးနွေးလေးဆိုရင် ကောင်းပါတယ်။ mop နဲ့ သုတ်သင်ပါ။
Alkaline baking soda ဟာ မီးဖိုချောင်မှအဆီအစွန်းတွေ / အစားအသောက်မှ အပေအရေ ညစ်ပတ်တာတွေ ထွက်သွားပါလိမ့်မယ်။
ပြီးရင် ရိုးရိုးရေနဲ့ နောက်တစ်ထပ်ပြန်သုတ်ပါ။
အခြောက်ခံထားလိုက်ပါ။

၅.Oven cleaning
သိပ်မပေရေတဲ့ oven အတွက်ဆိုရင်
Baking soda ခွက်တစ်ဝက် + ရေ ထမင်းစားဇွန်း ၃ ဇွန်း ရောနယ်ပါ။
Oven က racks ( စင်တွေ )တွေ အကုန်ထုတ်ပစ်ပါ။
Heating elements တွေကို ရှောင်ပြီး baking soda paste ကို ညစ်ပေနေတဲ့နေရာတွေ အနှံ့ လိုက်သုတ်ပါ။ လက်အိပ် ဝတ်ထားပါ။
Oven ရဲ့ မှန်တွေပါ သုတ်လို့ ရပါတယ်။
မိနစ်၂၀ ခန့် ထားလိုက်ပါ။
Wet paper towel နဲ့ oven အတွင်း အနှံ့ လိုက်သုတ်ပါ။
ရေ၃ဆ + ရှာလကာရည် ၁ဆ နဲ့ ဖျော်ထားတဲ့ရေ ကို သုံးပါ။

Oven က သိပ်ပေရေညစ်ပတ်နေတယ်ဆိုရင်
Baking soda ၁ ပေါင်
ဆား ထမင်းစားဇွန်း၁ ဇွန်း
ရေ ထမင်းစားဇွန်း ၂ ဇွန်း
ရောနယ်ပြီး paste ခပ်ပြစ်ပြစ် ဖြစ်နေပါစေ။ လိုအပ်ရင် ရေ ဇွန်းတစ်ဝက်လောက် ထည့်နိုင်ပါတယ်။
Paste နဲ့ အနှံ့လိုက်သုတ်ပါ both metal and glass surfaces.
တစ်ည ထားလိုက်ပါ။ မနက်ကျရင် paste ဟာ တောင့်တင်းနေပါလိမ့်မယ်။
လက်အိပ်ဝတ်ပြီး အဝတ်အစိုနဲ့ လိုက်သုတ်ပါ။
Oven သန့်ရှင်းသွားပါလိမ့်မယ်။

Baking soda အပိုင်း၃

အသီးအရွက်တွေကို baking soda နဲ့ ဆေးပါ။
Baking soda လဖက်ရည်ဇွန်း၁ ဇွန်း + ရေ အေး ၂ခွက်
အသီးတွေကို ၁၅မိနစ်ခန့်စိမ်ထားရင် သုတ်ထားတဲ့ ဖရောင်းတွေ ထွက်သွားပါလိမ့်မယ်။
ပြီးရင် ရေပြန်ဆေးချပြီးစားလို့ ရပါပြီ။
အသားတွေကိုလည်း ထိုနည်းလည်းကောင်း ဆေးလို့ရပါတယ်။

အဝတ်လျော်သည့်အခါ ထည့်သုံးရင် အဝတ်တွေ ပိုပြီး စင်ကြယ်/ ပိုဖြူ/ အနံ့ အသက်တွေပါ ပျောက်နိုင်ပါတယ်။
Washing machine နဲ့လျော်သည် ဖြစ်စေ/ လက်နဲ့ လျော်သည်ဖြစ်စေ baking soda 1/2 cup ထည့်လိုက်ပါ။
Washing machine သုံးရင် baking soda အမှုံ့ ကို washing machine ထဲမှာ အရင် ဖြူးထည် / အဝတ်တွေထည့်/ အဝတ်လျော်ဆပ်ပြာကို သုံးနေကျအတိုင်းထည့်လျော်ပါ။
အဝတ်တွေကိုလဲ ပျော့ပြောင်း စေပါတယ်တဲ့။
ပိုကောင်းချင်ရင် နောက်ထပ် 1/2 cup of baking soda ကို rinse cycles မှာ ထပ်ထည့်လိုက်ပါ။

Baking soda နှင့်ပတ်သက်သည့် အခြေခံ သိသင့်ထိုက်သည့် အချက်အလက်များ

၁.ဝယ်ထားပြီး ဘယ်လောက်ကြာကြာခံပါသလဲ?
၃နှစ်ပါတဲ့။
ဘူးမှာပါတဲ့ expiration date ကို ဖတ်ကြည့်ပါ။

၂.ရေခဲသေတ္တာထဲမှာ ထားတဲ့ baking soda ဘူးကို အရင်က ၃ လတစ်ခါမှ လဲလှယ်ခိုင်းရာကနေ အခု ဘာကြောင့် တစ်လတစ်ခါ လဲခိုင်းရပါသလဲ?
ဆက်လက်ပြုလုပ်နေသော သုတေသနအရ တစ်လကြာတဲ့အခါ အနံ့အသက်တွေကို စုတ်ယူလို့ အတော်လေး ပြည့်ဝသွားပြီ ဖြစ်လို့ ရေခဲသေတ္တာမှ အနံ့အသက်တွေ ပိုပြီးကောင်းနေစေချင်တယ်ဆိုရင် တစ်လတစ်ခါ လဲလှယ်ပေးသင့်ပါတယ်။

၃.Baking soda နဲ့ Baking powder ဘယ်လိုကွာခြားမှု ရှိပါသလဲ?
Baking soda က ရာနှုံးပြည့် sodium bicarbonate စစ်စစ် ဖြစ်ပါတယ်။
Baking powder ကျတော့ baking soda 30% လောက်သာပါပြီးအခြား အက်စစ် အမျိုးအစားတွေ ပါဝင်နေပါတယ်။
မုန့်ဖုတ်သည့်အခါ နှစ်မျိုးလုံးကို မုန့်ပွစေဖို့ အသုံးပြုပါတယ်။
ကိုယ်အသုံးပြုရန် လိုအပ်သည့်အလျောက် သုံးရပါတယ်။
Baking soda ကို အက်စစ်ဓာတ်ပါတဲ့ အရာများနှင့် တွဲသုံးလေ့ရှိပါတယ်။
Baking powder ကျတော့ အက်စစ် အရာတွေ မပါတာနဲ့တွဲသုံးလေ့ရှိပါတယ်။

Credit. - To A Better Health

06/10/2025

Copy

ဆရာမကြီးဒေါ်ခင်နွယ်ဝင်းရဲ့
ကျန်းမာရေးဆိုင်ရာဆေးပညာဗဟုသုတများကို
လေ့လာကြတဲ့အခါ
လူတိုင်းအရိုးစွဲအောင်မှတ်မိ
ကျင့်သုံးနေကြတဲ့
""အဆီလျှော့စားပါ၊
နွားနို့သောက်ပါ ၊ဆားလျှော့စားပါ""
ဒါတွေဟာ လုံးဝမှားယွင်းနေတယ်ဆိုတာသိခဲ့ရ
ပါတယ်။

အဆီဟာ ဦးဏှောက်ကိုအားပေးပြီး
ကိုယ်အလေးချိန်လျှော့ချတဲ့ဆေးများဟာ
လူတွေကိုကြီးစွာသောဒုက္ခကိုဖြစ်စေပါတတ်၊
cholestrol ချဆေးများဟာ ခန္ဓာကိုယ်ထဲရှိတဲ့
COQ10 ကိုဖြတ်ချ ဖျက်ဆီးပစ်တာပါဘဲ
ဒါကြောင့်Statin တွေသောက်မိသူတွေဟာ
နှလုံး ဦးဏှောက်နဲ့အာရုံကြောတွေကိုထိခိုက်
ပြီးဒုက္ခရောက်နိုင်ပါတယ်

(D3)-သောက်ခြင်းဖြင့် စိတ်ကျမ်းမာရေးကို
အထောက်အကူဖြစ်စေပါတယ် ရောဂါကာကွယ်
တဲ့စနစ်ကိုလည်းမြှင့်တင်ပေးပါတယ်
အရိုးကိုအားဖြည့်ပေးလို့အရိုးပွ အရိုးပါး
မဖြစ်စေနိုင်ပါ

(Super k)=super k ထဲမှာk1/k2(mk7)
k2(mk4) တွေပါပါတယ် ပိုလျှံနေတဲ့ဒုက္ခပေးမဲ့
calciumတွေကိုအရိုးထဲဆွဲထဲ့ပေးပါတယ်

(Magnesium )=ဟာ အကြောအချင်ဆန့်ခြင်း
ကျုံ့ခြင်း လှုပ်ရှားမှုတိုင်းကို လွယ်ကူသက်သာ
ပျော့ပြောင်းစေပါတယ် citrate နဲ့Malateကို
သာသောက်ရန်သင့်ပါတယ်

(COQ10)= ခန္ဓာကိုယ်အတွင်း ကြက်ဥအနှစ်နဲ့
တိရိစ္ဆာန်များအူစုံအသည်းစုံစားခြင်းမှာရ ရှိနိုင်
တဲ့ဓါတ်ဖြစ်ပါတယ် နှလုံးကိုအားဖြည့်ပေးနိုင်
ပါတယ်

(PROBIOTIC)= ဆိုတာအူလမ်းကြောင်းမှာ
အစာခြေနိုင်ဖို့အတွက်ခန္ဓာကိုယ်တွင်းသဘာဝ
အကျိုးပြုပိုးကလေးများဟာ ANTIBIOTIC
ဆေး တွေ အစာအိမ်နာ၍သောက်မိသောACID BLOCKER များကြောင့်ပျက်စီးဆုံးရှုံးကုန်တတ်
ပါတယ်၊ သူတို့မရှိရင်စားသမျှအစာအာဟာရများ
ရဲ့အများစုကိုမချေဖျက်နိုင်ဘဲရောဂါအမျိုးမျိုး
ဖြစ်စေတတ်ပါတယ် ။
ဒါကြောင်သဘာဝအကျိုးပြုပိုး ပြန်ဖြည့်ဆည်းဖို့သောက်ကြရပါတယ်။
သက်ရှိပိုးများဖြစ်သောကြောင့် ဆေးဗူးဖေါက်ပြီး
ရေခဲသေတ္တာ(OR) အေးမြသောအရိပ်ရနေရာ
မှာသိမ်းရပါတယ်။

(COD LIVER OIL/OMEGA 3 )=
ဝေလငါးကြီးများ ရဲ့အဆီဟာ လူခန္ဓာကိုယ်အတွက်အလွန်အားပြည့်ဝစေပါ
တယ် ၊ မလိုအပ်သောပိုလျှံ အဆီများကိုလည်း
ဖယ်ရှားပေးနိုင်ပြီးဦးဏှောက်အတွက်ကောင်းမွန်တဲ့အဆီလိုအပ်ချက်ကိုဖြည့်ပေးနိုင်ပါတယ်၊
cod liver oil ကတော့ရည်အသွေးအပြည့်ဝဆုံး
ဖြစ်ပြီးomega 3 တို့သောက်မယ်ဆိုရင်
DHA 500/EPA400 ပြည့်ပါဝင်တာရွေးဝယ်
ကြပါ။

(B12)= အသက်ကြီးသူများအဓိကလိုအပ်တဲ့
မှတ်ဥာဏ်ချို့ယွင်းသတိမေ့တတ်ခြင်း၊အယ်ဇိုင်း
မား ၊ပါကင်ဆန် စတဲ့အာရုံကြောရောဂါများ
အတွက် အရေးကြီးလိုအပ်ပါတယ်။

FOLATE= B12နဲ့တွဲသောက်ရန်လိုအပ်သော
သံဓါတ်folic acid ရဲ့Alkalime form
စိတ်တိုလွယ် စိတ်လှုပ်ရှားမှုအတွက်အားဖြည့်ပေး
ပါတယ်
B6(PYRIDOXYL 5 PHOSPHATE)+
B12+FOLATE နဲ့တွဲသောက်ရန်လိုအပ်သော
ဓါတ်ဖြစ်ပါတယ် B6 ရိုးရိုးထက် P5P ဟာ
ခန္ဓာကိုယ်တွင်းဓါတ်ပြုရန်လွယ်ကူစေပြီးသွေး
လေညီညွတ်စေပါတယ်

(MACUGUARD )= မျက်စိအတွင်းအာရုံကြောနှင့်ဆဲလ်များအားဖြည့်
ပေးသောအားဖြည့်ဆေးပါ
(&Astaxanthin ပါတာ တိမ်အတွက် သောက်တာပါ)

(UNIQUE E)(ABCORBATE C)(VIT A)
တို့နှင့်တွဲသောက်ရန်လိုအပ်ပါတယ်

TNG or (METABOLIC ADVENTAGE)
(SELENIUM) & (ZINC)=thryoid အားနည်းရောဂါ
HYPOTHRYOID လူနာများသောက်သုံးသင့်သည့်
ဗီတာမင်

(L glutamin powder)=အရိုးစွတ်ပြုတ်
မသောက်နိုင်သူများ အားဖြည့်ဓါတ်စာ

(curcumin)= ဆနွင်းမှုန့်သဘာဝantioxident

(Cinsulin)=ဆီးချိုထိန်းရန်သောက်သုံးသင့်
သည့်သစ်ဂျပိုးခေါက်မှုန့်ဓါတ်စာ

(R lippolic acid)=ဆီးချိုသမားများသောက်ရန်
သင့်တော်သောထုံကျင်မှုအတွက်အားဖြည့်ဆေး

(D ribose powder)သောက်သင့်-အချိုအစားထိုး
အင်အားပြည့်ဝစေသောကာဗွန်၅လုံးပါသကြား

(Electrolyte powder)= လန်းဆန်းအားပြည့်
စေသည့် အားဖြည့်ဓါတ်ဆား

(Iodoral)= အမျိုးသားများဆီးကျိတ်ရောဂါ
အမျိုးသမီးများ ရင်သားအကျိတ်မဖြစ်စေရန်
အားဖြည့်အိုင်အိုဒင်း thryoid အားနည်းသူများ
metabolic ကဲ့သို့သောက်ရန်သင့်သည့်ဆေး

(Super digestive)= အစာကြေဆေး

(melatonin)= ဦးဏှောက်အတွက် antioxident
ဖြစ်စေပြီးနှစ်ခြိုက်စွာအိပ်ပျော်စေနိုင်သောဆေး

(Cram max)= ဆီးလမ်းကြောင်းပိုးဝင်ခြင်း
အတွက်သင့်သည့်ဆေး

(milk thistle)=အသည်းအားဖြည့်ဆေး

(Ox Bile)=အဆီကိုချေဖျက်ပေးသောသည်း‌ခြေဆေး၊ရင်ပြည့်ရင်ကယ်/လေပူလေပွ သမားများသောက်သင့်သည်

(B.1-3/1-6 d glutan)ခုခံအားမြှင့် စေရန်
D3နှင့် တွဲသောက်ရန်အားဖြည့်ဆေး

(N-acetyl cysteine)=antioxident Gluthioneဖြစ်ပါတယ် အာရုံကြောoxidentive stress များကာကွယ်ပေးပြီးအသည်းကိုကျန်းမာ
စေတယ်၊ ခုခံအားမြင့်စေတယ်၊ အသက်ရှူလမ်း
ကြောင်းကိုလည်းကျန်းမာစေပါတယ်။

***မိမိရောဂါနှင့်ကိုက်ညီသောဆေးကိုလေ့လာ
တတ်စေရန် ရည်ရွယ်ပြီးတင်ပေးတာပါ
ချို့ယွင်းချက်များရှိပါက အကြံပေးနိုင်ပါတယ်
Credit #

04/05/2024

ဖြည့်စွက်စာ ( supplements ) ဘယ်လိုသောက်မလဲ။

ဖြည့်စွက်စာ ( supplements ) ဘယ်လိုသောက်မလဲ မေးကြသူတွေအတွက် ၂၀၂၀ ၊ ဇွန်လအထိ မှတ်သားမိသမျှ ရေးပါတယ်။

1. ဗိုက်တာမင် D3 ကို မနက် သို့မဟုတ် နေ့လည်အစာစားပြီးသောက်နိုင်ပါတယ်။

2. မက်ဂနီဆီယမ် ( magnesium) ဖြည့်စွက်စာများကို တစ်လုံးတည်းသောက်တဲ့အခါ ညဘက်သောက်ပါ။ အစာစားပြီးသောက်ဖို့လိုပါမည်။

3. မက်ဂနီဆီယမ် ( magnesium) ဖြည့်စွက်စာများကို ၂ လုံးသောက်ရမည်ဆိုလျှင် မနက် နှင့် ည သောက်ပါ။ အစာစားပြီးသောက်ဖို့လိုပါမည်။

4. မက်ဂနီဆီယမ် ( magnesium) ဖြည့်စွက်စာများကို ၃ လုံးသောက်ဖို့လိုလျှင် မနက်၊ နေ့လည်၊ ည သောက်ပါ။ အစာစားပြီးသောက်ဖို့လိုပါမည်။

5. မက်ဂနီဆီယမ် ( magnesium) ဖြည့်စွက်စာများကို ၄ လုံးသောက်ရမည်ဆိုလျှင် မနက် ၂ လုံး နှင့် ည ၂ လုံးသောက်ပါ။ အစာစားပြီးသောက်ဖို့လိုပါမည်။

6. ဇင့် ( Zinc ) ကို 30 mg ကနေ 50 mg ထိ ညစာစားပြီးသောက်နိုင်ပါတယ်။ ဇင့်သောက်တဲ့အခါ တစ်ချို့လူများမှာ ပျို့အန်ချင်စိတ်ပေါ်လာတတ်ပါတယ်။

7. ဆယ်လီနီယမ်ကို တစ်ချို့က အစာမစားမီသောက်တဲ့အခါ အဆင်မပြေတတ်ပါ။
အစာမစားမီသောက်လို့ အဆင်မပြေတဲ့အခါ အစာစားပြီးသောက်ပါ။

8. ဗိုက်တာမင် K2 ဖြည့်စွက်စာများကို မနက် သို့မဟုတ် နေ့လည်အစာစားပြီးသောက်နိုင်ပါတယ်။

9. ပရိုဘိုင်အိုတစ်ကို အစာစားပြီးသောက်နိုင်ပါတယ်။ တစ်ချို့က အစာစားပြီးသောက်တဲ့အခါ လေပွတတ်ပါတယ်။ ပရိုဘိုင်အိုတစ် အစာစားပြီးသောက်တဲ့အခါ လေပွတတ်သူတွေအတွက် အစာမစားမီ မိနစ် ၃၀ ကြိုပြီး သောက်လို့ရပါတယ်။

10. Ox bile & digestive enzymes ဖြည့်စွက်စာကို အစာမစားမီ ၁၅ မိနစ် ကြိုသောက်ပါ။

11. Betaine HCl ကို အစာစားပြီး ၁၅ မိနစ်အတွင်းသောက်သင့်ပါတယ်။

12. Betaine HCl , Ox bile & digestive enzymes ပေါင်းထားတဲ့ ဖြည့်စွက်စာကို အစာစားပြီးမှသောက်ပါ။

13. Cold pressed virgin coconut oil ကို အစာစားပြီး သောက်ကြပါတယ်။ ဝမ်းသွားဖို့ သောက်ချင်သူတွေက မနက်စစောစောစီးစီး အစာမစားမီသောက်ကြပါတယ်။ မနက်စစောစောစီးစီး အစားမစားမီသောက်တဲ့အခါ ဗိုက်နာတတ်ပါတယ်။

14. MCT oil ကို ထမင်းစားပြီး 2 နာရီကျော်မှသောက်ပါ။

15. ဆီကို နနွင်းထည့်သောက်တဲ့အခါ အစာစားပြီးမှသောက်ပါ။

16. N acetyl cystiene ( NAC ) , L carnitine & L glutamine တွေ ကို အစာမစားခင် 2 နာရီ၊ အစာစားပြီး 2 နာရီကျော်မှ သောက်ပါ။

17. Melatonin , GABA & L theanine တွေကို တွေ ကို ညစာစားပြီး ၂ နာရီကျော်မှ သောက်ပါ။ ညအိပ်ချိန်မရောက်ခင် ၁ နာရီကြိုသောက်သင့်ပါတယ်။

18. Vitamin C နှင့် ငါးကြီးဆီကို အစာစားပြီးမှသောက်ပါ။ ငါးကြီးဆီးကို ညစာ နှင့် သောက်တဲ့ အချို့လူတွေမှာ အိပ်မပျော်ဖြစ်တတ်ပါတယ်။

19. ဗိုက်တာမင် B များ ( B1, niacin, B5, B2, B6, B12, folate ) ကို အစာနှင့်အတူ သောက်ပါ။ တသ်ချို့လူတွေ သောက်လို့မရပါ။

20. CoQ 10 ကို မနက်စာစားပြီးသောက်တာပိုအဆင်ပြေပါတယ်။ ကျောက်ကပ်အစားထိုးထားသူတွေကို CoQ10 (30 mg ) ကို တစ်နေ့ သုံးကြိမ်သောက်ခိုင်းပါတယ်။

21. R lipolic acid ကို အစာစားပြီး ၁ နာရီကျော်မှ သောက်သင့်ပါတယ်။

22. D ribose တွေကို အစာစားပြီးမှ သောက်ပါ။ ကော်ဖီ၊ လက်ဖက်ရည်ကြမ်း၊ လက်ဖက်ရည်၊ သံပုရာရည် ၊ အသီးဖော်ရည်များထဲ ထည့်သောက်နိုင်ပါတယ်။

23. Cod liver oil မှာ omega 3 အပြင် ဗိုက်တာမင် D နှင့် A အနည်းငယ်ပါဝင်ပါတယ်။ အစားစာပြီးမှသောက်ပါ။ နနွင်းနဲ့လည်း တွဲသောက်လို့ရပါတယ်။

24. Milk thistle ကို အစာစားပြီးသောက်ပါ။ Selenium နှင့် ဗိုက်တာမင် B တွေနဲ့ တွဲသောက်နိုင်ပါတယ်။

Brand name နှင့် ဖြည့်စွက်စာတွေအတွက်

1. Jarrow က ထုတ်တဲ့ collagen type -1 ကို အစားမစားမီ ၁ နာရီမှာ ၆ လုံးသောက်ရပါတယ်။ ကျွန်တော်ကတော့ မနက်စာ မစားမီ ၃ လုံး နေ့လည်စားမစားမီ ၃ လုံး ခွဲသောက်ပါတယ်။

2. CanPrev တံဆိပ်နဲ့ antioxidant network supplements ကို ကျွန်တော်သောက်တုန်းက တစ်ရက် နှစ်လုံးသောက်ပါတယ်။ အစာစားပြီးသောက်ရတာပါ။ နောက်ပိုင်း CanPrev antioxidant network supplement အစား Jarrow က ထုတ်တဲ့ S acetyl L glutathione ကို ပြောင်းသောက်ပါတယ်။

3. Jarrow က ထုတ်တဲ့ S acetyl L glutathione မှာ glutathione 100 mg ပါဝင်ပါတယ်။ Glutathione 100 mg ဆိုတော့ ပမာဏနည်းပါတယ်။ နေ့စဉ်အဆိပ်ထုတ်လုပ်ငန်းကို ဆိုးကျိုးမရှိစေဘဲ လုပ်ဆောင်နိုင်အောင် glutathione 100 mg လောက်ကိုသာ ထည့်ထားတယ်လို့ပြောပါတယ်။ ကျွန်တော်က မနက်စာစားပြီးသောက်ပါတယ်။

4. Allergy Research Group ကထုတ်တဲ့ 200 mg of zen ကိုတော့ ညအိပ်ယာမဝင်ခင် တစ်နာရီမှာ ၁ လုံး သို့မဟုတ် ၂ လုံးသောက်ပါ။

5. Allergy Research Group ကထုတ်တဲ့ Thyroid glandular supplement ကို မနက်စာစားပြီးသောက်ပါ။ ကျွန်တော်ကိုယ်တိုင်သောက်နေတာပါ။

6. D ribose အနေနဲ့ ကျွန်တော်အသုံးပြုနေတာ PowerfulHealth တံဆိပ်ပါ။ စျေးသက်သာတာကြောင့်သုံးတာတော့ မဟုတ်ပါ။ အနံ၊ အရသာမပါဝင်လို့ လိုသလို သုံးလို့ရတာပါ။ အခြားဓာတုပစ္စည်းမပါတာကြောင့် ခဲတတ်သော သဘောရှိပါတယ်။
မနက် ကော်ဖီသောက်တိုင်း ထမင်းစားဇွန်းနဲ့ကို ထည့်သောက်တာပါ။

7. Bio Tech တံဆိပ် D3 plus မှာ ဗိုက်တာမင် D3 အပြင် D3 ရဲ့ cofactors တွေပါပါတယ်။Serving size က နှစ်လုံးပါ။ D 3 (5000 iu) ပြည့်ဖို့ ၂ လုံးသောက်ရပါမည်။ သာမန်လူတွေအတွက်ပြသနာမရှိပါ။ ကျောက်ကပ်လုပ်ဆောင်မှု လွန်စွာနည်းသူ နှင့် ဇင့်သောက်ပြီး အန်ချင်သူတွေနဲ့ မတည့်ပါ။

8. Garlum တံဆိပ်နဲ့ ကြက်သွန်ဖြူဆေးကို ကျွန်တော်အမြဲသောက်ပါတယ်။ အန္တရာယ်ပြုမည့် အဆီပိုတွေလျော့ချပေးဖို့ ရည်ရွယ်ပါတယ်။ အစာစားပြီး နာရီဝက်လောက်ငုံပြီး ဝါးစားပါတယ်။ အရသာမကောင်းပါ။

9. Allmeric တံဆိပ်နဲ့ နနွင်းဆေးကို ငုံလို့ရပါတယ်။ ဝက်ခြံ၊ သွားကိုက်ခြင်းအတွက် ကောင်းပါတယ်။

10. Jarrow Magnesium optimizer ကို မနက်စာစားပြီး 1 ကြိမ် & ညစာစားပြီး 1 ကြိမ်သောက်ပါ။

ဒေါက်တာ ဖြိုးမောင်မောင် ( Dr.PHYO MAUNG )

Address

Yangon

Telephone

+959420095937

Website

Alerts

Be the first to know and let us send you an email when Shop With Me posts news and promotions. Your email address will not be used for any other purpose, and you can unsubscribe at any time.

Contact The Practice

Send a message to Shop With Me:

Shortcuts

Share

Category