20/08/2020
ကြက်ဥကို ဘာကြောင့် နေ့စဉ်ပုံမှန်စားသုံးသင့်လဲ🥚🥚
----------------------------------------------------------
နေ့စဉ်လုပ်ငန်းဆောင်တာတွေကို တက်ကြွလန်းဆန်းစွာနဲ့ လုပ်ကိုင်နိုင်ဖို့အတွက် လုံလောက်တဲ့ အာဟာရဓာတ် တွေလိုအပ်ပါတယ်။ အာဟာရပညာရှင်တွေရဲ့ လေ့လာချက်အရ ကြက်ဥကို အထူးအစားအစာအဖြစ် တနေ့ တလုံးပုံမှန်စားသုံးသင့်ကြောင်း အကြံပြုထားပါတယ်။ ကြက်ဥဟာ ခန္ဓာကိုယ်ကျန်းမာရေးအတွက် ကောင်းကျိုး တွေများစွာရှိတာကြောင့် ကြက်ဥကို ဘာကြောင့် နေ့စဉ်ပုံမှန်စားသုံးသင့်လဲ ဆိုတာကို ဖော်ပြပေးလိုက်ပါတယ်။
(၁) ကြက်ဥမှာ ခန္ဓာကိုယ်ခုခံအားစနစ်ကို အထောက်အပံ့ပေးနိုင်တဲ့ Selenium ဓာတ်များစွာ ပါဝင်တာကြောင့် အအေးမိနေတဲ့အချိန်မှာ စားသုံးပေးမယ်ဆိုရင် အအေးမိရောဂါကို သက်သာစေနိုင်ပြီး အအေးမိခြင်းကို ကာကွယ် ပေးနိုင်ပါတယ်။
(၂) ကြက်ဥမှာ ကယ်လိုရီပါဝင်မှုနည်းပါးပေမယ့် ပရိုတင်းဓာတ်ကြွယ်ဝစွာပါဝင်တာကြောင့် ကိုယ်အလေးချိန် လျှော့ ချနေသူတွေအနေနဲ့ မနက်စာအဖြစ် ထည့်သွင်းစားသုံးပေးသင့်ပါတယ်။ Antioxidant ကြွယ်ဝစွာ ပါဝင်တာကြောင့် အရွယ်မတိုင်ခင် အိုမင်းရင့်ရော်ခြင်းကို ကာကွယ်ပေးနိုင်ပါတယ်။
(၃) ကြက်ဥကို နေ့စဉ်ပုံမှန်စားသုံးပေးတဲ့ အမျိုးသမီးတွေနဲ့ မစားသုံးတဲ့အမျိုးသမီးတွေကို နှိုင်းယှဉ်ပြီး သုတေသန ပြု လုပ်တဲ့အခါ စားတဲ့အမျိုးသမီးတွေဟာ မစားတဲ့အမျိုးသမီးတွေထက် ၄၀ ရာခိုင်နှုန်း ရင်သားကင်ဆာဖြစ်နိုင်ခြေ နည်းပါး တယ်လို့ ဆိုပါတယ်။
(၄) ကြက်ဥမှာ ခန္ဓာကိုယ်အတွက် လိုအပ်တဲ့ ဖော့စဖရပ်၊ ဇင့်ဓာတ်နဲ့ သံဓာတ်တွေ ကြွယ်ဝစွာ ပါဝင်တာကြောင့် သွေးအားနည်းရောဂါ ခံစားနေရသူတွေနဲ့ ကိုယ်ဝန်ဆောင်မိခင်တွေ ပုံမှန်စားသုံးပေးသင့်ပါတယ်။
(၅) ကြက်ဥမှာ ပါဝင်တဲ့ ကိုလင်းဓာတ်ဟာ ဦးနှောက်ရဲ့လုပ်ငန်းဆောင်တာတွေကို အထောက်အကူပြုနိုင်တာကြောင့် အာရုံစူးစိုက်မှုအားကောင်းစေပါတယ်။ ပုံမှန်စားသုံးပေးခြင်းအားဖြင့် နှလုံးရောဂါဖြစ်ပွားနှုန်းနဲ့ လေဖြတ်ရောဂါ ဖြစ်နိုင် ခြေတို့ကို လျော့နည်းစေနိုင်ပါတယ်။
