29/05/2026
World Digestive Health Day 🌐✨
World Digestive Health Day ကို နှစ်စဉ် မေလ (၂၉) ရက်နေ့မှာ ကျင်းပကြပါတယ်ရှင်။ အစာခြေလမ်းကြောင်းဆိုင်ရာ မူမမှန်ဖြစ်ခြင်း၊ အစာအိမ်နှင့်အူလမ်းကြောင်းဆိုင်ရာရောဂါများ အကြောင်း သိကောင်းစရာများကို သိရှိနိုင်စေရန် ဖြစ်ပါတယ်ရှင်။
၂၀၀၄ ခုနှစ်မှာ စတင်ကျင်းပခဲ့ကြတာ ဖြစ်ပြီး (၂၀၂၆) ခုနှစ် ဆောင်ပုဒ်မှာ "Chronic Diarrhea: Don't Flush the Signs Away." ဖြစ်ပါတယ်ရှင်။
အဓိက ရည်ရွယ်ချက်မှာ နာတာရှည် ဝမ်းပျက်ဝမ်းလျှောဖြစ်ခြင်းဟာ သမားရိုးကျ ကိစ္စတစ်ခု မဟုတ်ဘဲ အူလမ်းကြောင်းက ပေးနေတဲ့ သတိပေးချက်တစ်ခု ဖြစ်နိုင်တာမို့ အလွယ်တကူ လျစ်လျူမရှုလိုက်ပါနဲ့လို့ တိုက်တွန်းထားတာ ဖြစ်ပါတယ်ရှင်။
လူအများစုက ဝမ်းလျှောပြီဆိုရင် "မနေ့က စားတာ မတည့်လို့နေမှာပါ" ဆိုပြီး ဓာတ်ဆားရည်လေးသောက်၊ ရိုးရိုးဝမ်းပိတ်ဆေးလေးသောက်ပြီး ပြီးစလွယ် နေတတ်ကြပါတယ်ရှင်။ ဒါပေမဲ့ အဲဒီဝမ်းပျက်တာက ရက်သတ္တပတ် (၄) ပတ် (တစ်လ) ထက်ကျော်လွန်ပြီး ခဏခဏ ပြန်ဖြစ်နေပြီဆိုရင်တော့ ဒါဟာ သမားရိုးကျ မဟုတ်တော့ဘဲ နာတာရှည် ဝမ်းပျက်ဝမ်းလျှောရောဂါ (Chronic Diarrhea) အဆင့်ကို ရောက်ရှိနေပြီ ဖြစ်ပါတယ်ရှင်။
🛑 လျစ်လျူမရှုသင့်တဲ့ နောက်ကွယ်က အကြောင်းရင်းများ
နာတာရှည် ဝမ်းပျက်ခြင်းရဲ့ နောက်ကွယ်မှာ အူလမ်းကြောင်းကနေ အရေးတကြီး သတိပေးနေတဲ့ အောက်ပါအခြေခံအကြောင်းရင်းတွေ ရှိနိုင်ပါတယ်ရှင်။
အူလမ်းကြောင်း ရောင်ရမ်းမှု ရောဂါစု - အူမကြီးနဲ့ အစာခြေလမ်းကြောင်း တစ်လျှောက်မှာ အနာဖြစ်ပြီး ရောင်ရမ်းနေတာမျိုး ဖြစ်ပါတယ်ရှင်။
အစားအသောက်များနှင့် မတည့်ခြင်း - နွားနို့၊ နို့ထွက်ပစ္စည်းများ သို့မဟုတ် ဂျုံ တို့နှင့် ခန္ဓာကိုယ်မှ မတည့်ဘဲ အစာမကြေဖြစ်ခြင်း ဖြစ်ပါတယ်ရှင်။
အူလမ်းကြောင်း လှုပ်ရှားမှုမမှန်သည့် ရောဂါ - စိတ်ဖိစီးမှုကြောင့်ဖြစ်စေ၊ အူလမ်းကြောင်း အာရုံကြောကြောင့်ဖြစ်စေ ဝမ်းခဏခဏ ပျက်တတ်ခြင်း ဖြစ်ပါတယ်ရှင်။
နာတာရှည် ပိုးဝင်ခြင်းများ - ကပ်ပါးပိုး သို့မဟုတ် ဘက်တီးရီးယားပိုးများ အူလမ်းကြောင်းထဲမှာ ရေရှည်ခိုအောင်းနေခြင်း ဖြစ်ပါတယ်ရှင်။
အူမကြီးကင်ဆာ၏ ရှေ့ပြေးလက္ခဏာ - အသက်ကြီးပိုင်းတွေမှာ ဝမ်းအကျင့်ပြောင်းလဲပြီး ဝမ်းလျှောလိုက်၊ ဝမ်းချုပ်လိုက်ဖြစ်ခြင်းဟာ အူမကြီးကင်ဆာရဲ့ လက္ခဏာတစ်ခုလည်း ဖြစ်နိုင်ပါတယ်ရှင်။
🚨 ဘယ်လို လက္ခဏာတွေ တွဲလာရင် အမြန်ဆုံး ဆရာဝန်ပြရမလဲ။
ဝမ်းခဏခဏ ပျက်တဲ့အပြင် အောက်ပါ သတိပေးလက္ခဏာတွေပါ တွဲဖြစ်လာရင်တော့ ဆရာဝန်နဲ့ ပြသတိုင်ပင်သင့်ပါပြီရှင်။
၁။ ဝမ်းထဲတွင် သွေး သို့မဟုတ် အကျိအချွဲများ ပါလာခြင်း ဖြစ်ပါတယ်ရှင်။
၂။ ညဘက် အိပ်ပျော်နေစဉ် ဝမ်းလျှောခြင်း ဖြစ်ပါတယ်ရှင်။
၃။ အကြောင်းရင်းမရှိဘဲ ကိုယ်အလေးချိန် သိသိသာသာ ကျဆင်းလာခြင်း ဖြစ်ပါတယ်ရှင်။
၄။ ဖျားခြင်း၊ ချမ်းတုန်ခြင်းနှင့် ဗိုက်အောင့်ဗိုက်နာ ပြင်းထန်စွာ ခံစားရခြင်း ဖြစ်ပါတယ်ရှင်။
အစာခြေလမ်းကြောင်းဟာ ခန္ဓာကိုယ်ရဲ့ ကျန်းမာရေးအတွက် "ဒုတိယဦးနှောက်" လို့ တင်စားရလောက်အောင် အရေးကြီးပါတယ်ရှင်။ “ဝမ်းတစ်လုံးကောင်းရင် ခေါင်းမခဲဘူး” ဆိုတဲ့ မြန်မာစကားပုံလည်း ရှိပါတယ်ရှင်။ နာတာရှည် ဝမ်းပျက်ဝမ်းလျှောဖြစ်တာဟာ ခန္ဓာကိုယ်က ဓာတ်ဆားနဲ့ ရေဓာတ်တွေကို ခမ်းခြောက်စေရုံတင်မကဘဲ အာဟာရချို့တဲ့မှုကိုပါ ဖြစ်စေနိုင်ပါတယ်ရှင်။
ဒါကြောင့် ဒီနှစ် ကမ္ဘာ့အစာခြေလမ်းကြောင်း ကျန်းမာရေးနေ့မှာ မိမိရဲ့ အူလမ်းကြောင်းက ပေးနေတဲ့ သတိပေးလက္ခဏာတွေကို လစ်လျှူမရှုပါနဲ့ရှင်။ ဝမ်းပျက်ဝမ်းလျှော ဝေဒနာတွေကို ရေရှည်ခံစားနေရရင် ဥက္ကလာဆေးရုံမှာ အစာအိမ်နှင့် အူလမ်းကြောင်း အထူးကုဆရာဝန်ကြီးတွေရှိလို့ လာရောက် ပြသဆွေးနွေးပြီး ကုသမှုခံယူဖို့ တိုက်တွန်းနှိုးဆော်အပ်ပါတယ်ရှင်။
#အစာအိမ်နှင့်အူလမ်းကြောင်းကျန်းမာရေး
