05/08/2026
အကြားအမြင်ရစေရန်ကျင့်စဉ်
ဒီကျင့်စဉ်ကို ပေါက်မြောက်အောင်မြင်အောင် လေ့ကျင့်မယ်ဆိုရင်တော့ အဲဒီလူဟာ ဗေဒင်တွေ ဘာတွေ ဘာမှ တတ်ဆရာမလိုဘူး။ ဘာတွက်နည်း ညာတွက်နည်းတွေ ဘာမှ တွက်တတ် ချက်တတ်ဖို့ မလိုတော့ဘူ။ မျက်လုံးကလေး မှိတ်လိုက်တာနဲ့ အလိုလိုနေရင်း အာရုံထဲမှာ လူတွေရဲ့ အနာဂါတ်ကို ရုပ်ရှင်ကြည့်နေရသလို ပေါ်လာမယ်။ လူတစ်ယောက်က တစ်စုံတစ်ရာလာ မေးမယ်ဆိုရင် မျက်လုံး ကလေးမှိတ်လိုက် အာရုံပြုလိုက်တာနဲ့ အကုန်လုံးသိပြီး ပြောပြနိုင်မယ်။
လူတစ်ယောက်က ရာထူးတက်မတက် လာမေးမယ်ဆိုပါတော့။ အဲဒီလူကို ကိုယ့်ရှေ့မှာ ထိုင်ခိုင်းပြီး မျက်လုံးလေးမှိတ်လိုက်။ ပြီးရင် ရာထူးတက်မလား၊ မတက်ဘူးလား။ အာရုံပြုလိုက်တာနဲ့ ကိုယ့်ရဲ့ အာရုံထဲမှာ ပေါ်လာတယ်။ ကိုယ်က တန်းပြောလိုက်ရုံပဲ။
နောက်တစ်ခု တစ်စုံတစ်ယောက်က ကိစ္စတစ်ခုအတွက် ယတြာလာတောင်းတယ် ဆိုကြပါစို့။ ကိုယ်က သူ့ရဲ့ ကိစ္စအတွက် ယတြာပေးပါလို့ အာရုံပြုပြီး ကြည့်လိုက်တာနဲ့ သူ့ရဲ့ကိစ္စအတွက် ဘာယတြာ ဆောင်ရွက်ရမယ် ဆိုတာ ပေါ်လာမယ်။ ကိုယ်က လုပ်ခိုင်းလိုက်ရုံပဲ။ သူကလည်း ယုံယုံကြည်ကြည်နဲ့ လိုက်လုပ်မယ်ဆိုရင် သေချာပေါက် အောင်မြင်မယ်။
အခု ဒီကျင့်စဉ်အကြောင်း စတင်ပြောပြပါတော့မယ်။
အရင်ဆုံး ဒီကျင့်စဉ်ကို စတင်ကျင့်ဖို့အတွက် ရက်ရွေးချယ်ရမယ်။ ဘယ်နေ့မှာ စပြီး ကျင့်မလဲပေါ့။ အဲဒီရက်ကို သိရဖို့အတွက်ကတော့ ကိုယ့်နာမည်ကို အင်္ဂလိပ် ဂဏန်းဗေဒင်နည်းနဲ့ တွက်ချက်ပြီး စတင်ကျင့်ရမဲ့ ရက်ကို ရှာယူရမယ်။
အဲဒီလို ရှာယူဖို့အတွက် A.B.C.D တွေကို အရင်ဆုံး တန်ဖိုး သတ်မှတ်ထားပြီး မှတ်ထားရမယ်။
A , I , J, Q , Y, X……………. (၁)
B , K , R ………………………. (၂)
C , G . L , S…………………… (၃)
D , M , T ………………………. (၄)
E , H , N……………………….. (၅)
U , V , W…………………….. (၆)
O , Z…………………………….(၇)
F , P…………………………….(၈)
အဲဒါတွေကို အရင်ဆုံး မှတ်မိအောင် မှတ်ထားရမယ်။
ဟုတ်ပြီ။ နောက်တစ်ဆင့် တက်ရအောင်နော်။ အဲဒါတွေ သိပြီဆိုရင် ဘယ်လို တွက်ရမလဲဆိုတော့ ကိုယ့်နာမည် ကို အင်္ဂလိပ်လို ချရေးရမယ်။ ပြီးရင် အင်္ဂလိပ်အက္ခရာတွေကို ဂဏန်းတန်ဖိုးနဲ့ ချရေးပြီး၊တစ်လုံးထဲရအောင် ပေါင်းရမယ်။ ဥပမာ… ထက်အောင်လှိုင် ဆိုပါတော့။ တွက်ကြည့်ရအောင်။
ထက်အောင်လှိုင် = HTET AUNG HLAING
5+4+5+4 = 18
1 + 6 + 5 + 3 = 16
5 + 3+ 1+ 1 + 5+ 3 = 18
18 + 16 + 18 =52 = 7 အဲဒီလို တွက်ကြည့်ရပါမယ်။
နောက်ဆုံး တစ်လုံးထဲ ရတဲ့အထိ တွက်ကြည့်ရမယ်။ တွက်ကြည့်ပြီးပြီဆိုရင် ဂဏန်းနဲ့ သက်ဆိုင်တဲ့ နေ့တွေ ရှိတယ်။ အဲဒါကို တတိယအဆင့်လို့ မှတ်ထားလိုက်ဗျာ။
(၁,၄) ရတဲ့ လူက ……………… တနင်္ဂနွေနေ့။
(၂,၇) ရတဲ့လူက ………………..တနင်္လာနေ့။
(၉) ရတဲ့လူက……………………..အင်္ဂါနေ့။
(၅)ရတဲ့လူက………………………ဗုဒ္ဓဟူးနေ့။
(၃)ရတဲ့လူက…………………….. ကြာသပတေးနေ့။
(၆) ရတဲ့လူက……………………..သောကြာနေ့။
(၈)ရတဲ့လူက……………………..စနေနေ့။ကျင့်ရမယ်။ ဒါကတော့ စကျင့်ရမယ့်နေ့ပဲ။ ရက်ကတော့ လဆန်းရက်ရဲ့ ပထမ ရက်သတ္တပါတ်အတွင်းမှာ ပါဝင်ရမယ်။
ကဲ…ကျင့်စဉ်ကို ဘယ်လိုကျင့်မလဲ… ကိုယ်ရွေးချယ်လို့ ရတဲ့ နေ့ ညဘက် သန်းခေါင်ကျော်ရင် အိမ်အပြင်မှာ ကျင့်ရမယ်။
အမိုး လုံးဝမရှိတဲ့နေရာမှ လေ့ကျင့်ရမယ်။
အနောက်စူးစူးကို မျက်နှာမူပြီး မျက်စိမှိတ်ပြီး ထိုင်ရမယ်။
ထိုင်တာကတော့ တင်ပလ္လင်ခွေချိတ်ပြီး ထိုင်ရင် အကောင်းဆုံးပါပဲ။
ထိုင်နေတဲ့ ပါတ်ဝန်းကျင်မှာ အမွှေးတိုင် ထွန်းထားရမယ်။
ထွန်းရမဲ့ အရေအတွက်ကတော့ မိမိနာမည်နှင့် တွက်ပြီး ရတဲ့ ဂဏန်းအရေအတွက်တိုင်းပဲ ထွန်းပါ။
အဲဒီလို ထိုင်နေရင်း ကြာလာတော့ မျက်စိထဲမှာ မီးရောင်လက်သလိုလို၊ လက်နှိပ် ဓါတ်မီးနဲ့ ထိုးလိုက်သလိုလို ခံစားရမယ်။
ကြက်သီးတွေ ထလာမယ်။ မည်းခနဲ မှောင်ခနဲ အရိပ်ကျလာသလို ဖြစ်လာမယ်။ မကြောက်ပါနဲ့။ နောက် ဘာဆက်လုပ်ရမယ်ဆိုတာ အဲဒီ ကျင့်စဉ်ကို ကျင့်နေရင်းနဲ့ သင်ကြားပြသပေးမယ့် ဆရာတွေ ရောက်လာပါလိမ့်မယ်။
တစ်ယောက်နဲ့ တစ်ယောက်တော့ အောင်မြင်ပေါက်မြောက်တာ မတူပါဘူး။ ဒါပေမဲ့ ရှေးရှေးတုန်းက ဆရာ့ဆရာကြီးတွေ မှာကြားချက်အရတော့ တစ်နေ့ တစ်နာရီလောက် ပုံမှန်လေး လေ့ကျင့်။ ရက်မပျက်ပဲ သေသေချာချာချာ လေ့ကျင့်မယ်ဆိုရင် ရက်ပေါင်း(၆၀) ၂-လအတွင်း ပေါက်မြောက် အောင်မြင်နိုင်ကြောင်းနှင့် စာဖတ်သူများ လက်တွေ့ ကြိုးစားလေ့ကျင့်ပါက ဘဝလမ်းခရီးတွင် အရေးကြုံ သက်လုံကောင်းစေ ဆိုသကဲ့သို့ လိုရာဆန္ဒပြည့်ဝကြပါစေကြောင်း စေတနာကောင်း ရေးသားဖော်ပြလိုက်ရပါသတည်း။
#ဉုံ
