04/09/2026
လည်ပင်းနာတာကို “အိပ်မကောင်းလို့ပါ” ဆိုပြီး မထားလိုက်ပါနဲ့! 😩😥😓
နေ့တိုင်း ဖုန်းကြည့်တာ၊ ကွန်ပျူတာရှေ့မှာ အချိန်ကြာကြာထိုင်တာ၊ လည်ပင်းကို အနေအထားမမှန်ဘဲ အသုံးပြုတာတွေကြောင့် လည်ပင်းနာခြင်း ကို လူအများကြုံတွေ့လာရပါတယ်။
အထူးသဖြင့် အသက်အရွယ်ရလာတဲ့အခါ လည်ပင်းအရိုးနဲ့ Disc တွေမှာ တဖြည်းဖြည်း ပျက်စီးပြောင်းလဲလာပြီး ဖြစ်ပေါ်နိုင်တဲ့အခြေအနေကို Cervical Spondylosis (လည်ပင်းကျီးပေါင်း) လို့ခေါ်ပါတယ်။
🦴 Cervical Spondylosis ဆိုတာဘာလဲ?
လည်ပင်းမှာရှိတဲ့ ကျောရိုးဆစ်တွေ၊ Disc တွေ၊ အဆစ်တွေဟာ အသက်အရွယ်ကြီးလာတာနဲ့အမျှ တဖြည်းဖြည်း wear and tear ဖြစ်လာနိုင်ပါတယ်။
အဲဒီပြောင်းလဲမှုတွေကြောင့် အရိုးအတက် (bone spur) ဖြစ်လာခြင်း သို့မဟုတ် အာရုံကြော/ကျောရိုးကို ဖိအားပေးခြင်းတွေ ဖြစ်နိုင်ပါတယ်။
⚠️ ဘယ်လိုလက္ခဏာတွေ ဖြစ်နိုင်လဲ?
🔹 လည်ပင်းနာခြင်း၊ တင်းကျပ်ခြင်း
🔹 လည်ပင်းလှည့်ရခက်ခြင်း
🔹 ပခုံးနဲ့ ကျောအပေါ်ပိုင်း နာကျင်ခြင်း
🔹 လက်မောင်း၊ လက်ဖျားအထိ နာကျင်ခြင်း/ထုံခြင်း
🔹 လက်အားနည်းခြင်း
🔹 ခေါင်းကိုက်ခြင်း၊ ခေါင်းမူးခြင်း
တချို့လူတွေမှာ X-ray(ဓါတ်မှန်) မှာ Cervical Spondylosis တွေ့ပေမယ့် လက္ခဏာမရှိတာလည်း ဖြစ်နိုင်ပါတယ်။
📱 ဖုန်းကြည့်တာနဲ့ ဆိုင်လား?
ဖုန်းကို အချိန်ကြာကြာ လည်ပင်းငုံ့ပြီး ကြည့်နေခြင်းက လည်ပင်းကြွက်သားနဲ့ အဆစ်တွေကို strain ဖြစ်စေပြီး လည်ပင်းနာခြင်းကို ပိုမိုဆိုးစေနိုင်ပါတယ်။
ဒါပေမယ့် ဖုန်းကြည့်ခြင်းတစ်ခုတည်းက Cervical Spondylosis ရဲ့ တိုက်ရိုက်အကြောင်းရင်းလို့တော့ မသတ်မှတ်သင့်ပါဘူး။
💪 ဘယ်လိုကာကွယ်မလဲ?
✅ ဖုန်းကို မျက်လုံးအမြင့်နီးပါးထားပြီး ကြည့်ပါ
✅ ကွန်ပျူတာသုံးချိန်မှာ ထိုင်ခုံနဲ့ Monitor အနေအထားမှန်အောင်ထားပါ
✅ အချိန်ကြာကြာ တစ်နေရာတည်း မထိုင်ဘဲ အနားယူပြီး လည်ပင်းလှုပ်ရှားပေးပါ
✅ လည်ပင်းနှင့် ပခုံးကြွက်သားများကို သင့်တော်တဲ့ Exercise လုပ်ပါ
✅ အိပ်စက်ရာမှာ လည်ပင်းကို အလွန်ကွေး/ဆန့်စေမယ့် ခေါင်းအုံးမျိုးကို ရှောင်ပါ
✅ လည်ပင်းနာကျင်မှု ပြင်းထန်နေချိန်တွင် ဆရာဝန်ညွှန်ကြားချက်ဖြင့် Cervical Collar (လည်ပင်းထောက်ကော်လာ) ကို ခဏတာ တပ်ဆင်နိုင်ပါတယ်။ သို့သော် မိမိသဘောဖြင့် အချိန်ကြာကြာ တပ်ထားခြင်းကို ရှောင်ကြဉ်ပြီး ဆရာဝန် သို့မဟုတ် Physiotherapist ၏ အကြံပြုချက်ကို လိုက်နာပါ။
🚨 ဒီလက္ခဏာတွေရှိရင် ဆရာဝန်နဲ့ မြန်မြန်ပြပါ
❗ လက် သို့မဟုတ် ခြေထောက် ထုံကျဉ်ခြင်း၊အားနည်းလာခြင်း
❗ လမ်းလျှောက်ရာမှာ ဟန်ချက်မညီခြင်း
❗ လက် ထိန်းချုပ်မှုအားနည်းခြင်း၊ ပစ္စည်းများ မကြာခဏ လွှတ်ကျခြင်း
❗ ဆီး/ဝမ်း ထိန်းချုပ်ရခက်ခြင်း
❗ ပြင်းထန်တဲ့ လည်ပင်းနာကျင်မှုနှင့်အတူ အခြား neurological symptoms (အာရုံကြောဆိုင်ရာ လက္ခဏာများ)ဖြစ်လာခြင်း
ဒီလိုလက္ခဏာတွေက ကျောရိုး (spinal cord) ကို ဖိအားပေးနေတဲ့ Cervical Myelopathy စတဲ့ အခြေအနေတွေ ဖြစ်နိုင်တာကြောင့် မပေါ့ဆသင့်ပါဘူး။
❤️ လည်ပင်းနာတိုင်း Cervical Spondylosis မဟုတ်သလို၊ Cervical Spondylosis ရှိတိုင်း ခွဲစိတ်ဖို့လည်း မလိုပါဘူး။
အများစုမှာ ရောဂါလက္ခဏာနဲ့ အခြေအနေအပေါ်မူတည်ပြီး posture ပြင်ခြင်း၊ exercise/physiotherapy၊ နာကျင်မှုသက်သာစေသော ကုသမှုများ စတာတွေကို အသုံးပြုနိုင်ပါတယ်။
လည်ပင်းနာတာကို အကြာကြီးသည်းခံမနေဘဲ အကြောင်းရင်းကို စစ်ဆေးပြီး မှန်ကန်တဲ့ကုသမှုခံယူပါ။ 🩺
#လည်ပင်းနာခြင်း
#ကျောရိုးကျန်းမာရေး
#ကျန်းမာရေးအသိပညာပေး
